जय श्री सीता राम, जय पम्पा विरूपाक्ष, जय किष्किंधा अंजनी पुत्र हनुम ---::----अंजनीगर्भ संभूत कपीन्द्र सचिवोत्तम । रामप्रिय नमस्तुभ्यं हनुमन् रक्ष सर्वदा ॥ Jai hanuman gyan gun saagar Jai kapis tihun lok ujaagar Ram doot atulit bal dhaama Anjani-putra pavan sut naama,     Mahavir vikram bajrangi Kumati nivaar sumati ke sangi Kanchan varan viraaj subesa Kaanan kundal kunchit kesaa Haath vajra aur dhuvaje viraaje Kandhe moonj janehu saaje,     - :: - जय हनुमान ज्ञान गुण सागर जय कपीश तिहु लोक उजागर राम भक्त तुम सबसे बड़े हो राम चन्द्र के हो अति प्यारे   ಜೈ ಹನುಮಾನ್ ಜ್ಞಾನ ಗುಣ ಸಾಗರ್ ಜೈ ಕಪಿಶ್ ತಿಹು ಲೋಕ ಉಜಾಗರ, ರಾಮ ಭಕ್ತ ತುಮ ಸಬಸೆ ಬಡೆ ಹೋ ರಾಮ ಚಂದ್ರ ಕೆ ಹೋ ಅತಿ ಪ್ಯಾರೇ --------::--------జై హనుమాన్ జ్ఞాన గుణ సాగర జై కపిష తిహు లోక ఉజాగర, రామ భక్త తుమ సబసే బడె హో................श्री आंजनॆय अष्टॊत्तर शतनामावली Sri Hanuman Ashtottara Shata Naamavali आञ्जनेयाय नमः। Anjaneyaya Namah। महावीराय नमः। Mahaviraya Namah। हनूमते नमः। Hanumate Namah। मारुतात्मजाय नमः। Marutatmajaya Namah। तत्वज्ञानप्रदाय नमः। Tatvajnanapradaya Namah। सीतादेविमुद्राप्रदायकाय नमः। Sitadevimudrapradayakaya Namah। अशोकवनकाच्छेत्रे नमः। Ashokavanakachchhetre Namah। सर्वमायाविभंजनाय नमः। Sarvamayavibhanjanaya Namah। सर्वबन्धविमोक्त्रे नमः। Sarvabandhavimoktre Namah। रक्षोविध्वंसकारकाय नमः। Rakshovidhwansakarakaya Namah। परविद्या परिहाराय नमः। Paravidya Pariharaya Namah। परशौर्य विनाशनाय नमः। Parashaurya Vinashanaya Namah। परमन्त्र निराकर्त्रे नमः। Paramantra Nirakartre Namah। परयन्त्र प्रभेदकाय नमः। Parayantra Prabhedakaya Namah। सर्वग्रह विनाशिने नमः। Sarvagraha Vinashine Namah। भीमसेन सहायकृथे नमः। Bhimasena Sahayakrithe Namah। सर्वदुखः हराय नमः। Sarvadukha Haraya Namah। सर्वलोकचारिणे नमः। Sarvalokacharine Namah। मनोजवाय नमः। Manojavaya Namah। पारिजात द्रुमूलस्थाय नमः। Parijata Drumulasthaya Namah। सर्वमन्त्र स्वरूपवते नमः। Sarvamantra Swarupavate Namah। सर्वतन्त्र स्वरूपिणे नमः। Sarvatantra Swarupine Namah। सर्वयन्त्रात्मकाय नमः। Sarvayantratmakaya Namah। कपीश्वराय नमः। Kapishwaraya Namah। महाकायाय नमः। Mahakayaya Namah। सर्वरोगहराय नमः। Sarvarogaharaya Namah। प्रभवे नमः। Prabhave Namah। बल सिद्धिकराय नमः। Bala Siddhikaraya Namah। सर्वविद्या सम्पत्तिप्रदायकाय नमः। Sarvavidya Sampattipradayakaya Namah। कपिसेनानायकाय नमः। Kapisenanayakaya Namah। भविष्यथ्चतुराननाय नमः। Bhavishyathchaturananaya Namah। कुमार ब्रह्मचारिणे नमः। Kumara Brahmacharine Namah। रत्नकुण्डल दीप्तिमते नमः। Ratnakundala Diptimate Namah। चञ्चलद्वाल सन्नद्धलम्बमान शिखोज्वलाय नमः। Chanchaladwala Sannaddhalambamana Shikhojwala Namah। गन्धर्व विद्यातत्वज्ञाय नमः। Gandharva Vidyatatvajnaya Namah। महाबल पराक्रमाय नमः। Mahabala Parakramaya Namah। काराग्रह विमोक्त्रे नमः। Karagraha Vimoktre Namah। शृन्खला बन्धमोचकाय नमः। Shrinkhala Bandhamochakaya Namah। सागरोत्तारकाय नमः। Sagarottarakaya Namah। प्राज्ञाय नमः। Prajnaya Namah। रामदूताय नमः। Ramadutaya Namah। प्रतापवते नमः। Pratapavate Namah। वानराय नमः। Vanaraya Namah। केसरीसुताय नमः। Kesarisutaya Namah। सीताशोक निवारकाय नमः। Sitashoka Nivarakaya Namah। अन्जनागर्भ सम्भूताय नमः। Anjanagarbha Sambhutaya Namah। बालार्कसद्रशाननाय नमः। Balarkasadrashananaya Namah। विभीषण प्रियकराय नमः। Vibhishana Priyakaraya Namah। दशग्रीव कुलान्तकाय नमः। Dashagriva Kulantakaya Namah। लक्ष्मणप्राणदात्रे नमः। Lakshmanapranadatre Namah। वज्रकायाय नमः। Vajrakayaya Namah। महाद्युथये नमः। Mahadyuthaye Namah। चिरञ्जीविने नमः। Chiranjivine Namah। रामभक्ताय नमः। Ramabhaktaya Namah। दैत्यकार्य विघातकाय नमः। Daityakarya Vighatakaya Namah। अक्षहन्त्रे नमः। Akshahantre Namah। काञ्चनाभाय नमः। Kanchanabhaya Namah। पञ्चवक्त्राय नमः। Panchavaktraya Namah। महातपसे नमः। Mahatapase Namah। लन्किनी भञ्जनाय नमः। Lankini Bhanjanaya Namah। श्रीमते नमः। Shrimate Namah। सिंहिकाप्राण भञ्जनाय नमः। Simhikaprana Bhanjanaya Namah। गन्धमादन शैलस्थाय नमः। Gandhamadana Shailasthaya Namah। लङ्कापुर विदायकाय नमः। Lankapura Vidayakaya Namah। सुग्रीव सचिवाय नमः। Sugriva Sachivaya Namah। धीराय नमः। Dhiraya Namah। शूराय नमः। Shuraya Namah। दैत्यकुलान्तकाय नमः। Daityakulantakaya Namah। सुरार्चिताय नमः। Surarchitaya Namah। महातेजसे नमः। Mahatejase Namah। रामचूडामणिप्रदायकाय नमः। Ramachudamanipradayakaya Namah। कामरूपिणे नमः। Kamarupine Namah। पिङ्गलाक्षाय नमः। Pingalakshaya Namah। वार्धिमैनाक पूजिताय नमः। Vardhimainaka Pujitaya Namah। कबळीकृत मार्ताण्डमण्डलाय नमः। Kabalikrita Martandamandalaya Namah। विजितेन्द्रियाय नमः। Vijitendriyaya Namah। रामसुग्रीव सन्धात्रे नमः। Ramasugriva Sandhatre Namah। महारावण मर्धनाय नमः। Maharavana Mardhanaya Namah। स्फटिकाभाय नमः। Sphatikabhaya Namah। वागधीशाय नमः। Vagadhishaya Namah। नवव्याकृतपण्डिताय नमः। Navavyakritapanditaya Namah। चतुर्बाहवे नमः। Chaturbahave Namah। दीनबन्धुराय नमः। Dinabandhuraya Namah। मायात्मने नमः। Mayatmane Namah। भक्तवत्सलाय नमः। Bhaktavatsalaya Namah। संजीवननगायार्था नमः। Sanjivananagayartha Namah। सुचये नमः। Suchaye Namah। वाग्मिने नमः। Vagmine Namah। दृढव्रताय नमः। Dridhavrataya Namah। कालनेमि प्रमथनाय नमः। Kalanemi Pramathanaya Namah। हरिमर्कट मर्कटाय नमः। Harimarkata Markataya Namah। दान्ताय नमः। Dantaya Namah। शान्ताय नमः। Shantaya Namah। प्रसन्नात्मने नमः। Prasannatmane Namah। शतकन्टमुदापहर्त्रे नमः। Shatakantamudapahartre Namah। योगिने नमः। Yogine Namah। रामकथा लोलाय नमः। Ramakatha Lolaya Namah। सीतान्वेषण पण्डिताय नमः। Sitanveshana Panditaya Namah। वज्रद्रनुष्टाय नमः। Vajradranushtaya Namah। वज्रनखाय नमः। Vajranakhaya Namah। रुद्र वीर्य समुद्भवाय नमः। Rudra Virya Samudbhavaya Namah। इन्द्रजित्प्रहितामोघब्रह्मास्त्र विनिवारकाय नमः। Indrajitprahitamoghabrahmastra Vinivarakaya Namah। पार्थ ध्वजाग्रसंवासिने नमः। Partha Dhwajagrasamvasine Namah। शरपञ्जर भेदकाय नमः। Sharapanjara Bhedakaya Namah। दशबाहवे नमः। Dashabahave Namah। लोकपूज्याय नमः। Lokapujyaya Namah। जाम्बवत्प्रीतिवर्धनाय नमः। Jambavatpritivardhanaya Namah। सीतासमेत श्रीरामपाद सेवदुरन्धराय नमः। Sitasameta Shriramapada sevadurandharaya Namah।

Sri Hanumad Janmabhoomi Teertha Kshetra Trust (Reg.135 / 2020)

SRI RAMA STOTRAS

SRIRAMA STOTRAS

ādau rāmatapovanādigamanaṃ hatvā mṛgaṃ kāñcanaṃ var pūrvaṃ vaidehīharaṇaṃ jaṭāyumaraṇaṃ sugrīvasambhāṣaṇam . vālīnirdalanaṃ samudrataraṇaṃ laṅkāpurīdāhanaṃ ( var vālīnigrahaṇaṃ) paścādrāvaṇakumbhakarṇahananametaddhi rāmāyaṇam .. var kumbhakarṇakadanaṃ iti ekaśloki rāmāyaṇaṃ (1) sampūrṇam ..
(gāyatrīmantra akṣarāṇāṁ(varṇānāṁ) śrīmad vālmīkirāmāyaṇē pradarśitāḥ) tapassvādhyāyanirataṁ tapasvī vāgvidāṁ varam . nāradaṁ paripapraccha vālmīkirmunipuṅgavam .. bālakāṇḍa 1.01.001.. 1.. sa hatvā rākṣasānsarvān yajñaghnān raghunandanaḥ . r̥ṣibhiḥ pūjitastatra yathēndrō vijayī purā .. bālakāṇḍa 1.030.024.. 2.. viśvāmitraḥ sarāmastu śrutvā janakabhāṣitam . vatsa rāma dhanuḥ paśya iti rāghavamabravīt .. bālakāṇḍa 1.067.012.. 3.. tuṣṭāvāsya tadā vaṁśaṁ praviśya ca viśāmpatēḥ . śayanīyaṁ narēndrasya tadāsādya vyatiṣṭhata .. ayōdhyākāṇḍa 2.015.020.. 4.. vanavāsaṁ hi saṅkhyāya vāsāṁsyābharaṇāni ca . bhartāramanugacchantyai sītāyai śvaśurō dadau .. ayōdhyākāṇḍa 2.040.014.. 5.. rājā satyaṁ ca dharmaśca rājā kulavatāṁ kulam . rājā mātā pitā caiva rājā hitakarō nr̥ṇām .. ayōdhyākāṇḍa 2.067.034.. 6.. nirīkṣya sa muhūrtaṁ tu dadarśa bharatō gurum . uṭajē rāmamāsīnaṁ jaṭāmaṇḍaladhāriṇam .. ayōdhyākāṇḍa 2.099.025.. 7.. yadi buddhiḥ kr̥tā draṣṭumagastyaṁ taṁ mahāmunim . adyaiva gamanē buddhiṁ rōcayasva mahāmatē .. araṇyakāṇḍa 3.011.043.. 8.. bharatasyāryaputrasya śvaśrūṇāṁ mama ca prabhō . mr̥garūpamidaṁ vyaktaṁ vismayaṁ janayiṣyati .. araṇyakāṇḍa 3.043.018.. 9.. gaccha śīghramitō rāma sugrīvaṁ taṁ mahābalam . vayasyaṁ taṁ kuru kṣipramitō gatvā’dya rāghava .. araṇyakāṇḍa 3.072.017.. 10.. dēśakālau bhajasvādya kṣamamāṇaḥ priyāpriyē . sukhaduḥkhasahaḥ kālē sugrīvavaśagō bhava .. kiṣkindhākāṇḍa 4.022.020.. 11.. vanditavyāstataḥ siddhāstapasā vītakalmaṣāḥ . praṣṭavyā cāpi sītāyāḥ pravr̥ttirvinayānvitaiḥ .. kiṣkindhākāṇḍa 4.043.033.. 12.. sa nirjitya purīṁ laṅkāṁ śrēṣṭhāṁ tāṁ kāmarūpiṇīm . vikramēṇa mahātējā hanūmān kapisattamaḥ .. sundarakāṇḍa 5.04.001.. 13.. dhanyā dēvāḥ sagandharvāḥ siddhāśca paramarṣayaḥ . mama paśyanti yē vīraṁ rāmaṁ rājīvalōcanam .. sundarakāṇḍa 5.026.041.. 14.. maṅgalābhimukhī tasya sā tadāsīnmahākapēḥ . upatasthē viśālākṣī prayatā havyavāhanam .. sundarakāṇḍa 5.053.026.. 15.. hitaṁ mahārthaṁ mr̥du hētusaṁhitaṁ vyatītakālāyatisampratikṣamam . niśamya tadvākyamupasthitajvaraḥ prasaṅgavānuttaramētadabravīt .. 6.010.027.. 16.. dharmātmā rakṣasaśrēṣṭhaḥ samprāptō’yaṁ vibhīṣaṇaḥ . laṅkaiśvaryamidaṁ śrīmānśruvaṁ prāpnōtyakaṇṭakam .. yuddhakāṇḍa 6.041.068.. 17.. yō vajrapātāśanisannipātānna cukṣubhē nāpi cacāla rājā . sa rāmabāṇābhihatō bhr̥śārtaścacāla cāpaṁ ca mumōca vīraḥ .. yuddhakāṇḍa 6.059.139.. 18.. yasya vikramamāsādya rākṣasā nidhanaṁ gatāḥ . taṁ manyē rāghavaṁ vīraṁ nārāyaṇamanāmayam .. yuddhakāṇḍa 6.072.011.. 19.. na tē dadr̥śirē rāmaṁ dahantamapivāhinīm . mōhitāḥ paramāstrēṇa gāndharvēṇa mahātmanā .. yuddhakāṇḍa 6.093.026.. 20.. praṇamya dēvatābhyaśca brāhmaṇēbhyaśca maithilī . baddhāñjalipuṭā cēdamuvācāgnisamīpataḥ .. yuddhakāṇḍa 6.116.024.. 21.. calanātparvatasyaiva gaṇā dēvāśca kampitāḥ . cacāla pārvatī cāpi tadāśliṣṭā mahēśvaram .. uttarakāṇḍa 7.016.026.. 22.. dārāḥ putrāḥ puraṁ rāṣṭraṁ bhōgācchādanabhōjanam . sarvamēvāvibhaktaṁ nau bhaviṣyati harīśvara .. uttarakāṇḍa 7.034.041.. 23.. yāmēva rātriṁ śatrughnaḥ parṇaśālāṁ samāviśat . tāmēva rātriṁ sītāpi prasūtā dārakadvayam .. uttarakāṇḍa 7.066.001.. 24.. idaṁ rāmāyaṇaṁ kr̥tsnaṁ gayatrībījasaṁyutam . trisandhyaṁ yaḥ paṭhēnnityaṁ sarvapāpaiḥ pramucyatē .. iti gāyatrīrāmāyaṇaṁ sampūrṇam . The numbers correspond to sarga.adhyAya.shloka. This is referenced from Valmiki Ramayana. There is another one referred to Sankshepa Ramayanam by Vidyaranya in rAmAyaNarahasyam.
(gāyatrīmantra akṣarāṇāṁ(varṇānāṁ) śrīmad vālmīkirāmāyaṇē saṅkśēparāmāyaṇē pradarśitāḥ) śrīmad bālakāṇḍē prathamasargādau - 1-1-1 tapaḥsvādhyāyanirataṁ tapasvī vāgvidāṁ varam . (atra takāraḥ gāyatrī prathamākṣaram- ta) nāradaṁ paripapraccha vālmikirmunipuṅgavam .. 1.. śrīmad bālakāṇḍē triṁśē sargē -1-30-18(19) sa tēna paramāstrēṇa mānavēna samāhataḥ . (atra sakāra gāyatrī dvitīyakṣaraṁ -sa) sampūrṇaṁ yōjanaśataṁ kṣiptaḥ sāgarasamplavē .. 2.. śrīmad bālakāṇḍē triṣaṣṭitamē sargē -1-63-3 -4 viśvāmitrō mahātējā bhūyastēpē mahātapāḥ . (atratr̥tīyākṣaraṁ -vi) tataḥ kālēna mahatā mēnakā paramāpsaraḥ .. 3.. ayōdhyā kāṇḍē caturdaśē sargē -2-14-36 caturaśvō rathaḥ śrīmān nistriṁśō dhanuruttamam . (atracaturthākṣraṁ - tu) vāhanaṁ narasaṁyuktaṁ chatraṁ ca śaśisannibham .. 4.. ayōdhyā kāṇḍē catuścatvāriṁśē sargē- 2-44-5 vartatē cōttamāṁ vr̥ttiṁ lakṣmaṇō’smin sadā’naghaḥ . (atragāyatryā pañcamākṣaraṁ -va) dayāvān sarvabhūtēṣu lābhastasya mahātmanaḥ .. 5.. ayōdhyā kāṇḍē ēkasaptatitamē sargē -2-71-33 dvārēṇa vaijayantēna prāviśacchrāntavāhanaḥ . (atrarē iti ṣaṣṭākṣaraṁ - rē) dvāḥsthairutthāya vijayaṁ pr̥ṣṭastaiḥ sahitō yayau .. 6.. ayōdhyā kāṇḍē ēkōnaśatatamē sargē -2-99-25 uṭajē rāmamāsīnaṁ jaṭāmaṇḍaladhāriṇam . (atraprathamē pādē saptamākṣaraṁ - ṇa) taṁ tu kr̥ṣṇājinadharaṁ cīravalkalavāsasam .. 7.. āraṇya kāṇḍē dvādaśē sargē 3 -12-4 tē vayaṁ vanamatyugraṁ praviṣṭāḥ pitr̥śāsanāt . (atrāṣṭamākṣaraṁ - yaṁ) draṣṭumicchāmahē sarvē bhagavantaṁ nivēdyatām .. 8.. āraṇya kāṇḍē saptacatvāriṁśē sargē 3-47-10 mama bhartā mahātējā vayasā pañcaviṁśakaḥ . (atranavamākṣaraṁ - bha) aṣṭādaśa hi varṣāṇi mama janma na gaṇyatē .. 9.. śrīmatkiṣkindhā kāṇḍē caturthē sargē 4-4-3 tataḥ paramasaṁhr̥ṣṭō hanumān plavagarṣabhaḥ . (atra daśamākṣaraṁ -ga) pratyuvāca tatō vākyaṁ rāmaṁ vākyaviśāradaḥ .. 10.. śrīmatkiṣkindhā kāṇḍē ēkatriṁśē sargē 4-31-1 sakāminaṁ dīnamadīnasattvaṁ śōkābhipannaṁ samudīrṇakōpam . (atra gāyatryā ēkādaśākṣaraṁ - dē) narēndrasūnurnaradēvaputraṁ rāmānujaḥ pūrvajamityuvāca .. 11.. śrīmatsundarakāṇḍē prathamasargādau 5-1-1 tatō rāvaṇanītāyāḥ sītāyāḥ śatrukarśanaḥ . (atragāyatryā dvādaśākṣaraṁ- va) iyēṣa padamanvēṣṭuṁ cāraṇācaritē pathi .. 12.. śrīmatsundarakāṇḍē saptaviṁśē sargē trijaṭāsvapnē 5-27-13 tatastasya nagasyāgrē ākāśasthasya dantinaḥ . (atragāyatryā trayōdaśākṣaraṁ - sya) bhartrā parigr̥hītasya jānakī skandhamāśritā .. 13.. śrīmatsundarakāṇḍē ṣaṭcatvāriṁśē sargē 5-46-10 nāvamānyō bhavadbhiśca harirdhīraparākramaḥ . (atragāyatryā caturdaśākṣaraṁ - dhī) dr̥ṣṭā hi harayaḥ sarvē mayā vipulavikramāḥ .. 14.. śrīmadyuddhakāṇḍē prathamasargādau 6-1-1 śrutvā hanumatō vākyaṁ yathāvadabhibhāṣitam . (atragāyatryā pañcadaśākṣaraṁ -ma) rāmaḥ prītisamāyuktō vākyamuttaramabravīt .. 15.. śrīmadyuddhakāṇḍē aṣṭāviṁśēsargē 6-28-26 -27 rāvaṇaṁ prati śukaḥ rakṣōgaṇaparikṣiptō rājā hyēṣa vibhīṣaṇaḥ . (atragāyatryā ṣōḍaśākṣaraṁ - hi) śrīmatā rājarājēna laṅkāyāmabhiṣēcitaḥ .. 16.. śrīmadyudhdakāṇḍē pañcāśēsargē nāgapāśavimōcanasamayē 6-50-40 tējō vīryaṁ balaṁ cauja utsāhaśca mahāguṇāḥ . (atragāyatryāḥsaptadaśākṣaraṁ -dhī (dhi)) pradarśanaṁ ca buddhiśca smr̥tiśca dviguṇaṁ tayōḥ .. 17.. śrīmadyudhdakāṇḍē aṣṭaṣaṣṭitamēsargē 6-68-1 kumbhakarṇaṁ hataṁ dr̥ṣṭvā rāghavēṇa mahātmanā . (atragāyatryāḥaṣṭādaśākṣaraṁ -ya (yō)) rākṣasā rākṣasēndrāya rāvaṇāya nyavēdayan .. 18.. śrīmadyudhdakāṇḍē ēkāśītitamēsargē 6-81-1 vijñāya tu manastasya rāghavasya mahātmanaḥ . (atragāyatryāḥ ēkōnaviṁśatitamākṣaraṁ- ya) sannivr̥tyāhavāttasmātpravivēśa purīṁ tadā (tataḥ) .. 19.. śrīmad yudhdakāṇḍē dvādaśaśatatamēsargē 6-112-25 (gītāprēs 6-111-100) maraṇāntāni vairāṇi nirvr̥ttaṁ naḥ prayōjanam . (atragāyatryāḥ viṁśatitamākṣaraṁ -naḥ) kriyatāmasya saṁskārō mamāpyēṣa yathā tava .. 20.. uttaraśrīrāmāyaṇē prathamasargādau 7-1-1 prāptarājyasya rāmasya rākṣasānāṁ vadhē kr̥tē . (atragāyatryāḥēkaviṁśākṣaraṁ - pra) ājagmū r̥ṣayaḥ sarvē rāghavaṁ pratinanditum .. 21.. uttaraśrīrāmayaṇē dvāviṁśēsargē 7-22-7(8) tataḥprācōdayatsūtastānhayānnudhiraprabhān . (atra gāyatryāḥ dvāviṁśākṣaraṁ- cō) ??tataH prAchodayatsUtastaanhayAnnuchiraprabhAn? prayayau bhīmasannādō yatra rakṣapatiḥ sthitaḥ .. 22.. uttaraśrīrāmāyaṇē ēkacatvāriṁśādau 7-41-1 visr̥jya ca mahābāhuḥ r̥kṣavānararākṣasān . (atragāyatryāḥ trayōviṁśākṣaraṁ -da) bhrātr̥bhiḥ sahitō rāmaḥ pramumōda sukhaṁ sukhī .. 23.. uttaraśrīrāmāyaṇē ṣaṭsaptatita,ēsargē 7-76-27 -28 brāhmaṇasya ca dharmēṇa tvayā vai jīvitaḥ sutaḥ . (atragāyatryāḥcaturviṁśākṣaraṁ -yā) uṣyatāṁ caiva rajanīṁ sakāśē mama rāghava .. 24.. This Gayatri Ramayana, as proposed by Vidyaranya in the text rAmAyaNarahasyamvidyAraNya, is different than commonly conveyed based on the first letter of the shlokas chosen. In the commentary of rAmAyaNarahasyam, it is mentioned that these verses are in the Sankshepa Ramayanam. The numbers correspond to sarga.adhyAya.shloka.
śuddhabrahmaparātpara rāma . kālātmakaparamēśvara rāma . śēṣatalpasukhanidrita rāma . brahmādyamaraprārthita rāma . caṇḍakiraṇakulamaṇḍana rāma . śrīmaddaśarathanandana rāma . kausalyāsukhavardhana rāma . viśvāmitrapriyadhana rāma . ghōratāṭakāghātaka rāma . mārīcādinipātaka rāma . kauśikamakhasaṁrakṣaka rāma . śrīmadahalyōddhāraka rāma . gautamamunisampūjita rāma . suramunivaragaṇasaṁstuta rāma . nāvikadhāvikamr̥dupada rāma . mithilāpurajanamōhaka rāma . vidēhamānasarañjaka rāma . tryaṁbakakārmukhabhañjaka rāma . sītārpitavaramālika rāma . kr̥tavaivāhikakautuka rāma . bhārgavadarpavināśaka rāma . śrīmadayōdhyāpālaka rāma .. rāma rāma jaya rājā rāma . rāma rāma jaya sītā rāma .. .. ayōdhyākāṇḍaḥ .. agaṇitaguṇagaṇabhūṣita rāma . avanītanayākāmita rāma . rākācandrasamānana rāma . pitr̥vākyāśritakānana rāma . priyaguhavinivēditapada rāma . tatkṣālitanijamr̥dupada rāma . bharadvājamukhānandaka rāma . citrakūṭādrinikētana rāma . daśarathasantatacintita rāma . kaikēyītanayārpita rāma . viracitanijapitr̥karmaka rāma . bharatārpitanijapāduka rāma .. rāma rāma jaya rājā rāma . rāma rāma jaya sītā rāma .. .. araṇyakāṇḍaḥ .. daṇḍakāvanajanapāvana rāma . duṣṭavirādhavināśana rāma . śarabhaṅgasutīkṣṇārcita rāma . agastyānugrahavardita rāma . gr̥dhrādhipasaṁsēvita rāma . pañcavaṭītaṭasusthita rāma . śūrpaṇakhārttividhāyaka rāma . kharadūṣaṇamukhasūdaka rāma . sītāpriyahariṇānuga rāma . mārīcārtikr̥tāśuga rāma . vinaṣṭasītānvēṣaka rāma . gr̥dhrādhipagatidāyaka rāma . śabarīdattaphalāśana rāma . kabandhabāhucchēdana rāma .. rāma rāma jaya rājā rāma . rāma rāma jaya sītā rāma .. .. kiṣkindhākāṇḍaḥ .. hanumatsēvitanijapada rāma . natasugrīvābhīṣṭada rāma . garvitavālisaṁhāraka rāma . vānaradūtaprēṣaka rāma . hitakaralakṣmaṇasaṁyuta rāma . rāma rāma jaya rājā rāma . rāma rāma jaya sītā rāma . .. sundarakāṇḍaḥ .. kapivarasantatasaṁsmr̥ta rāma . tadgativighnadhvaṁsaka rāma . sītāprāṇādhāraka rāma . duṣṭadaśānanadūṣita rāma . śiṣṭahanūmadbhūṣita rāma . sītavēditakākāvana rāma .. kr̥tacūḍāmaṇidarśana rāma . kapivaravacanāśvāsita rāma .. rāma rāma jaya rājā rāma . rāma rāma jaya sītā rāma .. .. yuddhakāṇḍaḥ .. rāvaṇanidhanaprasthita rāma . vānarasainyasamāvr̥ta rāma . śōṣitaśaradīśārttita rāma . vibhīṣṇābhayadāyaka rāma . parvatasētunibandhaka rāma . kumbhakarṇaśiraśchēdana rāma . rākṣasasaṅghavimardhaka rāma . ahimahirāvaṇacāraṇa rāma . saṁhr̥tadaśamukharāvaṇa rāma . vidhibhavamukhasurasaṁstuta rāma . khaḥsthitadaśarathavīkṣita rāma . sītādarśanamōdita rāma . abhiṣiktavibhīṣaṇanuta rāma . puṣpakayānārōhaṇa rāma . bharadvājādiniṣēvaṇa rāma . bharataprāṇapriyakara rāma . sākētapurībhūṣaṇa rāma . sakalasvīyasamānasa rāma . ratnalasatpīṭhāsthita rāma . paṭṭābhiṣēkālaṁkr̥ta rāma . pārthivakulasammānita rāma . vibhīṣaṇārpitaraṅgaka rāma . kīśakulānugrahakara rāma . sakalajīvasaṁrakṣaka rāma . samastalōkōddhāraka rāma .. rāma rāma jaya rājā rāma . rāma rāma jaya sītā rāma .. .. uttarakāṇḍaḥ .. āgata munigaṇa saṁstuta rāma . viśrutadaśakaṇṭhōdbhava rāma . sitāliṅgananirvr̥ta rāma . nītisurakṣitajanapada rāma . vipinatyājitajanakaja rāma . kāritalavaṇāsuravadha rāma . svargatacambuka saṁstuta rāma . svatanayakuśalavanandita rāma . aśvamēdhakratudikṣita rāma . kālāvēditasurapada rāma . āyōdhyakajanamuktita rāma . vidhimukhavibhudānandaka rāma . tējōmayanijarūpaka rāma . saṁsr̥tibandhavimōcaka rāma . dharmasthāpanatatpara rāma . bhaktiparāyaṇamuktida rāma . sarvacarācarapālaka rāma . sarvabhavāmayavāraka rāma . vaikuṇṭhālayasaṁstita rāma . nityanandapadastita rāma .. rāma rāma jaya rājā rāma . rāma rāma jaya sītā rāma ..
śuddhabrahmaparātpara rāma . kālātmakaparamēśvara rāma . śēṣatalpasukhanidrita rāma . brahmādyamaraprārthita rāma . caṇḍakiraṇakulamaṇḍana rāma . śrīmaddaśarathanandana rāma . kausalyāsukhavardhana rāma . viśvāmitrapriyadhana rāma . ghōratāṭakāghātaka rāma . mārīcādinipātaka rāma . kauśikamakhasaṁrakṣaka rāma . śrīmadahalyōddhāraka rāma . gautamamunisampūjita rāma . suramunivaragaṇasaṁstuta rāma . nāvikadhāvikamr̥dupada rāma . mithilāpurajanamōhaka rāma . vidēhamānasarañjaka rāma . tryaṁbakakārmukhabhañjaka rāma . sītārpitavaramālika rāma . kr̥tavaivāhikakautuka rāma . bhārgavadarpavināśaka rāma . śrīmadayōdhyāpālaka rāma .. rāma rāma jaya rājā rāma . rāma rāma jaya sītā rāma .. .. ayōdhyākāṇḍaḥ .. agaṇitaguṇagaṇabhūṣita rāma . avanītanayākāmita rāma . rākācandrasamānana rāma . pitr̥vākyāśritakānana rāma . priyaguhavinivēditapada rāma . tatkṣālitanijamr̥dupada rāma . bharadvājamukhānandaka rāma . citrakūṭādrinikētana rāma . daśarathasantatacintita rāma . kaikēyītanayārpita rāma . viracitanijapitr̥karmaka rāma . bharatārpitanijapāduka rāma .. rāma rāma jaya rājā rāma . rāma rāma jaya sītā rāma .. .. araṇyakāṇḍaḥ .. daṇḍakāvanajanapāvana rāma . duṣṭavirādhavināśana rāma . śarabhaṅgasutīkṣṇārcita rāma . agastyānugrahavardita rāma . gr̥dhrādhipasaṁsēvita rāma . pañcavaṭītaṭasusthita rāma . śūrpaṇakhārttividhāyaka rāma . kharadūṣaṇamukhasūdaka rāma . sītāpriyahariṇānuga rāma . mārīcārtikr̥tāśuga rāma . vinaṣṭasītānvēṣaka rāma . gr̥dhrādhipagatidāyaka rāma . śabarīdattaphalāśana rāma . kabandhabāhucchēdana rāma .. rāma rāma jaya rājā rāma . rāma rāma jaya sītā rāma .. .. kiṣkindhākāṇḍaḥ .. hanumatsēvitanijapada rāma . natasugrīvābhīṣṭada rāma . garvitavālisaṁhāraka rāma . vānaradūtaprēṣaka rāma . hitakaralakṣmaṇasaṁyuta rāma . rāma rāma jaya rājā rāma . rāma rāma jaya sītā rāma . .. sundarakāṇḍaḥ .. kapivarasantatasaṁsmr̥ta rāma . tadgativighnadhvaṁsaka rāma . sītāprāṇādhāraka rāma . duṣṭadaśānanadūṣita rāma . śiṣṭahanūmadbhūṣita rāma . sītavēditakākāvana rāma .. kr̥tacūḍāmaṇidarśana rāma . kapivaravacanāśvāsita rāma .. rāma rāma jaya rājā rāma . rāma rāma jaya sītā rāma .. .. yuddhakāṇḍaḥ .. rāvaṇanidhanaprasthita rāma . vānarasainyasamāvr̥ta rāma . śōṣitaśaradīśārttita rāma . vibhīṣṇābhayadāyaka rāma . parvatasētunibandhaka rāma . kumbhakarṇaśiraśchēdana rāma . rākṣasasaṅghavimardhaka rāma . ahimahirāvaṇacāraṇa rāma . saṁhr̥tadaśamukharāvaṇa rāma . vidhibhavamukhasurasaṁstuta rāma . khaḥsthitadaśarathavīkṣita rāma . sītādarśanamōdita rāma . abhiṣiktavibhīṣaṇanuta rāma . puṣpakayānārōhaṇa rāma . bharadvājādiniṣēvaṇa rāma . bharataprāṇapriyakara rāma . sākētapurībhūṣaṇa rāma . sakalasvīyasamānasa rāma . ratnalasatpīṭhāsthita rāma . paṭṭābhiṣēkālaṁkr̥ta rāma . pārthivakulasammānita rāma . vibhīṣaṇārpitaraṅgaka rāma . kīśakulānugrahakara rāma . sakalajīvasaṁrakṣaka rāma . samastalōkōddhāraka rāma .. rāma rāma jaya rājā rāma . rāma rāma jaya sītā rāma .. .. uttarakāṇḍaḥ .. āgata munigaṇa saṁstuta rāma . viśrutadaśakaṇṭhōdbhava rāma . sitāliṅgananirvr̥ta rāma . nītisurakṣitajanapada rāma . vipinatyājitajanakaja rāma . kāritalavaṇāsuravadha rāma . svargatacambuka saṁstuta rāma . svatanayakuśalavanandita rāma . aśvamēdhakratudikṣita rāma . kālāvēditasurapada rāma . āyōdhyakajanamuktita rāma . vidhimukhavibhudānandaka rāma . tējōmayanijarūpaka rāma . saṁsr̥tibandhavimōcaka rāma . dharmasthāpanatatpara rāma . bhaktiparāyaṇamuktida rāma . sarvacarācarapālaka rāma . sarvabhavāmayavāraka rāma . vaikuṇṭhālayasaṁstita rāma . nityanandapadastita rāma .. rāma rāma jaya rājā rāma . rāma rāma jaya sītā rāma ..
rāghavaṁ karuṇākaraṁ muni-sēvitaṁ sura-vanditaṁ jānakīvadanāravinda-divākaraṁ guṇabhājanam . vālisūnu-hitaiṣiṇaṁ hanumatpriyaṁ kamalēkṣaṇaṁ yātudhāna-bhayaṁkaraṁ praṇamāmi rāghavakuñjaram .. 1.. maithilīkuca-bhūṣaṇāmala-nīlamauktikamīśvaraṁ rāvaṇānujapālanaṁ raghupuṅgavaṁ mama daivatam . nāgarī-vanitānanāṁbuja-bōdhanīya-kalēvaraṁ sūryavaṁśavivardhanaṁ praṇamāmi rāghavakuñjaram .. 2.. hēmakuṇḍala-maṇḍitāmala-kaṇṭhadēśamarindamaṁ śātakuṁbha-mayūranētra-vibhūṣaṇēna-vibhūṣitam . cārunūpura-hāra-kaustubha-karṇabhūṣaṇa-bhūṣitaṁ bhānuvaṁśa-vivardhanaṁ praṇamāmi rāghavakuñjaram .. 3.. daṇḍakākhyavanē ratāmara-siddhayōgi-gaṇāśrayaṁ śiṣṭapālana-tatparaṁ dhr̥tiśālipārtha-kr̥tastutim . kuṁbhakarṇa-bhujābhujaṁgavikartanē suviśāradaṁ lakṣmaṇānujavatsalaṁ praṇamāmi rāghavakuñjaram .. 4.. kētakī-karavīra-jāti-sugandhimālya-suśōbhitaṁ śrīdharaṁ mithilātmajākuca-kuṁkumāruṇa-vakṣasam . dēvadēvamaśēṣabhūta-manōharaṁ jagatāṁ patiṁ dāsabhūtabhayāpahaṁ praṇamāmi rāghavakuñjaram .. 5.. yāgadāna-samādhi-hōma-japādikarmakarairdvijaiḥ vēdapāragatairaharniśamādarēṇa supūjitam . tāṭakāvadhahētumaṁgadatāta-vāli-niṣūdanaṁ paitr̥kōditapālakaṁ praṇamāmi rāghavakuñjaram .. 6.. līlayā kharadūṣaṇādi-niśācarāśu-vināśanaṁ rāvaṇāntakamacyutaṁ hariyūthakōṭi-gaṇāśrayam . nīrajānanamaṁbujāṁghriyugaṁ hariṁ bhuvanāśrayaṁ dēvakārya-vicakṣaṇaṁ praṇamāmi rāghavakuñjaram .. 7.. kauśikēna suśikṣitāstra-kalāpamāyata-lōcanaṁ cāruhāsamanātha-bandhumaśēṣalōka-nivāsinam . vāsavādi-surāri-rāvaṇaśāsanaṁ ca parāṁgatiṁ nīlamēgha-nibhākr̥tiṁ praṇamāmi rāghavakuñjaram .. 8.. rāghavāṣṭakamiṣṭasiddhidamacyutāśraya-sādhakaṁ mukti-bhuktiphalapradaṁ dhana-dhānya-siddhi-vivardhanam . rāmacandra-kr̥pākaṭākṣadamādarēṇa sadā japēt rāmacandra-padāṁbujadvaya-santatārpita-mānasaḥ .. 9.. rāma rāma namō’stu tē jaya rāmabhadra namō’stu tē rāmacandra namō’stu tē jaya rāghavāya namō’stu tē . dēvadēva namō’stu tē jaya dēvarāja namō’stu tē vāsudēva namō’stu tē jaya vīrarāja namō’stu tē .. 10.. .. iti śrīrāghavāṣṭakaṁ saṁpūrṇam ..
āpadāmapahartāraṁ dātāraṁ sarvasampadāṁ lōkābhirāmaṁ śrīrāmaṁ bhūyō bhūyō namāmyaham . namaḥ kōdaṇḍahastāya sandhīkr̥taśarāya ca daṇḍitākhiladaityāya rāmāyāpannivāriṇē .. 1.. āpannajanarakṣaikadīkṣāyāmitatējasē . namō’stu viṣṇavē tubhyaṁ rāmāyāpannivāriṇē .. 2.. padāmbhōjarajasparśapavitramuniyōṣitē . namō’stu sītāpatayē rāmāyāpannivāriṇē .. 3.. dānavēndramahāmattagajapañcāsyarūpiṇē . namō’stu raghunāthāya rāmāyāpannivāriṇē .. 4.. mahijākucasaṁlagnakuṅkumāruṇavakṣasē . namaḥ kalyāṇarūpāya rāmāyāpannivāriṇē .. 5.. padmasambhavabhūtēśamunisaṁstutakīrtayē . namō mārtāṇḍavaṁśyāya rāmāyāpannivāriṇē .. 6.. haratyārtiṁ ca lōkānāṁ yō vā madhuniṣūdanaḥ . namō’stu harayē tubhyaṁ rāmāyāpannivāriṇē .. 7.. tāpakāraṇasaṁsāragajasiṁhasvarūpiṇē . namō vēdāntavēdyāya rāmāyāpannivāriṇē .. 8.. raṅgattaraṅgajaladhigarvahr̥ccharadhāriṇē . namaḥ pratāparūpāya rāmāyāpannivāriṇē .. 9.. dārōpahitacandrāvataṁsadhyātasvamūrtayē . namaḥ satyasvarūpāya rāmāyāpannivāriṇē .. 10.. tārānāyakasaṅkāśavadanāya mahaujasē . namō’stu tāṭakāhantrē rāmāyāpannivāriṇē .. 11.. ramyasānulasaccitrakūṭāśramavihāriṇē . namassaumitrisēvyāya rāmāyāpannivāriṇē .. 12.. sarvadēvāhitāsakta daśānanavināśinē . namō’stu duḥkhadhvaṁsāya rāmāyāpannivāriṇē .. 13.. ratnasānunivāsaika vandyapādāmbujāya ca . namastrailōkyanāthāya rāmāyāpannivāriṇē .. 14.. saṁsārabandha mōkṣaikahētudāmaprakāśinē . namaḥ kaluṣasaṁhartrē rāmāyāpannivāriṇē .. 15.. pavanāśugasaṅkṣiptamārīcādisurārayē . namō makhaparitrātrē rāmāyāpannivāriṇē .. 16.. dāmbhikētarabhaktaughamahānandapradāyinē . namaḥ kamalanētrāya rāmāyāpannivāriṇē .. 17.. lōkatrayōdvēgakarakumbhakarṇaśiraśchidē . namō nīradadēhāya rāmāyāpannivāriṇē .. 18.. kākāsuraikanayanaharallīlāstradhāriṇē . namō bhaktaikavēdyāya rāmāyāpannivāriṇē .. 19.. bhikṣurūpa samākrāntabalisarvaikasampadē . namō vāmanarūpāya rāmāyāpannivāriṇē .. 20.. rājīvanētrasuspandarucirāṅgasurōciṣē . namaḥ kaivalyanidhayē rāmāyāpannivāriṇē .. 21.. mandamārutasaṁvītamandāradrumavāsinē . namaḥ pallavapādāya rāmāyāpannivāriṇē .. 22.. śrīkaṇṭhacāpadalanadhurīṇabalabāhavē . namaḥ sītānuṣaktāya rāmāyāpannivāriṇē .. 23.. rājarājasuhr̥dyōṣārcitamaṅgalamūrtayē . nama ikṣvākuvaṁśyāya rāmāyāpannivāriṇē .. 24.. mañjulādarśaviprēkṣaṇōtsukaikavilāsinē . namaḥ pālitabhakttāya rāmāyāpannivāriṇē .. 25.. bhūribhūdharakōdaṇḍamūrtidhyēyasvarūpiṇē . namō’stu tējōnidhayē rāmāyāpannivāriṇē .. 26.. yōgīndrahr̥tsarōjātamadhupāya mahātmanē . namō rājādhirājāya rāmāyāpannivāriṇē .. 27.. bhūvarāhasvarūpāya namō bhūripradāyinē . namō hiraṇyagarbhāya rāmāyāpannivāriṇē .. 28.. yōṣāñjalivinirmukta lājāñcitavapuṣmatē . namassaundaryanidhayē rāmāyāpannivāriṇē .. 29.. nakhakōṭivinirbhinnadaityādhipativakṣasē . namō nr̥siṁharūpāya rāmāyāpannivāriṇē .. 30.. māyāmānuṣadēhāya vēdōddharaṇahētavē . namō’stu matsyarūpāya rāmāyāpannivāriṇē .. 31.. mitiśūnya mahādivyamahimnē mānitātmanē . namō brahmasvarūpāya rāmāyāpannivāriṇē .. 32.. ahaṅkārētarajanasvāntasaudhavihāriṇē . namō’stu citsvarūpāya rāmāyāpannivāriṇē .. 33.. sītālakṣmaṇasaṁśōbhipārśvāya paramātmanē . namaḥ paṭṭābhiṣiktāya rāmāyāpannivāriṇē .. 34.. āpadāmapahartāraṁ dātāraṁ sarvasampadām . lōkābhirāmaṁ śrīrāmaṁ bhūyō bhūyō namāmyaham .. 35.. phalaśruti imaṁ stavaṁ bhagavataḥ paṭhēdyaḥ prītamānasaḥ . prabhātē vā pradōṣē vā rāmasya paramātmanaḥ .. 1.. sa tu tīrtvā bhavāmbhōdhimāpadassakalā api . rāmasāyujyamāpnōti dēvadēvaprasādataḥ .. 2.. kārāgr̥hādibādhāsu samprāptē bahusaṅkaṭē . apannivārakastōtraṁ paṭhēdyastu yathāvidhi .. 3.. saṁyōjyānuṣṭubhaṁ mantramanuślōkaṁ smaran vibhum . saptāhātsarvabādhābhyō mucyatē nātra saṁśayaḥ .. 4.. dvātriṁśadvārajapataḥ pratyahaṁ tu dr̥ḍhavrataḥ . vaiśākhē bhānumālōkya pratyahaṁ śatasaṅkhyayā .. 5.. dhanavān dhanadaprakhyassa bhavēnnātra saṁśayaḥ . bahunātra kimuktēna yaṁ yaṁ kāmayatē naraḥ .. 6.. taṁ taṁ kāmamavāpnōti stōtrēṇānēna mānavaḥ . yantrapūjāvidhānēna japahōmāditarpaṇaiḥ .. 7.. yastu kurvīta sahasā sarvān kāmānavāpnuyāt . iha lōkē sukhī bhūtvā parē muktō bhaviṣyati .. 8..
śrīmahādēva uvāca - tatō jaganmaṅgalamaṅgalātmanā vidhāya rāmāyaṇakīrtimuttamām . cacāra pūrvācaritaṁ raghūttamō rājarṣivaryairabhisēvitaṁ yathā .. 1.. saumitriṇā pr̥ṣṭa udārabuddhinā rāmaḥ kathāḥ prāha purātanīḥ śubhāḥ . rājñaḥ pramattasya nr̥gasya śāpatō dvijasya tiryaktvamathāha rāghavaḥ .. 2.. kadācidēkānta upasthitaṁ prabhuṁ rāmaṁ ramālālitapādapaṅkajam . saumitrirāsāditaśuddhabhāvanaḥ praṇamya bhaktyā vinayānvitō’bravīt .. 3.. tvaṁ śuddhabōdhō’si hi sarvadēhinā- mātmāsyadhīśō’si nirākr̥tiḥ svayam . pratīyasē jñānadr̥śāṁ mahāmatē pādābjabhr̥ṅgāhitasaṅgasaṅginām .. 4.. ahaṁ prapannō’smi padāmbujaṁ prabhō bhavāpavargaṁ tava yōgibhāvitam . yathāñjasājñānamapāravāridhiṁ sukhaṁ tariṣyāmi tathānuśādhi mām .. 5.. śrutvātha saumitravacō’khilaṁ tadā prāha prapannārtiharaḥ prasannadhīḥ . vijñānamajñānatamaḥpraśāntayē śrutiprapannaṁ kṣitipālabhūṣaṇaḥ .. 6.. śrīrāmacandra uvāca - ādau svavarṇāśramavarṇitāḥ kriyāḥ kr̥tvā samāsāditaśuddhamānasaḥ . samāpya tatpūrvamupāttasādhanaḥ samāśrayētsadgurumātmalabdhayē .. 7.. kriyā śrīrōdbhavahēturādr̥tā priyāpriyau tau bhavataḥ surāgiṇaḥ . dharmētarau tatra punaḥ śarīrakam punaḥ kriyā cakravadīryatē bhavaḥ .. 8.. ajñānamēvāsya hi mūlakāraṇaṁ taddhānamēvātra vidhau vidhīyatē . vidyaiva tannāśavidhau paṭīyasī na karma tajjaṁ savirōdhamīritam .. 9.. nājñānahānirna ca rāgasaṁkṣayō bhavēttataḥ karma sadōṣamudbhavēt . tataḥ punaḥ saṁsr̥tirapyavāritā tasmādbudhō jñānavicāravānbhavēt .. 10.. nanu kriyā vēdamukhēna cōditā tathaiva vidyā puruṣārthasādhanam . kartavyatā prāṇabhr̥taḥ pracōditā vidyāsahāyatvamupaiti sā punaḥ .. 11.. karmākr̥tau dōṣamapi śrutirjagau tasmātsadā kāryamidaṁ mumukṣuṇā . nanu svatantrā dhruvakāryakāriṇī vidya na kiñcinmanasāpyapēkṣatē .. 12.. na satyakāryō’pi hi yadvadadhvaraḥ prakāṅkṣatē’nyānapi kārakādikān . tathaiva vidyā vidhitaḥ prakāśitai- rviśiṣyatē karmabhirēva muktayē .. 13.. kēcidvadantīti vitarkavādina- stadapyasadr̥ṣṭavirōdhakāraṇāt . dēhābhimānādabhivardhatē kriyā vidyā gatāhaṅkr̥titaḥ prasidhdyati .. 14.. viśuddhavijñānavirōcanāñcitā vidyātmavr̥ttiścaramēti bhaṇyatē . udēti karmākhilakārakādibhi- rnihanti vidyākhilakārakādikam .. 15.. tasmāttyajētkāryamaśēṣataḥ sudhī- rvidyāvirōdhānna samuccayō bhavēt .. ātmānusandhānaparāyaṇaḥ sadā nivr̥ttasarvēndriyavr̥ttigōcaraḥ .. 16.. yāvacchārīrādiṣu māyayātmadhī- stāvadvidhēyō vidhivādakarmaṇām . nētīti vākyairakhilaṁ niṣidhya tat jñātvā parātmānamatha tyajētkriyāḥ .. 17.. yadā parātmātmavibhēdabhēdakaṁ vijñānamātmanyavabhāti bhāsvaram . tadaiva māyā pravilīyatē’ñjasā sakārakā kāraṇamātmasaṁsr̥tēḥ .. 18.. śrutipramāṇābhivināśitā ca sā kathaṁ bhaviṣatyapi kāryakāriṇī . vijñānamātrādamalādvitīyata- stasmādavidyā na punarbhaviṣyati .. 19.. yadi sma naṣṭā na punaḥ prasūyatē kartāhamasyēti matiḥ kathaṁ bhavēt . tasmātsvatantrā na kimapyapēkṣatē vidya vimōkṣāya vibhāti kēvalā .. 20.. sā taittirīyaśrutirāha sādaraṁ nyāsaṁ praśastākhilakarmaṇāṁ sphuṭam . ētāvadityāha ca vājināṁ śruti- rjñānaṁ vimōkṣāya na karma sādhanam .. 21.. vidyāsamatvēna tu darśitastvayā kraturna dr̥ṣṭānta udāhr̥taḥ samaḥ . phalaiḥ pr̥thaktvādbahukārakaiḥ kratuḥ saṁsādhyatē jñānamatō viparyayam .. 22.. sapratyavāyō hyahamityanātmadhī- rajñaprasiddhā na tu tattvadarśinaḥ . tasmādbudhaistyājyamavikriyātmabhi- rvidhānataḥ karma vidhiprakāśitam .. 23.. śraddhānvitastattvamasīti vākyatō gurōḥ prasādādapi śuddhamānasaḥ . vijñāya caikātmyamathātmajīvayōḥ sukhī bhavēnmērurivāprakampanaḥ .. 24.. ādau padārthāvagatirhi kāraṇaṁ vākyārthavijñānavidhau vidhānataḥ . tattvampadārthau paramātmajīvakā- vasīti caikātmyamathānayōrbhavēt .. 25.. pratyakparōkṣādi virōdhamātmanō- rvihāya saṅgr̥hya tayōścidātmatām . saṁśōdhitāṁ lakṣaṇayā ca lakṣitāṁ jñātvā svamātmānamathādvayō bhavēt .. 26.. ēkātmakatvājjahatī na sambhavē- ttathājahallakṣaṇatā virōdhataḥ . sō’yampadārthāviva bhāgalakṣaṇā yujyēta tattvampadayōradōṣataḥ .. 27.. rasādipañcīkr̥tabhūtasambhavaṁ bhōgālayaṁ duḥkhasukhādikarmaṇām . śarīramādyantavadādikarmajaṁ māyāmayaṁ sthūlamupādhimātmanaḥ .. 28.. sūkṣmaṁ manōbuddhidaśēndriyairyutaṁ prāṇairapañcīkr̥tabhūtasambhavam . bhōktuḥ sukhādēranusādhanaṁ bhavēt śarīramanyadvidurātmanō budhāḥ .. 29.. anādyanirvācyamapīha kāraṇaṁ māyāpradhānaṁ tu paraṁ śarīrakam . upādhibhēdāttu yataḥ pr̥thaksthitaṁ svātmānamātmanyavadhārayētkramāt .. 30.. kōśēṣvayaṁ tēṣu tu tattadākr̥ti- rvibhāti saṅgātsphatikōpalō yathā . asaṅgarūpō’yamajō yatō’dvayō vijñāyatē’sminparitō vicāritē .. 31.. buddhēstridhā vr̥ttirapīha dr̥śyatē svapnādibhēdēna guṇatrayātmanaḥ . anyōnyatō’sminvyabhicāritō mr̥ṣā nityē parē brahmaṇi kēvalē śivē .. 32.. dēhēndriyaprāṇamanaścidātmanāṁ saṅghādajastraṁ parivartatē dhiyaḥ . vr̥ttistamōmūlatayājñalakṣaṇā yāvadbhavēttāvadasau bhavōdbhavaḥ .. 33.. nētipramāṇēna nirākr̥tākhilō hr̥dā samāsvāditacidghanāmr̥taḥ . tyajēdaśēṣaṁ jagadāttasadrasaṁ pītvā yathāmbhaḥ prajahāti tatphalam .. 34.. kadācidātmā na mr̥tō na jāyatē na kṣīyatē nāpi vivardhatē’navaḥ . nirastasarvātiśayaḥ sukhātmakaḥ svayamprabhaḥ sarvagatō’yamadvayaḥ .. 35.. ēvaṁvidhē jñānamayē sukhātmakē kathaṁ bhavō duḥkhamayaḥ pratīyatē . ajñānatō’dhyāsavaśātprakāśatē jñānē vilīyēta virōdhataḥ kṣaṇāt .. 36.. yadanyadanyatra vibhāvyatē bhramā- dadhyāsamityāhuramuṁ vipaścitaḥ . asarpabhūtē’hivibhāvanaṁ yathā rajjvādikē tadvadapīśvarē jagat .. 37.. vikalpamāyārahitē cidātmakē- ’haṅkāra ēṣa prathamaḥ prakalpitaḥ . adhyāsa ēvātmani sarvakāraṇē nirāmayē brahmaṇi kēvalē parē .. 38.. icchādirāgādi sukhādidharmikāḥ sadā dhiyaḥ saṁsr̥tihētavaḥ parē . yasmātprasuptau tadabhāvataḥ paraḥ sukhasvarūpēṇa vibhāvyatē hi naḥ .. 39.. anādyavidyōdbhavabuddhibimbitō jīvaprakāśō’yamitīryatē citaḥ . ātmādhiyaḥ sākṣitayā pr̥thaksthitō budhdyāparicchinnaparaḥ sa ēva hi .. 40.. cidbimbasākṣyātmadhiyāṁ prasaṅgata- stvēkatra vāsādanalāktalōhavat . anyōnyamadhyāsavaśātpratīyatē jaḍājaḍatvaṁ ca cidātmacētasōḥ .. 41.. gurōḥ sakāśādapi vēdavākyataḥ sañjātavidyānubhavō nirīkṣya tam . svātmānamātmasthamupādhivarjitaṁ tyajēdaśēṣaṁ jaḍamātmagōcaram .. 42.. prakāśarūpō’hamajō’hamadvayō- ’sakr̥dvibhātō’hamatīva nirmalaḥ . viśuddhavijñānaghanō nirāmayaḥ sampūrṇa ānandamayō’hamakriyaḥ .. 43.. sadaiva muktō’hamacintyaśaktimā- natīndriyajñānamavikriyātmakaḥ . anantapārō’hamaharniśaṁ budhai- rvibhāvitō’haṁ hr̥di vēdavādibhiḥ .. 44.. ēvaṁ sadātmānamakhaṇḍitātmanā vicāramāṇasya viśuddhabhāvanā . hanyādavidyāmacirēṇa kārakai rasāyanaṁ yadvadupāsitaṁ rujaḥ .. 45.. vivikta āsīna upāratēndriyō vinirjitātmā vimalāntarāśayaḥ . vibhāvayēdēkamananyasādhanō vijñānadr̥kkēvala ātmasaṁsthitaḥ .. 46.. viśvaṁ yadētatparamātmadarśanaṁ vilāpayēdātmani sarvakāraṇē . pūrṇaścidānandamayō’vatiṣṭhatē na vēda bāhyaṁ na ca kiñcidāntaram .. 47.. pūrvaṁ samādhērakhilaṁ vicintayē- dōṅkāramātraṁ sacarācaraṁ jagat . tadēva vācyaṁ praṇavō hi vācakō vibhāvyatē’jñānavaśānna bōdhataḥ .. 48.. akārasaṁjñaḥ puruṣō hi viśvakō hyukārakastaijasa īryatē kramāt . prājñō makāraḥ paripaṭhyatē’khilaiḥ samādhipūrvaṁ na tu tattvatō bhavēt .. 49.. viśvaṁ tvakāraṁ puruṣaṁ vilāpayē- dukāramadhyē bahudhā vyavasthitam . tatō makārē pravilāpya taijasaṁ dvitīyavarṇaṁ praṇavasya cāntimē .. 50.. makāramapyātmani cidghanē parē vilāpayētprājñamapīha kāraṇam . sō’haṁ paraṁ brahma sadā vimuktima- dvijñānadr̥ṅ mukta upādhitō’malaḥ .. 51.. ēvaṁ sadā jātaparātmabhāvanaḥ svānandatuṣṭaḥ parivismr̥tākhilaḥ . āstē sa nityātmasukhaprakāśakaḥ sākṣādvimuktō’calavārisindhuvat .. 52.. ēvaṁ sadābhyastasamādhiyōginō nivr̥ttasarvēndriyagōcarasya hi . vinirjitāśēṣaripōrahaṁ sadā dr̥śyō bhavēyaṁ jitaṣaḍguṇātmanaḥ .. 53.. dhyātvaivamātmānamaharniśaṁ muni- stiṣṭhētsadā muktasamastabandhanaḥ . prārabdhamaśnannabhimānavarjitō mayyēva sākṣātpravilīyatē tataḥ .. 54.. ādau ca madhyē ca tathaiva cāntatō bhavaṁ viditvā bhayaśōkakāraṇam . hitvā samastaṁ vidhivādacōditaṁ bhajētsvamātmānamathākhilātmanām .. 55.. ātmanyabhēdēna vibhāvayannidaṁ bhavatyabhēdēna mayātmanā tadā . yathā jalaṁ vārinidhau yathā payaḥ kṣīrē viyadvyōmnyanilē yathānilaḥ .. 56.. itthaṁ yadīkṣēta hi lōkasaṁsthitō jaganmr̥ṣaivēti vibhāvayanmuniḥ . nirākr̥tatvācchrutiyuktimānatō yathēndubhēdō diśi digbhramādayaḥ .. 57.. yāvanna paśyēdakhilaṁ madātmakaṁ tāvanmadārādhanatatparō bhavēt . śraddhāluratyūrjitabhaktilakṣaṇō yastasya dr̥śyō’hamaharniśaṁ hr̥di .. 58.. rahasyamētacchrutisārasaṅgrahaṁ mayā viniścitya tavōditaṁ priya . yastvētadālōcayatīha buddhimān sa mucyatē pātakarāśibhiḥ kṣaṇāt .. 59.. bhrātaryadīdaṁ paridr̥śyatē jaga- nmāyaiva sarvaṁ parihr̥tya cētasā . madbhāvanābhāvitaśuddhamānasaḥ sukhī bhavānandamayō nirāmayaḥ .. 60.. yaḥ sēvatē māmaguṇaṁ guṇātparaṁ hr̥dā kadā vā yadi vā guṇātmakam . sō’haṁ svapādāñcitarēṇubhiḥ spr̥śan punāti lōkatritayaṁ yathā raviḥ .. 61.. vijñānamētadakhilaṁ śrutisāramēkaṁ vēdāntavēdacaraṇēna mayaiva gītam . yaḥ śraddhayā paripaṭhēdgurubhaktiyuktō madrūpamēti yadi madvacanēṣu bhaktiḥ .. 62.. .. iti śrīmadadhyātmarāmāyaṇē umāmahēśvarasaṁvādē uttarakāṇḍē pañcamaḥ sargaḥ ..
(śrībharadvājamaharṣipraṇītaḥ) śrīmadrāmaṁ raghūttaṁsaṁ saccidānandalakṣaṇam . bhavantaṁ karuṇāvantaṁ gāyē tvāṁ manasā girā .. 1.. rāmē dūrvādalaśyāmē jānakī kanakōjjvalā . bhāti maddaivatē mēghē vidyullēkhēva bhāsvarā .. 2.. tvadanyaṁ na bhajē rāma niṣkāmō’nyē bhajantu tān . bhaktēbhyō yē purā dēvā āyuḥ kīrtiṁ prajāṁ daduḥ .. 3.. bhajanaṁ pūjanaṁ rāma kariṣyāmi tavāniśam . śriyaṁ nēcchāmi saṁsārādbhayaṁ vindati māmiha .. 4.. śrīrāma jānakījānē bhuvanē bhavanē vanē . svabhaktakulajātānāmasmākaṁ bhavitā bhava .. 5.. rāma rāmēti rāmēti vadantaṁ vikalaṁ bhavān . yamadūtairanukrāntaṁ vatsaṁ gauriva dhāvati .. 6.. svacchandacāriṇaṁ dīnaṁ rāma rāmēti vādinam . bhavānmāmanunimnēna yathā vārīva dhāvati .. 7.. rāma tvaṁ hr̥dayē yēṣāṁ sukhaṁ labhyaṁ vanē’pi taiḥ . maṇḍaṁ ca navanītaṁ ca kṣīraṁ sarpirmadhūdakam .. 8.. prārthayē tvāṁ raghūttaṁsa mā bhūnmama kadācana . sarvatīrthēṣu sarvatra pāpēbhyaśca pratigrahaḥ .. 9.. sarvē madarthaṁ kurutōpakāraṁ śrīrāmamākarṇaya karṇa nityam . mūrdhannamālōkaya nētra jihvē stuhi śrutaṁ gartasadaṁ yuvānam .. 10.. bhavān raghūttaṁsa tu daivataṁ mē yaṁ saccidānandaghanasvarūpam . ēkaṁ paraṁ brahma vadanti nityaṁ vēdāntavijñānasuniścitārthāḥ .. 11.. bhavatkr̥pāpāṅgavilōkitēna vaikuṇṭhavāsaḥ kriyatē janēna . jñātvā bhavantaṁ śaraṇāgatō’smi yasmātparaṁ nāparamasti kiñcit .. 12.. dīnānbhavadbhaktakulaprasūtānbhavatpadārādhanahīnacittān . anāthabandhō karuṇaikasindhō pitēva putrān prati nō juṣasva .. 13.. bhavān bhavavyāghrabhayābhibhūtaṁ jarābhibhūtaṁ saha lakṣmaṇēna . sadaiva māṁ rakṣatu rāghavēśaḥ paścātpurastādadharādudastāt .. 14.. var rakṣa rāghavēśa - rakṣatu rāghavēśaḥ kāmādyapathyēna vivardhamānaṁ rōgaṁ madīyaṁ bhavanāmadhēyam . dūrīkuru tvaṁ yadahaṁ trilōkyāṁ bhiṣaktamaṁ tvāṁ bhiṣajāṁ śr̥ṇōmi .. 15.. śrīrāmacandraḥ sa jayatyajasraṁ laṅkāpurīdrōṇagirau payōdhau . yasya prasādādabhavaddhanūmānaṇōraṇīyānmahatō mahīyān .. 16.. śrīrāma rāmēti raghūttamēti nāmāni jalpēdyadi tasya tatkṣaṇāt . diśō dravantyēva yuyutsavaḥ sadā bhiyaṁ dadhānā hr̥dayēṣu śatravaḥ .. 17.. anādimavyaktamanantamādyaṁ svayaṁ paraṁ jyōtiṣamapramēyam . vilōkayē dāśarathē kadā tvāmādityavarṇaṁ tamasaḥ parastāt .. 18.. śrīrāghava svīyapadāravindē sēvāṁ bhavānnaḥ satataṁ dadātu vayaṁ svajanmāntarasañcitāni yayāti viśvā duritā tarēma .. 19.. bhō citta cētkāmayasē vibhūtiṁ tamēva samprārthaya vīramēkam . raghūttamaṁ śrīramaṇaṁ sadā yaḥ śrīṇāmudārō dharuṇō rayīṇām .. 20.. vandē’ravindēkṣaṇamambudābhamākarṇanētraṁ sukumāragātram . yaṁ jānakī harṣayatī vanē’pi priyaṁ sakhāyaṁ pariṣasvajānā .. 21.. sītājānē naiva jānē tvadanyaṁ tyaktaśrīstrīputrakāmaḥ sadā’ham . tvāṁ smr̥tvā’ntē dēvayānādhirūḍhastattvāyāmi brahmaṇā vandamānaḥ .. 22.. ahaṁ bharadvājamunirnirantaraṁ śrīrāmamēkaṁ jagadēkanāyakam . saṁvarṇayē kāvyarasādivittamaṁ kaviṁ kavīnāmupamaśravastamam .. 23.. paṭhanti stutiṁ yē narā r̥ddhikāmāḥ samr̥ddhiṁ cirāyuṣyamāyuṣyakāmāḥ . labhantē ha nissaṁśayaṁ putrakāmāḥ labhantē ha putrān labhantē ha putrān .. 24.. vēdapādābhidhastōtraṁ snātvā bhaktyā sakr̥nnaraḥ . yaḥ paṭhēdrāghavasyāgrē jīvāti śaradaḥ śatam .. 25.. iti śrībharadvājamaharṣipraṇītaḥ śrīrāmacandravēdapādastavaḥ samāptaḥ .
vandāmahē mahēśānacaṇḍakōdaṇḍakhaṇḍanam . jānakīhr̥dayānandacandanaṁ raghunandanam .. 1.. namō rāmapadāmbhōjaṁ rēṇavō yatra santatam . kurvanti kumudaprītimaraṇyagr̥hamēdhinaḥ .. 2.. svarṇaiṇājinaśayanō yōjitanayanō daśāsyadigbhāgē . muhuravalōkitacāpaḥ kō’pi durāpaḥ sa nīlimā śaraṇam .. 3.. adhipañcavaṭīkuṭīravartisphuṭitēndīvarasundarōrumūrtiḥ . api lakṣmaṇalōcanaikasakhyaṁ bhajata brahma sarōruhāyatākṣam .. 4.. kanakanikaṣabhāsā sītayā’’liṅgitāṅgō navakuvalayadāmaśyāmavarṇābhirāmaḥ . abhinava iva vidyunmaṇḍitō mēghakhaṇḍaḥ śamayatu mama tāpaṁ sarvatō rāmacandraḥ .. 5.. pariṇayavidhau bhaṅktvānaṅgadviṣō dhanuragratō janakasutayā dattāṁ kaṇṭhē srajaṁ hr̥di dhārayan . kusumadhanuṣā pāśēnēva prasahya vaśīkr̥tō ’vanatavadanō rāmaḥ pāyāttrapāvinayānvitaḥ .. 6.. rāmō rājamaṇiḥ sadā vijayatē, rāmaṁ ramēśaṁ bhajē rāmēṇābhihatā niśācaracamūḥ, rāmāya tasmai namaḥ . rāmānnāsti parāyaṇaṁ parataraṁ rāmasya dāsō’smyahaṁ rāmē cittalayaḥ sadā bhavatu mē bhō rāma māmuddhara .. 7.. yō rāmō na jaghāna vakṣasi raṇē taṁ rāvaṇaṁ sāyakaiḥ hr̥dyasya prativāsaraṁ vasati sā tasyā hyahaṁ rāghavaḥ . mayyāstē bhuvanāvalī parivr̥tā dvīpaiḥ samaṁ saptabhiḥ sa śrēyō vidadhātu nastribhuvanatrāṇaikacintāparaḥ .. 8.. rājyaṁ yēna paṭāntalagnatr̥ṇavattyaktaṁ gurōrājñayā pāthēyaṁ parigr̥hya kārmukavaraṁ ghōraṁ vanaṁ prasthitaḥ . svādhīnaḥ śaśimaulicāpaviṣayē prāptō na vai vikriyāṁ pāyādvaḥ sa vibhīṣaṇāgrajanihā rāmābhidhānō hariḥ .. 9.. kāruṇyāmr̥tanīramāśritajanaśrīcātakānandadaṁ śārṅgākhaṇḍalacāpamambujabhavāgnīndrādibarhīṣṭadam . cārusmēramukhōllasajjanakajāsaudāminīśōbhitaṁ śrīrāmāmbudamāśrayē’khilajagatsaṁsāratāpāpaham .. 10.. kūrmō mūlavadālavālavadapāṁrāśirlatāvaddiśō mēghāḥ pallavavatprasūnaphalavannakṣatrasūryēndavaḥ . svāminvyōmataruḥ kramē mama kiyāñchrutvēti gāṁ mārutēḥ sītānvēṣaṇamādiśandiśatu vō rāmaḥ salajjaḥ śriyam .. 11.. ētau dvau daśakaṇṭhakaṇṭhakadalīkāntārakānticchidau vaidēhīkucakumbhakuṅkumarajaḥ sāndrāruṇāṅkāṅkitau . lōkatrāṇavidhānasādhusavanaprārambhayūpau bhujau dēyāstāmuruvikramau raghupatēḥ śrēyāṁsi bhūyāṁsi vaḥ .. 12.. bālakrīḍanaminduśēkharadhanurbhaṅgāvadhi prahvatā tātē kānanasēvanāvadhi kr̥pā sugrīvasakhyāvadhi . ājñā vāridhibandhanāvadhi yaśō laṅkēśanāśāvadhi śrīrāmasya punātu lōkavaśatā jānakyupēkṣāvadhi .. 13.. kalyāṇānāṁ nidhānaṁ kalimalamathanaṁ pāvanaṁ pāvanānāṁ pāthēyaṁ yanmumukṣōḥ sapadi parapadaprāptayē prasthitasya . viśrāmasthānamēkaṁ kavivaravacasāṁ jīvanaṁ sajjanānāṁ bījaṁ dharmadrumasya prabhavatu bhavatāṁ bhūtayē rāmanāma .. 14.. kalyāṇōllāsasīmā kalayatu kuśalaṁ kālamēghābhirāmā kācitsākētadhāmā bhavagahanagatiklāntahāripraṇāmā . saundaryahrīṇakāmā dhr̥tajanakasutāsādarāpāṅgadhāmā dikṣu prakhyātabhūmā diviṣadabhinutā dēvatā rāmanāmā .. 15.. yō’ddhā yōddhāvadhīttānsapadi palabhujaḥ samparāyē parā yē yēnāyēnāśritānāṁ stutiravanamitēśānacāpēna cāpē . laṅkālaṅkārahartā kakubhi kakubhi yaḥ kāntayā sītayā’’sīt ūnō dūnō’tha hr̥ṣṭaḥ sa vibhuravatu vaḥ svaḥsabhāryaḥ sabhāryaḥ .. 16.. r̥kṣāṇāṁ bhūridhāmnāṁ śritamadhipatinā prasphuradbhīmatāraṁ sphāraṁ nētrānalēna prasabhaniyamitōccāpamīnadhvajēna . rāmāyattaṁ purārēḥ kumudaśuci lasannīlasugrīvamaṅgaṁ plāvaṅgaṁ vāpi sainyaṁ daśavadanaśiraśchēdahētu śriyē’stu .. 17.. yastīrthānāmupāstyā galitamalabharaṁ manyatē sma svamēvaṁ nājñāsījjajñirē yanmamacaraṇarajaḥpādapūtānyamūni . pādasparśēna kurvañjhaṭiti vighaṭitagrāvabhāvāmahalyāṁ kausalyāsūnurūnaṁ vyapanayatu sa vaḥ śrēyasā ca śriyā ca .. 18.. dhyāyēdājānubāhuṁ dhr̥taśaradhanuṣaṁ baddhapadmāsanasthaṁ pītaṁ vāsō vasānaṁ navakamalarucā spardhinētraṁ prasannam . vāmāṅkārūḍhasītāmukhakamalamilallōcanaṁ nīradābhaṁ nānālaṅkāradīptaṁ dadhatamurujaṭāmaṇḍalaṁ rāmacandram .. 19.. iti rāmacandrastutiḥ samāptā .
dhyēyaṁ sadā paribhavaghnamabhīṣṭadōhaṁ, tīrthāspadaṁ śivaviriñcinutaṁ śaraṇyam . bhr̥tyārtihaṁ praṇatapālabhavābdhipōtaṁ, vandē mahāpuruṣa tē caraṇāravindam .. 1.. tyaktvā sudustyajasurēpsitarājyalakṣmīṁ dharmiṣṭha āryavacasā yadagādaraṇyaṁ . māyāmr̥gaṁ dayitayēpsitamanvadhāvat vandē mahāpuruṣa tē caraṇāravindam .. 2.. vēdāntavēdyamatiguhyamanantamādyaṁ, tāpatrayānalanivāraṇamādimūlam . vr̥ndāvanasthalavihāravinōdalīlaṁ, vandē mahāpuruṣa tē caraṇāravindam .. 3.. tvamēva mātā ca pitā tvamēva, tvamēva bandhuśca sakhā tvamēva . tvamēva vidyā draviṇaṁ tvamēva, tvamēva sarvaṁ mama dēvadēva .. 4.. śrīrāghavaṁ daśarathātmajamapramēyaṁ, sītāpatiṁ raghukulānvayaratnadīpam . ājānubāhumaravindadalāyatākṣaṁ, rāmaṁ niśācaravināśakaraṁ namāmi .. 5.. vandē vidēhatanayāpadapuṇḍarīkaṁ, yaḥ sauravr̥ṣamāhitayōgacittam . hantuṁ tritāpamaniśaṁ munihaṁsasēvyaṁ, sanmānaśīlaparipītaparāgapuñjam .. 6.. ullaṅghya sindhōssalilaṁ salīlaṁ yaḥ śōka vahniṁ janakātmajāyāḥ . ādāya tēnaiva dadāha laṅkāṁ namāmi taṁ prāñjalirāñjanēyam .. 7.. manōjavaṁ mārutatulyavēgaṁ jitēndriyaṁ buddhimatāṁ variṣṭhaṁ . vātātmajaṁ vānarayūthamukhyaṁ śrīrāmadūtaṁ śaraṇaṁ prapadyē .. 8.. yatra yatra raghunāthakīrtanaṁ tatra tatra kr̥tamastakāñjalim . vāṣpavāriparipūrṇalōcanaṁ mārutiṁ namata rākṣasāntakam .. 9.. prathamō anantarūpaśca dvitīyō lakṣmaṇastathā . tr̥tīyō balarāmaśca kalau rāmānujō muniḥ .. 10.. saṁsāratāpasandagdhaśīlahētuvivarṇitaḥ . rāmadēśikapadāmbhōjachāyāviśrāmamāśrayēt .. 11.. jaya jaya yatirāja phaṇirāja avatāramaṇē . prabalapākhaṇḍamānō vijayī bhava vijayī bhava .. 12.. iti śrīrāmajānakīstutiḥ samāptā ..
śrīrāmadhyānam . hatvā yuddhē daśāsyaṁ tribhuvanaviṣamaṁ vāmahastēna cāpaṁ bhūmau viṣṭabhya tiṣṭhannitarakaradhr̥taṁ bhrāmayanbāṇamēkam . āraktōpāntanētraḥ śaradalitavapuḥ kōṭisūryaprakāśō vīraśrībandhurāṅgastridaśapatinutaḥ pātu māṁ vīrarāmaḥ .. atha śrīrāmadaṇḍakaṁ stōtram . ōṁ śrīrāmaparabrahmāṇē namaḥ . śrīmadakhilāṇḍakōṭibrahmāṇḍabhāṇḍadaṇḍōpadaṇḍakaraṇḍamalāśāntōddīpita- saguṇanirguṇātītasaccidānandaparātparatārakabrahmāhvayadaśadik prakāśaṁ, sakalacarācarādhīśam .. 1.. kamalasambhavaśacīdhavapramukhanikhilavr̥ndārakavr̥ndavandyamānasandīpta- divyacāraṇāravindaṁ, śrīmukundam .. 2.. duṣṭanigrahaśiṣṭaparipālanōtkaṭa kapaṭanāṭakasūtracaritrārañjitabahuvidhāvatāraṁ, śrīraghuvīram .. 3.. kausalyādāśarathamanōrathāmandānandakandalitādhirūḍhakrīḍā- vilōlanaśaiśavaṁ śrīkēśavaṁ .. 4.. viśvāmitrayajñavighnakāraṇōtkaṭatāṭakāsuvāhubāhubalavidalana- bāṇapravīṇakōpaparāyaṇaṁ, śrīmannārāyaṇam .. 5.. nijapādajalajarajaḥ kaṇasparśanīyaśilārūpaśāpavimukta- gautamasatīvinutamahīdhavaṁ, śrīmādhavam! .. 6.. khaṇḍēndudharapracaṇḍakōdaṇḍakhaṇḍanōddaṇḍadarddaṇḍakauśika- lōcanōtsavajanakacakrēśvarasamarpitasītāvivāhōtsavānandaṁ, śrigōvindam .. 7.. paraśurāmabhūjākharvagarvanirvāpaṇapadānugataraṇavijayavartiṣṇuṁ śrīviṣṇum .. 8.. pitr̥vākyaparipālanōtkaṭajaṭāvalkalōdyatasītālakṣmaṇasahita- mahitarājyābhimatadr̥ḍhavratasaṅkalitaprayāṇaraṅgagāṅgāvataraṇasādhanaṁ, śrīmadhusūdanam .. 9.. bharadvājōpacāranivāritaśramakramanirāghāṭacitrakūṭapravēśakakramaṁ, śrītrivikramam .. 10.. janakaviyōgaśōkākulitabharataśatrughnalālanānukūla- bharatapādukāpradānasudhānirmitāntaḥkaraṇaduṣṭacēṣṭāyamāna- krūrakākāsuragarvōpaśamanaṁ, śrīvāmanam .. 11.. daṇḍakāgamanavirōdhakrōdhavirādhānalajvālājaladharaṁ śrīdharam .. 12.. śarabhaṅgasutīkṣṇātridarśanāśīrvādanirvyājakumbhasambhava- kr̥pālabdhamahādivyāstrasamudāyārjitaprakāśaṁ, śrīhr̥ṣīkēśam .. 13.. pañcavaṭītaṭīsaṅghaṭitaviśālaparṇaśālāgataśūrpaṇakhānāsikācchēdana- mānāvabōdhanamahāhavārambhaṇavijr̥mbhaṇarāvaṇaniyōgamāyāmr̥gasaṁhāra- kāryārthalābhaṁ, śrīpadmanābham .. 14.. rātriñcaravaravañcanāpahr̥tasītānvēṣaṇaratapaṅktikantharakṣōbha- śithilīkr̥tapakṣajaṭāyurmōkṣabandhukriyāvasānanirbandhanakabandha- vaktrōdaraśarīranirādaraṁ, śrīmaddāmōdaram .. 15.. śabaryōpadēśapampātaṭahanumatsugrīvasambhāṣita bandhurādvandadundubhi- kalēbarōtpatanasaptasālacchēdanabālividāraṇaprasannayugrīva- sāmrājyasukhamarṣaṇaṁ, śrīsaṅkarṣaṇam .. 16.. sugrīvāṅgadanīlajāmbavatpanasakēsaripramukhanikhilakapināyakasēnā- samudāyārcitasēvaṁ, śrīvāsudēvaṁ .. 17.. nijadattamudrikājāgratsamugrāñjanēyavinayavacanaracanāmbudhi- laṅghitalaṅkiṇīprāṇōllaṅghanajanakajādarśanākṣakumāramāraṇa laṅkāpurīdahanatatpratiṣṭhita- sukhaprasaṅgadhr̥ṣṭadyumnaṁ, śrīpradyumnam .. 18.. agrajōdagramahōgranigrahapalāyamānāpamānanīyanijaśaraṇyāgaṇyapuṇyōdaya- vibhīṣaṇābhayapradānāniruddhaṁ, śrīmadaniruddham .. 19.. apāralavaṇapārāvārasamujjr̥mbhitōtkaraṇagarvanirvāpaṇadīkṣāsamartha- sētunirmāṇapravīṇākhilanarasurōttamaṁ, śrīpuruṣōttamam .. 20.. nistulaprahastakumbhakarṇēndrajitkumbhanikumbhāgnivarṇātikāyamahōdara- mahāpārśvādidanujatanukhaṇḍanāyamānakōdaṇḍaguṇaśravaṇaśōṣaṇahataśēṣa- rākṣasavrajaṁ, śrī adhōkṣajam .. 21.. akuṇṭhitaraṇōpakaṇṭhadaśakaṇṭhadanujakaṇṭhīravakaṇṭhaluṇṭhanāyamānajayārhaṁ, śrinārasiṁham .. 22.. daśagrīvānujapaṭṭabhadratvaśakyavibhavalaṅkāpurīsphuraṇasakalasāmrājya- sukhōrjitaṁ, śrīmadacyutam .. 23.. sakalasurāsurādbhutaprajvalitapāvakamukhapūtāyamānasītālakṣmaṇānugata- mahanīyapuṣpakādhirōhaṇa nandigrāmasthitabhrātr̥bhiryutajaṭāvatkala- visarjanāmbarabhūṣaṇālaṅkr̥taśrēyōvivardhanaṁ, śrījanārddanam .. 24.. ayōdhyānagarapaṭṭābhiṣēkaviśēṣamahōtsavanirantaradigantaviśrāntahārahīra- karpūrapayaḥpārāvārāpārābhavāṇī kundēndumandākinīcandanasuradhēnu- śaradambudālīśaradambhōlī śatadhārādhāvalyaśubhakīrtticchaṭāntara- pāṇḍurībhūtasabhāvibhrājamānanikhilabhuvanaikasāndrayaśassāndraṁ, śrī upēndram .. 25.. bhaktajanasaṁrakṣaṇadīkṣākaṭākṣasukhōdayasamutsāriṁ, śrīharim .. 26.. kēśavādi caturviṁśatināmagarbhasandarbhōcitanija- kathāṅgīkr̥tamēdhāvatiṣṇaṁ, śrīkr̥ṣṇam .. 27.. sarvasuparvapārvatīhr̥dayakamalatārakabrahmanāmaṁ, śrīsampūrṇakāmam .. 28.. bhavataraṇānuyaśassāndraṁ bhavajanitabhayōcchēdavicchātramacchidraṁ bhaktajanamanōrathōnnidraṁ, śrībhadrācalarāmabhadram .. 29.. ōṁ śrīrāmabhadrāyanamaḥ . iti śrīrāmadaṇḍakaṁ samāptam .
(ayaṁ pūjākramaḥ sāmpradāyikaḥ rāmatāpinyupaniṣadanusārī .) brāhmē muhūrtē utthāya śaucadantadhāvanasnānādi nirvartya, pūjādravyāṇi sampādya, dēvagr̥haṁ gatvā pradakṣiṇanamaskārān vidhāya, dēvōdbōdhanārthaṁ ghaṇṭānādaṁ kr̥tvā pr̥thvi tvayēti bhūśuddhiṁ apasarpantu yē bhūtā iti bhūtaśuddhiṁ vidhāya dēvasya ubhayōḥ pārśvayōḥ dīpaṁ saṁsthāpya, kuśādyāsanamabhimantrya uttarābhimukha āsīnaḥ prāṇāyāmādi kr̥tvā svavāmabhāgē kalaśaṁ dakṣiṇabhāgē śaṅghaṁ ca abhyarcya śaṅkhōdakēna dēvaṁ ātmānaṁ ca prōkṣya kalaśē kiñcinnikṣipya tacchēṣaṁ parityaktvā sāvaraṇaṁ dēvaṁ pūjayēt . dvārapūjā - adharabhāgāya namaḥ . ūrdhvabhāgāya namaḥ . pūrvapārśvāya namaḥ . dakṣiṇapārśvāya namaḥ . paścimapārśvāya namaḥ . uttarapāśvāya namaḥ . maṇḍapapūjā - pīṭhamadhyagatakamalāya namaḥ . pītadakṣiṇē - gurubhyō namaḥ . pīṭhē - ādikūrmāya namaḥ . śēṣāya namaḥ . pr̥thivyai namaḥ . kamalāya namaḥ . paritaḥ - gaṁ gaṇapatayē namaḥ . duṁ durgāyai namaḥ . kṣaṁ kṣētrapālakāya namaḥ . saṁ sarasvatyai namaḥ . mūlaprakr̥tyai namaḥ . kṣīrasamudrāya namaḥ . ratnadvīpāya namaḥ . ratnasiṁhāsanāya namaḥ . śvētacchatrāya namaḥ . ratnamaṇḍapāya namaḥ . kalpakavr̥kṣāya nagaḥ . pīḍaśaktipūjā - (aṣṭadikṣu) dharmāya namaḥ . adharmāya namaḥ . jñānāya namaḥ . ajñānāya namaḥ . vairāgyāya namaḥ . avairāgyāya namaḥ . aiśvaryāya namaḥ . anaiśvaryāya namaḥ . arkāya namaḥ . sōmāya namaḥ . agnayē namaḥ . tamasē namaḥ . rajasē namaḥ . sattvāya namaḥ . ātmanē namaḥ . antarātmanē namaḥ . paramātmanē namaḥ . māyātattvāya namaḥ . vidyātattvāya namaḥ . kalātattvāya namaḥ . paraśivatattvāya namaḥ . māyāyai namaḥ . vidyāyai namaḥ . anantāyai namaḥ . padmāyai namaḥ . jñānātmanē namaḥ . vimalāyai namaḥ . utkarṣaṇyai namaḥ . jñānāyai namaḥ . kriyāyai namaḥ . yōgāyai namaḥ . prahvyai namaḥ . satyāyai namaḥ . īśānāyai namaḥ . madhyē anugrahāyai namaḥ . ōṁ namō bhagavatē viṣṇavē vāsudēvāya sarvātmasaṁyōgapīṭhāya (sakalatattvātmaśaktiyuktāya anantāya yaṇēpīṭhāya) namaḥ . daśāvaraṇakramaḥ - pīṭhamadhyē ṣaṭkōṇaṁ tatō’ṣṭadaladvayaṁ dvādaśadalaṁ ṣōḍaśadalaṁ dvātriṁśaddalaṁ paritaḥ vr̥ttatrayaṁ bhūpuradvayaṁ (trayaṁ) ca vilikhya (athavā tāmarajatasvarṇapaṭṭēṣu lēkhayitvā viśōdhya) prāṇapratiṣṭhāṁ kr̥tvā dhyātvā pūjayēt . dhyānaṁ upadiṣṭarāmamantrānusāri . sāmānyataḥ ṣaṭkōṇamadhyē siṁhāsanasthāya dvibhujāya pārśvadvayasthita- dhanurbāṇāya dakṣiṇakaradhr̥tajñānamudrāya hanumadādibhyaḥ tattvavyākhyānaniratāya svavāmāṅkālaṅkārasītāya rājyābhiṣiktāya śrīrāmacandrāya namaḥ . iti (sītālakṣmaṇabharataśatrughna hanumatsamēta śrīrāmacandrāya namaḥ iti vā) dhyātvā āvāhya pādyādyupacārān kr̥tvā āvaraṇapūjāṁ kuryāt . prathamāvaraṇapūjā ṣaṭkōṇēṣu ṣaḍaṅgapūjā- (agnīśānāsuravāyukōṇēṣu madhyē dikṣu ca) ōṁ sāṁ rāṁ hr̥dayāya namaḥ . hr̥dayaśrīpādukāṁ pūjayāmi namaḥ . (madhukṣīrābhyāṁ tarpaṇapakṣē śrīpādukāṁ pūjayāmi tarpayāmi namaḥ itisarvatra .) ōṁ sīṁ rīṁ śirasē svāhā - śiraḥśrīpādukāṁ pūjayāmi namaḥ . ōṁ sūṁ rūṁ śikhāyai vaṣaṭ śikhāśrīpādukāṁ pūjayāmi namaḥ . ōṁ saiṁ raiṁ kavacāya huṁ - kavacaśrīpādukāṁ pūjayāmi namaḥ . ōṁ sauṁ rauṁ nētratrayāya vauṣaṭ - nētratrayaśrīpādukāṁ pūjayāmi namaḥ . ōṁ saḥ raḥ astrāya phaṭ - astraśrīpādukāṁ pūjayāmi namaḥ . ōṁ rāṁ rāmāya namaḥ śrīrāmapādukāṁ pūjayāmi (triḥ) abhīṣṭasiddhiṁ mē dēhi śaraṇāgatavatsala . bhaktyā samarpayē tubhyaṁ prathamāvaraṇārcanam . ityañjalinā praṇamya puṣpāñjaliṁ dadyāt . dvitīyāvaraṇapūjā - dvitīyāvaraṇē prathamē’ṣṭadalē - mūlēṣu - āgnēyyādikramēṇa (ōṁ rāṁ rāmāya namaḥ iti mūlaṁ - 6 - sarvatra) 6. ōṁ ātmanē namaḥ . ātmaśrīpādukāṁ pūjayāmi namaḥ . 6. ōṁ aṁ antarātmanē namaḥ . antarātmaśrī... - 6. ōṁ paṁ paramātmanē namaḥ . paramātmaśrī... -. 6. ōṁ jñāṁ jñānātmanē namaḥ . jñānātmaśrī... -. (pūrvadikkramēṇa -) 6. ōṁ niṁ nivr̥ttyai namaḥ . nivr̥ttiśrī... - . 6. ōṁ praṁ pratiṣṭhāyai namaḥ . pratiṣṭhāśrī... - 6. ōṁ viṁ vidyāyai namaḥ . vidyāśrī.... 6. ōṁ śrīṁ śriyai namaḥ . śrīśrī.... ōṁ rāṁ rāmāya namaḥ . śrīrāmaśrī.... (ēvaṁ triḥ) abhīṣṭasiddhiṁ mē dēhi śaraṇāgatavatsala . bhaktyā samarpayē tubhyaṁ dvitīyāvaraṇārcanam .. ityañjalinā praṇamya puṣpāñjaliṁ dadyāt . tr̥tīyāvaraṇapūjā- prathamē’ṣṭadalē dalāgrēṣu (āgnēyyādikramēṇa) 6. ōṁ vāṁ vāsudēvāya namaḥ . vāsudēvaśrī.... -. 6. ōṁ saṁsaṅkarṣaṇāya namaḥ . saṅkarṣaṇaśrī.... -. 6. ōṁ praṁ pradyumnāya namaḥ .. pradyumnaśrī... -. 6. ōṁ aṁ aniruddhāya namaḥ . aniruddhaśrī... - (pūrvādikramēṇa) 6. ōṁ śrīṁ śriyaṁ pūjayāmi . śrīśrīpādukā....-. 6. ōṁ kīṁ kīrtiṁ pūjayāmi . kīrtiśrī..... 6. ōṁ puṁ puṣṭiṁ pūjayāmi . puṣṭiśrī.... -. 6. ōṁ raṁ ratiṁ pūjayāmi . ratiśrī.... -. ōṁ rāṁ rāmāya namaḥ . śrīrāmaśrī... -. (ēvatriḥ) abhīṣṭasiddhiṁ mē dēhi śaraṇāgatavatsala . bhaktyā samarpayē tubhyaṁ tr̥tīyāvaraṇārcanam . ityañjalinā praṇamya puṣpāñjaliṁ dadyāt .. caturthāvaraṇapūjā - (dvitīyāṣṭadalamūlēṣu pūrvādikramēṇa) 6. ōṁ āñjanēyāya namaḥ . āñjanēyaśrī.... -. 6. ōṁ susugrīvāya namaḥ . sugrīvaśrī... -. 6. ōṁ bhaṁ bharatāya namaḥ . bharataśrī... -. 6. ōṁ viṁ vibhīṣaṇāya namaḥ . vibhīṣaṇaśrī.... -. 6. ōṁ laṁ lakṣmaṇāya namaḥ . lakṣmaṇaśrī... -. 6. ōṁ aṁaṅgadāya namaḥ . aṅgadaśrī.... -. 6. ōṁ śaṁ śatrughnāya namaḥ . śatrughnaśrī... -. 6. ōṁ jāṁ jāmbavatē namaḥ . jāmbavat śrī.... -. ōṁ rāṁ rāmāya namaḥ . śrīrāmaśrī... -. (ēvaṁ triḥ). abhīṣṭasiddhiṁ mē dēhi śaraṇāgatavatsala . bhaktyā samarpayē tubhyaṁ turīyāvaraṇārcanam .. iti bhaktyā añjalinā praṇamya puṣpāñjaliṁ dadyāt . pañcamāvaraṇapūjā - dvitīyāṣṭadalāgrē pūrvādikramēṇa . 6. ōṁ dhr̥ṁ dhr̥ṣṭayē namaḥ . dhr̥ṣṭiśrī.... -. 6. ōṁ jaṁ jayantāya namaḥ . jayantaśrī ... -. 6. ōṁ viṁ vijayāya namaḥ . vijayaśrī..... -. 6. ōṁ suṁ surāṣṭrāya namaḥ . surāṣṭraśrī.... -. 6. ōṁ rāṁ rāṣṭravardhanāya namaḥ . rāṣṭravardhanaśrī... -. 6. ōṁ aṁ aśōkāya namaḥ . aśōkaśrī.... -. 6. ōṁ dhaṁ dharmapālāya namaḥ . dharmapālaśrī.... -. 6. ōṁ suṁ sumannnāya namaḥ . sumantraśrī.... -. ōṁ rāṁ rāmāya namaḥ . śrīrāmaśrī...-. ēvaṁ triḥ . abhīṣṭasiddhiṁ mē dēhi śaraṇāgatavatsala . bhaktyā samarpayē tubhyaṁ pañcamāvaraṇārcanam .. iti bhaktyā añjalinā praṇamya puṣpāñjaliṁ dadyāt . ṣaṣṭhāvaraṇapūjā - dvādaśadalēṣurkṣvādikramēṇa- 6. ōṁ vaṁ vasiṣṭhāya namaḥ . vasiṣṭhaśrī...-. 6. ōṁ vāṁ vāmadēvāya namaḥ . vāmadēvaśrī.... -. 6. ōṁ jāṁ jābālayē namaḥ . jābāliśrī... -. 6. ōṁ gauṁ gautamāya namaḥ . gautamaśrī....-. 6. ōṁ bhaṁ bharadvājāya namaḥ . bharadvājaśrī.... -. 6. ōṁ viṁ viśvāmitrāya namaḥ . viśvāmitraśrī....-. 6. ōṁ vāṁ vālmīkayē namaḥ . vālmīkiśrī.... -. 6. ōṁ nāṁ nāradāya namaḥ . nāradaśrī.... -. 6. ōṁ saṁ sanakāya namaḥ . sanakaśrī....-. 6. ōṁ saṁ sanandanāya namaḥ . sanandanaśrī... -. 6. ōṁ saṁ sanātanāya namaḥ . sanātanaśrī... -. 6. ōṁ saṁ sanatkumārāya namaḥ . sanatkumāraśrī... -. ōṁ rāṁ rāmāya namaḥ . śrīrāmaśrī.... -. ēvaṁ triḥ . abhīṣṭasiddhiṁ mē dēhi śaraṇāgatavatsala . bhaktyā samarpayē tubhyaṁ ṣaṣṭhamāvaraṇārcanam .. iti bhaktyā añjalinā praṇamya puṣpāñjaliṁ dadyāt . saptamāvaraṇapūjā - (ṣōḍaśadalēṣu) 6. ōṁ nīṁ nīlāya namaḥ . nīlaśrī...-. 6. ōṁ naṁ nalāya namaḥ . nalaśrī... -. 6. ōṁ susuṣēṇāya namaḥ . suṣēṇaśrī.... -. 6. ōṁ mēmaindāya namaḥ . maindaśrī...-. 6. ōṁ dviṁ dvividāya namaḥ dvividaśrī...-. 6. ōṁ śaṁ śarabhāya namaḥ . śarabhaśrī -. 6. ōṁ gaṁ gandhamādanāya namaḥ . gandhamādanaśrī... -. 6. ōṁ gaṁ gavākṣāya namaḥ . gavākṣaśrī... -. 6. ōṁ kuṁ kuṇḍalāya namaḥ . kuṇḍalaśrī... -. 6. ōṁ śrīṁ śrīvatsāya namaḥ . śrīvatsaśrī... -. 6. ōṁ kauṁ kaustubhāya namaḥ . kaustubhaśrī... -. 6. ōṁ śaṁ śaṅkhāya namaḥ . śaṅkhaśrī... -. 6. ōṁ caṁ cakrāya namaḥ . cakraśnī... -. 6. ōṁ gaṁ gaṅgadāyai namaḥ . gaṅgadāśrī... -. 6. ōṁ paṁ padmāya namaḥ . padmaśrī... -. ōṁ rāṁ rāmāya namaḥ . śrīrāmaśrī... -. ēvaṁ triḥ . abhīṣṭasiddhiṁ mē dēhi śaraṇāgatavatsala . bhaktyā samarpayē tubhyaṁ saptamāvaraṇārcanam .. ityañjalināpraṇamya puṣpāñjaliṁ dadyāt . aṣṭamāvaraṇapūjā - dvātriṁśaddalēṣu - prācyādikramēṇa -. 6. ōṁ dhuṁ dhruvāya namaḥ . dhuvaśrī.... -. 6. ōṁ sōṁ sōmāya namaḥ . sōmaśrī.... -. 6. ōṁ aṁ adbhyō namaḥ . ap śrī.... -. 6. ōṁ āhnē namaḥ . ahaḥśrī... -. 6. ōṁ aṁ anilāya namaḥ . anilaśrī... -. 6. ōṁ aṁ analāya namaḥ . analaśrī... -. 6. ōṁ praṁ pratyūṣāya namaḥ . pratyūṣaśrī... -. 6. ōṁ praṁ prabhāsāya namaḥ . prabhāsaśrī... -. 6. ōṁ vīṁ vīrabhadrāya namaḥ . vīrabhadraśrī... -. 6. ōṁ śaṁ śambhavē namaḥ . śabhuśrī... -. 6. ōṁ giṁ girīśāya namaḥ . garīśaśrī... -. 6. ōṁ aṁ ajāyaikapadē namaḥ . ajaikapācchrī... -. 6. ōṁ aṁ ahayē budhnyāyāya namaḥ . ahirbudhnyaśrī...-. 6. ōṁ piṁ pinākinē namaḥ . pinākiśrī... -. 6. ōṁ bhuṁ bhuvanēśāya namaḥ . bhuvanēśaśrī...-. 6. ōṁ kaṁ kapālinē namaḥ . kapāliśrī... -. 6. ōṁ diṁ dikpatayē namaḥ . dikpatiśrī... -. 6. ōṁ sthāṁ sthāṇavē namaḥ . sthāṇuśrī...-. 6. ōṁ bhaṁ bhargāya namaḥ . bhargaśrī...-. 6. ōṁ vaṁ varuṇāya namaḥ . varuṇaśrī...-. 6. ōṁ sūryāya namaḥ . sūryaśrī... -. 6. ōṁ vēṁ vēdāṅgāya namaḥ . vēdāṅgaśrī...-. 6. ōṁ bhāṁ bhānavē namaḥ . bhānuśrī...-. 6. ōṁ iṁ indrāya namaḥ . indraśrī... -. 6. ōṁ kaṁ kavayē namaḥ . kaviśrī... -. 6. ōṁ gaṁ gabhastayē namaḥ . gabhastiśrī...-. 6. ōṁ maṁ mayāya namaḥ . mayaśrī...-. 6. ōṁ hiṁ hiraṇyarētasē namaḥ . hiraṇyarētaḥśrī... -. 6. ōṁ diṁ divākarāya namaḥ . divākaraśrī... -. 6. ōṁ miṁ mitrāya namaḥ . mitraśrī... -. 6. ōṁ viṁ viṣṇavē namaḥ . viṣṇuśrī... -. 6. ōṁ dhāṁ dhātrē namaḥ . dhātr̥śrī... -. 6. ōṁ rāṁ rāmāya namaḥ . śrīrāmaśrī -. ēvaṁ triḥ . abhīṣṭasiddhiṁ mē dēhi śaraṇāgatavatsala . bhaktyā samarpayē tubhyaṁ aṣṭamāvaraṇārcanam .. iti bhaktyā añjalinā praṇamya puṣpāñjaliṁ dadyāt .. navamāvaraṇapūjā- bhūpurāntaḥ - pūrvādikramēṇa aṣṭasu dikṣu - 6. ōṁ iṁ indrāya namaḥ . indraśrī... -. 6. ōṁ aṁ agnayē namaḥ . agniśrī... -. 6. ōṁ yaṁ yamāya namaḥ . yamaśrī... -. 6. ōṁ niṁ nirr̥tayē namaḥ . nirr̥tiśrī... -. 6. ōṁ varuṇāya namaḥ . varuṇaśrī... -. 6. ōṁ vāṁ vāyavē namaḥ . vāyuśrī... -. 6. ōṁ kuṁ kubērāya (sōṁ sōmāya) namaḥ . kubēraśrī... - (sōmaśrī...) -. 6. ōṁ īṁ īśānāya namaḥ . īśānaśrī... -. 6. ōṁ braṁ brahmaṇē namaḥ . brahmaśrī... - (īśānarkṣadiśōrmadhyē) -. 6. ōṁ aṁ anantāya namaḥ . anantaśrī... - (nirr̥tipaścimayōrmadhyē). ōṁ rāṁ rāmāya namaḥ . śrīrāmaśrī... -. abhīṣṭasiddhiṁ mē dēhi śaraṇāgatavatsala . bhaktyā samarpayē tubhyaṁ navamāvaraṇārcanam .. iti bhaktyā añjalinā praṇamya puṣpāñjaliṁ samarpayēt . daśamāvaraṇapūjā - bhūpurādbahiḥ - (pūrvavaddaśasu dikṣu) 6. ōṁ vaṁ vajrāya namaḥ . vajraśrī... -. 6. ōṁ śaṁ śaktyai namaḥ . śaktiśrī... -. 6. ōṁ daṁ daṇḍāya namaḥ . daṇḍaśrī... -. 6. ōṁ khaṁ khaḍgāya namaḥ . khaḍgaśrī... -. 6. ōṁ pāṁ pāśāya namaḥ . pāśaśrī... -. 6. ōṁ aṁ aṅkuśāya namaḥ . aṅkuśaśrī... -. 6. ōṁ gaṁ gadāyai namaḥ . gadāśrī..-. 6. ōṁ śaṁ śūlāya namaḥ . śūlaśrī... -. 6. ōṁ paṁ padmāya namaḥ . padmaśrī.... -. 6. ōṁ caṁ cakrāya namaḥ . cakraśrī... -. ōṁ rāṁ rāmāya namaḥ . śrīrāmaśrī -. ēvaṁ triḥ . abhīṣṭasiddhiṁ mē dēhi śaraṇāgatavatsala . bhaktyā samarpayē tubhyaṁ daśamāvaraṇārcanam .. iti bhaktyā añjalinā praṇamya puṣpāñjaliṁ samarpayēt . anēna daśāvaraṇārcanēna bhagavān sarvāvaraṇadēvatātmakaḥ sītālakṣmaṇa- bharataśatrughnahanumadādiparivr̥taḥ śrīrāmaḥ prīyatām .. śrīrāmacandrārpaṇamastu . (śrīrāmanavāvaraṇapūjāyāṁ ayaṁ viśēṣaḥ prathamā ṣaḍaṅgapūjā āvaraṇapūjātvēna na gaṇyatē . dvitīyāvaraṇapūjā prathamā bhavati .) iti śrīrāmadaśāvaraṇapūjā samāptā .
śrīgaṇēśāya namaḥ . .. śrīḥ .. atha saṅkṣēparāmāyaṇam . tapaḥsvādhyāyanirataṁ tapasvī vāgvidāṁ varam . nāradaṁ paripapraccha vālmīkirmunipuṅgavam .. 1.. kō nvasminsāmprataṁ lōkē guṇavānkaśca vīryavān . dharmajñaśca kr̥tajñaśca satyavākyō dr̥ḍhavrataḥ .. 2.. cāritrēṇa ca kō yuktaḥ sarvabhūtēṣu kō hitaḥ . vidvān kaḥ kaḥ samarthaśca kaścaikapriyadarśanaḥ .. 3.. ātmavānkō jitakrōdhō dyutimānkō’nasūyakaḥ . kasya bibhyati dēvāśca jātarōṣasya saṁyugē .. 4.. ētadicchāmyahaṁ śrōtuṁ paraṁ kautūhalaṁ hi mē . maharṣē tvaṁ samarthō’si jñātumēvaṁvidhaṁ naram .. 5.. śrutvā caitattrilōkajñō vālmīkērnāradō vacaḥ . śrūyatāmiti cāmantrya prahr̥ṣṭō vākyamabravīt .. 6.. bahavō durlabhāścaiva yē tvayā kīrtitā guṇāḥ . munē vakṣyāmyahaṁ buddhā tairyuktaḥ śrūyatāṁ naraḥ .. 7.. ikṣvākuvaṁśaprabhavō rāmō nāma janaiḥ śrutaḥ . niyatātmā mahāvīryō dyutimāndhr̥timānvaśī .. 8.. buddhimānnītimān vāgmī śrīmāñchatrunibarhaṇaḥ . vipulāṁsō mahābāhuḥ kambugrīvō mahāhanuḥ .. 9.. mahōraskō mahēṣvāsō gūḍhajatrurarindamaḥ . ājānubāhuḥ suśirāḥ sulalāṭaḥ suvikramaḥ .. 10.. samaḥ samavibhaktāṅgaḥ snigdhavarṇaḥ pratāpavān . pīnavakṣā viśālākṣō lakṣmīvāñchubhalakṣaṇaḥ .. 11.. dharmajñaḥ satyasandhaśca prajānāṁ ca hitē rataḥ . yaśasvī jñānasampannaḥ śucirvaśyaḥ samādhimān .. 12.. prajāpatisamaḥ śrīmān dhātā ripuniṣūdanaḥ . rakṣitā jīvalōkasya dharmasya parirakṣitā .. 13.. rakṣitā svasya dharmasya svajanasya ca rakṣitā . vēdavēdāṅgatattvajñō dhanurvēdē ca niṣṭhitaḥ .. 14.. sarvaśāstrārthatattvajñaḥ smr̥timānpratibhānavān . sarvalōkapriyaḥ sādhuradīnātmā vicakṣaṇaḥ .. 15.. sarvadā’bhigataḥ sadbhiḥ samudra iva sindhubhiḥ . āryaḥ sarvasamaścaiva sadaiva priyadarśanaḥ .. 16.. sa ca sarvaguṇōpētaḥ kausalyānandavardhanaḥ . samudra iva gāmbhīryē dhairyēṇa himavāniva .. 17.. viṣṇunā sadr̥śō vīryē sōmavatpriyadarśanaḥ . kālāgnisadr̥śaḥ krōdhē kṣamayā pr̥thivīsamaḥ .. 18.. dhanadēna samastyāgē satyē dharma ivāparaḥ . tamēvaṅguṇasampannaṁ rāmaṁ satyaparākramam .. 19.. jyēṣṭhaṁ śrēṣṭhaguṇairyuktaṁ priyaṁ daśarathaḥ sutam . prakr̥tīnāṁ hitairyuktaṁ prakr̥tipriyakāmyayā .. 20.. yauvarājyēna saṁyōktumaicchatprītyā mahīpatiḥ . tasyābhiṣēkasambhārān dr̥ṣṭvā bhāryā’tha kaikayī .. 21.. pūrvaṁ dattavarā dēvī varamēnamayācata . vivāsanaṁ ca rāmasya bharatasyābhiṣēcanam .. 22.. sa satyavacanādrājā dharmapāśēna saṁyataḥ . vivāsayāmāsa sutaṁ rāmaṁ daśarathaḥ priyam .. 23.. sa jagāma vanaṁ vīraḥ pratijñāmanupālayan . piturvacananirdēśātkaikēyyāḥ priyakāraṇāt .. 24.. taṁ vrajantaṁ priyō bhrātā lakṣmaṇō’nujagāma ha . snēhādvinayasampannaḥ sumitrānandavardhanaḥ .. 25.. bhrātaraṁ dayitō bhrātuḥ saubhrātramanudarśayan . rāmasya dayitā bhāryā nityaṁ prāṇasamā hitā .. 26.. janakasya kulē jātā dēvamāyēva nirmitā . sarvalakṣaṇasampannā nārīṇāmuttamā vadhūḥ .. 27.. sītāpyanugatā rāmaṁ śaśinaṁ rōhiṇī yathā . paurairanugatō dūraṁ pitrā daśarathēna ca .. 28.. śr̥ṅgavērapurē sūtaṁ gaṅgākūlē vyasarjayat . guhamāsādya dharmātmā niṣādādhipatiṁ priyam .. 29.. guhēna sahitō rāmō lakṣmaṇēna ca sītayā . tē vanēna vanaṁ gatvā nadīstīrtvā bahūdakāḥ .. 30.. citrakūṭamanuprāpya bharadvājasya śāsanāt . ramyamāvasathaṁ kr̥tvā ramamāṇā vanē trayaḥ .. 31.. dēvagandharvasaṅkāśāstatra tē nyavasan sukham . citrakūṭaṁ gatē rāmē putraśōkāturastadā .. 32.. rājā daśarathaḥ svargaṁ jagāma vilapan sutam . mr̥tē tu tasmin bharatō vasiṣṭhapramukhairdvijaiḥ .. 33.. niyujyamānō rājyāya naicchadrājyaṁ mahābalaḥ . sa jagāma vanaṁ vīrō rāmapādaprasādakaḥ .. 34.. gatvā tu sa mahātmānaṁ rāmaṁ satyaparākramam . ayācadbhrātaraṁ rāmamāryabhāvapuraskr̥taḥ .. 35.. tvamēva rājā dharmajña iti rāmaṁ vacō’bravīt . rāmō’pi paramōdāraḥ sumukhaḥ sumahāyaśāḥ .. 56.. na caicchatpiturādēśādrājyaṁ rāmō mahābalaḥ . pādukē cāsya rājyāya nyāsaṁ dattvā punaḥ punaḥ .. 37.. nivartayāmāsa tatō bharataṁ bharatāgrajaḥ . sa kāmamanavāpyaiva rāmapādāvupaspr̥śan .. 38.. nandigrāmē’karōdrājyaṁ rāmāgamanakāṅkṣayā . gatē tu bharatē śrīmānsatyasandhō jitēndriyaḥ .. 39.. rāmastu punarālakṣya nāgarasya janasya ca . tatrāgamanamēkāgrō daṇḍakān pravivēśa ha .. 40.. praviśya tu mahāraṇyaṁ rāmō rājīvalōcanaḥ . virādhaṁ rākṣasaṁ hatvā śarabhaṅgaṁ dadarśa ha .. 41.. sutīkṣṇaṁ cāpyagastyaṁ ca agastyabhrātaraṁ tathā . agastyavacanāccaiva jagrāhaindraṁ śarāsanam .. 42.. khaḍgaṁ ca paramaprītastūṇī cākṣayasāyakau . vasatastasya rāmasya vanē vanacaraiḥ saha .. 43.. r̥ṣayō’bhyāgamansarvē vadhāyāsurarakṣasām . sa tēṣāṁ pratiśuśrāva rākṣasānāṁ tadā vanē .. 44.. pratijñātaśca rāmēṇa vadhaḥ saṁyati rakṣasām . r̥ṣīṇāmagnikalpānāṁ daṇḍakāraṇyavāsinām .. 45.. tēna tatraiva vasatā janasthānanivāsinī . virūpitā śūrpaṇakhā rākṣasī kāmarūpiṇī .. 46.. tataḥ śūrpaṇakhāvākyādudyuktānsarvarākṣasān . kharaṁ triśirasaṁ caiva dūṣaṇaṁ caiva rākṣasam .. 47.. nijaghāna raṇē rāmastēṣāṁ caiva padānugān . vanē tasminnivasatā janasthānanivāsinām .. 48.. rakṣasāṁ nihatānyāsansahasrāṇi caturdaśa . tatō jñātivadhaṁ śrutvā rāvaṇaḥ krōdhamūrchitaḥ .. 49.. sahāyaṁ varayāmāsa mārīcaṁ nāma rākṣasam . vāryamāṇaḥ subahuśō mārīcēna sa rāvaṇaḥ .. 50.. na virōdhō balavatā kṣamō rāvaṇa tēna tē . anādr̥tya tu tadvākyaṁ rāvaṇaḥ kālacōditaḥ .. 51.. jagāma sahamārīcastasyāśramapadaṁ tadā . tēna māyāvinā dūramapavāhya nr̥pātmajau .. 52.. jahāra bhāryāṁ rāmasya gr̥dhraṁ hatvā jaṭāyuṣam . gr̥dhraṁ ca nihataṁ dr̥ṣṭvā hr̥tāṁ śrutvā ca maithilīm .. 53.. rāghavaḥ śōkasantaptō vilalāpākulēndriyaḥ . tatastēnaiva śōkēna gr̥dhraṁ dagdhvā jaṭāyuṣam .. 54.. mārgamāṇō vanē sītāṁ rākṣasaṁ sandadarśa ha . kabandhaṁ nāma rūpēṇa vikr̥taṁ ghōradarśanam .. 55.. tannihatya mahābāhurdadāha svargataśca saḥ . sa cāsya kathayāmāsa śabarīṁ dharmacāriṇīm .. 56.. śramaṇāṁ dharmanipuṇāmabhigacchēti rāghava . sō’bhyagacchanmahātējāḥ śabarīṁ śatrusūdanaḥ .. 57.. śabaryā pūjitaḥ samyagrāmō daśarathātmajaḥ . pampātīrē hanumatā saṅgatō vānarēṇa ha .. 58.. hanūmadvacanāccaiva sugrīvēṇa samāgataḥ . sugrīvāya ca tatsarvaṁ śaṁsadrāmō mahābalaḥ .. 59.. āditastadyathāvr̥ttaṁ sītāyāśca viśēṣataḥ . sugrīvaścāpi tatsarvaṁ śrutvā rāmasya vānaraḥ .. 60.. cakāra sakhyaṁ rāmēṇa prītaścaivāgnisākṣikam . tatō vānararājēna vairānukathanaṁ prati .. 61.. rāmāyāvēditaṁ sarvaṁ praṇayādduḥkhitēna ca . pratijñātaṁ ca rāmēṇa tadā vālivadhaṁ prati .. 62.. vālinaśca balaṁ tatra kathayāmāsa vānaraḥ . sugrīvaḥ śaṅkitaścāsīnnityaṁ vīryēṇa rāghavē .. 63.. rāghavapratyayārthaṁ tu dundubhēḥ kāyamuttamam . darśayāmāsa sugrīvō mahāparvatasannibham .. 64.. utsmayitvā mahābāhuḥ prēkṣya cāsthi mahābalaḥ . pādāṅguṣṭhēna cikṣēpa sampūrṇaṁ daśayōjanam .. 65.. bibhēda ca punastālān saptaikēna mahēṣuṇā . giriṁ rasātalaṁ caiva janayanpratyayaṁ tadā .. 66.. tataḥ prītamanāstēna viśvastaḥ sa mahākapiḥ kiṣkindhāṁ rāmasahitō jagāma ca guhāṁ tadā .. 67.. tatō’garjaddharivaraḥ sugrīvō hēmapiṅgalaḥ . tēna nādēna mahatā nirjagāma harīśvaraḥ .. 68.. anumānya tadā tārāṁ sugrīvēṇa samāgataḥ . nijaghāna ca tatraiva śarēṇaikēna rāghavaḥ .. 69.. tataḥ sugrīvavacanāddhatvā vālinamāhavē . sugrīvamēva tadrājyē rāghavaḥ pratyapādayat .. 70.. sa ca sarvān samānīya vānarān vānararṣabhaḥ . diśaḥ prasthāpayāmāsa didr̥kṣurjanakātmajām .. 71.. tatō gr̥dhrasya vacanātsampātērhanumānbalī . śatayōjanavistīrṇaṁ pupluvē lavaṇārṇavam .. 72.. tatra laṅkāṁ samāsādya purīṁ rāvaṇapālitām . dadarśa sītāṁ dhyāyantīmaśōkavanikāṁ gatām .. 73.. nivēdayitvā’bhijñānaṁ pravr̥ttiṁ vinivēdya ca . samāśvāsya ca vaidēhīṁ mardayāmāsa tōraṇam .. 74.. pañca sēnāgragān hatvā sapta mantrisutānapi . śūramakṣaṁ ca niṣpiṣya grahaṇaṁ samupāgamat .. 75.. astrēṇōnmuktamātmānaṁ jñātvā paitāmahādvarāt . marṣayanrākṣasānvīrō yantriṇastānyadr̥cchayā .. 76.. tatō dagdhvā purīṁ laṅkāmr̥tē sītāṁ ca maithilīm . rāmāya priyamākhyātuṁ punarāyānmahākapiḥ .. 77.. sō’bhigamya mahātmānaṁ kr̥tvā rāmaṁ pradakṣiṇam . nyavēdayadamēyātmā dr̥ṣṭā sītēti tattvataḥ .. 78.. tataḥ sugrīvasahitō gatvā tīraṁ mahōdadhēḥ . samudraṁ kṣōbhayāmāsa śarairādityasannibhaiḥ .. 79.. darśayāmāsa cātmānaṁ samudraḥ saritāṁ patiḥ . samudravacanāccaiva nalaṁ sētumakārayat .. 80.. tēna gatvā purīṁ laṅkāṁ hatvā rāvaṇamāhavē . rāmaḥ sītāmanuprāpya parāṁ vrīḍāmupāgamat .. 81.. tāmuvāca tatō rāmaḥ paruṣaṁ janasaṁsadi . amr̥ṣyamāṇā sā sītā vivēśa jvalanaṁ satī .. 82.. tatō’gnivacanātsītāṁ jñātvā vigatakalmaṣām . karmaṇā tēna mahatā trailōkyaṁ sacarācaram .. 83.. sadēvarṣigaṇaṁ tuṣṭaṁ rāghavasya mahātmanaḥ . babhau rāmaḥ saṁprahr̥ṣṭaḥ pūjitaḥ sarvadaivataiḥ .. 84.. abhiṣicya ca laṅkāyāṁ rākṣasēndraṁ vibhīṣaṇam . kr̥takr̥tyastadā rāmō vijvaraḥ pramumōda ha .. 85.. dēvatābhyō varaṁ prāpya samutthāpya ca vānarān . ayōdhyāṁ prasthitō rāmaḥ puṣpakēṇa suhr̥dvr̥taḥ .. 86.. bharadvājāśramaṁ gatvā rāmaḥ satyaparākramaḥ . bharatasyāntikē rāmō hanūmantaṁ vyasarjayat .. 87.. punarākhyāyikāṁ jalpan sugrīvasahitastadā . puṣpakaṁ tatsamāruhya nandigrāmaṁ yayau tadā .. 88.. nandigrāmē jaṭāṁ hitvā bhrātr̥bhiḥ sahitō’naghaḥ . rāmaḥ sītāmanuprāpya rājyaṁ punaravāptavān .. 89.. prahr̥ṣṭamuditō lōkastuṣṭaḥ puṣṭaḥ sudhārmikaḥ . nirāmayō hyarōgaśca durbhikṣabhayavarjitaḥ .. 90.. na putramaraṇaṁ kēcid drakṣyanti puruṣāḥ kvacit . nāryaścāvidhavā nityaṁ bhaviṣyanti pativratāḥ .. 91.. na cāgnijaṁ bhayaṁ kiñcinnāpsu majjanti jantavaḥ . na vātajaṁ bhayaṁ kiñcinnāpi jvarakr̥taṁ tathā .. 92.. na cāpi kṣudbhayaṁ tatra na taskarabhayaṁ tathā . nagarāṇi ca rāṣṭrāṇi dhanadhānyayutāni ca .. 93.. nityaṁ pramuditāḥ sarvē yathā kr̥tayugē tathā . aśvamēdhaśatairiṣṭvā bahuvastrasuvarṇakaiḥ .. 94.. gavāṁ kōṭyayutaṁ dattvā brahmalōkaṁ gamiṣyati . asaṅkhyēyaṁ dhanaṁ dattvā brāhmaṇēbhyō mahāyaśāḥ .. 95.. rājavaṁśāñchataguṇānsthāpayiṣyati rāghavaḥ . cāturvarṇyaṁ ca lōkē’smin svē svē dharmē niyōkṣyati .. 96.. daśavarṣasahasrāṇi daśavarṣaśatāni ca . rāmō rājyamupāsitvā brahmalōkaṁ gamiṣyati .. 97.. idaṁ pavitraṁ pāpaghnaṁ puṇyaṁ vēdaiśca sammitam . yaḥ paṭhēdrāmacaritaṁ sarvapāpaiḥ pramucyatē .. 98.. ētadākhyānamāyuṣyaṁ paṭhanrāmāyaṇaṁ naraḥ . saputrapautraḥ sagaṇaḥ prētya svargē mahīyatē .. 99.. paṭhandvijō vāgr̥ṣabhatvamīyāt syāt kṣatriyō bhūmipatitvamīyāt . vaṇigjanaḥ paṇyaphalatvamīyājjanaśca śūdrō’pi mahattvamīyāt .. 100.. ityārṣē śrīmadrāmāyaṇē vālmīkīyē ādikāvyē bālakāṇḍē saṅkṣēparāmāyaṇaṁ nāma prathamaḥ sargaḥ .
atha śrīmadānandarāmāyaṇāntargata śrī sītāṣṭōttaraśatanāma stōtram .. agastiruvāca- ēvaṁ sutīṣṇa sītāyāḥ kavacaṁ tē mayēritaṁ . ataḥ paraṁ śruṇuṣvānyat sītāyāḥ stōtra muttamaṁ .. 1 yasminaṣṭōttaraśataṁ sītānāmāni santi hi . aṣṭōttaraśataṁ sītā nāmnāṁ stōtra manuttamam .. 2 yē paṭhanti narāstvatra tēṣāṁ ca saphalō bhavaḥ . tē dhanyā mānavā lōkē tē vaikuṇṭhaṁ vrajanti hi .. 3 nyāsaḥ. asya śrī sītānāmāṣṭōttaraśatamantrasya- agastya r̥ṣiḥ . anuṣṭup chandaḥ . ramēti bījaṁ . mātuliṅgīti śaktiḥ . padmākṣajēti kīlakaṁ . avanijētyastraṁ . janakajēti kavacaṁ . mūlakāsura mardinīti paramō mantraḥ . śrī sītārāmacandra prītyarthaṁ sakala kāmanā siddhyarthaṁ japē viniyōgaḥ .. karanyāsaḥ .. ōṁ sītāyai aṅguṣṭhābhyāṁ namaḥ . ōṁ ramāyai tarjanībhyāṁ namaḥ . ōṁ mātuliṅgyai madhyamābhyāṁ namaḥ . ōṁ padmākṣajāyai anāmikābhyāṁ namaḥ . ōṁ avanijāyai kaniṣṭhikābhyāṁ namaḥ . ōṁ janakajāyai karatala karapr̥ṣṭhābhyāṁ namaḥ .. aṅganyāsaḥ .. ōṁ sītāyai hr̥dayāya namaḥ . ōṁ ramāyai śirasē svāhā . ōṁ mātuliṅgyai śikhāyai vaṣaṭ . ōṁ padmākṣajāyai nētratrayāya vauṣaṭ . ōṁ janakātmajāyai astrāya phaṭ . ōṁ mūlakāsuramardinyai iti digbandhaḥ .. atha dhyānam .. vāmāṅgē raghunāyakasya rucirē yā saṁsthitā śōbhanā yā viprādhipa yāna ramya nayanā yā viprapālānanā . vidyutpuñja virājamāna vasanā bhaktārti saṅkhaṇḍanā śrīmad rāghava pādapadmayugaḷa nyastēkṣaṇā sāvatu .. śrī sītā jānakī dēvī vaidēhī rāghavapriyā . ramāvanisutā rāmā rākṣasānta prakāriṇī .. 1 ratnaguptā mātuliṅgī maithilī bhaktatōṣadā . padmākṣajā kañjanētrā smitāsyā nūpurasvanā .. 2 vaikuṇṭhanilayā mā śrīḥ muktidā kāmapūraṇī . nr̥pātmajā hēmavarṇā mr̥dulāṅgī subhāṣiṇī .. 3 kuśāmbikā divyadāca lavamātā manōharā . hanūmad vanditapadā mugdhā kēyūra dhāriṇī .. 4 aśōkavana madhyasthā rāvaṇādiga mōhinī . vimānasaṁsthitā subhrū sukēśī raśanānvitā .. 5 rajōrūpā satvarūpā tāmasī vahnivasinī . hēmamr̥gāsakta cittā vālmīkāśrama vāsinī .. 6 pativratā mahāmāyā pītakauśēya vāsinī . mr̥ganētrā ca bimbōṣṭhī dhanurvidyā viśāradā .. 7 saumyarūpā daśarathasnuṣā cāmara vījitā . sumēdhā duhitā divyarūpā trailōkyapālini .. 8 annapūrṇā mahālakṣmīḥ dhīrlajjā ca sarasvatī . śāntiḥ puṣṭiḥ śamā gaurī prabhāyōdhyā nivāsinī .. 9 vasantaśīlatā gaurī snāna santuṣṭa mānasā . ramānāma bhadrasaṁsthā hēmakumbha payōdharā .. 10 surārcitā dhr̥tiḥ kāntiḥ smr̥tirmēdhā vibhāvarī . laghūdarā varārōhā hēmakaṅkaṇa maṇḍitā .. 11 dvija patnyarpita nijabhūṣā rāghava tōṣiṇī . śrīrāma sēvana ratā ratna tāṭaṅka dhāriṇī .. 12 rāmāvāmāṅga saṁsthā ca rāmacandraika rañjinī . sarayūjala saṅkrīḍā kāriṇī rāmamōhinī .. 13 suvarṇa tulitā puṇyā puṇyakīrtiḥ kalāvatī . kalakaṇṭhā kambukaṇṭhā rambhōrūrgajagāminī .. 14 rāmārpitamanā rāmavanditā rāmavallabhā . śrīrāmapada cihnāṅgā rāma rāmēti bhāṣiṇī .. 15 rāmaparyaṅka śayanā rāmāṅghri kṣāliṇī varā . kāmadhēnvanna santuṣṭā mātuliṅga karādhr̥tā .. 16 divyacandana saṁsthā śrī mūlakāsura mardinī . ēvaṁ aṣṭōttaraśataṁ sītānāmnāṁ supuṇyadam .. 17 yē paṭhanti narā bhūmyāṁ tē dhanyāḥ svargagāminaḥ . aṣṭōttaraśataṁ nāmnāṁ sītāyāḥ stōtramuttamam .. 18 japanīyaṁ prayatnēna sarvadā bhakti pūrvakaṁ . santi stōtrāṇyanēkā ni puṇyadāni mahānti ca .. 19 nānēna sadr̥śānīha tāni sarvāṇi bhūsura . stōtrāṇāmuttamaṁ cēdaṁ bhukti mukti pradaṁ nr̥ṇām .. 20 ēvaṁ sutīṣṇa tē prōktaṁ aṣṭōttaraśataṁ śubhaṁ . sītānāmnāṁ puṇyadañca śravaṇān maṅgaḷa pradam .. 21 naraiḥ prātaḥ samutthāya paṭhitavyaṁ prayatnataḥ . sītā pūjana kālēpi sarva vāñchitadāyakam .. 22 iti śrīśatakōṭi rāmacaritāntargata śrīmadānandarāmāyaṇē vālmikīyē manōharakāṇḍē sītāṣṭōttaraśatanāma stōtraṁ sampūrṇam ..
prātaḥ smarāmi raghunāthamukhāravindaṁ lambālakāvalimadhuvratamugdhaśōbham . mandasmitāṁśumahanīyamarālaśōbhaṁ kāruṇyapūritakaṭākṣakr̥tārtarakṣam .. 1.. prātaḥ śr̥ṇōmi raghunāyakavākyajālaṁ dīnaugharakṣaṇamahāvratalabdhamūlam . śrōṣyāmi yēna na kathañcana kāladūta- vaktrōdgataṁ jahi vidāraya tāḍayēti .. 2.. prātarbhajāmi raghunāyakavāmahastaṁ kōdaṇḍadaṇḍaparimaṇḍitamadbhutābham . yaddarśanāddhr̥dayamāśarapuṅgavānāṁ sadyassphuṭatyakhilalōkajayōddhatānām .. 3.. prātaśśrayāmi raghunāyakadakṣahastaṁ sādhudruhāṁ vidalanōtsukabāṇayuktam . ārtābhayārpaṇamahāvratabaddhadīkṣaṁ dīnālyabhīṣṭavaradānasudhāśanadrum .. 4.. prātarnamāmi raghunāthapadāravindaṁ dēvāsurōragamunīndramanuṣyavandyam . yatsparśabhāgyavaśatō bharatapriyārtham . sāmrājyamāpa kila dāru ca pādukākhyam .. 5.. iti agastyamunikr̥taṁ śrīrāmaprātaḥsmaraṇaṁ sampūrṇam . .. śrīrāmaśaraṇaṁ mama ..
viśuddhaṁ paraṁ saccidānandarūpam guṇādhāramādhārahīnaṁ varēṇyam . mahāntaṁ vibhāntaṁ guhāntaṁ guṇāntaṁ sukhāntaṁ svayaṁ dhāma rāmaṁ prapadyē .. 1 .. śivaṁ nityamēkaṁ vibhuṁ tārakākhyaṁ sukhākāramākāraśūnyaṁ sumānyam . mahēśaṁ kalēśaṁ surēśaṁ parēśaṁ narēśaṁ nirīśaṁ mahīśaṁ prapadyē .. 2 .. yadāvarṇayatkarṇamūlē’ntakālē śivō rāma rāmēti rāmēti kāśyām . tadēkaṁ paraṁ tārakabrahmarūpaṁ bhajē’haṁ bhajē’haṁ bhajē’haṁ bhajē’ham .. 3 .. mahāratnapīṭhē śubhē kalpamūlē sukhāsīnamādityakōṭiprakāśam . sadā jānakīlakṣmaṇōpētamēkaṁ sadā rāmacandram bhajē’haṁ bhajē’ham .. 4 .. kvaṇadratnamañjīrapādāravindam lasanmēkhalācārupītāmbarāḍhyam . mahāratnahārōllasatkaustubhāṅgaṁ nadaccaṁcarīmaṁjarīlōlamālam .. 5 .. lasaccandrikāsmēraśōṇādharābham samudyatpataṅgēndukōṭiprakāśam . namadbrahmarudrādikōṭīraratna- sphuratkāntinīrājanārādhitānghrim .. 6 .. puraḥ prāñjalīnāñjanēyādibhaktān svacinmudrayā bhadrayā bōdhayantam . bhajē’haṁ bhajē’haṁ sadā rāmacandraṁ tvadanyaṁ na manyē na manyē na manyē .. 7 .. yadā matsamīpaṁ kr̥tāntaḥ samētya pracaṇḍapratāpairbhaṭairbhīṣayēnmām . tadāviṣkarōṣi tvadīyaṁ svarūpaṁ tadāpatpraṇāśaṁ sakōdaṇḍabāṇam .. 8 .. nijē mānasē mandirē saṁnidhēhi prasīda prasīda prabhō rāmacandra . sasaumitriṇā kaikēyīnandanēna svaśaktyānubhaktyā ca saṁsēvyamāna .. 9 .. svabhaktāgragaṇyaiḥ kapīśairmahīśai- ranīkairanēkaiśca rāma prasīda . namastē namō’stvīśa rāma prasīda praśādhi praśādhi prakāśaṁ prabhō mām .. 10 .. tvamēvāsi daivaṁ paraṁ mē yadēkaṁ sucaitanyamētattvadanyaṁ na manyē . yatō’bhūdamēyaṁ viyadvāyutējō- jalōrvyādikāryaṁ caraṁ cācaraṁ ca .. 11 .. namaḥ saccidānandarūpāya tasmai namō dēvadēvāya rāmāya tubhyam . namō jānakījīvitēśāya tubhyaṁ namaḥ puṇḍarīkāyatākṣāya tubhyam .. 12 .. namō bhaktiyuktānuraktāya tubhyaṁ namaḥ puṇyapuñjaikalabhyāya tubhyam . namō vēdavēdyāya cādyāya puṁsē namaḥ sundarāyēndirāvallabhāya .. 13 .. namō viśvakartrē namō viśvahartrē namō viśvabhōktrē namō viśvamātrē . namō viśvanētrē namō viśvajētrē namō viśvapitrē namō viśvamātrē .. 14 .. namastē namastē samastaprapañca- prabhōgaprayōgapramāṇapravīṇa . madīyaṁ manastvatpadadvandvasēvāṁ vidhātuṁ pravr̥ttaṁ sucaitanyasiddhyai .. 15 .. śilāpi tvadanghrikṣamāsaṅgirēṇu- prasādāddhi caitanyamādhatta rāma . narastvatpadadvandvasēvāvidhānā- tsucaitanyamētēti kiṁ citramadya .. 16 .. pavitraṁ caritraṁ vicitraṁ tvadīyaṁ narā yē smarantyanvahaṁ rāmacandra . bhavantaṁ bhavāntaṁ bharantaṁ bhajantō labhantē kr̥tāntaṁ na paśyantyatō’ntē .. 17 .. sa puṇyaḥ sa gaṇyaḥ śaraṇyō mamāyaṁ narō vēda yō dēvacūḍāmaṇiṁ tvām . sadākāramēkaṁ cidānandarūpaṁ manōvāgagamyaṁ parandhāma rāma .. 18 .. pracaṇḍapratāpaprabhāvābhibhūta- prabhūtārivīra prabhō rāmacandra . balaṁ tē kathaṁ varṇyatē’tīva bālyē yatō’khaṇḍi caṇḍīśakōdaṇḍadaṇḍaḥ .. 19 .. daśagrīvamugraṁ saputraṁ samitraṁ sariddurgamadhyastharakṣōgaṇēśam . bhavantaṁ vinā rāma vīrō narō vā- ’surō vā’marō vā jayētkastrilōkyām .. 20 .. sadā rāma rāmēti rāmāmr̥taṁ tē sadārāmamānandaniṣyandakandam . pibantaṁ namantaṁ sudantaṁ hasantaṁ hanūmantamantarbhajē taṁ nitāntam .. 21 .. sadā rāma rāmēti rāmāmr̥tam tē sadārāmamānandaniṣyandakandam . pibannanvahaṁ nanvahaṁ naiva mr̥tyō- rbibhēmi prasādādasādāttavaiva .. 22 .. asītāsamētairakōdaṇḍabhūśai- rasaumitrivandyairacaṇḍapratāpaiḥ . alaṅkēśakālairasugrīvamitrai- rarāmābhidhēyairalam dēvatairnaḥ .. 23 .. avīrāsanasthairacinmudrikāḍhyai- rabhaktāñjanēyāditattvaprakāśaiḥ . amandāramūlairamandāramālai- rarāmābhidhēyairalam dēvatairnaḥ .. 24 .. asindhuprakōpairavandyapratāpai- rabandhuprayāṇairamandasmitāḍhyaiḥ . adaṇḍapravāsairakhaṇḍaprabōdhai- rarāmabhidēyairalam dēvatairnaḥ .. 25 .. harē rāma sītāpatē rāvaṇārē kharārē murārē’surārē parēti . lapantaṁ nayantaṁ sadākālamēva samālōkayālōkayāśēṣabandhō .. 26 .. namastē sumitrāsuputrābhivandya namastē sadā kaikayīnandanēḍya . namastē sadā vānarādhīśavandya namastē namastē sadā rāmacandra .. 27 .. prasīda prasīda pracaṇḍapratāpa prasīda prasīda pracaṇḍārikāla . prasīda prasīda prapannānukampin prasīda prasīda prabhō rāmacandra .. 28 .. bhujaṅgaprayātaṁ paraṁ vēdasāraṁ mudā rāmacandrasya bhaktyā ca nityam . paṭhan santataṁ cintayan svāntaraṅgē sa ēva svayam rāmacandraḥ sa dhanyaḥ .. 29 .. .. iti śrīśaṅkarācāryaviracitam śrīrāmabhujaṅgaprayātastōtram sampūrṇam.. .. Thus completes the rAmabhujanga stotra composed by shrI shankarAchArya .. .. ōṁ śrī-sītā-lakṣmaṇa-bharata-śatr̥ghna-hanūmatsamēta -śrīrāmacandraparabrahmārpaṇamastu ..
maṅgalaṁ kauśalēndrāya mahanīyaguṇābdhayē . cakravartitanūjāya sārvabhaumāya maṅgalam .. 1.. vēdavēdāntavēdyāya mēghaśyāmalamūrtayē . puṁsāṁ mōhanarūpāya puṇyaślōkāya maṅgalam .. 2.. viśvāmitrāntaraṅgāya mithilānagarīpatēḥ . bhāgyānāṁ paripākāya bhavyarūpāya maṅgalam .. 3.. pitr̥bhaktāya satataṁ bhrātr̥bhiḥ saha sītayā . nanditākhilalōkāya rāmabhadrāya maṅgalam .. 4.. tyaktasākētavāsāya citrakūṭavihāriṇē . sēvyāya sarvayamināṁ dhīrōdayāya maṅgalam .. 5.. saumitriṇā ca jānakyā cāpabāṇasidhāriṇē . saṁsēvyāya sadā bhaktyā svāminē mama maṅgalam .. 6.. daṇḍakārāyavāsāya kharadūṣaṇaśatravē . gr̥dhrarājāya bhaktāya muktidāyāstu maṅgalam .. 7.. sādaraṁ śabarīdattaphalamūlābhilāṣiṇē . saulabhyaparipūrṇāya sattvōdriktāya maṅgalam .. 8.. hanumatsamavētāya harīśābhīṣṭadāyinē . bālipramathānāyāstu mahādhīrāya maṅgalam .. 9.. śrīmatē raghuvīrāya sētūllaṅghitasindhavē . jitarākṣasarājāya raṇadhīrāya maṅgalam .. 10.. vibhīṣaṇakr̥tē prītyā laṅkābhīṣṭapradāyinē . sarvalōkaśaraṇyāya śrīrāghavāya maṅgalam .. 11.. āsādya nagarīṁ divyāmabhiṣiktāya sītayā . rājādhirājarājāya rāmabhadrāya maṅgalam .. 12.. brahmādidēvasēvyāya brahmaṇyāya mahātmanē . jānakīprāṇanāthāya raghunāthāya maṅgalam .. 13.. śrīsaumyajāmātr̥munēḥ kr̥payāsmānupēyuṣē . mahatē mama nāthāya raghunāthāya maṅgalam .. 14.. maṅgalāśāsanaparirmadācāryapurōgamaiḥ . sarvaiśca pūrvairācāryaḥ satkr̥tāyāstu maṅgalam .. 15.. ramyajāmātr̥muninā maṅgalāśāsanaṁ kr̥tam . trailōkyādhipatiḥ śrīmān karōtu maṅgalaṁ sadā .. 16.. .. iti śrīvaravaramunisvāmikr̥taśrīrāmamaṅgalāśāsanaṁ sampūrṇam ..
śrīpārvatyuvāca śrōtumicchāmi dēvēśa tadahaṁ sarvakāmadam . nāmnāṁ sahasraṁ māṁ brūhi yadasti mayi tē dayā .. 28.. śrīmahādēva uvāca atha vakṣyāmi bhō dēvi rāmanāmasahasrakam . śr̥ṇuṣvaikamanāḥ stōtraṁ guhyādguhyataraṁ mahat .. 29.. r̥ṣirvināyakaścāsya hyanuṣṭup chanda ucyatē . parabrahmātmakō rāmō dēvatā śubhadarśanē .. 30.. ōṁ asya śrīrāmasahasranāmamālāmantrasya vināyaka r̥ṣiḥ . anuṣṭup chandaḥ . śrīrāmō dēvatā . mahāviṣṇuriti bījam . guṇabhr̥nnirguṇō mahāniti śaktiḥ . saccidānandavigraha iti kīlakam . śrīrāmaprītyarthē japē viniyōgaḥ .. āṅgulinyāsaḥ ōṁ śrīrāmacandrāya aṅguṣṭhābhyāṁ namaḥ . sītāpatayē tarjanībhyāṁ namaḥ . raghunāthāya madhyamābhyāṁ namaḥ . bharatāgrajāya anāmikābhyāṁ namaḥ . daśarathātmajāya kaniṣṭhikābhyāṁ namaḥ . hanumatprabhavē karatalakarapr̥ṣṭhābhyāṁ namaḥ .. hr̥dayādinyāsaḥ ōṁ śrīrāmacandrāya hr̥dayāya namaḥ . sītāpatayē śirasē svāhā . raghunāthāya śikhāyai vaṣaṭ . bharatāgrajāya kavacāya hum . daśarathātmajāya nētratrayāya vauṣaṭ . hanumatprabhavē astrāya phaṭ .. atha dhyānam . dhyāyēdājānubāhuṁ dhr̥taśaradhanuṣaṁ baddhapadmāsanasthaṁ pītaṁ vāsō vasānaṁ navakamalaspardhi nētraṁ prasannam . vāmāṅkārūḍhasītāmukhakamalamilallōcanaṁ nīradābhaṁ nānālaṅkāradīptaṁ dadhatamurujaṭāmaṇḍalaṁ rāmacandram .. 31.. vaidēhīsahitaṁ suradrumatalē haimē mahāmaṇḍapē madhyē puṣpakamāsanē maṇimayē vīrāsanē saṁsthitam . agrē vācayati prabhañjanēsutē tattvaṁ munibhyaḥ paraṁ vyākhyāntaṁ bharatādibhiḥ parivr̥taṁ rāmaṁ bhajē śyāmalam .. 32.. sauvarṇamaṇḍapē divyē puṣpakē suvirājitē . mūlē kalpatarōḥ svarṇapīṭhē siṁhāṣṭasaṁyutē .. 33.. mr̥duślakṣṇatarē tatra jānakyā saha saṁsthitam . rāmaṁ nīlōtpalaśyāmaṁ dvibhujaṁ pītavāsasam .. 34.. smitavaktraṁ sukhāsīnaṁ padmapatranibhēkṣaṇam . kirīṭahārakēyūrakuṇḍalaiḥ kaṭakādibhiḥ .. 35.. bhrājamānaṁ jñānamudrādharaṁ vīrāsanasthitam . spr̥śantaṁ stanayōragrē jānakyāḥ savyapāṇinā .. 36.. vasiṣṭhavāmadēvādyaiḥ sēvitaṁ lakṣmaṇādibhiḥ . ayōdhyānagarē ramyē hyabhiṣiktaṁ raghūdvaham .. 37.. ēvaṁ dhyātvā japēnnityaṁ rāmanāmasahasrakam . hatyākōṭiyutō vāpi mucyatē nātra saṁśayaḥ .. 38.. (atha sahasranāma stōtra prārambhaḥ .) ōṁ rāmaḥ śrīmānmahāviṣṇurjiṣṇurdēvahitāvahaḥ . tattvātmā tārakabrahma śāśvataḥ sarvasiddhidaḥ .. 39.. rājīvalōcanaḥ śrīmān śrīrāmō raghupuṅgavaḥ . rāmabhadraḥ sadācārō rājēndrō jānakīpatiḥ .. 40.. agragaṇyō varēṇyaśca varadaḥ paramēśvaraḥ . janārdanō jitāmitraḥ parārthaikaprayōjanaḥ .. 41.. viśvāmitrapriyō dātā śatrujicchatrutāpanaḥ . sarvajñaḥ sarvavēdādiḥ śaraṇyō vālimardanaḥ .. 42.. jñānabhavyō’paricchēdyō vāgmī satyavrataḥ śuciḥ . jñānagamyō dr̥ḍhaprajñaḥ kharadhvaṁsaḥ pratāpavān .. 43.. dyutimānātmavān vīrō jitakrōdhō’rimardanaḥ . viśvarūpō viśālākṣaḥ prabhuḥ parivr̥ḍhō dr̥ḍhaḥ .. 44.. īśaḥ khaḍgadharaḥ śrīmān kausalyēyō’nasūyakaḥ . vipulāṁsō mahōraskaḥ paramēṣṭhī parāyaṇaḥ .. 45.. satyavrataḥ satyasandhō guruḥ paramadhārmikaḥ . lōkēśō lōkavandyaśca lōkātmā lōkakr̥dvibhuḥ .. 46.. anādirbhagavān sēvyō jitamāyō raghūdvahaḥ . rāmō dayākarō dakṣaḥ sarvajñaḥ sarvapāvanaḥ .. 47.. brahmaṇyō nītimān gōptā sarvadēvamayō hariḥ . sundaraḥ pītavāsāśca sūtrakāraḥ purātanaḥ .. 48.. saumyō maharṣiḥ kōdaṇḍaḥ sarvajñaḥ sarvakōvidaḥ . kaviḥ sugrīvavaradaḥ sarvapuṇyādhikapradaḥ .. 49.. bhavyō jitāriṣaḍvargō mahōdārō’ghanāśanaḥ . sukīrtirādipuruṣaḥ kāntaḥ puṇyakr̥tāgamaḥ .. 50.. akalmaṣaścaturbāhuḥ sarvāvāsō durāsadaḥ . 100 smitabhāṣī nivr̥ttātmā smr̥timān vīryavān prabhuḥ .. 51.. dhīrō dāntō ghanaśyāmaḥ sarvāyudhaviśāradaḥ . adhyātmayōganilayaḥ sumanā lakṣmaṇāgrajaḥ .. 52.. sarvatīrthamayaḥ śūraḥ sarvayajñaphalapradaḥ . yajñasvarūpō yajñēśō jarāmaraṇavarjitaḥ .. 53.. varṇāśramagururvarṇī śatrujitpuruṣōttamaḥ . śivaliṅgapratiṣṭhātā paramātmā parāparaḥ .. 54.. pramāṇabhūtō durjñēyaḥ pūrṇaḥ parapurañjayaḥ . anantadr̥ṣṭirānandō dhanurvēdō dhanurdharaḥ .. 55.. guṇākārō guṇaśrēṣṭhaḥ saccidānandavigrahaḥ . abhivādyō mahākāyō viśvakarmā viśāradaḥ .. 56.. vinītātmā vītarāgastapasvīśō janēśvaraḥ . kalyāṇaḥ prahvatiḥ kalpaḥ sarvēśaḥ sarvakāmadaḥ .. 57.. akṣayaḥ puruṣaḥ sākṣī kēśavaḥ puruṣōttamaḥ . lōkādhyakṣō mahākāryō vibhīṣaṇavarapradaḥ .. 58.. ānandavigrahō jyōtirhanumatprabhuravyayaḥ . bhrājiṣṇuḥ sahanō bhōktā satyavādī bahuśrutaḥ .. 59.. sukhadaḥ kāraṇaṁ kartā bhavabandhavimōcanaḥ . dēvacūḍāmaṇirnētā brahmaṇyō brahmavardhanaḥ .. 60.. saṁsāratārakō rāmaḥ sarvaduḥkhavimōkṣakr̥t . vidvattamō viśvakartā viśvakr̥dviśvakarma ca .. 61.. nityō niyatakalyāṇaḥ sītāśōkavināśakr̥t . kākutsthaḥ puṇḍarīkākṣō viśvāmitrabhayāpahaḥ .. 62.. mārīcamathanō rāmō virādhavadhapaṇḍitaḥ . duḥsvapnanāśanō ramyaḥ kirīṭī tridaśādhipaḥ .. 63.. mahādhanurmahākāyō bhīmō bhīmaparākramaḥ . tattvasvarūpastattvajñastattvavādī suvikramaḥ .. 64.. bhūtātma bhūtakr̥tsvāmī kālajñānī mahāvapuḥ . anirviṇṇō guṇagrāmō niṣkalaṅkaḥ kalaṅkahā .. 65.. svabhāvabhadraḥ śatrughnaḥ kēśavaḥ sthāṇurīśvaraḥ . bhūtādiḥ śaṁbhurādityaḥ sthaviṣṭhaḥ śāśvatō dhruvaḥ .. 66.. kavacī kuṇḍalī cakrī khaḍgī bhaktajanapriyaḥ . amr̥tyurjanmarahitaḥ sarvajitsarvagōcaraḥ .. 67.. anuttamō’pramēyātmā sarvātmā guṇasāgaraḥ . 200 rāmaḥ samātmā samagō jaṭāmukuṭamaṇḍitaḥ .. 68.. ajēyaḥ sarvabhūtātmā viṣvaksēnō mahātapāḥ . lōkādhyakṣō mahābāhuramr̥tō vēdavittamaḥ .. 69.. sahiṣṇuḥ sadgatiḥ śāstā viśvayōnirmahādyutiḥ . atīndra ūrjitaḥ prāṁśurupēndrō vāmanō baliḥ .. 70.. dhanurvēdō vidhātā ca brahmā viṣṇuśca śaṅkaraḥ . haṁsō marīcirgōvindō ratnagarbhō mahaddyutiḥ .. 71.. var mahādyutiḥ vyāsō vācaspatiḥ sarvadarpitāsuramardanaḥ . jānakīvallabhaḥ śrīmān prakaṭaḥ prītivardhanaḥ .. 72.. saṁbhavō’tīndriyō vēdyō nirdēśō jāmbavatprabhuḥ . madanō manmathō vyāpī viśvarūpō nirañjanaḥ .. 73.. nārāyaṇō’graṇī sādhurjaṭāyuprītivardhanaḥ . naikarūpō jagannāthaḥ surakāryahitaḥ prabhuḥ .. 74.. jitakrōdhō jitārātiḥ plavagādhiparājyadaḥ . vasudaḥ subhujō naikamāyō bhavyaḥ pramōdanaḥ .. 75.. caṇḍāṁśuḥ siddhidaḥ kalpaḥ śaraṇāgatavatsalaḥ . agadō rōgahartā ca mantrajñō mantrabhāvanaḥ .. 76.. saumitrivatsalō dhuryō vyaktāvyaktasvarūpadhr̥k . vasiṣṭhō grāmaṇīḥ śrīmānanukūlaḥ priyaṁvadaḥ .. 77.. atulaḥ sāttvikō dhīraḥ śarāsanaviśāradaḥ . jyēṣṭhaḥ sarvaguṇōpētaḥ śaktimāṁstāṭakāntakaḥ .. 78.. vaikuṇṭhaḥ prāṇināṁ prāṇaḥ kamalaḥ kamalādhipaḥ . gōvardhanadharō matsyarūpaḥ kāruṇyasāgaraḥ .. 79.. kumbhakarṇaprabhēttā ca gōpigōpālasaṁvr̥taḥ . 300 māyāvī vyāpakō vyāpī rēṇukēyabalāpahaḥ .. 80.. pinākamathanō vandyaḥ samarthō garuḍadhvajaḥ . lōkatrayāśrayō lōkabharitō bharatāgrajaḥ .. 81.. śrīdharaḥ saṅgatirlōkasākṣī nārāyaṇō vibhuḥ . manōrūpī manōvēgī pūrṇaḥ puruṣapuṅgavaḥ .. 82.. yaduśrēṣṭhō yadupatirbhūtāvāsaḥ suvikramaḥ . tējōdharō dharādharaścaturmūrtirmahānidhiḥ .. 83.. cāṇūramathanō vandyaḥ śāntō bharatavanditaḥ . śabdātigō gabhīrātmā kōmalāṅgaḥ prajāgaraḥ .. 84.. lōkōrdhvagaḥ śēṣaśāyī kṣīrābdhinilayō’malaḥ . ātmajyōtiradīnātmā sahasrārciḥ sahasrapāt .. 85.. amr̥tāṁśurmahīgartō nivr̥ttaviṣayaspr̥haḥ . trikālajñō muniḥ sākṣī vihāyasagatiḥ kr̥tī .. 86.. parjanyaḥ kumudō bhūtāvāsaḥ kamalalōcanaḥ . śrīvatsavakṣāḥ śrīvāsō vīrahā lakṣmaṇāgrajaḥ .. 87.. lōkābhirāmō lōkārimardanaḥ sēvakapriyaḥ . sanātanatamō mēghaśyāmalō rākṣasāntakaḥ .. 88.. divyāyudhadharaḥ śrīmānapramēyō jitēndriyaḥ . bhūdēvavandyō janakapriyakr̥tprapitāmahaḥ .. 89.. uttamaḥ sātvikaḥ satyaḥ satyasandhastrivikramaḥ . suvr̥ttaḥ sugamaḥ sūkṣmaḥ sughōṣaḥ sukhadaḥ suhr̥t .. 90.. dāmōdarō’cyutaḥ śārṅgī vāmanō mathurādhipaḥ . dēvakīnandanaḥ śauriḥ śūraḥ kaiṭabhamardanaḥ .. 91.. saptatālaprabhēttā ca mitravaṁśapravardhanaḥ . kālasvarūpī kālātmā kālaḥ kalyāṇadaḥ kaliḥ .. 92.. 400 saṁvatsarō r̥tuḥ pakṣō hyayanaṁ divasō yugaḥ . stavyō viviktō nirlēpaḥ sarvavyāpī nirākulaḥ .. 93.. anādinidhanaḥ sarvalōkapūjyō nirāmayaḥ . rasō rasajñaḥ sārajñō lōkasārō rasātmakaḥ .. 94.. sarvaduḥkhātigō vidyārāśiḥ paramagōcaraḥ . śēṣō viśēṣō vigatakalmaṣō raghupuṅgavaḥ .. 95.. varṇaśrēṣṭhō varṇabhāvyō varṇō varṇaguṇōjjvalaḥ . karmasākṣī guṇaśrēṣṭhō dēvaḥ suravarapradaḥ .. 96.. dēvādhidēvō dēvarṣirdēvāsuranamaskr̥taḥ . sarvadēvamayaścakrī śārṅgapāṇī raghūttamaḥ .. 97.. manōguptirahaṅkāraḥ prakr̥tiḥ puruṣō’vyayaḥ . nyāyō nyāyī nayī śrīmān nayō nagadharō dhruvaḥ .. 98.. lakṣmīviśvambharō bhartā dēvēndrō balimardanaḥ . bāṇārimardanō yajvānuttamō munisēvitaḥ .. 99.. dēvāgraṇīḥ śivadhyānatatparaḥ paramaḥ paraḥ . sāmagēyaḥ priyaḥ śūraḥ pūrṇakīrtiḥ sulōcanaḥ .. 100.. avyaktalakṣaṇō vyaktō daśāsyadvipakēsarī . kalānidhiḥ kalānāthaḥ kamalānandavardhanaḥ .. 101.. puṇyaḥ puṇyādhikaḥ pūrṇaḥ pūrvaḥ pūrayitā raviḥ . jaṭilaḥ kalmaṣadhvāntaprabhañjanavibhāvasuḥ .. 102.. jayī jitāriḥ sarvādiḥ śamanō bhavabhañjanaḥ . alaṅkariṣṇuracalō rōciṣṇurvikramōttamaḥ .. 103.. āśuḥ śabdapatiḥ śabdagōcarō rañjanō laghuḥ . niḥśabdapuruṣō māyō sthūlaḥ sūkṣmō vilakṣaṇaḥ .. 104.. 500 ātmayōnirayōniśca saptajihvaḥ sahasrapāt . sanātanatamaḥ sragvī pēśalō vijitāṁbaraḥ .. 105.. śaktimān śaṅkhabhr̥nnāthō gadādhararathāṅgabhr̥t . nirīhō nirvikalpaśca cidrūpō vītasādhvasaḥ .. 106.. sanātanaḥ sahasrākṣaḥ śatamūrtirghanaprabhaḥ . hr̥tpuṇḍarīkaśayanaḥ kaṭhinō drava ēva ca .. 107.. sūryō grahapatiḥ śrīmān samarthō’narthanāśanaḥ . adharmaśatrū rakṣōghnaḥ puruhūtaḥ purastutaḥ .. 108.. brahmagarbhō br̥hadgarbhō dharmadhēnurdhanāgamaḥ . hiraṇyagarbhō jyōtiṣmān sulalāṭaḥ suvikramaḥ .. 109.. śivapūjārataḥ śrīmān bhavānīpriyakr̥dvaśī . narō nārāyaṇaḥ śyāmaḥ kapardī nīlalōhitaḥ .. 110.. rudraḥ paśupatiḥ sthāṇurviśvāmitrō dvijēśvaraḥ . mātāmahō mātariśvā viriñcirviṣṭaraśravāḥ .. 111.. akṣōbhyaḥ sarvabhūtānāṁ caṇḍaḥ satyaparākramaḥ . vālakhilyō mahākalpaḥ kalpavr̥kṣaḥ kalādharaḥ .. 112.. nidāghastapanō mēghaḥ śukraḥ parabalāpahr̥t . vasuśravāḥ kavyavāhaḥ prataptō viśvabhōjanaḥ .. 113.. rāmō nīlōtpalaśyāmō jñānaskandō mahādyutiḥ . kabandhamathanō divyaḥ kambugrīvaḥ śivapriyaḥ .. 114.. sukhī nīlaḥ suniṣpannaḥ sulabhaḥ śiśirātmakaḥ . asaṁsr̥ṣṭō’tithiḥ śūraḥ pramāthī pāpanāśakr̥t .. 115.. pavitrapādaḥ pāpārirmaṇipūrō nabhōgatiḥ . uttāraṇō duṣkr̥tihā durdharṣō duḥsahō balaḥ .. 116.. 600 amr̥tēśō’mr̥tavapurdharmī dharmaḥ kr̥pākaraḥ . bhagō vivasvānādityō yōgācāryō divaspatiḥ .. 117.. udārakīrtirudyōgī vāṅmayaḥ sadasanmayaḥ . nakṣatramānī nākēśaḥ svādhiṣṭhānaḥ ṣaḍāśrayaḥ .. 118.. caturvargaphalaṁ varṇaśaktitrayaphalaṁ nidhiḥ . nidhānagarbhō nirvyājō nirīśō vyālamardanaḥ .. 119.. śrīvallabhaḥ śivāraṁbhaḥ śāntō bhadraḥ samañjayaḥ . bhūśāyī bhūtakr̥dbhūtirbhūṣaṇō bhūtabhāvanaḥ .. 120.. akāyō bhaktakāyasthaḥ kālajñānī mahāpaṭuḥ . parārdhavr̥ttiracalō viviktaḥ śrutisāgaraḥ .. 121.. svabhāvabhadrō madhyasthaḥ saṁsārabhayanāśanaḥ . vēdyō vaidyō viyadgōptā sarvāmaramunīśvaraḥ .. 122.. surēndraḥ kāraṇaṁ karmakaraḥ karmī hyadhōkṣajaḥ . dhairyō’gradhuryō dhātrīśaḥ saṅkalpaḥ śarvarīpatiḥ .. 123.. paramārthagururdr̥ṣṭiḥ sucirāśritavatsalaḥ . viṣṇurjiṣṇurvibhuryajñō yajñēśō yajñapālakaḥ .. 124.. prabhurviṣṇurgrasiṣṇuśca lōkātmā lōkapālakaḥ . kēśavaḥ kēśihā kāvyaḥ kaviḥ kāraṇakāraṇam .. 125.. kālakartā kālaśēṣō vāsudēvaḥ puruṣṭutaḥ . ādikartā varāhaśca vāmanō madhusūdanaḥ .. 126.. nārāyaṇō narō haṁsō viṣvaksēnō janārdanaḥ . viśvakartā mahāyajñō jyōtiṣmānpuruṣōttamaḥ .. 127.. 700 vaikuṇṭhaḥ puṇḍarīkākṣaḥ kr̥ṣṇaḥ sūryaḥ surārcitaḥ . nārasiṁhō mahābhīmō vajradaṁṣṭrō nakhāyudhaḥ .. 128.. ādidēvō jagatkartā yōgīśō garuḍadhvajaḥ . gōvindō gōpatirgōptā bhūpatirbhuvanēśvaraḥ .. 129.. padmanābhō hr̥ṣīkēśō dhātā dāmōdaraḥ prabhuḥ . trivikramastrilōkēśō brahmēśaḥ prītivardhanaḥ .. 130.. saṁnyāsī śāstratattvajñō mandirō giriśō nataḥ . vāmanō duṣṭadamanō gōvindō gōpavallabhaḥ .. 131.. bhaktapriyō’cyutaḥ satyaḥ satyakīrtirdhr̥tiḥ smr̥tiḥ . kāruṇyaḥ karuṇō vyāsaḥ pāpahā śāntivardhanaḥ .. 132.. badarīnilayaḥ śāntastapasvī vaidyutaḥ prabhuḥ . bhūtāvāsō mahāvāsō śrīnivāsaḥ śriyaḥ patiḥ .. 133.. tapōvāsō mudāvāsaḥ satyavāsaḥ sanātanaḥ . puruṣaḥ puṣkaraḥ puṇyaḥ puṣkarākṣō mahēśvaraḥ .. 134.. pūrṇamūrtiḥ purāṇajñaḥ puṇyadaḥ prītivardhanaḥ . pūrṇarūpaḥ kālacakrapravartanasamāhitaḥ .. 135.. nārāyaṇaḥ parañjyōtiḥ paramātmā sadāśivaḥ . śaṅkhī cakrī gadī śārṅgī lāṅgalī musalī halī .. 136.. kirīṭī kuṇḍalī hārī mēkhalī kavacī dhvajī . yōddhā jētā mahāvīryaḥ śatrughnaḥ śatrutāpanaḥ .. 137.. śāstā śāstrakaraḥ śāstraṁ śaṅkaraḥ śaṅkarastutaḥ . sārathī sāttvikaḥ svāmī sāmavēdapriyaḥ samaḥ .. 138.. 800 pavanaḥ saṁhitaḥ śaktiḥ sampūrṇāṅgaḥ samr̥ddhimān . svargadaḥ kāmadaḥ śrīdaḥ kīrtidaḥ kīrtidāyakaḥ .. 139.. mōkṣadaḥ puṇḍarīkākṣaḥ kṣīrābdhikr̥takētanaḥ . sarvātmā sarvalōkēśaḥ prērakaḥ pāpanāśanaḥ .. 140.. vaikuṇṭhaḥ puṇḍarīkākṣaḥ sarvadēvanamaskr̥taḥ . sarvavyāpī jagannāthaḥ sarvalōkamahēśvaraḥ .. 141.. sargasthityantakr̥ddēvaḥ sarvalōkasukhāvahaḥ . akṣayaḥ śāśvatō’nantaḥ kṣayavr̥ddhivivarjitaḥ .. 142.. nirlēpō nirguṇaḥ sūkṣmō nirvikārō nirañjanaḥ . sarvōpādhivinirmuktaḥ sattāmātravyavasthitaḥ .. 143.. adhikārī vibhurnityaḥ paramātmā sanātanaḥ . acalō niścalō vyāpī nityatr̥ptō nirāśrayaḥ .. 144.. śyāmī yuvā lōhitākṣō dīptyā śōbhitabhāṣaṇaḥ . ājānubāhuḥ sumukhaḥ siṁhaskandhō mahābhujaḥ .. 145.. sattvavān guṇasampannō dīpyamānaḥ svatējasā . kālātmā bhagavān kālaḥ kālacakrapravartakaḥ .. 146.. nārāyaṇaḥ parañjyōtiḥ paramātmā sanātanaḥ . viśvakr̥dviśvabhōktā ca viśvagōptā ca śāśvataḥ .. 147.. viśvēśvarō viśvamūrtirviśvātmā viśvabhāvanaḥ . sarvabhūtasuhr̥cchāntaḥ sarvabhūtānukampanaḥ .. 148.. sarvēśvaraḥ sarvaśarvaḥ sarvadā’’śritavatsalaḥ . sarvagaḥ sarvabhūtēśaḥ sarvabhūtāśayasthitaḥ .. 149.. abhyantarasthastamasaśchēttā nārāyaṇaḥ paraḥ . anādinidhanaḥ sraṣṭā prajāpatipatirhariḥ .. 150.. narasiṁhō hr̥ṣīkēśaḥ sarvātmā sarvadr̥gvaśī . jagatastasthuṣaścaiva prabhurnētā sanātanaḥ .. 151.. 900 kartā dhātā vidhātā ca sarvēṣāṁ patirīśvaraḥ . sahasramūrdhā viśvātmā viṣṇurviśvadr̥gavyayaḥ .. 152.. purāṇapuruṣaḥ śrēṣṭhaḥ sahasrākṣaḥ sahasrapāt . tattvaṁ nārāyaṇō viṣṇurvāsudēvaḥ sanātanaḥ .. 153.. paramātmā paraṁbrahma saccidānandavigrahaḥ . parañjyōtiḥ parandhāma parākāśaḥ parātparaḥ .. 154.. acyutaḥ puruṣaḥ kr̥ṣṇaḥ śāśvataḥ śiva īśvaraḥ . nityaḥ sarvagataḥ sthāṇū rudraḥ sākṣī prajāpatiḥ .. 155.. hiraṇyagarbhaḥ savitā lōkakr̥llōkabhugvibhuḥ . ōṁkāravācyō bhagavān śrībhūlīlāpatiḥ prabhuḥ .. 156.. sarvalōkēśvaraḥ śrīmān sarvajñaḥ sarvatōmukhaḥ . svāmī suśīlaḥ sulabhaḥ sarvagaḥ sarvaśaktimān .. 157.. nityaḥ sampūrṇakāmaśca naisargikasuhr̥tsukhī . kr̥pāpīyūṣajaladhiḥ śaraṇyaḥ sarvaśaktimān .. 158.. śrīmānnārāyaṇaḥ svāmī jagatāṁ prabhurīśvaraḥ . matsyaḥ kūrmō varāhaśca nārasiṁhō’tha vāmanaḥ .. 159.. rāmō rāmaśca kr̥ṣṇaśca bauddhaḥ kalkī parātparaḥ . ayōdhyēśō nr̥paśrēṣṭhaḥ kuśabālaḥ parantapaḥ .. 160.. lavabālaḥ kañjanētraḥ kañjāṅghriḥ paṅkajānanaḥ . sītākāntaḥ saumyarūpaḥ śiśujīvanatatparaḥ .. 161.. sētukr̥ccitrakūṭasthaḥ śabarīsaṁstutaḥ prabhuḥ . yōgidhyēyaḥ śivadhyēyaḥ śāstā rāvaṇadarpahā .. 162.. śrīśaḥ śaraṇyō bhūtānāṁ saṁśritābhīṣṭadāyakaḥ . anantaḥ śrīpatī rāmō guṇabhr̥nnirguṇō mahān .. 163.. 1000 ēvamādīni nāmāni hyasaṅkhyānyaparāṇi ca . ēkaikaṁ nāma rāmasya sarvapāpapraṇāśanam .. 164.. sahasranāmaphaladaṁ sarvaiśvaryapradāyakam . sarvasiddhikaraṁ puṇyaṁ bhuktimuktiphalapradam .. 165.. mantrātmakamidaṁ sarvaṁ vyākhyātaṁ sarvamaṅgalam . uktāni tava putrēṇa vighnarājēna dhīmatā .. 166.. sanatkumārāya purā tānyuktāni mayā tava . yaḥ paṭhēcchr̥ṇuyādvāpi sa tu brahmapadaṁ labhēt .. 167.. tāvadēva balaṁ tēṣāṁ mahāpātakadantinām . yāvanna śrūyatē rāmanāmapañcānanadhvaniḥ .. 168.. brahmaghnaśca surāpaśca stēyī ca gurutalpagaḥ . śaraṇāgataghātī ca mitraviśvāsaghātakaḥ .. 169.. mātr̥hā pitr̥hā caiva bhrūṇahā vīrahā tathā . kōṭikōṭisahasrāṇi hyupapāpāni yānyapi .. 170.. saṁvatsaraṁ kramājjaptvā pratyahaṁ rāmasannidhau . niṣkaṇṭakaṁ sukhaṁ bhuktvā tatō mōkṣamavāpnuyāt .. 171.. śrīrāmanāmnāṁ paramaṁ sahasrakaṁ pāpāpahaṁ saukhyavivr̥ddhikārakam . bhavāpahaṁ bhaktajanaikapālakaṁ strīputrapautrapradamr̥ddhidāyakam .. iti śrīśatakōṭirāmacaritāntargatē śrīmadānandarāmāyaṇē vālmīkīyē rājyakāṇḍē pūrvārdhē śrīrāmasahasranāmakathanaṁ nāma prathamaḥ sargaḥ ..
śrīrāmāṣṭōttaraśatanāmastōtraṁ śrīrāghavaṁ daśarathātmajamapramēyaṁ sītāpatiṁ raghukulānvayaratnadīpam . ājānubāhumaravindadalāyatākṣaṁ rāmaṁ niśācaravināśakaraṁ namāmi .. vaidēhīsahitaṁ suradrumatalē haimē mahāmaṇḍapē madhyē puṣpakamāsanē maṇimayē vīrāsanē susthitam . agrē vācayati prabhañjanasutē tattvaṁ munibhyaḥ paraṁ vyākhyāntaṁ bharatādibhiḥ parivr̥taṁ rāmaṁ bhajē śyāmalam .. śrīrāmō rāmabhadraśca rāmacandraśca śāśvataḥ . rājīvalōcanaḥ śrīmān rājēndrō raghupuṅgavaḥ .. 1.. jānakīvallabhō jaitrō jitāmitrō janārdanaḥ . viśvāmitrapriyō dāntaḥ śatrujicchatrutāpanaḥ .. 2.. vālipramathanō vāgmī satyavāk satyavikramaḥ . satyavratō vratadharaḥ sadā hanumadāśritaḥ .. 3.. kausalēyaḥ kharadhvaṁsī virādhavadhapaṇḍitaḥ . vibhīṣaṇaparitrātā harakōdaṇḍakhaṇḍanaḥ .. 4.. saptatālaprabhēttā ca daśagrīvaśirōharaḥ . jāmadagnyamahādarpadalanastāṭakāntakaḥ .. 5.. vēdāntasārō vēdātmā bhavarōgasya bhēṣajam . dūṣaṇatriśirō hantā trimūrtistriguṇātmakaḥ .. 6.. trivikramastrilōkātmā puṇyacāritrakīrtanaḥ . trilōkarakṣakō dhanvī daṇḍakāraṇyapāvanaḥ .. 7.. ahalyāśāpaśamanaḥ pitr̥bhaktō varapradaḥ . jitēndriyō jitakrōdhō jitāmitrō jagadguruḥ .. 8.. r̥kṣavānarasaṁghātī citrakūṭasamāśrayaḥ . jayantatrāṇavaradaḥ sumitrāputrasēvitaḥ .. 9.. sarvadēvādidēvaśca mr̥tavānarajīvanaḥ . māyāmārīcahantā ca mahādēvō mahābhujaḥ .. 10.. sarvadēvastutaḥ saumyō brahmaṇyō munisaṁstutaḥ . mahāyōgī mahōdāraḥ sugrīvēpsitarājyadaḥ .. 11.. sarvapuṇyādhikaphalaḥ smr̥tasarvāghanāśanaḥ . ādidēvō mahādēvō mahāpūruṣa ēva ca .. 12.. puṇyōdayō dayāsāraḥ purāṇapuruṣōttamaḥ . smitavaktrō mitābhāṣī pūrvabhāṣī ca rāghavaḥ .. 13.. anantaguṇagambhīrō dhīrōdāttaguṇōttamaḥ . māyāmānuṣacāritrō mahādēvādipūjitaḥ .. 14.. sētukr̥jjitavārīśaḥ sarvatīrthamayō hariḥ . śyāmāṅgaḥ sundaraḥ śūraḥ pītavāsā dhanurdharaḥ .. 15.. sarvayajñādhipō yajvā jarāmaraṇavarjitaḥ . śivaliṅgapratiṣṭhātā sarvāvaguṇavarjitaḥ .. 16.. paramātmā paraṁ brahma saccidānandavigrahaḥ . paraṁ jyōtiḥ paraṁdhāma parākāśaḥ parātparaḥ .. 17.. parēśaḥ pāragaḥ pāraḥ sarvadēvātmakaḥ paraḥ .. .. iti śrīrāmāṣṭōttaraśatanāmastōtraṁ sampūrṇam ..

You missed

Uncategorized

Donation / Seva forms Download

Dec 23, 2020 admin
Uncategorized

Shilanyasa Shila Pooja to 215 Mtr “Statue of Devotion “Sri Kishkindha Hanumad Mandir & Sri Kishkindha Hanumad Sameta Sri SitaRama Lakshmana Utsava Deity installation ceremony – Vijayadashami 2020

Oct 30, 2020 admin
Uncategorized

SHJBTK Trust & Koppal District Administration Conducted Land Survey in Kishkindha for "215 Mtr" Worlds Tallest Staute Temple in Kishkindha

Oct 16, 2020 admin
Uncategorized

"Kishkindha-Ayodhya" Re-establishing the relation of 17 Lack yrs of the two ancient sacred holiest cities

Aug 16, 2020 admin