जय श्री सीता राम, जय पम्पा विरूपाक्ष, जय किष्किंधा अंजनी पुत्र हनुम ---::----अंजनीगर्भ संभूत कपीन्द्र सचिवोत्तम । रामप्रिय नमस्तुभ्यं हनुमन् रक्ष सर्वदा ॥ Jai hanuman gyan gun saagar Jai kapis tihun lok ujaagar Ram doot atulit bal dhaama Anjani-putra pavan sut naama,     Mahavir vikram bajrangi Kumati nivaar sumati ke sangi Kanchan varan viraaj subesa Kaanan kundal kunchit kesaa Haath vajra aur dhuvaje viraaje Kandhe moonj janehu saaje,     - :: - जय हनुमान ज्ञान गुण सागर जय कपीश तिहु लोक उजागर राम भक्त तुम सबसे बड़े हो राम चन्द्र के हो अति प्यारे   ಜೈ ಹನುಮಾನ್ ಜ್ಞಾನ ಗುಣ ಸಾಗರ್ ಜೈ ಕಪಿಶ್ ತಿಹು ಲೋಕ ಉಜಾಗರ, ರಾಮ ಭಕ್ತ ತುಮ ಸಬಸೆ ಬಡೆ ಹೋ ರಾಮ ಚಂದ್ರ ಕೆ ಹೋ ಅತಿ ಪ್ಯಾರೇ --------::--------జై హనుమాన్ జ్ఞాన గుణ సాగర జై కపిష తిహు లోక ఉజాగర, రామ భక్త తుమ సబసే బడె హో................श्री आंजनॆय अष्टॊत्तर शतनामावली Sri Hanuman Ashtottara Shata Naamavali आञ्जनेयाय नमः। Anjaneyaya Namah। महावीराय नमः। Mahaviraya Namah। हनूमते नमः। Hanumate Namah। मारुतात्मजाय नमः। Marutatmajaya Namah। तत्वज्ञानप्रदाय नमः। Tatvajnanapradaya Namah। सीतादेविमुद्राप्रदायकाय नमः। Sitadevimudrapradayakaya Namah। अशोकवनकाच्छेत्रे नमः। Ashokavanakachchhetre Namah। सर्वमायाविभंजनाय नमः। Sarvamayavibhanjanaya Namah। सर्वबन्धविमोक्त्रे नमः। Sarvabandhavimoktre Namah। रक्षोविध्वंसकारकाय नमः। Rakshovidhwansakarakaya Namah। परविद्या परिहाराय नमः। Paravidya Pariharaya Namah। परशौर्य विनाशनाय नमः। Parashaurya Vinashanaya Namah। परमन्त्र निराकर्त्रे नमः। Paramantra Nirakartre Namah। परयन्त्र प्रभेदकाय नमः। Parayantra Prabhedakaya Namah। सर्वग्रह विनाशिने नमः। Sarvagraha Vinashine Namah। भीमसेन सहायकृथे नमः। Bhimasena Sahayakrithe Namah। सर्वदुखः हराय नमः। Sarvadukha Haraya Namah। सर्वलोकचारिणे नमः। Sarvalokacharine Namah। मनोजवाय नमः। Manojavaya Namah। पारिजात द्रुमूलस्थाय नमः। Parijata Drumulasthaya Namah। सर्वमन्त्र स्वरूपवते नमः। Sarvamantra Swarupavate Namah। सर्वतन्त्र स्वरूपिणे नमः। Sarvatantra Swarupine Namah। सर्वयन्त्रात्मकाय नमः। Sarvayantratmakaya Namah। कपीश्वराय नमः। Kapishwaraya Namah। महाकायाय नमः। Mahakayaya Namah। सर्वरोगहराय नमः। Sarvarogaharaya Namah। प्रभवे नमः। Prabhave Namah। बल सिद्धिकराय नमः। Bala Siddhikaraya Namah। सर्वविद्या सम्पत्तिप्रदायकाय नमः। Sarvavidya Sampattipradayakaya Namah। कपिसेनानायकाय नमः। Kapisenanayakaya Namah। भविष्यथ्चतुराननाय नमः। Bhavishyathchaturananaya Namah। कुमार ब्रह्मचारिणे नमः। Kumara Brahmacharine Namah। रत्नकुण्डल दीप्तिमते नमः। Ratnakundala Diptimate Namah। चञ्चलद्वाल सन्नद्धलम्बमान शिखोज्वलाय नमः। Chanchaladwala Sannaddhalambamana Shikhojwala Namah। गन्धर्व विद्यातत्वज्ञाय नमः। Gandharva Vidyatatvajnaya Namah। महाबल पराक्रमाय नमः। Mahabala Parakramaya Namah। काराग्रह विमोक्त्रे नमः। Karagraha Vimoktre Namah। शृन्खला बन्धमोचकाय नमः। Shrinkhala Bandhamochakaya Namah। सागरोत्तारकाय नमः। Sagarottarakaya Namah। प्राज्ञाय नमः। Prajnaya Namah। रामदूताय नमः। Ramadutaya Namah। प्रतापवते नमः। Pratapavate Namah। वानराय नमः। Vanaraya Namah। केसरीसुताय नमः। Kesarisutaya Namah। सीताशोक निवारकाय नमः। Sitashoka Nivarakaya Namah। अन्जनागर्भ सम्भूताय नमः। Anjanagarbha Sambhutaya Namah। बालार्कसद्रशाननाय नमः। Balarkasadrashananaya Namah। विभीषण प्रियकराय नमः। Vibhishana Priyakaraya Namah। दशग्रीव कुलान्तकाय नमः। Dashagriva Kulantakaya Namah। लक्ष्मणप्राणदात्रे नमः। Lakshmanapranadatre Namah। वज्रकायाय नमः। Vajrakayaya Namah। महाद्युथये नमः। Mahadyuthaye Namah। चिरञ्जीविने नमः। Chiranjivine Namah। रामभक्ताय नमः। Ramabhaktaya Namah। दैत्यकार्य विघातकाय नमः। Daityakarya Vighatakaya Namah। अक्षहन्त्रे नमः। Akshahantre Namah। काञ्चनाभाय नमः। Kanchanabhaya Namah। पञ्चवक्त्राय नमः। Panchavaktraya Namah। महातपसे नमः। Mahatapase Namah। लन्किनी भञ्जनाय नमः। Lankini Bhanjanaya Namah। श्रीमते नमः। Shrimate Namah। सिंहिकाप्राण भञ्जनाय नमः। Simhikaprana Bhanjanaya Namah। गन्धमादन शैलस्थाय नमः। Gandhamadana Shailasthaya Namah। लङ्कापुर विदायकाय नमः। Lankapura Vidayakaya Namah। सुग्रीव सचिवाय नमः। Sugriva Sachivaya Namah। धीराय नमः। Dhiraya Namah। शूराय नमः। Shuraya Namah। दैत्यकुलान्तकाय नमः। Daityakulantakaya Namah। सुरार्चिताय नमः। Surarchitaya Namah। महातेजसे नमः। Mahatejase Namah। रामचूडामणिप्रदायकाय नमः। Ramachudamanipradayakaya Namah। कामरूपिणे नमः। Kamarupine Namah। पिङ्गलाक्षाय नमः। Pingalakshaya Namah। वार्धिमैनाक पूजिताय नमः। Vardhimainaka Pujitaya Namah। कबळीकृत मार्ताण्डमण्डलाय नमः। Kabalikrita Martandamandalaya Namah। विजितेन्द्रियाय नमः। Vijitendriyaya Namah। रामसुग्रीव सन्धात्रे नमः। Ramasugriva Sandhatre Namah। महारावण मर्धनाय नमः। Maharavana Mardhanaya Namah। स्फटिकाभाय नमः। Sphatikabhaya Namah। वागधीशाय नमः। Vagadhishaya Namah। नवव्याकृतपण्डिताय नमः। Navavyakritapanditaya Namah। चतुर्बाहवे नमः। Chaturbahave Namah। दीनबन्धुराय नमः। Dinabandhuraya Namah। मायात्मने नमः। Mayatmane Namah। भक्तवत्सलाय नमः। Bhaktavatsalaya Namah। संजीवननगायार्था नमः। Sanjivananagayartha Namah। सुचये नमः। Suchaye Namah। वाग्मिने नमः। Vagmine Namah। दृढव्रताय नमः। Dridhavrataya Namah। कालनेमि प्रमथनाय नमः। Kalanemi Pramathanaya Namah। हरिमर्कट मर्कटाय नमः। Harimarkata Markataya Namah। दान्ताय नमः। Dantaya Namah। शान्ताय नमः। Shantaya Namah। प्रसन्नात्मने नमः। Prasannatmane Namah। शतकन्टमुदापहर्त्रे नमः। Shatakantamudapahartre Namah। योगिने नमः। Yogine Namah। रामकथा लोलाय नमः। Ramakatha Lolaya Namah। सीतान्वेषण पण्डिताय नमः। Sitanveshana Panditaya Namah। वज्रद्रनुष्टाय नमः। Vajradranushtaya Namah। वज्रनखाय नमः। Vajranakhaya Namah। रुद्र वीर्य समुद्भवाय नमः। Rudra Virya Samudbhavaya Namah। इन्द्रजित्प्रहितामोघब्रह्मास्त्र विनिवारकाय नमः। Indrajitprahitamoghabrahmastra Vinivarakaya Namah। पार्थ ध्वजाग्रसंवासिने नमः। Partha Dhwajagrasamvasine Namah। शरपञ्जर भेदकाय नमः। Sharapanjara Bhedakaya Namah। दशबाहवे नमः। Dashabahave Namah। लोकपूज्याय नमः। Lokapujyaya Namah। जाम्बवत्प्रीतिवर्धनाय नमः। Jambavatpritivardhanaya Namah। सीतासमेत श्रीरामपाद सेवदुरन्धराय नमः। Sitasameta Shriramapada sevadurandharaya Namah।

ಸುಂದರಕಾಂಡ

|| ಶ್ರೀಮದ್ ವಾಲ್ಮೀಕಿ ರಾಮಾಯಣ – ಸುಂದರಕಾಂಡ ||
|| ಸರ್ಗ 1 ||

ಶ್ರೀಮದ್ ವಾಲ್ಮೀಕಿ ರಾಮಾಯಣ – ಸುಂದರಕಾಂಡ

Accordion Sample Descriತತೋ ರಾವಣನೀತಾಯಾ: ಸೀತಾಯಾ: ಶತ್ರುಕರ್ಶನ: | ಇಯೇಷ ಪದಮನ್ವೇಷ್ಟುಂ ಚಾರಣಾಚರಿತೇ ಪಥಿ || 1 || ದುಷ್ಕರಂ ನಿಷ್ಪ್ರತಿದ್ವಂದ್ವಂ ಚಿಕೀರ್ಷಂ ಕರ್ಮ ವಾನರ: | ಸಮುದಗ್ರಶಿರೋಗ್ರೀವೋ ಗವಾಂಪತಿರಿವಾಬಭೌ || 2 || ಅಥ ವೈಡೂರ್ಯವರ್ಣೇಷು ಶಾದ್ವಲೇಷು ಮಹಾಬಲ: | ಧೀರ: ಸಲಿಲಕಲ್ಪೇಷು ವಿಚಚಾರ ಯಥಾಸುಖಂ || 3 || ದ್ವಿಜಾನ್ ವಿತ್ರಾಸಯಂಧೀಮಾನುರಸಾ ಪಾದಪಾನ್ಹರನ್ | ಮೃಗಾಂಶ್ಚ ಸುಬಹೂನ್ ನಿಘ್ನನ್ಪ್ರವೃದ್ಧ ಇವ ಕೇಸರೀ || 4 || ನೀಲಲೋಹಿತಂ ಆಂಜಿಷ್ಠ ಪದ್ಮವರ್ಣೈ: ಸಿತಾಸಿತೈ: | ಸ್ವಭಾವ ವಿಹಿತೈ: ಚಿತ್ರೈರ್ಧಾತುಭಿ: ಸಮಲಂಕೃತಂ || 5 || ಕಾಮರೂಪಿಭಿ: ಆವಿಷ್ಟಮಭೀಕ್ಷ್ಣಂ ಸಪರಿಚ್ಛದೈ: | ಯಕ್ಷ ಕಿನ್ನರ ಗಂಧರ್ವೈ: ದೇವಕಲ್ಪೈಶ್ಚ ಪನ್ನಗೈ: || 6 || ಸ ತಸ್ಯ ಗಿರಿವರ್ಯಸ್ಯ ತಲೇ ನಾಗವರಾಯುತೇ | ತಿಷ್ಠನ್ ಕಪಿವರ: ತತ್ರ ಹ್ರದೇ ನಾಗ ಇವಾಬಭೌ || 7 || ಸ ಸೂರ್ಯಾಯ ಮಹೇಂದ್ರಾಯ ಪವನಾಯ ಸ್ವಯಂಭುವೇ | ಭೂತೇಭ್ಯಶ್ಚ ಅಂಜಲಿಂ ಕೃತ್ವಾ ಚಕಾರ ಗಮನೇ ಮತಿಂ || 8 || ಅಂಜಲಿಂ ಪ್ರಾಙ್ಮುಖ: ಕುರ್ವನ್ ಪವನಾಯಾತ್ಮ ಯೋನಯೋ | ತತೋ ಹಿ ವವೃಧೇ ಗಂತುಂ ದಕ್ಷಿಣೋ ದಕ್ಷಿಣಾಂ ದಿಶಂ || 9 || ಪ್ಲವಂಗ ಪ್ರವರೈರ್ದೃಷ್ಟ: ಪ್ಲವನೇ ಕೃತನಿಶ್ಚಯ: | ವವೃಧೇ ರಾಮವೃದ್ಧ್ಯರ್ಥಂ ಸಮುದ್ರ ಇವ ಪರ್ವಸು || 10 || ನಿಷ್ಪ್ರಮಾಣ ಶರೀರ: ಸಂಲ್ಲಿಲಂಘಯಿಷುರರ್ಣವಂ | ಬಾಹುಭ್ಯಾಂ ಪೀಡಯಾಮಾಸ ಚರಣಾಭ್ಯಾಂ ಚ ಪರ್ವತಂ || 11 || ಸ ಚಚಾಲಾಚಲಾಶ್ಚಾರು ಮುಹೂರ್ತಂ ಕಪಿಪೀಡಿತ: | ತರೂಣಾಂ ಪುಷ್ಪಿತಾಗ್ರಾಣಾಂ ಸರ್ವಂ ಪುಷ್ಪಮಶಾತಯತ್ || 12 || ತೇನ ಪಾದಪಮುಕ್ತೇನ ಪುಷ್ಪೌಘೇಣ ಸುಗಂಧಿನಾ | ಸರ್ವತ: ಸಂವೃತ: ಶೈಲೋ ಬಭೌ ಪುಷ್ಪಮಯೋ ಯಥಾ || 13 || ತೇನ ಚ ಉತ್ತಮವೀರ್ಯೇಣ ಪೀಡ್ಯಮಾನ: ಸ ಪರ್ವತ: | ಸಲಿಲಂ ಸಂಪ್ರಸುಸ್ರಾವ ಮದಂ ಮತ್ತ ಇವ ದ್ವಿಪ: || 14 || ಪೀಡ್ಯಮಾನಸ್ತು ಬಲಿನಾ ಮಹೇಂದ್ರಸ್ತೇನ ಪರ್ವತ: | ರೀತಿರ್ನಿರ್ವರ್ತಯಾಮಾಸ ಕಾಂಚನ ಅಂಜನರಾಜತೀ: || 15 || ಮುಮೋಚ ಚ ಶಿಲಾ: ಶೈಲೋ ವಿಶಾಲಾ: ಸಮನ:ಶಿಲಾ: | ಮಧ್ಯಮೇನಾರ್ಚಿಷಾ ಜುಷ್ಟೋ ಧೂಮರಾಜೀವಾನಲ: || 16 || ಗಿರಿಣಾ ಪೀಡ್ಯಮಾನೇನ ಪೀಡ್ಯಮಾನಾನಿ ಸರ್ವಶ: | ಗುಹಾವಿಷ್ಟಾನಿ ಭೂತಾನಿ ವಿನೇದುರ್ವಿಕೃತೈ: ಸ್ವರೈ: || 17 || ಸ ಮಹಾಸತ್ತ್ವಸನ್ನಾದ: ಶೈಲಪೀಡಾ ನಿಮಿತ್ತಜ: | ಪೃಥಿವೀಂ ಪೂರಯಾಮಾಸ ದಿಶಶ್ಚ ಉಪವನಾನಿ ಚ || 18 || ಶಿರೋಭಿ: ಪೃಥುಭಿ: ಸರ್ಪಾ ವ್ಯಕ್ತ ಸ್ವಸ್ತಿ ಕಲಕ್ಷಣೈ: | ವಮಂತ: ಪಾವಕಂ ಘೋರಂ ದದಂಶು: ದಶನೈ: ಶಿಲಾ: || 19 || ತಾಸ್ತದಾ ಸವಿಷೈರ್ದಷ್ಟಾ: ಕುಪಿತೈಸ್ತೈ: ಮಹಾಶಿಲಾ: | ಜಜ್ವಲು: ಪಾವಕೋದ್ದೀಪ್ತಾ ವಿಭಿದುಶ್ಚ ಸಹಸ್ರಧಾ || 20 || ಯಾನಿ ಚೌಷಧಜಾಲಾನಿ ತಸ್ಮಿನ್ಜಾತಾನಿ ಪರ್ವತೇ | ವಿಷಘ್ನಾನ್ಯಪಿ ನಾಗಾನಾಂ ನ ಶೇಕು: ಶಮಿತುಂ ವಿಷಂ || 21 || ಭಿದ್ಯತೇ„ಯಂ ಗಿರಿರ್ಭೂತೈರಿತಿ ಮತ್ವಾ ತಪಸ್ವಿನ: | ತ್ರಸ್ತಾ ವಿದ್ಯಾಧರಾ: ತಸ್ಮಾದುತ್ಪೇತು: ಸ್ತ್ರೀಗಣೈ: ಸಹ || 22 || ಪಾನಭೂಮಿಗತಂ ಹಿತ್ವಾ ಹೈಮಮಾಸನಭಾಜನಂ | ಪಾತ್ರಾಣಿ ಚ ಮಹಾರ್ಹಾಣಿ ಕರಕಾಂಶ್ಚ ಹಿರಣ್ಮಯಾನ್ || 23 || ಲೇಹ್ಯಾನುಚ್ಚಾವಚಾಂ ಭಕ್ಷ್ಯಾನ್ ಮಾಂಸಾನಿ ವಿವಿಧಾನಿ ಚ | ಆರ್ಷಭಾಣಿ ಚ ಚರ್ಮಾಣಿ ಖಡ್ಗಾಂಶ್ಚ ಕನಕತ್ಸರೂನ್ || 24 || ಕೃತಕಂಠಗುಣಾ: ಕ್ಷೀಬಾ ರಕ್ತಮಾಲ್ಯ ಅನುಲೇಪನಾ: | ರಕ್ತಾಕ್ಷಾ: ಪುಷ್ಕರಾಕ್ಷಾಶ್ಚ ಗಗನಂ ಪ್ರತಿಪೇದಿರೇ || 25 || ಹಾರ ನೂಪುರ ಕೇಯೂರ ಪಾರಿಹಾರ್ಯ ಧರಾ: ಸ್ತ್ರಿಯ: | ವಿಸ್ಮಿತಾ: ಸಸ್ಮಿತಾಸ್ತಸ್ಥುರಾಕಾಶೇ ರಮಣೈ: ಸಹ || 26 || ದರ್ಶಯಂತೋ ಮಹಾವಿದ್ಯಾಂ ವಿದ್ಯಾಧರ ಮಹರ್ಷಯ: | ವಿಸ್ಮಿತಾಸ್ತಸ್ಥುರಾಕಾಶೇ ವೀಕ್ಷಾಂ ಚಕ್ರುಶ್ ಚ ಪರ್ವತಂ || 27 || ಶುಶ್ರುವುಶ್ಚ ತದಾ ಶಬ್ದಮೃಷೀಣಾಂ ಭಾವಿತಾತ್ಮನಾಂ | ಚಾರಣಾನಾಂ ಚ ಸಿದ್ಧಾನಾಂ ಸ್ಥಿತಾನಾಂ ವಿಮಲೇ„ಂಬರೇ || 28 || ಏಷ ಪರ್ವತಸಂಕಾಶೋ ಹನೂಮಾನ್ ಮಾರುತಾತ್ಮಜ: | ತಿತೀರ್ಷತಿ ಮಹಾವೇಗಂ ಸಮುದ್ರಂ ಮಕರಾಲಯಂ || 29|| ರಾಮಾರ್ಥಂ ವಾನರಾರ್ಥಂ ಚ ಚಿಕೀರ್ಷನ್ಕರ್ಮ ದುಷ್ಕರಂ | ಸಮುದ್ರಸ್ಯ ಪರಂ ಪಾರಂ ದುಷ್ಪ್ರಾಪಂ ಪ್ರಾಪ್ತುಂ ಇಚ್ಛತಿ || 30 || ಇತಿ ವಿದ್ಯಾಧರಾ: ಶ್ರುತ್ವಾ ವಚಸ್ತೇಷಾಂ ಮಹಾತ್ಮನಾಂ | ತಮಪ್ರಮೇಯಂ ದದೃಶು: ಪರ್ವತೇ ವಾನರರ್ಷಭಂ || 31 || ದುಧುವೇ ಚ ಸ ರೋಮಾಣಿ ಚಕಂಪೇ ಚಾಚಲೋಪಮ: | ನನಾದ ಚ ಮಹಾನಾದಂ ಸುಮಹಾನಿವ ತೋಯದ: || 32 || ಆನುಪೂವ್ರ್ಯಾಚ್ಚ ವೃತ್ತಂ ಚ ಲಾಂಗೂಲಂ ಲೋಮಭಿಶ್ಚಿತಂ | ಉತ್ಪತಿಷ್ಯನ್ವಿಚಿಕ್ಷೇಪ ಪಕ್ಷಿರಾಜ ಇವೋರಗಂ || 33 || ತಸ್ಯ ಲಾಂಗೂಲಮಾವಿದ್ಧಂ ಅತಿವೇಗಸ್ಯ ಪೃಷ್ಠತ: | ದದೃಶೇ ಗರುಡೇನೇವ ಹ್ರಿಯಮಾಣೋ ಮಹೋರಗ: || 34 || ಬಾಹೂ ಸಂಸ್ತಂಭಯಾಮಾಸ ಮಹಾಪರಿಘ ಸನ್ನಿಭೌ | ಸಸಾದ ಚ ಕಪಿ: ಕಟ್ಯಾಂ ಚರಣೌ ಸಂಚುಕೋಪ ಚ || 35 || ಸನ್ಹೃತ್ಯ ಚ ಭುಜೌ ಶ್ರೀಮಾನ: ತಥೈವ ಚ ಶಿರೋಧರಾಂ | ತೇಜ: ಸತ್ತ್ವಂ ತಥಾ ವೀರ್ಯಮಾವಿವೇಶ ಸ ವೀರ್ಯವಾನ್ || 36 || ಮಾರ್ಗಂ ಆಲೋಕಯನ್ ದೂರಾತ್ ಊಧ್ರ್ವ ಪ್ರಣಿಹಿತೇಕ್ಷಣ: | ರುರೋಧ ಹೃದಯೇ ಪ್ರಾಣಾನ್ ಆಕಾಶಂ ಅವಲೋಕಯನ್ || 37 || ಪದ್ಭ್ಯಾಂ ದೃಢಂ ಅವಸ್ಥಾನಂ ಕೃತ್ವಾ ಸ ಕಪಿಕುಂಜರ: | ನಿಕುಂಚ್ಯ ಕರ್ಣೌ ಹನುಮಾನ್ ಉತ್ಪತಿಷ್ಯನ್ ಮಹಾಬಲ: || 38 || ವಾನರಾನ್ ವಾನರಶ್ರೇಷ್ಠ ಇದಂ ವಚನಂ ಅಬ್ರವೀತ್ | ಯಥಾ ರಾಘವನಿರ್ಮುಕ್ತ: ಶರ: ಶ್ವಸನವಿಕ್ರಮ: || 39 || ಗಚ್ಛೇತ್ ತದ್ವತ್ ಗಮಿಷ್ಯಾಮಿ ಲಂಕಾಂ ರಾವಣ ಪಾಲಿತಾಂ | ನ ಹಿ ದ್ರಕ್ಷ್ಯಾಮಿ ಯದಿ ತಾಂ ಲಂಕಾಯಾಂ ಜನಕಾತ್ಮಜಾಂ || 40 || ಅನೇನೈವ ಹಿ ವೇಗೇನ ಗಮಿಷ್ಯಾಮಿ ಸುರಾಲಯಂ | ಯದಿ ವಾ ತ್ರಿದಿವೇ ಸೀತಾಂ ನ ದ್ರಕ್ಷ್ಯಾಮಿ ಕೃತಶ್ರಮ: || 41 || ಬದ್ಧ್ವಾ ರಾಕ್ಷಸರಾಜಾನ್ ಅಮಾನಯಿಷ್ಯಾಮಿ ರಾವಣಂ | ಸರ್ವಥಾ ಕೃತಕಾರ್ಯೋ„ಹಮೇಷ್ಯಾಮಿ ಸಹ ಸೀತಯಾ || 42 || ಆನಯಿಷ್ಯಾಮಿ ವಾ ಲಂಕಾಂ ಸಮುತ್ಪಾಟ್ಯ ಸರಾವಣಾಂ | ಏವಮುಕ್ತ್ವಾ ತು ಹನುಮಾನ್ ವಾನರಾನ್ ವಾನರೋತ್ತಮ: || 43 || ಉತ್ಪಪಾತಾಥ ವೇಗೇನ ವೇಗವಾನ ವಿಚಾರಯನ್ | ಸುಪರ್ಣಮಿವ ಚಾತ್ಮಾನಂ ಮೇನೇ ಸ ಕಪಿಕುಂಜರ: || 44 || ಸಮುತ್ಪತತಿ ತಸ್ಮಿನ್ಸ್ತು ವೇಗಾತ್ತೇ ನಗರೋಹಿಣ: | ಸಂಹೃತ್ಯ ವಿಟಪಾನ್ ಸರ್ವಾನ್ ಸಮುತ್ಪೇತು: ಸಮಂತತ: || 45 || ಸ ಮತ್ತಕೋಯಷ್ಟಿಭಕಾನ್ ಪಾದಪಾನ್ಪುಷ್ಪಶಾಲಿನ: | ಉದ್ವಹನ್ ಊರುವೇಗೇನ ಜಗಾಮ ವಿಮಲೇ„ಂಬರೇ || 46 || ಊರುವೇಗೋದ್ಧತಾ ವೃಕ್ಷಾ ಮುಹೂರ್ತಂ ಕಪಿಮನ್ವಯು: | ಪ್ರಸ್ಥಿತಂ ದೀರ್ಘಮಧ್ವಾನಂ ಸ್ವಬಂಧುಮಿವ ಬಾಂಧವಾ: || 47 || ತದೂರುವೇಗೋನ್ಮಥಿತಾ: ಸಾಲಾಶ್ಚಾನ್ಯೇ ನಗೋತ್ತಮಾ: | ಅನುಜಗ್ಮುರ್ಹನೂಮಂತಂ ಸೈನ್ಯಾ ಇವ ಮಹೀಪತಿಂ || 48 || ಸುಪುಷ್ಪಿತಾಗ್ರೈರ್ಬಹುಭಿ: ಪಾದಪೈರನ್ವಿತ: ಕಪಿ: | ಹನುಮಾನ್ ಪರ್ವತಾಕಾರೋ ಬಭೂವ ಅದ್ಭುತ ದರ್ಶನ: || 49 || ಸಾರವಂತೋ„ಥ ಯೇ ವೃಕ್ಷಾ ನ್ಯಮಜ್ಜಂಲ್ಲವಣಾಂಭಸಿ | ಭಯಾದಿವ ಮಹೇಂದ್ರಸ್ಯ ಪರ್ವತಾ ವರುಣಾಲಯೇ || 50 || ಸ ನಾನಾಕುಸುಮೈ: ಕೀರ್ಣ: ಕಪಿ: ಸಾಂಕುರಕೋರಕೈ: | ಶುಶುಭೇ ಮೇಘಸಂಕಾಶ: ಖದ್ಯೋತೈರಿವ ಪರ್ವತ: || 51 || ವಿಮುಕ್ತಾಸ್ತಸ್ಯ ವೇಗೇನ ಮುಕ್ತ್ವಾ ಪುಷ್ಪಾಣಿ ತೇ ದ್ರುಮಾ: | ಅವಶೀರ್ಯಂತ ಸಲಿಲೇ ನಿವೃತ್ತಾ: ಸುಹೃದೋ ಯಥಾ || 52 || ಲಘುತ್ವೇನೋಪಪನ್ನಂ ತದ್ವಿಚಿತ್ರಂ ಸಾಗರೇ„ಪತತ್ | ದ್ರುಮಾಣಾಂ ವಿವಿಧಂ ಪುಷ್ಪಂ ಕಪಿ ವಾಯುಸಮೀರಿತಂ || 53 || ತಾರಾಚಿತಮಿವಾಕಾಶಂ ಪ್ರಬಭೌ ಚ ಮಹಾರ್ಣವ: | ಪುಷ್ಪೌಘೇಣಾನುಬದ್ಧೇನ ನಾನಾವರ್ಣೇನ ವಾನರ: || 54 || ಬಭೌ ಮೇಘ ಇವೋದ್ಯನ್ವೈ ವಿದ್ಯುತ್ ಗಣವಿಭೂಷಿತ: | ತಸ್ಯ ವೇಗಸಮುದ್ಭೂತೈ: ಪುಷ್ಪೈ: ತೋಯಮದೃಶ್ಯತ || 55 || ತಾರಾಭಿ: ಅಭಿರಾಮ ಅಭಿರುದಿತಾಭಿರಿವಾಂಬರಂ | ತಸ್ಯಾಂಬರಗತೌ ಬಾಹೂ ದದೃಶಾತೇ ಪ್ರಸಾರಿತೌ || 56 || ಪರ್ವತಾಗ್ರಾದ್ವಿನಿಷ್ಕ್ರಾಂತೌ ಪಂಚಾಸ್ಯಾವಿವ ಪನ್ನಗೌ | ಪಿಬನ್ನಿವ ಬಭೌ ಚಾಪಿ ಸೋರ್ಮಿಜಾಲಂ ಮಹಾರ್ಣವಂ || 57 || ಪಿಪಾಸುರಿವ ಚಾಕಾಶಂ ದದೃಶೇ ಸ ಮಹಾಕಪಿ: || ತಸ್ಯ ವಿದ್ಯುತ್ ಪ್ರಭಾಕಾರೇ ವಾಯುಮಾರ್ಗ ಅನುಸಾರಿಣ: || 58 || ನಯನೇ ವಿಪ್ರಕಾಶೇತೇ ಪರ್ವತಸ್ಥಾವಿವಾನಲೌ | ಪಿಂಗೇ ಪಿಂಗಾಕ್ಷಮುಖ್ಯಸ್ಯ ಬೃಹತೀ ಪರಿಮಂಡಲೇ || 59 || ಚಕ್ಷುಷೀ ಸಂಪ್ರಕಶೇತೇ ಚಂದ್ರಸೂರ್ಯಾವಿವ ಸ್ಥಿತೌ | ಮುಖಂ ನಾಸಿಕಯಾ ತಸ್ಯ ತಾಮ್ರಯಾ ತಾಮ್ರಮಾಬಭೌ || 60 || ಸಂಧ್ಯಯಾ ಸಮಭಿಸ್ಪೃಷ್ಟನ್ ಯಥಾ ಸೂರ್ಯಸ್ಯ ಮಂಡಲಂ | ಲಾಂಗಲಂ ಚ ಸಮಾವಿದ್ಧಂ ಪ್ಲವಮಾನಸ್ಯ ಶೋಭತೇ || 61 || ಅಂಬರೇ ವಾಯುಪುತ್ರಸ್ಯ ಶಕ್ರಧ್ವಜ ಇವೋಚ್ಛ್ರಿತ: | ಲಾಂಗೂಲಚಕ್ರೇಣ ಮಹಾನ್ ಶುಕ್ಲದಂಷ್ಟ್ರೋ„ನಿಲಾತ್ಮಜ: || 62 || ವ್ಯರೋಚತ ಮಹಾಪ್ರಾಜ್ಞ: ಪರಿವೇಷೀವ ಭಾಸ್ಕರ: | ಸ್ಫಿಗ್ದೇಶೇ ನಾಭಿತಾಮ್ರೇಣ ರರಾಜ ಸ ಮಹಾಕಪಿ: || 63 || ಮಹತಾ ದಾರಿತೇನೇವ ಗಿರಿರ್ಗೈರಿಕಧಾತುನಾ | ತಸ್ಯ ವಾನರಸಿಂಹಸ್ಯ ಪ್ಲವಮಾನಸ್ಯ ಸಾಗರಂ || 64 || ಕಕ್ಷಾಂತರಗತೋ ವಾಯುರ್ಜೀಮೂತ ಇವ ಗರ್ಜತಿ | ಖೇ ಯಥಾ ನಿಪತತ್ಯುಲ್ಕಾ ಉತ್ತರಾಂತಾದ್ವಿನಿ:ಸೃತಾ || 65 || ದೃಶ್ಯತೇ ಸಾನುಬಂಧಾ ಚ ತಥಾ ಸ ಕಪಿಕುಂಜರ: | ಪತತ್ಪತಂಗ ಸಂಕಾಶೋ ವ್ಯಾಯತ: ಶುಶುಭೇ ಕಪಿ: || 66 || ಪ್ರವೃದ್ಧ ಇವ ಮಾತಂಗ: ಕಕ್ಷ್ಯಯಾ ಬಧ್ಯಮಾನಯಾ | ಉಪರಿಷ್ಟಾತ್ ಶರೀರೇಣ ಛಾಯಯಾ ಚಾವಗಾಢಯಾ || 67 || ಸಾಗರೇ ಮಾರುತಾವಿಷ್ಟಾ ನೌರಿವಾಸೀತ್ತದಾ ಕಪಿ: | ಯಂ ಯಂ ದೇಶಂ ಸಮುದ್ರಸ್ಯ ಜಗಾಮ ಸ ಮಹಾಕಪಿ: || 68 || ಸ ಸ ತಸ್ಯಾಂಗವೇಗೇನ ಸೋನ್ಮಾದ ಇವ ಲಕ್ಷ್ಯತೇ | ಸಾಗರಸ್ಯೋರ್ಮಿಜಾಲಾನಾಮುರಸಾ ಶೈಲವಷ್ರ್ಮಣಾಂ || 69 || ಅಭಿಘ್ನನ್ಸ್ತು ಮಹಾವೇಗ: ಪುಪ್ಲುವೇ ಸ ಮಹಾಕಪಿ: | ಕಪಿವಾತಶ್ಚ ಬಲವಾನ್ ಮೇಘವಾತಶ್ಚ ನಿ:ಸೃತ: || 70 || ಸಾಗರಂ ಭೀಮನಿರ್ಘೋಷಂ ಕಂಪಯಾಮಾಸತುರ್ಭೃಶಂ | ವಿಕರ್ಷನ್ನೂರ್ಮಿಜಾಲಾನಿ ಬೃಹನ್ತಿ ಲವಣಾಂಭಸಿ || 71 || ಪುಪ್ಲುವೇ ಕಪಿಶಾರ್ದೂಲೋ ವಿಕಿರನ್ನಿವ ರೋದಸೀ | ಮೇರುಮಂದರಸಂಕಾಶಾನುದ್ಧತಾಂ ಸ ಮಹಾರ್ಣವೇ || 72 || ಅತ್ಯಕ್ರಾಮಂ ಮಹಾವೇಗ: ತರಂಗಾಂ ಗಣಯನ್ನಿವ | ತಸ್ಯ ವೇಗಸಮುದ್ಧೂತಂ ಜಲಂ ಸಜಲದಂ ತದಾ || 73 || ಅಂಬಸ್ರ್ಥಂ ವಿಬಭ್ರಾಜ ಶಾರದಾಭ್ರಮಿವಾತತಂ | ತಿಮಿನಕ್ರಝಷಾ: ಕೂರ್ಮಾ ದೃಶ್ಯಂತೇ ವಿವೃತಾಸ್ತದಾ || 74 || ವಸ್ತ್ರಾಪಕರ್ಷಣೇನೇವ ಶರೀರಾಣಿ ಶರೀರಿಣಾಂ | ಪ್ಲವಮಾನಂ ಸಮೀಕ್ಷ್ಯಾಥ ಭುಜಂಗಾ: ಸಾಗರಾಲಯಾ: || 75 || ವ್ಯೋಮ್ನಿ ತಂ ಕಪಿಶಾರ್ದೂಲಂ ಸುಪರ್ಣಮಿತಿ ಮೇನಿರೇ | ದಶಯೋಜನವಿಸ್ತೀರ್ಣಾ ತ್ರಿಂಶದ್ಯೋಜನಮಾಯತಾ || 76 || ಛಾಯಾ ವಾನರಸಿಂಹಸ್ಯ ಜಲೇ ಚಾರುತರಾಭವತ್ | ಶ್ವೇತಾಭ್ರಘನರಾಜೀವ ವಾಯುಪುತ್ರಾನುಗಾಮಿನೀ || 77 || ತಸ್ಯ ಸಾ ಶುಶುಭೇ ಛಾಯಾ ವಿತತಾ ಲವಣಾಂಭಸಿ | ಶುಶುಭೇ ಸ ಮಹಾತೇಜಾ ಮಹಾಕಾಯೋ ಮಹಾಕಪಿ: || 78 || ವಾಯುಮಾರ್ಗೇ ನಿರಾಲಂಬೇ ಪಕ್ಷವಾನಿವ ಪರ್ವತ: | ಯೇನಾಸೌ ಯಾತಿ ಬಲವಾನ್ ವೇಗೇನ ಕಪಿಕುಂಜರ: || 79 || ತೇನ ಮಾರ್ಗೇಣ ಸಹಸಾ ದ್ರೋಣೀಕೃತ ಇವಾರ್ಣವ: | ಆಪಾತೇ ಪಕ್ಷಿಸಂಘಾನಾಂ ಪಕ್ಷಿರಾಜ ಇವ ವ್ರಜಂ || 80 || ಹನುಮಾನ್ ಮೇಘಜಾಲಾನಿ ಪ್ರಕರ್ಷಂ ಮಾರುತೋ ಯಥಾ | ಪ್ರವಿಶನ್ನಭ್ರಜಾಲಾನಿ ನಿಷ್ಪತಂಚ ಪುನ: ಪುನ: || 81 || ಪ್ರಚ್ಛನ್ನಶ್ಚ ಪ್ರಕಾಶಶ್ಚ ಚಂದ್ರಮಾ ಇವ ಲಕ್ಷ್ಯತೇ | ಪಾಂಡುರಾರುಣವರ್ಣಾನಿ ನೀಲಮಾಂಜಿಷ್ಠಕಾನಿ ಚ || 82 || ಕಪಿನಾಕೃಶ್ಯಮಾಣಾನಿ ಮಹಾಭ್ರಾಣಿ ಚಕಾಶಿರೇ | ಪ್ಲವಮಾನಂ ತು ತಂ ದೃಷ್ಟ್ವಾ ಪ್ಲವಗಂ ತ್ವರಿತಂ ತದಾ || 82 || ವವೃಷು: ಪುಷ್ಪವರ್ಷಾಣಿ ದೇವ ಗಂಧರ್ವ ದಾನವಾ: | ತತಾಪ ನ ಹಿ ತಂ ಸೂರ್ಯ: ಪ್ಲವಂತಂ ವಾನರೇಶ್ವರಂ || 83 || ಸಿಷೇವೇ ಚ ತದಾ ವಾಯೂ ರಾಮಕಾರ್ಯಾರ್ಥ ಸಿದ್ಧಯೇ | ಋಷಯ: ತುಷ್ಟುವುಶ್ಚೈನಂ ಪ್ಲವಮಾನಂ ವಿಹಾಯಸಾ || 85 || ಜಗುಶ್ಚ ದೇವಗಂಧರ್ವಾ: ಪ್ರಶಂಸಂತೋ ಮಹೌಜಸಂ | ನಾಗಾಶ್ಚ ತುಷ್ಟುವುರ್ಯಕ್ಷಾ ರಕ್ಷಾಂಸಿ ವಿಬುಧಾ: ಖಗಾ: || 86 || ಪ್ರೇಕ್ಷ್ಯಾಕಾಶೇ ಕಪಿವರಂ ಸಹಸಾ ವಿಗತಕ್ಲಮಂ | ತಸ್ಮಿನ್ ಪ್ಲವಗ ಶಾರ್ದೂಲೇ ಪ್ಲವಮಾನೇ ಹನೂಮತಿ || 87 || ಇಕ್ಷ್ವಾಕುಕುಲಮಾನಾರ್ಥೀ ಚಿಂತಯಾಮಾಸ ಸಾಗರ: | ಸಾಹಾಯ್ಯಂ ವಾನರೇಂದ್ರಸ್ಯ ಯದಿ ನಾಹಂ ಹನೂಮತ: || 88 || ಕರಿಷ್ಯಾಮಿ ಭವಿಷ್ಯಾಮಿ ಸರ್ವವಾಚ್ಯೋ ವಿವಕ್ಷತಾಂ | ಅಹಂ ಇಕ್ಷ್ವಾಕುನಾಥೇನ ಸಗರೇಣ ವಿವರ್ಧಿತ: || 89 || ಇಕ್ಷ್ವಾಕು ಸಚಿವಶ್ಚಾಯಂ ನಾವಸೀದಿತುಂ ಅರ್ಹತಿ | ತಥಾ ಮಯಾ ವಿಧಾತವ್ಯಂ ವಿಶ್ರಮೇತ ಯಥಾ ಕಪಿ: || 90 || ಶೇಷಂ ಚ ಮಯಿ ವಿಶ್ರಾಂತ: ಸುಖೇನಾತಿಪತಿಷ್ಯತಿ | ಇತಿ ಕೃತ್ವಾ ಮತಿಂ ಸಾಧ್ವೀಂ ಸಮುದ್ರಶ್ ಛನ್ನಮಂಭಸಿ || 91 || ಹಿರಣ್ಯನಾಭಂ ಮೈನಾಕಮುವಾಚ ಗಿರಿಸತ್ತಮಂ | ತ್ವಮಿಹಾಸುರಸಂಘಾನಾಂ ಪಾತಾಲತಲ ವಾಸಿನಾಂ || 92 || ದೇವರಾಜ್ಞಾ ಗಿರಿಶ್ರೇಷ್ಠ ಪರಿಘ: ಸನ್ನಿವೇಶಿತ: | ತ್ವಮೇಷಾಂ ಜ್ಞಾತವೀರ್ಯಾಣಾಂ ಪುನರೇವ ಉತ್ಪತಿಷ್ಯತಾಂ || 93 || ಪಾತಾಳಸ್ಯ ಅಪ್ರಮೇಯಸ್ಯ ದ್ವಾರಮಾವೃತ್ಯ ತಿಷ್ಠಸಿ | ತಿರ್ಯಗೂಧ್ರ್ವಮಧಶ್ಚೈವ ಶಕ್ತಿಸ್ತೇ ಶೈಲವರ್ಧಿತುಂ || 94 || ತಸ್ಮಾತ್ ಸಂಚೋದಯಾಮಿ ತ್ವಾಮುತ್ತಿಷ್ಠ ನಗಸತ್ತಮ | ಸ ಏವ ಕಪಿಶಾರ್ದೂಲ: ತ್ವಾಂ ಉಪರ್ಯೇತಿ ವೀರ್ಯವಾನ್ || 95 || ಹನೂಮಾನ್ ರಾಮಕಾರ್ಯಾರ್ಥಂ ಭೀಮಕರ್ಮಾ ಖಮಾಪ್ಲುತ: | ಅಸ್ಯ ಸಾಹ್ಯಂ ಮಯಾ ಕಾರ್ಯಂ ಇಕ್ಷ್ವಾಕು ಕುಲವರ್ತಿನ: || 96 || ಶ್ರಮಂ ಚ ಪ್ಲವಗೇಂದ್ರಸ್ಯ ಸಮೀಕ್ಷ್ಯೋತ್ಥಾತುಂ ಅರ್ಹಸಿ | ಹಿರಣ್ಯನಾಭೋ ಮೈನಾಕೋ ನಿಶಮ್ಯ ಲವಣಾಂಭಸ: || 97 || ಉತ್ಪಪಾತ ಜಲಾತ್ತೂರ್ಣಂ ಮಹಾದ್ರುಮಲತಾಯುತ: | ಸ ಸಾಗರಜಲಂ ಭಿತ್ತ್ವಾ ವಭೂವಾತ್ಯುತ್ಥಿತ: ತದಾ || 98 || ಯಥಾ ಜಲಧರಂ ಭಿತ್ತ್ವಾ ದೀಪ್ತರಶ್ಮಿ: ದಿವಾಕರ: | ಸ ಮಹಾತ್ಮಾ ಮುಹೂರ್ತೇನ ಸರ್ವತ: ಸಲಿಲಾವೃತ: || 99 || ದೃಶಯಾಮಾಸ ಶೃಂಗಾಣಿ ಸಾಗರೇಣ ನಿಯೋಜಿತ: | ಶಾತಕುಂಭಮಯೈ: ಶೃಂಗೈ: ಸಕಿನ್ನರ ಮಹೋರಗೈ: || 100 || ಆದಿತ್ಯ ಉದಯ ಸಂಕಾಶೈರಾಲಿಖದ್ಭಿರಿವಾಂಬರಂ | ತಪ್ತಜಾಂಬೂನದೈ: ಶೃಂಗಾ: ಪರ್ವತಸ್ಯ ಸಮುತ್ಥಿತೈ: || 101 || ಆಕಾಶಂ ಶಸ್ತ್ರ ಸಂಕಾಶಂ ಅಭವತ್ ಕಾಂಚನಪ್ರಭಂ | ಜಾತರೂಪಮಯೈ: ಶೃಂಗೈ: ಭ್ರಾಜಮಾನೈ: ಸ್ವಯಂ ಪ್ರಭೈ: || 102 || ಆದಿತ್ಯಶತಸಂಕಾಶ: ಸೋ„ಭವದ್ಗಿರಿಸತ್ತಮ: | ತಮುತ್ಥಿತಮಸಂಗೇನ ಹನೂಮಾನಗ್ರತ: ಸ್ಥಿತಂ || 103 || ಮಧ್ಯೇ ಲವಣತೋಯಸ್ಯ ವಿಘ್ನೋ„ಯಮಿತಿ ನಿಶ್ಚಿತ: | ಸ ತಮುಚ್ಛ್ರಿತಮತ್ಯರ್ಥಂ ಮಹಾವೇಗೋ ಮಹಾಕಪಿ: || 104 || ಉರಸಾ ಪಾತಯಾಮಾಸ ಜೀಮೂತಮಿವ ಮಾರುತ: | ಸ ತಥಾ ಪಾತಿತಸ್ತೇನ ಕಪಿನಾ ಪರ್ವತೋತ್ತಮ: || 105 || ಬುದ್ಧ್ವಾ ತಸ್ಯ ಕಪೇರ್ವೇಗನ್ ಜಹರ್ಷ ಚ ನನಂದ ಚ | ತಮಾಕಾಶಗತಂ ವೀರಮಾಕಾಶೇ ಸಮುಪಸ್ಥಿತ: || 106 || ಪ್ರೀತೋ ಹೃಷ್ಟಮನಾ ವಾಕ್ಯಮಬ್ರವೀತ್ಪರ್ವತ: ಕಪಿಂ | ಮಾನುಷಂ ಧಾರಯನ್ರೂಪಮಾತ್ಮನ: ಶಿಖರೇ ಸ್ಥಿತ: || 107 || ದುಷ್ಕರಂ ಕೃತವಾನ್ಕರ್ಮ ತ್ವಮಿದಂ ವಾನರೋತ್ತಮ | ನಿಪತ್ಯ ಮಮ ಶೃಂಗೇಷು ವಿಶ್ರಮಸ್ವ ಯಥಾಸುಖಂ || 108 || ರಾಘಾವಸ್ಯ ಕುಲೇ ಜಾತೈರುದಧಿ: ಪರಿವರ್ಧಿತ: | ಸ ತ್ವಾಂ ರಾಮಹಿತೇ ಯುಕ್ತಂ ಪ್ರತ್ಯರ್ಚಯತಿ ಸಾಗರ: || 109 || ಕೃತೇ ಚ ಪ್ರತಿಕರ್ತವ್ಯಮೇಷ ಧರ್ಮ: ಸನಾತನ: | ಸೋ„ಯಂ ತತ್ಪ್ರತಿಕಾರಾರ್ಥೀ ತ್ವತ್ತ: ಸಂಮಾನಮರ್ಹತಿ || 110 || ತ್ವಂ ನಿಮಿತ್ತಂ ಅನೇನಾಹಂ ಬಹುಮಾನಾತ್ ಪ್ರಚೋದಿತ: | ಯೋಜನಾನಾಂ ಶತಂ ಚಾಪಿ ಕಪಿರೇಷ ಸಮಾಪ್ಲುತ: || 111 || ತವ ಸಾನುಷು ವಿಶ್ರಾಂತ: ಶೇಷಂ ಪ್ರಕ್ರಮತಾಂ ಇತಿ | ತಿಷ್ಠ ತ್ವಂ ಹರಿಶಾರ್ದೂಲ ಮಯಿ ವಿಶ್ರಮ್ಯ ಗಮ್ಯತಾಂ || 112 || ತದಿದಂ ವತ್ಸ್ವಾದು ಕಂದಮೂಲಫಲಂ ಬಹು | ತದಾಸ್ವಾದ್ಯ ಹರಿಶ್ರೇಷ್ಠ ವಿಶ್ರಾಂತೋ ಅನುಗಮಿಷ್ಯಸಿ || 113 || ಅಸ್ಮಾಕಮಪಿ ಸಂಬಂಧ: ಕಪಿಮುಖ್ಯ: ತ್ವಯಾಸ್ತಿ ವೈ | ಪ್ರಖ್ಯತ: ತ್ರಿಷು ಲೋಕೇಷು ಮಹಾಗುಣ ಪರಿಗ್ರಹ: || 114 || ವೇಗವಂತ: ಪ್ಲವಂತೋ ಯೇ ಪ್ಲವಗಾ ಮಾರುತಾತ್ಮಜ | ತೇಷಾಂ ಮುಖ್ಯತಮಂ ಮನ್ಯೇ ತ್ವಾಮಹಂ ಕಪಿಕುಂಜರ || 115 || ಅತಿಥಿ: ಕಿಲ ಪೂಜಾರ್ಹ: ಪ್ರಾಕೃತೋ„ಪಿ ವಿಜಾನತಾ | ಧರ್ಮಂ ಜಿಜ್ಞಾಸಮಾನೇನ ಕಿಂ ಪುನರ್ಯಾದೃಶೋ ಮಹಾನ್ || 116 || ತ್ವಂ ಹಿ ದೇವವರಿಷ್ಠಸ್ಯ ಮಾರುತಸ್ಯ ಮಹಾತ್ಮನ: | ಪುತ್ರ: ತಸ್ಯೈವ ವೇಗೇನ ಸದೃಶ: ಕಪಿಕುಂಜರ || 117 || ಪೂಜಿತೇ ತ್ವಯಿ ಧರ್ಮಜ್ಞ ಪೂಜಾಂ ಪ್ರಾಪ್ನೋತಿ ಮಾರುತ: | ತಸ್ಮಾತ್ತ್ವಂ ಪೂಜನೀಯೋ ಮೇ ಶೃಣು ಚಾಪ್ಯತ್ರ ಕಾರಣಂ || 118 || ಪೂರ್ವಂ ಕೃತಯುಗೇ ತಾತ ಪರ್ವತಾ: ಪಕ್ಷಿಣೋ„ಭವನ್ | ತೇ„ಪಿ ಜಗ್ಮುರ್ದಿಶ: ಸರ್ವಾ ಗರುಡ ಅನಿಲವೇಗಿನ: || 119 || ತತಸ್ತೇಷು ಪ್ರಯಾತೇಷು ದೇವಸಂಘಾ: ಸಹರ್ಷಿಭಿ: | ಭೂತಾನಿ ಚ ಭಯಂ ಜಗ್ಮುಸ್ತೇಷಾಂ ಪತನಶಂಕಯಾ || 120 || ತತ: ಕ್ರುದ್ಧ: ಸಹಸ್ರಾಕ್ಷ: ಪರ್ವತಾನಾಂ ಶತಕ್ರತು: | ಪಕ್ಷಾಂಶ್ಚಿಚ್ಛೇದ ವಜ್ರೇಣ ತತ್ರ ತತ್ರ ಸಹಸ್ರಶ: || 121 || ಸ ಮಾಮುಪಗತ: ಕ್ರುದ್ಧೋ ವಜ್ರಮುದ್ಯಮ್ಯ ದೇವರಾಟ್ | ತತೋ„ಹಂ ಸಹಸಾ ಕ್ಷಿಪ್ತ: ಶ್ವಸನೇನ ಮಹಾತ್ಮನಾ || 122 || ಅಸ್ಮಿನ್ ಲವಣತೋಯೇ ಚ ಪ್ರಕ್ಷಿಪ್ತ: ಪ್ಲವಗೋತ್ತಮ | ಗುಪ್ತಪಕ್ಷ: ಸಮಗ್ರಶ್ಚ ತವ ಪಿತ್ರಾಭಿರಕ್ಷಿತ: || 123 || ತತೋ„ಹಂ ಮಾನಯಾಮಿ ತ್ವಾಂ ಮಾನ್ಯೋ ಹಿ ಮಮ ಮಾರುತ: | ತ್ವಯಾ ಮೇ ಹ್ಯೇಷ ಸಂಬಂಧ: ಕಪಿಮುಖ್ಯ ಮಹಾಗುಣ: || 124 || ಅಸ್ಮಿನ್ ಏವಂಗತೇ ಕಾರ್ಯೇ ಸಾಗರಸ್ಯ ಮಮೈವ ಚ | ಪ್ರೀತಿಂ ಪ್ರೀತಮನಾ ಕರ್ತುಂ ತ್ವಮರ್ಹಸಿ ಮಹಾಕಪೇ || 125 || ಶ್ರಮಂ ಮೋಕ್ಷಯ ಪೂಜಾಂ ಚ ಗೃಹಾಣ ಕಪಿಸತ್ತಮ | ಪ್ರೀತಿಂ ಚ ಬಹುಮನ್ಯಸ್ವ ಪ್ರೀತೋ„ಸ್ಮಿ ತವ ದರ್ಶನಾತ್ || 126 || ಏವಮುಕ್ತ: ಕಪಿಶ್ರೇಷ್ಠಸ್ತಂ ನಗೋತ್ತಮಮಬ್ರವೀತ್ | ಪ್ರೀತೋ„ಸ್ಮಿ ಕೃತಮಾತಿಥ್ಯಂ ಮನ್ಯುರೇಷೋ„ಪನೀಯತಾಂ || 127 || ತ್ವರತೇ ಕಾರ್ಯಕಾಲೋ ಮೇ ಅಹಶ್ಚಾಪ್ಯತಿವರ್ತತೇ | ಪ್ರತಿಜ್ಞಾ ಚ ಮಯಾ ದತ್ತಾ ನ ಸ್ಥಾತವ್ಯಮಿಹಾಂತರಾ || 128 || ಇತ್ಯುಕ್ತ್ವಾ ಪಾಣಿನಾ ಶೈಲಮಾಲಭ್ಯ ಹರಿ: | ಜಗಾಮಾಕಾಶಮಾವಿಶ್ಯ ವೀರ್ಯವಾನ್ ಪ್ರಹಸನ್ನಿವ || 129 || ಸ ಪರ್ವತಸಮುದ್ರಾಭ್ಯಾಂ ಬಹುಮಾನಾದವೇಕ್ಷಿತ: | ಪೂಜಿತಶ್ಚೋಪ ಪನ್ನಾಭಿರಾಶೀರ್ಭಿ: ಅನಿಲಾತ್ಮಜ: || 130 || ಅಥೋಧ್ರ್ವಂ ದೂರಮುತ್ಪತ್ಯ ಹಿತ್ವಾ ಶೈಲಮಹಾರ್ಣವೌ | ಪಿತು: ಪಂಥಾನಮಾಸ್ಥಾಯ ಜಗಾಮ ವಿಮಲೇ„ಂಬರೇ || 131 || ಭೂಯಶ್ಚೋಧ್ರ್ವಗತಿಂ ಪ್ರಾಪ್ಯ ಗಿರಿಂ ತಮವಲೋಕಯನ್ | ವಾಯುಸೂನು: ನಿರಾಲಂಬೇ ಜಗಾಮ ವಿಮಲೇ„ಂಬರೇ || 132 || ತದ್ದ್ವಿತೀಯಂ ಹನುಮತೋ ದೃಷ್ಟ್ವಾ ಕರ್ಮ ಸುದುಷ್ಕರಂ | ಪ್ರಶಶಂಸು: ಸುರಾ: ಸರ್ವೇ ಸಿದ್ಧಾಶ್ಚ ಪರಮರ್ಷಯ: || 133 || ದೇವತಾಶ್ಚಾಭವನ್ ಹೃಷ್ಟಾ: ತತ್ರಸ್ಥಾಸ್ತಸ್ಯ ಕರ್ಮಣಾ | ಕಾಂಚನಸ್ಯ ಸುನಾಭಸ್ಯ ಸಹಸ್ರಾಕ್ಷಶ್ಚ ವಾಸವ: || 134 || ಉವಾಚ ವಚನಂ ಧೀಮಾನ್ ಪರಿತೋಷಾತ್ ಸಗದ್ಗದಂ | ಸುನಾಭಂ ಪರ್ವತಶ್ರೇಷ್ಠಂ ಸ್ವಯಮೇವ ಶಚೀಪತಿ: || 135 || ಹಿರಣ್ಯನಾಭ ಶೈಲೇಂದ್ರ ಪರಿತುಷ್ಟೋ„ಸ್ಮಿ ತೇ ಭೃಶಂ | ಅಭಯಂ ತೇ ಪ್ರಯಚ್ಛಾಮಿ ತಿಷ್ಠ ಸೌಮ್ಯ ಯಥಾಸುಖಂ || 136 || ಸಾಹ್ಯಂ ಕೃತಂ ತೇ ಸುಮಹದ್ವಿಕ್ರಾಂತಸ್ಯ ಹನೂಮತ: | ಕ್ರಮತೋ ಯೋಜನಶತಂ ನಿರ್ಭಯಸ್ಯ ಭಯೇ ಸತಿ || 137 || ರಾಮಸ್ಯೈಷ ಹಿ ದೌತ್ಯೇನ ಯಾತಿ ದಾಶರಥೇರ್ಹರಿ: | ಸತ್ಕ್ರಿಯಾಂ ಕುರ್ವತಾ ಶಕ್ಯಾ ತೋಷಿತೋ„ಸ್ಮಿ ದೃಢಂ ತ್ವಯಾ || 138 || ತತ: ಪ್ರಹರ್ಷಮಲಭದ್ ವಿಪುಲಂ ಪರ್ವತೋತ್ತಮ: | ದೇವತಾನಾಂ ಪತಿಂ ದೃಷ್ಟ್ವಾ ಪರಿತುಷ್ಟಂ ಶತಕ್ರತುಂ || 139 || ಸ ವೈ ದತ್ತವರ: ಶೈಲೋ ಬಭೂವಾವಸ್ಥಿತಸ್ತದಾ | ಹನೂಮಾನ್ಶ್ಚ ಮುಹೂರ್ತೇನ ವ್ಯತಿಚಕ್ರಾಮ ಸಾಗರಂ || 140 || ತತೋ ದೇವಾ: ಸಗಂಧರ್ವಾ: ಸಿದ್ಧಾಶ್ಚ ಪರಮರ್ಷಯ: | ಅಬ್ರುವನ್ ಸೂರ್ಯಸಂಕಾಶಾಂ ಸುರಸಾಂ ನಾಗಮಾತರಂ || 141 || ಅಯಂ ವಾತಾತ್ಮಜ: ಶ್ರೀಮಾನ್ಪ್ಲವತೇ ಸಾಗರೋಪರಿ | ಹನೂಮಾನ್ನಾಮ ತಸ್ಯ ತ್ವಂ ಮುಹೂರ್ತಂ ವಿಘ್ನಮಾಚರ || 142 || ರಾಕ್ಷಸಂ ರೂಪಮಾಸ್ಥಾಯ ಸುಘೋರಂ ಪರ್ವತೋಪಮಂ | ದಂಷ್ಟ್ರಾಕರಾಲಂ ಪಿಂಗಾಕ್ಷಂ ವಕ್ತ್ರಂ ಕೃತ್ವಾ ನಭ:ಸ್ಪೃಶಂ || 143 || ಬಲಂ ಇಚ್ಛಾಮಹೇ ಜ್ಞಾತುಂ ಭೂಯಶ್ಚಾಸ್ಯ ಪರಾಕ್ರಮಂ | ತ್ವಾಂ ವಿಜೇಷ್ಯತ್ಯುಪಾಯೇನ ವಿಷದಂ ವಾ ಗಮಿಷ್ಯತಿ || 144 || ಏವಮುಕ್ತಾ ತು ಸಾ ದೇವೀ ದೈವತೈರಭಿಸತ್ಕೃತಾ | ಸಮುದ್ರಮಧ್ಯೇ ಸುರಸಾ ಬಿಭ್ರತೀ ರಾಕ್ಷಸಂ ವಪು: || 145 || ವಿಕೃತಂ ಚ ವಿರೂಪಂ ಚ ಸರ್ವಸ್ಯ ಚ ಭಯಾವಹಂ | ಪ್ಲವಮಾನಂ ಹನೂಮನ್ ತಮಾವೃತ್ಯೇದಂ ಉವಾಚ ಹ || 146 || ಮಮ ಭಕ್ಷ: ಪ್ರದಿಷ್ಟ: ತ್ವಮೀಶ್ವರೈ: ವಾನರರ್ಷಭ | ಅಹಂ ತ್ವಾಂ ಭಕ್ಷಯಿಷ್ಯಾಮಿ ಪ್ರವಿಶೇದಂ ಮಮಾನನಂ || 147 || ಏವಮುಕ್ತ: ಸುರಸಯಾ ಪ್ರಾಂಜಲಿ: ವಾನರರ್ಷಭ: | ಪ್ರಹೃಷ್ಟವದನ: ಶ್ರೀಮಾನಿದಂ ವಚನಮಬ್ರವೀತ್ || 148 || ರಾಮೋ ದಾಶರಥಿರ್ನಾಮ ಪ್ರವಿಷ್ಟೋ ದಂಡಕಾವನಂ | ಲಕ್ಷ್ಮಣೇನ ಸಹ ಭ್ರಾತ್ರಾ ವೈದೇಹ್ಯಾ ಚಾಪಿ ಭಾರ್ಯಯಾ || 149 || ಅನ್ಯ ಕಾರ್ಯವಿಷಕ್ತಸ್ಯ ಬದ್ಧವೈರಸ್ಯ ರಾಕ್ಷಸೈ: | ತಸ್ಯ ಸೀತಾ ಹೃತಾ ಭಾರ್ಯಾ ರಾವಣೇನ ಯಶಸ್ವಿನೀ || 150 || ತಸ್ಯಾ: ಸಕಾಶಂ ದೂತೋ„ಹಂ ಗಮಿಷ್ಯೇ ರಾಮಶಾಸನಾತ್ | ಕರ್ತುಮರ್ಹಸಿ ರಾಮಸ್ಯ ಸಾಹ್ಯನ್ ವಿಷಯವಾಸಿನಿ || 151 || ಅಥವಾ ಮೈಥಿಲೀಂ ದೃಷ್ಟ್ವಾ ರಾಮಂ ಚಾಕ್ಲಿಷ್ಟಕಾರಿಣಂ | ಆಗಮಿಷ್ಯಾಮಿ ತೇ ವಕ್ತ್ರಂ ಸತ್ಯಂ ಪ್ರತಿಶೃಣೋಮಿ ತೇ || 152 || ಏವಮುಕ್ತಾ ಹನುಮತಾ ಸುರಸಾ ಕಾಮರೂಪಿಣೀ | ತಂ ಪ್ರಯಾಂತಂ ಸಮುದ್ವೀಕ್ಷ್ಯ ಸುರಸಾ ವಾಕ್ಯಮಬ್ರವೀತ್ || 153 || ಬಲಂ ಜಿಜ್ಞಾಸಮಾನಾ ವೈ ನಾಗಮಾತಾ ಹನೂಮತ: | ಹನೂಮಾನ್ನಾತಿವರ್ತೇನ್ಮಾಂ ಕಶ್ಚಿದೇಷ ವರೋ ಮಮ || 154 || ಪ್ರವಿಶ್ಯ ವದನಂ ಮೇ„ದ್ಯ ಗಂತವ್ಯಂ ವಾನರೋತ್ತಮ | ವರ ಏಷ ಪುರಾ ದತ್ತೋ ಮಮ ಧಾತ್ರೇತಿ ಸತ್ವರಾ || 155 || ವ್ಯಾದಾಯ ವಿಪುಲಂ ವಕ್ತ್ರಂ ಸ್ಥಿತಾ ಸಾ ಮಾರುತೇ: ಪುರ: | ಏವಮುಕ್ತ: ಸುರಸಯಾ ಕ್ರುದ್ಧೋ ವಾನರಪುಂಗವ: || 156 || ಅಬ್ರವೀತ್ಕುರು ವೈ ವಕ್ತ್ರಂ ಯೇನ ಮಾಂ ವಿಷಹಿಷ್ಯಸೇ | ಇತ್ಯುಕ್ತಾ ಸುರಸಾಂ ಕ್ರುದ್ಧೋ ದಶಯೋಜನಮಾಯತಾಂ || 157 || ದಶಯೋಜನ ವಿಸ್ತಾರೋ ವಭೂವ ಹನೂಮಾಂಸ್ತದಾ | ತಂ ದೃಷ್ಟ್ವಾ ಮೇಘಸಂಕಾಶಂ ದಶಯೋಜನಮಾಯತಂ || 158 || ಚಕಾರ ಸುರಸಾ ಚಾಸ್ಯಂ ವಿಂಶದ್ಯೋಜನಮಾಯತಂ | ತತ: ಪರಂ ಹನೂಮಾಂಸ್ತು ತ್ರಿಂಶದ್ಯೋಜನಮಾಯತ: || 159 || ಚಕಾರ ಸುರಸಾ ವಕ್ತ್ರಂ ಚತ್ವಾರಿಂಶತ್ತಥೋಚ್ಛ್ರಿತಂ | ಬಭೂವ ಹನುಮಾನ್ವೀರ: ಪಂಚಾಶದ್ಯೋಜನೋಚ್ಛ್ರಿತ: || 160 || ಚಕಾರ ಸುರಸಾ ವಕ್ತ್ರಂ ಷಷ್ಟಿಯೋಜನಮಾಯತಂ | ತಥೈವ ಹನುಮಾನ್ವೀರ: ಸಪ್ತತೀ ಯೋಜನೋಚ್ಛ್ರಿತ: || 161 || ಚಕಾರ ಸುರಸಾ ವಕ್ತ್ರಮಶೀತೀ ಯೋಜನಾಯತಂ | ಹನೂಮಾನಚಲ ಪ್ರಖ್ಯೋ ನವತೀ ಯೋಜನೋಚ್ಛ್ರಿತ: || 162 || ಚಕಾರ ಸುರಸಾ ವಕ್ತ್ರಂ ಶತಯೋಜನಮಾಯತಂ | ತದ್ದೃಷ್ಟ್ವಾ ವ್ಯಾದಿತಂ ಚಾಸ್ಯಂ ವಾಯುಪುತ್ರ: ಸುಬುದ್ಧಿಮಾನ್ || 163 || ದೀರ್ಘಜಿವ್ಹಂ ಸುರಸಯಾ ಸುಘೋರಂ ನರಕೋಪಮಂ | ಸ ಸಂಕ್ಷಿಪ್ಯಾತ್ಮನ: ಕಾಯಂ ಜೀಮೂತ ಇವ ಮಾರುತಿ: || 164 || ತನ್ಮುಹೂರ್ತೇ ಹನೂಮಾನ್ ವಬೂವಾಂಗುಷ್ಠ ಮಾತ್ರಕ: | ಸೋ„ಭಿಪತ್ಯಾಶು ತದ್ವಕ್ತ್ರಂ ನಿಷ್ಪತ್ಯ ಚ ಮಹಾಬಲ: || 165 || ಅಂತರಿಕ್ಷೇ ಸ್ಥಿತ: ಶ್ರೀಮಾನ್ ಪ್ರಹಸನ್ನಿದಂ ಅಬ್ರವೀತ್ | ಪ್ರವಿಷ್ಟೋ„ಸ್ಮಿ ಹಿ ತೇ ವಕ್ತ್ರಂ ದಾಕ್ಷಾಯಣಿ ನಮೋಸ್ತು ತೇ || 166 || ಗಮಿಷ್ಯೇ ಯತ್ರ ವೈದೇಹೀ ಸತ್ಯಶ್ಚಾಸ್ತು ವರಸ್ತವ | ತಂ ದೃಷ್ಟ್ವಾ ವದನಾನ್ಮುಕ್ತಂ ಚಂದ್ರಂ ರಾಹುಮುಖಾದಿವ || 167 || ಅಬ್ರವೀತ್ಸುರಸಾ ದೇವೀ ಸ್ವೇನ ರೂಪೇಣ ವಾನರಂ | ಅರ್ಥಸಿದ್ಧ್ಯೈ ಹರಿಶ್ರೇಷ್ಠ ಗಚ್ಛ ಸೌಮ್ಯ: ಯಥಾಸುಖಂ || 168 || ಸಮಾನಯ ತ್ವಂ ವೈದೇಹೀಂ ರಾಘವೇಣ ಮಹಾತ್ಮನಾ | ತತ್ತೃತೀಯಂ ಹನುಮತೋ ದೃಷ್ಟ್ವಾ ಕರ್ಮ ಸುದುಪ್ಕರಂ || 169 || ಸಾಧು ಸಾಧ್ವಿತಿ ಭೂತಾನಿ ಪ್ರಶಶಂಸುಸ್ತದಾ ಹರಿಂ | ಸ ಸಾಗರಮನಾಧೃಷ್ಯಮಭ್ಯೇತ್ಯ ವರುಣಾಲಯಂ || 170 || ಜಗಮಾಕಾಶಮಾವಿಶ್ಯ ವೇಗೇನ ಗರುಡೋಪಮ: | ಸೇವಿತೇ ವಾರಿಧಾರಾಭಿ: ಪನ್ನಗೈಶ್ಚ ನಿಪೇವಿತೆ || 171 || ಚರಿತೇ ಕೈಶಿಕಾಚಾರ್ಯೈ: ಐರಾವತ ನಿಷೇವಿತೇ | ಸಿಂಹ ಕುಂಜರ ಶಾರ್ದೂಲ ಪತಗೋರಗ ವಾಹನೈ: || 172 || ವಿಮಾನೈ: ಸಂಪತದ್ಭಿಶ್ಚ ವಿಮಲೈ: ಸಮಲಂಕೃತೇ | ವಜ್ರಾಶನಿ ಸಮಾಗಾತೈ: ಪಾವಕೈ ರೂಪಶೋಭಿತೇ || 173 || ಕೃತಪುಣ್ಯೈರ್ಮಹಾಭಾಗೈ: ಸ್ವರ್ಗಜಿದ್ಭಿರಲಂಕೃತೇ | ವಹತಾ ಹವ್ಯಮತ್ಯರ್ಥಂ ಸೇವಿತೇ ಚಿತ್ರಭಾನುನಾ || 174 || ಗ್ರಹ ನಕ್ಷತ್ರ ಚಂದ್ರಾರ್ಕ ತಾರಾಗಣ ವಿಭೂಷಿತೇ | ಮಹರ್ಷಿಗಣ ಗಂಧರ್ವ ನಾಗ ಯಕ್ಷ ಸಮಾಕುಲೇ || 175 || ವಿವಿಕ್ತೇ ವಿಮಲೇ ವಿಶ್ವೇ ವಿಶ್ವಾವಸುನಿಷೇವಿತೇ | ದೇವರಾಜ ಗಜಾಕ್ರಾಂತೇ ಚಂದ್ರಸೂರ್ಯಪಥೇ ಶಿವೇ || 176 || ವಿತಾನೇ ಜೀವಲೋಕಸ್ಯ ವಿತತೇ ಬ್ರಹ್ಮನಿರ್ಮಿತೇ | ಬಹುಷ: ಸೇವಿತೇ ವೀರೈ: ವಿದ್ಯಾಧರ ಗಣೈರ್ವರೈ: || 177 || ಜಗಾಮ ವಾಯುಮಾರ್ಗೇ ತು ಗರುತ್ಮಾನಿವ ಮಾರುತಿ: | ಹನೂಮಾನ್ ಮೇಘಜಾಲಾನಿ ಪ್ರಕರ್ಷನ್ ಮಾರುತೋ ಯಥಾ || 178 || ಕಾಲಾಗುರು ಸವರ್ಣಾನಿ ರಕ್ತಪೀತಸಿತಾನಿ ಚ | ಕಪಿನಾ„„ಕೃಷ್ಯಮಾಣಾನಿ ಮಹಾಭ್ರಾಣಿ ಚಕಾಶಿರೇ || 179 || ಪ್ರವಿಶನ್ನಭ್ರಜಾಲಾನಿ ನಿಷ್ಪತಂಚ ಪುನ: ಪುನ: | ಪ್ರಾವೃಪೀಂದುರಿವಾಭಾತಿ ನಿಷ್ಪತನ್ಪ್ರವಿಶಂಸ್ತದಾ || 180 || ಪ್ರದೃಷ್ಯಮಾನ: ಸರ್ವತ್ರ ಹನುಮಾನ್ಮಾರುತಾಮಜ: | ಭೇಜೇ„ಂಬರಂ ನಿರಾಲಂಬಂ ಲಂಬಪಕ್ಷ ಇವಾದ್ರಿರಾಟ್ || 181 || ಪ್ಲವಮಾನಂ ತು ತಂ ದೃಷ್ಟ್ವಾ ಸಿಂಹಿಕಾ ನಾಮ ರಾಕ್ಷಸೀ | ಮನಸಾ ಚಿಂತಯಾಮಾಸ ಪ್ರವೃದ್ಧಾ ಕಾಮರೂಪಿಣೀ || 182 || ಅದ್ಯ ದೀರ್ಘಸ್ಯ ಕಾಲಸ್ಯ ಭವಿಷ್ಯಾಮ್ಯಹಾಮಾಶಿತಾ | ಇದಂ ಹಿ ಮೇ ಮಹತ್ಸತ್ತ್ವಂ ಚಿರಸ್ಯ ವಶಮಾಗತಂ || 183 || ಇತಿ ಸಂಚಿಂತ್ಯ ಮನಸಾ ಛಾಯಾಮಸ್ಯ ಸಮಾಕ್ಷಿಪತ್ | ಛಾಯಾಯಾಂ ಗñಹ್ಯಮಾಣಾಯಾಂ ಚಿಂತಯಾಮಾಸ ವಾನರ: || 184 || ಸಮಾಕ್ಷಿಪ್ತೋ„ಸ್ಮಿ ತರಸಾ ಪನೂಕñತಪರಾಕ್ರಮ: | ಪ್ರತಿಲೋಮೇನ ವಾತೇನ ಮಹಾನೌರಿವ ಸಾಗರೇ || 185 || ತಿರ್ಯಗೂಧ್ರ್ವಮಧಶ್ಚೈವ ವೀಕ್ಷಿಮಾಣಸ್ತತ: ಕಪಿ: | ದದರ್ಶ ಸ ಮಹತ್ಸತ್ತ್ವಮುತ್ಥಿತಂ ಲವಣಾಂಭಸಿ || 186 || ತಾಂ ದೃಷ್ಟ್ವಾ ಚಿಂತಯಾಮಾಸ ಮಾರುತಿರ್ವಿಕೃತಾನನಂ | ಕಪಿರಾಜ್ಞಾ ಯದಾಖ್ಯಾತಂ ಸತ್ತ್ವಮದ್ಭುತದರ್ಶನಂ || 187 || ಛಾಯಾಗ್ರಾಹಿ ಮಹಾವೀರ್ಯಂ ತದಿದಂ ನಾತ್ರ ಸಂಶಯ: | ಸ ತಾಂ ಬುದ್ಧ್ವಾರ್ಥತತ್ತ್ವೇನ ಸಿಂಹಿಕಾಂ ಮತಿಮಾನ್ಕಪಿ: || 188 | ವ್ಯವರ್ಧತ ಮಹಾಕಾಯ: ಪ್ರಾವಪೀವ ವಲಾಹಕ: | ತಸ್ಯ ಸಾ ಕಾಯಮುದ್ವೀಕ್ಷ್ಯ ವರ್ಧಮಾನಂ ಮಹಾಕಪೇ: || 189 || ವಕ್ತ್ರಂ ಪ್ರಸಾರಯಾಮಾಸ ಪಾತಾಳಾಂತರಸನ್ನಿಭಂ | ಘನರಾಜೀವ ಗರ್ಜಂತೀ ವಾನರಂ ಸಂಭಿದ್ರವತ್ || 190 || ಸ ದದರ್ಶ ತತಸ್ತಸ್ಯಾ ವಿವೃತಂ ಸುಮಹನ್ಮುಖಂ | ಕಾಯಮಾತ್ರಂ ಚ ಮೇಧಾವೀ ಮರ್ಮಾಣಿ ಚ ಮಹಾಕಪಿ: || 191 || ಸ ತಸ್ಯಾ ವಿವೃತೇ ವಕ್ತ್ರೇ ವಜ್ರಸಂಹನನ: ಕಪಿ: | ಸಂಕ್ಷಿಪ್ಯ ಮುಹುರಾತ್ಮಾನಂ ನಿಷ್ಪಪಾತ ಮಹಾಬಲ: || 192 || ಆಸ್ಯೇ ತಸ್ಯಾ ನಿಮಜ್ಜಂತಂ ದದೃಶು: ಸಿದ್ಧಚಾರಣಾ: | ಗ್ರಸ್ಯಮಾನಂ ಯಥಾ ಚಂದ್ರಂ ಪೂರ್ಣಂ ಪರ್ವಣಿ ರಾಹುಣಾ || 193 || ತತಸ್ತಸ್ಯಾ ನಖೈಸ್ತೀಕ್ಷ್ಣೈ: ಮರ್ಮಾಣ್ಯುತ್ಕೃತ್ಯ ವಾನರ: | ಉತ್ಪಪಾತಾಥ ವೇಗೇನ ಮನ: ಸಂಪಾತವಿಕ್ರಮ: || 194 || ತಾಂ ತು ದೃಷ್ಟ್ವಾ ಚ ಧಋತ್ಯಾ ಚ ದಾಕ್ಷಿಣ್ಯೇನ ನಿಪಾತ್ಯ ಚ | ಸ ಕಪಿಪ್ರವರೋ ವೇಗಾದ್ವವೃಧೇ ಪುನರಾತ್ಮವಾನ್ || 195 || ಹೃತಹೃತ್ಸಾ ಹನುಮತಾ ಪಪಾತ ವಿಧುರಾಂಭಸಿ | ತಾಂ ಹತಾಂ ವಾನರೇಣಾಶು ಪತಿತಾಂ ವೀಕ್ಷ್ಯ ಸಿಂಹಿಕಾಂ || 196 || ಭೂತಾನ್ಯಾಕಾಶಚಾರೀಣೀ ತಮೂಚು: ಪ್ಲವಗರ್ಪಭಂ | ಭೀಮಮದ್ಯ ಕೃತಂ ಕರ್ಮ ಮಹತ್ಸತ್ತ್ವಂ ತ್ವಯಾ ಹತಂ || 197 || ಸಾಧಯಾರ್ಥಮಭಿಪ್ರೇತಮರಿಷ್ಟಂ ಗಚ್ಛ ಮಾರುತೇ | ಯಸ್ಯ ತ್ವೇತಾನಿ ಚತ್ವಾರಿ ವಾನರೇಂದ್ರ ಯಥಾ ತವ ||198 || ಧೃತಿರ್ದೃಷ್ಟಿರ್ಮತಿರ್ದಾಕ್ಷ್ಯಂ ಸ ಕರ್ಮಸು ನ ಸೀದತಿ | ಸ ತೈ: ಸಂಭಾವಿತ: ಪೂಜ್ಯ: ಪ್ರತಿಪನ್ನಪ್ರಯೋಜನ: || 199 || ಜಗಾಮಾಕಾಶಮಾವಿಶ್ಯ ಪನ್ನಗಾಶನವತ್ಕಪಿ: | ಪ್ರಾಪ್ತಭೂಯಿಶ್ಠಪಾರಸ್ತು ಸರ್ವತ: ಪ್ರತಿಲೋಕಯನ್ || 200 || ಯೋಜನಾನಾಂ ಶತಸ್ಯಾಂತೇ ವನರಾಜಿಂ ದದರ್ಶ ಸ: | ದದರ್ಶ ಚ ಪತನ್ನೇವ ವಿವಿಧದ್ರುಮಭೂಶಿತಂ || 201 || ದ್ವೀಪಂ ಶಾಖಾಮೃಗಶ್ರೇಷ್ಠೋ ಮಲಯೋಪವನಾನಿ ಚ | ಸಾಗರಂ ಸಾಗರಾನೂಪಂ ಸಾಗರಾನೂಪಜಾಂ ದ್ರುಮಾನ್ || 202 || ಸಾಗರಸ್ಯ ಚ ಪತ್ನೀನಾಂ ಮುಖಾನ್ಯಪಿ ವಿಲೋಕಯನ್ | ಸ ಮಹಾಮೇಘಸಂಕಾಶಂ ಸಮೀಕ್ಷ್ಯಾತ್ಮಾನಂ ಆತ್ಮವಾನ್ || 203 || ನಿರುಂಧಂತಮಿವಾಕಾಶಂ ಚಕಾರ ಮತಿಮಾನ್ ಮತಿಂ | ಕಾಯವೃದ್ಧಿಂ ಪ್ರವೇಗಂ ಚ ಮಮ ದೃಷ್ಟ್ವವ ರಾಕ್ಷಸಾ: || 204 || ಮಯಿ ಕೌತೂಹಲಂ ಕುರ್ಯುರಿತಿ ಮೇನೇ ಮಹಾಕಪಿ: | ತತ: ಶರೀರಂ ಸಂಕ್ಷಿಪ್ಯ ತನ್ಮಹೀಧರ ಸನ್ನಿಭಂ || 205 || ಪುನ: ಪ್ರಕೃತಿಮಾಪೇದೇ ವೀತಮೋಹ ಇವಾತ್ಮವಾನ್ | ತದ್ರೂಪಮತಿಸಂಕ್ಷಿಪ್ಯ ಹನುಮಾನ್ ಪ್ರಕೃತೌ ಸ್ಥಿತ: | ತ್ರೀನ್ ಕ್ರಮಾನಿವ ವಿಕ್ರಮ್ಯ ಬಲಿವೀರ್ಯಹರೋ ಹರಿ: || 206 || ಸ ಚಾರು ನಾನಾವಿಧ ರೂಪಧಾರೀ | ಪರಂ ಸಮಾಸಾದ್ಯ ಸಮುದ್ರತೀರಂ | ಪರೈರಶಕ್ಯ: ಪ್ರತಿಪನ್ನರೂಪ: | ಸಮೀಕ್ಷಿತಾತ್ಮಾ ಸಮವೇಕ್ಷಿತಾರ್ಥ: || 207 || ತತ: ಸ ಲಂಬಸ್ಯ ಗಿರೇ: ಸಮೃದ್ಧೇ ವಿಚಿತ್ರಕೂಟೇ ನಿಪಪಾತ ಕೂಟೇ | ಸಕೇತಕೋದ್ದಾಲಕನಾರಿಕೇಳೇ ಮಹಾದ್ರಿಕೂಟಪ್ರತಿಮೋ ಮಹಾತ್ಮಾ || 208 || ತತಸ್ತು ಸಂಪ್ರಾಪ್ಯ ಸಮುದ್ರತೀರಂ ಸಮೀಕ್ಷ್ಯ ಲಂಕಾಂ ಗಿರಿರಾಜಮೂಧ್ರ್ನಿ | ಕಪಿಸ್ತು ತಸ್ಮಿನ್ನಿಪಪಾತ ಪರ್ವತೇ ವಿಧೂಯ ರೂಪಂ ವ್ಯಥಯನ್ಮೃಗದ್ವಿಜಾನ್ || 209 || ಸ ಸಾಗರಂ ದಾನವಪನ್ನಗಾಯುತಂ ಬಲೇನ ವಿಕ್ರಮ್ಯ ಮಹೋರ್ಮಿಮಾಲಿನಂ | ನಿಪತ್ಯ ತೀರೇ ಚ ಮಹೋದಧೇಸ್ತದಾ | ದದರ್ಶ ಲಂಕಾಮಮರಾವತೀಮಿವ || 210 || || ಇತಿ ಪ್ರಥಮ: ಸರ್ಗ: ||ption
ಸ ಸಾಗರಂ ಅನಾಧೃಷ್ಯಂ ಅತಿಕ್ರಮ್ಯ ಮಹಾಬಲ: | ತ್ರಿಕೂಟಶಿಖರೇ ಲಂಕಾಂ ಸ್ಥಿತಾಂ ಸ್ವಸ್ಥೋ ದದರ್ಶ ಹ || 1 || ತತ: ಪಾದಪಮುಕ್ತೇನ ಪುಷ್ಪವರ್ಷೇಣ ವೀರ್ಯವಾನ್ | ಅಭಿವೃಷ್ಟ: ಸ್ಥಿತಸ್ತತ್ರ ಬಭೌ ಪುಷ್ಪಮಯೋ ಯಥಾ || 2 || ಯೋಜನಾನಾಂ ಶತಂ ಶ್ರೀಮಾನ್ಸ್ತೀತ್ರ್ವಾಪ್ಯ ಉತ್ತಮವಿಕ್ರಮ: | ಅನಿಶ್ವಸನ್ ಕಪಿಸ್ತತ್ರ ನ ಗ್ಲಾನಿಂ ಅಧಿಗಚ್ಛತಿ || 3 || ಶತಾನ್ಯಹಂ ಯೋಜನಾನಾಂ ಕ್ರಮೇಯಂ ಸುಬಹೂನ್ಯಪಿ | ಕಿಂ ಪುನ: ಸಾಗರಸ್ಯಾಂತಂಸಂಖ್ಯಾತಂ ಶತಯೋಜನಂ || 4 || ಸ ತು ವೀರ್ಯವತಾಂ ಶ್ರೇಷ್ಠ: ಪ್ಲವತಾಮಪಿ ಚೋತ್ತಮ: | ಜಗಾಮ ವೇಗವಾಂ ಲಂಕಾಂ ಲಂಘಯಿತ್ವಾ ಮಹೋದಧಿಂ || 5 || ಶಾದ್ವಲಾನಿ ಚ ನೀಲಾನಿ ಗಂಧವಂತಿ ವನಾನಿ ಚ | ಗಂಡವಂತಿ ಚ ಮಧ್ಯೇನ ಜಗಾಮ ನಗವಂತಿ ಚ || 6 || ಶೈಲಾಂಶ್ಚ ತರುಸಂಚನ್ನಾನ್ವನರಾಜೀಶ್ಚ ಪುಷ್ಪಿತಾ: | ಅಭಿಚಕ್ರಾಮ ತೇಜಸ್ವೀ ಹನುಮಾನ್ಪ್ಲವಗರ್ಷಭ: || 7 || ಸ ತಸ್ಮಿನ್ನಚಲೇ ತಿಷ್ಠನ್ವನಾನ್ಯುಪವನಾನಿ ಚ | ಸ ನಗಾಗ್ರೇ ಚ ತಾಂ ಲಂಕಾಂ ದದರ್ಶ ಪವನಾತ್ಮಜ: || 8 || ಸರಲಾಂಕರ್ಣಿಕಾರಾಂಶ್ಚ ಖರ್ಜೂರಾಂಶ್ಚ ಸುಪುಷ್ಪಿತಾನ್ | ಪ್ರಿಯಾಲಾನ್ಮುಚುಲಿಂದಾಂಶ್ಚ ಕುಟಜಾಂಕೇತಕಾನಪಿ || 9 || ಪ್ರಿಯಂಗೂನ್ ಗಂಧಪೂರ್ಣಾಂಶ್ಚ ನೀಪಾನ್ಸಪ್ತಚ್ಛದಾಂಸ್ತಥಾ | ಅಸನಾಂಕೋವಿದಾರಾಂಶ್ಚ ಕರವೀರಾಂಶ್ಚ ಪುಷ್ಪಿತಾನ್ || 10 || ಪುಷ್ಪಭಾರನಿಬದ್ಧಾಂಶ್ಚ ತಥಾ ಮುಕುಲಿತಾನಪಿ | ಪಾದಪಾನ್ ವಿಹಗಾಕೀರ್ಣಾನ್ ಪವನಾಧೂತ ಮಸ್ತಕಾನ್ || 11 || ಹಂಸಕಾರಂಡವಾಕೀರ್ಣಾ ವಾಪೀ: ಪದ್ಮೋತ್ಪಲಾಯುತಾ: | ಆಕ್ರೀಡಾನ್ ವಿವಿಧಾನ್ ರಮ್ಯಾನ್ ವಿವಿಧಾಂಶ್ಚ ಜಲಾಶಯಾನ್ || 12 || ಸಂತತಾನ್ ವಿವಿಧೈರ್ವೃಕ್ಷೈ: ಸರ್ವರ್ತುಫಲಪುಷ್ಪಿತೈ: | ಉದ್ಯಾನಾನಿ ಚ ರಮ್ಯಾಣಿ ದದರ್ಶ ಕಪಿಕುಂಜರ: || 13 || ಸಮಾಸಾದ್ಯ ಚ ಲಕ್ಷ್ಮೀವಾಂ ಲಂಕಾಂ ರಾವಣಪಾಲಿತಾಂ | ಪರಿಖಾಭಿ: ಸಪದ್ಮಾಭಿ: ಸೋತ್ಪಲ ಅಭಿರಲಂಕೃತಾಂ || 14 || ಸೀತಾಪಹರಣಾರ್ಥೇನ ರಾವಣೇನ ಸುರಕ್ಷಿತಾಂ | ಸಮಂತಾದ್ವಿಚರದ್ಭಿಶ್ಚ ರಾಕ್ಷಸೈರುಗ್ರಧನ್ವಿಭಿ: || 15 || ಕಾಂಚನೇನಾವೃತಾಂ ರಮ್ಯಾಂ ಪ್ರಾಕಾರೇಣ ಮಹಾಪುರೀಂ | ಗೃಹೈಶ್ಚ ಗ್ರಹಸಂಕಾಶೈ: ಶಾರದಾಂಬುದಸನ್ನಿಭೈ: || 16 || ಪಾಂಡುರಾಭಿ: ಪ್ರತೋಳೀಭಿರುಚ್ಚಾಭಿರಭಿಸಂವೃತಾಂ | ಅಟ್ಟಾಲಕಶತಾಕೀರ್ಣಾಂ ಪತಾಕಾಧ್ವಜಮಾಲಿನೀಂ || 17 || ತೋರಣೈ: ಕಾಂಚನೈ: ದಿವ್ಯೈ: ಲತಾಪಂಕ್ತಿ ವಿಚಿತ್ರಿತೈ: | ದದರ್ಶ ಹನುಮಾನ್ ಲಂಕಾಂ ದಿವಿ ದೇವಪುರೀಂ ಇವ || 18 || ಗಿರಿಮೂಧ್ರ್ನಿ ಸ್ಥಿತಾಂ ಲಂಕಾಂ ಪಾಂಡುರೈರ್ಭವನೈ: ಶುಭೈ: | ದದರ್ಶ ಸ ಕಪಿ: ಶ್ರೀಮಾನ್ ಪುರಮಾಕಾಶಗಂ ಯಥಾ || 19 || ಪಾಲಿತಾಂ ರಾಕ್ಷಸೇಂದ್ರೇಣ ನಿರ್ಮಿತಾಂ ವಿಶ್ವಕರ್ಮಣಾ | ಪ್ಲವಮಾನಾಮಿವ ಆಕಾಶೇ ದದರ್ಶ ಹನುಮಾನ್ಪುರೀಂ || 20 || ವಪ್ರಪ್ರಾಕಾರಜಘನಾಂ ವಿಪುಲಾಂಬುನವಾಂಬರಾಂ | ಶತಘ್ನೀಶೂಲಕೇಶಾಂತಾಂ ಅಟ್ಟಾಲಕವತಂಸಕಾಂ || 21 || ಮನ್ಸೇವ ಕೃತಾಂ ಲಂಕಾಂ ನಿರ್ಮಿತಾಂ ವಿಶ್ವಕರ್ಮಣಾ | ದ್ವಾರಮುತ್ತರಮಾಸಾದ್ಯ ಚಿಂತಯಾಮಾಸ ವಾನರ: || 22 || ಕೈಲಾಸಶಿಖರ ಪ್ರಖ್ಯಾಮಾಲಿಖ್ಸಂತೀಂ ಇವಾಂಬರಂ | ಧ್ರಿಯಮಾನಾಂ ಇವಾಕಾಶಂ ಉಚ್ಛ್ರಿತೈ: ಭವನೋತ್ತಮೈ: || 23 || ಸಂಪೂರ್ಣಾಂ ರಾಕ್ಷಸೈ: ಘೋರೈ: ನಾಗೈರ್ಭೋಗವತೀಂ ಇವ | ಅಚಿಂತ್ಯಾಂ ಸುಕೃತಾಂ ಸ್ಪಷ್ಟಾಂ ಕುಬೇರಾಧ್ಯುಷಿತಾಂ ಪುರಾ || 24 || ದಂಷ್ಟ್ರಿಭಿರ್ಬಹುಭಿ: ಶೂರೈ: ಶೂಲಪಟ್ಟಿಶಪಾಣಿಭಿ: | ರಕ್ಷಿತಾಂ ರಾಕ್ಷಸೈ: ಘೋರೈ: ಗುಹಾಮಾಶೀವಿಷೈರಿವ || 25 || ತಸ್ಯಾಶ್ಚ ಮಹತೀಂ ಗುಪ್ತಿಂ ಸಾಗರಂ ಚ ನಿರೀಕ್ಷ್ಯ ಸ: | ರಾವಣಂ ಚ ರಿಪುಂ ಘೋರಂ ಚಿಂತಯಾಮಾಸ ವಾನರ: || 26 || ಆಗತ್ಯಾಪೀಹ ಹರಯೋ ಭವಿಷ್ಯಂತಿ ನಿರರ್ಥಕಾ: | ನ ಹಿ ಯುದ್ಧೇನ ವೈ ಲಂಕಾ ಶಕ್ಯಾ ಜೇತುಂ ಸುರೈರಪಿ || 27 || ಇಮಾಂ ತು ವಿಷಮಾಂ ದುರ್ಗಾಂ ಲಂಕಾಂ ರಾವಣಪಾಲಿತಾಂ | ಪ್ರಾಪ್ಯಾಪಿ ಸ ಮಹಾಬಾಹು: ಕಿಂ ಕರಿಷ್ಯತಿ ರಾಘವ: || 28 || ಅವಕಾಶೋ ನ ಸಾನ್ತ್ವಸ್ಯ ರಾಕ್ಷಸೇಷ್ವಭಿಗಮ್ಯತೆ | ನ ದಾನಸ್ಯ ನ ಭೇದಸ್ಯ ನೈವ ಯುದ್ಧಸ್ಯ ದೃಶ್ಯತೇ || 29 || ಚತುರ್ಣಾಮೇವ ಹಿ ಗತಿರ್ವಾನರಾಣಾಂ ಮಹಾತ್ಮನಾಂ | ವಾಲಿಪುತ್ರಸ್ಯ ನೀಲಸ್ಯ ಮಮ ರಾಜ್ಞಶ್ಚ ಧೀಮತ: || 30 || ಯಾವಜ್ಜಾನಾಮಿ ವೈದೇಹೀಂ ಯದಿ ಜೀವತಿ ವಾ ನ ವಾ | ತತ್ರೈವ ಚಿಂತಯಿಷ್ಯಾಮಿ ದೃಷ್ಟ್ವಾ ತಾಂ ಜನಕಾತ್ಮಜಾಂ || 31 || ತತ: ಸ ಚಿಂತಯಾಮಾಸ ಮುಹೂರ್ತಂ ಕಪಿಕುಂಜರ: | ಗಿರಿಶೃಂಗೇ ಸ್ಥಿತ: ತಸ್ಮಿನ್ ರಾಮಸ್ಯಾಭ್ಯುದಯೇ ರತ: || 32 || ಅನೇನ ರೂಪೇಣ ಮಯಾ ನ ಶಕ್ಯಾ ರಕ್ಷಸಾಂ ಪುರೀ | ಪ್ರವೇಷ್ಟುಂ ರಾಕ್ಷಸೈರ್ಗುಪ್ತಾ ಕ್ರೂರೈ: ಬಲಸಮನ್ವಿತೈ: || 33 || ಉಗ್ರೌಜಸೋ ಮಹಾವೀರ್ಯೋ ಬಲವಂತಶ್ಚ ರಾಕ್ಷಸಾ: | ವಂಚನೀಯಾ ಮಯಾ ಸರ್ವೇ ಜಾನಕೀಂ ಪರಿಮಾರ್ಗಿತಾ || 34 || ಲಕ್ಷ್ಯಾಲಕ್ಷ್ಯೇಣ ರೂಪೇಣ ರಾತ್ರೌ ಲಂಕಾ ಪುರೀ ಮಯಾ | ಪ್ರವೇಷ್ಟುಂ ಪ್ರಾಪ್ತಕಾಲಂ ಮೇ ಕೃತ್ಯಂ ಸಾಧಯಿತುಂ ಮಹತ್ || 35 || ತಾಂ ಪುರೀಂ ತಾದೃಶೀಂ ದೃಷ್ಟ್ವಾ ದುರಾಧರ್ಷಾಂ ಸುರಾಸುರೈ: | ಹನೂಮಾನ್ ಚಿಂತಯಾಮಾಸ ವಿನಿ:ಶ್ವಸ್ಯ ಮುಹುರ್ಮುಹು: || 36 || ಕೇನೋಪಾಯೇನ ಪಶ್ಯೇಯಂ ಮೈಥಿಲೀಂ ಜನಕಾತ್ಮಜಾಂ | ಅದೃಷ್ಟೋ ರಾಕ್ಷಸೇಂದ್ರೇಣ ರಾವಣೇನ ದುರಾತ್ಮನಾ || 37 || ನ ವಿನಶ್ಯೇತ್ಕಥಂ ಕಾರ್ಯಂ ರಾಮಸ್ಯ ವಿದಿತಾತ್ಮನ: | ಏಕಾಮೇಕಶ್ಚ ಪಶ್ಯೇಯಂ ರಹಿತೇ ಜನಕಾತ್ಮಜಾಂ || 38 || ಭೂತಾಶ್ಚಾರ್ಥೋ ವಿಪದ್ಯಂತೇ ದೇಶಕಾಲವಿರೋಧಿತಾ: | ವಿಕ್ಲವಂ ದೂತಮಾಸಾದ್ಯ ತಮ: ಸೂರ್ಯೋದಯೇ ಯಥಾ || 39 || ಅರ್ಥಾನರ್ಥಾಂತರೇ ಬುದ್ಧಿರ್ನಿಶ್ಚಿತಾಪಿ ನ ಶೋಭತೇ | ಘಾತಯಂತಿ ಹಿ ಕಾರ್ಯಾಣಿ ದೂತಾ: ಪಂಡಿತಮಾನಿನ: || 40 || ನ ವಿನಶ್ಯೇತ್ಕಥಂ ಕಾರ್ಯಂ ವೈಕ್ಲವ್ಯಂ ನ ಕಥಂ ಭವೇತ್ | ಲಂಘನಂ ಚ ಸಮುದ್ರಸ್ಯ ಕಥಂ ನು ನ ವೃಥಾ ಭವೇತ್ || 41 || ಮಯಿ ದೃಷ್ಟೇ ತು ರಕ್ಷೋಭೀ ರಾಮಸ್ಯ ವಿದಿತಾತ್ಮನ: | ಭವೇತ್ ವ್ಯರ್ಥಮಿದಂ ಕಾರ್ಯಂ ರಾವಣಾನರ್ಥಂ ಇಚ್ಛತ: || 42 || ನ ಹಿ ಶಕ್ಯಂ ಕ್ವ ಚಿತ್ಸ್ಥಾತುಂ ಅವಿಜ್ಞಾತೇನ ರಾಕ್ಷಸೈ: | ಅಪಿ ರಾಕ್ಷಸರೂಪೇಣ ಕಿಮುತಾನ್ಯೇನ ಕೇನ ಚಿತ್ || 43 || ವಾಯುರಪ್ಯತ್ರ ನಾಜ್ಞಾತಶ್ ಚರೇದಿತಿ ಮತಿರ್ಮಮ | ನ ಹ್ಯಸ್ತ್ಯವಿದಿತಂ ಕಿಂ ಚಿದ್ರಾಕ್ಷಸಾನಾಂ ಬಲೀಯಸಾಂ || 44 || ಇಹಾಹಂ ಯದಿ ತಿಷ್ಠಾಮಿ ಸ್ವೇನ ರೂಪೇಣ ಸಂವೃತ: | ವಿನಾಶಂ ಉಪಯಾಸ್ಯಾಮಿ ಭರ್ತುರರ್ಥಶ್ಚ ಹೀಯತೇ || 45 || ತದಹಂ ಸ್ವೇನ ರೂಪೇಣ ರಜನ್ಯಾಂ ಹ್ರಸ್ವತಾಂ ಗತ: | ಲಂಕಾಂ ಅಭಿಪತಿಷ್ಯಾಮಿ ರಾಘವಸ್ಯಾರ್ಥ ಸಿದ್ಧಯೇ || 46 || ರಾವಣಸ್ಯ ಪುರೀಂ ರಾತ್ರೌ ಪ್ರವಿಶ್ಯ ಸುದುರಾಸದಾಮ್ | | ವಿಚಿನ್ವನ್ಭವನಂ ಸರ್ವಂ ದ್ರಕ್ಷ್ಯಾಮಿ ಜನಕಾತ್ಮಜಾಂ || 47 || ಇತಿ ಸಂಚಿಂತ್ಯ ಹನುಮಾನ್ ಸೂರ್ಯಸ್ಯಾಸ್ತಮಯಂ ಕಪಿ: | ಆಚಕಾಂಕ್ಷೇ ತದಾ ವೀರಾ ವೈದೇಹ್ಯಾ ದರ್ಶನೋತ್ಸುಕ: || 48 || ಸೂರ್ಯೇ ಚಾಸ್ತಂ ಗತೇ ರಾತ್ರೌ ದೇಹಂ ಸಂಕ್ಷಿಪ್ಯ ಮಾರುತಿ: | ವೃಷದಂಶಕಮಾತ್ರ: ಸಂ ಬಭೂವಾದ್ಭುತದರ್ಶನ: || 49 || ಪ್ರದೋಷಕಾಲೇ ಹನುಮಾನ್ ಸ್ತೂರ್ಣಮುತ್ಪತ್ಯ ವೀರ್ಯವಾನ್ | ಪ್ರವಿವೇಶ ಪುರೀಂ ರಮ್ಯಾಂ ಸುವಿಭಕ್ತಮಹಾಪಥಂ || 50 || ಪ್ರಾಸಾದಮಾಲಾವಿತತಾಂ ಸ್ತಂಭೈ: ಕಾಂಚನರಾಜತೈ: | ಶಾತಕುಂಭಮಯೈ: ಜಾಲೈರ್ಗಂಧರ್ವನಗರೋಪಮಾಂ || 51 || ಸಪ್ತಭೌಮಾಷ್ಟಭೌಮೈಶ್ಚ ಸ ದದರ್ಶ ಮಹಾಪುರೀಂ | ತಲೈ: ಸ್ಫಾಟಿಕಸಂಪೂರ್ಣೈ: ಕಾರ್ತಸ್ವರವಿಭೂಷಿತೈ: || 52 || ವೈಡೂರ್ಯಮಣಿಚಿತ್ರೈಶ್ಚ ಮುಕ್ತಾಜಾಲವಿಭೂಷಿತೈ: | ತಲೈ: ಶುಶುಭಿರೇ ತಾನಿ ಭವನಾನ್ಯತ್ರ ರಕ್ಷಸಾಂ || 53 || ಕಾಂಚನಾನಿ ಚ ಚಿತ್ರಾಣಿ ತೋರಣಾನಿ ಚ ರಕ್ಷಸಾಂ | ಲಂಕಾಂ ಉದ್ದ್ಯೋತಯಾಮಾಸು: ಸರ್ವತ: ಸಮಲಂಕೃತಾಂ || 54 || ಅಚಿಂತ್ಯಾಂ ಅದ್ಭುತಾಕಾರಾಂ ದೃಷ್ಟ್ವಾ ಲಂಕಾಂ ಮಹಾಕಪಿ: | ಆಸೀದ್ವಿಷಣ್ಣೋ ಹೃಷ್ಟಶ್ಚ ವೈದೇಹ್ಯಾ ದರ್ಶನೋತ್ಸುಕ: || 55 || ಸ ಪಾಂಡುರೋದ್ವಿದ್ಧವಿಮಾನಮಾಲಿನೀಂ ಮಹಾರ್ಹಜಾಂಬೂನದಜಾಲತೋರಣಾಂ | ಯಶಸ್ವಿನಾಂ ರಾವಣಬಾಹುಪಾಲಿತಾಂ ಕ್ಷಪಾಚರೈರ್ಭೀಮಬಲೈ: ಸಮಾವೃತಾಂ || 56 || ಚಂದ್ರೋ„ಪಿ ಸಾಚಿವ್ಯಮಿವಾಸ್ಯ ಕುರ್ವಂ ತಾರಾಗಣೈರ್ಮಧ್ಯಗತೋ ವಿರಾಜನ್ | ಜ್ಯೋತ್ಸ್ನಾವಿತಾನೇನ ವಿತತ್ಯ ಲೋಕಂ ಉತ್ತಿಷ್ಠತೇ ನೈಕಸಹಸ್ರರಶ್ಮಿ: || 57 || ಶಂಖಪ್ರಭಂ ಕ್ಷೀರಮೃಣಾಲವರ್ಣಂ ಉದ್ಗಚ್ಛಮಾನಂ ವ್ಯವಭಾಸಮಾನಂ | ದದರ್ಶ ಚಂದ್ರಂ ಸ ಹರಿಪ್ರವೀರ: ಪೋಪ್ಲೂಯಮಾನಂ ಸರಸೀವ ಹಂಸಂ || 58 || || ಇತಿ ದ್ವಿತೀಯ: ಸರ್ಗ: ||Accordion Sample Description
ಸ ಲಂಬಶಿಖರೇ ಲಂಬೇ ಲಂಬತೋಯದಸಂನಿಭೇ | ಸತ್ತ್ವಮಾಸ್ಥಾಯ ಮೇಧಾವೀ ಹನುಮಾನ್ಮಾರುತಾತ್ಮಜ: || 1 || ನಿಶಿ ಲಂಕಾಂ ಮಹಾಸತ್ತ್ವೋ ವಿವೇಶ ಕಪಿಕುಂಜರ: | ರಮ್ಯಕಾನನತೋಯಾಢ್ಯಾಂ ಪುರೀನ್ ರಾವಣಪಾಲಿತಾಂ || 2 || ಶಾರದಾಂಬುಧರ ಪ್ರಖ್ಯೈರ್ಭವನೈ: ಉಪಶೋಭಿತಾಂ | ಸಾಗರೋಪಮನಿರ್ಘೋಷಾನ್ ಸಾಗರಾನಿಲಸೇವಿತಾಂ || 3 || ಸುಪುಷ್ಟಬಲಸಂಗುಪ್ತಾನ್ ಯಥೈವ ವಿಟಪಾವತೀಂ | ಚಾರುತೋರಣನಿರ್ಯೂಹಾಂ ಪಾಂಡುರದ್ವಾರತೋರಣಾಂ || 4 || ಭುಜಗಾಚರಿತಾನ್ ಗುಪ್ತಾನ್ ಶುಭಾಂ ಭೋಗವತೀಂ ಇವ | ತಾಂ ಸವಿದ್ಯುದ್ಘನಾಕೀರ್ಣಾನ್ ಜ್ಯೋತಿರ್ಮಾರ್ಗನಿಷೇವಿತಾಂ || 5 || ಚಂಡಮಾರುತನಿಹ್ರ್ರಾದಾನ್ ಯಥೇಂದ್ರಸ್ಯಾಮರಾವತೀಂ | ಶಾತಕುಂಭೇನ ಮಹತಾ ಪ್ರಾಕಾರೇಣಾಭಿಸಂವೃತಾಂ || 6 || ಕಿಂಕಿಣೀಜಾಲಘೋಷಾಭಿ: ಪತಾಕಾಭಿರಲಂಕೃತಾಂ | ಆಸಾದ್ಯ ಸಹಸಾ ಹೃಷ್ಟ: ಪ್ರಾಕಾರಮಭಿಪೇದಿವಾನ್ || 7 || ವಿಸ್ಮಯಾವಿಷ್ಟಹೃದಯ: ಪುರೀಮಾಲೋಕ್ಯ ಸರ್ವತ: | ಜಾಂಬೂನದಮಯೈ: ದ್ವಾರೈ: ವೈಡೂರ್ಯಕೃತವೇದಿಕೈ: || 8 || ವಜ್ರಸ್ಫಟಿಕ ಮುಕ್ತಾಭಿ: ಮಣಿಕುಟ್ಟಿಮಭೂಷಿತೈ: | ತಪ್ತಹಾಟಕನಿರ್ಯೂಹೈ ರಾಜತಾಮಲಪಾಂಡುರೈ: || 9 || ವೈಡೂರ್ಯತಲಸೋಪಾನೈ: ಸ್ಫಾಟಿಕಾಂತರಪಾಂಸುಭಿ: | ಚಾರುಸಂಜವನೋಪೇತೈ: ಖಮಿವೋತ್ಪತಿತೈ: ಶುಭೈ: || 10 || ಕ್ರೌಂಚಬರ್ಹಿಣಸಂಘುಷ್ಟೇ ರಾಜಹಂಸನಿಷೇವಿತೈ: | ತೂರ್ಯಾಭರಣನಿರ್ಘೋಷೈ: ಸರ್ವತ: ಪ್ರತಿನಾದಿತಾಂ || 11 || ವಸ್ವೋಕಸಾರಾಪ್ರತಿಮಾನ್ ಸಮೀಕ್ಷ್ಯ ನಗರೀನ್ ತತ: | ಖಂ ಇವ ಉತ್ಪತಿತಾಂ ಲಂಕಾಂ ಜಹರ್ಷ ಹನುಮಾನ್ ಕಪಿ: || 12 || ತಾಂ ಸಮೀಕ್ಷ್ಯ ಪುರೀಂ ಲಂಕಾಂ ರಾಕ್ಷಸಾಧಿಪತೇ: ಶುಭಾಂ | ಅನುತ್ತಮಾಮೃದ್ಧಿಯುತಾನ್ ಚಿಂತಯಾಮಾಸ ವೀರ್ಯವಾನ್ || 13 || ನ ಇಯಂ ಅನ್ಯೇನ ನಗರೀ ಶಕ್ಯಾ ಧರ್ಷಯಿತುಂ ಬಲಾತ್ | ರಕ್ಷಿತಾ ರಾವಣಬಲ: ಉದ್ಯತಾಯುಧಧಾರಿಭಿ: || 14 || ಕುಮುದ ಅಂಗದಯೋ: ವಾಪಿ ಸುಷೇಣಸ್ಯ ಮಹಾಕಪೇ: | ಪ್ರಸಿದ್ಧೇಯಂ ಭವೇತ್ ಭೂಮಿ: ಮೈಂದ ದ್ವಿವಿದಯೋ: ಅಪಿ || 15 || ವಿವಸ್ವತ: ತನೂಜಸ್ಯ ಹರೇಶ್ಚ ಕುಶಪರ್ವಣ: | ಋಕ್ಷಸ್ಯ ಕೇತುಮಾಲಸ್ಯ ಮಮ ಚೈವ ಗತಿರ್ಭವೇತ್ || 16 || ಸಮೀಕ್ಷ್ಯ ತು ಮಹಾಬಾಹೋ ರಾಘವಸ್ಯ ಪರಾಕ್ರಮಂ | ಲಕ್ಷ್ಮಣಸ್ಯ ಚ ವಿಕ್ರಾಂತಮಭವತ್ ಪ್ರೀತಿಮಾನ್ಕಪಿ: || 17 || ತಾಂ ರತ್ನ ವಸನ ಉಪೇತಾಂ ಕೋಷ್ಠ ಆಗಾರ ಅವತಂಸಕಾಂ | ಯಂತ್ರ ಅಗಾರ ಸ್ತನೀಂ ಋದ್ಧಾಂ ಪ್ರಮದಾಂ ಇವ ಭೂಷಿತಾಂ || 18 || ತಾಂ ನಷ್ಟತಿಮಿರಾನ್ ದೀಪೈ: ಭಾಸ್ವರೈಶ್ಚ ಮಹಾಗೃಹೈ: | ನಗರೀಂ ರಾಕ್ಷಸೇಂದ್ರಸ್ಯ ದದರ್ಶ ಸ ಮಹಾಕಪಿ: || 19 || ಅಥ ಸಾ ಹರಿಶಾರ್ದೂಲಂ ಪ್ರವಿಶಂತಿಂ ಮಹಾಬಲಂ | ನಗರೀ ಸ್ವೇನ ರೂಪೇಣ ದದರ್ಶ ಪವನಾತ್ಮಜಂ || 20 || ಸಾ ತಂ ಹರಿವರಂ ದೃಷ್ಟ್ವಾ ಲಂಕಾ ರಾವಣಪಾಲಿತಾ | ಸ್ವಯಮೇವೋತ್ಥಿತಾ ತತ್ರ ವಿಕೃತಾನನದರ್ಶನಾ || 21 || ಪುರಸ್ತತ್ಕ ಪಿವರ್ಯಸ್ಯ ವಾಯುಸೂನೋರತಿಷ್ಠತ | ಮುಂಚಮಾನಾ ಮಹಾನಾದಂ ಅಬ್ರವೀತ್ಪವನಾತ್ಮಜಂ || 22 || ಕಸ್ತ್ವಂ ಕೇನ ಚ ಕಾರ್ಯೇಣ ಇಹ ಪ್ರಾಪ್ತೋ ವನಾಲಯ | ಕಥಯ ಸ್ವೇಹ ಯತ್ತತ್ತ್ವಂ ಯಾವತ್ಪ್ರಾಣಾ ಧರಂತಿ ತೇ || 23 || ನ ಶಕ್ಯಂ ಖಲ್ವಿಯಂ ಲಂಕಾ ಪ್ರವೇಷ್ಟುಂ ವಾನರ ತ್ವಯಾ | ರಕ್ಷಿತಾ ರಾವಣಬಲೈರಭಿಗುಪ್ತಾ ಸಮಂತತ: || 24 || ಅಥ ತಾಮಬ್ರವೀದ್ವೀರೋ ಹನುಮಾನಗ್ರತ: ಸ್ಥಿತಾಂ | ಕಥಯಿಷ್ಯಾಮಿ ತೇ ತತ್ತ್ವಂ ಯನ್ಮಂ ತ್ವಂ ಪರಿಪೃಚ್ಛಸಿ || 25 || ಕಾ ತ್ವಂ ವಿರೂಪನಯನಾ ಪುರದ್ವಾರೇ„ವತಿಷ್ಠಸಿ | ಕಿಮರ್ಥಂ ಚಾಪಿ ಮಾಂ ರುದ್ಧ್ವಾ ನಿರ್ಭತ್ರ್ಸಯಸಿ ದಾರುಣಾ || 26 || ಹನುಮದ್ವಚನಂ ಶ್ರುತ್ವಾ ಲಂಕಾ ಸಾ ಕಾಮರೂಪಿಣೀ | ಉವಾಚ ವಚನಂ ಕ್ರುದ್ಧಾ ಪರುಶಂ ಪವನಾತ್ಮಜಂ || 27 || ಅಹಂ ರಾಕ್ಷಸರಾಜಸ್ಯ ರಾವಣಸ್ಯ ಮಹಾತ್ಮನ: | ಆಜ್ಞಾಪ್ರತೀಕ್ಷಾ ದುರ್ಧರ್ಷಾ ರಕ್ಷಾಮಿ ನಗರೀಮಿಮಾಂ || 28 || ನ ಶಕ್ಯಂ ಮಾಮವಜ್ನಾಯ ಪ್ರವೇಷ್ಟುಂ ನಗರೀ ತ್ವಯಾ | ಅದ್ಯ ಪ್ರಾಣೈ: ಪರಿತ್ಯಕ್ತ: ಸ್ವಪ್ಸ್ಯಸೇ ನಿಹತೋ ಮಯಾ || 29 || ಅಹಂ ಹಿ ನಗರೀ ಲಂಕಾ ಸ್ವಯಮೇವ ಪ್ಲವಂಗಮ | ಸರ್ವತ: ಪರಿರಕ್ಷಾಮಿ ಹ್ಯೇತತ್ತೇ ಕಥಿತಂ ಮಯಾ || 30 || ಲಂಕಾಯಾ ವಚನಂ ಶ್ರುತ್ವಾ ಹನುಮಾನ್ ಮಾರುತಾತ್ಮಜ: | ಯತ್ನವಾಂಸ ಹರಿಶ್ರೇಷ್ಠ: ಸ್ಥಿತ: ಶೈಲ ಇವಾಪರ: || 31 || ಸ ತಾಂ ಸ್ತ್ರೀರೂಪವಿಕೃತಾಂ ದñಷ್ಟ್ವಾ ವಾನರಪುಂಗವ: | ಆಬಭಾಷೇ„ಥ ಮೇಧಾವಿ ಸತ್ತ್ವಾನ್ ಪ್ಲವಗರ್ಷಭ: || 32 || ದ್ರಕ್ಷ್ಯಾಮಿ ನಗರೀಂ ಲಂಕಾಂ ಸಾಟ್ಟಪ್ರಾಕಾರತೋರಣಾಂ | ತದರ್ಥಮಿಹ ಸಂಪ್ರಾಪ್ತ: ಪರಂ ಕೌತೂಹಲಂ ಹಿ ಮೇ || 33 || ವನಾನ್ಯುಪವನಾನೀಹ ಲಂಕಾಯಾ: ಕಾನನಾನಿ ಚ | ಸರ್ವತೋ ಗೃಹಮುಖ್ಯಾನಿ ದ್ರಷ್ಟುಮಾಗಮನಂ ಹಿ ಮೇ || 34 || ತಸ್ಯ ತದ್ವಚನಂ ಶ್ರುತ್ವಾ ಲಂಕಾ ಸಾ ಕಾಮರೂಪಿಣೀ | ಭೂಯ ಏವ ಪುನರ್ವಾಕ್ಯಂ ಬಭಾಷೇ ಪರುಷಾಕ್ಷರಂ || 35 || ಮಾಮನಿರ್ಜತ್ಯ ದುರ್ಬದ್ಧೇ ರಾಕೇಹಸೇಶ್ವರಪಾಲಿತಾ | ನ ಶಕ್ಯಮದ್ಯ ತೇ ದ್ರಷ್ಟುಂ ಪುರೀಯಂ ವನರಾಧಮ || 36 || ತತ: ಸ ಕಪಿಶಾರ್ದೂಲಸ್ತಾಮುವಾಚ ನಿಶಾಚರೀಂ | ದೃಷ್ವಾ ಪುರೀಮಿಮಾಂ ಭದ್ರೇ ಪುನರ್ಯಾಸ್ಯೇ ಯಥಾಗತಂ || 37 || ತತ: ಕೃತ್ವಾ ಮಹಾನಾದಂ ಸಾ ವೈ ಲಂಕಾ ಭಯಾನಕಂ | ತಲೇನ ವಾನರಶ್ರೇಷ್ಠಂ ತಾಡಯಾಮಾಸ ವೇಗಿತಾ || 38 || ತತ: ಸ ಕಪಿಶಾರೂಲೋ ಲಂಕಾಯಾ ತಾಡಿತೋ ಭೃಶಂ | ನನಾದ ಸುಮಹಾನಾದಂ ವೀರ್ಯವಾನ್ ಪವನಾತ್ಮಜ: || 39 || ತತ: ಸಂವರ್ತಯಾಮಾಸ ವಾಮಹಸ್ತಸ್ಯ ಸೋ„ಂಗುಳೀ: | ಮುಷ್ಟಿನಾಭಿಜಘೂನೈನಾಂ ಹನುಮಾನ್ ಕ್ರೋಧಮೂರ್ಛಿತ: || 40 || ಸ್ತ್ರೀ ಚೇತಿ ಮನ್ಯಮಾನೇನ ನಾತಿಕ್ರೋಧ: ಸ್ವಯಂ ಕೃತ: | ಸಾ ತು ತೇನ ಪ್ರಹಾರೇಣ ವಿಹ್ವಲಾಂಗೀ ನೀಶಾಚರೀ || 41 || ಪಪಾತ ಸಹಸಾ ಭೂಮೌ ವಿಕೃತಾನನದರ್ಶನಾ | ತತಸ್ತು ಹನುಮಾನ್ ಪ್ರಾಜ್ನಸ್ತಾಂ ದೃಷ್ಟ್ವಾ ವಿನಿಪಾತಿತಾಂ || 42 || ಕೃಪಾಂ ಚಕಾರ ತೇಜಸ್ವೀ ಮನ್ಯಮಾನ: ಸ್ತ್ರಿಯಂ ತು ತಾಂ | ತತೋ ವೈ ಭೃಶಸಂವಿಗ್ನಾ ಲಂಕಾ ಗದ್ಗದಾಕ್ಷರಂ || 43 || ಉವಾಚಾಗರ್ವಿತಂ ವಾಕ್ಯಂ ಹನೂಮಂತಂ ಪ್ಲವಂಗಮಂ | ಪ್ರಸೀದ ಸುಮಹಾಬಾಹೋ ತ್ರಾಯಸ್ವ ಹರಿಸತ್ತಮ || 44 || ಸಮಯೇ ಸೌಮ್ಯ ತಿಷ್ಠಂತಿ ಸ್ತ್ತ್ವವಂತೋ ಮಹಾಬಲಾ: | ಅಹಂ ತು ನಗರೀ ಲಂಕಾ ಸ್ವಯಮೇವ ಪ್ಲವಂಗಮ || 45 || ನಿರ್ಜಿತಾಹಂ ತ್ವಯಾ ವೀರ ವಿಕ್ರಮೇಣ ಮಹಾಬಲ | ಇದಂ ಚ ತಥ್ಯಂ ಶೃಣು ವೈ ಬ್ರುವಂತ್ಯ ಮೇ ಹರೀಶ್ವರ || 46 || ಸ್ವಯಂಭುವಾ ಪುರಾ ದತ್ತಂ ವರದಾನಂ ಯಥಾ ಮಮ | ಯದಾ ತ್ವಾಂ ವಾನರ: ಕಶ್ಚಿದ್ವಿಕ್ರಮಾದ್ವಶಮಾನಯೇತ್ || 47 || ತದಾ ತ್ವಯಾ ಹಿ ವಿಜ್ಞೇಯಂ ರಕ್ಷಸಾಂ ಭಯಮಾಗತಂ | ಸ ಹಿ ಮೇ ಸಮಯ: ಸೌಮ್ಯ ಪ್ರಾಪ್ತೋ„ಯ ತವ ದರ್ಶನಾತ್ || 48 || ಸ್ವಯಂಭೂವಿಹಿತ: ಸತ್ಯೋ ನ ತಸ್ಯಾಸ್ತಿ ವ್ಯತಿಕ್ರಮ: | ಸೀತಾನಿಮಿತ್ತಂ ರಾಜ್ಞಸ್ತು ರಾವಣಸ್ಯ ದುರಾತ್ಮನ: | ರಾಕ್ಷಸಾಂ ಚೈವ ಸರ್ವೇಷಾಂ ವಿನಾಶ: ಸಮುಪಸ್ಥಿತ: || 49 || ತತ್ಪ್ರವಿಶ್ಯ ಹರಿಶ್ರೇಷ್ಠಂ ಪುರೀಂ ರಾವಣಪಾಲಿತಾಂ | ವಿಧತ್ಸ್ವ ಸರ್ವಕಾರ್ಯಾಣಿ ಯಾನಿ ಯಾನಿಹ ವಾಂಚಸಿ || 50 || ಪ್ರವಿಶ್ಯ ಶಾಪೋಪಹತಾಂ ಹರೀಶ್ವರ | ಪುರೀಂ ಶುಭಾಂ ರಾಕ್ಷಸರಾಜಪಾಲಿತಾಂ | ಯದೃಚ್ಛಯಾ ತ್ವಂ ಜನಕಾತ್ಮಜಾಂ ಸತೀಂ | ವಿಮಾರ್ಗ ಸರ್ವತ್ರ ಗತೋ ಯಥಾಸುಖಂ || 51 || || ಇತಿ ತೃತೀಯ: ಸರ್ಗ: ||
ಸ ನಿರ್ಜತ್ಯ ಪುರೀಂ ಲಂಕಾ ಶ್ರೇಷ್ಠಾಂ ತಾಂ ಕಾಮರೂಪಿಣೀಂ | ವಿಕ್ರಮೇಣ ಮಹಾತೇಜಾ ಹನುಮಾನ್ ಕಪಿಸತ್ತಮ: || 1 || ಅದ್ವಾರೇಣ ಮಹಾಬಾಹು: ಪ್ರಾಕಾರಮಭಿಪುಪ್ಲುವೇ | ನಿಶಿ ಲಂಕಾ ಮಹಾಸತ್ತ್ವೋ ವಿವೇಶ ಕಪಿಕುಂಜರ || 2 || ಪ್ರವಿಶ್ಯ ನಗರೀಂ ಲಂಕಾಂ ಕಪಿರಾಜಹಿತಂಕರ: | ಚಕ್ರೇ„ಥ ಪಾದಂ ಸವ್ಯಂ ಶತ್ರೂಣಾಂ ಸ ತು ಮೂರ್ಧನಿ || 3 || ಪ್ರವಿಷ್ಟ: ಸತ್ತ್ವಸಂಪನ್ನೋ ವಿಶಾಯಾಂ ಮಾರುತಾತ್ಮಜ: | ಸ ಮಹಾಪಥಮಾಸ್ಥಾಯ ಮುಕ್ತಾಪುಷ್ಪವಿರಾಜಿತಂ || 4 || ತತಸ್ತು ತಾಂ ಪುರೀಂ ಲಂಕಾಂ ರಮ್ಯಾಮಭಿಯಯೌ ಕಪಿ: | ಹಸಿತ ಉದ್ಘುಷ್ಟ ನಿನದೈ: ತೂರ್ಯ ಘೋಷ ಪುರ: ಸರೈ: || 5 || ವಜ್ರ ಅಂಕುಶ ನಿಕಾಶೈ: ಚ ವಜ್ರ ಜಾಲ ವಿಭೂಶಿತೈ: | ಗೃಹ ಮುಖ್ಯೈ: ಪುರೀ ರಮ್ಯಾ ಬಭಾಸೇ ದ್ಯೌ: ಇವ ಅಂಬುದೈ: || 6 || ಪ್ರಜಜ್ವಾಲ ತದಾ ಲಂಕಾ ರಕ್ಷೋಗಣ ಗೃಹೈ: ಶುಭೈ: | ಸಿತಾಭ್ರ ಸದೃಶೈ: ಚಿತ್ರೈ: ಪದ್ಮ ಸ್ವಸ್ತಿಕ ಸಂಸ್ಥಿತೈ: || 7 || ವರ್ಧಮಾನ ಗೃಹೈ: ಚ ಅಪಿ ಸರ್ವತ: ಸುವಿಭಾಷಿತಾ | ತಾಂ ಚಿತ್ರ ಮಾಲ್ಯಾಭರಣಾಂ ಕಪಿರಾಜ ಹಿತಂಕರ: || 8 || ರಾಘವಾರ್ಥಂ ಚರಂಧೀಮಾನ್ ದದರ್ಶ ಚ ನನಂದ ಚ | ಭವನಾದ್ಭವನಂ ಗಚ್ಛ್ನ್ ದದರ್ಶ ಪವನಾತ್ಮಜ: || 9 || ವಿವಿಧಾಕೃತಿರೂಪಾಣಿ ಭವನಾನಿ ತತಸ್ತತ: | ಶುಶ್ರಾವ ಮಧುರಂ ಗೀತಂ ತ್ರಿ ಸ್ಥಾನ ಸ್ವರ ಭೂಷಿತಂ || 10 || ಸ್ತ್ರೀಣಾಂ ಮದ ಸಮೃದ್ಧಾನಾಂ ದಿವಿ ಚ ಅಪ್ಸರಸಾಂ ಇವ | ಶುಶ್ರಾವ ಕಾಂಚೀ ನಿನದಂ ನೂಪುರಾಣಾಂ ಚ ನಿ:ಸ್ವನಂ || 11 || ಸೋಪಾನ ನಿನದಾಂ: ಚೈವ ಭವನೇಷು ಮಹಾತ್ಮನಾಂ | ಆಸ್ಫೋಟಿತ ನಿನಾದಾಂ: ಚ ಕ್ಷ್ವೇಡಿತಾಂ: ಚ ತತಸ್ತತ: || 12 || ಶುಶ್ರಾವ ಜಪತಾಂ ತತ್ರ ಮಂತ್ರಾನ್ ರಕ್ಷೋಗೃಹೇಷು ವೈ | ಸ್ವಾಧ್ಯಾಯ ನಿರತಾಂಶ್ಚೈವ ಯಾತು ಧಾನಾಂದದರ್ಶ ಸ: || 13 || ರಾವಣ ಸ್ತವ ಸಂಯುಕ್ತಾನ್ ಗರ್ಜತೋ ರಾಕ್ಷಸಾನಪಿ | ರಾಜಮಾರ್ಗಂ ಸಮಾವೃತ್ಯ ಸ್ಥಿತಂ ರಕ್ಷ: ಬಲಂ ಮಹತ್ || 14 || ದದರ್ಶ ಮಧ್ಯಮೇ ಗುಲ್ಮೇ ರಾಕ್ಷಸಸ್ಯ ಚರಾನ್ ಬಹೂನ್ | ದೀಕ್ಷಿತಾನ್ ಜಟಿಲಾನ್ ಮುಂಡಾನ್ ಗೋಜಿನಾಂಬರ ವಾಸಸ: || 15 || ದರ್ಭ ಮುಷ್ಟಿ ಪ್ರಹರಣಾನ್ ಅಗ್ನಿ ಕುಂಡ ಆಯುಧಾಂ ತಥಾ | ಕೂಟ ಮುದ್ಗರ ಪಾಣೀಂಶ್ಚ ದಂಡ ಆಯುಧ ಧರಾನ್ ಅಪಿ || 16 || ಏಕ ಅಕ್ಷ ಅನೇಕ ಕರ್ಣಾಂಶ್ಚ ಚಲ ಲಂಬ ಪಯೋಧರಾನ್ | ಕರಾಲಾನ್ ಭುಗ್ನ ವಕ್ತ್ರಾಂಶ್ಚ ವಿಕಟಾನ್ ವಾಮನಾಂ ತಥಾ || 17 || ಧನ್ವಿನ: ಖಡ್ಗಿನ: ಚೈವ ಶತಘ್ನೀ ಮುಸಲ ಆಯುಧಾನ್ | ಪರಿಘ ಉತ್ತಮ ಹಸ್ತಾಂ ಚ ವಿಚಿತ್ರ ಕವಚ ಉಜ್ಜ್ವಲಾನ್ || 18 || ನಾತಿಸ್ಥೂಲಾನ್ ನಾತಿಕೃಶಾನ್ ನಾತಿದೀರ್ಘ ಅತಿಹ್ರಸ್ವಕಾನ್ | ನಾತಿಗೌರಾನ್ ನಾತಿಕೃಷ್ಣಾನ್ ನಾತಿಕುಬ್ಜಾನ್ ನ ವಾಮನಾನ್ || 19 || ವಿರೂಪಾನ್ ಬಹು ರೂಪಾಂಶ್ಚ ಸುರೂಪಾಂಶ್ಚ ಸುವರ್ಚಸ: | ಧ್ವಜೀನ್ ಪತಾಕಿನಶ್ಚೈವ ದದರ್ಶ ವಿವಿಧಾಯುಧಾನ್ || 20 || ಶಕ್ತಿ ವೃಕ್ಷ ಆಯುಧಾಂಶ್ಚೈವ ಪಟ್ಟಸಾಶನಿಧಾರಿಣ: | ಕ್ಷೇಪಣೀ ಪಾಶ ಹಸ್ತಾಂಶ್ಚ ದದರ್ಶ ಸ ಮಹಾ ಕಪಿ: || 21 || ಸ್ರಗ್ವಿಣ: ಸ್ವನುಲಿಪ್ತಾಂಶ್ಚ ವರಾಭರಣ ಭೂಷಿತಾನ್ | ನಾನಾವೇಷ ಸಮಾಯುಕ್ತಾನ್ ಯಥಾಸ್ವೈರಗತಾನ್ ಬಹೂನ್ || 22 || ತೀಕ್ಷ್ಣ ಶೂಲ ಧರಾಂಶ್ಚೈವ ವಜ್ರಿಣಾಶ್ಚ ಮಹಾಬಲಾನ್ | ಶತ ಸಾಹಸ್ರಂ ಅವ್ಯಗ್ರಮಾರಕ್ಷಂ ಮಧ್ಯಮಂ ಕಪಿ: || 23 || ರಕ್ಷೋಧಿಪತಿ ನಿರ್ದಿಷ್ಟಂ ದದರ್ಶಾಂತ: ಪುರಾಗ್ರತ: | ಸ ತದಾ ತದ್ಗೃಹಂ ದೃಷ್ಟ್ವಾ ಮಹಾಹಾಟಕತೋರಣಂ || 24 || ರಾಕ್ಷಸೇಂದ್ರಸ್ಯ ವಿಖ್ಯಾತಮದ್ರಿಮೂಧ್ರ್ನಿ ಪ್ರತಿಷ್ಠಿತಂ | ಪುಂಡರೀಕಾವತಂಸಾಭಿ: ಪರಿಖಾಭಿ: ಸಮಾವೃತಂ || 25 || ಪ್ರಾಕಾರದೃತಮತ್ಯಂತಂ ದದರ್ಶ ಸ ಮಹಾ ಕಪಿ: | ತ್ರಿವಿಷ್ಟಪ ನಿಭಂ ದಿವ್ಯಂ ದಿವ್ಯ ನಾದ ವಿನಾದಿತಂ || 26 || ವಾಜಿ ಹೇಶಿತ ಸಂಘುಷ್ಟಂ ನಾದಿತಂ ಭೂಷಣೈ: ತಥಾ | ರಥೈ: ಯಾನೈ: ವಿಮಾನೈ: ಚ ತಥಾ ಗಜ ಹಯೈ: ಶುಭೈ: || 27 || ವಾರಣೈ: ಚ ಚತುರ್ದಂತೈ: ಶ್ವೇತಾಭ್ರ ನಿಚಯ ಉಪಮೈ: | ಭೂಷಿತಂ ರುಚಿರದ್ವಾರಂ ಮತ್ತೈಶ್ಚ ಮೃಗ ಪಕ್ಷಿಭಿ: || 28 || ರಕ್ಷಿತಂ ಸಮುಹಾವೀರ್ಯೈ: ಯಾತುಧಾನೈ: ಸಹಸ್ರಶ: | ರಾಕ್ಷಸಾಧಿಪತೇ: ಗುಪ್ತಂ ಆವಿವೇಶ ಗೃಹಂ ಕಪಿ: || 29 || ಸಹೇಮಜಾಂಬೂನದ ಚಕ್ರವಾಳಂ ಮಹಾರ್ಹ ಮುಕ್ತಾಮಣಿಭೂಷಿತಾಂತಂ | ಪರಾಧ್ರ್ಯಕಾಲಾ ಗುರುಚಂದನಾಕ್ತಂ ಸ ರಾವಣಾಂತ:ಪುರಮಾವಿವೇಶ || 30 || || ಇತಿ ಚತುರ್ಥ ಸರ್ಗ: ||
ತತ: ಸ ಮಧ್ಯಂಗತಮಂಶುಮಂತಂ ಜ್ಯೋತ್ಸ್ನಾವಿತಾನಂ ಮಹದುದ್ವಮಂತಂ | ದದರ್ಶ ಧೀಮಾನ್ ದಿವಿ ಭಾನುಮಂತಂ ಗೋಷ್ಠೇ ವೃಷಂ ಮತ್ತಮಿವ ಭ್ರಾಮಂತಂ || 1 || ಲೋಕಸ್ಯ ಪಾಪಾನಿ ವಿನಾಶಯಂತಂ ಮಹೋದಧಿಂ ಚಾಪಿ ಸಮೇಧಯಂತಂ | ಭೂತಾನಿ ಸರ್ವಾಣಿ ವಿರಾಜಯಂತಂ ದದರ್ಶ ಶೀತಾಂಶುಮಥಾಭಿಯಾಂತಂ || 2 || ಯಾ ಭಾತಿ ಲಕ್ಷ್ಮೀರ್ಭುವಿ ಮಂದರಸ್ಥಾ | ತಥಾ ಪ್ರದೋಷೇಷು ಚ ಸಾಗರಸ್ಥಾ | ತಥೈವ ತೋಯೇಷು ಚ ಪುಷ್ಕರಸ್ಥಾ | ರರಾಜ ಸಾ ಚಾರುನಿಶಾಕರಸ್ಥಾ || 3 || ಹಂಸೋ ಯಥಾ ರಾಜತಪಂಜರಸಥ: | ಸಿಂಹೋ ಯಥಾ ಮಂದರಕಂದರಸ್ಥ: | ವೀರೋ ಯಥಾ ಗರ್ವಿತಕುಂಜರಸ್ಥ: | ಚಂದ್ರೋ„ಪಿ ಬಭ್ರಾಜ ತಥಾಂಬರಸ್ಥ: || 4 || ಸ್ಥಿತ: ಕಕುದ್ಮಾನಿವ ತೀಕ್ಷ್ಣಶೃಂಗೋ ಮಹಾಚಲ: ಶ್ವೇತ ಇವೋಚ್ಚಶೃಂಗ: | ಹಸ್ತೀವ ಜಾಂಬೂನದಬದ್ಧಶೃಂಗೋ | ವಿಭಾತಿ ಚಂದ್ರ: ಪರಿಪೂರ್ಣಶೃಂಗ: || 5 || ವಿನಷ್ಟ ಶೀತಾಂಬು ತುಷಾರಪಂಕೋ ಮಹಾಗ್ರಹ ಗ್ರಾಹವಿನಷ್ಟಪಂಕ: | ಪ್ರಕಾಶ ಲಕ್ಷ್ಮ್ಯಾಶ್ರಯ ನಿರ್ಮಲಾಂಕೋ ರರಾಜ ಚಂದ್ರೋ ಭಗವಾನ್ ಶಶಾಂಕ: || 6 || ಶಿಲಾತಲಂ ಪ್ರಾಪ್ಯ ಯಥಾ ಮೃಗೇಂದ್ರೋ ಮಹಾರಣಂ ಪ್ರಾಪ್ಯ ಯಥಾ ಗಜೇಂದ್ರ: | ರಾಜ್ಯಂ ಸಮಾಸಾದ್ಯ ಯಥಾ ನರೇಂದ್ರ ತಥಾಪ್ರಕಾಶೋ ವಿರರಾಜ ಚಂದ್ರ: || 7 || ಪ್ರಕಾಶ ಚಂದ್ರೋದಯ ನಷ್ಟದೋಷ: ಪ್ರವೃತ್ತರಕ್ಷ: ಪಿಶಿತಾಶದೋಷ: | ರಾಮಾಭಿರಾಮೇರಿತಚಿತ್ತದೋಷ: ಸ್ವರ್ಗಪ್ರಕಾಶೋ ಭಗವಾನ್ ಪ್ರದೋಷ: || 8 || ತಂತ್ರೀಸ್ವನಾ: ಕರ್ಣಸುಖಾ: ಪ್ರವೃತ್ತಾ: ಸ್ವಪಂತಿ ನಾರ್ಯ: ಪತಿಭಿ: ಸುವೃತ್ತಾ: | ನಕ್ತಂಚರಾಶ್ಚಾಪಿ ತಥಾ ಪ್ರವೃತ್ತಾ ವಿಹರ್ತುಮತ್ಯದ್ಭುತ ರೌದ್ರವೃತ್ತಾ: || 9 || ಮತ್ತಪ್ರಮತ್ತಾನಿ ಸಮಾಕುಲಾನಿ ತಥಾಶ್ವ ಭದ್ರಾಸನ ಸಂಕುಲಾನಿ | ವೀರ: ಶ್ರಿಯಾ ಚಾಪಿ ಸಮಾಕುಲಾನಿ ದದರ್ಶ ಧೀಮಾನ್ ಸ ಕಪಿ: ಕುಲಾನಿ || 10 || ಪರಸ್ಪರಂ ಚಾಧಿಕಮಾಕ್ಷಿಪಂತಿ ಭುಜಾಂಶ್ಚ ಪೀನಾನಧಿ ವಿಕ್ಷಿಪಂತಿ | ಮತ್ತಪ್ರಲಾಪಾನಧಿ ವಿಕ್ಷಿಪಂತಿ ಮತ್ತಾನಿ ಚಾನ್ಯೋನ್ಯಂ ಅಧಿಕ್ಷಿಪಂತಿ || 11 || ರಕ್ಷಾಂಸಿ ವಕ್ಷಾಂಸಿ ಚ ವಿಕ್ಷಿಪಂತಿ ಗಾತ್ರಾಣಿ ಕಾಂತಾಸು ಚ ವಿಕ್ಷಿಪಂತಿ | ರೂಪಾಣಿ ಚಿತ್ರಾಣಿ ಚ ವಿಕ್ಷಿಪಂತಿ ದೃಢಾನಿ ಚಾಪಾನಿ ಚ ವಿಕ್ಷಿಪಂತಿ || 12 || ದದರ್ಶ ಕಾಂತಾಶ್ಚ ಸಮಾಲಭಂತ್ಯ ಸ್ತಥಾ ಪರಾಸ್ತತ್ರ ಪುನ: ಸ್ವಪಂತ್ಯ: | ಸುರೂಪವಕ್ತ್ರಾಶ್ಚ ತಥಾ ಹಸಂತ್ಯ: ಕ್ರುದ್ಧಾ: ಪರಾಶ್ಚಪಿ ವಿನಿ:ಶ್ವಸಂತ್ಯ: || 13 || ಮಹಾಗಜೈಶ್ಚಾಪಿ ತಥಾ ನದದ್ಭಿ:| ಸುಪೂಜಿತೈಶ್ಚಾಪಿ ತಥಾ ಸುಸದ್ಭಿ: | ರರಾಜ ವೀರೈಶ್ಚ ವಿನಿ:ಶ್ವಸದ್ಭಿ ಹ್ರ್ರದೋ ಭುಜಂಗೈರಿವ ನಿ:ಶ್ವಸದ್ಭಿ: || 14 || ಬುದ್ಧಿಪ್ರಧಾನಾನ್ ರುಚಿರಾಭಿಧಾನಾನ್ ಸಂಶ್ರದ್ದಧಾನಾನ್ ಜಗತ: ಪ್ರಧಾನಾನ್ | ನಾನಾವಿಧಾನಾನ್ ರುಚಿರಾಭಿಧಾನಾನ್ ದದರ್ಶ ತಸ್ಯಾಂ ಪುರಿ ಯಾತುಧಾನಾನ್ || 15 || ನನಂದ ದೃಷ್ಟ್ವಾ ಸ ಚ ತಾನ್ ಸುರೂಪಾನ್ ನಾನಾಗುಣಾನ್ ಆತ್ಮಗುಣಾನುರೂಪಾನ್ | ವಿದ್ಯೋತಮಾನಾಂಸ ತದಾನುರೂಪಾನ್ ದದರ್ಶ ಕಾಂಶ್ಚಿಚ್ಚ ಪುನರ್ವಿರೂಪಾನ್ || 16 || ತತೋ ವರಾರ್ಹ: ಸುವಿಶುದ್ಧಭಾವಾ: ತೇಷಾಂ ಸ್ತ್ರಿಯಸ್ತತ್ರ ಮಹಾನುಭಾವಾ: | ಪ್ರಿಯೇಷು ಪಾನೇಷು ಚ ಸಕ್ತಭಾವಾ ದದರ್ಶ ತಾರೈವ ಸುಪ್ರಭಾವಾ: || 17 || ಶ್ರಿಯಾ ಜ್ವಲಂತೀಸ್ತ್ರಪಯೋಗೂಢಾ ನಿಶೀಥಕಾಲೇ ರಮಣೋಪಗೂಢಾ: | ದದರ್ಶ ಕಾಂಶ್ಚಿತ್ಪ್ರಮದೋಪಗೂಢಾ ಯಥಾ ವಿಹಂಗಾ: ಕುಸುಮೋಪಗೂಢಾ: || 18 || ಅನ್ಯಾ: ಪುನರ್ಹಮ್ರ್ಯತಲೋಪವಿಷ್ಟಾ ಸ್ತತ್ರ ಪ್ರಿಯಾಂಕೇಷು ಸುಖೋಪವಿಷ್ಟಾ: | ಭರ್ತು: ಪ್ರಿಯಾ ಧರ್ಮಪರಾ ನಿವಿಷ್ಟಾ ದದರ್ಶ ಧೀಮಾನ್ ಮದನಾಭಿವಿಷ್ಟಾ: || 19 || ಅಪ್ರಾವೃತಾ: ಕಾಂಚನರಾಜಿವರ್ಣಾ: ಕಾಶ್ಚಿತ್ ಪರಾಥ್ರ್ಯಾ: ತಪನೀಯವರ್ಣಾ: | ಪುನಶ್ಚ ಕಾಶ್ಚಿಚ್ಛಶಲಕ್ಷ್ಮವರ್ಣಾ: ಕಾಂತಪ್ರಹೀಣಾ ರುಚಿರಾಂಗವರ್ಣಾ: || 20 || ತತ: ಪ್ರಿಯಾನ್ ಪ್ರಾಪ್ಯ ಮನೋಭಿರಾಮಾನ್ ಸುಪ್ರೀತಿಯುಕ್ತಾ: ಸುಮನೋಭಿರಾಮಾ: | ಗೃಹೇಷು ಹೃಷ್ಟಾ: ಪರಮಾಭಿರಾಮಾ: ಹರಿಪ್ರವೀರ: ಸ ದದರ್ಶ ರಾಮಾ: || 21 || ಚಂದ್ರಪ್ರಕಾಶಾಶ್ಚ ಹಿ ವಕ್ತ್ರಮಾಲಾ ವಕ್ರಾಕ್ಷಿಪಕ್ಷ್ಮಾಶ್ಚ ಸುನೇತ್ರಮಾಲಾ: | ವಿಭೂಷಾಣಾನಾಂ ಚ ದದರ್ಶ ಮಾಲಾ: ಶತಹ್ರದಾನಾಮಿವ ಚಾರುಮಾಲಾ: || 22 || ನ ತ್ವೇವ ಸೀತಾಂ ಪರಮಾಭಿಜಾತಾಂ ಪಥಿ ಸ್ಥಿತೇ ರಾಜಕುಲೇ ಪ್ರಜಾತಾಂ | ಲತಾಂ ಪ್ರ¥sóÀುಲ್ಲಾಮಿವ ಸಾಧು ಜಾತಾಂ ದದರ್ಶ ತನ್ವೀಂ ಮನಸಾಭಿಜಾತಾಂ || 23 || ಸನಾತನೇ ವತ್ರ್ಮನಿ ಸನ್ನಿವಿಷ್ಟಾಂ ರಾಮೇಕ್ಷಣಾಂ ತಾಂ ಮದನಾಭಿವಿಷ್ಟಾಂ | ಭರ್ತುರ್ಮನ: ಶ್ರೀಮದನುಪ್ರವಿಷ್ಟಾಂ ಸ್ತ್ರೀಭ್ಯೋ ವರಾಭ್ಯಶ್ಚ ಸದಾ ವಿಶಿಷ್ಟಾಂ || 24 || ಉಷ್ಣಾರ್ದಿತಾಂ ಸಾನುಸೃತಾಸ್ರಕಂಠೀಂ ಪುರಾ ವರಾರ್ಹೋತ್ತಮ ನಿಷ್ಕಕಂಠೀಂ | ಸುಜಾತಪಕ್ಷ್ಮಾಂ ಅಭಿರಕ್ತಕಂಠೀಂ ವನೇ„ಪ್ರನೃತ್ತಾಮಿವ ನೀಲಕಂಠೀಂ || 25 || ಅವ್ಯಕ್ತರೇಖಾಮಿವ ಚಂದ್ರರೇಖಾಂ ಪಾಂಸುಪ್ರದಿಗ್ಧಾಮಿವ ಹೇಮರೇಖಾಂ | ಕ್ಷತಪ್ರರೂಢಾಮಿವ ಬಾಣರೇಖಾಂ ವಾಯುಪ್ರಭಿನ್ನಾಮಿವ ಮೇಘರೇಕ್ಷಾಂ || 26 || ಸೀತಾಮಪಶ್ಯನ್ ಮನುಜೇಶ್ವರಸ್ಯ ರಾಮಸ್ಯ ಪತ್ನೀಂ ವದತಾಂ ವರಸ್ಯ | ಬಭೂವ ದು:ಖಾಭಿಹತಶ್ಚಿರಸ್ಯ ಪ್ಲವಂಗಮೋ ಮಂದ ಇವಾಚಿರಸ್ಯ || 27 || || ಇತಿ ಪಂಚಮ: ಸರ್ಗ: ||
ಸ ನಿಕಾಮಂ ವಿನಾಮೇಷು ವಿಚರಂಕಾಮರೂಪಧೃಕ್ | ವಿಚಚಾರ ಕಪಿರ್ಲಂಕಾಂ ಲಾಘವೇನ ಸಮನ್ವಿತ: || 1 || ಆಸಸಾದಾಥ ಲಕ್ಷ್ಮೀವಾನ್ ರಾಕ್ಷಸೇಂದ್ರ ನಿವೇಶನಂ | ಪ್ರಾಕಾರೇಣಾರ್ಕವರ್ಣೇನ ಭಾಸ್ವರೇಣಾಭಿ ಸಂವೃತಂ || 2 || ರಕ್ಷಿತಂ ರಾಕ್ಷಸೈರ್ಭೀಮೈ: ಸಿಂಹೈರಿವ ಮಹದ್ವನಂ | ಸಮೀಕ್ಷಮಾಣೋ ಭವನಂ ಚಕಾಶೇ ಕಪಿಕುಂಜರ: || 3 || ರೂಪ್ಯಕೋಪಹಿತೈ: ಚಿತ್ರೈ: ತೋರಣೈ: ಹೇಮಭೂಷಿತೈ: | ವಿಚಿತ್ರಾಭಿಶ್ಚ ಕಕ್ಷ್ಯಾಭಿದ್ರ್ವಾರೈಶ್ಚ ರುಚಿರೈರ್ವೃತಂ || 4 || ಗಜಾಸ್ಥಿತೈರ್ಮಹಾಮಾತ್ರೈ: ಶೂರೈಶ್ಚ ವಿಗತಶ್ರಮೈ: | ಉಪಸ್ಥಿತಮಸಂಹಾರ್ಯೈರ್ಹಯೈ: ಸ್ಯಂದನಯಾಯಿಭಿ: || 5 || ಸಿಂಹ ವ್ಯಾಘ್ರ ತನುತ್ರಾಣೈರ್ದಾಂತ ಕಾಂಚನರಾಜತೈ: | ಘೋಷವದ್ಭಿ: ವಿಚಿತ್ರೈಶ್ಚ ಸದಾ ವಿಚರಿತಂ ರಥೈ: || 6 || ಬಹುರತ್ನ ಸಮಾಕೀರ್ಣಂ ಪರಾಧ್ರ್ಯಾಸನಭಾಜನಂ | ಮಹಾರಥ ಸಮಾವಾಸಂ ಮಹಾರಥ ಮಹಾಸ್ವನಂ || 7 || ದೃಶ್ಯೈಶ್ಚ ಪರಮೋದಾರೈಸ್ತೈಸ್ತೈಶ್ಚ ಮೃಗಪಕ್ಷಿಭಿ: | ವಿವಿಧೈ: ಬಹುಸಾಹಸ್ರೈ: ಪರಿಪೂರ್ಣಂ ಸಮಂತತ: || 8 || ವಿನೀತೈರಂತಪಾಲೈಶ್ಚ ರಕ್ಷೋಭಿಶ್ಚ ಸುರಕ್ಷಿತಂ | ಮುಖ್ಯಾಭಿಶ್ಚ ವರಸ್ತ್ರೀಭಿ: ಪರಿಪೂರ್ಣಂ ಸಮಂತತ: || 9 || ಮುದಿತಪ್ರಮದಾ ರತ್ನಂ ರಾಕ್ಷಸೇಂದ್ರ ನಿವೇಶನಂ | ವರಾಭರಣನಿಹ್ರ್ರಾದೈ: ಸಮುದ್ರಸ್ವನನಿ: ಸ್ವನಂ || 10 || ತದ್ರಾಜ ಗುಣಸಂಪನ್ನಂ ಮುಖ್ಯೈಶ್ಚ ವರಚಂದನೈ: | ಮಹಾಜನೈ: ಸಮಾಕೀರ್ಣಂ ಸಿಂಹೈರಿವ ಮಹದ್ವನಂ || 11 || ಭೇರೀಮೃದಂಗಾಭಿರುತಂ ಶಂಖಘೋಷವಿನಾದಿತಂ | ನಿತ್ಯಾರ್ಚಿತಂ ಪರ್ವಹುತಂ ಪೂಜಿತಂ ರಾಕ್ಷಸೈ: ಸದಾ || 12 || ಸಮುದ್ರಮಿವ ಗಂಭೀರಂ ಸಮುದ್ರಮಿವ ನಿ:ಸ್ವನಂ | ಮಹಾತ್ಮಾನೋ ಮಹದ್ವೇಶ್ಮ ಮಹಾರತ್ನಪರಿಚ್ಛದಂ || 13 || ಮಹಾಜನಸಮಾಕೀರ್ಣಂ ದದರ್ಶ ಸ ಮಹಾಕಪಿ: | ವಿರಾಜಮಾನಂ ವಪುಷಾ ಗಜಾಶ್ವರಥಸಂಕುಲಂ || 14 || ಲಂಕಾಭರಣಂ ಇತ್ಯೇವ ಸೋ„ಮನ್ಯತ ಮಹಾಕಪಿ: | ಚಚಾರ ಹನುಮಾಂಸ್ತತ್ರ ರಾವಣಸ್ಯ ಸಮೀಪತ: || 15 || ಗೃಹಾದ್ಗೃಹಂ ರಾಕ್ಷಸಾನಾಮುದ್ಯಾನಾನಿ ಚ ವಾನರ: | ವೀಕ್ಷಮಾಣೋ ಹ್ಯಸಂತ್ರಸ್ತ: ಪ್ರಾಸಾದಾಂಶ್ಚ ಚಚಾರ ಸ: || 16 || ಅವಪ್ಲುತ್ಯ ಮಹಾವೇಗ: ಪ್ರಹಸ್ತಸ್ಯ ನಿವೇಶನಂ | ತತೋ„ನ್ಯತ್ಪುಪ್ಲುವೇ ವೇಶ್ಮ ಮಹಾಪಾಶ್ರ್ವಸ್ಯ ವೀರ್ಯವಾನ್ || 17 || ಅಥ ಮೇಘಪ್ರತೀಕಾಶಂ ಕುಂಭಕರ್ಣ ನಿವೇಶನಂ | ವಿಭೀಷಣಸ್ಯ ಚ ತಥಾ ಪುಪ್ಲುವೇ ಸ ಮಹಾಕಪಿ: || 18 || ಮಹೋದರಸ್ಯ ಚ ಗೃಹಂ ವಿರೂಪಾಕ್ಷಸ್ಯ ಚೈವ ಹಿ | ವಿದ್ಯುತ್ ಜಿಹ್ವಸ್ಯ ಭವನಂ ವಿದ್ಯುನ್ಮಾಲೇ: ತಥೈವ ಚ || 19 || ವಜ್ರದಂಷ್ಟ್ರಸ್ಯ ಚ ತಥಾ ಪುಪ್ಲುವೇ ಸ ಮಹಾಕಪಿ: | ಶುಕಸ್ಯ ಚ ಮಹಾವೇಗ: ಸಾರಣಸ್ಯ ಚ ಧೀಮತ: || 20 || ತಥಾ ಚೇಂದ್ರಜಿತೋ ವೇಶ್ಮ ಜಗಾಮ ಹರಿಯೂಥಪ: | ಜಂಬುಮಾಲೇ: ಸುಮಾಲೇಶ್ಚ ಜಗಾಮ ಹರಿಯೂಥಪ: || 21 || ರಶ್ಮಿಕೇತೋಶ್ಚ ಭವನಂ ಸೂರ್ಯಶತ್ರೋಸ್ತಥೈವ ಚ | ವಜ್ರಕಾಯಸ್ಯ ಚ ತಥಾ ಪುಪ್ಲುವೇ ಸ ಮಹಾಕಪಿ: || 22 || ಧೂಮ್ರಾಕ್ಷಸ್ಯ ಚ ಸಂಪಾತೇ: ಭವನಂ ಮಾರುತಾತ್ಮಜ: | ವಿದ್ಯುದ್ರೂಪಸ್ಯ ಭೀಮಸ್ಯ ಘನಸ್ಯ ವಿಘನಸ್ಯ ಚ || 23 || ಶುಕನಾಭಸ್ಯ ವಕ್ರಸ್ಯ ಶಠಸ್ಯ ವಿಕಟಸ್ಯ ಚ | ಹ್ರಸ್ವಕರ್ಣಸ್ಯ ದಂಷ್ಟ್ರಸ್ಯ ರೋಮಶಸ್ಯ ಚ ರಕ್ಷಸ: || 24 || ಯುದ್ಧೋನ್ಮತ್ತಸ್ಯ ಮತ್ತಸ್ಯ ಧ್ವಜಗ್ರೀವಸ್ಯ ಸಾದಿನ: | ವಿದ್ಯುತ್ ಜಿಹ್ವೇಂದ್ರ ಜಿಹ್ವಾನಾಂ ತಥಾ ಹಸ್ತಿಮುಖಸ್ಯ ಚ || 25 || ಕರಾಳಸ್ಯ ಪಿಶಾಚಸ್ಯ ಶೋಣಿತಾಕ್ಷಸ್ಯ ಚೈವ ಹಿ | ಕ್ರಮಮಾಣ: ಕ್ರಮೇಣೈವ ಹನೂಮಾನ್ ಮಾರುತಾತ್ಮಜ: || 26 || ತೇಷು ತೇಷು ಮಹಾರ್ಹೇಷು ಭವನೇಷು ಮಹಾಯಶಾ: | ತೇಷಾಮೃದ್ಧಿಮತಾಮೃದ್ಧಿಂ ದದರ್ಶ ಸ ಮಹಾಕಪಿ: || 27 || ಸರ್ವೇಷಾಂ ಸಮತಿಕ್ರಮ್ಯ ಭವನಾನಿ ಸಮಂತತ: | ಆಸಸಾದಾಥ ಲಕ್ಷ್ಮೀವಾನ್ ರಾಕ್ಷಸೇಂದ್ರ ನಿವೇಶನಂ || 28 || ರಾವಣಸ್ಯೋಪಶಾಯಿನ್ಯೋ ದದರ್ಶ ಹರಿಸತ್ತಮ: | ವಿಚರನ್ಹರಿಶಾರ್ದೂಲೋ ರಾಕ್ಷಸೀರ್ವಿಕೃತೇಕ್ಷಣಾ: || 29 || ಶೂಲಮುದ್ಗರಹಸ್ತಾಶ್ಚ ಶಕ್ತೋ ತೋಮರಧಾರಿಣೀ: | ದದರ್ಶ ವಿವಿಧಾಂಗುಲ್ಮಾಂಸ್ತಸ್ಯ ರಕ್ಷ:ಪತೇರ್ಗೃಹೇ || 30 || ರಾಕ್ಷಸಾಂಶ್ಚ ಮಹಾಕಾಯಾನ್ನಾನಾ ಪ್ರಹರಣೋದ್ಯತಾನ್ | ರಕ್ತಾಂಶ್ವೇತಾಂಸಿತಾಂಶ್ಚೈವ ಹರೀಂಶ್ಚೈವ ಮಹಾಜವಾನ್ || 31 || ಕುಲೀನಾನ್ ರೂಪಸಂಪನ್ನಾನ್ ಗಜಾನ್ ಪರಗಜಾರುಜಾನ್ | ನಿಷ್ಠಿತಾನ್ ಗಜಶಿಖಾಯಾಂ ಐರಾವತ ಸಮಾನ್ಯುಧಿ || 32 || ನಿಹಂತೃಪರ ಸೈನ್ಯಾನಾಂ ಗೃಹೇ ತಸ್ಮಿಂದದರ್ಶ ಸ: | ಕ್ಷರತಶ್ಚ ಯಥಾ ಮೇಘಾಂಸ್ರವತಶ್ಚ ಯಥಾ ಗಿರೀಂ || 33 || ಮೇಘಸ್ತನಿತ ನಿರ್ಘೋಷಾನ್ ದುರ್ಧರ್ಷಾಂಸಮರೇ ಪರೈ: | ಸಹಸ್ರಂ ವಾಹಿನೀಸ್ತತ್ರ ಜಾಂಬೂನದಪರಿಷ್ಕೃತಾ: || 34 || ದದರ್ಶ ರಾಕ್ಷಸೇಂದ್ರಸ್ಯ ರಾವಣಸ್ಯ ನಿವೇಶನೇ | ಶಿಬಿಕಾ ವಿವಿಧಾಕಾರಾ: ಸ ಕಪಿರ್ಮಾರುತಾತ್ಮಜ: || 35 || ಹೇಮಜಾಲೈ: ಅವಿಚ್ಛಿನ್ನಾ: ತರುಣಾದಿತ್ಯ ವರ್ಚಸ: | ಲತಾಗೃಹಾಣಿ ಚಿತ್ರಾಣಿ ಚಿತ್ರಶಾಲಾಗೃಹಾಣಿ ಚ || 36 || ಕ್ರೀಡಾಗೃಹಾಣಿ ಚಾನ್ಯಾನಿ ದಾರುಪರ್ವತಕಾನಪಿ | ಕಾಮಸ್ಯ ಗೃಹಕಂ ರಮ್ಯಂ ದಿವಾಗೃಹಕಮೇವ ಚ || 37 || ದದರ್ಶ ರಾಕ್ಷಸೇಂದ್ರಸ್ಯ ರಾವಣಸ್ಯ ನಿವೇಶನೇ | ಸ ಮಂದರತಲಪ್ರಖ್ಯಂ ಮಯೂರಸ್ಥಾನಸಂಕುಲಂ || 38 || ಧ್ವಜಯಷ್ಟಿಭಿರಾಕೀರ್ಣಂ ದದರ್ಶ ಭವನೋತ್ತಮಂ | ಅನಂತರತ್ನನಿಚಯಂ ನಿಧಿಜಾಲಂ ಸಮಾವೃತಂ || 39 || ಧೀರನಿಷ್ಠಿತ ಕರ್ಮಾಂತಂ ಗೃಹಂ ಭೂತಪತೇರಿವ | ಅರ್ಚಿರ್ಭಿಶ್ಚಾಪಿ ರತ್ನಾನಾಂ ತೇಜಸಾ ರಾವಣಸ್ಯ ಚ || 40 || ವಿರರಾಜಾಥ ತದ್ವೇಶ್ಮ ರಶ್ಮಿಮಾನಿವ ರಶ್ಮಿಭಿ: | ಜಾಂಬೂನದಮಯಾನ್ಯೇವ ಶಯನಾನ್ಯಾಸನಾನಿ ಚ || 41 || ಭಾಜನಾನಿ ಚ ಶುಭ್ರಾಣಿ ದದರ್ಶ ಹರಿಯೂಥಪ: | ಮಧ್ವಾಸವಕೃತಕ್ಲೇದಂ ಮಣಿಭಾಜನಸಂಕುಲಂ || 42 || ಮನೋರಮಮಸಂಬಾಧಂ ಕುಬೇರಭವನಂ ಯಥಾ | ನೂಪುರಾಣಾಂ ಚ ಘೋಷೇಣ ಕಾಂಚೀನಾಂ ನಿನದೇನ ಚ | ಮೃದಂಗತಲಘೋಷೈಶ್ಚ ಘೋಷವದ್ಭಿರ್ವಿನಾದಿತಂ || 43 || ಪ್ರಾಸಾದ ಸಂಘಾತಯುತಂ ಸ್ತ್ರೀರತ್ನಶತಸಂಕುಲಂ | ಸುವ್ಯೂಢಕಕ್ಷ್ಯಂ ಹನುಮಾನ್ಪ್ರವಿವೇಶ ಮಹಾಗೃಹಂ || 44 || || ಇತಿ ಷಷ್ಠಂ ಸರ್ಗ: ||
ಸ ವೇಶ್ಮಜಾಲಂ ಬಲವಾನ್ದದರ್ಶ ವ್ಯಾಸಕ್ತ ವೈಡೂರ್ಯ ಸುವರ್ಣಜಾಲಂ | ಯಥಾ ಮಹತ್ಪ್ರಾವೃಷಿ ಮೇಘಜಾಲಂ ವಿದ್ಯುತ್ಪಿನದ್ಧಂ ಸವಿಹಂಗಜಾಲಂ || 1 || ನಿವೇಶನಾನಾಂ ವಿವಿಧಾಶ್ಚ ಶಾಲಾ: ಪ್ರಧಾನ ಶಂಖಾಯುಧ ಚಾಪಶಾಲಾ: | ಮನೋಹರಾಶ್ಚಾಪಿ ಪುನರ್ವಿಶಾಲಾ ದದರ್ಶ ವೇಶ್ಮಾದ್ರಿಷು ಚಂದ್ರಶಾಲಾ: || 2 || ಗೃಹಾಣಿ ನಾನಾವಸುರಾಜಿತಾನಿ ದೇವಾಸುರೈಶ್ಚಾಪಿ ಸುಪೂಜಿತಾನಿ | ಸರ್ವೈಶ್ಚ ದೋಷೈ: ಪರಿವರ್ಜಿತಾನಿ ಕಪಿರ್ದದರ್ಶ ಸ್ವಬಲಾರ್ಜಿತಾನಿ || 3 || ತಾನಿ ಪ್ರಯತ್ನಾಭಿ ಸಮಾಹಿತಾನಿ ಮಯೇನ ಸಾಕ್ಷಾದಿವ ನಿರ್ಮಿತಾನಿ | ಮಹೀತಲೇ ಸರ್ವಗುಣೋತ್ತರಾಣಿ ದದರ್ಶ ಲಂಕಾಧಿಪತೇರ್ಗೃಹಾಣಿ || 4 || ತತೋ ದದರ್ಶೋಚ್ಛ್ರಿತಮೇಘರೂಪಂ ಮನೋಹರಂ ಕಾಂಚನಚಾರುರೂಪಂ | ರಕ್ಷೋ„ಧಿಪಸ್ಯ ಆತ್ಮಬಲಾನುರೂಪಂ ಗೃಹೋತ್ತಮಂ ಹ್ಯಪ್ರತಿರೂಪರೂಪಂ || 5 || ಮಹೀತಲೇ ಸ್ವರ್ಗಮಿವ ಪ್ರಕೀರ್ಣಂ ಶ್ರಿಯಾ ಜ್ವಲಂತಂ ಬಹುರತ್ನಕೀರ್ಣಂ | ನಾನಾತರೂಣಾಂ ಕುಸುಮಾವಕೀರ್ಣಂ ಗಿರೇರಿವಾಗ್ರಂ ರಜಸಾವಕೀರ್ಣಂ || 6 || ನಾರೀಪ್ರವೇಕೈರಿವ ದೀಪ್ಯಮಾನಂ ತಡಿದ್ಭಿ: ಅಂಭೋದವದಚ್ರ್ಯಮಾನಂ | ಹಂಸಪ್ರವೇಕೈರಿವ ವಾಹ್ಯಮಾನಂ ಶ್ರಿಯಾ ಯುತಂ ಖೇ ಸುಕೃತಾಂ ವಿಮಾನಂ || 7 || ಯಥಾ ನಗಾಗ್ರಂ ಬಹುಧಾತುಚಿತ್ರಂ ಯಥಾ ನಭಶ್ಚ ಗ್ರಹಚಂದ್ರಚಿತ್ರಂ | ದದರ್ಶ ಯುಕ್ತೀಕೃತಮೇಘಚಿತ್ರಂ ವಿಮಾನರತ್ನಂ ಬಹುರತ್ನಚಿತ್ರಂ || 8 || ಮಹೀ ಕೃತಾ ಪರ್ವತರಾಜಿಪೂರ್ಣಾ ಶೈಲಾ: ಕೃತಾ ವೃಕ್ಷವಿತಾನಪೂರ್ಣಾ: | ವೃಕ್ಷಾ: ಕೃತಾ: ಪುಷ್ಪವಿತಾನಪೂರ್ಣಾ: ಪುಷ್ಪಂ ಕೃತಂ ಕೇಸರಪತ್ರಪೂರ್ಣಂ || 9 || ಕೃತಾನಿ ವೇಶ್ಮಾನಿ ಚ ಪಾಂಡುರಾಣಿ ತಥಾ ಸುಪುಷ್ಪಾ ಅಪಿ ಪುಷ್ಕರಿಣ್ಯ: | ಪುನಶ್ಚ ಪದ್ಮಾನಿ ಸಕೇಸರಾಣಿ ಧನ್ಯಾನಿ ಚಿತ್ರಾಣಿ ತಥಾ ವನಾನಿ || 10 || ಪುಷ್ಪಾಹ್ವಯಂ ನಾಮ ವಿರಾಜಮಾನಂ ರತ್ನಪ್ರಭಾಭಿಶ್ಚ ವಿವರ್ಧಮಾನಂ | ವೇಶ್ಮೋತ್ತಮಾನಾಮಪಿ ಚೋಚ್ಚಮಾನಂ ಮಹಾಕಪಿಸ್ತತ್ರ ಮಹಾವಿಮಾನಂ || 11 || ಕೃತಾಶ್ಚ ವೈಡೂರ್ಯಮಯಾ ವಿಹಂಗಾ ರೂಪ್ಯಪ್ರವಾಲೈಶ್ಚ ತಥಾ ವಿಹಂಗಾ: | ಚಿತ್ರಾಶ್ಚ ನಾನಾವಸುಭಿ: ಭುಜಂಗಾ ಜಾತ್ಯಾನುರೂಪಾಸ್ತುರಗಾ: ಶುಭಾಂಗಾ: || 12 || ಪ್ರವಾಲಜಾಂಬೂನದ ಪುಷ್ಪಪಕ್ಷಾ: ಸಲೀಲಮಾವರ್ಜಿತ ಜಿಹ್ಮಪಕ್ಷಾ: | ಕಾಮಸ್ಯ ಸಾಕ್ಷಾದಿವ ಭಾಂತಿ ಪಕ್ಷಾ: ಕೃತಾ ವಿಹಂಗಾ: ಸುಮುಖಾ: ಸುಪಕ್ಷಾ: || 13 || ನಿಯುಜ್ಯಮಾನಾಶ್ಚ ಗಜಾ: ಸುಹಸ್ತಾ: ಸಕೇಸರಾಶ್ಚೋತ್ಪಲ ಪತ್ರಹಸ್ತಾ: | ಬಭೂವ ದೇವೀ ಚ ಕೃತಾ ಸುಹಸ್ತಾ ಲಕ್ಷ್ಮೀಸ್ತಥಾ ಪದ್ಮಿನಿ ಪದ್ಮಹಸ್ತಾ || 14 || ಇತೀವ ತದ್ಗೃಹಮಭಿಗಮ್ಯ ಶೋಭನಂ ಸವಿಸ್ಮಯೋ ನಗಮಿವ ಚಾರುಶೋಭನಂ ಪುನಶ್ಚ ತತ್ಪರಮಸುಗಂಧಿ ಸುಂದರಂ ಹಿಮಾತ್ಯಯೇ ನಗಮಿವ ಚಾರುಕಂದರಂ || 15 || ತತ: ಸ ತಾಂ ಕಪಿರಭಿಪತ್ಯ ಪೂಜಿತಾಂ ಚರನ್ಪುರೀಂ ದಶಮುಖಬಾಹುಪಾಲಿತಾಂ | ಅದೃಶ್ಯ ತಾಂ ಜನಕಸುತಾಂ ಸುಪೂಜಿತಾಂ ಸುದು:ಖಿತಾಂ ಪತಿಗುಣವೇಗನಿರ್ಜಿತಾಂ || 16 || ತತಸ್ತದಾ ಬಹುವಿಧಭಾವಿತಾತ್ಮನ: ಕೃತಾತ್ಮನೋ ಜನಕಸುತಾಂ ಸುವತ್ರ್ಮನ: | ಅಪಶ್ಯತೋ„ಭವದತಿದು:ಖಿತಂ ಮನ: ಸುಚಕ್ಷುಷ: ಪ್ರವಿಚರತೋ ಮಹಾತ್ಮನ: || 17 || || ಇತಿ ಸಪ್ತಮ ಸರ್ಗ: ||
ಸ ತಸ್ಯ ಮಧ್ಯೇ ಭವನಸ್ಯ ಸಂಸ್ಥಿತಂ ಮಹದ್ವಿಮಾನಂ ಮಣಿವಜ್ರಚಿತ್ರಿತಂ | ಪ್ರತಪ್ತ ಜಾಂಬೂನದ ಜಾಲಕೃತ್ರಿಮಂ ದದರ್ಶ ವೀರ: ಪವನಾತ್ಮಜ: ಕಪಿ: || 1 || ತದಪ್ರಮೇಯಾ ಪ್ರತಿಕಾರ ಕೃತ್ರಿಮಂ ಕೃತಂ ಸ್ವಯಂ ಸಾಧ್ವಿತಿ ವಿಶ್ವಕರ್ಮಣಾ: | ದಿವಂ ಗತಂ ವಾಯುಪಥೇ ಪ್ರತಿಷ್ಠಿತಂ ವ್ಯರಾಜತಾದಿತ್ಯಪಥಸ್ಯ ಲಕ್ಷ್ಮವತ್ || 2 || ನ ತತ್ರ ಕಿಂಚಿನ್ನ ಕೃತಂ ಪ್ರಯತ್ನತೋ ನ ತತ್ರ ಕಿಂಚಿನ್ನ ಮಹಾರ್ಹರತ್ನವತ್ | ನ ತೇ ವಿಶೇಷಾ ನಿಯತಾ: ಸುರೇಷ್ವಪಿ ನ ತತ್ರ ಕಿಂಚಿನ್ನ ಮಹಾವಿಶೇಷವತ್ || 3 || ತಪ: ಸಮಾಧಾನ ಪರಾಕ್ರಮಾರ್ಜಿತಂ ಮನ:ಸಮಾಧಾನ ವಿಚಾರಚಾರಿಣಂ | ಅನೇಕ ಸಂಸ್ಥಾನ ವಿಶೇಷನಿರ್ಮಿತಂ ತತಸ್ತತ: ತುಲ್ಯ ವಿಶೇಷದರ್ಶನಂ || 4 || ಮನ: ಸಮಾಧಾಯ ತು ಶೀಘ್ರಗಾಮಿನಂ ದುರಾವರಂ ಮಾರುತತುಲ್ಯಗಾಮಿನಂ | ಮಹಾತ್ಮನಾಂ ಪುಣ್ಯಕೃತಾಂ ಮನಸ್ವಿನಾಂ ಯಶಸ್ವಿನಾಮಗ್ರಯಮುದಾಮಿವಾಲಯಂ || 5 || ವಿಶೇಷಮಾಲಂಬ್ಯ ವಿಶೇಷಸಂಸ್ಥಿತಂ ವಿಚಿತ್ರಕೂಟಂ ಬಹುಕೂಟಮಂಡಿತಂ | ಮನೋ„ಭಿರಾಮಂ ಶರದಿಂದುನಿರ್ಮಲಂ ವಿಚಿತ್ರಕೂಟಂ ಶಿಖರಂ ಗಿರೇರ್ಯಥಾ || 6 || ವಹಂತಿ ಯಂ ಕುಂಡಲ ಶೋಭಿತಾನನಾ ಮಹಾಶನಾ ವ್ಯೋಮಚರಾ ನಿಶಾಚರಾ: | ವಿವೃತ್ತವಿಧ್ವಸ್ತವಿಶಾಲಲೋಚನಾ ಮಹಾಜವಾ ಭೂತಗಣಾ: ಸಹಸ್ರಶ: || 7 || ವಸಂತ ಪುಷ್ಪೋತ್ಕರ ಚಾರುದರ್ಶನಂ ವಸಂತಮಾಸಾದಪಿ ಕಾಂತದರ್ಶನಂ | ಸ ಪುಷ್ಪಕಂ ತತ್ರ ವಿಮಾನಮುತ್ತಮಂ ದದರ್ಶ ತದ್ವಾನರವೀರಸತ್ತಮ: || 8 || || ಇತಿ ಅಷ್ಟಮ: ಸರ್ಗ: ||
ತಸ್ಯಾಲಯವರಿಷ್ಠಸ್ಯ ಮಧ್ಯೇ ವಿಪುಲಮಾಯತಂ | ದದರ್ಶ ಭವನಶ್ರೇಷ್ಠಂ ಹನೂಮಾನ್ಮಾರುತಾತ್ಮಜ: || 1 || ಅರ್ಧಯೋಜನ ವಿಸ್ತೀರ್ಣಮಾಯತಂ ಯೋಜನಂ ಹಿ ತತ್ | ಭವನಂ ರಾಕ್ಷಸೇಂದ್ರಸ್ಯ ಬಹುಪ್ರಾಸಾದಸಂಕುಲಂ || 2 || ಮಾರ್ಗಮಾಣಸ್ತು ವೈದೇಹೀಂ ಸೀತಾಮಾಯತಲೋಚನಾಂ | ಸರ್ವತ: ಪರಿಚಕ್ರಾಮ ಹನೂಮಾನರಿಸೂದನ: || 3 || ಉತ್ತಮಂ ರಾಕ್ಷಸಾವಾಸಂ ಹನುಮಾನವಲೋಕಯನ್ | ಆಸಸಾದಾಥ ಲಕ್ಷ್ಮೀವಾನ್ ರಾಕ್ಷಸೇಂದ್ರನಿವೇಶನಂ || 4 || ಚತುರ್ವಿಷಾಣೈದ್ರ್ವಿರದೈಸ್ತ್ರಿವಿಷಾಣೈಸ್ತಥೈವ ಚ | ಪರಿಕ್ಷಿಪ್ತಮಸಂಬಾಧಂ ರಕ್ಷ್ಯಮಾಣಮುದಾಯುಧೈ: || 5 || ರಾಕ್ಷಸೀಭಿಶ್ಚ ಪತ್ನೀಭೀ ರಾವಣಸ್ಯ ನಿವೇಶನಂ | ಆಹೃತಾಭಿಶ್ಚ ವಿಕ್ರಮ್ಯ ರಾಜಕನ್ಯಾಭಿರಾವೃತಂ || 6 || ತನ್ನಕ್ರಮಕರಾಕೀರ್ಣಂ ತಿಮಿಂಗಿಳಝಷಾಕುಲಂ | ವಾಯುವೇಗಸಮಾಧೂತಂ ಪನ್ನಗೈರಿವ ಸಾಗರಂ || 7 || ಯಾ ಹಿ ವೈಶ್ವರಣೇ ಲಕ್ಷ್ಮೀರ್ಯಾ ಚೇಂದ್ರೇ ಹರಿವಾಹನೇ | ಸಾ ರಾವಣಗೃಹೇ ಸರ್ವಾ ನಿತ್ಯಮೇವಾನಪಾಯಿನೀ || 8 || ಯಾ ಚ ರಾಜ್ಞ: ಕುಬೇರಸ್ಯ ಯಮಸ್ಯ ವರುಣಸ್ಯ ಚ | ತಾದೃಶೀ ತದ್ವಿಶಿಷ್ಟಾ ವಾ ಋದ್ಧೀ ರಕ್ಷೋ ಗೃಹೇಷ್ವಿಹ || 9 || ತಸ್ಯ ಹಮ್ರ್ಯಸ್ಯ ಮಧ್ಯಸ್ಥಂ ವೇಶ್ಮ ಚಾನ್ಯತ್ಸುನಿರ್ಮಿತಂ | ಬಹುನಿರ್ಯೂಹಸಂಕೀರ್ಣಂ ದದರ್ಶ ಪವನಾತ್ಮಜ: || 10 || ಬ್ರಹ್ಮಣೋ ಅರ್ಥೇ ಕೃತಂ ದಿವ್ಯಂ ದಿವಿ ಯದ್ವಿಶ್ವಕರ್ಮಣಾ | ವಿಮಾನಂ ಪುಷ್ಪಕಂ ನಾಮ ಸರ್ವರತ್ನವಿಭೂಷಿತಂ || 11 || ಪರೇಣ ತಪಸಾ ಲೇಭೇ ಯತ್ಕುಬೇರ: ಪಿತಾಮಹಾತ್ | ಕುಬೇರಮೋಜಸಾ ಜಿತ್ವಾ ಲೇಭೇ ತದ್ರಾಕ್ಷಸೇಶ್ವರ: || 12 || ಈಹಾ ಮೃಗಸಮಾಯುಕ್ತೈ: ಕಾರ್ಯಸ್ವರಹಿರಣ್ಮಯೈ: | ಸುಕೃತೈರಾಚಿತಂ ಸ್ತಂಭೈ: ಪ್ರದೀಪ್ತಮಿವ ಚ ಶ್ರಿಯಾ || 13 || ಮೇರುಮಂದರಸಂಕಾಶೈ: ಉಲ್ಲಿಖದ್ಭಿರಿವಾಂಬರಂ | ಕೂಟಾಗಾರೈ: ಶುಭಾಕಾರೈ: ಸರ್ವತ: ಸಮಲಂಕೃತಂ || 14 || ಜ್ವಲನಾರ್ಕ ಪ್ರತೀಕಾಶಂ ಸುಕೃತಂ ವಿಶ್ವಕರ್ಮಣಾ | ಹೇಮಸೋಪಾನಸ ನ್ಯುಕ್ತಂ ಚಾರುಪ್ರವರವೇದಿಕಂ || 15 || ಜಾಲವಾತಾಯನೈರ್ಯುಕ್ತಂ ಕಾಂಚನೈ: ಸ್ಥಾಟಿಕೈರಪಿ | ಇಂದ್ರನೀಲ ಮಹಾನೀಲ ಮಣಿಪ್ರವರವೇದಿಕಂ || 16 || ವಿದ್ರುಮೇಣ ವಿಚಿತ್ರೇಣ ಮಣಿಭಿಶ್ಚ ಮಹಾಧನೈ: | ನಿಸ್ತುಲಾಭಿಶ್ಚ ಮುಕ್ತಾಭಿ: ತಲೇನಾಭಿ ವಿರಾಜಿತಂ || 17 || ಚಂದನೇನ ಚ ರಕ್ತೇನ ತಪನೀಯನಿಭೆನ ಚ | ಸುಪುಣ್ಯಗಂಧಿನಾ ಯುಕ್ತಮಾದಿತ್ಯ ತರುಣೋಪಮಂ || 18 || ಕೂಟಾಗಾರೈ: ವರಾಕಾರೈ: ವಿವಿಧೈಃ ಸಮಲಂಕೃತಂ | ವಿಮಾನಂ ಪುಷ್ಪಕಂ ದಿವ್ಯಂ ಆರುರೋಹ ಮಹಾ ಕಪಿ: || 19 || ತತ್ರಸ್ಥ: ಸ ತದಾ ಗಂಧಂ ಪಾನಭಕ್ಷ್ಯಾನ್ನಸಂಭವಂ | ದಿವ್ಯಂ ಸಂಮೂರ್ಛಿತಂ ಜಿಘ್ರನ್ರೂಪವಂತಮಿವಾನಿಲಂ || 20 || ಸ ಗಂಧಸ್ತಂ ಮಹಾಸತ್ತ್ವಂ ಬಂಧುರ್ಬಂಧುಮಿವೋತ್ತಮಂ | ಇತ ಏಹೀತ್ಯುವಾಚೇವ ತತ್ರ ಯತ್ರ ಸ ರಾವಣ: || 21 || ತತಸ್ತಾಂ ಪ್ರಸ್ಥಿತ: ಶಾಲಾಂ ದದರ್ಶ ಮಹತೀಂ ಶುಭಾಂ | ರಾವಣಸ್ಯ ಮನ:ಕಾಂತಾಂ ಕಾಂತಾಂ ಇವ ವರಸ್ತ್ರಿಯಂ || 22 || ಮಣಿಸೋಪಾನವಿಕೃತಾಂ ಹೇಮಜಾಲವಿರಾಜಿತಾಂ | ಸ್ಫಾಟಿಕೈರಾವೃತತಲಾಂ ದಂತಾಂತರಿತರೂಪಿಕಾಂ || 23 || ಮುಕ್ತಾಭಿಶ್ಚ ಪ್ರವಾಲೈಶ್ಚ ರೂಪ್ಯಚಾಮೀಕರೈರಪಿ | ವಿಭೂಷಿತಾಂ ಮಣಿಸ್ತಂಭೈ: ಸುಬಹುಸ್ತಂಭಭೂಷಿತಾಂ || 24 || ಸಮ್ರೈರೃಜುಭಿರತ್ಯುಚ್ಚೈ: ಸಮಂತಾತ್ಸುವಿಭೂಷಿತೈ: | ಸ್ತಂಭೈ: ಪಕ್ಷೈರಿವಾತ್ಯುಚ್ಚೈರ್ದಿವಂ ಸಂಪ್ರಸ್ಥಿತಾಂ ಇವ || 25 || ಮಹತ್ಯಾ ಕುಥಯಾಸ್ತ್ರೀಣಂ ಪೃಥಿವೀಲಕ್ಷಣಾನ್ಕಯಾ | ಪೃಥಿವೀಮಿವ ವಿಸ್ತೀರ್ಣಾಂ ಸರಾಷ್ಟ್ರಗೃಹಮಾಲಿನೀಂ || 26 || ನಾದಿತಾಂ ಮತ್ತವಿಹಗೈ: ದಿವ್ಯಗಂಧಾಧಿವಾಸಿತಾಂ | ಪರಾಧ್ರ್ಯಾಸ್ತರಣೋಪೇತಾಂ ರಕ್ಷೋ ಅಧಿಪನಿಷೇವಿತಾಂ || 27 || ಧೂಮ್ರಾಮಗರುಧೂಪೇನ ವಿಮಲಾಂ ಹಂಸಪಾಂಡುರಾಂ | ಚಿತ್ರಾಂ ಪುಷ್ಪೋಪಹಾರೇಣ ಕಲ್ಮಾಷೀಮಿವ ಸುಪ್ರಭಾಂ || 28 || ಮನ:ಸಂಹ್ಲಾದಜನನೀಂ ವರ್ಣಸ್ಯಾಪಿ ಪ್ರಸಾದಿನೀಂ | ತಾಂ ಶೋಕನಾಶಿನೀಂ ದಿವ್ಯಾಂ ಶ್ರಿಯ: ಸಂಜನನೀಂ ಇವ || 29 || ಇಂದ್ರಿಯಾಣೀಂದ್ರಿಯಾರ್ಥೈಸ್ತು ಪಂಚ ಪಂಚಭಿರುತ್ತಮೈ: | ತರ್ಪಯಾಮಾಸ ಮಾತೇವ ತದಾ ರಾವಣಪಾಲಿತಾ || 30 || ಸ್ವರ್ಗೋ ಅಯಂ ದೇವಲೋಕೋ ಅಯಮಿಂದ್ರಸ್ಯೇಯಂ ಪುರೀ ಭವೇತ್ | ಸಿದ್ಧಿರ್ವೇಯಂ ಪರಾ ಹಿ ಸ್ಯಾದಿತ್ಯಮನ್ಯತ ಮಾರುತಿ: || 31 || ಪ್ರಧ್ಯಾಯತ ಇವಾಪಶ್ಯತ್ ಪ್ರದೀಪಾಂಸ್ತತ್ರ ಕಾಂಚನಾನ್ | ಧೂರ್ತಾನಿವ ಮಹಾಧೂರ್ತೈರ್ದೇವನೇನ ಪರಾಜಿತಾನ್ || 32 || ದೀಪಾನಾಂ ಚ ಪ್ರಕಾಶೇನ ತೇಜಸಾ ರಾವಣಸ್ಯ ಚ | ಅರ್ಚಿರ್ಭಿರ್ಭೂಷಣಾನಾಂ ಚ ಪ್ರದೀಪ್ತೇತ್ಯಭ್ಯಮನ್ಯತ || 33 || ತತೋ ಅಪಶ್ಯತ್ಕುಥಾಸೀನಂ ನಾನಾವರ್ಣಾಂಬರಸ್ರಜಂ | ಸಹಸ್ರಂ ವರನಾರೀಣಾಂ ನಾನಾವೇಷವಿಭೂಷಿತಂ || 34 || ಪರಿವೃತ್ತೇ ಅರ್ಧರಾತ್ರೇ ತು ಪಾನನಿದ್ರಾವಶಂ ಗತಂ | ಕ್ರೀಡಿತ್ವೋಪರತಂ ರಾತ್ರೌ ಸುಷ್ವಾಪ ಬಲವತ್ತದಾ || 35 || ತತ್ಪ್ರಸುಪ್ತಂ ವಿರುರುಚೇ ನಿ:ಶಬ್ದಾಂತರಭೂಷಣಂ | ನಿ:ಶಬ್ದ ಹಂಸಭ್ರಮರಂ ಯಥಾ ಪದ್ಮವನಂ ಮಹತ್ || 36 || ತಾಸಾಂ ಸಂವೃತದಂತಾನಿ ಮೀಲಿತಾಕ್ಷಾಣಿ ಮಾರುತಿ: | ಅಪಶ್ಯತ್ ಪದ್ಮಗಂಧೀನಿ ವದನಾನಿ ಸುಯೋಷಿತಾಂ || 37 || ಪ್ರಬುದ್ಧಾನೀವ ಪದ್ಮಾನಿ ತಾಸಾಂ ಭೂತ್ವಾ ಕ್ಷಪಾಕ್ಷಯೇ | ಪುನ:ಸಂವೃತಪತ್ರಾಣಿ ರಾತ್ರಾವಿವ ಬಭುಸ್ತದಾ || 38 || ಇಮಾನಿ ಮುಖಪದ್ಮಾನಿ ನಿಯತಂ ಮತ್ತಷಟ್ಪದಾ: | ಅಂಬುಜಾನೀವ ಫುಲ್ಲಾನಿ ಪ್ರಾರ್ಥಯಂತಿ ಪುನ: ಪುನ: || 39 || ಇತಿ ಚಾಮನ್ಯತ ಶ್ರೀಮಾನುಪಪತ್ತ್ಯಾ ಮಹಾಕಪಿ: | ಮೇನೇ ಹಿ ಗುಣತಸ್ತಾನಿ ಸಮಾನಿ ಸಲಿಲೋದ್ಭವೈ: || 40 || ಸಾ ತಸ್ಯ ಶುಶುಭೇ ಶಾಲಾ ತಾಭಿ: ಸ್ತ್ರೀಭಿರ್ವಿರಾಜಿತಾ | ಶಾರದೀವ ಪ್ರಸನ್ನಾ ದ್ಯೌಸ್ತಾರಾಭಿರಭಿಶೋಭಿತಾ || 41 || ಸ ಚ ತಾಭಿ: ಪರಿವೃತ: ಶುಶುಭೇ ರಾಕ್ಷಸಾಧಿಪ: | ಯಥಾ ಹ್ಯುಡುಪತಿ: ಶ್ರೀಮಾಂಸ್ತಾರಾಭಿರಭಿಸಂವೃತ: || 42 || ಯಾಶ್ಚ್ಯವಂತೇ ಅಂಬರಾತ್ತಾರಾ: ಪುಣ್ಯಶೇಷಸಮಾವೃತಾ: | ಇಮಾಸ್ತಾ: ಸಂಗತಾ: ಕೃತ್ಸ್ನಾ ಇತಿ ಮೇನೇ ಹರಿಸ್ತದಾ || 43 || ತಾರಾಣಾಮಿವ ಸುವ್ಯಕ್ತಂ ಮಹತೀನಾಂ ಶುಭಾರ್ಚಿಷಾಂ || ಪ್ರಭಾವರ್ಣಪ್ರಸಾದಾಶ್ಚ ವಿರೇಜುಸ್ತತ್ರ ಯೋಷಿತಾಂ || 44 || ವ್ಯಾವೃತ್ತ ಗುರುಪೀನಸ್ರಕ್ ಪ್ರಕೀರ್ಣವರಭೂಷಣಾ: | ಪಾನವ್ಯಾಯಾಮಕಾಲೇಷು ನಿದ್ರಾಪಹೃತಚೇತಸ: || 45 || ವ್ಯಾವೃತ್ತತಿಲಕಾ: ಕಾಶ್ಚಿತ್ಕಾಶ್ಚಿದ್ ಉದ್ಭ್ರಾಂತನೂಪುರಾ: | ಪಾಶ್ರ್ವೇ ಗಲಿತಹಾರಾಶ್ಚ ಕಾಶ್ಚಿತ್ಪರಮಯೋಷಿತ: || 46 || ಮುಖಾ ಹಾರವೃತಾಶ್ಚಾನ್ಯಾ: ಕಾಶ್ಚಿತ್ಪ್ರಸ್ರಸ್ತವಾಸಸ: | ವ್ಯಾವಿದ್ಧರಶನಾ ದಾಮಾ: ಕಿಶೋರ್ಯ ಇವ ವಾಹಿತಾ: || 47 || ಸುಕುಂಡಲಧರಾಶ್ಚಾನ್ಯಾ ವಿಚ್ಛಿನ್ನಮೃದಿತಸ್ರಜ: | ಗಜೇಂದ್ರಮೃದಿತಾ: ಫುಲ್ಲಾ ಲತಾ ಇವ ಮಹಾವನೇ || 48 || ಚಂದ್ರಾಂಶುಕಿರಣಾಭಾಶ್ಚ ಹಾರಾ: ಕಾಸಾಂ ಚಿದುತ್ಕಟಾ: | ಹಂಸಾ ಇವ ಬಭು: ಸುಪ್ತಾ: ಸ್ತನಮಧ್ಯೇಷು ಯೋಷಿತಾಂ || 49 || ಅಪರಾಸಾಂ ಚ ವೈಡೂರ್ಯಾ: ಕಾದಂಬಾ ಇವ ಪಕ್ಷಿಣ: | ಹೇಮಸೂತ್ರಾಣಿ ಚಾನ್ಯಾಸಾಂ ಚಕ್ರವಾಕಾ ಇವಾಭವಂ || 50 || ಹಂಸಕಾರಂಡವಾಕೀರ್ಣಾ: ಚಕ್ರವಾಕೋಪಶೋಭಿತಾ: | ಆಪಗಾ ಇವ ತಾ ರೇಜುರ್ಜಘನೈ: ಪುಲಿನೈರಿವ || 51 || ಕಿಂಕಿಣೀಜಾಲಸಂಕಾಶಾಸ್ತಾ ಹೇಮವಿಪುಲಾಂಬುಜಾ: | ಭಾವಗ್ರಾಹಾ ಯಶಸ್ತೀರಾ: ಸುಪ್ತಾ ನದ್ಯ ಇವಾಬಭು: || 52 || ಮೃದುಷ್ವಂಗೇಷು ಕಾಸಾಂ ಚಿತ್ಕುಚಾಗ್ರೇಷು ಚ ಸಂಸ್ಥಿತಾ: | ಬಭೂವುರ್ಭೂಷಣಾನೀವ ಶುಭಾ ಭೂಷಣರಾಜಯ: || 53 || ಅಂಶುಕಾಂತಾಶ್ಚ ಕಾಸಾಂ ಚಿನ್ಮುಖಮಾರುತಕಂಪಿತಾ: | ಉಪರ್ಯುಪರಿ ವಕ್ತ್ರಾಣಾಂ ವ್ಯಾಧೂಯಂತೇ ಪುನ: ಪುನ: || 54 || ತಾ: ಪಾತಾಕಾ ಇವೋದ್ಧೂತಾ: ಪತ್ನೀನಾಂ ರುಚಿರಪ್ರಭಾ: | ನಾನಾವರ್ಣ ಸುವರ್ಣಾನಾಂ ವಕ್ತ್ರಮೂಲೇಷು ರೇಜಿರೇ || 55 || ವವಲ್ಗುಶ್ಚಾತ್ರ ಕಾಸಾಂ ಚಿತ್ಕುಂಡಲಾನಿ ಶುಭಾರ್ಚಿಷಾಂ | ಮುಖಮಾರುತಸಂಸರ್ಗಾನ್ಮಂದಂ ಮಂದಂ ಸುಯೋಷಿತಾಂ || 56 || ಶರ್ಕರಾಸವಗಂಧ: ಸ ಪ್ರಕೃತ್ಯಾ ಸುರಭಿ: ಸುಖ: | ತಾಸಾಂ ವದನನಿ:ಶ್ವಾಸ: ಸಿಷೇವೇ ರಾವಣಂ ತದಾ || 57 || ರಾವಣಾನನಶಂಕಾಶ್ಚ ಕಾಶ್ಚಿದ್ರಾವಣಯೋಷಿತ: | ಮುಖಾನಿ ಸ್ಮ ಸಪತ್ನೀನಾಂ ಉಪಾಜಿಘ್ರನ್ಪುನ: ಪುನ: || 58 || ಅತ್ಯರ್ಥಂ ಸಕ್ತಮನಸೋ ರಾವಣೇ ತಾ ವರಸ್ತ್ರಿಯ: | ಅಸ್ವತಂತ್ರಾ: ಸಪತ್ನೀನಾಂ ಪ್ರಿಯಮೇವಾಚರಂಸ್ತದಾ || 59 || ಬಾಹೂನುಪನಿಧಾಯಾನ್ಯಾ: ಪಾರಿಹಾರ್ಯ ವಿಭೂಷಿತಾ: | ಅಂಶುಕಾನಿ ಚ ರಮ್ಯಾಣಿ ಪ್ರಮದಾಸ್ತತ್ರ ಶಿಶ್ಯಿರೇ || 60 || ಅನ್ಯಾ ವಕ್ಷಸಿ ಚಾನ್ಯಸ್ಯಾಸ್ತಸ್ಯಾ: ಕಾಶ್ಚಿತ್ಪುನರ್ಭುಜಂ | ಅಪರಾ ತ್ವನ್ಕಮನ್ಯಸ್ಯಾ: ತಸ್ಯಾಶ್ಚಾಪ್ಯಪರಾ ಭುಜೌ || 61 || ಊರು ಪಾಶ್ರ್ವ ಕಟೀ ಪೃಷ್ಠಂ ಅನ್ಯೋನ್ಯಸ್ಯ ಸಮಾಶ್ರಿತಾ: | ಪರಸ್ಪರನಿವಿಷ್ಟಾಂಗ್ಯೋ ಮದಸ್ನೇಹವಶಾನುಗಾ: || 62 || ಅನ್ಯೋನ್ಯಸ್ಯಾಂಗ ಸಂಸ್ಪರ್ಶಾತ್ ಪ್ರೀಯಮಾಣಾ: ಸುಮಧ್ಯಮಾ: | ಏಕೀಕೃತಭುಜಾ: ಸರ್ವಾ: ಸುಷುಪುಸ್ತತ್ರ ಯೋಷಿತ: || 63 || ಅನ್ಯೋನ್ಯಭುಜಸೂತ್ರೇಣ ಸ್ತ್ರೀಮಾಲಾಗ್ರಥಿತಾ ಹಿ ಸಾ | ಮಾಲೇವ ಗ್ರಥಿತಾ ಸೂತ್ರೇ ಶುಶುಭೇ ಮತ್ತಷಟ್ಪದಾ || 64 || ಲತಾನಾಂ ಮಾಧವೇ ಮಾಸಿ ಫುಲ್ಲಾನಾಂ ವಾಯುಸೇವನಾತ್ | ಅನ್ಯೋನ್ಯಮಾಲಾಗ್ರಥಿತಂ ಸಂಸಕ್ತ ಕುಸುಮೋಚ್ಚಯಂ || 65 || ವ್ಯತಿ ವೇಷ್ಟಿತ ಸುಸ್ಕಂಥಂ ಅನ್ಯೋನ್ಯ ಭ್ರಮರಾಕುಲಂ | ಆಸೀದ್ವನಮಿವೋದ್ಧೂತಂ ಸ್ತ್ರೀವನಂ ರಾವಣಸ್ಯ ತತ್ || 66 || ಉಚಿತೇಷ್ವಪಿ ಸುವ್ಯಕ್ತಂ ನ ತಾಸಾಂ ಯೋಷಿತಾಂ ತದಾ | ವಿವೇಕ: ಶಕ್ಯ ಆಧಾತುಂ ಭೂಷಣಾಂಗ ಅಂಬರಸ್ರಜಾಂ || 67 || ರಾವಣೇ ಸುಖಸಂವಿಷ್ಟೇ ತಾ: ಸ್ತ್ರಿಯೋ ವಿವಿಧಪ್ರಭಾ: | ಜ್ವಲಂತ: ಕಾಂಚನಾ ದೀಪಾ: ಪ್ರೇಕ್ಷಂತಾನಿಮಿಷಾ ಇವ || 68 || ರಾಜರ್ಷಿಪಿತೃದೈತ್ಯಾನಾಂ ಗಂಧರ್ವಾಣಾಂ ಚ ಯೋಷಿತ: | ರಕ್ಷಸಾಂ ಚಾಭವನ್ಕನ್ಯಾಸ್ತಸ್ಯ ಕಾಮವಶಂ ಗತಾ: || 69 || ಯುದ್ಧಕಾಮೇನ ತಾ: ಸರ್ವಾ ರಾವಣೇನ ಹೃತಾ: ಸ್ತ್ರಿಯ: | ಸಮದಾ ಮದನೇನೈವ ಮೋಹಿತಾ: ಕಾಶ್ಚಿದಾಗತಾ: || 70 || ನ ತತ್ರ ಕಾಶ್ಚಿತ್ಪ್ರಮದಾ ಪ್ರಸಹ್ಯ ವೀರ್ಯೋಪಪನ್ನೇನ ಗುಣೇನ ಲಬ್ಧಾ | ನ ಚಾನ್ಯಕಾಮಾಪಿ ನ ಚಾನ್ಯಪೂರ್ವಾ ವಿನಾ ವರಾರ್ಹಾಂ ಜನಕಾತ್ಮಜಾಂ ತಾಂ || 71 || ನ ಚಾಕುಲೀನಾ ನ ಚ ಹೀನರೂಪಾ ನಾದಕ್ಷಿಣಾ ನಾನುಪಚಾರ ಯುಕ್ತಾ | ಭಾರ್ಯಾ„ಭವತ್ತಸ್ಯ ನ ಹೀನಸತ್ತ್ವಾ ನ ಚಾಪಿ ಕಾಂತಸ್ಯ ನ ಕಾಮನೀಯಾ || 72 || ಬಭೂವ ಬುದ್ಧಿಸ್ತು ಹರೀಶ್ವರಸ್ಯ ಯದೀದೃಶೀ ರಾಘವಧರ್ಮಪತ್ನೀ | ಇಮಾ ಯಥಾ ರಾಕ್ಷಸರಾಜಭಾರ್ಯಾ: ಸುಜಾತಮಸ್ಯೇತಿ ಹಿ ಸಾಧುಬುದ್ಧೇ: || 73 || ಪುನಶ್ಚ ಸೋ ಅಚಿಂತಯದಾರ್ತರೂಪೋ ಧ್ರುವಂ ವಿಶಿಷ್ಟಾ ಗುಣತೋ ಹಿ ಸೀತಾ | ಅಥಾಯಮಸ್ಯಾಂ ಕೃತವಾನ್ಮಹಾತ್ಮಾ ಲಂಕೇಶ್ವರ: ಕಷ್ಟಮನಾರ್ಯಕರ್ಮ || 74 || || ಇತಿ ನವಮ: ಸರ್ಗ: ||
ತತ್ರ ದಿವ್ಯೋಪಮಂ ಮುಖ್ಯಂ ಸ್ಫಾಟಿಕಂ ರತ್ನಭೂಷಿತಂ | ಅವೇಕ್ಷಮಾಣೋ ಹನೂಮಾನ್ದದರ್ಶ ಶಯನಾಸನಂ || 1 || ದಾಂತಕಾಶ್ಚನ ಚಿತ್ರಾಂಗೈ: ವೈಡೂರ್ಯಶ್ಚ ವರಾಸನೈ: | ಮಹಾರ್ಹಾಸ್ತರಣೋಪೇತೈರೂಪಪನ್ನಂ ಮಹಾಧನೈ: || 2 || ತಸ್ಯ ಚೈಕತಮೇ ದೇಶೇ ಸೋ ಅಗ್ರಯಮಾಲ್ಯವಿಭೂಷಿತಂ | ದದರ್ಶ ಪಾಂಡುರಂ ಛತ್ರಂ ತಾರಾಧಿಪತಿಸನ್ನಿಭಂ || 3 || ಜಾತರೂಪ ಪರಿಕ್ಷಿಪ್ತಂ ಚಿತ್ರಭಾನು ಸಮಪ್ರಭಂ ಅಶೋಕಮಾಲಾವಿವತಂ ದದರ್ಶ ಪರಮಾಸನಂ || 4 || ವಾಲವ್ಯಜನಹಸ್ತಾಭಿ: ವೀಜ್ಯಮಾನಂ ಸಮಂತತ: | ಗಂಧೈಶ್ಚ ವಿವಿಧೈರ್ಜೂಷ್ಟಂ ವರಧೂಪೇನ ಧೂಪಿತಂ || 5 || ಪರಮಾಸ್ತರಣಾಸ್ತೀರ್ಣಮಾವಿಕಾಜಿನಸಂವೃತಂ | ದಾಮಭಿರ್ವರಮಾಲ್ಯಾನಾಂ ಸಮಂತಾದುಪಶೋಭಿತಂ || 6 || ತಸ್ಮಿನ್ಜೀಮೂತಸಂಕಾಶಂ ಪ್ರದೀಪ್ತೋತ್ತಮಕುಂಡಲಂ | ಲೋಹಿತಾಕ್ಷಂ ಮಹಾಬಾಹುಂ ಮಹಾರಜತವಾಸಸಂ || 7 || ಲೋಹಿತೇನಾನುಲಿಪ್ತಾಂಗಂ ಚಂದನೇನ ಸುಗಂಧಿನಾ | ಸಂಧ್ಯಾರಕ್ತಮಿವಾಕಾಶೇ ತೋಯದಂ ಸತಡಿದ್ಗುಣಂ || 8 || ವೃತಮಾಭರಣೈರ್ದಿವ್ಯೈ: ಸುರೂಪಂ ಕಾಮರೂಪಿಣಂ | ಸವೃಕ್ಷವನಗುಲ್ಮಾಢ್ಯಂ ಪ್ರಸುಪ್ತಮಿವ ಮಂದರಂ || 9 || ಕ್ರೀಡಿತ್ವೋಪರತಂ ರಾತ್ರೌ ವರಾಭರಣಭೂಷಿತಂ | ಪ್ರಿಯಂ ರಾಕ್ಷಸಕನ್ಯಾನಾಂ ರಾಕ್ಷಸಾನಾಂ ಸುಖಾವಹಂ || 10 || ಪೀತ್ವಾಪ್ಯುಪರತಂ ಚಾಪಿ ದದರ್ಶ ಸ ಮಹಾಕಪಿ: | ಭಾಸ್ವರೇ ಶಯನೇ ವೀರಂ ಪ್ರಸುಪ್ತಂ ರಾಕ್ಷಸಾಧಿಪಂ || 11 || ನಿ:ಶ್ವಸಂತಂ ಯಥಾ ನಾಗಂ ರಾವಣಂ ವಾನರರ್ಷಭ: | ಆಸಾದ್ಯ ಪರಮೋದ್ವಿಗ್ನ: ಸೋ ಅಪಾಸರ್ಪತ್ಸುಭೀತವತ್ || 12 || ಅಥಾರೋಹಣಮಾಸಾದ್ಯ ವೇದಿಕಾಂತರಮಾಶ್ರಿತ: | ಸುಪ್ತಂ ರಾಕ್ಷಸಶಾರ್ದೂಲಂ ಪ್ರೇಕ್ಷತೇ ಸ್ಮ ಮಹಾಕಪಿ: || 13 || ಶುಶುಭೇ ರಾಕ್ಷಸೇಂದ್ರಸ್ಯ ಸ್ವಪತ: ಶಯನೋತ್ತಮಂ | ಗಂಧಹಸ್ತಿನಿ ಸಂವಿಷ್ಟೇ ಯಥಾಪ್ರಸ್ರವಣಂ ಮಹತ್ || 14 || ಕಾಂಚನಾಂಗದನದ್ಧೌ ಚ ದದರ್ಶ ಸ ಮಹಾತ್ಮನ: | ವಿಕ್ಷಿಪ್ತೌ ರಾಕ್ಷಸೇಂದ್ರಸ್ಯ ಭುಜಾವಿಂದ್ರಧ್ವಜೋಪಮೌ || 15 || ಐರಾವತ ವಿಷಾಣಾಗ್ರೈರಾ ಪೀಡಿತ ಕೃತವ್ರಣೌ | ವಜ್ರೋಲ್ಲಿಖಿತಪೀನಾಂಸೌ ವಿಷ್ಣುಚಕ್ರ ಪರಿಕ್ಷಿತೌ || 16 || ಪೀನೌ ಸಮಸುಜಾತಾಂಸೌ ಸಂಹತೌ ಬಲಸಂಯುತೌ | ಸುಲಕ್ಷಣ ನಖಾಂಗುಷ್ಠೌ ಸ್ವಂಗುಳೀತಲಲಕ್ಷಿತೌ || 17 || ಸಂಹತೌ ಪರಿಘಾಕಾರೌ ವೃತ್ತೌ ಕರಿಕರೋಪಮೌ | ವಿಕ್ಷಿಪ್ತೌ ಶಯನೇ ಶುಭ್ರೇ ಪಂಚಶೀರ್ಷಾವಿವೋರಗೌ || 18 || ಶಶಕ್ಷತಜಕಲ್ಪೇನ ಸುಶೀತೇನ ಸುಗಂಧಿನಾ | ಚಂದನೇನ ಪರಾಧ್ರ್ಯೇನ ಸ್ವನುಲಿಪ್ತೌ ಸ್ವಲಂಕೃತೌ || 19 || ಉತ್ತಮಸ್ತ್ರೀವಿಮೃದಿತೌ ಗಂಧೋತ್ತಮನಿಷೇವಿತೌ | ಯಕ್ಷ ಪನ್ನಗ ಗಂಧರ್ವ ದೇವ ದಾನವ ರಾವಿಣೌ || 20 || ದದರ್ಶ ಸ ಕಪಿಸ್ತಸ್ಯ ಬಾಹು ಶಯನಸಂಸ್ಥಿತೌ | ಮಂದರಸ್ಯಾಂತರೇ ಸುಪ್ತೌ ಮಹಾರ್ಹೀ ರೂಷಿತಾವಿವ || 21 || ತಾಭ್ಯಾಂ ಸ ಪರಿಪೂರ್ಣಾಭ್ಯಾಂ ಭೂಜಾಭ್ಯಾಂ ರಾಕ್ಷಸಾಧಿಪ: | ಶುಶುಭೇ ಅಚಲಸಂಕಾಶ: ಶೃಂಗಾಭ್ಯಾಮಿವ ಮಂದರ: || 22 || ಚೂತಪೂನ್ನಾಗ ಸುರಭಿ: ಬಕುಲೋತ್ತಮ ಸಂಯೂತ: | ಮೃಷ್ಟಾನ್ನರಸ ಸಂಯೂಕ್ತ: ಪಾನಗಂಧಪುರ:ಸರ: || 21 || ತಸ್ಯ ರಾಕ್ಷಸಸಿಂಹಸ್ಯ ನಿಶ್ಚಕ್ರಾಮ ಮುಖಾನ್ಮಹಾನ್ | ಶಯಾನಸ್ಯ ವಿನಿ:ಶ್ವಾಸ: ಪೂರಯನ್ನಿವ ತದ್ಗೃಹಂ || 23 || ಮುಕ್ತಾಮಣಿ ವಿಚಿತ್ರೇಣ ಕಾಂಚನೇನ ವಿರಾಜತಂ | ಮುಕುಟೇನಾಪವೃತ್ತೇನ ಕುಂಡಲೋಜ್ಜ್ವಲಿತಾನನಂ || 24 || ರಕ್ತಚಂದನದಿಗ್ಧೇನ ತಥಾ ಹಾರೇಣ ಶೋಭಿನಾ | ಪೀನಾಯತವಿಶಾಲೇನ ವಕ್ಷಸಾಭಿವಿರಾಜಿತಂ || 25 || ಪಾಂಡುರೇಣಾಪವಿದ್ಧೇನ ಕ್ಷೌಮೇಣ ಕ್ಷತಜೇಕ್ಷಣಂ | ಮಹಾರ್ಹೇಣ ಸೂಸಂವೀತಂ ಪೀತೇನೋತ್ತಮವಾಸಸಾ || 26 || ಮಾಷರಾಶಿಪ್ರತೀಕಾಶಂ ನಿ:ಶ್ವಸಂತಂ ಭುಜಂಗವತ್ | ಗಾಂಗೇ ಮಹತಿ ತೋಯಾಂತೇ ಪ್ರಸೂತಮಿವ ಕುಂಜರಂ || 27 || ಚತುರ್ಭಿ: ಕಾಂಚನೈ: ದೀಪೈರ್ದೀಪ್ಯಮಾನೈ: ಚತುರ್ದಿಶಂ | ಪ್ರಕಾಶೀಕೃತಸರ್ವಾಂಗಂ ಮೇಘಂ ವಿದ್ಯೂದ್ಗಣೈರಿವ || 29 || ಪಾದಮೂಲಗತಾಶ್ಚಾಪಿ ದದರ್ಶ ಸುಮಹಾತ್ಮನ: | ಪತ್ನೀ: ಸ ಪ್ರಿಯಭಾರ್ಯಸ್ಯ ತಸ್ಯ ರಕ್ಷ:ಪತೇರ್ಗೃಹೇ || 30 || ಶಶಿಪ್ರಕಾಶವದನಾ ವರಕುಂಡಲಭೂಷಿತಾ: | ಅಮ್ಲಾನಮಾಲ್ಯಾಭರಣಾ ದದರ್ಶ ಹರಿಯೂಥಪ: || 31 || ನೃತ್ತವಾದಿತ್ರಕುಶಲಾ ರಾಕ್ಷಸೇಂದ್ರ ಭುಜಾಂಕಗಾ: | ವರಾಭರಣಧಾರಿಣ್ಯೋ ನಿಷನ್ನಾ ದದೃಶೇ ಕಪಿ: || 32 || ವಜ್ರವೈಡೂರ್ಯಗರ್ಭಾಣಿ ಶ್ರವಣಾಂತೇಷು ಯೋಷಿತಾಂ | ದದರ್ಶ ತಾಪನೀಯಾನಿ ಕುಂಡಲಾನ್ಯಂಗದಾನಿ ಚ || 33 || ತಾಸಾಂ ಚಂದ್ರೋಪಮೈರ್ವಕ್ತ್ರೈ: ಶೂಭೈರ್ಲಲಿತಕುಂಡಲೈ: | ವಿರರಾಜ ವಿಮಾನಂ ತನ್ನಭ: ತಾರಾಗಣೈರಿವ || 34 || ಮದವ್ಯಾಯಾಮಖಿನ್ನಾಸ್ತಾ ರಾಕ್ಷಸೇಂದ್ರಸ್ಯ ಯೋಷಿತ: | ತೇಷು ತೇಷ್ವವಕಾಶೇಷು ಪ್ರಸುಪ್ತಾಸ್ತನುಮಧ್ಯಮಾ: || 35 || ಅಂಗಹಾರೈಸ್ತಥೈವಾನ್ಯಾ ಕೋಮಲರ್ನೃತ್ತಶಾಲಿನೀ | ವಿನ್ಯಸ್ತುಶುಭಸರ್ವಾಂಗೀ ಪ್ರಸುಪ್ತಾ ವರವರ್ಣಿನೀ || 36 || ಕಾಚಿದ್ವೀಣಾಂ ಪರಿಷ್ವಜ್ಯ ಪ್ರಸುಪ್ತಾ ಸಂಪ್ರಕಾಶತೇ | ಮಹಾನದೀಪ್ರಕೀರ್ಣೇವ ನಳಿನೀ ಪೋತಮಾಶ್ರಿತಾ || 37 || ಅನ್ಯಾ ಕಕ್ಷಗತೇನೈವ ಮಡ್ಡುಕೇನಾಸಿತೇಕ್ಷಣಾ | ಪ್ರಸುಪ್ತಾ ಭಾಮಿನೀ ಭಾತಿ ಬಾಲಪುತ್ರೇವ ವತ್ಸಲಾ || 38 || ಪಟಹಂ ಚಾರುಸರ್ವಾಂಗೀ ಪೀಡ್ಯ ಶೇತೇ ಶುಭಸ್ತನೀ | ಚಿರಸ್ಯ ರಮಣಂ ಲಬ್ಧ್ವಾ ಪರಿಷ್ವಜ್ಯೇವ ಕಾಮಿನೀ || 39 || ಕಾಚಿದ್ವಂಶಂ ಪರಿಷ್ವಜ್ಯ ಸುಪ್ತಾ ಕಮಲಲೋಚನಾ | ರಹ: ಪ್ರಿಯತಮಂ ಗೃಹ್ಯ ಸಕಾಮೇವ ಚ ಕಾಮಿನೀ || 40 || ವಿಪಂಚೀಂ ಪರಿಗೃಹ್ಯಾನ್ಯಾ ನಿಯತಾ ನೃತ್ತಶಾಲಿನೀ | ನಿದ್ರಾವಶಮನುಪ್ರಾಪ್ತಾ ಸಹಕಾಂತೇವ ಭಾಮಿನೀ || 41 || ಅನ್ಯಾ ಕನಕಸಂಕಾಶೈ: ಮೃದುಪೀನೈರ್ಮನೋರಮೈ: | ಮೃದಂಗಂ ಪರಿಪೀಡ್ಯಾಂಗೈ: ಪ್ರಸುಪ್ತಾ ಮತ್ತಲೋಚನಾ || 42 || ಭುಜಪಾಶ್ರ್ವಾಂತರಸ್ಥೇನ ಕಕ್ಷಗೇಣ ಕೃಶೋದರೀ | ಪಣವೇನ ಸಹಾನಿಂದ್ಯಾ ಸುಪ್ತಾ ಮದಕೃತಶ್ರಮಾ || 43 || ಡಿಂಡಿಮಂ ಪರಿಗೂಹ್ಯಾನ್ಯಾ ತಥೈವಾಸಕ್ತಡಿಂಡಿಮಾ | ಪ್ರಸುಪ್ತಾ ತರುಣಂ ವತ್ಸಮುಪಗುಹ್ಯೇವ ಭಾಮಿನೀ || 44 || ಕಾ ಚಿದಾಡಂಬರಂ ನಾರೀ ಭುಜಸಂಭೋಗಪೀಡಿತಂ | ಕೃತ್ವಾ ಕಮಲಪತ್ರಾಕ್ಷೀ ಪ್ರಸುಪ್ತಾ ಮದಮೋಹಿತಾ || 45 || ಕಲಶೀಮಪವಿದ್ಧ್ಯಾನ್ಯಾ ಪ್ರಸುಪ್ತಾ ಭಾತಿ ಭಾಮಿನೀ | ವಸಂತೇ ಪುಷ್ಪಶಬಲಾ ಮಾಲೇವ ಪರಿಮಾರ್ಜಿತಾ || 46 || ಪಾಣಿಭ್ಯಾಂ ಚ ಕುಚೌ ಕಾ ಚಿತ್ಸುವರ್ಣ ಕಲಶೋಪಮೌ | ಉಪಗುಹ್ಯಾಬಲಾ ಸುಪ್ತಾ ನಿದ್ರಾಬಲಪರಾಜಿತಾ || 47 || ಅನ್ಯಾ ಕಮಲಪತ್ರಾಕ್ಷೀ ಪೂರ್ಣೇಂದುಸದೃಶಾನನಾ | ಅನ್ಯಾಮಾಲಿನ್ಗ್ಯ ಸುಶ್ರೋಣೀ ಪ್ರಸುಪ್ತಾ ಮದವಿಹ್ವಲಾ || 48 || ಆತೋದ್ಯಾನಿ ವಿಚಿತ್ರಾಣಿ ಪರಿಷ್ವಜ್ಯ ವರಸ್ತ್ರಿಯ: | ನಿಪೀಡ್ಯ ಚ ಕುಚೈ: ಸುಪ್ತಾ: ಕಾಮಿನ್ಯ: ಕಾಮುಕಾನಿವ || 49 || ತಾಸಾಮೇಕಾಂತವಿನ್ಯಸ್ತೇ ಶಯಾನಾಂ ಶಯನೇ ಶುಭೇ | ದದರ್ಶ ರೂಪಸಂಪನ್ನಾಮಪರಾಂ ಸ ಕಪಿ: ಸ್ತ್ರಿಯಂ || 50 || ಮುಕ್ತಾಮಣಿ ಸಮಾಯುಕ್ತೈ: ಭೂಷಣೈ: ಸುವಿಭೂಷಿತಾಂ | ವಿಭೂಷಯಂತೀಮಿವ ಚ ಸ್ವಶ್ರಿಯಾ ಭವನೋತ್ತಮಂ || 51 || ಗೌರೀಂ ಕನಕವರ್ಣಾಭಾಂ ಇಷ್ಟಾಮಂತ:ಪುರೇಶ್ವರೀಂ | ಕಪಿರ್ಮಂಡೋದರೀಂ ತತ್ರ ಶಯಾನಾಂ ಚಾರುರೂಪಿಣೀಂ | ಸ ತಾಂ ದೃಷ್ಟ್ವಾ ಮಹಾಬಾಹು: ಭೂಷಿತಾಂ ಮಾರೂತಾತ್ಮಜ: || 52 || ತರ್ಕಯಾಮಾಸ ಸೀತೇತಿ ರೂಪಯೌವನಸಂಪದಾ | ಹರ್ಷೇಣ ಮಹತಾ ಯುಕ್ತೋ ನನಂದ ಹರಿಯೂಥಪ: || 53 || ಆಸ್ಫೋಟಯಾಮಾಸ ಚುಚುಂಬ ಪುಚ್ಛಂ ನನಂದ ಚಿಕ್ರೀಡ ಜಗೌ ಜಗಾಮ | ಸ್ತಂಭಾನರೋಹನ್ನಿಪಪಾತ ಭೂಮೌ ನಿದರ್ಶಯನ್ಸ್ವಾಂ ಪ್ರಕೃತಿಂ ಕಪೀನಾಂ || 54 || || ಇತಿ ದಶಮ: ಸರ್ಗ: ||
ಅವಧೂಯ ಚ ತಾಂ ಬುದ್ಧಿಂ ಬಭೂವ ಅವಸ್ಥಿತ: ತದಾ | ಜಗಾಮ ಚ ಅಪರಾಂ ಚಿಂತಾಂ ಸೀತಾಂ ಪ್ರತಿ ಮಹಾ ಕಪಿ: || 1 || ನ ರಾಮೇಣ ವಿಯುಕ್ತಾ ಸಾ ಸ್ವಪ್ತುಂ ಅರ್ಹತಿ ಭಾಮಿನೀ | ನ ಭೋಕ್ತುಂ ನ ಅಪಿ ಅಲಂಕರ್ತುಂ ನ ಪಾನಂ ಉಪಸೇವಿತುಂ || 2 || ನ ಅನ್ಯಂ ನರಂ ಉಪಸ್ಥಾತುಂ ಸುರಾಣಾಂ ಅಪಿ ಚ ಈಶ್ವರಂ | ನ ಹಿ ರಾಮ ಸಮ: ಕಶ್ಚಿದ್ ವಿದ್ಯತೇ ತ್ರಿದಶೇಷ್ವಪಿ || 3 || ಅನ್ಯಾ ಇಯಂ ಇತಿ ನಿಶ್ಚಿತ್ಯ ಪಾನ ಭೂಮೌ ಚಚಾರ ಸ: | ಕ್ರೀಡಿತೇನ ಅಪರಾ: ಕ್ಲಾಂತಾ ಗೀತೇನ ಚ ತಥಾ ಪರಾ: || 4 || ನೃತ್ತೇನ ಚ ಅಪರಾ: ಕ್ಲಾಂತಾ: ಪಾನ ವಿಪ್ರಹತಾ: ತಥಾ | ಮುರಜೇಷು ಮೃದಂಗೇಶು ಪೀಠಿಕಾಸು ಚ ಸಂಸ್ಥಿತಾ: || 5 || ತಥಾ ಆಸ್ತರಣ ಮುಖ್ಯೇಷು ಸಂವಿಷ್ಟಾ: ಚ ಅಪರಾ: ಸ್ತ್ರಿಯ: | ಅಂಗನಾನಾಂ ಸಹಸ್ರೇಣ ಭೂಷಿತೇನ ವಿಭೂಷಣೈ: || 6 || ರೂಪ ಸಂಲ್ಲಾಪ ಶೀಲೇನ ಯುಕ್ತ ಗೀತ ಅರ್ಥ ಭಾಷಿಣಾ | ದೇಶ ಕಾಲ ಅಭಿಯುಕ್ತೇನ ಯುಕ್ತ ವಾಕ್ಯ ಅಭಿಧಾಯಿನಾ || 7 || ರತಾಭಿರತ ಸಂಸುಪ್ತಂ ದದರ್ಶ ಹರಿ ಯೂಥಪ: | ತಾಸಾಂ ಮಧ್ಯೇ ಮಹಾ ಬಾಹು: ಶುಶುಭೇ ರಾಕ್ಷಸ ಈಶ್ವರ: || 8 || ಗೋಷ್ಠೇ ಮಹತಿ ಮುಖ್ಯಾನಾಂ ಗವಾಂ ಮಧ್ಯೇ ಯಥಾ ವೃಷ: | ಸ ರಾಕ್ಷಸ ಇಂದ್ರ: ಶುಶುಭೇ ತಾಭಿ: ಪರಿವೃತ: ಸ್ವಯಂ || 9 || ಕರೇಣುಭಿರ್ಯಥಾ ಅರಣ್ಯಂ ಪರಿಕೀರ್ಣೋ ಮಹಾ ದ್ವಿಪ: | ಸರ್ವ ಕಾಮೈರೂಪೇತಾಂ ಚ ಪಾನ ಭೂಮಿಂ ಮಹಾತ್ಮನ: || 10 || ದದರ್ಶ ಕಪಿ ಶಾರ್ದೂಲ: ತಸ್ಯ ರಕ್ಷ: ಪತೇರ್ಗೃಹೇ | ಮೃಗಾಣಾಂ ಮಹಿಷಾಣಾಂ ಚ ವರಾಹಾಣಾಂ ಚ ಭಾಗಶ: || 11 || ತತ್ರ ನ್ಯಸ್ತಾನಿ ಮಾಂಸಾನಿ ಪಾನ ಭೂಮೌ ದದರ್ಶ ಸ: | ರೌಕ್ಮೇಷು ಚ ವಿಶಲೇಷು ಭಾಜನೇಷ್ವರ್ಧ ಭಕ್ಷಿತಾನ್ || 12 || ದದರ್ಶ ಕಪಿ ಶಾರ್ದೂಲೋ ಮಯೂರಾನ್ ಕುಕ್ಕುಟಾಂ ತಥಾ | ವರಾಹ ವಾಧ್ರ್ರಾಣಸಕಾನ್ ದಧಿ ಸೌವರ್ಚಲ ಆಯುತಾನ್ || 13 || ಶಲ್ಯಾನ್ ಮೃಗ ಮಯೂರಾಂ ಚ ಹನೂಮಾನ್ ಅನ್ವವೈಕ್ಷತ | ಕೃಕರಾನ್ ವಿವಿಧಾನ್ ಸಿದ್ಧಾಂ ಚಕೋರಾನ್ ಅರ್ಧ ಭಕ್ಷಿತಾನ್ || 14 || ಮಹಿಶಾನ್ ಏಕ ಶಲ್ಯಾಂ ಚ ಚಾಗಾಂ ಚ ಕೃತ ನಿಷ್ಠಿತಾನ್ | ಲೇಖ್ಯಂ ಉಚ್ಚ ಅವಚಂ ಪೇಯಂ ಭೋಜ್ಯಾನಿ ವಿವಿಧಾನಿ ಚ || 15 || ತಥಾ ಅಮ್ಲ ಲವಣ ಉತ್ತಂಸೈರ್ ವಿವಿಧೈ ರಾಗ ಷಾಡವೈ: | ಹಾರ ನೂಪುರ ಕೇಯೂರೈ: ಅಪವಿದ್ಧೈ: ಮಹಾ ಧನೈ: || 16 || ಪಾನ ಭಾಜನ ವಿಕ್ಷಿಪ್ತೈ: ಫಲೈ: ಚ ವಿವಿಧೈ: ಅಪಿ | ಕೃತ ಪುಷ್ಪ ಉಪಹಾರಾ ಭೂ: ಅಧಿಕಂ ಪುಷ್ಯತಿ ಶ್ರಿಯಂ || 17 || ತತ್ರ ತತ್ರ ಚ ವಿನ್ಯಸ್ತೈ: ಸುಶ್ಲಿಷ್ಟೈ: ಶಯನ ಆಸನೈ: | ಪಾನ ಭೂಮಿ: ವಿನಾ ವಹ್ನಿ: ಪ್ರದೀಪ್ತಾ ಇವ ಉಪಲಕ್ಷ್ಯತೇ || 18 || ಬಹು ಪ್ರಕಾರೈ: ವಿವಿಧೈ: ವರ ಸಂಸ್ಕಾರ ಸಂಸ್ಕೃತೈ: | ಮಾಂಸೈ: ಕುಶಲ ಸಂಯುಕ್ತೈ: ಪಾನ ಭೂಮಿ ಗತೈ: ಪೃಥಕ್ || 19 || ದಿವ್ಯಾ: ಪ್ರಸನ್ನಾ ವಿವಿಧಾ: ಸುರಾ: ಕೃತ ಸುರಾ ಅಪಿ | ಶರ್ಕರ ಆಸವ ಮಾಧ್ವೀಕಾ: ಪುಷ್ಪ ಆಸವ ಫಲ ಆಸವಾ: || 20 || ವಾಸ ಚೂರ್ಣೈ: ಚ ವಿವಿಧೈರ್ ಮೃಷ್ಟಾ: ತೈ: ತೈ: ಪೃಥಕ್ ಪೃಥಕ್ | ಸಂತತಾ ಶುಶುಭೇ ಭೂಮಿರ್ ಮಾಲ್ಯೈ: ಚ ಬಹು ಸಂಸ್ಥಿತೈ: || 21 || ಹಿರಣ್ಮಯೈ: ಚ ಕರಕೈರ್ ಭಾಜನೈ: ಸ್ಫಾಟಿಕೈರ್ ಅಪಿ | ಜಾಂಬೂನದಮಯೈಶ್ಚಾನ್ಯಾ: ಕರಕೈರಭಿವಂವೃತಾ || 22 || ರಾಜತೇಷು ಚ ಕುಂಭೇಷು ಜಾಂಬೂನದಮಯೇಷು ಚ | ಪಾನ ಶ್ರೇಷ್ಠಂ ತದಾ ಭೂರಿ ಕಪಿ: ತತ್ರ ದದರ್ಶ ಹ || 23 || ಸೋ ಅಪಶ್ಯತ್ ಶಾತ ಕುಂಭಾನಿ ಶೀಧೋರ್ ಮಣಿಮಯಾನಿ ಚ | ರಾಜತಾನಿ ಚ ಪೂರ್ಣಾನಿ ಭಾಜನಾನಿ ಮಹಾ ಕಪಿ: || 24 || ಕ್ವಚಿದಾರ್ಧ ಅವಶೇಶಾಣಿ ಕ್ವಚಿತ್ ಪೀತಾನಿ ಸರ್ವಶ: | ಕ್ವಚಿನ್ನ ಏವ ಪ್ರಪೀತಾನಿ ಪಾನಾನಿ ಸ ದದರ್ಶ ಹ || 25 || ಕ್ವಚಿದ್ ಭಕ್ಷ್ಯಾಂ ಚ ವಿವಿಧಾನ್ ಕ್ವಚಿತ್ ಪಾನಾನಿ ಭಾಗಶ: | ಕ್ವಚಿದ್ ಅನ್ನ ಅವಶೇಷಾಣಿ ಪಶ್ಯನ್ ವೈ ವಿಚಚಾರ ಹ || 26 || ಕ್ವಚಿತ್ ಪ್ರಭಿನ್ನೈ: ಕರಕೈ: ಕ್ವಚಿದ್ ಆಲೋಲಿತೈರ್ಘಟೈ: | ಕ್ವಚಿತ್ ಸಂಪೃಕ್ತ ಮಾಲ್ಯಾನಿ ಮೂಲಾನಿ ಚ ಫಲಾನಿ ಚ || 27 || ಶಯನಾನಿ ಅತ್ರ ನಾರೀಣಾಂ ಶೂನ್ಯಾನಿ ಬಹುಧಾ ಪುನ: | ಪರಸ್ಪರಂ ಸಮಾಶ್ಲಿಷ್ಯ ಕಾಶ್ಚಿತ್ ಸುಪ್ತಾ ವರಾಂಗನಾ: || 28 || ಕಾಚಿಚ್ಚ ವಸ್ತ್ರಂ ಅನ್ಯಸ್ಯಾ ಅಪಹೃತ್ಯ ಉಪಗುಹ್ಯ ಚ | ಉಪಗಮ್ಯ ಅಬಲಾ ಸುಪ್ತಾ ನಿದ್ರಾ ಬಲ ಪರಾಜಿತಾ || 29 || ತಾಸಾಂ ಉಚ್ಚ್ವಾಸ ವಾತೇನ ವಸ್ತ್ರಂ ಮಾಲ್ಯಂ ಚ ಗಾತ್ರಜಂ | ನ ಅತ್ಯರ್ಥಂ ಸ್ಪಂದತೇ ಚಿತ್ರಂ ಪ್ರಾಪ್ಯ ಮಂದಂ ಇವ ಅನಿಲಂ || 30 || ಚಂದನಸ್ಯ ಚ ಶೀತಸ್ಯ ಶೀಧೋರ್ ಮಧು ರಸಸ್ಯ ಚ | ವಿವಿಧಸ್ಯ ಚ ಮಾಲ್ಯಸ್ಯ ಪುಷ್ಪಸ್ಯ ವಿವಿಧಸ್ಯ ಚ || 31 || ಬಹುಧಾ ಮಾರುತ: ತತ್ರ ಗಂಧಂ ವಿವಿಧಂ ಉದ್ವಹನ್ | ಸ್ನಾನಾನಾಂ ಚಂದನಾನಾಂ ಚ ಧೂಪಾನಾಂ ಚೈವ ಮೂರ್ಚಿತ: || 32 || ಪ್ರವವೌ ಸುರಭಿರ್ ಗಂಧೋ ವಿಮಾನೇ ಪುಷ್ಪಕೇ ತದಾ | ಶ್ಯಾಮ ಅವದಾತಾ: ತತ್ರ ಅನ್ಯಾ: ಕಾಶ್ಚಿತ್ ಕೃಷ್ಣಾ ವರಾಂಗನಾ: ||33 || ಕಾಶ್ಚಿತ್ ಕಾಂಚನ ವರ್ಣ ಅಂಗ್ಯ: ಪ್ರಮದಾ ರಾಕ್ಷಸ ಆಲಯೇ | ತಾಸಾಂ ನಿದ್ರಾ ವಶತ್ವಾಚ್ ಚ ಮದನೇನ ಚ ಮೂರ್ಛಿತಂ || 34 || ಪದ್ಮಿನೀನಾಂ ಪ್ರಸುಪ್ತಾನಾಂ ರೂಪಂ ಆಸೀದ್ ಯಥೈವ ಹಿ | ಏವಂ ಸರ್ವಂ ಅಶೇಷೇಣ ರಾವಣ ಅಂತ: ಪುರಂ ಕಪಿ: || 35 || ದದರ್ಶ ಸುಮಹಾ ತೇಜಾ ನ ದದರ್ಶ ಚ ಜಾನಕೀಂ | ನಿರೀಕ್ಷಮಾಣ: ತದಾ: ತಾ: ಸ್ತ್ರಿಯ: ಸ ಮಹಾ ಕಪಿ: || 36 || ಜಗಾಮ ಮಹತೀಂ ಚಿಂತಾಂ ಧರ್ಮ ಸಾಧ್ವಸ ಶಂಕಿತ: | ಪರ ದಾರ ಅವರೋಧಸ್ಯ ಪ್ರಸುಪ್ತಸ್ಯ ನಿರೀಕ್ಷಣಂ || 37 || ಇದಂ ಖಲು ಮಮ ಅತ್ಯರ್ಥಂ ಧರ್ಮ ಲೋಪಂ ಕರಿಷ್ಯತಿ | ನ ಹಿ ಮೇ ಪರ ದಾರಾಣಾಂ ದೃಷ್ಟಿರ್ ವಿಶಯ ವರ್ತಿನೀ || 38 || ಅಯಂ ಚ ಅತ್ರ ಮಯಾ ದೃಷ್ಟ: ಪರ ದಾರ ಪರಿಗ್ರಹ: | ತಸ್ಯ ಪ್ರಾದುರ್ ಅಭೂಚ್ಚಿಂತಾ ಪುನರ್ ಅನ್ಯಾ ಮನಸ್ವಿನ: || 39 || ನಿಶ್ಚಿತ ಏಕಾಂತ ಚಿತ್ತಸ್ಯ ಕಾರ್ಯ ನಿಶ್ಚಯ ದರ್ಶಿನೀ | ಕಾಮಂ ದೃಷ್ಟ್ವಾ ಮಯಾ ಸರ್ವಾ ವಿಶ್ವಸ್ತಾ ರಾವಣ ಸ್ತ್ರಿಯ: || 40 || ನ ಹಿ ಮೇ ಮನಸ: ಕಿಂಚಿದ್ ವೈಕೃತ್ಯಂ ಉಪಪದ್ಯತೇ | ಮನೋ ಹಿ ಹೇತು: ಸರ್ವೇಷಾಂ ಇಂದ್ರಿಯಾಣಾಂ ಪ್ರವರ್ತತೇ || 41 || ಶುಭ ಅಶುಭಾಸ್ವ ಅವಸ್ಥಾಸು ತಚ್ಚ ಮೇ ಸುವ್ಯವಸ್ಥಿತಂ | ನ ಅನ್ಯತ್ರ ಹಿ ಮಯಾ ಶಕ್ಯಾ ವೈದೇಹೀ ಪರಿಮಾರ್ಗಿತುಂ || 42 || ಸ್ತ್ರಿಯೋ ಹಿ ಸ್ತ್ರೀಷು ದೃಶ್ಯಂತೇ ಸದಾ ಸಂಪರಿಮಾರ್ಗಣೇ | ಯಸ್ಯ ಸತ್ತ್ವಸ್ಯ ಯಾ ಯೋನಿ: ತಸ್ಯಾಂ ತತ್ ಪರಿಮಾಗ್ರ್ಯತೇ || 43 || ನ ಶಕ್ಯಂ ಪ್ರಮದಾ ನಷ್ಟಾ ಮೃಗೀಶು ಪರಿಮಾರ್ಗಿತುಂ | ತದ್ ಇದಂ ಮಾರ್ಗಿತಂ ತಾವತ್ ಶುದ್ಧೇನ ಮನಸಾ ಮಯಾ || 44 || ರಾವಣ ಅಂತ:ಪುರಂ ಸರ್ವಂ ದೃಶ್ಯತೇ ನ ಚ ಜಾನಕೀ | ದೇವ ಗಂಧರ್ವ ಕನ್ಯಾ: ಚ ನಾಗ ಕನ್ಯಾ: ಚ ವೀರ್ಯವಾನ್ || 45 || ಅವೇಕ್ಷಮಾಣೋ ಹನುಮಾನ್ ನ ಏವ ಅಪಶ್ಯತ ಜಾನಕೀಂ | ತಾಂ ಅಪಶ್ಯನ್ ಕಪಿ: ತತ್ರ ಪಶ್ಯಂ ಚ ಅನ್ಯಾ ವರ ಸ್ತ್ರಿಯ: || 46 || ಅಪಕ್ರಮ್ಯ ತದಾ ವೀರ: ಪ್ರಧ್ಯಾತುಂ ಉಪಚಕ್ರಮೇ | ಸ ಭೂಯಸ್ತು ಪರಂ ಶ್ರೀಮಾನ್ ಮಾರುತಿರ್ಯತ್ನಮಾಸ್ಥಿತ: | ಅಪಾನಭೂಮಿಮುತ್ಸೃಜ್ಯ ತದ್ವಿಚೇತುಂ ಪ್ರಚಕ್ರಮೇ || 47 || || ಇತಿ ಏಕಾದಶ: ಸರ್ಗ: ||
ಸ ತಸ್ಯ ಮಧ್ಯೇ ಭವನಸ್ಯ ವಾನರೋ ಲತಾ ಗೃಹಾ ಚಿತ್ರ ಗೃಹಾನ್ ನಿಶಾ ಗೃಹಾನ್ | ಜಗಾಮ ಸೀತಾಂ ಪ್ರತಿ ದರ್ಶನ ಉತ್ಸುಕೋ ನ ಚ ಏವ ತಾಂ ಪಶ್ಯತಿ ಚಾರು ದರ್ಶನಾಂ || 1 || ಸ ಚಿಂತಯಾಮಾಸ ತತೋ ಮಹಾ ಕಪಿ: ಪ್ರಿಯಾಂ ಅಪಶ್ಯನ್ ರಘು ನಂದನಸ್ಯ ತಾಂ | ಧ್ರುವಂ ನು ಸೀತಾ ಮ್ರಿಯತೇ ಯಥಾ ನ ಮೇ ವಿಚಿನ್ವತೋ ದರ್ಶನಂ ಏತಿ ಮೈಥಿಲೀ || 2 || ಸಾ ರಾಕ್ಷಸಾನಾಂ ಪ್ರವರೇಣ ಬಾಲಾ ಸ್ವ ಶೀಲ ಸಮ್ರಕ್ಷಣ ತತ್ಪರಾ ಸತೀ | ಅನೇನ ನೂನಂ ಪ್ರತಿದುಷ್ಟ ಕರ್ಮಣಾ ಹತಾ ಭವೇದ್ ಆರ್ಯ ಪಥೇ ಪರೇ ಸ್ಥಿತಾ || 3 || ವಿರೂಪ ರೂಪಾ ವಿಕೃತಾ ವಿವರ್ಚಸೋ ಮಹಾ ಆನನಾ ದೀರ್ಘ ವಿರೂಪ ದರ್ಶನಾ: | ಸಮೀಕ್ಷ್ಯ ಸಾ ರಾಕ್ಷಸ ರಾಜ ಯೋಷಿತೋ ಭಯಾದ್ ವಿನಷ್ಟಾ ಜನಕ ಈಶ್ವರ ಆತ್ಮಜಾ || 4 || ಸೀತಾಂ ಅದ್ಷ್ಟ್ವಾ ಹಿ ಅನವಾಪ್ಯ ಪೌರುಷಂ ವಿಹೃತ್ಯ ಕಾಲಂ ಸಹ ವಾನರೈ: ಚಿರಂ | ನ ಮೇ ಅಸ್ತಿ ಸುಗ್ರೀವ ಸಮೀಪಗಾ ಗತಿ: ಸುತೀಕ್ಷ್ಣ ದಂಡೋ ಬಲವಾಂ ಚ ವಾನರ: || 5 || ದೃಷ್ಟಂ ಅಂತ: ಪುರಂ ಸರ್ವಂ ದೃಷ್ಟ್ವಾ ರಾವಣ ಯೋಷಿತ: | ನ ಸೀತಾ ದೃಶ್ಯತೇ ಸಾಧ್ವೀ ವೃಥಾ ಜಾತೋ ಮಮ ಶ್ರಮ: || 6 || ಕಿಂ ನು ಮಾಂ ವಾನರಾ: ಸರ್ವೇ ಗತಂ ವಕ್ಷ್ಯಂತಿ ಸಂಗತಾ: | ಗತ್ವಾ ತತ್ರ ತ್ವಯಾ ವೀರ ಕಿಂ ಕೃತಂ ತದ್ ವದಸ್ವ ನ: || 7 || ಅದೃಷ್ಟ್ವಾ ಕಿಂ ಪ್ರವಕ್ಷ್ಯಾಮಿ ತಾಂ ಅಹಂ ಜನಕ ಆತ್ಮಜಾಂ | ಧ್ರುವಂ ಪ್ರಾಯಂ ಉಪೇಷ್ಯಂತಿ ಕಾಲಸ್ಯ ವ್ಯತಿವರ್ತನೇ || 8 || ಕಿಂ ವಾ ವಕ್ಷ್ಯತಿ ವೃದ್ಧ: ಚ ಜಾಂಬವಾನ್ ಅಂಗದ: ಚ ಸ: | ಗತಂ ಪಾರಂ ಸಮುದ್ರಸ್ಯ ವಾನರಾ: ಚ ಸಮಾಗತಾ: || 9 || ಅನಿರ್ವೇದ: ಶ್ರಿಯೋ ಮೂಲಂ ಅನಿರ್ವೇದ: ಪರಂ ಸುಖಂ | ಅನಿರ್ವೇದೋ ಹಿ ಸತತಂ ಸರ್ವ ಅರ್ಥೇಷು ಪ್ರವರ್ತಕ: || 10 || ಕರೋತಿ ಸಫಲಂ ಜಂತೋ: ಕರ್ಮ ಯಚ್ಚ ಕರೋತಿ ಸ: | ತಸ್ಮಾದ್ ಅನಿರ್ವೇದ ಕೃತಂ ಯತ್ನಂ ಚೇಷ್ಟೇ ಅಹಂ ಉತ್ತಮಂ || 11 || ಭೂಯಸ್ತಾವದ್ವಿಚೇಷ್ಯಾಮಿ ದೇಶಾನ್ ರಾವಣ ಪಾಲಿತಾನ್ | ಆಪಾನ ಶಾಲಾ ವಿಚಿತಾ: ತಥಾ ಪುಷ್ಪ ಗೃಹಾಣಿ ಚ || 12 || ಚಿತ್ರ ಶಾಲಾ: ಚ ವಿಚಿತಾ ಭೂಯ: ಕ್ರೀಡಾ ಗೃಹಾಣಿ ಚ | ನಿಷ್ಕುಟ ಅಂತರ ರಥ್ಯಾ: ಚ ವಿಮಾನಾನಿ ಚ ಸರ್ವಶ: || 13 || ಇತಿ ಸಂಚಿಂತ್ಯ ಭೂಯೋ ಅಪಿ ವಿಚೇತುಂ ಉಪಚಕ್ರಮೇ | ಭೂಮೀ ಗೃಹಾಂ ಚೈತ್ಯ ಗೃಹಾನ್ ಗೃಹ ಅತಿಗೃಹಕಾನ್ ಅಪಿ || 14 || ಉತ್ಪತನ್ ನಿಪತಂ ಚ ಅಪಿ ತಿಷ್ಠನ್ ಗಚ್ಛನ್ ಪುನ: ಪುನ: | ಅಪಾವೃಣ್ವಂ ಚ ದ್ವಾರಾಣಿ ಕಪಾಟಾನಿ ಅವಘಾಟ್ಟಯನ್ || 15 || ಪ್ರವಿಶನ್ ನಿಷ್ಪತಂ ಚಾಪಿ ಪ್ರಪತನ್ನ್ ಉತ್ಪತನ್ನ್ ಅಪಿ | ಸರ್ವಂ ಅಪಿ ಅವಕಾಶಂ ಸ ವಿಚಚಾರ ಮಹಾ ಕಪಿ: || 16 || ಚತುರ್ ಅಂಗುಳ ಮಾತ್ರೋ ಅಪಿ ನ ಅವಕಾಶ: ಸ ವಿದ್ಯತೇ | ರಾವಣ ಅಂತ: ಪುರೇ ತಸ್ಮಿನ್ ಯಂ ಕಪಿರ್ ನ ಜಗಾಮ ಸ: || 17 || ಪ್ರಾಕಾರ ಅಂತರ ರಥ್ಯಾ: ಚ ವೇದಿಕ: ಚೈತ್ಯ ಸಂಶ್ರಯಾ: | ದೀರ್ಘಿಕಾ: ಪುಷ್ಕರಿಣ್ಯ: ಚ ಸರ್ವಂ ತೇನ ಅವಲೋಕಿತಂ || 18 || ರಾಕ್ಷಸ್ಯೋ ವಿವಿಧ ಆಕಾರಾ ವಿರೂಪಾ ವಿಕೃತಾ: ತಥಾ | ದೃಷ್ಟಾ ಹನೂಮತಾ ತತ್ರ ನ ತು ಸಾ ಜನಕ ಆತ್ಮಜಾ || 19 || ರೂಪೇಣ ಅಪ್ರತಿಮಾ ಲೋಕೇ ವರಾ ವಿದ್ಯಾ ಧರ ಸ್ತ್ರಿಯ: | ದೃಷ್ಟಾ ಹನೂಮತಾ ತತ್ರ ನ ತು ರಾಘವ ನಂದಿನೀ || 20 || ನಾಗ ಕನ್ಯಾ ವರ ಆರೋಹಾ: ಪೂರ್ಣ ಚಂದ್ರ ನಿಭಾನನಾ: | ದೃಷ್ಟಾ ಹನೂಮತಾ ತತ್ರ ನ ತು ಸೀತಾ ಸುಮಧ್ಯಮಾ || 21 || ಪ್ರಮಥ್ಯ ರಾಕ್ಷಸ ಇಂದ್ರೇಣ ನಾಗ ಕನ್ಯಾ ಬಲಾದ್ ಹೃತಾ: | ದೃಷ್ಟಾ ಹನೂಮತಾ ತತ್ರ ನ ಸಾ ಜನಕ ನಂದಿನೀ || 22 || ಸೋ ಅಪಶ್ಯಂ ತಾಂ ಮಹಾ ಬಾಹು: ಪಶ್ಯಂ ಚ ಅನ್ಯಾ ವರ ಸ್ತ್ರಿಯ: | ವಿಷಸಾದ ಮಹಾ ಬಾಹುರ್ ಹನೂಮಾನ್ ಮಾರುತಾತ್ಮಜ: || 23 || ಉದ್ಯೋಗಂ ವಾನರ ಇಂದ್ರಾಣಂ ಪ್ಲವನಂ ಸಾಗರಸ್ಯ ಚ | ವ್ಯರ್ಥಂ ವೀಕ್ಷ್ಯ ಅನಿಲ ಸುತ: ಚಿಂತಾಂ ಪುನರುಪಾಗಮತ್ || 24 || ಅವತೀರ್ಯ ವಿಮಾನಾಚ್ ಚ ಹನೂಮಾನ್ ಮಾರುತ ಆತ್ಮಜ: | ಚಿಂತಾಂ ಉಪಜಗಾಮ ಅಥ ಶೋಕ ಉಪಹತ ಚೇತನ: || 25 || || ಇತಿ ದ್ವಾದಶ: ಸರ್ಗ: ||
ವಿಮಾನಾತ್ ತು ಸುಸಂಕ್ರಮ್ಯ ಪ್ರಾಕಾರಂ ಹರಿ ಯೂಥಪಃ | ಹನೂಮಾನ್ ವೇಗವಾನ್ ಆಸೀದ್ ಯಥಾ ವಿದ್ಯುದ್ ಘನ ಅಂತರೇ || 1 || ಸಂಪರಿಕ್ರಮ್ಯ ಹನುಮಾನ್ ರಾವಣಸ್ಯ ನಿವೇಶನಾನ್ | ಅದೃಷ್ಟ್ವಾ ಜಾನಕೀಂ ಸೀತಾಂ ಅಬ್ರವೀದ್ ವಚನಂ ಕಪಿ: || 2 || ಭೂಯಿಷ್ಠಂ ಲೋಡಿತಾ ಲಂಕಾ ರಾಮಸ್ಯ ಚರತಾ ಪ್ರಿಯಂ | ನ ಹಿ ಪಶ್ಯಾಮಿ ವೈದೇಹೀಂ ಸೀತಾಂ ಸರ್ವ ಅಂಗ ಶೋಭನಾಂ || 3 || ಪಲ್ವಲಾನಿ ತಟಾಕಾನಿ ಸರಾಂಸಿ ಸರಿತಃ ತಥಾ | ನದ್ಯೋ ಅನೂಪವನ ಅಂತಾಃ ಚ ದುರ್ಗಾಃ ಚ ಧರಣೀ ಧರಾ: || 4 || ಲೋಡಿತಾ ವಸುಧಾ ಸರ್ವಾ ನ ಚ ಪಶ್ಯಾಮಿ ಜಾನಕೀಂ | ಇಹ ಸಂಪಾತಿನಾ ಸೀತಾ ರಾವಣಸ್ಯ ನಿವೇಶನೇ || 5 || ಆಖ್ಯಾತಾ ಗೃಧ್ರ ರಾಜೇನ ನ ಚ ಪಶ್ಯಾಮಿ ತಾಂ ಅಹಂ | ಕಿಂ ನು ಸೀತಾ ಅಥ ವೈದೇಹೀ ಮೈಥಿಲೀ ಜನಕ ಆತ್ಮಜಾ || 6 || ಉಪತಿಷ್ಠೇತ ವಿವಶಾ ರಾವಣಂ ದುಷ್ಟ ಚಾರಿಣಂ | ಕ್ಷಿಪ್ರಂ ಉತ್ಪತತೋ ಮನ್ಯೇ ಸೀತಾಂ ಆದಾಯ ರಕ್ಷಸ: || 7 || ಬಿಭ್ಯತೋ ರಾಮ ಬಾಣಾನಾಂ ಅಂತರಾ ಪತಿತಾ ಭವೇತ್ | ಅಥವಾ ಹ್ರಿಯಮಾಣಾಯಾಃ ಪಥಿ ಸಿದ್ಧ ನಿಷೇವಿತೇ || 8 || ಮನ್ಯೇ ಪತಿತಂ ಆರ್ಯಾಯಾ ಹೃದಯಂ ಪ್ರೇಕ್ಷ್ಯ ಸಾಗರಂ | ರಾವಣಸ್ಯ ಊರು ವೇಗೇನ ಭುಜಾಭ್ಯಾಂ ಪೀಡಿತೇನ ಚ || 9 || ತಯಾ ಮನ್ಯೇ ವಿಶಾಲ ಅಕ್ಷ್ಯಾ ತ್ಯಕ್ತಂ ಜೀವಿತಂ ಆರ್ಯಯಾ | ಉಪರಿ ಉಪರಿ ವಾ ನೂನಂ ಸಾಗರಂ ಕ್ರಮತಃ ತದಾ || 10 || ವಿವೇಷ್ಟಮಾನಾ ಪತಿತಾ ಸಮುದ್ರೇ ಜನಕ ಆತ್ಮಜಾ | ಆಹೋ ಕ್ಷುದ್ರೇಣ ಚ ಅನೇನ ರಕ್ಷಂತೀ ಶೀಲಂ ಆತ್ಮನಃ || 11 || ಅಬಂಧುರ್ ಭಕ್ಷಿತಾ ಸೀತಾ ರಾವಣೇನ ತಪಸ್ವಿನೀ | ಅಥವಾ ರಾಕ್ಷಸ ಇಂದ್ರಸ್ಯ ಪತ್ನೀಭಿರ್ ಅಸಿತ ಈಕ್ಷಣಾ || 12 || ದುಷ್ಟಾ ದುಷ್ಟ ಭಾವಾಭಿರ್ ಭಕ್ಷಿತಾ ಸಾ ಭವಿಷ್ಯತಿ | ಸಂಪೂರ್ಣ ಚಂದ್ರ ಪ್ರತಿಮಂ ಪದ್ಮ ಪತ್ರ ನಿಭ ಈಕ್ಷಣಂ || 13 || ರಾಮಸ್ಯ ಧ್ಯಾಯತೀ ವಕ್ತ್ರಂ ಪಂಚತ್ವಂ ಕೃಪಣಾ ಗತಾ | ಹಾ ರಾಮ ಲಕ್ಷ್ಮಣ ಇತಿ ಏವ ಹಾ ಅಯೋಧ್ಯೇತಿ ಚ ಮೈಥಿಲೀ || 14 || ವಿಲಪ್ಯ ಬಹು ವೈದೇಹೀ ನ್ಯಸ್ತ ದೇಹಾ ಭವಿಷ್ಯತಿ | ಅಥವಾ ನಿಹಿತಾ ಮನ್ಯೇ ರಾವಣಸ್ಯ ನಿವೇಶನೇ || 15 || ನೂನಂ ಲಾಲಪ್ಯತೇ ಮಂದಂ ಪಂಜರಸ್ಥಾ ಇವ ಶಾರಿಕಾ | ಜನಕಸ್ಯ ಕುಲೇ ಜಾತಾ ರಾಮ ಪತ್ನೀ ಸುಮಧ್ಯಮಾ || 16 || ಕಥಂ ಉತ್ಪಲ ಪತ್ರ ಅಕ್ಷೀ ರಾವಣಸ್ಯ ವಶಂ ವ್ರಜೇತ್ | ವಿನಷ್ಟಾ ವಾ ಪ್ರನಷ್ಟಾ ವಾ ಮೃತಾ ವಾ ಜನಕ ಆತ್ಮಜಾ || 17 || ರಾಮಸ್ಯ ಪ್ರಿಯ ಭಾರ್ಯಸ್ಯ ನ ನಿವೇದಯಿತುಂ ಕ್ಷಮಂ | ನಿವೇದ್ಯಮಾನೇ ದೋಷಃ ಸ್ಯಾದ್ ದೋಷಃ ಸ್ಯಾದ್ ಅನಿವೇದನೇ || 18 || ಕಥಂ ನು ಖಲು ಕರ್ತವ್ಯಂ ವಿಷಮಂ ಪ್ರತಿಭಾತಿ ಮೇ | ಅಸ್ಮಿನ್ನ್ ಏವಂ ಗತೇ ಕರ್ಯೇ ಪ್ರಾಪ್ತ ಕಾಲಂ ಕ್ಷಮಂ ಚ ಕಿಂ || 19 || ಭವೇದ್ ಇತಿ ಮತಿಂ ಭೂಯೋ ಹನುಮಾನ್ ಪ್ರವಿಚಾರಯನ್ | ಯದಿ ಸೀತಾಂ ಅದೃಷ್ಟ್ವಾ ಅಹಂ ವಾನರ ಇಂದ್ರ ಪುರೀಂ ಇತಃ || 20 || ಗಮಿಷ್ಯಾಮಿ ತತಃ ಕೋ ಮೇ ಪುರುಷ ಅರ್ಥೋ ಭವಿಷ್ಯತಿ | ಮಮ ಇದಂ ಲಂಘನಂ ವ್ಯರ್ಥಂ ಸಾಗರಸ್ಯ ಭವಿಷ್ಯತಿ || 21 || ಪ್ರವೇಶಃ ಚಿವ ಲಂಕಾಯಾ ರಾಕ್ಷಸಾನಾಂ ಚ ದರ್ಶನಂ | ಕಿಂ ವಾ ವಕ್ಷ್ಯತಿ ಸುಗ್ರೀವೋ ಹರಯೋ ವ ಸಮಾಗತಾಃ || 22 || ಕಿಷ್ಕಿಂಧಾಂ ಸಮನುಪ್ರಾಪ್ತೌ ತೌ ವಾ ದಶರಥ ಆತ್ಮಜೌ | ಗತ್ವಾ ತು ಯದಿ ಕಾಕುತ್ಸ್ಥಂ ವಕ್ಷ್ಯಾಮಿ ಪರಂ ಅಪ್ರಿಯಂ || 23 || ನ ದೃಷ್ಟಾ ಇತಿ ಮಯಾ ಸೀತಾ ತತಃ ತ್ಯಕ್ಷ್ಯಂತಿ ಜೀವಿತಂ | ಪರುಷಂ ದಾರುಣಂ ಕ್ರೂರಂ ತೀಕ್ಷ್ಣಂ ಇಂದ್ರಿಯ ತಾಪನಂ || 24 || ಸೀತಾ ನಿಮಿತ್ತಂ ದುರ್ವಾಕ್ಯಂ ಶ್ರುತ್ವಾ ಸ ನ ಭವಿಷ್ಯತಿ | ತಂ ತು ಕೃಚ್ಛ್ರ ಗತಂ ದೃಷ್ಟ್ವಾ ಪಂಚತ್ವ ಗತ ಮಾನಸಂ || 25 || ಭೃಶ ಅನುರಕ್ತೋ ಮೇಧಾವೀ ನ ಭವಿಷ್ಯತಿ ಲಕ್ಷ್ಮಣಃ | ವಿನಷ್ಟೌ ಭ್ರಾತರೌ ಶ್ರುತ್ವಾ ಭರತೋ ಅಪಿ ಮರಿಷ್ಯತಿ || 26 || ಭರತಂ ಚ ಮೃತಂ ದೃಷ್ಟ್ವಾ ಶತ್ರುಘ್ನೋ ನ ಭವಿಷ್ಯತಿ | ಪುತ್ರಾನ್ ಮೃತಾನ್ ಸಮೀಕ್ಷ್ಯ ಅಥ ನ ಭವಿಷ್ಯಂತಿ ಮಾತರಃ || 27 || ಕೌಸಲ್ಯಾ ಚ ಸುಮಿತ್ರಾ ಚ ಕೈಕೇಯೀ ಚ ನ ಸಂಶಯಃ | ಕೃತಜ್ಞಃ ಸತ್ಯ ಸಂಧಃ ಚ ಸುಗ್ರೀವಃ ಪ್ಲವಗ ಅಧಿಪಃ || 28 || ರಾಮಂ ತಥಾ ಗತಂ ದೃಷ್ಟ್ವಾ ತತಃ ತ್ಯಕ್ಷ್ಯಂತಿ ಜೀವಿತಂ | ದುರ್ಮನಾ ವ್ಯಥಿತಾ ದೀನಾ ನಿರಾನಂದಾ ತಪಸ್ವಿನೀ || 29 || ಪೀಡಿತಾ ಭರ್ತೃ ಶೋಕೇನ ರುಮಾ ತ್ಯಕ್ಷ್ಯತಿ ಜೀವಿತಂ | ವಾಲಿಜೇನ ತು ದು:ಖೇನ ಪೀಡಿತಾ ಶೋಕ ಕರ್ಶಿತಾ || 30 || ಪಂಚತ್ವ ಗಮನೇ ರಾಜ್ಞಃ ತಾರಾ ಅಪಿ ನ ಭವಿಷ್ಯತಿ | ಮಾತಾ ಪಿತ್ರೋರ್ ವಿನಾಶೇನ ಸುಗ್ರೀವ ವ್ಯಸನೇನ ಚ || 31 || ಕುಮಾರೋ ಅಪಿ ಅಂಗದಃ ಕಸ್ಮಾದ್ ಧಾರಯಿಷ್ಯತಿ ಜೀವಿತಂ | ಭರ್ತೃಜೇನ ತು ಶೋಕೇನ ಅಭಿಭೂತಾ ವನ ಓಕಸಃ || 32 || ಶಿರಾಂಸಿ ಅಭಿಹನಿಷ್ಯಂತಿ ತಲೈರ್ ಮುಷ್ಟಿಭಿರ್ ಏವ ಚ | ಸಾಂತ್ವೇನ ಅನುಪ್ರದಾನೇನ ಮಾನೇನ ಚ ಯಶಸ್ವಿನಾ || 33 || ಲಾಲಿತಾಃ ಕಪಿ ರಾಜೇನ ಪ್ರಾಣಾಂ ತ್ಯಕ್ಷ್ಯಂತಿ ವಾನರಾಃ | ನ ವನೇಷು ನ ಶೈಲೇಷು ನ ನಿರೋಧೇಷು ವಾ ಪುನಃ || 34 || ಕ್ರೀಡಾಂ ಅನುಭವಿಷ್ಯಂತಿ ಸಮೇತ್ಯ ಕಪಿ ಕುಂಜರಾಃ | ಸಪುತ್ರ ದಾರಾಃ ಸಾಮಾತ್ಯಾ ಭರ್ತೃ ವ್ಯಸನ ಪೀಡಿತಾಃ || 35 || ಶೈಲ ಅಗ್ರೇಭ್ಯಃ ಪತಿಷ್ಯಂತಿ ಸಮೇತ್ಯ ವಿಷಮೇಷು ಚ | ವಿಷಂ ಉದ್ಬನ್ಧನಂ ವಾ ಅಪಿ ಪ್ರವೇಶಂ ಜ್ವಲನಸ್ಯ ವಾ || 36 || ಉಪವಾಸಂ ಅಥೋ ಶಸ್ತ್ರಂ ಪ್ರಚರಿಷ್ಯಂತಿ ವಾನರಾಃ | ಘೋರಂ ಆರೋದನಂ ಮನ್ಯೇ ಗತೇ ಮಯಿ ಭವಿಷ್ಯತಿ || 37 || ಇಕ್ಷ್ವಾಕು ಕುಲ ನಾಶಃ ಚ ನಾಶಃ ಚೈವ ವನ ಓಕಸಾಂ | ಸೋ ಅಹಂ ನ ಏವ ಗಮಿಷ್ಯಾಮಿ ಕಿಷ್ಕಿಂಧಾಂ ನಗರೀಂ ಇತಃ || 38 || ನ ಹಿ ಶಕ್ಷ್ಯಾಮಿ ಅಹಂ ದ್ರಷ್ಟುಂ ಸುಗ್ರೀವಂ ಮೈಥಿಲೀಂ ವಿನಾ | ಮಯಿ ಅಗಚ್ಚತಿ ಚ ಇಹಸ್ಥೇ ಧರ್ಮ ಆತ್ಮಾನೌ ಮಹಾ ರಥೌ || 39 || ಆಶಯಾ ತೌ ಧರಿಷ್ಯೇತೇ ವಾನರಾಃ ಚ ಮನಸ್ವಿನಃ | ಹಸ್ತ ಆದಾನೋ ಮುಖ ಆದಾನೋ ನಿಯತೋ ವೃಕ್ಷ ಮೂಲಿಕಃ || 40 || ವಾನಪ್ರಸ್ಥೋ ಭವಿಷ್ಯಾಮಿ ಅದೃಷ್ಟ್ವಾ ಜನಕ ಆತ್ಮಜಾಂ | ಸಾಗರ ಅನೂಪಜೇ ದೇಶೇ ಬಹು ಮೂಲ ಫಲ ಉದಕೇ || 41 || ಚಿತಾಂ ಕೃತ್ವಾ ಪ್ರವೇಕ್ಷ್ಯಾಮಿ ಸಮಿದ್ಧಂ ಅರಣೀ ಸುತಂ | ಉಪವಿಷ್ಟಸ್ಯ ವಾ ಸಮ್ಯಗ್ ಲಿಂಗಿನಂ ಸಾಧಯಿಷ್ಯತಃ || 42 || ಶರೀರಂ ಭಕ್ಷಯಿಷ್ಯಂತಿ ವಾಯಸಾಃ ಶ್ವಾಪದಾನಿ ಚ | ಇದಂ ಅಪಿ ಋಷಿಭಿರ್ ದೃಷ್ಟಂ ನಿರ್ಯಾಣಂ ಇತಿ ಮೇ ಮತಿಃ || 43 || ಸಂಯಗ್ ಆಪಃ ಪ್ರವೇಕ್ಷ್ಯಾಮಿ ನ ಚೇತ್ ಪಶ್ಯಾಮಿ ಜಾನಕೀಂ | ಸುಜಾತ ಮೂಲಾ ಸುಭಗಾ ಕೀರ್ತಿ ಮಾಲಾ ಯಶಸ್ವಿನೀ || 44 || ಪ್ರಭಗ್ನಾ ಚಿರ ರಾತ್ರೀ ಇಯಂ ಮಮ ಸೀತಾಂ ಅಪಶ್ಯತಃ | ತಾಪಸೋ ವಾ ಭವಿಷ್ಯಾಮಿ ನಿಯತೋ ವೃಕ್ಷ ಮೂಲಿಕಃ || 45 || ನ ಇತಃ ಪ್ರತಿಗಮಿಷ್ಯಾಮಿ ತಾಂ ಅದೃಷ್ಟ್ವಾ ಅಸಿತ ಈಕ್ಷಣಾಂ | ಯದಿ ಇತಃ ಪ್ರತಿಗಚ್ಛಾಮಿ ಸೀತಾಂ ಅನಧಿಗಮ್ಯ ತಾಂ || 46 || ಅಂಗದಃ ಸಹಿತೈಃ ಸರ್ವೈರ್ ವಾನರೈರ್ ನ ಭವಿಷ್ಯತಿ | ವಿನಾಶೇ ಬಹವೋ ದೋಷಾ ಜೀವನ್ ಪ್ರಾಪ್ನೋತಿ ಭದ್ರಕಂ || 47 || ತಸ್ಮಾತ್ ಪ್ರಾಣಾನ್ ಧರಿಷ್ಯಾಮಿ ಧ್ರುವೋ ಜೀವತಿ ಸಂಗಮಃ | ಏವಂ ಬಹು ವಿಧಂ ದುಹ್ಖಂ ಮನಸಾ ಧಾರಯನ್ ಮುಹುಃ || 48 || ನ ಅಧ್ಯಗಚ್ಛತ್ ತದಾ ಪಾರಂ ಶೋಕಸ್ಯ ಕಪಿ ಕುಂಜರಃ | ರಾವಣಂ ವಾ ವಧಿಷ್ಯಾಮಿ ದಶಗ್ರೀವಂ ಮಹಾ ಬಲಂ || 49 || ಕಾಮಂ ಅಸ್ತು ಹೃತಾ ಸೀತಾ ಪ್ರತ್ಯಾಚೀರ್ಣಂ ಭವಿಷ್ಯತಿ | ಅಥವಾ ಏನಂ ಸಮುತ್ಕ್ಷಿಪ್ಯ ಉಪರಿ ಉಪರಿ ಸಾಗರಂ || 50 || ರಾಮಾಯ ಉಪಹರಿಷ್ಯಾಮಿ ಪಶುಂ ಪಶು ಪತೇರ್ ಇವ | ಇತಿ ಚಿಂತಾ ಸಮಾಪನ್ನಃ ಸೀತಾಂ ಅನಧಿಗಮ್ಯ ತಾಂ || 51 || ಧ್ಯಾನ ಶೋಕಾ ಪರೀತ ಆತ್ಮಾ ಚಿಂತಯಾಂ ಆಸ ವಾನರಃ | ಯಾವತ್ ಸೀತಾಂ ನ ಪಶ್ಯಾಮಿ ರಾಮ ಪತ್ನೀಂ ಯಶಸ್ವಿನೀಂ || 52 || ತಾವದ್ ಏತಾಂ ಪುರೀಂ ಲಂಕಾಂ ವಿಚಿನೋಮಿ ಪುನಃ ಪುನಃ | ಸಂಪಾತಿ ವಚನಾಚ್ಚ ಅಪಿ ರಾಮಂ ಯದಿ ಆನಯಾಮಿ ಅಹಂ || 53 || ಅಪಶ್ಯನ್ ರಾಘವೋ ಭಾರ್ಯಾಂ ನಿರ್ದಹೇತ್ ಸರ್ವ ವಾನರಾನ್ | ಇಹ ಏವ ನಿಯತ ಆಹಾರೋ ವತ್ಸ್ಯಾಮಿ ನಿಯತ ಇಂದ್ರಿಯಃ || 54 || ನ ಮತ್ ಕೃತೇ ವಿನಶ್ಯೇಯುಃ ಸರ್ವೇ ತೇ ನರ ವಾನರಾಃ | ಅಶೋಕ ವನಿಕಾ ಚ ಅಪಿ ಮಹತೀ ಇಯಂ ಮಹಾ ದ್ರುಮಾ || 55 || ಇಮಾಂ ಅಭಿಗಮಿಷ್ಯಾಮಿ ನ ಹಿ ಇಯಂ ವಿಚಿತಾ ಮಯಾ | ವಸೂನ್ ರುದ್ರಾಂ ತಥಾ ಆದಿತ್ಯಾನ್ ಅಶ್ವಿನೌ ಮರುತೋ ಅಪಿ ಚ || 56 || ನಮಃ ಕೃತ್ವಾ ಗಮಿಷ್ಯಾಮಿ ರಕ್ಷಸಾಂ ಶೋಕ ವರ್ಧನಃ | ಜಿತ್ವಾ ತು ರಾಕ್ಷಸಾನ್ ದೇವೀಂ ಇಕ್ಷ್ವಾಕು ಕುಲ ನಂದಿನೀಂ | ಸಂಪ್ರದಾಸ್ಯಾಮಿ ರಾಮಾಯಾ ಯಥಾ ಸಿದ್ಧಿಂ ತಪಸ್ವಿನೇ || 57 || ಸ ಮುಹೂರ್ತಂ ಇವ ಧ್ಯಾತ್ವಾ ಚಿಂತಾ ವಿಗ್ರಥಿತ ಇಂದ್ರಿಯಃ | ಉದತಿಷ್ಠನ್ ಮಹಾ ಬಾಹುರ್ ಹನೂಮಾನ್ ಮಾರುತ ಆತ್ಮಜಃ || 58 || ನಮೋ ಅಸ್ತು ರಾಮಾಯ ಸಲಕ್ಷ್ಮಣಾಯ ದೇವ್ಯೈ ಚ ತಸ್ಯೈ ಜನಕ ಆತ್ಮಜಾಯೈ | ನಮೋ ಅಸ್ತು ರುದ್ರ ಇಂದ್ರ ಯಮ ಅನಿಲೇಭ್ಯೋ ನಮೋ ಅಸ್ತು ಚಂದ್ರ ಅರ್ಕ ಮರುದ್ ಗಣೇಭ್ಯಃ || 59 || ಸ ತೇಭ್ಯಃ ತು ನಮಃ ಕೃತ್ವಾ ಸುಗ್ರೀವಾಯ ಚ ಮಾರುತಿಃ | ದಿಶಃ ಸರ್ವಾಃ ಸಮಾಲೋಕ್ಯ ಅಶೋಕ ವನಿಕಾಂ ಪ್ರತಿ || 60 || ಸ ಗತ್ವಾ ಮನಸಾ ಪೂರ್ವಂ ಅಶೋಕ ವನಿಕಾಂ ಶುಭಾಂ | ಉತ್ತರಂ ಚಿಂತಯಾಂ ಆಸ ವಾನರೋ ಮಾರುತ ಆತ್ಮಜಃ || 61 || ಧ್ರುವಂ ತು ರಕ್ಷೋ ಬಹುಲಾ ಭವಿಷ್ಯತಿ ವನ ಆಕುಲಾ | ಅಶೋಕ ವನಿಕಾ ಚಿಂತ್ಯಾ ಸರ್ವ ಸಂಸ್ಕಾರ ಸಂಸ್ಕೃತಾ || 62 || ರಕ್ಷಿಣಃ ಚ ಅತ್ರ ವಿಹಿತಾ ನೂನಂ ರಕ್ಷಂತಿ ಪಾದಪಾನ್ | ಭಗವಾನ್ ಅಪಿ ಸರ್ವ ಆತ್ಮಾ ನ ಅತಿಕ್ಷೋಭಂ ಪ್ರವಾಯತಿ || 63 || ಸಂಕ್ಷಿಪ್ತೋ ಅಯಂ ಮಯಾ ಆತ್ಮಾ ಚ ರಾಮ ಅರ್ಥೇ ರಾವಣಸ್ಯ ಚ | ಸಿದ್ಧಿಂ ಮೇ ಸಂವಿಧಾಸ್ಯಂತಿ ದೇವಾಃ ಸರ್ಷಿ ಗಣಾಃ ತ್ವಿಹ || 64 || ಬ್ರಹ್ಮಾ ಸ್ವಯಂಭೂರ್ ಭಗವಾನ್ ದೇವಾಃ ಚೈವ ದಿಶಂತು ಮೇ | ಸಿದ್ಧಿಂ ಅಗ್ನಿಃ ಚ ವಾಯುಃ ಚ ಪುರು ಹೂತಃ ಚ ವಜ್ರಧೃತ್ || 65 || ವರುಣಃ ಪಾಶ ಹಸ್ತಃ ಚ ಸೋಮ ಆದಿತ್ಯೈ ತಥೈವ ಚ | ಅಶ್ವಿನೌ ಚ ಮಹಾತ್ಮಾನೌ ಮರುತಃ ಸರ್ವ ಏವ ಚ || 66 || ಸಿದ್ಧಿಂ ಸರ್ವಾಣಿ ಭೂತಾನಿ ಭೂತಾನಾಂ ಚೈವ ಯಃ ಪ್ರಭುಃ | ದಾಸ್ಯಂತಿ ಮಮ ಯೇ ಚ ಅನ್ಯೇ ಅದೃಷ್ಟಾಃ ಪಥಿ ಗೋಚರಾಃ || 67 || ತದ್ ಉನ್ನಸಂ ಪಾಂಡುರ ದಂತಂ ಅವ್ರಣಂ ಶುಚಿ ಸ್ಮಿತಂ ಪದ್ಮ ಪಲಾಶ ಲೋಚನಂ | ದ್ರಕ್ಷ್ಯೇ ತದ್ ಆರ್ಯಾ ವದನಂ ಕದಾನ್ವಹಂ ಪ್ರಸನ್ನ ತಾರಾ ಅಧಿಪ ತುಲ್ಯ ದರ್ಶನಂ || 68 || ಕ್ಷುದ್ರೇಣ ಪಾಪೇನ ನೃಶಂಸ ಕರ್ಮಣಾ ಸುದಾರುಣ ಅಲಾಂಕೃತ ವೇಷ ಧಾರಿಣಾ | ಬಲ ಅಭಿಭೂತಾ ಅಬಲಾ ತಪಸ್ವಿನೀ | ಕಥಂ ನು ಮೇ ದೃಷ್ಟ ಪಥೇ ಅದ್ಯ ಸಾ ಭವೇತ್ || 69 || || ಇತಿ ತ್ರಯೋದಶಃ ಸರ್ಗಃ ||
ಸ ಮುಹೂರ್ತಂ ಇವ ಧ್ಯಾತ್ವಾ ಮನಸಾ ಚ ಅಧಿಗಮ್ಯ ತಾಂ | ಅವಪ್ಲುತೋ ಮಹಾ ತೇಜಾ: ಪ್ರಾಕಾರಂ ತಸ್ಯ ವೇಶ್ಮನ: || 1 || ಸ ತು ಸಂಹೃಷ್ಟ ಸರ್ವ ಅಂಗ: ಪ್ರಾಕಾರಸ್ಥೋ ಮಹಾ ಕಪಿ: | ಪುಷ್ಪಿತ ಅಗ್ರಾನ್ ವಸಂತ ಆದೌ ದದರ್ಶ ವಿವಿಧಾನ್ ದ್ರುಮಾನ್ || 2 || ಸಾಲಾನ್ ಅಶೋಕಾನ್ ಭವ್ಯಾಂ ಚ ಚಂಪಕಾಂ ಚ ಸುಪುಷ್ಪಿತಾನ್ | ಉದ್ದಾಲಕಾನ್ ನಾಗ ವೃಕ್ಷಾಂ ಚೂತಾನ್ ಕಪಿ ಮುಖಾನ್ ಅಪಿ || 3 || ಅಥಾಮ್ರವಣ ಸಂಚನ್ನಾಂ ಲತಾ ಶತ ಸಮಾವೃತಾಂ | ಜ್ಯಾ ಮುಕ್ತ ಇವ ನಾರಾಚ: ಪುಪ್ಲುವೇ ವೃಕ್ಷ ವಾಟಿಕಾಂ || 4 || ಸ ಪ್ರವಿಷ್ಯ ವಿಚಿತ್ರಾಂ ತಾಂ ವಿಹಗೈರ್ ಅಭಿನಾದಿತಾಂ | ರಾಜತೈ: ಕಾಂಚನೈ: ಚೈವ ಪಾದಪೈ: ಸರ್ವತೋ ವೃತಾಂ || 5 || ವಿಹಗೈರ್ ಮೃಗ ಸಂಘೈ: ಚ ವಿಚಿತ್ರಾಂ ಚಿತ್ರ ಕಾನನಾಂ | ಉದಿತ ಆದಿತ್ಯಸಂಕಾಶಾಂ ದದರ್ಶ ಹನುಮಾನ್ ಕಪಿ: || 6 || ವೃತಾಂ ನಾನಾ ವಿಧೈರ್ ವೃಕ್ಷೈ: ಪುಷ್ಪ ಉಪಗ ಫಲ ಉಪಗೈ: | ಕೋಕಿಲೈರ್ ಭೃಂಗ ರಾಜೈ: ಚ ಮತ್ತೈರ್ ನಿತ್ಯ ನಿಷೇವಿತಾಂ || 7 || ಪ್ರಹೃಷ್ಟ ಮನುಜೇ ಕಾಲೇ ಮೃಗ ಪಕ್ಷಿ ಸಮಾಕುಲೇ | ಮತ್ತ ಬರ್ಹಿಣ ಸಂಘುಷ್ಟಾಂ ನಾನಾ ದ್ವಿಜ ಗಣ ಆಯುತಾಂ || 8 || ಮಾರ್ಗಮಾಣೋ ವರ ಆರೋಹಾಂ ರಾಜ ಪುತ್ರೀಂ ಅನಿಂದಿತಾಂ | ಸುಖ ಪ್ರಸುಪ್ತಾನ್ ವಿಹಗಾನ್ ಬೋಧಯಾಂ ಆಸ ವಾನರ: || 9 || ಉತ್ಪತದ್ಭಿರ್ ದ್ವಿಜ ಗಣೈ: ಪಕ್ಷೈ: ಸಾಲಾ: ಸಮಾಹತಾ: | ಅನೇಕ ವರ್ಣಾ ವಿವಿಧಾ ಮುಮುಚು: ಪುಷ್ಪ ವೃಷ್ಟಯ: || 10 || ಪುಷ್ಪ ಅವಕೀರ್ಣ: ಶುಶುಭೇ ಹನುಮಾನ್ ಮಾರುತ ಆತ್ಮಜ: | ಅಶೋಕ ವನಿಕಾ ಮಧ್ಯೇ ಯಥಾ ಪುಷ್ಪಮಯೋ ಗಿರಿ: || 11 || ದಿಶ: ಸರ್ವ ಅಭಿದಾವಂತಂ ವೃಕ್ಷ ಷಂಡ ಗತಂ ಕಪಿಂ | ದ್ಷ್ಟ್ವಾ ಸರ್ವಾಣಿ ಭೂತಾನಿ ವಸಂತ ಇತಿ ಮೇನಿರೇ || 12 || ವೃಕ್ಷೇಭ್ಯ: ಪತಿತೈ: ಪುಷ್ಪೈರ್ ಅವಕೀರ್ಣಾ ಪೃಥಗ್ ವಿಧೈ: | ರರಾಜ ವಸುಧಾ ತತ್ರ ಪ್ರಮದಾ ಇವ ವಿಭೂಷಿತಾ || 13 || ತರಸ್ವಿನಾ ತೇ ತರವ: ತರಸಾ ಅಭಿಪ್ರಕಂಪಿತಾ: | ಕುಸುಮಾನಿ ವಿಚಿತ್ರಾಣಿ ಸಸೃಜು: ಕಪಿನಾ ತದಾ || 14 || ನಿರ್ಧೂತ ಪತ್ರ ಶಿಖರಾ: ಶೀರ್ಣ ಪುಷ್ಪ ಫಲ ದ್ರುಮಾ: | ನಿಕ್ಷಿಪ್ತ ವಸ್ತ್ರ ಆಭರಣಾ ಧೂರ್ತಾ ಇವ ಪರಾಜಿತಾ: || 15 || ಹನೂಮತಾ ವೇಗವತಾ ಕಂಪಿತಾ: ತೇ ನಗ ಉತ್ತಮಾ: | ಪುಷ್ಪ ಪರ್ಣ ಫಲಾನಿ ಆಶು ಮುಮುಚು: ಪುಷ್ಪ ಶಾಲಿನ: || 16 || ವಿಹಂಗ ಸಂಘೈರ್ ಹೀನಾ: ತೇ ಸ್ಕಂಧ ಮಾತ್ರ ಆಶ್ರಯಾ ದ್ರುಮಾ: | ಬಭೂವುರ್ ಆಗಮಾ: ಸರ್ವೇ ಮಾರುತೇನ ಇವ ನಿರ್ಧುತಾ: || 17 || ವಿಧೂತ ಕೇಶೀ ಯುವತಿರ್ ಯಥಾ ಮೃದಿತ ವರ್ಣಿಕಾ | ನಿಷ್ಪೀತ ಶುಭ ದಂತ ಓಷ್ಠೀ ನಖೈರ್ ದಂತೈ: ಚ ವಿಕ್ಷತಾ || 18 || ತಥಾ ಲಾಂಗೂಲ ಹಸ್ತೈ: ಚ ಚರಣಾಭ್ಯಾಂ ಚ ಮರ್ದಿತಾ | ಬಭೂವ ಅಶೋಕ ವನಿಕಾ ಪ್ರಭಗ್ನ ವರ ಪಾದಪಾ || 19 || ಮಹಾ ಲತಾನಾಂ ದಾಮಾನಿ ವ್ಯಧಮತ್ ತರಸಾ ಕಪಿ: | ಯಥಾ ಪ್ರಾವೃಷಿ ವಿಂಧ್ಯಸ್ಯ ಮೇಘ ಜಾಲಾನಿ ಮಾರುತ: || 20 || ಸ ತತ್ರ ಮಣಿ ಭೂಮೀ: ಚ ರಾಜತೀ: ಚ ಮನೋರಮಾ: | ತಥಾ ಕಾಂಚನ ಭೂಮೀ: ಚ ವಿಚರನ್ ದದೃಶೇ ಕಪಿ: || 21 || ವಾಪೀ: ಚ ವಿವಿಧ ಆಕಾರಾ: ಪೂರ್ಣಾ: ಪರಮ ವಾರಿಣಾ | ಮಹಾರ್ಹೈರ್ ಮಣಿ ಸೋಪಾನೈರ್ ಉಪಪನ್ನಾ: ತತ: ತತ: || 22 || ಮುಕ್ತಾ ಪ್ರವಾಳ ಸಿಕತಾ ಸ್ಫಟಿಕ ಅಂತರ ಕುಟ್ಟಿಮಾ: | ಕಾಂಚನೈ: ತರುಭಿ: ಚಿತ್ರೈ: ತೀರಜೈರ್ ಉಪಶೋಭಿತಾ: || 23 || ಫುಲ್ಲ ಪದ್ಮ ಉತ್ಪಲ ವನಾ: ಚಕ್ರ ವಾಕ ಉಪಕೂಜಿತಾ: | ನತ್ಯೂಹ ರುತ ಸಂಘುಷ್ಟಾ ಹಂಸ ಸಾರಸ ನಾದಿತಾ: || 24 || ದೀರ್ಘಾಭಿರ್ ದ್ರುಮ ಯುಕ್ತಾಭಿ: ಸರಿದ್ಭಿ: ಚ ಸಮಂತತ: | ಅಮೃತ ಉಪಮ ತೋಯಾಭಿ: ಶಿವಾಭಿರ್ ಉಪಸಂಸ್ಕೃತಾ: || 25 || ಲತಾ ಶತೈರ್ ಅವತತಾ: ಸಂತಾನಕ ಸಮಾವೃತಾ: | ನಾನಾ ಗುಲ್ಮ ಆವೃತ ವನಾ: ಕರ ವೀರ ಕೃತ ಅಂತರಾ: || 26 || ತತೋ ಅಂಬು ಧರಸಂಕಾಶಂ ಪ್ರವೃದ್ಧ ಶಿಖರಂ ಗಿರಿಂ | ವಿಚಿತ್ರ ಕೂಟಂ ಕೂಟೈ: ಚ ಸರ್ವತ: ಪರಿವಾರಿತಂ || 27 || ಶಿಲಾ ಗೃಹೈರ್ ಅವತತಂ ನಾನಾ ವೃಕ್ಷೈ: ಸಮಾವೃತಂ | ದದರ್ಶ ಕಪಿ ಶಾರ್ದೂಲೋ ರಮ್ಯಂ ಜಗತಿ ಪರ್ವತಂ || 28 || ದದರ್ಶ ಚ ನಗಾತ್ ತಸ್ಮಾನ್ ನದೀಂ ನಿಪತಿತಾಂ ಕಪಿ: | ಅಂಕಾದ್ ಇವ ಸಮುತ್ಪತ್ಯ ಪ್ರಿಯಸ್ಯ ಪತಿತಾಂ ಪ್ರಿಯಾಂ || 29 || ಜಲೇ ನಿಪತಿತ ಅಗ್ರೈ: ಚ ಪಾದಪೈರ್ ಉಪಶೋಭಿತಾಂ | ವಾರ್ಯಮಾಣಾಂ ಇವ ಕ್ರುದ್ಧಾಂ ಪ್ರಮದಾಂ ಪ್ರಿಯ ಬಂಧುಭಿ: || 30 || ಪುನರಾವೃತ್ತ ತೋಯಾಂ ಚ ದದರ್ಶ ಸ ಮಹಾ ಕಪಿ: | ಪ್ರಸನ್ನಾಂ ಇವ ಕಾಂತಸ್ಯ ಕಾಂತಾಂ ಪುನರ್ ಉಪಸ್ಥಿತಾಂ || 31 || ತಸ್ಯ ಅದೂರಾತ್ ಸ ಪದ್ಮಿನ್ಯೋ ನಾನಾ ದ್ವಿಜ ಗಣ ಆಯುತಾ: | ದದರ್ಶ ಕಪಿ ಶಾರ್ದೂಲೋ ಹನುಮಾನ್ ಮಾರುತ ಆತ್ಮಜ: || 32 || ಕೃತ್ರಿಮಾಂ ದೀರ್ಘಿಕಾಂ ಚ ಅಪಿ ಪೂರ್ಣಾಂ ಶೀತೇನ ವಾರಿಣಾ | ಮಣಿ ಪ್ರವರ ಸೋಪಾನಾಂ ಮುಕ್ತಾ ಸಿಕತ ಶೋಭಿತಾಂ || 33 || ವಿವಿಧೈರ್ ಮೃಗ ಸಂಘೈ: ಚ ವಿಚಿತ್ರಾಂ ಚಿತ್ರ ಕಾನನಾಂ | ಪ್ರಾಸಾದೈ: ಸುಮಹದ್ಭಿ: ಚ ನಿರ್ಮಿತೈರ್ ವಿಶ್ವ ಕರ್ಮಣಾ || 34 || ಕಾನನೈ: ಕೃತ್ರಿಮೈ: ಚ ಅಪಿ ಸರ್ವತ: ಸಮಲಂಕೃತಾಂ | ಯೇ ಕೇಚಿತ್ ಪಾದಪಾ: ತತ್ರ ಪುಷ್ಪ ಉಪಗ ಫಲ ಉಪಗಾ: || 35 || ಸಚ್ಚತ್ರಾ: ಸವಿತರ್ದೀಕಾ: ಸರ್ವೇ ಸೌವರ್ಣ ವೇದಿಕಾ: | ಲತಾ ಪ್ರತಾನೈ: ಬಹುಭಿ: ಪರ್ಣೈ: ಚ ಬಹುಭಿರ್ ವೃತಾಂ || 36 || ಕಾಂಚನೀಂ ಶಿಂಶುಪಾಂ ಏಕಾಂ ದದರ್ಶ ಸ ಮಹಾ ಕಪಿ: | ವೃತಾಂ ಹೇಮಮಯೂಭಿಸ್ತು ವೇದಿಕಾಭಿ: ಸಮಂತತ: || 37 || ಸೋ ಅಪಶ್ಯದ್ ಭೂಮಿ ಭಾಗಾಂ ಚ ಗರ್ತ ಪ್ರಸ್ರವಣಾನಿ ಚ | ಸುವರ್ಣ ವೃಕ್ಷಾನ್ ಅಪರಾನ್ ದದರ್ಶ ಶಿಖಿ ಸನ್ನಿಭಾನ್ || 38 || ತೇಷಾಂ ದ್ರುಮಾಣಾಂ ಪ್ರಭಯಾ ಮೇರೋರ್ ಇವ ಮಹಾ ಕಪಿ: | ಅಮನ್ಯತ ತದಾ ವೀರ: ಕಾಂಚನೋ ಅಸ್ಮಿ ಇತಿ ವಾನರ: || 39 || ತಾಂ ಕಾಂಚನೈ: ತರು ಗಣೈರ್ ಮಾರುತೇನ ಚ ವೀಜಿತಾಂ | ಕಿಂಕಿಣೀ ಶತ ನಿರ್ಘೋಷಾಂ ದೃಷ್ಟ್ವಾ ವಿಸ್ಮಯಂ ಆಗಮತ್ || 40 || ಸ ಪುಷ್ಪಿತ ಅಗ್ರಾಂ ರುಚಿರಾಂ ತರುಣ ಅಂಕುರ ಪಲ್ಲವಾಂ | ತಾಂ ಆರುಹ್ಯ ಮಹಾ ವೇಗ: ಶಿಂಶಪಾಂ ಪರ್ಣ ಸಂವೃತಾಂ || 41 || ಇತೋ ದ್ರಕ್ಷ್ಯಾಮಿ ವೈದೇಹೀಂ ರಾಮ ದರ್ಶನ ಲಾಲಸಾಂ | ಇತ: ಚ ಇತ: ಚ ದು:ಖ ಆರ್ತಾಂ ಸಂಪತಂತೀಂ ಯದೃಚ್ಛಯಾ || 42 || ಅಶೋಕವನಿಕಾ ಚೇಯಂ ದೃಢಂ ರಮ್ಯಾ ದುರಾತ್ಮನ: | ಚಂಪಕೈ: ಚಂದನೈಶ್ಚಾಪಿ ವಕುಲೈಶ್ಚ ವಿಭೂಷಿತಾ || 43 || ಇಯಂ ಚ ನಳಿನೀ ರಮ್ಯಾ ದ್ವಿಜ ಸಂಘ ನಿಷೇವಿತಾ | ಇಮಾಂ ಸಾ ರಾಮ ಮಹಿಷೀ ನೂನಂ ಏಷ್ಯತಿ ಜಾನಕೀ || 44 || ಸಾ ರಾಮ ರಾಮ ಮಹಿಷೀ ರಾಘವಸ್ಯ ಪ್ರಿಯಾ ಸದಾ | ವನ ಸಂಚಾರ ಕುಶಲಾ ನೂನಂ ಏಷ್ಯತಿ ಜಾನಕೀ || 45 || ಅಥವಾ ಮೃಗ ಶಾವ ಅಕ್ಷೀ ವನಸ್ಯ ಅಸ್ಯ ವಿಚಕ್ಷಣಾ | ವನಂ ಏಷ್ಯತಿ ಸಾ ಚ ಇಹ ರಾಮ ಚಿಂತಾ ಅನುಕರ್ಶಿತಾ || 46 || ರಾಮ ಶೋಕ ಅಭಿಸಂತಪ್ತಾ ಸಾ ದೇವೀ ವಾಮ ಲೋಚನಾ | ವನ ವಾಸ ರತಾ ನಿತ್ಯಂ ಏಷ್ಯತೇ ವನ ಚಾರಿಣೀ || 47 || ವನೇ ಚರಾಣಾಂ ಸತತಂ ನೂನಂ ಸ್ಪೃಹಯತೇ ಪುರಾ | ರಾಮಸ್ಯ ದಯಿತಾ ಭಾರ್ಯಾ ಜನಕಸ್ಯ ಸುತಾ ಸತೀ || 48 || ಸಂಧ್ಯಾ ಕಾಲ ಮನಾ: ಶ್ಯಾಮಾ ಧ್ರುವಂ ಏಷ್ಯತಿ ಜಾನಕೀ | ನದೀಂ ಚ ಇಮಾಂ ಶಿವ ಜಲಾಂ ಸಂಧ್ಯಾ ಅರ್ಥೇ ವರ ವರ್ಣಿನೀ || 49 || ತಸ್ಯಾ: ಚ ಅಪಿ ಅನುರೂಪೇಯಂ ಅಶೋಕ ವನಿಕಾ ಶುಭಾ | ಶುಭಾ ಯಾ ಪಾರ್ಥಿವ ಇಂದ್ರಸ್ಯ ಪತ್ನೀ ರಾಮಸ್ಯ ಸಮ್ಮಿತಾ || 50 || ಯದಿ ಜಿವತಿ ಸಾ ದೇವೀ ತಾರಾ ಅಧಿಪ ನಿಭ ಆನನಾ | ಆಗಮಿಷ್ಯತಿ ಸಾ ಅವಶ್ಯಂ ಇಮಾಂ ಶಿವ ಜಲಾಂ ನದೀಂ || 51|| ಏವಂ ತು ಮತ್ವಾ ಹನುಮಾನ್ ಮಹಾತ್ಮಾ ಪ್ರತೀಕ್ಷಮಾಣೋ ಮನುಜ ಇಂದ್ರ ಪತ್ನೀಂ | ಅವೇಕ್ಷಮಾಣ: ಚ ದದರ್ಶ ಸರ್ವಂ| ಸುಪುಷ್ಪಿತೇ ಪರ್ಣ ಘನೇ ನಿಲೀನ: || 52 || || ಇತಿ ಚತುರ್ದಶ: ಸರ್ಗ: ||
ಸ ವೀಕ್ಷಮಾಣ: ತತ್ರಸ್ಥೋ ಮಾರ್ಗಮಾಣ: ಚ ಮೈಥಿಲೀಂ | ಅವೇಕ್ಷಮಾಣ: ಚ ಮಹೀಂ ಸರ್ವಾಂ ತಾಂ ಅನ್ವವೈಕ್ಷತ || 1 || ಸಂತಾನ ಕಲತಾಭಿ: ಚ ಪಾದಪೈರ್ ಉಪಶೋಭಿತಾಂ | ದಿವ್ಯ ಗಂಧ ರಸ ಉಪೇತಾಂ ಸರ್ವತ: ಸಮಲಂಕೃತಾಂ || 2 || ತಾಂ ಸ ನಂದನಸಂಕಾಶಾಂ ಮೃಗ ಪಕ್ಷಿಭಿರ್ ಆವೃತಾಂ | ಹಮ್ರ್ಯ ಪ್ರಾಸಾದ ಸಂಬಾಧಾಂ ಕೋಕಿಲ ಆಕುಲ ನಿ:ಸ್ವನಾಂ || 3 || ಕಾಂಚನ ಉತ್ಪಲ ಪದ್ಮಾಭಿ: ವಾಪೀಭಿ: ಉಪಶೋಭಿತಾಂ | ಬಹ್ವ ಆಸನ ಕುಥಾ ಉಪೇತಾಂ ಬಹು ಭೂಮಿ ಗೃಹ ಆಯುತಾಂ || 4 || ಸರ್ವ ಋತು ಕುಸುಮೈ: ರಮ್ಯೈ: ಫಲವದ್ಭಿ: ಚ ಪಾದಪೈ: | ಪುಷ್ಪಿತಾನಾಂ ಅಶೋಕಾನಾಂ ಶ್ರಿಯಾ ಸೂರ್ಯ ಉದಯ ಪ್ರಭಾಂ || 5 || ಪ್ರದೀಪ್ತಾಂ ಇವ ತತ್ರಸ್ಥೋ ಮಾರುತಿ: ಸಮುದೈಕ್ಷತ | ನಿಷ್ಪತ್ರ ಶಾಖಾಂ ವಿಹಗೈ: ಕ್ರಿಯಮಾಣಾಂ ಇವ ಅಸಕೃತ್ || 6 || ವಿನಿಷ್ಪತದ್ಭಿ: ಶತಶ: ಚಿತ್ರೈ: ಪುಷ್ಪ ಅವತಂಸಕೈ: | ಆಮೂಲ ಪುಷ್ಪ ನಿಚಿತೈರ್ ಅಶೋಕೈ: ಶೋಕ ನಾಶನೈ: || 7 || ಪುಷ್ಪ ಭಾರ ಅತಿಭಾರೈ: ಚ ಸ್ಪೃಶದ್ಭಿರ್ ಇವ ಮೇದಿನೀಂ | ಕರ್ಣಿಕಾರೈ: ಕುಸುಮಿತೈ: ಕಿಂಶುಕೈ: ಚ ಸುಪುಷ್ಪಿತೈ: || 8 || ಸ ದೇಶ: ಪ್ರಭಯಾ ತೇಷಾಂ ಪ್ರದೀಪ್ತ ಇವ ಸರ್ವತ: | ಪುನ್ನಾಗಾ: ಸಪ್ತ ಪರ್ಣಾ: ಚ ಚಂಪಕ ಉದ್ದಾಲಕಾ: ತಥಾ || 9 || ವಿವೃದ್ಧ ಮೂಲಾ ಬಹವ: ಶೋಭಂತೇ ಸ್ಮ ಸುಪುಷ್ಪಿತಾ: | ಶಾತ ಕುಂಭ ನಿಭಾ: ಕೇಚಿತ್ ಕೇಚಿದ್ ಅಗ್ನಿ ಶಿಖ ಉಪಮಾ: || 10 || ನೀಲ ಅಂಜನ ನಿಭಾ: ಕೇಚಿತ್ ತತ್ರ ಅಶೋಕಾ: ಸಹಸ್ರಶ: | ನಂದನಂ ವಿವಿಧ ಉದ್ಯಾನಂ ಚಿತ್ರಂ ಚೈತ್ರರಥಂ ಯಥಾ || 11 || ಅತಿವೃತ್ತಂ ಇವ ಅಚಿಂತ್ಯಂ ದಿವ್ಯಂ ರಮ್ಯಂ ಶ್ರಿಯಾ ವೃತಂ | ದ್ವಿತೀಯಂ ಇವ ಚ ಆಕಾಶಂ ಪುಷ್ಪ ಜ್ಯೋತಿರ್ ಗಣ ಆಯುತಂ || 12 || ಪುಷ್ಪ ರತ್ನ ಶತೈ: ಚಿತ್ರಂ ಪಂಚಮಂ ಸಾಗರಂ ಯಥಾ | ಸರ್ವ ಋತು ಪುಷ್ಪೈರ್ ನಿಚಿತಂ ಪಾದಪೈರ್ ಮಧು ಗಂಧಿಭಿ: || 13 || ನಾನಾ ನಿನಾದೈ: ಉದ್ಯಾನಂ ರಮ್ಯಂ ಮೃಗ ಗಣೈರ್ ದ್ವಿಜೈ: | ಅನೇಕ ಗಂಧ ಪ್ರವಹಂ ಪುಣ್ಯ ಗಂಧಂ ಮನೋರಮಂ || 14 || ಶೈಲ ಇಂದ್ರಂ ಇವ ಗಂಧ ಆಢ್ಯಂ ದ್ವಿತೀಯಂ ಗಂಧ ಮಾದನಂ | ಅಶೋಕ ವನಿಕಾಯಾಂ ತು ತಸ್ಯಾಂ ವಾನರ ಪುಂಗವ: || 15 || ಸ ದದರ್ಶ ಅವಿದೂರಸ್ಥಂ ಚೈತ್ಯ ಪ್ರಾಸಾದಂ ಊರ್ಜಿತಂ | ಮಧ್ಯೇ ಸ್ತಂಭ ಸಹಸ್ರೇಣ ಸ್ಥಿತಂ ಕೈಲಾಸ ಪಾಂಡುರಂ || 16 || ಪ್ರವಾಲ ಕೃತ ಸೋಪಾನಂ ತಪ್ತ ಕಾಂಚನ ವೇದಿಕಂ | ಮುಷ್ಣಂತಂ ಇವ ಚಕ್ಷೂಂಷಿ ದ್ಯೋತಮಾನಂ ಇವ ಶ್ರಿಯಾ || 17 || ವಿಮಲಂ ಪ್ರಾಂಶು ಭಾವತ್ವಾದ್ ಉಲ್ಲಿಖಂತಂ ಇವ ಅಂಬರಂ | ತತೋ ಮಲಿನ ಸಂವೀತಾಂ ರಾಕ್ಷಸೀಭಿ: ಸಮಾವೃತಾಂ || 18 || ಉಪವಾಸ ಕೃಶಾಂ ದೀನಾಂ ನಿ:ಶ್ವಸಂತೀಂ ಪುನ: ಪುನ: | ದದರ್ಶ ಶುಕ್ಲ ಪಕ್ಷ ಆದೌ ಚಂದ್ರ ರೇಖಾಂ ಇವ ಅಮಲಾಂ || 19 || ಮಂದ ಪ್ರಖ್ಯಾಯಮಾನೇನ ರೂಪೇಣ ರುಚಿರ ಪ್ರಭಾಂ | ಪಿನದ್ಧಾಂ ಧೂಮ ಜಾಲೇನ ಶಿಖಾಂ ಇವ ವಿಭಾವಸೋ: || 20 || ಪೀತೇನ ಏಕೇನ ಸಂವೀತಾಂ ಕ್ಲಿಷ್ಟೇನ ಉತ್ತಮ ವಾಸಸಾ | ಸಪಂಕಾಂ ಅನಲಂಕಾರಾಂ ವಿಪದ್ಮಾಂ ಇವ ಪದ್ಮಿನೀಂ || 21 || ವ್ರೀಡಿತಾಂ ದು:ಖ ಸಂತಪ್ತಾಂ ಪರಿಮ್ಲಾನಾಂ ತಪಸ್ವಿನೀಂ | ಗ್ರಹೇಣ ಅಂಗಾರಕೇಣ ಏವ ಪೀಡಿತಾಂ ಇವ ರೋಹಿಣೀಂ || 22 || ಅಶ್ರು ಪೂರ್ಣ ಮುಖೀಂ ದೀನಾಂ ಕೃಶಾಂ ಅನನಶೇನ ಚ | ಶೋಕ ಧ್ಯಾನ ಪರಾಂ ದೀನಾಂ ನಿತ್ಯಂ ದು:ಖ ಪರಾಯಣಾಂ || 23 || ಪ್ರಿಯಂ ಜನಂ ಅಪಶ್ಯಂತೀಂ ಪಶ್ಯಂತೀಂ ರಾಕ್ಷಸೀ ಗಣಂ | ಸ್ವ ಗಣೇನ ಮೃಗೀಂ ಹೀನಾಂ ಶ್ವ ಗಣ ಅಭಿವೃತಾಂ ಇವ || 24 || ನೀಲ ನಾಗ ಆಭಯಾ ವೇಣ್ಯಾ ಜಘನಂ ಗತಯಾ ಏಕಯಾ | ನೀಲಯಾ ನೀರದಾಪಾಯೇ ವನರಾಜ್ಯಾ ಮಹೀಮಿವ || 25 || ಸುಖ ಅರ್ಹಾಂ ದು:ಖ ಸಂತಪ್ತಾಂ ವ್ಯಸನಾನಾಂ ಅಕೋದಿವಾಂ | ತಾಂ ಸಮೀಕ್ಷ್ಯ ವಿಶಾಲಾಕ್ಷೀಂ ಅಧಿಕಂ ಮಲಿನಾಂ ಕೃಶಾಂ || 26 || ತರ್ಕಯಾಂ ಆಸ ಸೀತಾ ಇತಿ ಕಾರಣೈ: ಉಪಪಾದಿಭಿ: | ಹ್ರಿಯಮಾಣಾ ತದಾ ತೇನ ರಕ್ಷಸಾ ಕಾಮ ರೂಪಿಣಾ || 27 || ಯಥಾ ರೂಪಾ ಹಿ ದೃಷ್ಟಾ ವೈ ತಥಾ ರೂಪಾ ಇಯಂ ಅಂಗನಾ | ಪೂರ್ಣ ಚಂದ್ರ ಆನನಾಂ ಸುಭ್ರೂಂ ಚಾರು ವೃತ್ತ ಪಯೋ ಧರಾಂ || 28 || ಕುರ್ವಂತೀಂ ಪ್ರಭಯಾ ದೇವೀಂ ಸರ್ವಾ ವಿತಿಮಿರಾ ದಿಶ: | ತಾಂ ನೀಲ ಕೇಶೀಂ ಬಿಂಬ ಓಷ್ಠೀಂ ಸುಮಧ್ಯಾಂ ಸುಪ್ರತಿಷ್ಠಿತಾಂ || 29 || ಸೀತಾಂ ಪದ್ಮ ಪಲಾಶ ಅಕ್ಷೀಂ ಮನ್ಮಥಸ್ಯ ರತಿಂ ಯಥಾ | ಇಷ್ಟಾಂ ಸರ್ವಸ್ಯ ಜಗತ: ಪೂರ್ಣಚಂದ್ರಪ್ರಭಾಮಿವ || 30 || ಭೂಮೌ ಸುತನುಮಾಸೀನಾಂ ನಿಯತಾ ಮಿವ ತಾಪಸೀಂ | ನಿ:ಶ್ವಾಸ ಬಹುಳಾಂ ಭೀರುಂ ಭುಜಗ ಇಂದ್ರ ವಧೂಂ ಇವ || 31 || ಶೋಕ ಜಾಲೇನ ಮಹತಾ ವಿತತೇನ ನ ರಾಜತೀಂ | ಸಂಸಕ್ತಾಂ ಧೂಮ ಜಾಲೇನ ಶಿಖಾಂ ಇವ ವಿಭಾವಸೋ: || 32 || ತಾಂ ಸ್ಮೃತೀಂ ಇವ ಸಂದಿಘ್ದಾಂ ಋದ್ಧಿಂ ನಿಪತಿತಾಂ ಇವ | ವಿಹತಾಂ ಇವ ಚ ಶ್ರದ್ಧಾಂ ಆಶಾಂ ಪ್ರತಿಹತಾಂ ಇವ || 33 || ಸ ಉಪಸರ್ಗಾಂ ಯಥಾ ಸಿದ್ಧಿಂ ಬುದ್ಧಿಂ ಸಕಲುಷಾಂ ಇವ | ಅಭೂತೇನ ಅಪವಾದೇನ ಕೀರ್ತಿಂ ನಿಪತಿತಾಂ ಇವ || 34 || ರಾಮ ಉಪರೋಧ ವ್ಯಥಿತಾಂ ರಕ್ಷೋ ಹರಣ ಕರ್ಶಿತಾಂ | ಅಬಲಾಂ ಮೃಗ ಶಾವ ಅಕ್ಷೀಂ ವೀಕ್ಷಮಾಣಾಂ ತತ: ತತ: || 35 || ಬಾಷ್ಪ ಅಂಬು ಪ್ರತಿಪೂರ್ಣೇನ ಕೃಷ್ಣ ವಕ್ತ್ರ ಅಕ್ಷಿ ಪಕ್ಷ್ಮಣಾ | ವದನೇನ ಅಪ್ರಸನ್ನೇನ ನಿ:ಶ್ವಸಂತೀಂ ಪುನ: ಪುನ: || 36 || ಮಲ ಪಂಕ ಧರಾಂ ದೀನಾಂ ಮಂಡನ ಅರ್ಹಾಂ ಅಮಂಡಿತಾಂ | ಪ್ರಭಾಂ ನಕ್ಷತ್ರ ರಾಜಸ್ಯ ಕಾಲ ಮೇಘೈ: ಇವ ಆವೃತಾಂ || 37 || ತಸ್ಯ ಸಂದಿದಿಹೇ ಬುದ್ಧಿ: ಮುಹು: ಸೀತಾಂ ನಿರೀಕ್ಷ್ಯ ತು | ಆಮ್ನಾಯಾನಾಂ ಅಯೋಗೇನ ವಿದ್ಯಾಂ ಪ್ರಶಿಥಿಲಾಂ ಇವ || 38 || ದು:ಖೇನ ಬುಬುಧೇ ಸೀತಾಂ ಹನುಮಾನ್ ಅನಲಂಕೃತಾಂ | ಸಂಸ್ಕಾರೇಣ ಯಥಾ ಹೀನಾಂ ವಾಚಂ ಅರ್ಥ ಅಂತರಂ ಗತಾಂ || 39 || ತಾಂ ಸಮೀಕ್ಷ್ಯ ವಿಶಾಲ ಅಕ್ಷೀಂ ರಾಜ ಪುತ್ರೀಂ ಅನಿಂದಿತಾಂ | ತರ್ಕಯಾಂ ಆಸ ಸೀತಾ ಇತಿ ಕಾರಣೈ: ಉಪಪಾದಯನ್ || 40 || ವೈದೇಹ್ಯಾ ಯಾನಿ ಚ ಅಂಗೇಷು ತದಾ ರಾಮೋ ಅನ್ವಕೀರ್ತಯತ್ | ತಾನಿ ಆಭರಣ ಜಾಲಾನಿ ಗಾತ್ರ ಶೋಭೀನಿ ಅಲಕ್ಷಯತ್ || 41 || ಸುಕೃತೌ ಕರ್ಣ ವೇಷ್ಟೌ ಚ ಶ್ವ ದಂಷ್ಟ್ರೌ ಚ ಸುಸಂಸ್ಥಿತೌ | ಮಣಿ ವಿದ್ರುಮ ಚಿತ್ರಾಣಿ ಹಸ್ತೇಷ್ವಾಭರಣಾನಿ ಚ || 42 || ಶ್ಯಾಮಾನಿ ಚಿರ ಯುಕ್ತತ್ವಾತ್ ತಥಾ ಸಂಸ್ಥಾನವಂತಿ ಚ | ತಾನಿ ಏವ ಏತಾನಿ ಮನ್ಯೇ ಅಹಂ ಯಾನಿ ರಾಮೋ ಅನ್ವಕೀರ್ತಯತ್ || 43 || ತತ್ರ ಯಾನಿ ಅವಹೀನಾನಿ ತಾನಿ ಅಹಂ ನ ಉಪಲಕ್ಷಯೇ | ಯಾನಿ ಅಸ್ಯಾ ನ ಅವಹೀನಾನಿ ತಾನಿ ಇಮಾನಿ ನ ಸಂಶಯ: || 44 || ಪೀತಂ ಕನಕ ಪಟ್ಟಾಭಂ ಸ್ರಸ್ತಂ ತದ್ ವಸನಂ ಶುಭಂ | ಉತ್ತರೀಯಂ ನಗ ಆಸಕ್ತಂ ತದಾ ದೃಷ್ಟಂ ಪ್ಲವಂಗಮೈ: || 45 || ಭೂಷಣಾನಿ ಚ ಮುಖ್ಯಾನಿ ದೃಷ್ಟಾನಿ ಧರಣೀ ತಲೇ | ಅನಯಾ ಏವ ಅಪವಿದ್ಧಾನಿ ಸ್ವನವಂತಿ ಮಹಾಂತಿ ಚ || 46 || ಇದಂ ಚಿರ ಗೃಹೀತತ್ವಾದ್ ವಸನಂ ಕ್ಲಿಷ್ಟವತ್ತರಂ | ತಥಾಪಿ ನೂನಂ ತದ್ ವರ್ಣಂ ತಥಾ ಶ್ರೀಮದ್ ಯಥಾ ಇತರತ್ || 47 || ಇಯಂ ಕನಕ ವರ್ಣ ಅಂಗೀ ರಾಮಸ್ಯ ಮಹಿಷೀ ಪ್ರಿಯಾ | ಪ್ರನಷ್ಟಾ ಅಪಿ ಸತೀ ಯಸ್ಯ ಮನಸೋ ನ ಪ್ರಣಶ್ಯತಿ || 48 || ಇಯಂ ಸಾ ಯತ್ ಕೃತೇ ರಾಮ: ಚತುರ್ಭಿ: ಪರಿತಪ್ಯತೇ | ಕಾರುಣ್ಯೇನ ಆನೃಶಂಸ್ಯೇನ ಶೋಕೇನ ಮದನೇನ ಚ || 49 || ಸ್ತ್ರೀ ಪ್ರನಷ್ಟಾ ಇತಿ ಕಾರುಣ್ಯಾದ್ ಆಶ್ರಿತಾ ಇತಿ ಆನೃಶಂಸ್ಯತ: | ಪತ್ನೀ ನಷ್ಟಾ ಇತಿ ಶೋಕೇನ ಪ್ರಿಯೇತಿ ಮದನೇನ ಚ || 50 || ಅಸ್ಯಾ ದೇವ್ಯಾ ಯಥಾ ರೂಪಂ ಅನ್ಗ ಪ್ರತ್ಯಂಗ ಸೌಷ್ಠವಂ | ರಾಮಸ್ಯ ಚ ಯಥಾ ರೂಪಂ ತಸ್ಯ ಇಯಂ ಅಸಿತ ಈಕ್ಷಣಾ || 51 || ಅಸ್ಯಾ ದೇವ್ಯಾ ಮನ: ತಸ್ಮಿಂ ತಸ್ಯ ಚ ಅಸ್ಯಾಂ ಪ್ರತಿಷ್ಠಿತಂ | ತೇನ ಇಯಂ ಸ ಚ ಧರ್ಮ ಆತ್ಮಾ ಮುಹೂರ್ತಂ ಅಪಿ ಜೀವತಿ || 52 || ದುಷ್ಕರಂ ಕೃತವಾರಾನ್ಮೋ ಹೀನೋ ಯದನಯಾ ಪ್ರಭು: | ಧಾರಯತ್ಯಾತ್ಮನೋ ದೇಹಂ ನ ಶೋಕೇನಾವಸೀದತಿ || 53 || ದುಷ್ಕರಂ ಕುರುತೇ ರಾಮೋ ಇಮಾಂ ಮತ್ತ ಕಾಶಿನೀಂ | ವಿನಾ ಸೀತಾಂ ಮಹಾ ಬಾಹು: ಮುಹೂರ್ತಂ ಅಪಿ ಜೀವತಿ || 54 || ಏವಂ ಸೀತಾಂ ತದಾ ದೃಷ್ಟ್ವಾ ಹೃಷ್ಟ: ಪವನ ಸಂಭವ: | ಜಗಾಮ ಮನಸಾ ರಾಮಂ ಪ್ರಶಶಂಸ ಚ ತಂ ಪ್ರಭುಂ || 55 || || ಇತಿ ಪಂಚದಶ: ಸರ್ಗ: ||
ಪ್ರಶಸ್ಯ ತು ಪ್ರಶಸ್ತವ್ಯಾಂ ಸೀತಾಂ ತಾಂ ಹರಿ ಪುಂಗವ: | ಗುಣ ಅಭಿರಾಮಂ ರಾಮಂ ಚ ಪುನ: ಚಿಂತಾ ಪರೋ ಅಭವತ್ || 1 || ಸ ಮುಹೂರ್ತಂ ಇವ ಧ್ಯಾತ್ವಾ ಬಾಷ್ಪ ಪರ್ಯಾಕುಲೇಕ್ಷಣ: | ಸೀತಾಂ ಆಶ್ರಿತ್ಯ ತೇಜಸ್ವೀ ಹನುಮಾನ್ ವಿಲಲಾಪ ಹ || 2 || ಮಾನ್ಯಾ ಗುರು ವಿನೀತಸ್ಯ ಲಕ್ಷ್ಮಣಸ್ಯ ಗುರು ಪ್ರಿಯಾ | ಯದಿ ಸೀತಾ ಅಪಿ ದು:ಖ ಆರ್ತಾ ಕಾಲೋ ಹಿ ದುರತಿಕ್ರಮ: || 3 || ರಾಮಸ್ಯ ವ್ಯವಸಾಯಜ್ಞಾ ಲಕ್ಷ್ಮಣಸ್ಯ ಚ ಧೀಮತ: | ನ ಅತ್ಯರ್ಥಂ ಕ್ಷುಭ್ಯತೇ ದೇವೀ ಗಂಗಾ ಇವ ಜಲದ ಆಗಮೇ || 4 || ತುಲ್ಯ ಶೀಲ ವಯೋ ವೃತ್ತಾಂ ತುಲ್ಯ ಅಭಿಜನ ಲಕ್ಷಣಾಂ | ರಾಘವೋ ಅರ್ಹತಿ ವೈದೇಹೀಂ ತಂ ಚ ಇಯಂ ಅಸಿತ ಈಕ್ಷಣಾ || 5 || ತಾಂ ದೃಷ್ಟ್ವಾ ನವ ಹೇಮ ಆಭಾಂ ಲೋಕ ಕಾಂತಾಂ ಇವ ಶ್ರಿಯಂ | ಜಗಾಮ ಮನಸಾ ರಾಮಂ ವಚನಂ ಚ ಇದಂ ಅಬ್ರವೀತ್ || 6 || ಅಸ್ಯಾ ಹೇತೋರ್ ವಿಶಾಲ ಅಕ್ಷ್ಯಾ ಹತೋ ವಾಲೀ ಮಹಾ ಬಲ: | ರಾವಣ ಪ್ರತಿಮೋ ವೀರ್ಯೇ ಕಬಂಧ: ಚ ನಿಪಾತಿತ: || 7 || ವಿರಾಧ: ಚ ಹತ: ಸಂಖ್ಯೇ ರಾಕ್ಷಸೋ ಭೀಮ ವಿಕ್ರಮ: | ವನೇ ರಾಮೇಣ ವಿಕ್ರಮ್ಯ ಮಹಾ ಇಂದ್ರೇಣ ಇವ ಶಂಬರ: || 8 || ಚತುರ್ದಶ ಸಹಸ್ರಾಣಿ ರಕ್ಷಸಾಂ ಭೀಮ ಕರ್ಮಣಾಂ | ನಿಹತಾನಿ ಜನ ಸ್ಥಾನೇ ಶರೈ: ಅಗ್ನಿ ಶಿಖ ಉಪಮೈ: || 9 || ಕರ: ಚ ನಿಹತ: ಸಂಖ್ಯೇ ತ್ರಿಶಿರಾ: ಚ ನಿಪಾತಿತ: | ದೂಷಣ: ಚ ಮಹಾ ತೇಜಾ ರಾಮೇಣ ವಿದಿತ ಆತ್ಮನಾ || 10 || ಐಶ್ವರ್ಯಂ ವಾನರಾಣಾಂ ಚ ದುರ್ಲಭಂ ವಾಲಿ ಪಾಲಿತಂ | ಅಸ್ಯಾ ನಿಮಿತ್ತೇ ಸುಗ್ರೀವ: ಪ್ರಾಪ್ತವಾನ್ ಲೋಕ ಸತ್ಕೃತಂ || 11 || ಸಾಗರ: ಚ ಮಯಾ ಕ್ರಾಂತ: ಶ್ರೀಮಾನ್ ನದ ನದೀ ಪತಿ: | ಅಸ್ಯಾ ಹೇತೋರ್ ವಿಶಾಲ ಅಕ್ಷ್ಯಾ: ಪುರೀ ಚ ಇಯಂ ನಿರೀಕ್ಷಿತಾ || 12 || ಯದಿ ರಾಮ: ಸಮುದ್ರಾಂತಾಂ ಮೇದಿನೀಂ ಪರಿವರ್ತಯೇತ್ | ಅಸ್ಯಾ: ಕೃತೇ ಜಗತ್ ಚ ಅಪಿ ಯುಕ್ತಂ ಇತಿ ಏವ ಮೇ ಮತಿ: || 13 || ರಾಜ್ಯಂ ವಾ ತ್ರಿಷು ಲೋಕೇಷು ಸೀತಾ ವಾ ಜನಕ ಆತ್ಮಜಾ | ತ್ರೈಲೋಕ್ಯ ರಾಜ್ಯಂ ಸಕಲಂ ಸೀತಾಯಾ ನ ಆಪ್ನುಯಾತ್ ಕಲಾಂ || 14 || ಇಯಂ ಸಾ ಧರ್ಮ ಶೀಲಸ್ಯ ಜನಕಸ್ಯ ಮಹಾತ್ಮನ: | ಸುತಾ ಮೈಥಿಲರಾಜಸ್ಯ ಸೀತಾ ಭರ್ತೃದೃಢ ವ್ರತಾ || 15 || ಉತ್ಥಿತಾ ಮೇದಿನೀಂ ಭಿತ್ತ್ವಾ ಕ್ಷೇತ್ರೇ ಹಲ ಮುಖ ಕ್ಷತೇ | ಪದ್ಮ ರೇಣು ನಿಭೈ: ಕೀರ್ಣಾ ಶುಭೈ: ಕೇದಾರ ಪಾಂಸುಭಿ: || 16 || ವಿಕ್ರಾಂತಸ್ಯ ಆರ್ಯ ಶೀಲಸ್ಯ ಸಂಯುಗೇಷು ಅನಿವರ್ತಿನ: | ಸ್ನುಷಾ ದಶರಥಸ್ಯ ಏಷಾ ಜ್ಯೇಷ್ಠಾ ರಾಜ್ಞೋ ಯಶಸ್ವಿನೀ || 17 || ಧರ್ಮಜ್ಞಸ್ಯ ಕೃತಜ್ಞಸ್ಯ ರಾಮಸ್ಯ ವಿದಿತ ಆತ್ಮನ: | ಇಯಂ ಸಾ ದಯಿತಾ ಭಾರ್ಯಾ ರಾಕ್ಷಸೀ ವಶಂ ಆಗತಾ || 18 || ಸರ್ವಾನ್ ಭೋಗಾನ್ ಪರಿತ್ಯಜ್ಯ ಭರ್ತೃ ಸ್ನೇಹ ಬಲಾತ್ ಕೃತಾ | ಅಚಿಂತಯಿತ್ವಾ ದು:ಖಾನಿ ಪ್ರವಿಷ್ಟಾ ನಿರ್ಜನಂ ವನಂ || 19 || ಸಂತುಷ್ಟಾ ಫಲ ಮೂಲೇನ ಭರ್ತೃ ಶುಶ್ರೂಷಣಾ ಪರಾ | ಯಾ ಪರಾಂ ಭಜತೇ ಪ್ರೀತಿಂ ವನೇ ಅಪಿ ಭವನೇ ಯಥಾ || 20 || ಸಾ ಇಯಂ ಕನಕ ವರ್ಣ ಅಂಗೀ ನಿತ್ಯಂ ಸುಸ್ಮಿತ ಭಾಷಿಣೀ | ಸಹತೇ ಯಾತನಾಂ ಏತಾಂ ಅನರ್ಥಾನಾಂ ಅಭಾಗಿನೀ || 21 || ಇಮಾಂ ತು ಶೀಲ ಸಂಪನ್ನಾಂ ದ್ರಷ್ಟುಂ ಇಚ್ಛತಿ ರಾಘವ: | ರಾವಣೇನ ಪ್ರಮಥಿತಾಂ ಪ್ರಪಾಂ ಇವ ಪಿಪಾಸಿತ: || 22 || ಅಸ್ಯಾ ನೂನಂ ಪುನರ್ಲಾಭಾದ್ ರಾಘವ: ಪ್ರೀತಿಂ ಏಷ್ಯತಿ | ರಾಜಾ ರಾಜ್ಯ ಪರಿಭ್ರಷ್ಟ: ಪುನ: ಪ್ರಾಪ್ಯ ಇವ ಮೇದಿನೀಂ || 23 || ಕಾಮ ಭೋಗೈ: ಪರಿತ್ಯಕ್ತಾ ಹೀನಾ ಬಂಧು ಜನೇನ ಚ | ಧಾರಯತಿ ಆತ್ಮನೋ ದೇಹಂ ತತ್ ಸಮಾಗಮ ಕಾಂಕ್ಷಿಣೀ || 24 || ನ ಏಷಾ ಪಶ್ಯತಿ ರಾಕ್ಷಸ್ಯೋ ನ ಇಮಾನ್ ಪುಷ್ಪ ಫಲ ದ್ರುಮಾನ್ | ಏಕಸ್ಥ ಹೃದಯಾ ನೂನಂ ರಾಮಂ ಏವ ಅನುಪಶ್ಯತಿ || 25 || ಭರ್ತಾ ನಾಮ ಪರಂ ನಾರ್ಯಾ ಭೂಷಣಂ ಭೂಷಣಾದ್ ಅಪಿ | ಏಷಾ ಹಿ ರಹಿತಾ ತೇನ ಶೋಭನ ಅರ್ಹಾ ನ ಶೋಭತೆ || 26 || ದುಷ್ಕರಂ ಕುರುತೇ ರಾಮೋ ಹೀನೋ ಯದ್ ಅನಯಾ ಪ್ರಭು: | ಧಾರಯತಿ ಆತ್ಮನೋ ದೇಹಂ ನ ದು:ಖೇನ ಅವಸೀದತಿ || 27 || ಇಮಾಂ ಅಸಿತ ಕೇಶ ಅಂತಾಂ ಶತ ಪತ್ರ ನಿಭ ಈಕ್ಷಣಾಂ | ಸುಖ ಅರ್ಹಾಂ ದು:ಖಿತಾಂ ಜ್ಞಾತ್ವಾ ಮಮ ಅಪಿ ವ್ಯಥಿತಂ ಮನ: || 28 || ಕ್ಷಿತಿ ಕ್ಷಮಾ ಪುಷ್ಕರ ಸನ್ನಿಭ ಅಕ್ಷೀ ಯಾ ರಕ್ಷಿತಾ ರಾಘವ ಲಕ್ಷ್ಮಣಾಭ್ಯಾಂ | ಸಾ ರಾಕ್ಷಸೀಭಿರ್ ವಿಕೃತ ಈಕ್ಷಣಾಭಿ: | ಸಮ್ರಕ್ಷ್ಯತೇ ಸಂಪ್ರತಿ ವೃಕ್ಷ ಮೂಲೇ || 29 || ಹಿಮ ಹತ ನಳಿನೀ ಇವ ನಷ್ಟ ಶೋಭಾ ವ್ಯಸನ ಪರಂಪರಯಾ ನಿಪೀಡ್ಯಮಾನಾ | ಸಹ ಚರ ರಹಿತಾ ಇವ ಚಕ್ರ ವಾಕೀ ಜನಕ ಸುತಾ ಕೃಪಣಾಂ ದಶಾಂ ಪ್ರಪನ್ನಾ || 30 || ಅಸ್ಯಾ ಹಿ ಪುಷ್ಪ ಅವನತ ಅಗ್ರ ಶಾಖಾ: ಶೋಕಂ ದೃಢಂ ವೈ ಜನಯತಿ ಅಶೋಕಾ: | ಹಿಮ ವ್ಯಪಾಯೇನ ಚ ಶೀತರಶ್ಮಿ: ರಭ್ಯುತ್ಥಿತೋ ನ ಏಕ ಸಹಸ್ರ ರಶ್ಮಿ: || 31 || ಇತಿ ಏವಂ ಅರ್ಥಂ ಕಪಿರ್ ಅನ್ವವೇಕ್ಷ್ಯ ಸೀತಾ ಇಯಂ ಇತಿ ಏವ ನಿವಿಷ್ಟ ಬುದ್ಧಿ: | ಸಂಶ್ರಿತ್ಯ ತಸ್ಮಿನ್ ನಿಷಸಾದ ವೃಕ್ಷೇ ಬಲೀ ಹರೀಣಾಂ ಋಷಭ: ತರಸ್ವೀ || 32 || || ಇತಿ ಷೋಡಶ: ಸರ್ಗ: ||
ತತ: ಕುಮುದಷಂಡಾಭೋ ನಿರ್ಮಲಂ ನಿರ್ಮಲೋದಯ: | ಪ್ರಜಗಾಮ ನಭಶ್ಚಂದ್ರೋ ಹಂಸೋ ನೀಲಮಿವೋದಕಂ || 1 || ಸಾಚಿವ್ಯಮಿವ ಕುರ್ವನ್ ಸ ಪ್ರಭಯಾ ನಿರ್ಮಲಪ್ರಭ: | ಚಂದ್ರಮಾ ರಶ್ಮಭಿ: ಶೀತೈ: ಸಿಷೇವೇ ಪವನಾತ್ಮಜಂ || 2 || ಸ ದದರ್ಶ ತತ: ಸೀತಾಂ ಪೂರ್ಣಚಂದ್ರನಿಭಾನನಾಂ | ಶೋಕಭಾರೈರಿವ ನ್ಯಸ್ತಾಂ ಭಾರೈರ್ನಾವಮಿವಾಂಭಸಿ || 3 || ದಿದೃಕ್ಷಮಾಣೋ ವೈದೇಹೀಂ ಹನುಮಾನ್ ಮಾರುತಾತ್ಮಜ: | ಸ ದದರ್ಶಾವಿದೂರಸ್ಥಾ ರಾಕ್ಷಸೀರ್ಘೋರದರ್ಶನಾ: || 4 || ಏಕಾಕ್ಷೀಮೇಕಕರ್ಣಾಂ ಚ ಕರ್ಣಪ್ರಾವರಣಾಂ ತಥಾ | ಅಕರ್ಣಾಂ ಶಂಕುಕರ್ಣಾಂ ಚ ಮಸ್ತಕೋಚ್ಛ್ವಾಸನಾಸಿಕಾಂ || 5 || ಅತಿಕಾಯೋತ್ತಮಾಂಗೀಂ ಚ ತನುದೀರ್ಘಶಿರೋಧರಾಂ | ಧ್ವಸ್ತಕೇಶೀಂ ತಥಾಕೇಶೀಂ ಕೇಶಕಂಬಲಧಾರಿಣೀಂ || 6 || ಲಂಬಕರ್ಣಲಲಾಟಾಂ ಚ ಲಂಬೋದರಪಯೋಧರಾಂ | ಲಂಬೋಷ್ಠೀಂ ಚುಬುಕೋಷ್ಠೀಂ ಚ ಲಂಬಾಸ್ಯಾಂ ಲಂಬಜಾನುಕಾಂ || 7 || ಹ್ರಸ್ವಾಂ ದೀರ್ಘಾಂ ಚ ಕುಬ್ಜಾಂ ವಿಕಟಾಂ ವಾಮನಾಂ ತಥಾ | ಕರಾಳಾಂ ಭುಗ್ನವಕ್ತ್ರಾಂ ಚ ಪಿಂಗಾಕ್ಷೀಂ ವಿಕೃತಾನನಾಂ || 8 || ವಿಕೃತಾ: ಪಿಂಗಳಾ: ಕಾಲೀ: ಕ್ರೋಧನಾ: ಕಲಹಪ್ರಿಯಾ: | ಕಾಲಾಯಸ ಮಹಾಶೂಲ ಕೂಟಮುದ್ಗಧಾರಿಣೀ: || 9 || ವರಾಹ ಮೃಗ ಶಾರ್ದೂಲ ಮಹಿಷಾಜ ಶಿವಾಮುಖೀ: | ಗಜೋಷ್ಟ್ರ ಹಯಪಾದೀಶ್ಚ ನಿಖಾತಶಿರಸೋಪರಾ: || 10 || ಏಕಹಸ್ತೈಕಪಾದಾಶ್ಚ ಖರಕಣ್ರ್ಯಶ್ವಕರ್ಣಿಕಾ: | ಗೋಕರ್ಣೀ: ಹಸ್ತಿಕರ್ಣೀಶ್ಚ ಹರಿಕರ್ಣೀಸ್ತಥಾಪರಾ: || 11 || ಅತಿನಾಸಾಶ್ಚ ತಿರ್ಯನ್ನಾಸಾ ಅನಾಸಿಕಾ: | ಗಜಸನ್ನಿಭನಾಸಾಶ್ಚ ಲಲಾಟೋಚ್ಛ್ವಾಸನಾಸಿಕಾ: || 12 || ಹಸ್ತಿಪಾದಾ ಮಹಾಪಾದಾ ಗೋಪಾದಾ: ಪಾದಚೂಳಿಕಾ: | ಅತಿಮಾತ್ರಶಿರೋಗ್ರೀವಾ ಅತಿಮಾತ್ರಕುಚೋದರೀ: || 13 || ಅತಿಮಾತ್ರಸ್ಯನೇತ್ರಾಶ್ಚ ದೀರ್ಘಜಿಹ್ವಾನಖಾಸ್ತಥಾ | ಅಜಾಮುಖೀ: ಹಸ್ತಿಮುಖೀ: ಗೋಮುಖಾ: ಸೂಕರೀಮುಖೀ: || 14 || ಹಯೋಷ್ಟ್ರಖರವಕ್ತ್ರಾಶ್ಚ ರಾಕ್ಷಸೀರ್ಘೋರದರ್ಶನಾ: | ಶೂಲಮುದ್ಗರಹಸ್ತಾಶ್ಚ ಕ್ರೋಧನಾ: ಕಲಹಪ್ರಿಯಾ: || 15 || ಕರಾಳಾ ಧೂಮ್ರಕೇಶೀಶ್ಚ ರಾಕ್ಷಸೀ: ವಿಕೃತಾನನಾ: | ಪಿಬಂತೀ: ಸತತಂ ಪಾನಂ ಸದಾ ಮಾಂ ಸಸುರಾಪ್ರಿಯಾ: || 16 || ಮಾಂಸಶೋಣಿತದಿಗ್ಧಾಂಗೀ: ಮಾಂಸಶೋಣಿತಭೋಜನಾ: | ತಾ ದದರ್ಶ ಕಪಿಶ್ರೇಷ್ಠೋ ರೋಮಹರ್ಷಣದರ್ಶನಾ: || 17 || ಸ್ಕಂಧವಂತಂ ಉಪಾಸೀನಾ: ಪರಿವಾರ್ಯ ವನಸ್ಪತಿಂ | ತಸ್ಯಾಧಸ್ತಾಚ್ಚ ತಾಂ ದೇವೀಂ ರಾಜಪುತ್ರೀಂ ಅನಿಂದಿತಾಂ || 18 || ಲಕ್ಷಯಾಮಾಸ ಲಕ್ಷ್ಮೀವಾನ್ ಹನುಮಾನ್ ಜನಕಾತ್ಮಜಾಂ | ನಿಷ್ಪ್ರಭಾಂ ಶೋಕಸಂತಪ್ತಾಂ ಮಲಸಂಕುಲ ಮೂರ್ಧಜಾಂ || 19 || ಕ್ಷೀಣಪುಣ್ಯಾಂ ಚ್ಯುತಾಂ ಭೂಮೌ ತಾರಾಂ ನಿಪತಿತಾಮಿವ | ಚಾರಿತ್ರವ್ಯಪದೇಶಾಢ್ಯಾಂ ಭರ್ತೃದರ್ಶನದುರ್ಗತಾಂ || 20 || ಭೂಷಣೈ: ಉತ್ತಮೋರ್ಹೀನಾಂ ಭರ್ತೃವಾತ್ಸಲ್ಯಭೂಷಣಾಂ | ರಾಕ್ಷಸಾಧಿಪಸಂರುದ್ಧಾಂ ಬಂಧುಭಿಶ್ಚ ವಿನಾ ಕೃತಾಂ || 21 || ವಿಯೂಥಾಂ ಸಿಂಹಸಂರುದ್ಧಾಂ ಬದ್ಧಾಂ ಗಜವಧೂಮಿವ | ಚಂದ್ರರೇಖಾಂ ಪಯೋದಾಂತೇ ಶಾರದಾಭ್ರೈರಿವಾವೃತಾಂ || 22 || ಕ್ಲಿಷ್ಟ ರೂಪಾಮಸಂಸ್ಪರ್ಶಾದಯುಕ್ತಾಮಿವ ವಲ್ಲಕೀಂ | ಸ ತಾಂ ಭರ್ತವಶೇ ಯುಕ್ತಾಮಯುಕ್ತಾಂ ರಾಕ್ಷಸೀವಶೇ || 23 || ಅಶೋಕವನಿಕಾಮಧ್ಯೇ ಶೋಕಸಾಗರಮಾಪ್ಲುತಾಂ | ತಾಭಿ: ಪರಿವೃತಾಂ ತತ್ರ ಸಗ್ರಹಾಮಿವ ರೋಹಿಣೀಂ || 24 || ದದರ್ಶ ಹನುಮಾನ್ ದೇವೀಂ ಲತಾಮಕುಸುಮಾಮಿವ | ಸಾ ಮಲೇನ ಚ ದಿಗ್ಧಾಂಗೀವಪುಷಾ ಚಾಪ್ಯಲಂಕೃತಾ || 25 || ಮೃಣಾಲೀ ಪಂಕದಿಗ್ಧೇವ ವಿಭಾತಿ ಚ ನ ಭಾತಿ ಚ | ಮಲಿನೇನ ತು ವಸ್ತ್ರೇಣ ಪರಿಕ್ಲಿಷ್ಟೇನ ಭಾಮಿನೀಂ || 26 || ಸಂವೃತಾಂ ಮೃಗಶಾಬಾಕ್ಷೀಂ ದದರ್ಶ ಹನುಮಾನ್ ಕಪಿ: | ತಾಂ ದೇವೀಂ ದೀನವದನಾಮದೀನಾಂ ಭರ್ತೃತೇಜಸಾ || 27 || ರಕ್ಷಿತಾಂ ಸ್ವೇನ ಶೀಲೇನ ಸೀತಾಮಸಿತಲೋಚನಾಂ | ತಾಂ ದೃಷ್ಟ್ವಾ ಹನುಮಾನ್ ಸೀತಾಂ ಮೃಗಶಾವನಿಭೇಕ್ಷಣಾಂ || 28 || ಮೃಗಕನ್ಯಾಮಿವ ತ್ರಸ್ತಾಂ ವೀಕ್ಷಮಾಣಾಂ ಸಮಂತತ: | ದಹಂತೀಮಿವ ನಿ:ಶ್ವಾಸೈ: ವೃಕ್ಷಾನ್ ಪಲ್ಲವಧಾರಿಣ: || 29 || ಸಂಘಾತಮಿವ ಶೋಕಾನಾಂ ದು:ಖಸ್ಯೋರ್ಮಿಮಿವೋತ್ಥಿತಾಂ | ತಾಂ ಕ್ಷಮಾಂ ಸುವಿಭಕ್ತಾಂಗೀಂ ವಿನಾಭರಣಶೋಭಿನೀಂ || 30 || ಪ್ರಹರ್ಷಮತುಲಂ ಲೇಭೇ ಮಾರುತಿ: ಪ್ರೇಕ್ಷ್ಯ ಮೈಥಿಲೀಂ | ಹರ್ಷಜಾನಿ ಚ ಸೋ„ಶ್ರೂಣಿ ತಾಂ ದೃಷ್ಟ್ವಾ ಮದಿರೇಕ್ಷಣಾಂ | ಮುಮುಚೇ ಹನುಮಾನ್ ತತ್ರ ನಮಶ್ಚಕ್ರೇ ಚ ರಾಘವಂ || 31 || ನಮಸ್ಕೃತ್ವಾ ಸ ರಾಮಾಯ ಲಕ್ಷ್ಮಣಾಯ ಚ ವೀರ್ಯವಾನ್ | ಸೀತಾದರ್ಶನಸಂಹೃಷ್ಟೋ ಹನುಮಾನ್ ಸಂವೃತೋ„ಭವತ್ || 32 || || ಇತಿ ಸಪ್ತದಶ: ಸರ್ಗ: ||
ತಥಾ ವಿಪ್ರೇಕ್ಷಮಾಣಸ್ಯ ವನಂ ಪುಷ್ಪಿತಪಾದಪಂ | ವಿಚಿನ್ವತಶ್ಚ ವೈದೇಹೀಂ ಕಿಂ ಚಿಚ್ಛೇಷಾ ನಿಶಾಭವತ್ || 1 || ಷಡಂಗವೇದವಿದುಷಾಂ ಕ್ರತುಪ್ರವರಯಾಜಿನಾಂ | ಶುಶ್ರಾವ ಬ್ರಹ್ಮಘೋಷಾಂಶ್ಚ ವಿರಾತ್ರೇ ಬ್ರಹ್ಮರಕ್ಷಸಾಂ || 2 || ಅಥ ಮಂಗಳವಾದಿತ್ರೈ: ಶಬ್ದೈ: ಶ್ರೋತ್ರಮನೋಹರೈ: | ಪ್ರಾಬುಧ್ಯತ ಮಹಾಬಾಹುರ್ದಶಗ್ರೀವೋ ಮಹಾಬಲ: || 3 || ವಿಬುಧ್ಯ ತು ಯಥಾಕಾಲಂ ರಾಕ್ಷಸೇಂದ್ರ: ಪ್ರತಾವಪಾನ್ | ಸ್ರಸ್ತಮಾಲ್ಯಾಂಬರಧರೋ ವೈದೇಹೀಂ ಅನ್ವಚಿಂತಯತ್ || 4 || ಭೃಶಂ ನಿಯುಕ್ತಸ್ತಸ್ಯಾಂ ಚ ಮದನೇನ ಮದೋತ್ಕಟ: | ನ ಸ ತಂ ರಾಕ್ಷಸ: ಕಾಮಂ ಶಶಾಕಾತ್ಮನಿ ಗೂಹಿತುಂ || 5 || ಸ ಸರ್ವಾಭರಣೈರ್ಯುಕ್ತೋ ಬಿಭ್ರಚ್ಛ್ರಿಯಮನುತ್ತಮಾಂ | ತಾಂ ನಗೈರ್ವಿವಿಧೈರ್ಜುಷ್ಟಾಂ ಸರ್ವಪುಷ್ಪಫಲೋಪಗೈ: || 6 || ವೃತಾಂ ಪುಷ್ಕರಿಣೀಭಿಶ್ಚ ನಾನಾಪುಷ್ಪೋಪಶೋಭಿತಾಂ | ಸದಾಮದೈಶ್ಚ ವಿಹಗೈರ್ವಿಚಿತ್ರಾಂ ಪರಮಾದ್ಭುತಾಂ || 7 || ಈಹಾಮೃಗೈಶ್ಚ ವಿವಿಧೈಶ್ವೃತಾಂ ದೃಷ್ಟಿಮನೋಹರೈ: | ವೀಥೀ: ಸಂಪ್ರೇಕ್ಷಮಾಣಶ್ಚ ಮಣಿಕಾಂಚನತೋರಣಾ: || 8 || ನಾನಾಮೃಗಗಣಾಕೀರ್ಣಾಂ ಫಲೈ: ಪ್ರಪತಿತೈರ್ವೃತಾಂ | ಅಶೋಕವನಿಕಾಮೇವ ಪ್ರಾವಿಶತ್ಸಂತತದ್ರುಮಾಂ || 9 || ಅಂಗನಾಶತಮಾತ್ರಂ ತು ತಂ ವ್ರಜಂತಮನುವ್ರಜತ್ | ಮಹೇಂದ್ರಮಿವ ಪೌಲಸ್ತ್ಯಂ ದೇವಗಂಧರ್ವಯೋಷಿತ: || 10 || ದೀಪಿಕಾ: ಕಾಂಚನೀ: ಕಾಶ್ಚಿಜ್ಜಗೃಹುಸ್ತತ್ರ ಯೋಷಿತ: | ಬಾಲವ್ಯಜನಹಸ್ತಾಶ್ಚ ತಾಲವೃಂತಾನಿ ಚಾಪರಾ: || 11 || ಕಾಂಚನೈರಪಿ ಭೃಂಗಾರೈರ್ಜಹ್ರು: ಸಲಿಲಮಗ್ರತ: | ಮಂಡಲಾಗ್ರಾನಸೀಂಶ್ಚೈವ ಗೃಹ್ಯಾನ್ಯಾ: ಪೃಷ್ಠತೋ ಯಯು: || 12 || ಕಾಚಿದ್ ರತ್ನಮಯೀಂ ಪಾತ್ರೀಂ ಪೂರ್ಣಾಂ ಪಾನಸ್ಯ ಭಾಮಿನೀ | ದಕ್ಷಿಣಾ ದಕ್ಷಿಣೇನೈವ ತದಾ ಜಗ್ರಾಹ ಪಾಣಿನಾ || 13 || ರಾಜಹಂಸಪ್ರತೀಕಾಶಂ ಛತ್ರಂ ಪೂರ್ಣಶಶಿಪ್ರಭಂ | ಸೌವರ್ಣದಂಡಮಪರಾ ಗೃಹೀತ್ವಾ ಪೃಷ್ಠತೋ ಯಯೌ || 14 || ನಿದ್ರಾಮದಪರೀತಾಕ್ಷ್ಯೋ ರಾವಣಸ್ಯೋತ್ತಮಸ್ತ್ರಿಯ: | ಅನುಜಗ್ಮು: ಪತಿಂ ವೀರಂ ಘನಂ ವಿದ್ಯುಲ್ಲತಾ ಇವ || 15 || ವ್ಯಾವಿದ್ಧಹರಕೇಯೂರಾ: ಸಮಾಮೃದಿತವರ್ಣಕಾ: | ಸಮಾಗಲಿತಕೇಶಾಂತಾ: ಸಸ್ವೇದವದನಾಸ್ತಥಾ || 16 || ಘೂರ್ಣಂತ್ಯೋ ಮದಶೇಷೇಣ ನಿದ್ರಯಾ ಚ ಶುಭಾನನಾ: | ಸ್ವೇದಕ್ಲಿಷ್ಟಾಂಗ ಕುಸುಮಾ: ಸುಮಾಲ್ಯಾ ಕುಲಮೂರ್ಧಜಾ: || 17 || ಪ್ರಯಾಂತ: ನೈ:ಋತಪತಿಂ ನಾರ್ಯೋ: ಮದಿರಲೋಚನಾ: | ಬಹುಮಾನಾಚ್ಚ ಕಾಮಾಚ್ಚ ಪ್ರಿಯಾ ಭಾರ್ಯಾ: ತಮನ್ವಯು: || 18 || ಸ ಚ ಕಾಮಪರಾಧೀನ: ಪತಿಸ್ತಾತಾಂ ಮಹಾಬಲ: | ಸೀತಾಸಕ್ತಮದನಾ ಮಂದೋ ಮದಾಂಚಿತಗತಿರ್ವಭೌ || 19 || ತತ: ಕಾಂಚೀನಿನಾದಂ ಚ ನೂಪುರಾಣಾಂ ಚ ನಿ:ಸ್ವನಂ | ಶುಶ್ರಾವ ಪರಮಸ್ತ್ರೀಣಾಂ ಸ ಕಪಿರ್ಮಾರುತಾತ್ಮಜ: || 20 || ತಂ ಚಾಪ್ರತಿಮಕರ್ಮಾಣಂ ಅಚಿಂತ್ಯಬಲಪೌರುಷಂ | ದ್ವಾರದೇಶಮನುಪ್ರಾಪ್ತಂ ದದರ್ಶ ಹನುಮಾನ್ಕಪಿ: || 21 || ದೀಪಿಕಾಭಿರನೇಕಾಭಿ: ಸಮಂತಾದವಭಾಸಿತಂ | ಗಂಧತೈಲಾವಸಿಕ್ತಾಭಿ: ಧ್ರಿಯಮಾಣಾಭಿರಗ್ರತ: || 22 || ಕಾಮದರ್ಪಮದೈರ್ಯುಕ್ತಂ ಜಿಹ್ಮತಾಮ್ರಾಯತೇಕ್ಷಣಂ | ಸಮಕ್ಷಮಿವ ಕಂದರ್ಪಮಪವಿದ್ಧ ಶರಾಸನಂ || 23 || ಮಥಿತಾಮೃತಫೇನಾಭಮರಜೋ ವಸ್ತ್ರಮುತ್ತಮಂ | ಸಲೀಲಮನುಕರ್ಷಂತಂ ವಿಮುಕ್ತಂ ಸಕ್ತಮಂಗದೇ || 24 || ತಂ ಪತ್ರವಿಟಪೇ ಲೀನ: ಪತ್ರಪುಷ್ಪಘನಾವೃತ: | ಸಮೀಪಮುಪಸಂಕ್ರಾಂತಂ ನಿಧ್ಯಾತುಮುಪಚಕ್ರಮೇ || 25 || ಅವೇಕ್ಷಮಾಣಶ್ಚ ತತೋ ದದರ್ಶ ಕಪಿಕುಂಜರ: | ರೂಪಯೌವನಸಂಪನ್ನಾ ರಾವಣಸ್ಯ ವರಸ್ತ್ರಿಯ: || 26 || ತಾಭಿ: ಪರಿವೃತೋ ರಾಜಾ ಸುರೂಪಾಭಿರ್ಮಹಾಯಶಾ: | ತನ್ಮೃಗದ್ವಿಜಸಂಘುಷ್ಟಂ ಪ್ರವಿಷ್ಟ: ಪ್ರಮದಾವನಂ || 27 || ಕ್ಷೀಬೋ ವಿಚಿತ್ರಾಭರಣ: ಶಂಕುಕರ್ಣೋ ಮಹಾಬಲ: | ತೇನ ವಿಶ್ರವಸ: ಪುತ್ರ: ಸ ದೃಷ್ಟೋ ರಾಕ್ಷಸಾಧಿಪ: || 28 || ವೃತ: ಪರಮನಾರೀಭಿ: ತಾರಾಭಿರಿವ ಚಂದ್ರಮಾ: | ತಂ ದದರ್ಶ ಮಹಾತೇಜಾಸ್ತೇಜೋವಂತಂ ಮಹಾಕಪಿ: || 29 || ರಾವಣೋ„ಯಂ ಮಹಾಬಾಹುರಿತಿ ಸಂಚಿಂತ್ಯ ವಾನರ: | ಅವಪ್ಲುತೋ ಮಹಾತೇಜಾ ಹನೂಮಾನ್ಮಾರುತಾತ್ಮಜ: || 30 || ಸ ತಥಾಪ್ಯುಗ್ರತೇಜಾ: ಸನ್ನಿರ್ಧೂತಸ್ತಸ್ಯ ತೇಜಸಾ | ಪತ್ರಗುಹ್ಯಾಂತರೇ ಸಕ್ತೋ ಹನೂಮಾನ್ಸಂವೃತೋ„ಭವತ್ || 31 || ಸ ತಾಮಸಿತಕೇಶಾಂತಾಂ ಸುಶ್ರೋಣೀಂ ಸಂಹತಸ್ತನೀಂ | ದಿದೃಕ್ಷುರಸಿತಾಪಾಂಗೀಂ ಉಪಾವರ್ತತ ರಾವಣ: || 32 || || ಇತಿ ಅಷ್ಟಾದಶ: ಸರ್ಗ: ||
ತಥಾ ವಿಪ್ರೇಕ್ಷಮಾಣಸ್ಯ ವನಂ ಪುಷ್ಪಿತಪಾದಪಂ | ವಿಚಿನ್ವತಶ್ಚ ವೈದೇಹೀಂ ಕಿಂ ಚಿಚ್ಛೇಷಾ ನಿಶಾಭವತ್ || 1 || ಷಡಂಗವೇದವಿದುಷಾಂ ಕ್ರತುಪ್ರವರಯಾಜಿನಾಂ | ಶುಶ್ರಾವ ಬ್ರಹ್ಮಘೋಷಾಂಶ್ಚ ವಿರಾತ್ರೇ ಬ್ರಹ್ಮರಕ್ಷಸಾಂ || 2 || ಅಥ ಮಂಗಳವಾದಿತ್ರೈ: ಶಬ್ದೈ: ಶ್ರೋತ್ರಮನೋಹರೈ: | ಪ್ರಾಬುಧ್ಯತ ಮಹಾಬಾಹುರ್ದಶಗ್ರೀವೋ ಮಹಾಬಲ: || 3 || ವಿಬುಧ್ಯ ತು ಯಥಾಕಾಲಂ ರಾಕ್ಷಸೇಂದ್ರ: ಪ್ರತಾವಪಾನ್ | ಸ್ರಸ್ತಮಾಲ್ಯಾಂಬರಧರೋ ವೈದೇಹೀಂ ಅನ್ವಚಿಂತಯತ್ || 4 || ಭೃಶಂ ನಿಯುಕ್ತಸ್ತಸ್ಯಾಂ ಚ ಮದನೇನ ಮದೋತ್ಕಟ: | ನ ಸ ತಂ ರಾಕ್ಷಸ: ಕಾಮಂ ಶಶಾಕಾತ್ಮನಿ ಗೂಹಿತುಂ || 5 || ಸ ಸರ್ವಾಭರಣೈರ್ಯುಕ್ತೋ ಬಿಭ್ರಚ್ಛ್ರಿಯಮನುತ್ತಮಾಂ | ತಾಂ ನಗೈರ್ವಿವಿಧೈರ್ಜುಷ್ಟಾಂ ಸರ್ವಪುಷ್ಪಫಲೋಪಗೈ: || 6 || ವೃತಾಂ ಪುಷ್ಕರಿಣೀಭಿಶ್ಚ ನಾನಾಪುಷ್ಪೋಪಶೋಭಿತಾಂ | ಸದಾಮದೈಶ್ಚ ವಿಹಗೈರ್ವಿಚಿತ್ರಾಂ ಪರಮಾದ್ಭುತಾಂ || 7 || ಈಹಾಮೃಗೈಶ್ಚ ವಿವಿಧೈಶ್ವೃತಾಂ ದೃಷ್ಟಿಮನೋಹರೈ: | ವೀಥೀ: ಸಂಪ್ರೇಕ್ಷಮಾಣಶ್ಚ ಮಣಿಕಾಂಚನತೋರಣಾ: || 8 || ನಾನಾಮೃಗಗಣಾಕೀರ್ಣಾಂ ಫಲೈ: ಪ್ರಪತಿತೈರ್ವೃತಾಂ | ಅಶೋಕವನಿಕಾಮೇವ ಪ್ರಾವಿಶತ್ಸಂತತದ್ರುಮಾಂ || 9 || ಅಂಗನಾಶತಮಾತ್ರಂ ತು ತಂ ವ್ರಜಂತಮನುವ್ರಜತ್ | ಮಹೇಂದ್ರಮಿವ ಪೌಲಸ್ತ್ಯಂ ದೇವಗಂಧರ್ವಯೋಷಿತ: || 10 || ದೀಪಿಕಾ: ಕಾಂಚನೀ: ಕಾಶ್ಚಿಜ್ಜಗೃಹುಸ್ತತ್ರ ಯೋಷಿತ: | ಬಾಲವ್ಯಜನಹಸ್ತಾಶ್ಚ ತಾಲವೃಂತಾನಿ ಚಾಪರಾ: || 11 || ಕಾಂಚನೈರಪಿ ಭೃಂಗಾರೈರ್ಜಹ್ರು: ಸಲಿಲಮಗ್ರತ: | ಮಂಡಲಾಗ್ರಾನಸೀಂಶ್ಚೈವ ಗೃಹ್ಯಾನ್ಯಾ: ಪೃಷ್ಠತೋ ಯಯು: || 12 || ಕಾಚಿದ್ ರತ್ನಮಯೀಂ ಪಾತ್ರೀಂ ಪೂರ್ಣಾಂ ಪಾನಸ್ಯ ಭಾಮಿನೀ | ದಕ್ಷಿಣಾ ದಕ್ಷಿಣೇನೈವ ತದಾ ಜಗ್ರಾಹ ಪಾಣಿನಾ || 13 || ರಾಜಹಂಸಪ್ರತೀಕಾಶಂ ಛತ್ರಂ ಪೂರ್ಣಶಶಿಪ್ರಭಂ | ಸೌವರ್ಣದಂಡಮಪರಾ ಗೃಹೀತ್ವಾ ಪೃಷ್ಠತೋ ಯಯೌ || 14 || ನಿದ್ರಾಮದಪರೀತಾಕ್ಷ್ಯೋ ರಾವಣಸ್ಯೋತ್ತಮಸ್ತ್ರಿಯ: | ಅನುಜಗ್ಮು: ಪತಿಂ ವೀರಂ ಘನಂ ವಿದ್ಯುಲ್ಲತಾ ಇವ || 15 || ವ್ಯಾವಿದ್ಧಹರಕೇಯೂರಾ: ಸಮಾಮೃದಿತವರ್ಣಕಾ: | ಸಮಾಗಲಿತಕೇಶಾಂತಾ: ಸಸ್ವೇದವದನಾಸ್ತಥಾ || 16 || ಘೂರ್ಣಂತ್ಯೋ ಮದಶೇಷೇಣ ನಿದ್ರಯಾ ಚ ಶುಭಾನನಾ: | ಸ್ವೇದಕ್ಲಿಷ್ಟಾಂಗ ಕುಸುಮಾ: ಸುಮಾಲ್ಯಾ ಕುಲಮೂರ್ಧಜಾ: || 17 || ಪ್ರಯಾಂತ: ನೈ:ಋತಪತಿಂ ನಾರ್ಯೋ: ಮದಿರಲೋಚನಾ: | ಬಹುಮಾನಾಚ್ಚ ಕಾಮಾಚ್ಚ ಪ್ರಿಯಾ ಭಾರ್ಯಾ: ತಮನ್ವಯು: || 18 || ಸ ಚ ಕಾಮಪರಾಧೀನ: ಪತಿಸ್ತಾತಾಂ ಮಹಾಬಲ: | ಸೀತಾಸಕ್ತಮದನಾ ಮಂದೋ ಮದಾಂಚಿತಗತಿರ್ವಭೌ || 19 || ತತ: ಕಾಂಚೀನಿನಾದಂ ಚ ನೂಪುರಾಣಾಂ ಚ ನಿ:ಸ್ವನಂ | ಶುಶ್ರಾವ ಪರಮಸ್ತ್ರೀಣಾಂ ಸ ಕಪಿರ್ಮಾರುತಾತ್ಮಜ: || 20 || ತಂ ಚಾಪ್ರತಿಮಕರ್ಮಾಣಂ ಅಚಿಂತ್ಯಬಲಪೌರುಷಂ | ದ್ವಾರದೇಶಮನುಪ್ರಾಪ್ತಂ ದದರ್ಶ ಹನುಮಾನ್ಕಪಿ: || 21 || ದೀಪಿಕಾಭಿರನೇಕಾಭಿ: ಸಮಂತಾದವಭಾಸಿತಂ | ಗಂಧತೈಲಾವಸಿಕ್ತಾಭಿ: ಧ್ರಿಯಮಾಣಾಭಿರಗ್ರತ: || 22 || ಕಾಮದರ್ಪಮದೈರ್ಯುಕ್ತಂ ಜಿಹ್ಮತಾಮ್ರಾಯತೇಕ್ಷಣಂ | ಸಮಕ್ಷಮಿವ ಕಂದರ್ಪಮಪವಿದ್ಧ ಶರಾಸನಂ || 23 || ಮಥಿತಾಮೃತಫೇನಾಭಮರಜೋ ವಸ್ತ್ರಮುತ್ತಮಂ | ಸಲೀಲಮನುಕರ್ಷಂತಂ ವಿಮುಕ್ತಂ ಸಕ್ತಮಂಗದೇ || 24 || ತಂ ಪತ್ರವಿಟಪೇ ಲೀನ: ಪತ್ರಪುಷ್ಪಘನಾವೃತ: | ಸಮೀಪಮುಪಸಂಕ್ರಾಂತಂ ನಿಧ್ಯಾತುಮುಪಚಕ್ರಮೇ || 25 || ಅವೇಕ್ಷಮಾಣಶ್ಚ ತತೋ ದದರ್ಶ ಕಪಿಕುಂಜರ: | ರೂಪಯೌವನಸಂಪನ್ನಾ ರಾವಣಸ್ಯ ವರಸ್ತ್ರಿಯ: || 26 || ತಾಭಿ: ಪರಿವೃತೋ ರಾಜಾ ಸುರೂಪಾಭಿರ್ಮಹಾಯಶಾ: | ತನ್ಮೃಗದ್ವಿಜಸಂಘುಷ್ಟಂ ಪ್ರವಿಷ್ಟ: ಪ್ರಮದಾವನಂ || 27 || ಕ್ಷೀಬೋ ವಿಚಿತ್ರಾಭರಣ: ಶಂಕುಕರ್ಣೋ ಮಹಾಬಲ: | ತೇನ ವಿಶ್ರವಸ: ಪುತ್ರ: ಸ ದೃಷ್ಟೋ ರಾಕ್ಷಸಾಧಿಪ: || 28 || ವೃತ: ಪರಮನಾರೀಭಿ: ತಾರಾಭಿರಿವ ಚಂದ್ರಮಾ: | ತಂ ದದರ್ಶ ಮಹಾತೇಜಾಸ್ತೇಜೋವಂತಂ ಮಹಾಕಪಿ: || 29 || ರಾವಣೋ„ಯಂ ಮಹಾಬಾಹುರಿತಿ ಸಂಚಿಂತ್ಯ ವಾನರ: | ಅವಪ್ಲುತೋ ಮಹಾತೇಜಾ ಹನೂಮಾನ್ಮಾರುತಾತ್ಮಜ: || 30 || ಸ ತಥಾಪ್ಯುಗ್ರತೇಜಾ: ಸನ್ನಿರ್ಧೂತಸ್ತಸ್ಯ ತೇಜಸಾ | ಪತ್ರಗುಹ್ಯಾಂತರೇ ಸಕ್ತೋ ಹನೂಮಾನ್ಸಂವೃತೋ„ಭವತ್ || 31 || ಸ ತಾಮಸಿತಕೇಶಾಂತಾಂ ಸುಶ್ರೋಣೀಂ ಸಂಹತಸ್ತನೀಂ | ದಿದೃಕ್ಷುರಸಿತಾಪಾಂಗೀಂ ಉಪಾವರ್ತತ ರಾವಣ: || 32 || || ಇತಿ ಅಷ್ಟಾದಶ: ಸರ್ಗ: ||
ಸ ತಾಂ ಪತಿವೃತಾಂ ದೀನಾಂ ನಿರಾನಂದಾಂ ತಪಸ್ವಿನೀಂ | ಸಾಕಾರೈ: ಮಧುರೈ: ವಾಕ್ಯೈನ್ರ್ಯದರ್ಶಯತ ರಾವಣ: || 1 || ಮಾಂ ದೃಷ್ಟ್ವಾ ನಾಗನಾಸೋರುಗೂಹಮಾನಾ ಸ್ತನೋದರಂ | ಅದರ್ಶನಮಿವಾತ್ಮಾನಂ ಭಯಾನ್ನೇತುಂ ತ್ವಮಿಚ್ಛಸಿ || 2 || ಕಾಮಯೇ ತ್ವಾಂ ವಿಶಾಲಾಕ್ಷಿ ಬಹುಮನ್ಯಸ್ವ ಮಾಂ ಪ್ರಿಯೇ | ಸರ್ವಾಂಗ ಗುಣಸಂಪನ್ನೇ ಸರ್ವಲೋಕ ಮನೋಹರೇ || 3 || ನೇಹ ಕೇ ಚಿನ್ಮನುಷ್ಯಾ ವಾ ರಾಕ್ಷಸಾ: ಕಾಮರೂಪಿಣ: | ವ್ಯಪಸರ್ಪತು ತೇ ಸೀತೇ ಭಯಂ ಮತ್ತ: ಸಮುತ್ಥಿತಂ || 4 || ಸ್ವಧರ್ಮೋ ರಕ್ಷಸಾಂ ಭೀರು ಸರ್ವಥೈಷ ನ ಸಂಶಯ: | ಗಮನಂ ವಾ ಪರಸ್ತ್ರೀಣಾಂ ಹರಣಂ ಸಂಪ್ರಮಥ್ಯ ವಾ || 5 || ಏವಂ ಚೈತದಕಾಮಾಂ ಚ ನ ತ್ವಾಂ ಸ್ಪ್ರಕ್ಷ್ಯಾಮಿ ಮೈಥಿಲಿ | ಕಾಮಂ ಕಾಮ: ಶರೀರೇ ಮೇ ಯಥಾಕಾಮಂ ಪ್ರವರ್ತತಾಂ || 6 || ದೇವಿ ನೇಹ ಭಯಂ ಕಾರ್ಯಂ ಮಯಿ ವಿಶ್ವಸಿಹಿ ಪ್ರಿಯೇ | ಪ್ರಣಯಸ್ವ ಚ ತತ್ತ್ವೇನ ಮೈವಂ ಭೂ: ಶೋಕಲಾಲಸಾ || 7 || ಏಕವೇಣೀ ಧರಾಶಯ್ಯಾ ಧ್ಯಾನಂ ಮಲಿನಮಂಬರಂ | ಅಸ್ಥಾನೇ„ಪ್ಯುಪವಾಸಶ್ಚ ನೈತಾನ್ಯೌಪಯಿಕಾನಿ ತೇ || 8 || ವಿಚಿತ್ರಾಣಿ ಚ ಮಾಲ್ಯಾನಿ ಚಂದನಾನ್ಯಗರೂಣಿ ಚ | ವಿವಿಧಾನಿ ಚ ವಾಸಾಂಸಿ ದಿವ್ಯಾಂಯಾಭರಣಾನಿ ಚ || 9 || ಮಹಾರ್ಹಾಣಿ ಚ ಪಾನಾನಿ ಶಯನಾನ್ಯಾಸನಾನಿ ಚ | ಗೀತಂ ನೃತ್ತ್ಯಂ ಚ ವಾದ್ಯಂ ಚ ಲಭ ಮಾಂ ಪ್ರಾಪ್ಯ ಮೈಥಿಲಿ || 10 || ಸ್ತ್ರೀರತ್ನಮಸಿ ಮೈವಂ ಭೂ: ಕುರು ಗಾತ್ರೇಷು ಭೂಷಣಂ | ಮಾಂ ಪ್ರಾಪ್ಯ ತು ಕಥಂ ಹಿ ಸ್ಯಾಸ್ತ್ವಮನರ್ಹಾ ಸುವಿಗ್ರಹೇ || 11 || ಇದಂ ತೇ ಚಾರುಸಂಜಾತಂ ಯೌವನಂ ವ್ಯತಿವರ್ತತೇ | ಯದತೀತಂ ಪುನರ್ನೈತಿ ಸ್ರೋತ: ಶೀಘ್ರಮಪಾಂ ಇವ || 12 || ತ್ವಾಂ ಕೃತ್ವೋಪರತೋ ಮನ್ಯೇ ರೂಪಕರ್ತಾ ಸ ವಿಶ್ವಸೃಕ್ | ನ ಹಿ ರೂಪೋಪಮಾ ತ್ವನ್ಯಾ ತವಾಸ್ತಿ ಶುಭದರ್ಶನೇ || 13 || ತ್ವಾಂ ಸಮಾಸಾದ್ಯ ವೈದೇಹಿ ರೂಪಯೌವನಶಾಲಿನೀಂ | ಕ: ಪುಮಾನತಿವರ್ತೇತ ಸಾಕ್ಷಾದಪಿ ಪಿತಾಮಹ: || 14 || ಯದ್ಯತ್ಪಶ್ಯಾಮಿ ತೇ ಗಾತ್ರಂ ಶೀತಾಂಶುಸದೃಶಾನನೇ | ತಸ್ಮಿನ್ಸ್ತಸ್ಮಿನ್ ಪೃಥುಶ್ರೋಣಿ ಚಕ್ಷುರ್ಮಮ ನಿಬಧ್ಯತೇ || 15 || ಭವ ಮೈಥಿಲಿ ಭಾರ್ಯಾ ಮೇ ಮೋಹಮೇನಂ ವಿಸರ್ಜಯ | ಬಹ್ವೀನಾಂ ಉತ್ತಮಸ್ತ್ರೀಣಾಂ ಮಮಾಗ್ರಮಹಿಷೀ ಭವ || 16 || ಸರ್ವಾಸಾಮೇವ ಭದ್ರಂ ತೇ ಮಮಾಗ್ರಮಹಿಷೀ ಭವ | ಲೋಕೇಭ್ಯೋ ಯಾನಿ ರತ್ನಾನಿ ಸಂಪ್ರಮಥ್ಯಾಹೃತಾನಿ ಮೇ || 17 || ತಾನಿ ತೇ ಭೀರು ಸರ್ವಾಣಿ ರಾಜ್ಯಂ ಚೈತದಹಂ ಚ ತೇ | ವಿಜಿತ್ಯ ಪೃಥಿವೀಂ ಸರ್ವಾಂ ನಾನಾನಗರಮಾಲಿನೀಂ || 18 || ಜನಕಾಯ ಪ್ರದಾಸ್ಯಾಮಿ ತವ ಹೇತೋರ್ವಿಲಾಸಿನಿ | ನೇಹ ಪಶ್ಯಾಮಿ ಲೋಕೇ„ನ್ಯಂ ಯೋ ಮೇ ಪ್ರತಿಬಲೋ ಭವೇತ್ || 19 || ಪಶ್ಯ ಮೇ ಸುಮಹದ್ವೀರ್ಯಮಪ್ರತಿದ್ವಂದ್ವಮಾಹವೇ | ಅಸಕೃತ್ಸಂಯುಗೇ ಭಗ್ನಾ ಮಯಾ ವಿಮೃದಿತಧ್ವಜಾ: || 20 || ಅಶಕ್ತಾ: ಪ್ರತ್ಯನೀಕೇಷು ಸ್ಥಾತುಂ ಮಮ ಸುರಾಸುರಾ: | ಇಚ್ಛ ಮಾಂ ಕ್ರಿಯತಾಂ ಅದ್ಯ ಪ್ರತಿಕರ್ಮ ತವೋತ್ತಮಂ || 21 || ಸಪ್ರಭಾಣ್ಯವಸಜ್ಯಂತಾಂ ತವಾಂಗೇ ಭೂಷಣಾನಿ ಚ | ಸಾಧು ಪಶ್ಯಾಮಿ ತೇ ರೂಪಂ ಸಂಯುಕ್ತಂ ಪ್ರತಿಕರ್ಮಣಾ || 22 || ಪ್ರತಿಕರ್ಮಾಭಿಸಂಯುಕ್ತಾ ದಾಕ್ಷಿಣ್ಯೇನ ವರಾನನೇ | ಭುಂಕ್ಷ್ವ ಭೋಗಾನ್ಯಥಾಕಾಮಂ ಪಿಬ ಭೀರು ರಮಸ್ವ ಚ || 23 || ಯಥೇಷ್ಟಂ ಚ ಪ್ರಯಚ್ಛ ತ್ವಂ ಪೃಥಿವೀಂ ವಾ ಧನಾನಿ ಚ | ರಮಸ್ವ ಮಯಿ ವಿಸ್ರಬ್ಧಾ ಧೃಷ್ಟಮಾಜ್ಞಾಪಯಸ್ವ ಚ || 24 || ಮತ್ಪ್ರಭಾವಾಲ್ಲಲಂತ್ಯಾಶ್ಚ ಲಲಂತಾಂ ಬಾಂಧವಾಸ್ತವ | ಋದ್ಧಿಂ ಮಮಾನುಪಶ್ಯ ತ್ವಂ ಶ್ರಿಯಂ ಭದ್ರೇ ಯಶಶ್ಚ ಮೇ || 25 || ಕಿಂ ಕರಿಷ್ಯಸಿ ರಾಮೇಣ ಸುಭಗೇ ಚೀರವಾಸಸಾ | ನಿಕ್ಷಿಪ್ತವಿಜಯೋ ರಾಮೋ ಗತಶ್ರೀರ್ವನಗೋಚರ: || 26 || ವ್ರತೀ ಸ್ಥಂಡಿಲಶಾಯೀ ಚ ಶಂಕೇ ಜೀವತಿ ವಾ ನ ವಾ | ನ ಹಿ ವೈದೇಹಿ ರಾಮಸ್ತ್ವಾಂ ದ್ರಷ್ಟುಂ ವಾಪ್ಯುಪಲಪ್ಸ್ಯತೇ || 27 || ಪುರೋ ಬಲಾಕೈರಸಿತೈರ್ಮೇಘೈ: ಜ್ಯೋತ್ಸ್ನಾಮಿವಾವೃತಾಂ | ನ ಚಾಪಿ ಮಮ ಹಸ್ತಾತ್ತ್ವಾಂ ಪ್ರಾಪ್ತುಮರ್ಹತಿ ರಾಘವ: || 28 || ಹಿರಣ್ಯಕಶಿಪು: ಕೀರ್ತಿಮಿಂದ್ರಹಸ್ತಗತಾಂ ಇವ | ಚಾರುಸ್ಮಿತೇ ಚಾರುದತಿ ಚಾರುನೇತ್ರೇ ವಿಲಾಸಿನಿ || 29 || ಮನೋ ಹರಸಿ ಮೇ ಭೀರು ಸುಪರ್ಣ: ಪನ್ನಗಂ ಯಥಾ | ಕ್ಲಿಷ್ಟಕೌಶೇಯವಸನಾಂ ತನ್ವೀಮಪ್ಯನಲಂಕೃತಾಂ || 30 || ತಾಂ ದೃಷ್ಟ್ವಾ ಸ್ವೇಷು ದಾರೇಷು ರತಿಂ ನೋಪಲಭಾಮ್ಯಹಂ | ಅಂತ:ಪುರನಿವಾಸಿನ್ಯ: ಸ್ತ್ರಿಯ: ಸರ್ವಗುಣಾನ್ವಿತಾ: || 31 || ಯಾವನ್ತ್ಯೋ ಮಮ ಸರ್ವಾಸಾಮೈಶ್ವರ್ಯಂ ಕುರು ಜಾನಕಿ | ಮಮ ಹ್ಯಸಿತಕೇಶಾಂತೇ ತ್ರೈಲೋಕ್ಯಪ್ರವರಾ: ಸ್ತ್ರಿಯ: || 32 || ತಾಸ್ತ್ವ: ಪರಿಚರಿಷ್ಯಂತಿ ಶ್ರಿಯಮಪ್ಸರಸೋ ಯಥಾ | ಯಾನಿ ವೈಶ್ರವಣೇ ಸುಭ್ರು ರತ್ನಾನಿ ಚ ಧನಾನಿ ಚ | ತಾನಿ ಲೋಕಾಂಶ್ಚ ಸುಶ್ರೋಣಿ ಮಾಂ ಚ ಭುಂಕ್ಷ್ವ ಯಥಾಸುಖಂ || 33 || ನ ರಾಮಸ್ತಪಸಾ ದೇವಿ ನ ಬಲೇನ ನ ವಿಕ್ರಮೈ: | ನ ಧನೇನ ಮಯಾ ತುಲ್ಯಸ್ತೇಜಸಾ ಯಶಸಾಪಿ ವಾ || 34 || ಪಿಬ ವಿಹರ ರಮಸ್ವ ಭುಂಕ್ಷ್ವ ಭೋಗಾನ್ ಧನನಿಚಯಂ ಪ್ರದಿಶಾಮಿ ಮೇದಿನೀಂ ಚ | ಮಯಿ ಲಲ ಲಲನೇ ಯಥಾಸುಖಂ ತ್ವಂ ತ್ವಯಿ ಚ ಸಮೇತ್ಯ ಲಲಂತು ಬಾಂಧವಾಸ್ತೇ || 35 || ಕುಸುಮಿತ ತರುಜಾಲ ಸಂತತಾನಿ ಭ್ರಮರಯುತಾನಿ ಸಮುದ್ರತೀರಜಾನಿ | ಕನಕ ವಿಮಲಹಾರ ಭೂಷಿತಾಂಗೀ ವಿಹರ ಮಯಾ ಸಹ ಭೀರು ಕಾನನಾನಿ || 36 || || ಇತಿ ವಿಂಶ: ಸರ್ಗ: ||
ತಸ್ಯ ತದ್ವಚನಂ ಶ್ರುತ್ವಾ ಸೀತಾ ರೌದ್ರಸ್ಯ ರಕ್ಷಸ: | ಆರ್ತಾ ದೀನಸ್ವರಾ ದೀನಂ ಪ್ರತ್ಯುವಾಚ ಶನೈರ್ವಚ: || 1 || ದು:ಖಾರ್ತಾ ರುದತೀ ಸೀತಾ ವೇಪಮಾನಾ ತಪಸ್ವಿನೀ | ಚಿಂತಯಂತೀ ವರಾರೋಹಾ ಪತಿಮೇವ ಪತಿವ್ರತಾ || 2 || ತೃಣಮಂತರತ: ಕೃತ್ವಾ ಪ್ರತ್ಯುವಾಚ ಶುಚಿಸ್ಮಿತಾ | ನಿವರ್ತಯ ಮನೋ ಮತ್ತ: ಸ್ವಜನೇ ಕ್ರಿಯತಾಂ ಮನ: || 3 || ನ ಮಾಂ ಪ್ರಾರ್ಥಯಿತುಂ ಯುಕ್ತಸ್ತ್ವಂ ಸಿದ್ಧಿಮಿವ ಪಾಪಕೃತ್ | ಅಕಾರ್ಯಂ ನ ಮಯಾ ಕಾರ್ಯಮೇಕಪತ್ನ್ಯಾ ವಿಗರ್ಹಿತಂ || 4 || ಕುಲಂ ಸಂಪ್ರಾಪ್ತಯಾ ಪುಣ್ಯಂ ಕುಲೇ ಮಹತಿ ಜಾತಯಾ | ಏವಮುಕ್ತ್ವಾ ತು ವೈದೇಹೀ ರಾವಣಂ ತಂ ಯಶಸ್ವಿನೀ || 5 || ರಾಕ್ಷಸಂ ಪೃಷ್ಠತ: ಕೃತ್ವಾ ಭೂಯೋ ವಚನಮಬ್ರವೀತ್ | ನಾಹಮೌಪಯಿಕೀ ಭಾರ್ಯಾ ಪರಭಾರ್ಯಾ ಸತೀ ತವ || 6 || ಸಾಧು ಧರ್ಮಮವೇಕ್ಷಸ್ವ ಸಾಧು ಸಾಧುವ್ರತಂ ಚರ | ಯಥಾ ತವ ತಥಾನ್ಯೇಷಾಂ ರಕ್ಷ್ಯಾ ದಾರಾ ನಿಶಾಚರ || 7 || ಆತ್ಮಾನಮುಪಮಾಂ ಕೃತ್ವಾ ಸ್ವೇಷು ದಾರೇಷು ರಮ್ಯತಾಂ | ಅತುಷ್ಟಂ ಸ್ವೇಷು ದಾರೇಷು ಚಪಲಂ ಚಲಿತೇಂದ್ರಿಯಂ || 8 || ನಯಂತಿ ನಿಕೃತಿಪ್ರಜ್ಞಾಂ ಪರದಾರಾ: ಪರಾಭವಂ | ಇಹ ಸಂತೋ ನ ವಾ ಸಂತಿ ಸತೋ ವಾ ನಾನುವರ್ತಸೇ || 9 || ತಥಾ ಹಿ ವಿಪರೀತಾ ತೇ ಬುದ್ಧಿರಾಚಾರವರ್ಜಿತಾ | ವಚೋ ಮಿಥ್ಯಾ ಪ್ರಣೀತಾತ್ಮಾ ಪಥ್ಯಮುಕ್ತಂ ವಿಚಕ್ಷಣೈ: || 10 || ರಾಕ್ಷಸಾನಾಮಭಾವಾಯ ತ್ವಂ ವಾ ನ ಪ್ರತಿಪದ್ಯಸೇ | ಅಕೃತಾತ್ಮಾನಮಾಸಾದ್ಯ ರಾಜಾನಮನಯೇ ರತಂ || 11 || ಸಮೃದ್ಧಾನಿ ವಿನಶ್ಯಂತಿ ರಾಷ್ಟ್ರಾಣಿ ನಗರಾಣಿ ಚ | ತಥೇಯಂ ತ್ವಾಂ ಸಮಾಸಾದ್ಯ ಲಂಕಾ ರತ್ನೌಘಸಂಕುಲಾ || 12 || ಅಪರಾಧಾತ್ತವೈಕಸ್ಯ ನಚಿರಾದ್ವಿನಶಿಷ್ಯತಿ | ಸ್ವಕೃತೈರ್ಹನ್ಯಮಾನಸ್ಯ ರಾವಣಾದೀರ್ಘದರ್ಶಿನ: || 13 || ಅಭಿನಂದಂತಿ ಭೂತಾನಿ ವಿನಾಶೇ ಪಾಪಕರ್ಮಣ: | ಏವಂ ತ್ವಾಂ ಪಾಪಕರ್ಮಾಣಂ ವಕ್ಷ್ಯಂತಿ ನಿಕೃತಾ ಜನಾ: || 14 || ದಿಷ್ಟ್ಯೈತದ್ವ್ಯಸನಂ ಪ್ರಾಪ್ತೋ ರೌದ್ರ ಇತ್ಯೇವ ಹರ್ಷಿತಾ: | ಶಕ್ಯಾ ಲೋಭಯಿತುಂ ನಾಹಮೈಶ್ವರ್ಯೇಣ ಧನೇನ ವಾ || 15 || ಅನನ್ಯಾ ರಾಘವೇಣಾಹಂ ಭಾಸ್ಕರೇಣ ಪ್ರಭಾ ಯಥಾ | ಉಪಧಾಯ ಭುಜಂ ತಸ್ಯ ಲೋಕನಾಥಸ್ಯ ಸತ್ಕೃತಂ || 16 || ಕಥಂ ನಾಮೋಪಧಾಸ್ಯಾಮಿ ಭುಜಮನ್ಯಸ್ಯ ಕಸ್ಯ ಚಿತ್ | ಅಹಮೌಪಯಿಕೀ ಭಾರ್ಯಾ ತಸ್ಯೈವ ವಸುಧಾಪತೇ: || 17 || ವ್ರತಸ್ನಾತಸ್ಯ ಧೀರಸ್ಯ ವಿದ್ಯೇವ ವಿದಿತಾತ್ಮನ: | ಸಾಧು ರಾವಣ ರಾಮೇಣ ಮಾಂ ಸಮಾನಯ ದು:ಖಿತಾಂ || 18 || ವನೇ ವಾಶಿತಯಾ ಸಾರ್ಧಂ ಕರೇಣ್ವೇವ ಗಜಾಧಿಪಂ | ಮಿತ್ರಮೌಪಯಿಕಂ ಕರ್ತುಂ ರಾಮ: ಸ್ಥಾನಂ ಪರೀಪ್ಸತಾ || 19 || ವಧಂ ಚಾನಿಚ್ಛತಾ ಘೋರಂ ತ್ವಯಾಸೌ ಪುರುಷರ್ಷಭ: | ವಿದಿತ: ಸ ಹಿ ಧರ್ಮಾತ್ಮಾ ಶರಣಾಗತವತ್ಸಲ: || 20 || ತೇನ ಮೈತ್ರೀ ಭವತು ತೇ ಯದಿ ಜೀವತುಮಿಚ್ಛಸಿ | ಪ್ರಸಾದಯಸ್ವ ತ್ವ ಚೈನ್ನ ಶರಣಾಗತ ವತ್ಸಲಂ || 21 || ಮಾಂ ಚಾಸ್ಮೈ ಪ್ರಯತೋ ಭೂತ್ವಾ ನಿರ್ಯಾತಯಿತುಮರ್ಹಸಿ | ಏವಂ ಹಿ ತೇ ಭವೇತ್ಸ್ವಸ್ತಿ ಸಂಪ್ರದಾಯ ರಘೂತ್ತಮೇ || 22 || ಅನ್ಯಥಾ ತ್ವಂ ಹಿ ಕುರ್ವಾಣೋ ವಧಂ ಪ್ರಾಪ್ಯಸಿ ರಾವಣ | ವರ್ಜಯೇದ್ ವಜ್ರಮುತ್ಸೃಷ್ಟಂ ವರ್ಜಯೇದಂತಕಶ್ಚಿರಂ || 23 || ತ್ವದ್ವಿಧಂ ತು ನ ಸಂಕ್ರುದ್ಧೋ ಲೋಕನಾಥ: ಸ ರಾಘವ: | ರಾಮಸ್ಯ ಧನುಷ: ಶಬ್ದಂ ಶ್ರೋಷ್ಯಸಿ ತ್ವಂ ಮಹಾಸ್ವನಂ || 24 || ಶತಕ್ರತು ವಿಸೃಷ್ಟಸ್ಯ ನಿರ್ಘೋಷಮಶನೇರಿವ | ಇಹ ಶೀಘ್ರಂ ಸುಪರ್ವಾಣೋ ಜ್ವಲಿತಾಸ್ಯಾ ಇವೋರಗಾ: || 25 || ಇಪವೋ ನಿಪತಿಷ್ಯಂತಿ ರಾಮ ಲಕ್ಷ್ಮಣ ಲಕ್ಷಣಾ: | ರಕ್ಷಾಂಸಿ ಪರಿನಿಘ್ನಂತ: ಪುರ್ಯಾಮಸ್ಯಾಂ ಸಮಂತತ: || 26 || ಅಸಂಪಾತಂ ಕರಿಷ್ಯಂತಿ ಪತಂತ: ಕಂಕವಾಸಸ: | ರಾಕ್ಷಸೇಂದ್ರಮಹಾಸರ್ಪಾಂಸ ರಾಮಗರುಡೋ ಮಹಾನ್ || 27 || ಉದ್ಧರಿಷ್ಯತಿ ವೇಗೇನ ವೈನತೇಯ ಇವೋರಗಾನ್ | ಅಪನೇಷ್ಯತಿ ಮಾಂ ಭರ್ತಾ ತ್ವತ್ತ: ಶೀಘ್ರಮರಿಂದಮ: || 28 || ಅಸುರೇಭ್ಯ ಶ್ರೋಯಂ ದೀಪ್ತಾಂ ವಿಷ್ಣುಸ್ತ್ರಿಭಿರಿವ ಕ್ರಮೈ: | ಜನಸ್ಥಾನೇ ಹತಸ್ಥಾನೇ ನಿಹತೇ ರಕ್ಷಸಾಂ ಬಲೇ || 29 || ಅಶಕ್ತೇನ ತ್ವಯಾ ರಕ್ಷ: ಕೃತಮೇತದಸಾಧು ವೈ | ಆಶ್ರಮಂ ತು ತಯೋ: ಶೂನ್ಯಂ ಪ್ರವಿಶ್ಯ ನರಸಿಂಹಯೋ: || 30 || ಗೋಚರಂ ಗತಯೋಭ್ರ್ರಾತ್ರೋರಪನೀತಾ ತ್ವಯಾ„ಧಮ | ನ ಹಿ ಗಂಧಮುಪಾಘ್ರಾಯ ರಾಮ ಲಕ್ಷ್ಮಣಯೋಸ್ತ್ವಯಾ || 31 || ಶಕ್ಯಂ ಸಂದರ್ಶನೇ ಸ್ಥಾತುಂ ಶುನಾ ಶಾರ್ದೂಲಯೋರಿವ | ತಸ್ಯ ತೇ ವಿಗ್ರಹೇ ತಾಭ್ಯಾಂ ಯುಗಗ್ರಹಣಮಸ್ಥಿರಂ || 32 || ವೃತ್ರಸ್ಯೇವೇಂದ್ರಬಾಹುಭ್ಯಾಂ ವಾಹೋರೇಕಸ್ಯ ನಿಗ್ರಹ: | ಕ್ಷಿಪ್ರಂ ತವ ನಾಥೋ ಮೇ ರಾಮ: ಸೌಮಿತ್ರಿಣಾ ಸಹ | ತೋಯಮಲ್ಪಮಿವಾದಿತ್ಯ: ಪ್ರಾಣಾನಾದಾಸ್ಯತೇ ಶರೈ: || 33 || ಗಿರಿಂ ಕುಬೇರಸ್ಯ ಗತೋ„ಥ ವಾಲಯಂ ಸಭಾಂ ಗತೋ ವಾ ವರುಣಸ್ಯ ರಾಜ್ಞ: | ಅಸಂಶಯಂ ದಾಶರಥೇರ್ನ ಮೋಕ್ಷ್ಯಸೇ ಮಹಾದ್ರುಮ: ಕಾಲಹತೋ„ಶನೇರಿವ || 34 || || ಇತಿ ಏಕವಿಂಶ: ಸರ್ಗ ||
ಸೀತಾಯಾ ವಚನಂ ಶ್ರುತ್ವಾ ಪರುಷಂ ರಾಕ್ಷಸಾಧಿಪ: | ಪ್ರತ್ಯುವಾಚ ತತ: ಸೀತಾಂ ವಿಪ್ರಿಯಂ ಪ್ರಿಯದರ್ಶನಾಂ || 1 || ಯಥಾ ಯಥಾ ಸಾಂತ್ವಯಿತಾ ವಶ್ಯ: ಸ್ತ್ರೀಣಾಂ ತಥಾ ತಥಾ | ಯಥಾ ಯಥಾ ಪ್ರಿಯಂ ವಕ್ತಾ ಪರಿಭೂತಸ್ತಥಾ ತಥಾ || 2 || ಸಂನಿಯಚ್ಛತಿ ಮೇ ಕ್ರೋಧಂ ತ್ವಯಿ ಕಾಮ: ಸಮುತ್ಥಿತ: | ದ್ರವತೋ ಮಾರ್ಗಮಾಸಾದ್ಯ ಹಯಾನಿವ ಸುಸಾರಥಿ: || 3 || ವಾಮ: ಕಾಮೋ ಮನುಷ್ಯಾಣಾಂ ಯಸ್ಮಿಂಕಿಲ ನಿಬಧ್ಯತೇ | ಜನೇ ತಸ್ಮಿನ್ಸ್ತ್ವನುಕ್ರೋಶ: ಸ್ನೇಹಶ್ಚ ಕಿಲ ಜಾಯತೇ || 4 || ಏತಸ್ಮಾತ್ಕಾರಣಾನ್ನ ತಾಂ ಘತಯಾಮಿ ವರಾನನೇ | ವಧಾರ್ಹಾಮವಮಾನಾರ್ಹಾಂ ಮಿಥ್ಯಾಪ್ರವ್ರಜಿತೇ ರತಾಂ || 5 || ಪರುಷಾಣೀಹ ವಾಕ್ಯಾನಿ ಯಾನಿ ಯಾನಿ ಬ್ರವೀಷಿ ಮಾಂ | ತೇಷು ತೇಷು ವಧೋ ಯುಕ್ತಸ್ತವ ಮೈಥಿಲಿ ದಾರುಣ: || 6 || ಏವಮುಕ್ತ್ವಾ ತು ವೈದೇಹೀಂ ರಾವಣೋ ರಾಕ್ಷಸಾಧಿಪ: | ಕ್ರೋಧಸನ್ರಂಭಸಂಯುಕ್ತ: ಸೀತಾಮುತ್ತರಮಬ್ರವೀತ್ || 7 || ದ್ವೌ ಮಾಸೌ ರಕ್ಷಿತವ್ಯೌ ಮೇ ಯೋ„ವಧಿಸ್ತೇ ಮಯಾ ಕೃತ: | ತತ: ಶಯನಮಾರೋಹ ಮಮ ತ್ವಂ ವರವರ್ಣಿನಿ || 8 || ದ್ವಾಭ್ಯಾಮೂಧ್ರ್ವಂ ತು ಮಾಸಾಭ್ಯಾಂ ಭರ್ತಾರಂ ಮಾಮನಿಚ್ಛತೀಂ | ಮಮ ತ್ವಾಂ ಪ್ರಾತರಾಶಾರ್ಥಮಾರಭಂತೇ ಮಹಾನಸೇ || 9 || ತಾಂ ತಜ್ರ್ಯಮಾನಾಂ ಸಂಪ್ರೇಕ್ಷ್ಯ ರಾಕ್ಷಸೇಂದ್ರೇಣ ಜಾನಕೀಂ | ದೇವಗಂಧರ್ವಕನ್ಯಾಸ್ತಾ ವಿಷೇದುರ್ವಿಪುಲೇಕ್ಷಣಾ: || 10 || ಓಷ್ಠಪ್ರಕಾರೈರಪರಾ ನೇತ್ರವಕ್ತ್ರೈಸ್ತಥಾ„ಪರಾ: | ಸೀತಾಮಾಶ್ವಾಸಯಾಮಾಸುಸ್ತರ್ಜಿತಾಂ ತೇನ ರಕ್ಷಸಾ || 11 || ತಾಭಿರಾಶ್ವಾಸಿತಾ ಸೀತಾ ರಾವಣಂ ರಾಕ್ಷಸಾಧಿಪಂ | ಉವಾಚಾತ್ಮಹಿತಂ ವಾಕ್ಯಂ ವೃತ್ತಶೌಂಡೀರ್ಯಗರ್ವಿತಂ || 12 || ನೂನಂ ನ ತೇ ಜನ: ಕಶ್ಚಿದಸಿನ್ನಿ:ಶ್ರೇಯಸೇ ಸ್ಥಿತ: | ನಿವಾರಯತಿ ಯೋ ನ ತ್ವಾಂ ಕರ್ಮಣೋ„ಸ್ಮಾದ್ವಿಗರ್ಹಿತಾತ್ || 13 || ಮಾಂ ಹಿ ಧರ್ಮಾತ್ಮನ: ಪತ್ನೀಂ ಶಚೀಮಿವ ಶಚೀಪತೇ: | ತ್ವದನ್ಯಸ್ತ್ರಿಷು ಲೋಕೇಷು ಪ್ರಾರ್ಥಯೇನ್ಮನಸಾಪಿ ಕ: || 14 || ರಾಕ್ಷಸಾಧಮ ರಾಮಸ್ಯ ಭಾರ್ಯಾಮಮಿತತೇಜಸ: | ಉಕ್ತವಾನಸಿ ಯತ್ಪಾಪಂ ಕ್ವ ಗತಸ್ತಸ್ಯ ಮೋಕ್ಷ್ಯಸೇ || 15 || ಯಥಾ ದೃಪ್ತಶ್ಚ ಮಾತಂಗ: ಶಶಶ್ಚ ಸಹಿತೌ ವನೇ | ತಥಾ ದ್ವಿರದವದ್ರಾಮಸ್ತ್ವಂ ನೀಚ ಶಶವತ್ಸ್ಮೃತ: || 16 || ಸ ತ್ವಮಿಕ್ಷ್ವಾಕುನಾಥಂ ವೈ ಕ್ಷಿಪನ್ನಿಹ ನ ಲಜ್ಜಸೇ | ಚಕ್ಷುಷೋ ವಿಷಯಂ ತಸ್ಯ ನ ತಾವದುಪಗಚ್ಛಸಿ || 17 || ಇಮೇ ತೇ ನಯನೇ ಕ್ರೂರೇ ವಿರೂಪೇ ಕೃಷ್ಣಪಿಂಗಳೇ | ಕ್ಷಿತೌ ನ ಪತಿತೇ ಕಸ್ಮಾನ್ಮಾಮನಾರ್ಯ ನಿರೀಕ್ಷಿತ: || 18 || ತಸ್ಯ ಧರ್ಮಾತ್ಮನ: ಪತ್ನೀಂ ಸ್ನುಷಾಂ ದಶರಥಸ್ಯ ಚ | ಕಥಂ ವ್ಯಾಹರತೋ ಮಾಂ ತೇ ನ ಜಿಹ್ವಾ ಪಾಪ ಶೀರ್ಯತೇ || 19 || ಅಸಂದೇಶಾತ್ತು ರಾಮಸ್ಯ ತಪಸಶ್ಚಾನುಪಾಲನಾತ್ | ನ ತ್ವಾಂ ಕುರ್ಮಿ ದಶಗ್ರೀವ ಭಸ್ಮ ಭಸ್ಮಾರ್ಹತೇಜಸಾ || 20 || ನಾಪಹರ್ತುಮಹಂ ಶಕ್ಯಾ ತಸ್ಯ ರಾಮಸ್ಯ ಧೀಮತ: | ವಿಧಿಸ್ತವ ವಧಾರ್ಥಾಯ ವಿಹಿತೋ ನಾತ್ರ ಸಂಶಯ: || 21 || ಶೂರೇಣ ಧನದಭ್ರಾತಾ ಬಲೈ: ಸಮುದಿತೇನ ಚ | ಅಪೋಹ್ಯ ರಾಮಂ ಕಸ್ಮಾದ್ಧಿ ದಾರಚಾಉರ್ಯಂ ತ್ವಯಾ ಕೃತಂ || 22 || ಸೀತಾಯಾ ವಚನಂ ಶ್ರುತ್ವಾ ರಾವಣೋ ರಾಕ್ಷಸಾಧಿಪ: | ವಿವೃತ್ಯ ನಯನೇ ಕ್ರೂರೇ ಜಾನಕೀಮನ್ವವೈಕ್ಷತ || 23 || ನೀಲಜೀಮೂತಸಂಕಾಶೋ ಮಹಾಭುಜಶಿರೋಧರ: | ಸಿಂಹಸತ್ತ್ವಗತಿ: ಶ್ರೀಮಾನ್ದೀಪ್ತಜಿಹ್ವೋಗ್ರಲೋಚನ: || 24 || ಚಲಾಗ್ರಮಕುಟ: ಪ್ರಾಂಶುಶ್ಚಿತ್ರಮಾಲ್ಯಾನುಲೇಪನ: | ರಕ್ತಮಾಲ್ಯಾಂಬರಧರ: ತಪ್ತಾಂಗದ ವಿಭೂಷಣ: || 25 || ಶ್ರೋಣೀಸೂತ್ರೇಣ ಮಹತಾ ಮೇಕಕೇನ ಸುಸಂವೃತ: | ಅಮೃತೋತ್ಪಾದನದ್ಧೇನ ಭುಜಗೇನೇವ ಮಂದರ: || 26 || ತಾಭ್ಯಾಂ ಸ ಪರಿಪೂರ್ಣಾಭ್ಯಾಂ ಭುಜಾಭ್ಯಾಂ ರಾಕ್ಷಸೇಶ್ವರ: | ಶುಶುಭೇ„ಚಲಸಂಕಾಶ: ಶೃಂಗಾಭ್ಯಾಮಿವ ಮಂದರ: || 27 || ತರುಣಾದಿತ್ಯವರ್ಣಾಭ್ಯಾಂ ಕುಂಡಲಾಭ್ಯಾಂ ವಿಭೂಷಿತ: | ರಕ್ತಪಲ್ಲವ ಪುಷ್ಪಾಭ್ಯಾಂ ಅಶೋಕಾಭ್ಯಾಮಿವಾಚಲ: || 28 || ಸ ಕಲ್ಪವೃಕ್ಷಪ್ರತಿಮೋ ವಸಂತ ಇವ ಮೂರ್ತಿಮಾನ್ | ಶ್ಮಶಾನಚೈತ್ಯಪ್ರತಿಮೋ ಭೂಷಿತೋ„ಪಿ ಭಯಂಕರ: || 29 || ಅವೇಕ್ಷಮಾಣೋ ವೈದೇಹೀಂ ಕೋಪಸನ್ರಕ್ತಲೋಚನ: | ಉವಾಚ ರಾವಣ: ಸೀತಾಂ ಭುಜಂಗ ಇವ ನಿ:ಶ್ವಸನ್ || 30 || ಅನಯೇನಾಭಿ ಸಂಪನ್ನಂ ಅರ್ಥಹೀನಂ ಅನುವ್ರತೇ | ನಾಶಯಾಮ್ಯಹಮದ್ಯ ತ್ವಾಂ ಸೂರ್ಯ: ಸಂಧ್ಯಾಮಿವೌಜಸಾ || 31 || ಇತ್ಯುಕ್ತ್ವಾ ಮೈಥಿಲೀಂ ರಾಜಾ ರಾವಣ: ಶತ್ರುರಾವಣ: | ಸಂದಿದೇಶ ತತ: ಸರ್ವಾ ರಾಕ್ಷಸೀರ್ಘೋರದರ್ಶನಾ: || 32 || ಏಕಾಕ್ಷೀಮೇಕಕರ್ಣಾಂ ಚ ಕರ್ಣಪ್ರಾವರಣಾಂ ತಥಾ | ಗೋಕರ್ಣೀಂ ಹಸ್ತಿಕರ್ಣೀಂ ಚ ಲಂಬಕರ್ಣೀಮಕರ್ಣಿಕಾಂ || 33 || ಹಸ್ತಿಪಾದ್ಯಶ್ವಪಾದ್ಯೌ ಚ ಗೋಪಾದೀಂ ಪಾದಚೂಲಿಕಾಂ | ಏಕಾಕ್ಷೀಮೇಕಪಾದೀಂ ಚ ಪೃಥುಪಾದೀಮಪಾದಿಕಾಂ || 34 || ಅತಿಮಾತ್ರ ಶಿರೋಗ್ರೀವಾಮತಿಮಾತ್ರ ಕುಚೋದರೀಂ | ಅತಿಮಾತ್ರಾಸ್ಯನೇತ್ರಾಂ ಚ ದೀರ್ಘಜಿಹ್ವಾಮಜಿಹ್ವಿಕಾಂ || 35 | ಅನಾಸಿಕಾಂ ಸಿಂಹಮುಖೀಂ ಗೋಮುಖೀಂ ಸೂಕರೀಮುಖೀಂ | ಯಥಾ ಮದ್ವಶಗಾ ಸೀತಾ ಕ್ಷಿಪ್ರಂ ಭವತಿ ಜಾನಕೀ || 36 || ತಥಾ ಕುರುತ ರಾಕ್ಷಸ್ಯ: ಸರ್ವಾ: ಕ್ಷಿಪ್ರಂ ಸಮೇತ್ಯ ಚ | ಪ್ರತಿಲೋಮಾನುಲೋಮೈಶ್ಚ ಸಾಮದಾನಾದಿಭೇದನೈ: || 37 || ಆವರ್ಜಯತ ವೈದೇಹೀಂ ದಂಡಸ್ಯೋದ್ಯಮನೇನ ಚ | ಇತಿ ಪ್ರತಿಸಮಾದಿಶ್ಯ ರಾಕ್ಷಸೇಂದ್ರ: ಪುನ: ಪುನ: || 38 || ಕಾಮಮನ್ಯುಪರೀತಾತ್ಮಾ ಜಾನಕೀಂ ಪರ್ಯತರ್ಜಯತ್ | ಉಪಗಮ್ಯ ತತ: ಕ್ಷಿಪ್ರಂ ರಾಕ್ಷಸೀ ಧಾನ್ಯಮಾಲಿನೀ || 39 || ಪರಿಷ್ವಜ್ಯ ದಶಗ್ರೀವಮಿದಂ ವಚನಮಬ್ರವೀತ್ | ಮಯಾ ಕ್ರೀಡ ಮಹಾರಾಜಸೀತಯಾ ಕಿಂ ತವಾನಯಾ || 40 || ವಿವರ್ಣಯಾ ಕೃಪಣಯಾ ಮಾನುಷ್ಯಾ ರಾಕ್ಷಸೇಶ್ವರ | ನೂನಮಸ್ಯಾ ಮಹಾರಾಜ ನ ದಿವ್ಯಾಂಭೋಗಸತ್ತಮಾನ್ || 41 || ವಿದಧಾತ್ಯಮರಶ್ರೇಷ್ಠಸ್ತವ ಬಾಹುಬಲಾರ್ಜಿತಾನ್ | ಅಕಾಮಾಂ ಕಾಮಯಾನಸ್ಯ ಶರೀರಮುಪತಪ್ಯತೇ || 42 || ಇಚ್ಛಂತೀಂ ಕಾಮಯಾನಸ್ಯ ಪ್ರೀತಿರ್ಭವತಿ ಶೋಭನಾ | ಏವಮುಕ್ತಸ್ತು ರಾಕ್ಷಸ್ಯಾ ಸಮುತ್ಕ್ಷಿಪ್ತಸ್ತತೋ ಬಲೀ || 43 || ಪ್ರಹಸನ್ಮೇಘಸಂಕಾಶೋ ರಾಕ್ಷಸ: ಸ ನ್ಯವರ್ತತ | ಪ್ರಸ್ಥಿತ: ಸ ದಶಗ್ರೀವ: ಕಂಪಯನ್ನಿವ ಮೇದಿನೀಂ | ಜ್ವಲದ್ಭಾಸ್ಕರವರ್ಣಾಭಂ ಪ್ರವಿವೇಶ ನಿವೇಶನಂ || 44 || ದೇವಗಂಧರ್ವಕನ್ಯಾಶ್ಚ ನಾಗಕನ್ಯಾಶ್ಚ ಸರ್ವತ: | ಪರಿವಾರ್ಯ ದಶಗ್ರೀವಂ ವಿವಿಶುಸ್ತದ್ಗೃಹೋತ್ತಮಂ || 45 || ಸ ಮೈಥಿಲೀಂ ಧರ್ಮಪರಾಮವಸ್ಥಿತಾಂ ಪ್ರವೇಪಮಾನಾಂ ಪರಿಭತ್ಸ್ರ್ಯ ರಾವಣ: | ವಿಹಾಯ ಸೀತಾಂ ಮದನೇನ ಮೋಹಿತ: ಸ್ವಮೇವ ವೇಶ್ಮ ಪ್ರವಿವೇಶ ಭಾಸ್ವರಂ || 46 || || ಇತಿ ದ್ವಾವಿಂಶ: ಸರ್ಗ: ||
ಇತ್ಯುಕ್ತ್ವಾ ಮೈಥಿಲೀಂ ರಾಜಾ ರಾವಣ: ಶತ್ರುರಾವಣ: | ಸಂದಿಶ್ಯ ಚ ತತ: ಸರ್ವಾ ರಾಕ್ಷಸೀರ್ನಿರ್ಜಗಾಮ ಹ || 1 || ನಿಷ್ಕ್ರಾಂತೇ ರಾಕ್ಷಸೇಂದ್ರೇ ತು ಪುನರಂತ:ಪುರಂ ಗತೇ | ರಾಕ್ಷಸ್ಯೇ ಭೀಮರೂಪಾಸ್ತಾ: ಸೀತಾಂ ಸಮಭಿದುದ್ರುವು: || 2 || ತತ: ಸೀತಾಮುಪಾಗಮ್ಯ ರಾಕ್ಷಸ್ಯ: ಕ್ರೋಧಮೂರ್ಛಿತಾ: | ಪರಂ ಪರುಷಯಾ ವಾಚಾ ವೈದೇಹೀಂ ಇದಮಬ್ರುವನ್ || 3 || ಪೌಲಸ್ತ್ಯಸ್ಯ ವರಿಷ್ಠಸ್ಯ ರಾವಣಸ್ಯ ಮಹಾತ್ಮನ: | ದಶಗ್ರೀವಸ್ಯ ಭಾರ್ಯಾತ್ವಂ ಸೀತೇ ನ ಬಹು ಮನ್ಯಸೇ || 4 || ತತಸ್ತ್ವೇಕಜಟಾ ನಾಮ ರಾಕ್ಷಸೀ ವಾಕ್ಯಮಬ್ರವೀತ್ | ಆಮಂತ್ರ್ಯ ಕ್ರೋಧತಾಮ್ರಾಕ್ಷೀ ಸೀತಾಂ ಕರತಲೋದರೀಂ || 5 || ಪ್ರಜಾಪತೀನಾಂ ಷಣ್ಣಾಂ ತು ಚತುರ್ಥೋ ಯ: ಪ್ರಜಾಪತಿ: | ಮಾನಸೋ ಬ್ರಹ್ಮಣ: ಪುತ್ರ: ಪುಲಸ್ತ್ಯ ಇತಿ ವಿಶ್ರುತ: || 6 || ಪುಲಸ್ತ್ಯಸ್ಯ ತು ತೇಜಸ್ವೀ ಮಹರ್ಷಿರ್ಮಾನಸ: ಸುತ: | ನಾಮ್ನಾ ಸ ವಿಶ್ರವಾ ನಾಮ ಪ್ರಜಾಪತಿಸಮಪ್ರಭ: || 7 || ತಸ್ಯ ಪುತ್ರೋ ವಿಶಾಲಾಕ್ಷಿ ರಾವಣ: ಶತ್ರುರಾವಣ: | ತಸ್ಯ ತ್ವಂ ರಾಕ್ಷಸೇಂದ್ರಸ್ಯ ಭಾರ್ಯಾ ಭವಿತುಮರ್ಹಸಿ || 8 || ಮಯೋಕ್ತಂ ಚಾರುಸರ್ವಾಂಗಿ ವಾಕ್ಯಂ ಕಿಂ ನಾನುಮನ್ಯಸೇ | ತತೋ ಹರಿಜಟಾ ನಾಮ ರಾಕ್ಷಸೀ ವಾಕ್ಯಮಬ್ರವೀತ್ || 9 || ವಿವñತ್ಯ ನಯನೇ ಕೋಪಾನ್ಮಾರ್ಜಾರಸದñಶೇಕ್ಷಣಾ | ಯೇನ ದೇವಾಸ್ತ್ರಯಸ್ತ್ರಿಂಶದ್ದೇವರಾಜಶ್ಚ ನಿರ್ಜಿತಾ: || 10 || ತಸ್ಯ ತ್ವಂ ರಾಕ್ಷಸೇಂದ್ರಸ್ಯ ಭಾರ್ಯಾ ಭವಿತುಮರ್ಹಸಿ | ತತಸ್ತು ಪ್ರಘಸಾ ನಾಮ ರಾಕ್ಷಸೀ ಕ್ರೋಧಮೂರ್ಛಿತಾ || 11 || ಭತ್ರ್ಸಯಂತೀ ತದಾ ಘೋರಮಿದಂ ವಚನಮಬ್ರವೀತ್ | ವೀರ್ಯೋತ್ಸಿಕ್ತಸ್ಯ ಶೂರಸ್ಯ ಸಂಗ್ರಾಮೇಷ್ವನಿವರ್ತಿನ: || 12 || ಬಲಿನೋ ವೀರ್ಯಯುಕ್ತಸ್ಯಾ ಭಾರ್ಯಾತ್ವಂ ಕಿಂ ನ ಲಪ್ಸ್ಯಸೇ | ಪ್ರಿಯಾಂ ಬಹುಮತಾಂ ಭಾರ್ಯಾಂ ತ್ಯಕ್ತ್ವಾ ರಾಜಾ ಮಹಾಬಲ: || 13 || ಸರ್ವಾಸಾಂ ಚ ಮಹಾಭಾಗಾಂ ತ್ವಾಮುಪೈಷ್ಯತಿ ರಾವಣ: | ಸಮñದ್ಧಂ ಸ್ತ್ರೀಸಹಸ್ರೇಣ ನಾನಾರತ್ನೋಪಶೋಭಿತಂ || 14 || ಅಂತ:ಪುರಂ ಸಮುತ್ಸñಜ್ಯ ತ್ವಾಮುಪೈಷ್ಯತಿ ರಾವಣ: | ಅನ್ಯಾ ತು ವಿಕಟಾ ನಾಮ ರಾಕ್ಷಸೀ ವಾಕ್ಯಮಬ್ರವೀತ್ || 15 || ಅಸಕñದ್ದೇವತಾ ಯುದ್ಧೇ ನಾಗಗಂಧರ್ವದಾನವಾ: | ನಿರ್ಜಿತಾ: ಸಮರೇ ಯೇನ ಸ ತೇ ಪಾಶ್ರ್ವಮುಪಾಗತ: || 16 || ತಸ್ಯ ಸರ್ವಸಮñದ್ಧಸ್ಯಾ ರಾವಣಸ್ಯ ಮಹಾತ್ಮನ: | ಕಿಮರ್ಥಂ ರಾಕ್ಷಸೇಂದ್ರಸ್ಯ ಭಾರ್ಯಾತ್ವಂ ನೇಚ್ಛಸೇ„ಧಮೇ || 17 || ತತಸ್ತು ದುರ್ಮುಖೀ ನಾಮ ರಾಕ್ಷಸೀ ವಾಕ್ಯಮಬ್ರಚೀತ್ | ಯಸ್ಯ ಸೂರ್ಯೋ ನ ತಪತಿ ಭೀತೋ ಯಸ್ಯ ಚ ಮಾರುತ: || 18 || ನ ವಾತಿ ಸ್ಮಾಯತಾಪಾಂಗೇ ಕಿಂ ತ್ವಂ ತಸ್ಯ ನ ತಿಷ್ಠಸಿ | ಪುಷ್ಪವñಷ್ಟಿಂ ಚ ತರವೋ ಮುಮುಚುರ್ಯಸ್ಯ ವೈ ಭಯಾತ್ || 19 || ಶೈಲಾಶ್ಚ ಸುಭ್ರೂ: ಪಾನೀಯಂ ಜಲದಾಶ್ಚ ಯದೇಚ್ಛತಿ | ತಸ್ಯ ನೈಋತರಾಜಸ್ಯ ರಾಜರಾಜಸ್ಯ ಭಾಮಿನಿ | ಕಿಂ ತ್ವಂ ನ ಕುರುಷೇ ಬುದ್ಧಿಂ ಭಾರ್ಯಾರ್ಥೇ ರಾವಣಸ್ಯ ಹಿ || 20 || ಸಾಧು ತೇ ತತ್ತ್ವತೋ ದೇವಿ ಕಥಿತಂ ಸಾಧು ಭಾಮಿನಿ | ಗñಹಾಣ ಸುಸ್ಮಿತೇ ವಾಕ್ಯಮನ್ಯಥಾ ನ ಭವಿಷ್ಯಸಿ || 21 || || ಇತಿ ತ್ರಯೋವಿಂಶ: ಸರ್ಗ: ||
ತತ: ಸೀತಾಮುಪಾಗಮ್ಯ ರಾಕ್ಷಸ್ಯೋ ವಿಕೃತಾನನಾ: | ಪರುಷಂ ಪರುಷಾ ನಾರ್ಯ ಊಚುಸ್ತಾಂ ವಾಕ್ಯಮಪ್ರಿಯಂ || 1 || ಕಿಂ ತ್ವಮಂತ:ಪುರೇ ಸೀತೇ ಸರ್ವಭೂತಮನೋಹರೇ | ಮಹಾರ್ಹಶಯನೋಪೇತೇ ನ ವಾಸಮನುಮನ್ಯಸೇ || 2 || ಮಾನುಷೀ ಮಾನುಷಸ್ಯೈವ ಭಾರ್ಯಾತ್ವಂ ಬಹುಮನ್ಯಸೇ | ಪ್ರತ್ಯಾಹರ ಮನೋ ರಾಮಾನ್ನ ತ್ವಂ ಜಾತು ಭವಿಷ್ಯಸಿ || 3 || ತ್ರೈಲೋಕ್ಯವಸುಭೋಕ್ತಾರಂ ರಾವಣಂ ರಾಕ್ಷಸೇಶ್ವರಂ | ಭರ್ತಾರಮುಪಸಂಗಮ್ಯ ವಿಹರಸ್ವ ಯಥಾಸುಖಂ || 4 || ಮಾನುಷೀ ಮಾನುಷಂ ತಂ ತು ರಾಮಮಿಚ್ಛಸಿ ಶೋಭನೇ | ರಾಜ್ಯಾದ್ಭ್ರಾಷ್ಟಮಸಿದ್ಧಾರ್ಥಂ ವಿಕ್ಲಬಂ ತ್ವಮನಿಂದಿತೇ || 5 || ರಾಕ್ಷಸೀನಾಂ ವಚ: ಶ್ರುತ್ವಾ ಸೀತಾ ಪದ್ಮನಿಭೇಕ್ಷಣಾ | ನೇತ್ರಾಭ್ಯಾಮಶ್ರುಪೂರ್ಣಾಭ್ಯಾಮಿದಂ ವಚನಮಬ್ರವೀತ್ || 6 || ಯದಿದಂ ಲೋಕವಿದ್ವಿಷ್ಟಮುದಾಹರಥ ಸಂಗತಾ: | ನೈತನ್ಮನಸಿ ವಾಕ್ಯಂ ಮೇ ಕಿಲ್ಬಿಷಂ ಪ್ರತಿಭಾತಿ ವ: || 7 || ನ ಮಾನುಷೀ ರಾಕ್ಷಸಸ್ಯ ಭಾರ್ಯಾ ಭವಿತುಮರ್ಹತಿ | ಕಾಮಂ ಖಾದತ ಮಾಂ ಸರ್ವಾ ನ ಕರಿಷ್ಯಾಮಿ ವೋ ವಚ: || 8 || ದೀನೋ ವಾ ರಾಜ್ಯಹೀನೋ ವಾ ಯೋ ಮೇ ಭರ್ತಾ ಸ ಮೇ ಗುರು: | ತಂ ನಿತ್ಯಮನುರಕ್ತಾಸ್ಮಿ ಯಥಾ ಸೂರ್ಯಂ ಸುವರ್ಚಲಾ || 9 || ಯಥಾ ಶಚೀ ಮಹಾಭಾಗಾ ಶಕ್ರಂ ಸಮುಪತಿಷ್ಠತಿ | ಅರುಂಧತೀ ವಸಿಷ್ಠಂ ಚ ರೋಹಿಣೀ ಶಶಿನಂ ಯಥಾ || 10 || ಲೋಪಾಮುದ್ರಾ ಯಥಾಗಸ್ತ್ಯಂ ಸುಕನ್ಯಾಚ್ಯವನಂ ಯಥಾ | ಸಾವಿತ್ರೀ ಸತ್ಯವಂತಂ ಚ ಕಪಿಲಂ ಶ್ರೀಮತೀ ಯಥಾ || 11 || ಸೌದಾಸಂ ಮದಯಂತೀವ ಕೇಶಿನೀ ಸಗರಂ ಯಥಾ | ನೈಷಧಂ ದಮಯಂತೀವ ಭೈಮೀ ಪತಿಮನುವ್ರತಾ || 12 || ತಥಾಹಮಿಕ್ಷ್ವಾಕುವರಂ ರಾಮಂ ಪತಿಮನುವ್ರತಾ | ಸೀತಾಯಾ ವಚನಂ ಶ್ರುತ್ವಾ ರಾಕ್ಷಸ್ಯ: ಕ್ರೋಧಮೂರ್ಚಿತಾ: || 13 || ಭತ್ರ್ಸಯಂತಿ ಸ್ಮ ಪರುಷೈರ್ವಾಕ್ಯೈ ರಾವಣಚೋದಿತಾ: | ಅವಲೀನ: ಸ ನಿರ್ವಾಕ್ಯೋ ಹನುಮಾನ್ ಶಿಂಶುಪಾದ್ರುಮೇ || 14 || ಸೀತಾಂ ಸಂತರ್ಜಯಂತೀಸ್ತಾ ರಾಕ್ಷಸೀರಶೃಣೋತ್ ಕಪಿ: | ತಾಮಭಿಕ್ರಮ್ಯ ಸಂಕ್ರುದ್ದಾ ವೇಪಮಾನಾಂ ಸಮಂತತ: || 15 || ಭೃಶಂ ಸಂಲಿಲಿಹುರ್ದೀಪ್ತಾನ್ ಪ್ರಲಂಬಾನ್ ದಶನಚ್ಛ್ಹದಾನ್ | ಊಚುಶ್ಚ ಪರಮಕ್ರುದ್ಧಾ: ಪ್ರಗೃಹ್ಯಾಶು ಪರಶ್ವಧಾನ್ || 16 || ನೇಯಮರ್ಹತಿ ಭರ್ತಾರಂ ರಾವಣಂ ರಾಕ್ಷಸಾಧಿಪಂ | ಸಂಭತ್ಸ್ರ್ಯಮಾನಾ ಭೀಮಾಭೀ ರಾಕ್ಷಸೀಭಿರ್ವರಾನನಾ || 17 || ಸ ಬಾಷ್ಪಮಪಮಾರ್ಜಂತೀ ಶಿಂಶುಪಾಂ ತಾಮುಪಾಗಮತ್ | ತತಸ್ತಾಂ ಶಿಂಶುಪಾಂ ಸೀತಾ ರಾಕ್ಷಸೀಭಿ: ಸಮಾವೃತಾ || 18 || ಅಭಿಗಮ್ಯ ವಿಶಾಲಾಕ್ಷೀ ತಸ್ಥೌ ಶೋಕಪರಿಪ್ಲುತಾ | ತಾಂ ಕೃಶಾಂ ದೀನವದನಾಂ ಮಲಿನಾಂಬರಧಾರಿಣೀಂ || 19 || ಭತ್ರ್ಸಯಾಂಚಕ್ರಿರೇ ಸೀತಾಂ ರಾಕ್ಷಸ್ಯಸ್ತಾಂ ಸಮಂತತ: | ತತಸ್ತಾಂ ವಿನತಾ ನಾಮ ರಾಕ್ಷಸೀ ಭೀಮದರ್ಶನಾ || 20 || ಅಬ್ರವೀತ್ಕುಪಿತಾಕಾರಾ ಕರಾಳಾ ನಿರ್ಣತೋದರೀ | ಸೀತೇ ಪರ್ಯಾಪ್ತಮೇತಾವದ್ಭರ್ತು: ಸ್ನೇಹೋ ನಿದರ್ಶಿತ: || 21 || ಸರ್ವಾತ್ರಾತಿಕೃತಂ ಭದ್ರೇ ವ್ಯಸನಾಯೋಪಕಲ್ಪತೇ | ಪರಿತುಷ್ಟಾಸ್ಮಿ ಭದ್ರಂ ತೇ ಮಾನುಷಸ್ತೇ ಕೃತೋ ವಿಧಿ: || 22 || ಮಮಾತಿ ತು ವಚ: ಪಥ್ಯಂ ಬ್ರುವಂತ್ಯಾ: ಕುರು ಮೈಥಿಲಿ | ರಾವಣಂ ಭಜ ಭರ್ತಾರಂ ಭರ್ತಾರಂ ಸರ್ವರಕ್ಷಸಾಂ || 23 || ವಿಕ್ರಾಂತಂ ರೂಪವಂತಂ ಚ ಸುರೇಶಮಿವ ವಾಸವಂ | ದಕ್ಷಿಣಂ ತ್ಯಾಗಶೀಲಂ ಚ ಸರ್ವಸ್ಯ ಪ್ರಿಯದರ್ಶನಂ || 24 || ಮಾನುಷಂ ಕೃಪಣಂ ರಾಮಂ ತ್ಯಕ್ತ್ವಾ ರಾವಣಮಾಶ್ರಯ | ದಿವ್ಯಾಂಗರಾಗಾ ವೈದೇಹಿ ದಿವ್ಯಾಭರಣಭೂಷಿತಾ || 25 || ಅದ್ಯಪ್ರಭೃತಿ: ಸರ್ವೇಷಾಂ ಲೋಕಾನಾಮೀಶ್ವರೀ ಭವ | ಅಗ್ನೇ: ಸ್ವಾಹಾ ಯಥಾ ದೇವೀ ಶಚೀವೇಂದ್ರಸ್ಯ ಶೋಭನೇ || 26 || ಕಿಂ ತೇ ರಾಮೇಣ ವೈದೇಹಿ ಕೃಪಣೇನ ಗತಾಯುಷಾ | ಏತದುಕ್ತಂ ಚ ಮೇ ವಾಕ್ಯಂ ಯದಿ ತ್ವಂ ನ ಕರಿಷ್ಯಸಿ || 27 || ಅಸ್ಮಿನ್ಮುಹೂರ್ತೇ ಸರ್ವಾಸ್ತ್ವಾಂ ಭಕ್ಷಯಿಷ್ಯಾಮಹೇ ವಯಂ | ಅನ್ಯಾ ತು ವಿಕಟಾ ನಾಮ ಲಂಬಮಾನಪಯೋಧರಾ || 28 || ಅಬ್ರವೀತ್ಕುಪಿತಾ ಸೀತಾಂ ಮುಷ್ಟಿಮುದ್ಯಮ್ಯ ಗರ್ಜತೀ | ಬಹೂನ್ಯಪ್ರಿಯರೂಪಾಣಿ ವಚನಾನಿ ಸುದುರ್ಮತೇ || 29 || ಅನುಕ್ರೋಶಾನ್ಮಋದುತ್ವಾಚ್ಚ ಸೋಢಾನಿ ತವ ಮೈಥಿಲಿ | ನ ಚ ನ: ಕುರುಷೇ ವಾಕ್ಯಂ ಹಿತಂ ಕಾಲಪುರ:ಸರಂ || 30 || ಆನೀತಾಸಿ ಸಮುದ್ರಸ್ಯ ಪಾರಮನ್ಯೈರ್ದುರಾಸದಂ | ರಾವಣಾಂತ:ಪುರಂ ಘೋರಂ ಪ್ರವಿಷ್ಟಾ ಚಾಸಿ ಮೈಥಿಲಿ || 31 || ರಾವಣಸ್ಯ ಗೃಹೇ ರುದ್ಧಾಮಸ್ಮಾಭಿಸ್ತು ಸುರಕ್ಷಿತಾಂ | ನ ತ್ವಾಂ ಶಕ್ತ: ಪರಿತ್ರಾತುಮಪಿ ಸಾಕ್ಷಾತ್ಪುರಂದರ: || 32 || ಕುರುಷ್ವ ಹಿತವಾದಿನ್ಯಾ ವಚನಂ ಮಮ ಮೈಥಿಲಿ | ಅಲಮಶ್ರುಪ್ರಪಾತೇನ ತ್ಯಜ ಶೋಕಮನರ್ಥಕಂ || 33 || ಭಜ ಪ್ರೀತಿಂ ಚ ಹರ್ಷಂ ಚ ತ್ಯಜೈತಾಂ ನಿತ್ಯದೈನ್ಯತಾಂ | ಸೀತೇ ರಾಕ್ಷಸರಾಜೇನ ಸಹ ಕ್ರೀಡ ಯಥಾಸುಖಂ || 34 || ಜಾನಾಸಿ ಹಿ ಯಥಾ ಭೀರು ಸ್ತ್ರೀಣಾಂ ಯೌವನಮಧ್ರುವಂ | ಯಾವನ್ನ ತೇ ವ್ಯತಿಕ್ರಾಮೇತ್ತಾವತ್ಸುಖಮವಾಪ್ನುಹಿ || 35 || ಉದ್ಯಾನಾನಿ ಚ ರಮ್ಯಾಣಿ ಪರ್ವತೋಪವನಾನಿ ಚ | ಸಹ ರಾಕ್ಷಸರಾಜೇನ ಚರ ತ್ವಂ ಮದಿರೇಕ್ಷಣೇ || 36 || ಸ್ತ್ರೀಸಹಸ್ರಾಣಿ ತೇ ಸಪ್ತ ವಶೇ ಸ್ಥಾಸ್ಯಂತಿ ಸುಂದರಿ | ರಾವಣಂ ಭಜ ಭರ್ತಾರಂ ಭರ್ತಾರಂ ಸರ್ವರಕ್ಷಸಾಂ || 37 || ಉತ್ಪಾಟ್ಯ ವಾ ತೇ ಹೃದಯಂ ಭಕ್ಷಯಿಷ್ಯಾಮಿ ಮೈಥಿಲಿ | ಯದಿ ಮೇ ವ್ಯಾಹೃತಂ ವಾಕ್ಯಂ ನ ಯಥಾವತ್ಕರಿಷ್ಯಸಿ || 38 || ತತಶ್ಚಂಡೋದರೀ ನಾಮ ರಾಕ್ಷಸೀ ಕ್ರೋಧಮೂರ್ಛಿತಾ | ಭ್ರಾಮಯಂತೀ ಮಹಚ್ಛೂಲಮಿದಂ ವಚನಮಬ್ರವೀತ್ || 39 || ಇಮಾಂ ಹರಿಣಲೋಲಾಕ್ಷೀಂ ತ್ರಾಸೋತ್ಕಂಪಿಪಯೋಧರಾಂ | ರಾವಣೇನ ಹೃತಾಂ ದೃಷ್ಟ್ವಾ ದೌಹೃದೋ ಮೇ ಮಹಾನಭೂತ್ || 40 || ಯಕೃತ್ಲ್ಪೀಹ ಮಥೋತ್ಪೀಡಂ ಹೃದಯಂ ಚ ಸಬಂಧನಂ | ಅನ್ತ್ರಾಣ್ಯಪಿ ತಥಾ ಶೀರ್ಷಂ ಖಾದೇಯಮಿತಿ ಮೇ ಮತಿ: || 41 || ತತಸ್ತು ಪ್ರಘಸಾ ನಾಮ ರಾಕ್ಷಸೀ ವಾಕ್ಯಮಬ್ರವೀತ್ | ಕಂಠಮಸ್ಯಾ ನೃಶಂಸಾಯಾ: ಪೀಡಯಾಮ ಕಿಮಾಸ್ಯತೇ || 42 || ನಿವೇದ್ಯತಾಂ ತತೋ ರಾಜ್ಞೇ ಮಾನುಷೀ ಸಾ ಮೃತೇತಿ ಹ | ನಾತ್ರ ಕಶ್ಚನ ಸಂದೇಹ: ಖಾದತೇತಿ ಸ ವಕ್ಷ್ಯತಿ || 43 || ತತಸ್ತ್ವಜಾಮುಖೀ ನಾಮ ರಾಕ್ಷಸೀ ವಾಕ್ಯಮಬ್ರವೀತ್ | ವಿಶಸ್ಯೇಮಾಂ ತತ: ಸರ್ವಾ: ಸಮಾನ್ ಕುರುತ ಪೀಲುಕಾನ್ || 44 || ವಿಭಜಾಮ ತತ: ಸರ್ವಾ ವಿವಾದೋ ಮೇ ನ ರೋಚತೇ | ಪೇಯಮಾನೀಯತಾಂ ಕ್ಷಿಪ್ರಂ ಮಾಲ್ಯಂ ಚ ವಿವಿಧಂ ಬಹು || 45 || ತತ: ಶೂರ್ಪಣಖಾ ನಾಮ ರಾಕ್ಷಸೀ ವಾಕ್ಯಮಬ್ರವೀತ್ | ಅಜಾಮುಖ್ಯಾ ಯದುಕ್ತಂ ಹಿ ತದೇವ ಮಮ ರೋಚತೇ || 46 || ಸುರಾ ಚಾನೀಯತಾಂ ಕ್ಷಿಪ್ರಂ ಸರ್ವಶೋಕವಿನಾಶಿನೀ | ಮಾನುಷಂ ಮಾಂ ಸಮಾಸ್ವಾದ್ಯ ನೃತ್ಯಾಮೋ„ಥ ನಿಕುಂಭಿಲಾಂ || 47 || ಏವಂ ಸಂಭತ್ಸ್ರ್ಯಮಾನಾ ಸಾ ಸೀತಾ ಸುರಸುತೋಪಮಾ | ರಾಕ್ಷಸೀಭಿ: ಸುಘೋರಾಭಿರ್ಧೈರ್ಯಮುತ್ಸೃಜ್ಯ ರೋದಿತಿ || 48 || || ಇತಿ ಚತುರ್ವಿಂಶ: ಸರ್ಗ: ||
ತಥಾ ತಾಸಾಂ ವದಂತೀನಾಂ ಪರುಷನ್ ದಾರುಣಂ ಬಹು | ರಾಕ್ಷಸೀನಾಂ ಸೌಮ್ಯಾನಾಂ ರುರೋದ ಜನಕಾತ್ಮಜಾ || 1 || ಏವಮುಕ್ತಾ ತು ವೈದೇಹೀ ರಾಕ್ಷಸೀಭಿರ್ಮನಸ್ವಿನೀ | ಉವಾಚ ಪರಮತ್ರಸ್ತಾ ಬಾಷ್ಪಗದ್ಗದಯಾ ಗಿರಾ || 2 || ನ ಮಾನುಷೀ ರಾಕ್ಷಸಸ್ಯ ಭಾರ್ಯಾ ಭವಿತುಮರ್ಹತಿ | ಕಾಮಂ ಖಾದತ ಮಾಂ ಸರ್ವಾ ನ ಕರಿಷ್ಯಾಮಿ ವೋ ವಚ: || 3 || ಸಾ ರಾಕ್ಷಸೀ ಮಧ್ಯಗತಾ ಸೀತಾ ಸುರಸುತೋಪಮಾ | ನ ಶರ್ಮ ಲೇಭೇ ದುಃಖಾರ್ತಾ ರಾವಣೇನ ಚ ತರ್ಜಿತಾ || 4 || ವೇಪತೇ ಸ್ಮಾಧಿಕಂ ಸೀತಾ ವಿಶಂತೀವಾಂಗಮಾತ್ಮನ: | ವನೇ ಯೂಥಪರಿಭ್ರಷ್ಟಾ ಮೃಗೀ ಕೋಕೈರಿವಾರ್ದಿತಾ || 5 || ಸಾ ತ್ವಶೋಕಸ್ಯ ವಿಪುಲಾಂ ಶಾಖಾಮಾಲಂಬ್ಯ ಪುಷ್ಪಿತಾಂ | ಚಿಂತಯಾಮಾಸ ಶೋಕೇನ ಭರ್ತಾರಂ ಭಗ್ನಮಾನಸಾ || 6 || ಸಾ ಸ್ನಾಪಯಂತೀ ವಿಪುಲೌ ಸ್ತನೌ ನೇತ್ರಜಲಸ್ರವೈ: | ಚಿಂತಯಂತೀ ನ ಶೋಕಸ್ಯ ತದಾ„ಂತಮಧಿಗಚ್ಛತಿ || 7 || ಸಾ ವೇಪಮಾನಾ ಪತಿತಾ ಪ್ರವಾತೇ ಕದಳೀ ಯಥಾ | ರಾಕ್ಷಸೀನಾಂ ಭಯತ್ರಸ್ತಾ ವಿವರ್ಣವದನಾ„ಭವತ್ || 8 || ತಸ್ಯಾ ಸಾ ದೀರ್ಘವಿಪುಲಾ ವೇಪಂತ್ಯಾಃ ಸೀತಯಾ ತದಾ | ದದೃಶೇ ಕಂಪಿನೀ ವೇಣೀ ವ್ಯಾಲೀವ ಪರಿಸರ್ಪತೀ || 9 || ಸಾ ನಿಃಶ್ವಸಂತೀ ದುಃಖಾರ್ತಾ ಶೋಕೋಪಹತಚೇತನಾ | ಆರ್ತಾ ವ್ಯಸೃಜದಶ್ರೂಣಿ ಮೈಥಿಲೀ ವಿಲಲಾಪ ಹ || 10 || ಹಾ ರಾಮೇತಿ ಚ ದುಃಖಾರ್ತಾ ಪುನರ್ಹಾ ಲಕ್ಷ್ಮಣೇತಿ ಚ | ಹಾ ಶ್ವಶ್ರು ಮಮ ಕೌಸಲ್ಯೇ ಹಾ ಸುಮಿತ್ರೇತಿ ಭಾಮಿನಿ || 11 || ಲೋಕಪ್ರವಾದಃ ಸತ್ಯೋ„ಯಂ ಪಂಡಿತೈಃ ಸಮುದಾಹೃತ: | ಅಕಾಲೇ ದುರ್ಲಭೋ ಮೃತ್ಯುಃ ಸ್ತ್ರಿಯಾ ವಾ ಪುರುಷಸ್ಯ ವಾ || 12 || ಯತ್ರಾಹಮೇವಂ ಕ್ರೂರಾಭೀ ರಾಕ್ಷಸೀಭಿರಿಹಾರ್ದಿತಾ | ಜೀವಾಮಿ ಹೀನಾ ರಾಮೇಣ ಮುಹೂರ್ತಮಪಿ ದು:ಖಿತಾ || 13 || ಏಷಾ„ಲ್ಪಪುಣ್ಯಾ ಕೃಪಣಾ ವಿನಶಿಷ್ಯಾಮ್ಯನಾಥವತ್ | ಸಮುದ್ರಮಧ್ಯೇ ನೌ ಪೂರ್ಣಾ ವಾಯುವೇಗೈರಿವಾಹತಾ || 14 || ಭರ್ತಾರಂ ತಮಪಶ್ಯಂತೀ ರಾಕ್ಷಸೀವಶಮಾಗತಾ | ಸೀದಾಮಿ ಖಲು ಶೋಕೇನ ಕೂಲಂ ತೋಯಹತಂ ಯಥಾ || 15 || ತಂ ಪದ್ಮದಳಪತ್ರಾಕ್ಷಂ ಸಿಂಹವಿಕ್ರಾಂತಗಾಮಿನಂ | ಧನ್ಯಾ: ಪಶ್ಯಂತಿ ಮೇ ನಾಥಂ ಕೃತಜ್ಞಂ ಪ್ರಿಯವಾದಿನಂ || 16 || ಸರ್ವಥಾ ತೇನ ಹೀನಾಯಾ ರಾಮೇಣ ವಿದಿತಾತ್ಮನಾ | ತೀಕ್ಷ್ಣಂ ವಿಷಮಿವಾಸ್ವಾದ್ಯ ದುರ್ಲಭಂ ಮಮ ಜೀವಿತಂ || 17 || ಕೀದೃಶಂ ತು ಮಯಾ ಪಾಪಂ ಪುರಾ ಜನ್ಮಾಂತರೇ ಕೃತಂ | ಯೇನೇದಂ ಪ್ರಾಪ್ಯತೇ ದುಃಖಂ ಮಯಾ ಘೋರಂ ಸುದಾರುಣಂ || 18 || ಜೀವಿತಂ ತ್ಯಕ್ತುಮಿಚ್ಛಾಮಿ ಶೋಕೇನ ಮಹತಾ ವೃತಾ | ರಾಕ್ಷಸೀಭಿಶ್ಚ ರಕ್ಷಂತ್ಯಾ ರಾಮೋ ನಾಸಾದ್ಯತೇ ಮಯಾ || 19 || ಧಿಗಸ್ತು ಖಲು ಮಾನುಷ್ಯಂ ಧಿಗಸ್ತು ಪರವಶ್ಯತಾಂ | ನ ಶಕ್ಯಂ ಯತ್ಪರಿತ್ಯಕ್ತುಂ ಆತ್ಮಚ್ಛಂದೇನ ಜೀವಿತಂ || 20 || || ಇತಿ ಪಂಚವಿಂಶ ಸರ್ಗ: ||
ಪ್ರಸಕ್ತಾಶ್ರುಮುಖೀತ್ಯೇವಂ ಬ್ರುವಂತೀ ಜನಕಾತ್ಮಜಾ | ಅಧೋಮುಖಮುಖೀ ಬಾಲಾ ವಿಲಪ್ತುಮುಪಚಕ್ರಮೇ || 1 || ಉನ್ಮತ್ತೇವ ಪ್ರಮತ್ತೇವ ಭ್ರಾಂತಚಿತ್ತೇವ ಶೋಚತೀ | ಉಪಾವೃತ್ತಾ ಕಿಶೋರೀವ ವಿವೇಷ್ಟಂತೀ ಮಹೀತಲೇ || 2 || ರಾಘವಸ್ಯಾಪ್ರಮತ್ತಸ್ಯ ರಕ್ಷಸಾ ಕಾಮರೂಪಿಣಾ | ರಾವಣೇನ ಪ್ರಮಥ್ಯಾಹಮಾನೀತಾ ಕ್ರೋಶತೀ ಬಲಾತ್ || 3 || ರಾಕ್ಷಸೀ ವಶಮಾಪನ್ನಾ ಭತ್ರ್ಯಮಾನಾ ಸುದಾರುಣಂ | ಚಿಂತಯಂತೀ ಸುದು:ಖಾರ್ತಾ ನಾಹಂ ಜೀವಿತುಮುತ್ಸಹೇ || 4 || ನ ಹಿ ಮೇ ಜೀವಿತೇನಾರ್ಥೋ ನೈವಾರ್ಥೈರ್ನ ಚ ಭೂಷಣೈ: | ವಸಂತ್ಯಾ ರಾಕ್ಷಸೀ ಮಧ್ಯೇ ವಿನಾ ರಾಮಂ ಮಹಾರಥಂ || 5 || ಅಶ್ಮಸಾರಮಿದಂ ನೂನಮಥ„ವಾಪ್ಯಜರಾಮರಂ | ಹೃದಯಂ ಮಮ ಯೇನೇದಂ ನ ದು:ಖೇನಾವಶೀರ್ಯತೇ || 6 || ಧಿನ್ಮಾಮನಾರ್ಯಾಮಸತೀಂ ಯಾಹಂ ತೇನ ವಿನಾ ಕೃತಾ | ಮುಹೂರ್ತಮಪಿ ರಕ್ಷಾಮಿ ಜೀವಿತಂ ಪಾಪಜೀವಿತಾ || 7 || ಚರಣೇನಾಪಿ ಸವ್ಯೇನ ನ ಸ್ಪೃಶೇಯಂ ನಿಶಾಚರಂ | ರಾವಣಂ ಕಿಂ ಪುನರಹಂ ಕಾಮಯೇಯಂ ವಿಗರ್ಹಿತಂ || 8 || ಪ್ರತ್ಯಾಖ್ಯಾತಂ ನ ಜಾನಾತಿ ನಾತ್ಮಾನಂ ನಾತ್ಮನ: ಕುಲಂ | ಯೋ ನೃಶಂಸ ಸ್ವಭಾವೇನ ಮಾಂ ಪ್ರಾರ್ಥಯಿತುಮಿಚ್ಛತಿ || 9 || ಛಿನ್ನಾ ಭಿನ್ನಾ ವಿಭಕ್ತಾ ವಾ ದೀಪ್ತೇ ವಾಗ್ನೌ ಪ್ರದೀಪಿತಾ | ರಾವಣಂ ನೋಪತಿಷ್ಠೇಯಂ ಕಿಂ ಪ್ರಲಾಪೇನ ವಶ್ಚಿರಂ || 10 || ಖ್ಯಾತ: ಪ್ರಾಜ್ಜ: ಕೃತಜ್ಜಶ್ಚ ಸಾನುಕ್ರೋಶಶ್ಚ ರಾಘವ: | ಸದ್ವೃತ್ತೋ ನಿರನುಕ್ರೋಶ: ಶಂಕೇ ಮದ್ಭಾಗ್ಯಸಂಕ್ಷಯಾತ್ || 11 || ರಾಕ್ಷಸಾನಾಂ ಜನಸ್ಥಾನೇ ಸಹಸ್ರಾಣಿ ಚತುರ್ದಶ | ಯೇನೈಕೇನ ನಿರಸ್ತಾನಿ ಸ ಮಾಂ ಕಿಂ ನಾಭಿಪದ್ಯತೇ || 12 || ನಿರುದ್ಧಾ ರಾವಣೇನಾಹಂ ಅಲ್ಪವೀರ್ಯೇಣ ರಕ್ಷಸಾ | ಸಮರ್ಥ: ಖಲು ಮೇ ಭರ್ತಾ ರಾವಣಂ ಹಂತುಮಾಹವೇ || 13 || ವಿರಾಧೋ ದಂಡಕಾರಣ್ಯೇ ಯೇನ ರಾಕ್ಷಸಪುಂಗವ: | ರಣೇ ರಾಮೇಣ ನಿಹತ: ಸ ಮಾಂ ಕಿಂ ನಾಭಿಪದ್ಯತೇ || 14 || ಕಾಮಂ ಮಧ್ಯೇ ಸಮುದ್ರಸ್ಯ ಲಂಕೇಯಂ ದುಷ್ಪ್ರಧರ್ಷಣಾ | ನ ತು ರಾಘವಬಾಣಾನಾಂ ಗತಿರೋಧೀ ಹ ವಿದ್ಯತೇ || 15 || ಕಿಂ ನು ತತ್ಕಾರಣಂ ಯೇನ ರಾಮೋ ದೃಢಪರಾಕ್ರಮ: | ರಕ್ಷಸಾಪಹೃತಾಂ ಭಾರ್ಯಾಮಿಷ್ಟಾಂ ನಾಭ್ಯವಪದ್ಯತೇ || 16 || ಇಹಸ್ಥಾಂ ಮಾಂ ನ ಜಾನೀತೇ ಶಂಕೇ ಲಕ್ಷ್ಮಣಪೂರ್ವಜ: | ಜಾನನ್ನಪಿ ಹಿ ತೇಜಸ್ವೀ ಧರ್ಷಣಾಂ ಮರ್ಷಯಿಷ್ಯತಿ || 17 || ಹೃತೇತಿ ಯೋ„ಧಿಗತ್ವಾ ಮಾಂ ರಾಘವಾಯ ನಿವೇದಯೇತ್ | ಗೃಧ್ರರಾಜೋ„ಪಿ ಸ ರಣೇ ರಾವಣೇನ ನಿಪಾತಿತ: || 18 || ಕೃತಂ ಕರ್ಮ ಮಹತ್ತೇನ ಮಾಂ ತದಾಭ್ಯವಪದ್ಯತಾ | ತಿಷ್ಠತಾ ರಾವಣದ್ವಂದ್ವೇ ವೃದ್ಧೇನಾಪಿ ಜಟಾಯುಷಾ || 19 || ಯದಿ ಮಾಮಿಹ ಜಾನೀಯಾದ್ವರ್ತಮಾನಾಂ ಸ ರಾಘವ: | ಅದ್ಯ ಬಾಣೈರಭಿಕ್ರುದ್ಧ: ಕುರ್ಯಾಲ್ಲೋಕಮರಾಕ್ಷಸಂ || 20 || ನಿರ್ದಹೇಚ್ಚ ಪುರೀಂ ಲಂಕಾಂ ಶೋಷಯೇಚ್ಚ ಮಹೋದಧಿಂ | ರಾವಣಸ್ಯ ಚ ನೀಚಸ್ಯ ಕೀರ್ತಿಂ ನಾಮ ಚ ನಾಶಯೇತ್ || 21 || ತತೋ ನಿಹತನಥಾನಾಂ ರಾಕ್ಷಸೀನಾಂ ಗೃಹೇ ಗೃಹೇ | ಯಥಾಹಮೇವಂ ರುದತೀ ತಥಾ ಭೂಯೋ ನ ಸಂಶಯ: || 22 || ಅನ್ವಿಷ್ಯ ರಕ್ಷಸಾಂ ಲಂಕಾಂ ಕುರ್ಯಾದ್ರಾಮ: ಸಲಕ್ಷ್ಮಣ: | ನ ಹಿ ತಾಭ್ಯಾಂ ರಿಪುರ್ದೃಷ್ಟೋ ಮುಹೂತಮಪಿ ಜೀವತಿ || 23 || ಚಿತಾ ಧೂಮಾಕುಲಪಥಾ ಗೃಧ್ರಮಂಡಲಸಂಕುಲಾ | ಅಚಿರೇಣ ತು ಲಂಕೇಯಂ ಶ್ಮಶಾನಸದೃಶೀ ಭವೇತ್ || 24 || ಅಚಿರೇಣೈವ ಕಾಲೇನ ಪ್ರಾಪ್ಸ್ಯಾಮ್ಯೇವ ಮನೋರಥಂ | ದುಷ್ಪ್ರಸ್ಥಾನೋ„ಯಮಾಖ್ಯಾತಿ ಸರ್ವೇಷಾಂ ವೋ ವಿಪರ್ಯಯಂ || 25 || ಯಾದೃಶಾನಿ ತು ದೃಶ್ಯಂತೇ ಲಂಕಾಯಾಮಶುಭಾನಿ ವೈ | ಅಚಿರೇಣೈವ ಕಾಲೇನ ಭವಿಷ್ಯತಿ ಹತಪ್ರಭಾ || 26 || ನೂನಂ ಲಂಕಾ ಹತೇ ಪಾಪೇ ರಾವಣೇ ರಾಕ್ಷಸಾಧಮೇ | ಶೋಷಂ ಯಾಸ್ಯತಿ ದುರ್ಧರ್ಷಾ ಪ್ರಮದಾ ವಿಧವಾ ಯಥಾ || 27 || ಪುಣ್ಯೋತ್ಸವಸಮೃದ್ಧಾ ಚ ನಷ್ಟಭತ್ರ್ರೀ ಸರಾಕ್ಷಸಾ | ಭವಿಷ್ಯತಿ ಪುರೀ ಲಂಕಾ ನಷ್ಟಭತ್ರ್ರೀ ಯಥಾ„ಂಗನಾ || 28 || ನೂನಂ ರಾಕ್ಷಸಕನ್ಯಾನಾಂ ರುದಂತೀನಾಂ ಗೃಹೇ ಗೃಹೇ | ಶ್ರೋಷ್ಯಾಮಿ ನ ಚಿರಾದೇವ ದು:ಖಾರ್ತಾನಾಂ ಇಹ ಧ್ವನಿಂ || 29 || ಸಾಂಧಕಾರಾ ಹತದ್ಯೋತಾ ಹತರಾಕ್ಷಸಪುಂಗವಾ | ಭವಿಷ್ಯತಿ ಪುರೀ ಲಂಕಾ ನಿರ್ದಗ್ಧಾ ರಾಮಸಾಯಕೈ: || 30 || ಯದಿ ನಾಮ ಸ ಶೂರೋ ಮಾಂ ರಾಮೋ ರಕ್ತಾಂತಲೋಚನ: | ಜಾನೀಯಾದ್ವರ್ತಮಾನಾಂ ಹಿ ರಾವಣಸ್ಯ ನಿವೇಶನೇ || 31 || ಅನೇನ ತು ನೃಶಂಸೇನ ರಾವಣೇನಾಧಮೇನ ಮೇ | ಸಮಯೋ ಯಸ್ತು ನಿರ್ದಿಷ್ಟಸ್ತಸ್ಯ ಕಾಲೋ„ಯಮಾಗತ: || 32 || ಅಕಾರ್ಯಂ ಯೇ ನ ಜಾನಂತಿ ನೈಋತಾ: ಪಾಪಕಾರಿಣ: | ಅಧರ್ಮಾತ್ತು ಮಹೋತ್ಪಾತೋ ಭವಿಷ್ಯತಿ ಹಿ ಸಾಂಪ್ರತಂ || 33 || ನೈತೇ ಧರ್ಮಂ ವಿಜಾನಂತಿ ರಾಕ್ಷಸಾ: ಪಿಶಿತಾಶನಾ: | ಧ್ರುವಂ ಮಾಂ ಪ್ರಾತರಾಶಾರ್ಥೇ ರಾಕ್ಷಸ: ಕಲ್ಪಯಿಷ್ಯತಿ || 34 || ಸಾಹಂ ಕಥಂ ಕರಿಷ್ಯಾಮಿ ತಂ ವಿನಾ ಪ್ರಿಯದರ್ಶನಂ | ರಾಮಂ ರಕ್ತಾಂತ ನಯನಂ ಅಪಶ್ಯಂತೀ ಸುದು:ಖಿತಾ || 35 || ಯದಿ ಕಶ್ಚಿತ್ಪ್ರದಾತಾ ಮೇ ವಿಷಸ್ಯಾದ್ಯ ಭವೇದಿಹ | ಕ್ಷಿಪ್ರಂ ವೈವಸ್ವತಂ ದೇವಂ ಪಶ್ಯೇಯಂ ಪತಿನಾ ವಿನಾ || 36 || ನಾಜಾನಾಜ್ಜೀವತೀಂ ರಾಮ: ಸ ಮಾಂ ಲಕ್ಷ್ಮಣಪೂರ್ವಜ: | ಜಾನಂತೌ ತೌ ನ ಕುರ್ಯಾತಾಂ ನೋವ್ರ್ಯಾಂ ಹಿ ಮಮ ಮಾರ್ಗಣಂ || 37 || ನೂನಂ ಮಮೈವ ಶೋಕೇನ ಸ ವೀರೋ ಲಕ್ಷ್ಮಣಾಗ್ರಜ: | ದೇವಲೋಕಮಿತೋ ಯಾತಸ್ತ್ಯಕ್ತ್ವಾ ದೇಹಂ ಮಹೀತಲೇ || 38 || ಧನ್ಯಾ ದೇವಾ: ಸಗಂಧರ್ವಾ: ಸಿದ್ಧಾಶ್ಚ ಪರಮರ್ಷಯ: | ಮಮ ಪಶ್ಯಂತಿ ಯೇ ನಾಥಂ ರಾಮಂ ರಾಜೀವಲೋಚನಂ || 39 || ಅಥವಾ ನ ಹಿ ತಸ್ಯಾರ್ಥೇ ಧರ್ಮಕಾಮಸ್ಯ ಧೀಮತ: | ಮಯಾ ರಾಮಸ್ಯ ರಾಜರ್ಷೇರ್ಭಾರ್ಯಯಾ ಪರಮಾತ್ಮನ: || 40 || ದೃಶ್ಯಮಾನೇ ಭವೇತ್ಪ್ರೀತ: ಸೌಹೃದಂ ನಾಸ್ತ್ಯಪಶ್ಯತ: | ನಾಶಯಂತಿ ಕೃತಘ್ರಾಸ್ತು ನ ರಾಮೋ ನಾಶಯಿಷ್ಯತಿ || 41 || ಕಿಂ ವಾ ಮಯ್ಯಗುಣಾ: ಕೇಚಿತ್ಕಿಂ ವಾ ಭಾಗ್ಯಕ್ಷಯೋ ಮಮ | ಯಾಹಂ ಸೀತಾ ವರಾರ್ಹೇಣ ಹೀನಾ ರಾಮೇಣ ಭಾಮಿನೀ || 42 || ಶ್ರೇಯೋ ಮೇ ಜೀವಿತಾನ್ಮರ್ತುಂ ವಿಹೀನಾ ಯಾ ಮಹಾತ್ಮನಾ | ರಾಮಾದಕ್ಲಿಷ್ಟ ಚಾರಿತ್ರಾಚ್ಛೂರಾಚ್ಛತ್ರು ನಿಬರ್ಹಣಾತ್ || 43 || ಅಥವಾ ನ್ಯಸ್ತಶಸ್ತ್ರೌ ತೌ ವನೇ ಮೂಲಫಲಾಶಿನೌ | ಭ್ರಾತರೌ ಹಿ ನರಶ್ರೇಷ್ಠೌ ಸಂವೃತ್ತೌ ವನಗೋಚರೌ || 44 || ಅಥವಾ ರಾಕ್ಷಸೇಂದ್ರೇಣ ರಾವಣೇನ ದುರಾತ್ಮನಾ | ಛದ್ಮನಾ ಘಾತಿತೌ ಶೂರೌ ಭ್ರಾತರೌ ರಾಮಲಕ್ಷ್ಮಣೌ || 45 || ಸಾ„ಹಮೇವಂ ಗತೇ ಕಾಲೇ ಮರ್ತುಮಿಚ್ಛಾಮಿ ಸರ್ವಥಾ | ನ ಚ ಮೇ ವಿಹಿತೋ ಮೃತ್ಯುರಸ್ಮಿಂದು:ಖೇ„ಪಿ ವರ್ತತಿ || 46 || ಧನ್ಯಾ: ಖಲು ಮಹಾತ್ಮಾನೋ ಮುನಯ: ತ್ಯಕ್ತ ಕಿಲ್ಬಿಷಾ: | ಜಿತಾತ್ಮಾನೋ ಮಹಾಭಾಗಾ ಯೇಷಾಂ ನ ಸ್ತ: ಪ್ರಿಯಾಪ್ರಿಯೇ || 47 || ಪ್ರಿಯಾನ್ನ ಸಂಭವೇದ್ದು:ಖಮಪ್ರಿಯಾದಧಿಕಂ ಭಯಂ | ತಾಭ್ಯಾಂ ಹಿ ಯೇ ವಿಯುಜ್ಯನ್ತೇ ನಮಸ್ತೇಷಾಂ ಮಹಾತ್ಮನಾಂ || 48 || ಸಾ„ಹಂ ತ್ಯಕ್ತಾ ಪ್ರಿಯಾರ್ಹೇಣ ರಾಮೇಣ ವಿದಿತಾತ್ಮನಾ | ಪ್ರಾಣಾನ್ಸ್ತ್ಯಕ್ಷ್ಯಾಮಿ ಪಾಪಸ್ಯ ರಾವಣಸ್ಯ ಗತಾ ವಶಂ || 49 || || ಇತಿ ಷಡ್ವಿಂಶ: ಸರ್ಗ: ||
ಇತ್ಯುಕ್ತಾ: ಸೀತಯಾ ಘೋರನ್ ರಾಕ್ಷಸ್ಯ: ಕ್ರೋಧಮೂರ್ಛಿತಾ: | ಕಾಶ್ಚಿಜ್ಜಗ್ಮುಸ್ತದಾಖ್ಯಾತುಂ ರಾವಣಸ್ಯ ತರಸ್ವಿನ: || 1 || ತತ: ಸೀತಾಮುಪಾಗಮ್ಯ ರಾಕ್ಷಸ್ಯೋ ಘೋರದರ್ಶನಾ: | ಪುನ: ಪರುಷಮೇಕಾರ್ಥಂ ಅನರ್ಥಾರ್ಥಂ ಅಥಾಬ್ರುವನ್ || 2 || ಅದ್ಯೇದಾನೀಂ ತವಾನಾರ್ಯೇ ಸೀತೇ ಪಾಪವಿನಶ್ಯತೇ | ರಾಕ್ಷಸ್ಯೋ ಭಕ್ಷಯಿಷ್ಯಂತಿ ಮಾಂಸಮೇತದ್ಯಥಾಸುಖಂ || 3 || ಸೀತಾಂ ತಾಭಿರನಾರ್ಯಾಭಿರ್ದೃಷ್ಟ್ವಾ ಸಂತರ್ಜಿತಾಂ ತದಾ | ರಾಕ್ಷಸೀ ತ್ರಿಜಟಾವೃದ್ಧಾ ಶಯಾನಾ ವಾಕ್ಯಮಬ್ರವೀತ್ || 4 || ಆತ್ಮಾನಂ ಖಾದತಾನಾರ್ಯಾ ನ ಸೀತಾಂ ಭಕ್ಷಯಿಷ್ಯಥ | ಜನಕಸ್ಯ ಸುತಾಮಿಷ್ಟಾಂ ಸ್ನುಷಾಂ ದಶರಥಸ್ಯ ಚ || 5 || ಸ್ವಪ್ನೋ ಹ್ಯದ್ಯ ಮಯಾ ದೃಷ್ಟೋ ದಾರುಣೋ ರೋಮಹರ್ಷಣ: | ರಾಕ್ಷಸಾನಾಮಭಾವಾಯ ಭರ್ತುರಸ್ಯಾ ಭವಾಯ ಚ || 6 || ಏವಮುಕ್ತಾಸ್ತ್ರಿಜಟಯಾ ರಾಕ್ಷಸ್ಯ: ಕ್ರೋಧಮೂರ್ಛಿತಾ: | ಸರ್ವಾ ಏವಾಬ್ರುವನ್ಭೀತಾಸ್ತ್ರಿಜಟಾಂ ತಾಮಿದಂ ವಚ: || 7 || ಕಥಯಸ್ವ ತ್ವಯಾ ದೃಷ್ಟ: ಸ್ವಪ್ನೇ„ಯನ್ ಕೀದೃಶೋ ನಿಶಿ | ತಾಸಾಂ ತು ವಚನಂ ಶ್ರುತ್ವಾ ರಾಕ್ಷಸೀನಾಂ ಮುಖೋದ್ಗತಂ || 8 || ಉವಾಚ ವಚನಂ ಕಾಲೇ ತ್ರಿಜಟಾಸ್ವಪ್ನಸಂಶ್ರಿತಂ | ಗಜದಂತಮಯೀಂ ದಿವ್ಯಾಂ ಶಿಬಿಕಾಮಂತರಿಕ್ಷಗಾಂ || 9 || ಯುಕ್ತಾಂ ಹಂಸಸಹಸ್ರೇಣ ಸ್ವಯಮಾಸ್ಥಾಯ ರಾಘವ: | ಶುಕ್ಲಮಾಲ್ಯಾಂಬರಧರೋ ಲಕ್ಷ್ಮಣೇನ ಸಹಾಗತ: || 10 || ಸ್ವಪ್ನೇ ಚಾದ್ಯ ಮಯಾ ದೃಷ್ಟಾ ಸೀತಾ ಶುಕ್ಲಾಂಬರಾವೃತಾ | ಸಾಗರೇಣ ಪರಿಕ್ಷಿಪ್ತಂ ಶ್ವೇತಪರ್ವತಮಾಸ್ಥಿತಾ || 11 || ರಾಮೇಣ ಸಂಗತಾ ಸೀತಾ ಭಾಸ್ಕರೇಣ ಪ್ರಭಾ ಯಥಾ | ರಾಘವಶ್ಚ ಮಯಾ ದೃಷ್ಟಶ್ಚತುರ್ದಂತಂ ಮಹಾಗಜಂ || 12 || ಆರೂಢ: ಶೈಲಸಂಕಾಶಂ ಚಚಾರ ಸಹಲಕ್ಷ್ಮಣ: | ತತಸ್ತೌ ನರಶಾರ್ದೂಲೌ ದೀಪ್ಯಮಾನೌ ಸ್ವತೇಜಸಾ || 13 || ಶುಕ್ಲಮಾಲ್ಯಾಂಬರಧರೌ ಜಾನಕೀಂ ಪರ್ಯುಪಸ್ಥಿತೌ | ತತಸ್ತಸ್ಯ ನಗಸ್ಯಾಗ್ರೇ ಆಕಾಶಸ್ಥಸ್ಯ ದಂತಿನ: || 14 || ಭತ್ರ್ರಾ ಪರಿಗೃಹೀತಸ್ಯ ಜಾನಕೀ ಸ್ಕಂಧಮಾಶ್ರಿತಾ | ಭರ್ತುರಂಕಾತ್ಸಮುತ್ಪತ್ಯ ತತ: ಕಮಲಲೋಚನಾ || 15 || ಚಂದ್ರಸೂರ್ಯೌ ಮಯಾ ದೃಷ್ಟಾ ಪಾಣಿಭ್ಯಾಂ ಪರಿಮಾರ್ಜತೀ | ತತಸ್ತಾಭ್ಯಾಂ ಕುಮಾರಾಭ್ಯಾಮಾಸ್ಥಿತ: ಸ ಗಜೋತ್ತಮ: || 16 || ಸೀತಯಾ ಚ ವಿಶಾಲಾಕ್ಷ್ಯಾ ಲಂಕಾಯಾ ಉಪರಿ ಸ್ಥಿತ: | ಪಾಂಡುರರ್ಷಭಯುಕ್ತೇನ ರಥೇನಾಷ್ಟಯುಜಾ ಸ್ವಯಂ || 17 || ಇಹೋಪಯಾತ: ಕಾಕುತ್ಸ್ಥ: ಸೀತಯಾ ಸಹ ಭಾರ್ಯಯಾ | ಲಕ್ಷ್ಮಣೇನ ಸಹ ಭ್ರಾತ್ರಾ ಸೀತ್ಯಯಾ ಸಹ ವೀರ್ಯವಾನ್ || 18 || ಆರುಹ್ಯ ಪುಷ್ಪಕಂ ದಿವ್ಯಂ ವಿಮಾನಂ ಸೂರ್ಯಸನ್ನಿಭಂ | ಉತ್ತರಾಂ ದಿಶಮಾಲೋಕ್ಯ ಜಗಾಮ ಪುರುಷೋತ್ತಮ: || 19 || ಏವಂ ಸ್ವಪ್ನೇ ಮಯಾ ದೃಷ್ಟೋ ರಾಮೋ ವಿಷ್ಣುಪರಾಕ್ರಮ: | ಲಕ್ಷ್ಮಣೇನ ಸಹ ಭ್ರಾತ್ರಾ ಸೀತಯಾ ಸಹ ರಾಘವ: || 20 || ನ ಹಿ ರಾಮೋ ಮಹಾತೇಜಾ: ಶಕ್ಯೋ ಜೇತುಂ ಸುರಾಸುರೈ: | ರಾಕ್ಷಸೈರ್ವಾ„ಪಿ ಚಾನ್ಯೈರ್ವಾ ಸ್ವರ್ಗ: ಪಾಪನೈರಿವ || 21 || ರಾವಣಶ್ಚ ಮಯಾ ದೃಷ್ಟ: ಕ್ಷಿತೌ ತೈಲಸಮುದ್ರಿತ: | ರಕ್ತವಾಸಾ: ಪಿವನ್ಮತ್ತ: ಕರವೀರಕೃತಸ್ರಜ: || 22 || ವಿಮಾನಾತ್ಪುಷ್ಪಕಾದ್ಯ ರಾವಣ: ಪತಿತೋ ಭುವಿ | ಕೃಷ್ಯಮಾನ: ಸ್ತ್ರಿಯಾ ದೃಷ್ಟೋ ಮುಂಡಾ: ಕೃಷ್ಣಾಂಬರ: ಪುನ: || 23 || ರಥೇನ ಖರಯುಕ್ತೇನ ರಕ್ತಮಾಲ್ಯಾನುಲೇಪನ: | ಪಿಬಂಸ್ತೈಲಂ ಹಸನ್ನೃತ್ಯನ್ ಭ್ರಾಂತಚಿತ್ತಾಕುಲೇಂದ್ರಿಯ || 24 || ಗರ್ದಭೇನ ಯಯೌ ಶೀಘ್ರಂ ದಕ್ಷಿಣಾಂ ದಿಶಮಾಸ್ಥಿತ: | ಪುನರೇವ ಮಯಾ ದೃಷ್ಟೋ ರಾವಣೋ ರಾಕ್ಷಸೇಶ್ವರ || 25 || ಪತಿತೋ„ವಾಕ್ಛಿರಾ ಭೂಮೌ ಗರ್ದಭಾದ್ಭಯಮೋಹಿತ: | ಸಹಸೋತ್ಥಾಯ ಸಂಭ್ರಾಂತೋ ಭಯಾರ್ತೋ ಮದವಿಹ್ವಲ: || 26 || ಉನ್ಮತ್ತ ಇವ ದಿಗ್ವಾಸಾ ದುರ್ವಾಕ್ಯಾಂ ಪ್ರಲನ್ಮುಹು: | ದುರ್ಗಂಧ ದು:ಸಹಂ ಘೋರಂ ತಿಮಿರಂ ನರಕೋಪಮಂ || 27 || ಮಲಪಂಕ ಪ್ರವಿಶ್ಯಾಸು ಮನ್ನಸ್ತತ್ರ ಸ ರಾವಣ: | ಕಂಠೇ ಬದ್ಧ್ವಾ ದಶಗ್ರೀವಂ ಪ್ರಮದಾ ರಕ್ತವಾಸಿನೀ || 28 || ಕಾಳೀ ಕರ್ದಮಲಿಪ್ತಾಂಗೀ ದಿಶಂ ಯಾಮ್ಯಾಂ ಪ್ರಕರ್ಷತಿ | ಏವಂ ತತ್ರ ಮಯಾ ದೃಷ್ಟ: ಕುಂಭಕರ್ಣೋ ನಿಶಾಚರ: || 29 || ರಾವಣಸ್ಯ ಸುತಾ: ಸರ್ವೇ ಮುಂದಾಸ್ತೈಲಸಮುಕ್ಷಿತಾ: | ವರಾಹೇಣ ದಶಗ್ರೀವ: ಶಿಂಶುಮಾರೇಣ ಚೇಂದ್ರಜಿತ್ || 30 || ಉಷ್ಟ್ರೇಣ ಕುಂಭಕರ್ಣಶ್ಚ ಪ್ರಯಾತೋ ದಕ್ಷಿಣಾಂ ದಿಶಂ | ಏಕಸ್ತತ್ರ ಮಯಾ ದೃಷ್ಟ: ಶ್ವೇತಚ್ಛತ್ರೋ ವಿಭೀಷಣ: || 31 || ಶುಕ್ಲಮಾಲ್ಯಾಂಬರಧರ: ಶುಕ್ಲಗಂಧಾನುಲೇಪನ: | ಶಂಖ ದುಂದುಭಿ ನಿರ್ಘೋಷೈ: ನೃತ್ತಗೀತೈ: ಅಲಂಕೃತ: || 32 || ಆರುಹ್ಯ ಶೈಲಸಂಕಾಶಂ ಮೇಘಸ್ತನಿತನಿ:ಸ್ವಯಂ | ಚತುರ್ದಂತ ಗಜಂ ದಿವ್ಯಮಾಸ್ತೇ ತತ್ರ ವಿಭೀಷಣ: || 33 || ಚತುರ್ಭಿ: ಸಚಿವೈ: ಸಾರ್ಧಂ ವೈಹಾಯ ಸಮುಪಸ್ಥಿತ: | ಸಮಾಜಶ್ರ ಮಯಾ ದೃಷ್ಟೋ ಗೀತವಾದಿತ್ರನಿ:ಸ್ವನ: || 34 || ಪಿಬತಾಂ ರಕ್ತಮಾಲ್ಯಾನಾಂ ರಕ್ಷಸಾಂ ರಕ್ಕ್ತವಾಸಸಾಂ | ಲಂಕಾ ಚೇಯಂ ಪುರೀ ರಮ್ಯಾ ಸವಾಜಿರಥಕುಂಜರಾ || 35 || ಸಾಗರೇ ಪತಿತಾ ದೃಷ್ಟಾ ಭಗ್ನಗೋಪುರತೋರಣಾ | ಪೀತ್ವಾ ತೈಲಂ ಪ್ರನೃತ್ತಾಶ್ಚ ಪ್ರಹಸಂತ್ಯೋ ಮಹಾಸ್ವನಾ: || 37 || ಲಂಕಾಯಾಂ ಭಸ್ಮರೂಕ್ಷಾಯಾಂ ಪ್ರವಿಷ್ಟಾ ರಾಕ್ಷಸತ್ರಿಯ: | ಕುಂಭಕರ್ಣಾದಯಶ್ಚೇಮೇ ಸರ್ವೇ ರಾಕ್ಷಸಪುಂಗವಾ: || 38 || ರಕ್ತಂ ನಿವಸನಂ ಗೃಹ್ಯ ಪ್ರವಿಷ್ಟಾ ಗೋಮಯಹ್ರದೇ | ಅಪಗಚ್ಛತ ನಶ್ಯಧ್ವಂ ಸೀತಾಮಾಪ: ಸ ರಾಘವ: || 39 || ಘಾತಯೇತ್ಪರಮಾಮರ್ಷೀ ಸರ್ವೈ: ಸಾರ್ಧಂ ಹಿ ರಾಕ್ಷಸೈ: | ಪ್ರಿಯಾಂ ಬಹುಮತಾಂ ಭಾರ್ಯಾಂ ವನವಾಸಮನುವ್ರತಾಂ || 40 || ಭತ್ರ್ಸಿತಾಂ ತರ್ಜಿತಾಂ ವಾ„ಪಿ ನಾನುಮಂಸ್ಯತಿ ರಾಘವ: | ತದಲಂ ಕ್ರೂರವಾಕ್ಯೈರ್ವ: ಸಾಂತ್ವಮೇವಾಭಿಧೀಯತಾಂ || 41 || ಅಭಿಯಾಚಾಮ ವೈದೇಹೀಂ ಏತದ್ಧಿ ಮಮ ರೋಚತೇ | ಯಸ್ಯಾಮೇವಂ ವಿಧ: ಸ್ವಪ್ನೋ ದು:ಖಿತಾಯಾಂ ಪ್ರದೃಶ್ಯತೇ || 42 || ಸಾ ದು:ಖೈರ್ವಿವಿಧೈರ್ಮುಕ್ತಾ ಪ್ರಿಯಂ ಪ್ರಾಪ್ನೋತ್ಯನುತ್ತಮಂ | ಭತ್ರ್ಸಿತಾಮಪಿ ಯಾಚಧ್ವಂ ರಾಕ್ಷಸ್ಯ: ಕಿಂ ವಿವಕ್ಷಯಾ || 43 || ರಾಘವಾದ್ಧಿ ಭಯಂ ಘೋರಂ ರಾಕ್ಷಸಾನಾಂ ಉಪಸ್ಥಿತಂ | ಪ್ರಣಿಪಾತ ಪ್ರಸನ್ನಾ ಹಿ ಮೈಥಿಲೀ ಜನಕಾತ್ಮಜಾ || 44 || ಅಲಮೇಷಾ ಪರಿತ್ರಾತುಂ ರಾಕ್ಷಸ್ಯೋ ಮಹತೋ ಭಯಾತ್ | ಅಪಿ ಚಾಸ್ಯಾ ವಿಶಾಲಾಕ್ಷ್ಯಾ ನ ಕಿಂಚಿದುಪಲಕ್ಷಯೇ || 45 || ವಿರೂಪಮಪಿ ಚಾಂಗೇಷು ಸುಸೂಕ್ಷ್ಮಮಪಿ ಲಕ್ಷ್ಮಣಂ | ಛಾಯಾ ವೈಗುಣ್ಯ ಮಾತ್ರಂ ತು ಶಂಕೇ ದು:ಖಮುಪಸ್ಥಿತಂ || 46 || ಅದು:ಖಾರ್ಹಾಮಿಮಾಂ ದೇವೀಂ ವೈಹಾಯಸಮುಪಸ್ಥಿತಾಂ | ಅರ್ಥಸಿದ್ಧಿಂ ತು ವೈದೇಹ್ಯಾ: ಪಶ್ಯಾಮ್ಯಹಮುಪಸ್ಥಿತಾಂ || 47 || ರಾಕ್ಷಸೇಂದ್ರವಿನಾಶಂ ಚ ವಿಜಯಂ ರಾಘವಸ್ಯ ಚ | ನಿಮಿತ್ತಭೂತಮೇತತ್ತು ಶ್ರೋತುಮಸ್ಯಾ ಮಹತ್ಪ್ರಿಯಂ || 48 || ದೃಶ್ಯತೇ ಚ ಸ್ಫುರಚ್ಚಕ್ಷು: ಪದ್ಮಪತ್ರಮಿವಾಯತಂ | ಈಷಚ್ಚ ಹೃಷಿತೋ ವಾಸ್ಯಾ ದಕ್ಷಿಣಾಯಾ ಹ್ಯದಕ್ಷಿಣ: | ಅಕಸ್ಮಾದೇವ ವೈದೇಹ್ಯಾ ಬಾಹುರೇಕ: ಪ್ರಕಂಪತೇ || 49 || ಕರೇಣುಹಸ್ತಪ್ರತಿಮ: ಸವ್ಯಶ್ಚೋರುರನುತ್ತಮ: | ವೇಪಮಾನ: ಸೂಚಯತಿ ರಾಘವಂ ಪುರತ: ಸ್ಥಿತಂ || 50 || ಪಕ್ಷೀ ಚ ಶಾಖಾ ನಿಲಯಂ ಪ್ರವಿಷ್ಟ: ಪುನ: ಪುನಶ್ಚೋತ್ತಮಸಾಂತ್ವವಾದೀ | ಸುಸ್ವಾಗತಾಂ ವಾಚಮುದೀರಯಾನ: ಪುನ: ಪುನಶ್ಚೋದಯತೀವ ಹೃಷ್ಟ: || 51 || || ಇತಿ ಸಪ್ತವಿಂಶ: ಸರ್ಗ: ||
ಸಾ ರಾಕ್ಷಸೇಂದ್ರಸ್ಯ ವಚೋ ನಿಶಮ್ಯ ತದ್ರಾವಣಸ್ಯಾ ಪ್ರಿಯಮಪ್ರಿಯಾರ್ತಾ | ಸೀತಾ ವಿತತ್ರಾಸ ಯಥಾ ವನಾಂತೇ ಸಿಂಹಾಭಿಪನ್ನಾ ಗಜರಾಜಕನ್ಯಾ || 1 || ಸಾ ರಾಕ್ಷಸೀ ಮಧ್ಯಗತಾ ಚ ಭೀರು: ವಾಗ್ಭಿರ್ಭೃಶಂ ರಾವಣತರ್ಜಿತಾ ಚ | ಕಾಂತಾರಮಧ್ಯೇ ವಿಜನೇ ವಿಸೃಷ್ಟಾ ಬಾಲೇವ ಕನ್ಯಾ ವಿಲಲಾಪ ಸೀತಾ | 2 || ಸತ್ಯಂ ಬತೇದಂ ಪ್ರವದಂತಿ ಲೋಕೇ ನಾಕಾಲಮೃತ್ಯುರ್ಭವತೀತಿ ಸಂತ: | ಯತ್ರಾಹಮೇವಂ ಪರಿಭತ್ಸ್ರ್ಯಮಾನಾ ಜೀವಾಮಿ ಕಿಂ ಚಿತ್ಕ್ಷಣಮಪ್ಯಪುಣ್ಯಾ || 3 || ಸುಖಾದ್ವಿಹೀನಂ ಬಹುದು:ಖಪೂರ್ಣಂ ಇದಂ ತು ನೂನಂ ಹೃದಯಂ ಸ್ಥಿರಂ ಮೇ | ವಿದೀರ್ಯತೇ ಯನ್ನ ಸಹಸ್ರಧಾ„ದ್ಯ ವಜ್ರಾಹತಂ ಶೃಂಗಮಿವಾಚಲಸ್ಯ || 4 || ನೈವಾಸ್ತಿ ದೋಷೋ ಮಮ ನೂನಮತ್ರ ವಧ್ಯಾಹಂ ಅಸ್ಯಾ ಪ್ರಿಯದರ್ಶನಸ್ಯ | ಭಾವಂ ನ ಚಾಸ್ಯಾಹಂ ಅನುಪ್ರದಾತುಂ ಅಲಂ ದ್ವಿಜೋ ಮಂತ್ರಮಿವಾದ್ವಿಜಾಯ || 5 || ನೂನಂ ಮಮಾಂಗಾನ್ಯಚಿರಾದನಾರ್ಯ: ಶಸ್ತ್ರೈ: ಶಿತೈಶ್ಛೇತ್ಸ್ಯತಿ ರಾಕ್ಷಸೇಂದ್ರ: | ತಸ್ಮಿನ್ನನಾಗಚ್ಛತಿ ಲೋಕನಾಥೇ ಗರ್ಭಸ್ಥಜಂತೋರಿವ ಶಲ್ಯಕೃಂತ: || 6 || ದು:ಖಂ ಬತೇದಂ ಮಮ ದು:ಖಿತಾಯಾ ಮಾಸೌ ಚಿರಾಯಾಭಿಗಮಿಷ್ಯತೋ ದ್ವೌ ಬದ್ಧಸ್ಯ ವಧ್ಯಸ್ಯ ಯಥಾ ನಿಶಾಂತೇ ರಾಜಾಪರಾಧಾದಿವ ತಸ್ಕರಸ್ಯ || 7 || ಹಾ ರಾಮ ಹಾ ಲಕ್ಷ್ಮಣ ಹಾ ಸುಮಿತ್ರೇ ಹಾ ರಾಮ ಮಾತ: ಸಹ ಮೇ ಜನನ್ಯಾ | ಏಷಾ ವಿಪದ್ಯಾಮ್ಯಹಮಲ್ಪಭಾಗ್ಯಾ ಮಹಾರ್ಣವೇ ನೌರಿವ ಮೂಢ ವಾತಾ || 8 || ತರಸ್ವಿನೌ ಧಾರಯತಾ ಮೃಗಸ್ಯ ಸತ್ತ್ವೇನ ರೂಪಂ ಮನುಜೇಂದ್ರಪುತ್ರೌ | ನೂನಂ ವಿಶಸ್ತೌ ಮಮ ಕಾರಣಾತ್ತೌ ಸಿಂಹರ್ಷಭೌ ದ್ವಾವಿವ ವೈದ್ಯುತೇನ || 9 || ನೂನಂ ಸ ಕಾಲೋ ಮೃಗರೂಪಧಾರೀ ಮಾಮಲ್ಪಭಾಗ್ಯಾಂ ಲುಲುಭೇ ತದಾನೀಂ | ಯತ್ರಾರ್ಯಪುತ್ರಂ ವಿಸಸರ್ಜ ಮೂಢಾ ರಾಮಾನುಜಂ ಲಕ್ಷ್ಮಣಪೂರ್ವಕಂ ಚ || 10 || ಹಾ ರಾಮ ಸತ್ಯವ್ರತ ದೀರ್ಘವಾಹೋ ಹಾ ಪೂರ್ಣಚಂದ್ರಪ್ರತಿಮಾನವಕ್ತ್ರ | ಹಾ ಜೀವಲೋಕಸ್ಯ ಹಿತ: ಪ್ರಿಯಶ್ಚ ವಧ್ಯಾಂ ನ ಮಾಂ ವೇತ್ಸಿ ಹಿ ರಾಕ್ಷಸಾನಾಂ || 11 || ಅನನ್ಯದೇವತ್ವಮಿಯಂ ಕ್ಷಮಾ ಚ ಭೂಮೌ ಚ ಶಯ್ಯಾ ನಿಯಮಶ್ಚ ಧರ್ಮೇ | ಪತಿವ್ರತಾತ್ವಂ ವಿಫಲಂ ಮಮೇದಂ ಕೃತಂ ಕೃತಘ್ನೇಷ್ವಿವ ಮಾನುಷಾಣಾಂ || 12 || ಮೋಘೋ ಹಿ ಧರ್ಮಶ್ಚರಿತೋ ಮಮಾ„ಯಂ ತಥೈಕಪತ್ನೀತ್ವಮಿದಂ ನಿರರ್ಥಂ | ಯಾ ತ್ವಾಂ ನ ಪಶ್ಯಾಮಿ ಕೃಶಾ ವಿವರ್ಣಾ ಹೀನಾ ತ್ವಯಾ ಸಂಗಮನೇ ನಿರಾಶಾ || 13 || ಪಿತುರ್ನಿರ್ದೇಶಂ ನಿಯಮೇನ ಕೃತ್ವಾ ವನಾನ್ನಿವೃತ್ತಶ್ಚರಿತವ್ರತಶ್ಚ | ಸ್ತ್ರೀಭಿಸ್ತು ಮನ್ಯೇ ವಿಪುಲೇಕ್ಷಣಾಭಿ: ಸನ್ರನ್ಸ್ಯಸೇ ವೀತಭಯ: ಕೃತಾರ್ಥ: || 14 || ಅಹಂ ತು ರಾಮ ತ್ವಯಿ ಜಾತಕಾಮಾ ಚಿರಂ ವಿನಾಶಾಯ ನಿಬದ್ಧಭಾವಾ | ಮೋಘಂ ಚರಿತ್ವಾಥ ತಪೋವ್ರತಂ ಚ ತ್ಯಕ್ಷ್ಯಾಮಿ ಧಿಗ್ಜೀವಿತಂ ಅಲ್ಪಭಾಗ್ಯಾ || 15 || ಸಾ ಜೀವಿತಂ ಕ್ಷಿಪ್ರಮಹಂ ತ್ಯಜೇಯಂ ವಿಷೇಣ ಶಸ್ತ್ರೇಣ ಶಿತೇನ ವಾಪಿ | ವಿಷಸ್ಯ ದಾತಾ ನ ತು ಮೇ„ಸ್ತಿ ಕಶ್ಚಿತ್ ಛಸ್ತ್ರಸ್ಯ ವಾ ವೇಶ್ಮನಿ ರಾಕ್ಷಸಸ್ಯ || 16 || ಇತೀವ ದೇವೀ ಬಹುಧಾ ವಿಲಪ್ಯ ಸರ್ವಾತ್ಮನಾ ರಾಮಮನುಸ್ಮರಂತೀ | ಪ್ರವೇಪಮಾನಾ ಪರಿಶುಷ್ಕವಕ್ತ್ರಾ ನಗೋತ್ತಮಂ ಪುಷ್ಪಿತಮಾಸಸಾದ || 17 || ಶೋಕಾಭಿತಪ್ತಾ ಬಹುಧಾ ವಿಚಿಂತ್ಯ ಸೀತಾ„ಥ ವೇಣ್ಯುದ್ಗ್ರಥನಂ ಗೃಹೀತ್ವಾ | ಉದ್ಬಧ್ಯ ವೇಣ್ಯುದ್ಗ್ರಥನೇನ ಶೀಘ್ರಂ ಅಹಂ ಗಮಿಷ್ಯಾಮಿ ಯಮಸ್ಯ ಮೂಲಂ || 18 || ಉಪಸ್ಥಿತಾ ಸಾ ಮೃದುರ್ಸರ್ವಗಾತ್ರೀ ಶಾಖಾಂ ಗೃಹೀತ್ವಾಥ ನಗಸ್ಯ ತಸ್ಯ | ತಸ್ಯಾಸ್ತು ರಾಮಂ ಪ್ರವಿಚಿಂತಯಂತ್ಯಾ ರಾಮಾನುಜಂ ಸ್ವಂ ಚ ಕುಲಂ ಶುಭಾಂಗ್ಯಾ: || 19 || ಶೋಕಾನಿಮಿತ್ತಾನಿ ತದಾ ಬಹೂನಿ ಧೈರ್ಯಾರ್ಜಿತಾನಿ ಪ್ರವರಾಣಿ ಲೋಕೇ | ಪ್ರಾದುರ್ನಿಮಿತ್ತಾನಿ ತದಾ ಬಭೂವು: ಪುರಾಪಿ ಸಿದ್ಧಾನ್ಯುಪಲಕ್ಷಿತಾನಿ || 20 || || ಇತಿ ಅಷ್ಟಾವಿಂಶ: ಸರ್ಗ: ||
ತಥಾಗತಾಂ ತಾಂ ವ್ಯಥಿತಾಮನಿಂದಿತಾಂ ವ್ಯಪೇತಹರ್ಷಾಂ ಪರಿದೀನಮಾನಸಾಂ | ಶುಭಾಂ ನಿಮಿತ್ತಾನಿ ಶುಭಾನಿ ಭೇಜಿರೇ ನರಂ ಶ್ರಿಯಾ ಜುಷ್ಟಮಿವೋಪಜೀವಿನ: || 1 || ತಸ್ಯಾ: ಶುಭಂ ವಾಮಮರಾಲಪಕ್ಷ್ಮ ರಾಜೀವೃತಂ ಕೃಷ್ಣವಿಶಾಲಶುಕ್ಲಂ | ಪ್ರಾಸ್ಪಂದತೈಕಂ ನಯನಂ ಸುಕೇಶ್ಯಾ ಮೀನಾಹತಂ ಪದ್ಮಮಿವಾಭಿತಾಮ್ರಂ || 2 || ಭುಜಶ್ಚ ಚಾರ್ವನ್ಚಿತಪೀನವೃತ್ತ: ಪರಾಧ್ರ್ಯ ಕಾಲಾಗುರುಚಂದನಾರ್ಹ: | ಅನುತ್ತಮೇನಾಧ್ಯುಷಿತ: ಪ್ರಿಯೇಣ ಚಿರೇಣ ವಾಮ: ಸಮವೇಪತಾಶು || 3 || ಗಜೇಂದ್ರಹಸ್ತಪ್ರತಿಮಶ್ಚ ಪೀನ: ತಯೋದ್ರ್ವಯೋ: ಸಂಹತಯೋ: ಸುಜಾತ: | ಪ್ರಸ್ಪಂದಮಾನ: ಪುನರೂರುರಸ್ಯಾ ರಾಮಂ ಪುರಸ್ತಾತ್ಸ್ಥಿತಮಾಚಚಕ್ಷೇ || 4 || ಶುಭಂ ಪುನರ್ಹೇಮಸಮಾನವರ್ಣಂ ಈಷದ್ರಜೋಧ್ವಸ್ತಮಿವಾಮಲಾಕ್ಷ್ಯಾ: | ವಾಸ: ಸ್ಥಿತಾಯಾ: ಶಿಖರಾಗ್ರದತ್ಯಾ: ಕಿಂ ಚಿತ್ಪರಿಸ್ರಂಸತ ಚಾರುಗಾತ್ರ್ಯಾ: || 5 || ಏತೈರ್ನಿಮಿತ್ತೈರಪರೈಶ್ಚ ಸುಭ್ರೂ: ಸಂಬೋಧಿತಾ ಪ್ರಾಗಪಿ ಸಾಧುಸಿದ್ಧೈ: | ವಾತಾತಪಕ್ಲಾಂತಮಿವ ಪ್ರನಷ್ಟಂ ವರ್ಷೇಣ ಬೀಜಂ ಪ್ರತಿಸಂಜಹರ್ಷ || 6 || ತಸ್ಯಾ: ಪುನರ್ಬಿಂಬಫಲಾಧರೋಷ್ಠಂ ಸ್ವಕ್ಷಿಭ್ರು ಕೇಶಾಂತಮರಾಲಪಕ್ಷ್ಮ | ವಕ್ತ್ರಂ ಬಭಾಸೇ ಸಿತಶುಕ್ಲದಂಷ್ಟ್ರಂ ರಾಹೋರ್ಮುಖಾಚ್ಚಂದ್ರ ಇವ ಪ್ರಮುಕ್ತ: || 7 || ಸಾ ವೀತಶೋಕಾ ವ್ಯಪನೀತತಂದ್ರೀ ಶಾಂತಜ್ವರಾ ಹರ್ಷವಿಬುದ್ಧಸತ್ತ್ವಾ | ಅಶೋಭತಾರ್ಯಾ ವದನೇನ ಶುಕ್ಲೇ ಶೀತಾಂಶುನಾ ರಾತ್ರಿರಿವೋದಿತೇನ || 8 || || ಇತಿ ಏಕೋನವಿಂಶ: ಸರ್ಗ: ||
ಹನುಮಾನಪಿ ವಿಕ್ರಾಂತ: ಸರ್ವಂ ಶುಶ್ರಾವ ತತ್ತ್ವತ: | ಸೀತಾಯಾಸ್ತ್ರಿಜಟಾಯಾಶ್ಚ ರಾಕ್ಷಸೀನಾಂ ಚ ತರ್ಜನಂ || 1 || ಅವೇಕ್ಷಮಾಣಸ್ತಾಂ ದೇವೀಂ ದೇವತಾಂ ಇವ ನಂದನೇ | ತತೋ ಬಹುವಿಧಾಂ ಚಿಂತಾಂ ಚಿಂತಯಾಮಾಸ ವಾನರ: || 2 || ಯಾಂ ಕಪೀನಾಂ ಸಹಸ್ರಾಣಿ ಸುಬಹೂನ್ಯಯುತಾನಿ ಚ | ದಿಕ್ಷು ಸರ್ವಾಸು ಮಾರ್ಗಂತೇ ಸೇಯಮಾಸಾದಿತಾ ಮಯಾ || 3 || ಚಾರೇಣ ತು ಸುಯುಕ್ತೇನ ಶತ್ರೋ: ಶಕ್ತಿಮವೇಕ್ಷಿತಾ | ಗೂಢೇನ ಚರತಾ ತಾವದವೇಕ್ಷಿತಮಿದಂ ಮಯಾ || 4 || ರಾಕ್ಷಸಾನಾಂ ವಿಶೇಷಶ್ಚ ಪುರೀ ಚೇಯಮವೇಕ್ಷಿತಾ | ರಾಕ್ಷಸಾಧಿಪತೇರಸ್ಯ ಪ್ರಭಾವೋ ರಾವಣಸ್ಯ ಚ || 5 || ಯುಕ್ತಂ ತಸ್ಯಾಪ್ರಮೇಯಸ್ಯ ಸರ್ವಸತ್ತ್ವದಯಾವತ: | ಸಮಾಶ್ವಾಸಯಿತುಂ ಭಾರ್ಯಾಂ ಪತಿದರ್ಶನಕಾಂಕ್ಷಿಣೀಂ || 6 || ಅಹಮಾಶ್ವಾಸಯಾಮ್ಯೇನಾಂ ಪೂರ್ಣಚಂದ್ರನಿಭಾನನಾಂ | ಅದೃಷ್ಟದು:ಖಾಂ ದು:ಖಸ್ಯ ನ ಹ್ಯಂತಮಧಿಗಚ್ಛತೀಂ || 7 || ಯದಿ ಹ್ಯಹಮಿಮಾಂ ದೇವೀಂ ಶೋಕೋಪಹತಚೇತನಾಂ | ಅನಾಶ್ವಾಸ್ಯ ಗಮಿಷ್ಯಾಮಿ ದೋಷವದ್ಗಮನಂ ಭವೇತ್ || 8 || ಗತೇ ಹಿ ಮಯಿ ತತ್ರೇಯಂ ರಾಜಪುತ್ರೀ ಯಶಸ್ವಿನೀ | ಪರಿತ್ರಾಣಮವಿಂದಂತೀ ಜಾನಕೀ ಜೀವಿತಂ ತ್ಯಜೇತ್ || 9 || ಮಯಾ ಚ ಸ ಮಹಾಬಾಹು: ಪೂರ್ಣಚಂದ್ರನಿಭಾನನ: | ಸಮಾಶ್ವಾಸಯಿತುಂ ನ್ಯಾಯ್ಯ: ಸೀತಾದರ್ಶನಲಾಲಸ: || 10 || ನಿಶಾಚರೀಣಾಂ ಪ್ರತ್ಯಕ್ಷಮಕ್ಷಮಂ ಚಾಭಿಭಾಷಣಂ | ಕಥಂ ನು ಖಲು ಕರ್ತವ್ಯಮಿದಂ ಕೃಚ್ಛ್ರ ಗತೋ ಹ್ಯಹಂ || 11 || ಅನೇನ ರಾತ್ರಿಶೇಷೇಣ ಯದಿ ನಾಶ್ವಾಸ್ಯತೇ ಮಯಾ | ಸರ್ವಥಾ ನಾಸ್ತಿ ಸಂದೇಹ: ಪರಿತ್ಯಕ್ಷ್ಯತಿ ಜೀವಿತಂ || 12 || ರಾಮಶ್ಚ ಯದಿ ಪೃಚ್ಛೇನ್ಮಾಂ ಕಿಂ ಮಾಂ ಸೀತಾ„ಬ್ರವೀದ್ವಚ: | ಕಿಮಹಂ ತಂ ಪ್ರತಿಬ್ರೂಯಾಮಸಂಭಾಷ್ಯ ಸುಮಧ್ಯಮಾಂ || 13 || ಸೀತಾಸಂದೇಶರಹಿತಂ ಮಾಮಿತಸ್ತ್ವರಯಾ ಗತಂ | ನಿರ್ದಹೇದಪಿ ಕಾಕುತ್ಸ್ಥ: ಕ್ರುದ್ಧಸ್ತೀವ್ರೇಣ ಚಕ್ಷುಷಾ || 14 || ಯದಿ ಚೇದ್ಯೋಜಯಿಷ್ಯಾಮಿ ಭರ್ತಾರಂ ರಾಮಕಾರಣಾತ್ | ವ್ಯರ್ಥಮಾಗಮನಂ ತಸ್ಯ ಸಸೈನ್ಯಸ್ಯ ಭವಿಷ್ಯತಿ || 15 || ಅಂತರಂ ತ್ವಹಮಾಸಾದ್ಯ ರಾಕ್ಷಸೀನಾಮಿಹ ಸ್ಥಿತ: | ಶನೈರಾಶ್ವಾಸಯಿಷ್ಯಾಮಿ ಸಂತಾಪಬಹುಲಾಮಿಮಾಂ || 16 || ಅಹಂ ಹ್ಯತಿತನುಶ್ಚೈವ ವನರಶ್ಚ ವಿಶೇಷತ: | ವಾಚಂ ಚೋದಾಹರಿಷ್ಯಾಮಿ ಮಾನುಷೀಮಿಹ ಸಂಸ್ಕೃತಾಂ || 17 || ಯದಿ ವಾಚಂ ಪ್ರದಾಸ್ಯಾಮಿ ದ್ವಿಜಾತಿರಿವ ಸಂಸ್ಕೃತಾಂ | ರಾವಣಂ ಮನ್ಯಮಾನಾ ಮಾಂ ಸೀತಾ ಭೀತಾ ಭವಿಷ್ಯತಿ || 18 || ವಾನರಸ್ಯ ವಿಶೇಷೇಣ ಕಥಂ ಸ್ಯಾದಭಿಭಾಷಣಂ | ಅವಶ್ಯಮೇವ ವಕ್ತವ್ಯಂ ಮಾನುಷಂ ವಾಕ್ಯಮರ್ಥವತ್ || 19 || ಮಯಾ ಸಾಂತ್ವಯಿತುಂ ಶಕ್ಯಾ ನಾನ್ಯಥೇಯಮನಿಂದಿತಾ | ಸೇಯಮಾಲೋಕ್ಯ ಮೇ ರೂಪಂ ಜಾನಕೀ ಭಾಷಿತಂ ತಥಾ || 20 || ರಕ್ಷೋಭಿಸ್ತ್ರಾಸಿತಾ ಪೂರ್ವಂ ಭೂಯಸ್ತ್ರಾಸಂ ಗಮಿಷ್ಯತಿ | ತತೋ ಜಾತಪರಿತ್ರಾಸಾ ಶಬ್ದಂ ಕುರ್ಯಾನ್ಮನಸ್ವಿನೀ || 21 || ಜಾನಮಾನಾ ವಿಶಾಲಾಕ್ಷೀ ರಾವಣಂ ಕಾಮರೂಪಿಣಂ | ಸೀತಯಾ ಚ ಕñತೇ ಶಬ್ದೇ ಸಹಸಾ ರಾಕ್ಷಸೀಗಣ: || 22 || ನಾನಾಪ್ರಹರಣೋ ಘೋರ: ಸಮೇಯಾದಂತಕೋಪಮ: | ತತೋ ಮಾಂ ಸಂಪರಿಕ್ಷಿಪ್ಯ ಸರ್ವತೋ ವಿಕೃತಾನನಾ: || 23 || ವಧೇ ಚ ಗ್ರಹಣೇ ಚೈವ ಕುರ್ಯುರ್ಯತ್ನಂ ಯಥಾಬಲಂ | ಗೃಹ್ಯ ಶಾಖಾ: ಪ್ರಶಾಖಾಶ್ಚ ಸ್ಕಂಧಾಂಶ್ಚೋತ್ತಮಶಾಖಿನಾಂ || 24 || ದñಷ್ಟ್ವಾ ವಿಪರಿಧಾವಂತಂ ಭವೇಯುರ್ಭಯಶಂಕಿತಾ: | ಮಮ ರೂಪಂ ಚ ಸಂಪ್ರೇಕ್ಷ್ಯ ವನಂ ವಿಚರತೋ ಮಹತ್ || 25 || ರಾಕ್ಷಸ್ಯೋ ಭಯವಿತ್ರಸ್ತಾ ಭವೇಯುರ್ವಿಕñತಾನನಾ: | ತತ: ಕುರ್ಯು: ಸಮಾಹ್ವಾನಂ ರಾಕ್ಷಸ್ಯೋ ರಕ್ಷಸಾಂ ಅಪಿ || 26 || ರಾಕ್ಷಸೇಂದ್ರನಿಯುಕ್ತಾನಾಂ ರಾಕ್ಷಸೇಂದ್ರನಿವೇಶನೇ | ತೇ ಶೂಲಶರನಿಸ್ತ್ರಿಂಶ ವಿವಿಧಾಯುಧಪಾಣಯ: || 27 || ಆಪತೇಯುರ್ವಿಮರ್ದೇ„ಸ್ಮಿನ್ ವೇಗೇನೋದ್ವಿಗ್ನಕಾರಿಣ: | ಸಂರುದ್ಧಸ್ತೈಸ್ತು ಪರಿತೋ ವಿಧಮನ್ರಕ್ಷಸಾಂ ಬಲಂ || 28 || ಶಕ್ನುಯಾಂ ನ ತು ಸಂಪ್ರಾಪ್ತುಂ ಪರಂ ಪಾರಂ ಮಹೋದಧೇ: | ಮಾಂ ವಾ ಗñಹ್ಣೀಯುರಾಪ್ಲುತ್ಯ ಬಹವ: ಶೀಘ್ರಕಾರಿಣ: || 29 || ಸ್ಯಾದಿಯಂ ಚಾಗೃಹೀತಾರ್ಥಾ ಮಮ ಚ ಗ್ರಹಣಂ ಭವೇತ್ | ಹಿಂಸಾಭಿರುಚಯೋ ಹಿಂಸ್ಯುರಿಮಾಂ ವಾ ಜನಕಾತ್ಮಜಾಂ || 30 || ವಿಪನ್ನಂ ಸ್ಯಾತ್ತತ: ಕಾರ್ಯಂ ರಾಮಸುಗ್ರೀವಯೋರಿದಂ | ಉದ್ದೇಶೇ ನಷ್ಟಮಾರ್ಗೇ„ಸ್ಮಿನ್ರಾಕ್ಷಸೈ: ಪರಿವಾರಿತೇ || 31 || ಸಾಗರೇಣ ಪರಿಕ್ಷಿಪ್ತೇ ಗುಪ್ತೇ ವಸತಿ ಜಾನಕೀ | ವಿಶಸ್ತೇ ವಾ ಗೃಹೀತೇ ವಾ ರಕ್ಷೋಭಿರ್ಮಯಿ ಸಂಯುಗೇ || 32 || ನಾನ್ಯಂ ಪಶ್ಯಾಮಿ ರಾಮಸ್ಯ ಸಹಾಯಂ ಕಾರ್ಯಸಾಧನೇ | ವಿಮೃಶಂಶ್ಚ ನ ಪಶ್ಯಾಮಿ ಯೋ ಹತೇ ಮಯಿ ವಾನರ: || 33 || ಶತಯೋಜನವಿಸ್ತೀರ್ಣಂ ಲಂಘಯೇತ ಮಹೋದಧಿಂ | ಕಾಮಂ ಹಂತುಂ ಸಮರ್ಥೋ„ಸ್ಮಿ ಸಹಸ್ರಾಣ್ಯಪಿ ರಕ್ಷಸಾಂ || 34 || ನ ತು ಶಕ್ಷ್ಯಾಮಿ ಸಂಪ್ರಾಪ್ತುಂ ಪರಂ ಪಾರಂ ಮಹೋದಧೇ: | ಅಸತ್ಯಾನಿ ಚ ಯುದ್ಧಾನಿ ಸಂಶಯೋ ಮೇ ನ ರೋಚತೇ || 35 || ಕಶ್ಚ ನಿ:ಸಂಶಯಂ ಕಾರ್ಯಂ ಕುರ್ಯಾತ್ಪ್ರಾಜ್ಞ: ಸಸಂಶಯಂ | ಪ್ರಾಣತ್ಯಾಗಶ್ಚ ವೈದೇಹ್ಯಾ ಭವೇದನಭಿಭಾಷಣೇ || 36 || ಏಷ ದೋಷೋ ಮಹಾನ್ಹಿ ಸ್ಯಾನ್ಮಮ ಸೀತಾಭಿಭಾಷಣೇ | ಭೂತಾಶ್ಚಾರ್ಥಾ ವಿನಶ್ಯಂತಿ ದೇಶಕಾಲವಿರೋಧಿತಾ: || 37 || ವಿಕ್ಲವಂ ದೂತಮಾಸಾದ್ಯ ತಮ: ಸೂರ್ಯೋದಯೇ ಯಥಾ | ಅರ್ಥಾನರ್ಥಾಂತರೇ ಬುದ್ಧಿರ್ನಿಶ್ಚಿತಾಪಿ ನ ಶೋಭತೇ || 38 || ಘಾತಯಂತಿ ಹಿ ಕಾರ್ಯಾಣಿ ದೂತಾ: ಪಂಡಿತಮಾನಿನ: | ನ ವಿನಶ್ಯೇತ್ಕಥಂ ಕಾರ್ಯಂ ವೈಕ್ಲವ್ಯಂ ನ ಕಥಂ ಭವೇತ್ || 39 || ಲಂಘನಂ ಚ ಸಮುದ್ರಸ್ಯ ಕಥಂ ನು ನ ವೃಥಾ ಭವೇತ್ | ಕಥಂ ನು ಖಲು ವಾಕ್ಯಂ ಮೇ ಶೃಣುಯಾನ್ನೋದ್ವಿಜೇತ ಚ || 40 || ಇತಿ ಸಂಚಿಂತ್ಯ ಹನುಮಾಂಶ್ಚಕಾರ ಮತಿಮಾನ್ಮತಿಂ | ರಾಮಮಕ್ಲಿಷ್ಟಕರ್ಮಾಣಂ ಸ್ವಬಂಧುಮನುಕೀರ್ತಯಂ || 41 || ನೈನಾಮುದ್ವೇಜಯಿಷ್ಯಾಮಿ ತದ್ಬಂಧುಗತಮಾನಸಾಂ | ಇಕ್ಷ್ವಾಕೂಣಾಂ ವರಿಷ್ಠಸ್ಯ ರಾಮಸ್ಯ ವಿದಿತಾತ್ಮನ: || 42 || ಶುಭಾನಿ ಧರ್ಮಯುಕ್ತಾನಿ ವಚನಾನಿ ಸಮರ್ಪಯಂ | ಶ್ರಾವಯಿಷ್ಯಾಮಿ ಸರ್ವಾಣಿ ಮಧುರಾಂ ಪ್ರಬ್ರುವಂಗಿರಂ | ಶ್ರದ್ಧಾಸ್ಯತಿ ಯಥಾ ಹೀಯಂ ತಥಾ ಸರ್ವಂ ಸಮಾದಧೇ || 43 || ಇತಿ ಸ ಬಹುವಿಧಂ ಮಹಾನುಭಾವೋ ಜಗತಿಪತೇ: ಪ್ರಮದಾಮವೇಕ್ಷಮಾಣ: | ಮಧುರಮವಿತಥಂ ಜಗಾದ ವಾಕ್ಯಂ ದ್ರುಮವಿಟಪಾಂತರಮಾಸ್ಥಿತೋ ಹನೂಮಾನ್ || 44 || || ಇತಿ ತ್ರಿಂಶ: ಸರ್ಗ: |
ಏವಂ ಬಹುವಿಧಾಂ ಚಿಂತಾಂ ಚಿಂತಯಿತ್ವ ಮಹಾಕಪಿ: | ಸಂಶ್ರವೇ ಮಧುರಂ ವಾಕ್ಯಂ ವೈದೇಹ್ಯಾ ವ್ಯಾಜಹಾರ ಹ || 1 || ರಾಜಾ ದಶರಥೋ ನಾಮ ರಥ ಕುಂಜರ ವಾಜಿನಾಂ | ಪುಣ್ಯ ಶೀಲೋ ಮಹಾಕೀರ್ತಿ: ಋಜು: ಆಸೀನ್ ಮಹಾಯಶಾ: || 2 || ರಾಜರ್ಷೀಣಾಂ ಗುಣಶ್ರೇಷ್ಠಸ್ತಪಸಾ ಚರ್ಷಿಭಿ: ಸಮ: | ಚಕ್ರವರ್ತಿ ಕುಲೇ ಜಾತ: ಪುರಂದರಸಮೋ ಬಲೇ || 3 || ಅಹಿಂಸಾರತಿ: ಅಕ್ಷುದ್ರೋ ಘೃಣೀ ಸತ್ಯ ಪರಾಕ್ರಮ: | ಮುಖ್ಯ: ಚ ಇಕ್ಷ್ವಾಕು ವಂಶಸ್ಯ ಲಕ್ಷ್ಮೀವಾನ್ ಲಕ್ಷ್ಮಿ ವರ್ಧನ: || 4 || ಪಾರ್ಥಿವ ವ್ಯಂಜನೈ: ಯುಕ್ತ: ಪೃಥು ಶ್ರೀ: ಪಾರ್ಥಿವರ್ಷಭ: | ಪೃಥಿವ್ಯಾಂ ಚತುರಂತಾಯಾಂ ವಿಶ್ರುತ: ಸುಖದ: ಸುಖೀ || 5 || ತಸ್ಯ ಪುತ್ರ: ಪ್ರಿಯೋ ಜ್ಯೇಷ್ಠ: ತಾರಾಧಿಪನಿಭಾನನ: | ರಾಮೋ ನಾಮ ವಿಶೇಷಜ್ಞ: ಶ್ರೇಷ್ಠ: ಸರ್ವ ಧನುಷ್ಮತಾಂ || 6 || ರಕ್ಷಿತಾ ಸ್ವಸ್ಯ ವೃತ್ತಸ್ಯ ಸ್ವ ಜನಸ್ಯ ಅಪಿ ರಕ್ಷಿತಾ | ರಕ್ಷಿತಾ ಜೀವ ಲೋಕಸ್ಯ ಧರ್ಮಸ್ಯ ಚ ಪರಂ ತಪ: || 7 || ತಸ್ಯ ಸತ್ಯ ಅಭಿಸಂಧಸ್ಯ ವೃದ್ಧಸ್ಯ ವಚನಾತ್ ಪಿತು: | ಸಭಾರ್ಯ: ಸಹ ಚ ಭ್ರಾತ್ರಾ ವೀರ: ಪ್ರವ್ರಜಿತೋ ವನಂ || 8 || ತೇನ ತತ್ರ ಮಹಾರಣ್ಯೇ ಮೃಗಯಾಂ ಪರಿಧಾವತಾ | ರಾಕ್ಷಸಾ ನಿಹತಾ: ಶೂರಾ ಬಹವ: ಕಾಮರೂಪಿಣ: || 9 || ಜನ ಸ್ಥಾನ ವಧಂ ಶ್ರುತ್ವಾ ಹತೌ ಚ ಖರ ದೂಷಣೌ | ತತ: ತು ಅಮಷ್ರ್ಹ ಅಪಹೃತಾ ಜಾನಕೀ ರಾವಣೇನ ತು || 10 || ವಂಚಯಿತ್ವಾ ವನೇ ರಾಮಂ ಮೃಗರೂಪೇಣ ಮಾಯಯಾ | ಸ ಮಾರ್ಗಮಾಣಸ್ತಾಂ ದೇವೀಂ ರಾಮ: ಸೀತಾಮನಿಂದಿತಾಂ || 11 || ಆಸಸಾದ ವನೇ ಮಿತ್ರಂ ಸುಗ್ರೀವಂ ನಾಮ ವಾನರಂ | ತತ: ಸ ವಾಲಿನಂ ಹ್ತ್ವಾ ರಾಮ: ಪರಪುರಂಜಯ: || 12 || ಪ್ರಾಯಚ್ಛತ್ಕಪಿರಾಜ್ಯಂ ತತ್ಸುಗ್ರೀವಾಯ ಮಹಾಬಲ: | ಸುಗ್ರೀವೇಣಾಪಿ ಸಂದಿಷ್ಟಾ ಹರಯ: ಕಾಮರೂಪಿಣ: || 13 || ದಿಕ್ಷು ಸರ್ವಾಸು ತಾಂ ದೇವೀಂ ವಿಚಿನ್ವಂತಿ ಸಹಸ್ರಶ: | ಅಹಂ ಸಂಪಾತಿವಚನಾಚ್ಛತ ಯೋಜನಮಾಯತಂ || 14 || ಅಸ್ಯಾ ಹೇತೋರ್ವಿಶಾಲಾಕ್ಷ್ಯಾ: ಸಾಗರಂ ವೇಗವಾನ್ ಪ್ಲುತ: | ಯಥಾ ರೂಪಾಂ ಯಥಾ ವರ್ಣಾಂ ಯಥಾ ಲಕ್ಷ್ಮೀಂ ಚ ನಿಶ್ಚಿತಾಂ || 15 || ಅಶ್ರೌಪಂ ರಾಘವಸ್ಯಾ ಸೇಯಂ ಆಸಾದಿತಾ ಮಯಾ | ವಿರರಾಮೈವಮುಕ್ತ್ವಾಸೌ ವಾಚಂ ವಾನರ ಪುಂಗವ: || 16 || ಜಾನಕೀ ಚ ಅಪಿ ತತ್ ಶ್ರುತ್ವಾ ವಿಸ್ಮಯಂ ಪರಮಂ ಗತಾ | ತತ: ಸಾ ವಕ್ರ ಕೇಶಾಂತಾ ಸುಕೇಶೀ ಕೇಶ ಸಂವೃತಂ | ಉನ್ನಮ್ಯ ವದನಂ ಭೀರು: ಶಿಂಶುಪಾವೃಕ್ಷ್ಹಮೈಕ್ಷತ || 17 || ನಿಶಮ್ಯ ಸೀತಾ ವಚನಂ ಕಪೇಶ್ಚ ದಿಶಶ್ಚ ಸರ್ವಾ: ಪ್ರದಿಶಶ್ಚ ವೀಕ್ಷ್ಯ | ಸ್ವಯಂ ಪ್ರಹರ್ಷಂ ಪರಮಂ ಜಗಾಮ ಸರ್ವಾತ್ಮನಾ ರಾಮಮನುಸ್ಮರಂತೀ || 18 || ಸಾ ತಿರ್ಯಗೂಧ್ರ್ವಂ ಚ ತಥಾ ಅಪಿ ಅಧಸ್ತಾನ್ ನಿರೀಕ್ಷಮಾಣಾ ತಮಚಿಂತ್ಯ ಬುದ್ಧಿಂ | ದದರ್ಶ ಪಿಂಗಾಧಿಪತೇ: ಅಮಾತ್ಯಂ ವಾತಾತ್ಮಜಂ ಸೂರ್ಯಂ ಇವ ಉದಯಸ್ಥಂ || 19 || || ಇತಿ ಏಕತ್ರಿಂಶ: ಸರ್ಗ: ||
ತತ: ಶಾಖಾಂತರೇ ಲೀನಂ ದೃಷ್ಟ್ವಾ ಚಲಿತಮಾನಸಾ | ವೇದಿಷ್ಟಾರ್ಜುನವಸ್ತ್ರಂತಂ ವಿದ್ಯುತ್ಸಂಘಾತ ಪಿಂಗಳಂ || 1 || ಸಾ ದದರ್ಶ ಕಪಿಂ ತತ್ರ ಪ್ರಶ್ರಿತಂ ಪ್ರಿಯವಾದಿನಂ | ಪುಲ್ಲಾಶೋಕೋತ್ಕರಾಭಾಸಂ ತಪ್ತಚಾಮಿಕರೇಕ್ಷಣಂ || 2 || ಮೈಥಿಲೀ ಚಿಂತಯಾಮಾಸ ಸ್ವಪ್ನೋ ಅಯಂ ಇತಿ ಭಾಮಿನೀ | ಅಹೋ ಭೀಮಮಿದಂ ರೂಪಂ ವಾನರಸ್ಯ ದುರಾಸದಂ || 3 || ದುರ್ನಿರೀಕ್ಷಮಿತಿ ಜ್ಞಾತ್ವಾ ಪುನರೇವ ಮುಮೋಹ ಸಾ | ವಿಲಲಾಪ ಭೃಶಂ ಸೀತಾ ಕರುಣಂ ಭಯಮೋಹಿತಾ || 4 || ರಾಮರಾಮೇತಿ ದು:ಖಾರ್ತಾ ಲಕ್ಷ್ಮಣೇತಿ ಚ ಭಾಮಿನೀ | ರುರೋದ ಬಹುಧಾ ಸೀತಾ ಮಂದಂ ಮಂದಸ್ವರಾ ಸತೀ || 5 || ಸಾ ತ್ವಂ ದೃಷ್ಟ್ವಾ ಹರಿಶ್ರೇಷ್ಠಂ ವಿನೀತವದುಪಸ್ಥಿತಂ | ಮೈಥಿಲೀ ಚಿಂತಯಾಮಾಸ ಸ್ವಪ್ನೋ„ಯಮಿತಿ ಭಾಮಿನೀ || 6 || ಸಾ ವೀಕ್ಷಮಾಣಾ ಪೃಥುಭುಗ್ನವಕ್ತ್ರಂ ಶಾಖಾಮೃಗೇಂದ್ರಸ್ಯ ಯಥೋಕ್ತಕಾರಂ | ದದರ್ಶ ಪಿಂಗಪ್ರವರಂ ಮಹಾರ್ಹಂ ವಾತಾತ್ಮಜಂ ಬುದ್ಧಿಮತಾಂ ವರಿಷ್ಠಂ || 7 || ಸಾ ತಂ ಸಮೀಕ್ಷ್ಯೈವ ಭೃಶಂ ವಿಸಂಜ್ಞಾ ಗತಾಸುಕಲ್ಪೇವ ಬಭೂವ ಸೀತಾ | ಚಿರೇಣ ಸಂಜ್ಞಾಂ ಪ್ರತಿಲಭ್ಯ ಚೈವ ವಿಚಿಂತಯಾಮಾಸ ವಿಶಾಲನೇತ್ರಾ || 8 || ಸ್ವಪ್ನೋ ಮಯಾಯಂ ವಿಕೃತೋ„ದ್ಯ ದೃಷ್ಟ: ಶಾಖಾಮೃಗ: ಶಾಸ್ತ್ರಗಣೈರ್ನಿಷಿದ್ಧ: | ಸ್ವಸ್ತ್ಯಸ್ತು ರಾಮಾಯ ಸಲಕ್ಷ್ಮಣಾಯ ತಥಾ ಪಿತುರ್ಮೇ ಜನಕಸ್ಯ ರಾಜ್ಞ: || 9 || ಸ್ವಪ್ನೋ„ಪಿ ನಾಯಂ ನ ಹಿ ಮೇ„ಸ್ತಿ ನಿದ್ರಾ ಶೋಕೇನ ದು:ಖೇನ ಚ ಪೀಡಿತಾಯಾ: | ಸುಖಂ ಹಿ ಮೇ ನಾಸ್ತಿ ಯತೋ„ಸ್ಮಿ ಹೀನಾ ತೇನೇಂದುಪೂರ್ಣಪ್ರತಿಮಾನನೇನ || 10 || ರಾಮೇತಿ ರಾಮೇತಿ ಸದೈವ ಬುದ್ಧ್ಯಾ ವಿಚಿಂತ್ಯಾ ವಾಚಾ ಬ್ರುವತೀ ತಮೇವ | ತಸ್ಯಾನುರೂಪಂ ಚ ಕಥಾಂ ತದರ್ಥಾ ಮೇವಂ ಪ್ರಪಶ್ಯಾಮಿ ತಥಾ ಶೃಣೋಮಿ || 11 || ಅಹಂ ಹಿ ತಸ್ಯಾದ್ಯ ಮನೋ ಭವೇನ ಸಂಪೀಡಿತಾ ತದ್ಗತಸರ್ವಭಾವಾ | ವಿಚಿಂತಯಂತೀ ಸತತಂ ತಮೇವ ತಥೈವ ಪಶ್ಯಾಮಿ ತಥಾ ಶೃಣೋಮಿ || 12 || ಮನೋರಥ: ಸ್ಯಾದಿತಿ ಚಿಂತಯಾಮಿ ತಥಾಪಿ ಬುದ್ಧ್ಯಾ ಚ ವಿತರ್ಕಯಾಮಿ | ಕಿಂ ಕಾರಣಂ ತಸ್ಯ ಹಿ ನಾಸ್ತಿ ರೂಪಂ ಸುವ್ಯಕ್ತರೂಪಶ್ಚ ವದತ್ಯಯಂ ಮಾಂ || 13 || ನಮೋ„ಸ್ತು ವಾಚಸ್ಪತಯೇ ಸವಜ್ರಿಣೇ ಸ್ವಯಂಭುವೇ ಚೈವ ಹುತಾಶನಾಯ | ಅನೇನ ಚೋಕ್ತಂ ಯದಿದಂ ಮಮಾಗ್ರತೋ ವನೌಕಸಾ ತಚ್ಚ ತಥಾಸ್ತು ನಾನ್ಯಥಾ || 14 || || ಇತಿ ದ್ವಾತ್ರಿಂಶ: ಸರ್ಗ: ||
ಸೋ„ವತೀರ್ಯ ದ್ರುಮಾತ್ತಸ್ಮಾದ್ ವಿದ್ರುಮಪ್ರತಿಮಾನನ: | ವಿನೀತವೇಶ: ಕೃಪಣ: ಪ್ರಣಿಪತ್ಯೋಪಸೃತ್ಯ ಚ || 1 || ತಾಂ ಅಬ್ರವೀನ್ ಮಹಾತೇಜಾ ಹನೂಮಾನ್ ಮಾರುತ ಆತ್ಮಜ: | ಶಿರಸಿ ಅಂಜಲಿಂ ಆಧಾಯ ಸೀತಾಂ ಮಧುರಯಾ ಗಿರಾ || 2 || ಕಾ ನು ಪದ್ಮ ಪಲಾಶಾಕ್ಷೀ ಕ್ಲಿಷ್ಟ ಕೌಶೇಯ ವಾಸಿನೀ | ದ್ರುಮಸ್ಯ ಶಾಖಾಮಾಲಮ್ಬ್ಯ ತಿಷ್ಠಸಿ ತ್ವಂ ಅನಿಂದಿತಾ || 3 || ಕಿಂ ಅರ್ಥಂ ತವ ನೇತ್ರಾಭ್ಯಾಂ ವಾರಿ ಸ್ರವತಿ ಶೋಕಜಂ | ಪುಂಡರೀಕ ಪಲಾಶಾಭ್ಯಾಂ ವಿಪ್ರಕೀರ್ಣಂ ಇವ ಉದಕಂ || 4 || ಸುರಾಣಾಂ ಅಸುರಾಣಾಂ ಚ ನಾಗ ಗಂಧರ್ವ ರಕ್ಷಸಾಂ | ಯಕ್ಷಾಣಾಂ ಕಿನ್ನರಾಣಾಂ ಚ ಕಾ ತ್ವಂ ಭವಸಿ ಶೋಭನೇ || 5 || ಕಾ ತ್ವಂ ಭವಸಿ ರುದ್ರಾಣಾಂ ಮರುತಾಂ ವಾ ವರಾನನೇ | ವಸೂನಾಂ ವಾ ವರ ಆರೋಹೇ ದೇವತಾ ಪ್ರತಿಭಾಸಿ ಮೇ || 6 || ಕಿಂ ನು ಚಂದ್ರಮಸಾ ಹೀನಾ ಪತಿತಾ ವಿಬುಧ ಆಲಯಾತ್ | ರೋಹಿಣೀ ಜ್ಯೋತಿಷಾಂ ಶ್ರೇಷ್ಠಾ ಶ್ರೇಷ್ಠಾ ಸರ್ವ ಗುಣಾನ್ವಿತಾ || 7 || ಕಾ ತ್ವಂ ಭವಸಿ ಕಲ್ಯಾಣಿ ತ್ವಂ ಅನಿಂದಿತಲೋಚನೇ ಕೋಪಾತ್ ವಾ ಯದಿ ವಾ ಮೋಹಾತ್ ಭರ್ತಾರಮಸಿತೇಕ್ಷಣೇ || 8 || ವಸಿಷ್ಠಂ ಕೋಪಯಿತ್ವಾ ತ್ವಂ ನ ಅಸಿ ಕಲ್ಯಾಣಿ ಅರುಂಧತೀ | ಕೋ ನು ಪುತ್ರ: ಪಿತಾ ಭ್ರಾತಾ ಭರ್ತಾ ವಾ ತೇ ಸುಮಧ್ಯಮೇ || 9 || ಅಸ್ಮಾಲ್ಲೋಕಾತ್ ಅಮುಂ ಲೋಕಂ ಗತಂ ತ್ವಂ ಅನುಶೋಚಸಿ | ರೋದನಾದತಿನಿ:ಶ್ವಾಸಾದ್ ಭೂಮಿಸಂಸ್ಪರ್ಶನಾದಪಿ || 10 || ನ ತ್ವಾಂ ದೇವೀಮಹಂ ಮನ್ಯೇ ರಾಜ್ಞ: ಸಂಜ್ಞಾವಧಾರಣಾತ್ | ವ್ಯಂಜನಾನಿ ಹಿ ತೇ ಯಾನಿ ಲಕ್ಷಣಾನಿ ಚ ಲಕ್ಷಯೇ || 11 || ಮಹಿಷೀ ಭೂಮಿ ಪಾಲಸ್ಯ ರಾಜ ಕನ್ಯಾ„ಸಿ ಮೇ ಮತಾ | ರಾವಣೇನ ಜನ ಸ್ಥಾನಾತ್ ಬಲಾತ್ ಅಪಹೃತಾ ಯದಿ || 12 || ಸೀತಾ ತ್ವಮಸಿ ಭದ್ರಂ ತೇ ತನ್ ಮಮ ಆಚಕ್ಷ್ವ ಪೃಚ್ಛತ: | ಯಥಾ ಹಿ ತವ ವೈ ದೈನ್ಯಂ ರೂಪಂ ಚಾಪ್ಯತಿಮಾನುಷಂ || 13 || ತಪಸಾ ಚಾನ್ವಿತೋ ವೇಶಸ್ತ್ವಂ ರಾಮಮಹಿಶೀ ಧ್ರುವಂ | ಸಾ ತಸ್ಯ ವಚನಂ ಶ್ರುತ್ವಾ ರಾಮ ಕೀರ್ತನ ಹರ್ಷಿತಾ || 14 || ಉವಾಚ ವಾಕ್ಯಂ ವೈದೇಹೀ ಹನೂಮಂತಂ ದ್ರುಮಾಶ್ರಿತಂ | ಪೃಥಿವ್ಯಾಂ ರಾಜಸಿಂಹಾನಾಂ ಮುಖ್ಯಸ್ಯ ವಿದಿತಾತ್ಮನ: || 15 || ಸ್ನುಷಾ ದಶರಥಸ್ಯಾಹಂ ಶತ್ರುಸೈನ್ಯಪ್ರತಾಪಿನ: | ದುಹಿತಾ ಜನಕಸ್ಯ ಅಹಂ ವೈದೇಹಸ್ಯ ಮಹಾತ್ಮನ: || 16 || ಸೀತಾ ಚ ನಾಮ ನಾಮ್ನಾಹಂ ಭಾರ್ಯಾ ರಾಮಸ್ಯ ಧೀಮತ: | ಸಮಾ ದ್ವಾದಶ ತತ್ರಾಹಂ ರಾಘವಸ್ಯ ನಿವೇಶನೇ || 17 || ಭುಂಜಾನಾ ಮಾನುಷಾನ್ ಭೋಗಾನ್ ಸರ್ವ ಕಾಮ ಸಮೃದ್ಧಿನೀ | ತತ: ತ್ರಯೋದಶೇ ವರ್ಷೇ ರಾಜ್ಯೇನ ಇಕ್ಷ್ವಾಕು ನಂದನಂ || 18 || ಅಭಿಷೇಚಯಿತುಂ ರಾಜಾ ಸ ಉಪಾಧ್ಯಾಯ: ಪ್ರಚಕ್ರಮೇ | ತಸ್ಮಿನ್ ಸಂಭ್ರಿಯಮಾಣೇ ತು ರಾಘವಸ್ಯ ಅಭಿಷೇಚನೇ || 19 || ಕೈಕೇಯೀ ನಾಮ ಭರ್ತಾರಂ ದೇವೀ ವಚನಂ ಅಬ್ರವೀತ್ | ನ ಪಿಬೇಯಂ ನ ಖಾದೇಯಂ ಪ್ರತ್ಯಹಂ ಮಮ ಭೋಜನಂ || 20 || ಏಷ ಮೇ ಜೀವಿತಸ್ಯ ಅಂತೋ ರಾಮೋ ಯದಿ ಅಭಿಷಿಚ್ಯತೇ | ಯತ್ತತ್ ಉಕ್ತಂ ತ್ವಯಾ ವಾಕ್ಯಂ ಪ್ರೀತ್ಯಾ ನೃಪತಿ ಸತ್ತಮ || 21 || ತಚ್ಚೇನ ನ ವಿತಥಂ ಕಾರ್ಯಂ ವನಂ ಗಚ್ಛತು ರಾಘವ: | ಸ ರಾಜಾ ಸತ್ಯ ವಾಗ್ದೇವ್ಯಾ ವರದಾನಂ ಅನುಸ್ಮರನ್ || 22 || ಮುಮೋಹ ವಚನಂ ಶ್ರುತ್ವಾ ಕೈಕೇಯ್ಯಾ: ಕ್ರೂರಂ ಅಪ್ರಿಯಂ | ತತ: ತು ಸ್ಥವಿರೋ ರಾಜಾ ಸತ್ಯ ಧರ್ಮೇ ವ್ಯವಸ್ಥಿತ: || 23 || ಜ್ಯೇಷ್ಠಂ ಯಶಸ್ವಿನಂ ಪುತ್ರಂ ರುದನ್ ರಾಜ್ಯಮಯಾಚತ | ಸ ಪಿತು: ವಚನಂ ಶ್ರೀಮಾನ್ ಅಭಿಷೇಕಾತ್ಪರಂ ಪ್ರಿಯಂ || 24 || ಮನಸಾ ಪೂರ್ವಮಾಸಾದ್ಯ ವಾಚಾ ಪ್ರತಿಗೃಹೀತವಾನ್ | ದದ್ಯಾನ್ನ ಪ್ರತಿಗೃಹ್ಣೀಯಾನ್ ನ ಬ್ರೂಯತ್ ಕಿಂಚಿತ್ ಅಪ್ರಿಯಂ || 25 || ಅಪಿ ಜೀವಿತ ಹೇತೋ: ಹಿ ರಾಮ: ಸತ್ಯ ಪರಾಕ್ರಮ: | ಸ ವಿಹಾಯ ಉತ್ತರೀಯಾಣಿ ಮಹಾರ್ಹಾಣಿ ಮಹಾಯಶಾ: || 26 || ವಿಸೃಜ್ಯ ಮನಸಾ ರಾಜ್ಯಂ ಜನನ್ಯೈ ಮಾಂ ಸಮಾದಿಶತ್ | ಸಾ„ಹಂ ತಸ್ಯ ಅಗ್ರತ: ತೂರ್ಣಂ ಪ್ರಸ್ಥಿತಾ ವನ ಚಾರಿಣೀ || 27 || ನ ಹಿ ಮೇ ತೇನ ಹೀನಾಯಾ ವಾಸ: ಸ್ವರ್ಗೇ ಅಪಿ ರೋಚತೇ | ಪ್ರಾಗೇವ ತು ಮಹಾಭಾಗ: ಸೌಮಿತ್ರಿ: ಮಿತ್ರ ನಂದನ: || 28 || ಪೂರ್ವಜಸ್ಯ ಅನುಯಾತ್ರಾ ಅರ್ಥೇ ದ್ರುಮ ಚೀರೈ: ಅಲಂಕೃತ: | ತೇ ವಯಂ ಭರ್ತು: ಆದೇಶಂ ಬಹು ಮಾನ್ಯ ದೃಢ ವ್ರತಾ: || 29 || ಪ್ರವಿಷ್ಟಾ: ಸ್ಮ ಪುರಾತ್ ದೃಷ್ಟಂ ವನಂ ಗಂಭೀರ ದರ್ಶನಂ | ವಸತೋ ದಂಡಕ ಅರಣ್ಯೇ ತಸ್ಯ ಅಹಂ ಅಮಿತ ಓಜಸ: || 30 || ರಕ್ಷಸಾ ಅಪಹೃತಾ ಭಾರ್ಯಾ ರಾವಣೇನ ದುರಾತ್ಮನಾ | ದ್ವೌ ಮಾಸೌ ತೇನ ಮೇ ಕಾಲೋ ಜೀವಿತ ಅನುಗ್ರಹ: ಕೃತ: | ಊಧ್ರ್ವಂ ದ್ವಾಭ್ಯಾಂ ತು ಮಾಸಾಭ್ಯಾಂ ತತ: ತ್ಯಕ್ಷ್ಯಾಮಿ ಜೀವಿತಂ || 31 || || ಇತಿ ತ್ರಯಸ್ತ್ರಿಂಶ: ಸರ್ಗ: ||
ತಸ್ಯಾಸ್ತದ್ವಚನಂ ಶ್ರುತ್ವಾ ಹನೂಮಾನ್ಹರಿಯೂಥಪ: | ದು:ಖಾದ್ದು:ಖಾಭಿಭೂತಾಯಾ: ಸಾಂತಮುತ್ತರಮಬ್ರವೀತ್ || 1 || ಅಹಂ ರಾಮಸ್ಯ ಸಂದೇಶಾದ್ದೇವಿ ದೂತಸ್ತವಾಗತ: | ವೈದೇಹಿ ಕುಶಲೀ ರಾಮಸ್ತ್ವಾಂ ಚ ಕೌಶಲಮಬ್ರವೀತ್ || 2 || ಯೋ ಬ್ರಾಹ್ಮಮಸ್ತ್ರಂ ವೇದಾಂಶ್ಚ ವೇದ ವೇದವಿದಾಂ ವರ: | ಸ ತ್ವಾಂ ದಾಶರಥೀ ರಾಮೋ ದೇವಿ ಕೌಶಲಮಬ್ರವೀತ್ || 3 || ಲಕ್ಷ್ಮಣಶ್ಚ ಮಹಾತೇಜಾ ಭರ್ತುಸ್ತೇ„ನುಚರ: ಪ್ರಿಯ: | ಕñತವಾಂ ಶೋಕಸಂತಪ್ತ: ಶಿರಸಾ ತೇ„ಭಿವಾದನಂ || 4 || ಸಾ ತಯೋ: ಕುಶಲಂ ದೇವೀ ನಿಶಮ್ಯ ನರಸಿಂಹಯೋ: | ಪ್ರೀತಿಸಂಹ್ಇಂಷ್ಟಸರ್ವಾಂಗೀ ಹನೂಮಾಂತಮಥಾಬ್ರವೀತ್ || 5 || ಕಲ್ಯಾಣೀ ಬತ ಗಥೇಯಂ ಲೌಕಿಕೀ ಪ್ರತಿಭಾತಿ ಮೇ | ಏಹಿ ಜೀವಂತಮಾನದೋ ನರಂ ವರ್ಷಶತಾದಪಿ || 6 || ತಯಾ ಸಮಾಗಮೇ ತಸ್ಮಿನ್ಪ್ರೀತಿ: ಉತ್ಪಾದಿತಾದ್ಭುತಾ | ಪರಸ್ಪರೇಣ ಚಾಲಾಪಂ ವಿಶ್ವಸ್ತೌ ತೌ ಪ್ರಚಕ್ರತು: || 7 || ತಸ್ಯಾಸ್ತದ್ವಚನಂ ಶ್ರುತ್ವಾ ಹನೂಮಾನ್ಹರಿಯೂಥಪ: | ಸೀತಾಯಾ: ಶೋಕದೀನಾಯಾ: ಸಮೀಪಮುಪಚಕ್ರಮೇ || 8 || ಯಥಾ ಯಥಾ ಸಮೀಪಂ ಸ ಹನೂಮಾನುಪಸರ್ಪತಿ | ತಥಾ ತಥಾ ರಾವಣಂ ಸಾ ತಂ ಸೀತಾ ಪರಿಶಂಕತೇ || 9 || ಅಹೋ ಧಿಗ್ಧಿಕ್ಕñತಮಿದಂ ಕಥಿತಂ ಹಿ ಯದಸ್ಯ ಮೇ | ರೂಪಾಂತರಮುಪಾಗಮ್ಯ ಸ ಏವಾಯಂ ಹಿ ರಾವಣ: || 10 || ತಾಮಶೋಕಸ್ಯ ಶಾಖಾಂ ಸಾ ವಿಮುಕ್ತ್ವಾ ಶೋಕಕರ್ಶಿತಾ | ತಸ್ಯಾಮೇವಾನವದ್ಯಾಂಗೀ ಧರಣ್ಯಾಂ ಸಮುಪಾವಿಶತ್ || 11 || ಹನುಮಾನಪಿ ದು:ಖಾರ್ತಾ ತಾಂ ದೃಷ್ಟಾ ಭಯಮೋಹಿತಾಂ | ಅವಂದತ ಮಹಾಬಾಹುಸ್ತತಸ್ತಾಂ ಜನಕಾತ್ಮಜಾಂ || 12 || ಸಾ ಚೈನಂ ಭಯವಿತ್ರಸ್ತಾ ಭೂಯೋ ನೈವಾಭ್ಯುದೈಕ್ಷತ | ತಂ ದñಷ್ಟ್ವಾ ವಂದಮಾನಂ ತು ಸೀತಾ ಶಶಿನಿಭಾನನಾ || 13 || ಅಬ್ರವೀದ್ದೀರ್ಘಮುಚ್ಛ್ವಸ್ಯ ವಾನರಂ ಮಧುರಸ್ವರಾ | ಮಾಯಾಂ ಪ್ರವಿಷ್ಟೋ ಮಾಯಾವೀ ಯದಿ ತ್ವಂ ರಾವಣ: ಸ್ವಯಂ || 14 || ಉತ್ಪಾದಯಸಿ ಮೇ ಭೂಯ: ಸಂತಾಪಂ ತನ್ನ ಶೋಭನಂ | ಸ್ವಂ ಪರಿತ್ಯಜ್ಯ ರೂಪಂ ಯ: ಪರಿವ್ರಾಜಕರೂಪಧñತ್ || 15 || ಜನಸ್ಥಾನೇ ಮಯಾ ದñಷ್ಟಸ್ತ್ವಂ ಸ ಏವಾಸಿ ರಾವಣ: | ಉಪವಾಸಕñಶಾಂ ದೀನಾಂ ಕಾಮರೂಪ ನಿಶಾಚರ || 16 || ಸಂತಾಪಯಸಿ ಮಾಂ ಭೂಯ: ಸಂತಾಪಂ ತನ್ನ ಶೋಭನಂ | ಅಥವಾ ನೈತದೇವಂ ಹಿ ಯನ್ಮಯಾ ಪರಿಶಂಕಿತಂ || 17 || ಮನಸೋ ಹಿ ಮಮ ಪ್ರೀತಿರುತ್ಪನ್ನಾ ತವ ದರ್ಶನಾತ್ | ಯದಿ ರಾಮಸ್ಯ ದೂತಸ್ತ್ವಮಾಗತೋ ಭದ್ರಮಸ್ತು ತೇ || 18 || ಪñಚ್ಛಾಮಿ ತ್ವಾಂ ಹರಿಶ್ರೇಷ್ಠ ಪ್ರಿಯಾ ರಾಮ ಕಥಾ ಹಿ ಮೇ | ಗುಣಾನ್ ರಾಮಸ್ಯ ಕಥಯ ಪ್ರಿಯಸ್ಯ ಮಮ ವಾನರ || 19 || ಚಿತ್ತಂ ಹರಸಿ ಮೇ ಸೌಮ್ಯ ನದೀಕೂಲಂ ಯಥಾ ರಯ: | ಅಹೋ ಸ್ವಪ್ನಸ್ಯ ಸುಖತಾ ಯಾಹಮೇವಂ ಚಿರಾಹñತಾ || 20 || ಪ್ರೇಷಿತಂ ನಾಮ ಪಶ್ಯಾಮಿ ರಾಘವೇಣ ವನೌಕಸಂ | ಸ್ವಪ್ನೇ„ಪಿ ಯದ್ಯಹಂ ವೀರಂ ರಾಘವಂ ಸಹಲಕ್ಷ್ಮಣಂ || 21 || ಪಶ್ಯೇಯಂ ನಾವಸೀದೇಯಂ ಸ್ವಪ್ನೋ„ಪಿ ಮಮ ಮತ್ಸರೀ | ನಾಹಂ ಸ್ವಪ್ನಮಿಮಂ ಮನ್ಯೇ ಸ್ವಪ್ನೇ ದñಷ್ಟ್ವಾ ಹಿ ವಾನರಂ || 22 || ನ ಶಕ್ಯೋ„ಭ್ಯುದಯ: ಪ್ರಾಪ್ತುಂ ಪ್ರಾಪ್ತಶ್ಚಾಭ್ಯುದಯೋ ಮಮ | ಕಿಂ ನು ಸ್ಯಾಚ್ಚಿತ್ತಮೋಹೋ„ಯಂ ಭವೇದ್ವಾತಗತಿಸ್ತ್ವಿಯಂ || 23 || ಉನ್ಮಾದಜೋ ವಿಕಾರೋ ವಾ ಸ್ಯಾದಿಯಂ ಮೃಗತೃಷ್ಣಿಕಾ | ಅಥವಾ ನಾಯಮುನ್ಮಾದೋ ಮೋಹೋ„ಪ್ಯುನ್ಮಾದಲಕ್ಷ್ಮಣ: || 24 || ಸಂಬುಧ್ಯೇ ಚಾಹಮಾತ್ಮಾನಮಿಮಂ ಚಾಪಿ ವನೌಕಸಂ | ಇತ್ಯೇವಂ ಬಹುಧಾ ಸೀತಾ ಸಂಪ್ರಧಾರ್ಯ ಬಲಾಬಲಂ || 25 || ರಕ್ಷಸಾಂ ಕಾಮರೂಪತ್ವಾನ್ಮೇನೇ ತಂ ರಾಕ್ಷಸಾಧಿಪಂ | ಏತಾಂ ಬುದ್ಧಿಂ ತದಾ ಕñತ್ವಾ ಸೀತಾ ಸಾ ತನುಮಧ್ಯಮಾ || 26 || ನ ಪ್ರತಿವ್ಯಾಜಹಾರಾಥ ವಾನರಂ ಜನಕಾತ್ಮಜಾ | ಸೀತಾಯಾಶ್ಚಿಂತಿತಂ ಬುದ್ಧ್ವಾ ಹನೂಮಾನ್ಮಾರುತಾತ್ಮಜ: || 27 || ಶ್ರೋತ್ರಾನುಕೂಲೈರ್ವಚನೈಸ್ತದಾ ತಾಂ ಸಂಪ್ರಹರ್ಷಯತ್ | ಆದಿತ್ಯ ಇವ ತೇಜಸ್ವೀ ಲೋಕಕಾಂತ: ಶಶೀ ಯಥಾ || 28 || ರಾಜಾ ಸರ್ವಸ್ಯ ಲೋಕಸ್ಯ ದೇವೋ ವೈಶ್ರವಣೋ ಯಥಾ | ವಿಕ್ರಮೇಣೋಪಪನ್ನಶ್ಚ ಯಥಾ ವಿಷ್ಣುರ್ಮಹಾಯಶಾ: || 29 || ಸತ್ಯವಾದೀ ಮಧುರವಾಗ್ದೇವೋ ವಾಚಸ್ಪತಿರ್ಯಥಾ | ರೂಪವಾನ್ಸುಭಗ: ಶ್ರೀಮಾನ್ಕಂದರ್ಪ ಇವ ಮೂರ್ತಿಮಾನ್ || 30 || ಸ್ಥಾನಕ್ರೋಧಪ್ರಹರ್ತಾ ಚ ಶ್ರೇಷ್ಠೋ ಲೋಕೇ ಮಹಾರಥ: | ಬಾಹುಚ್ಛಾಯಾಮವಷ್ಟಬ್ಧೋ ಯಸ್ಯ ಲೋಕೋ ಮಹಾತ್ಮನ: || 31 || ಅಪಕñಷ್ಯಾಶ್ರಮಪದಾನ್ ಮñಗರೂಪೇಣ ರಾಘವಂ | ಶೂನ್ಯೇ ಯೇನಾಪನೀತಾಸಿ ತಸ್ಯ ದ್ರಕ್ಷ್ಯಸಿ ಯತ್ಫಲಂ || 32 || ನ ಚಿರಾದ್ರಾವಣಂಸಂಖ್ಯೇ ಯೋ ವಧಿಷ್ಯತಿ ವೀರ್ಯವಾನ್ | ರೋಷಪ್ರಮುಕ್ತೈರಿಷುಭಿ: ಜ್ವಲದ್ಭಿರಿವ ಪಾವಕೈ: || 33 || ತೇನಾಹಂ ಪ್ರೇಷಿತೋ ದೂತಸ್ತ್ವತ್ಸಕಾಶಮಿಹಾಗತ: | ತ್ವದ್ವಿಯೋಗೇನ ದು:ಖಾರ್ತ: ಸ ತ್ವಾಂ ಕೌಶಲಮಬ್ರವೀತ್ || 34 || ಲಕ್ಷ್ಮಣಶ್ಚ ಮಹಾತೇಜಾ: ಸುಮಿತ್ರಾನಂದವರ್ಧನ: | ಅಭಿವಾದ್ಯ ಮಹಾಬಾಹು: ಸೋ„ಪಿ ಕೌಶಲಮಬ್ರವೀತ್ || 35 || ರಾಮಸ್ಯ ಚ ಸಖಾ ದೇವಿ ಸುಗ್ರೀವೋ ನಾಮ ವಾನರ: | ರಾಜಾ ವಾನರಮುಖ್ಯಾನಾಂ ಸ ತ್ವಾಂ ಕೌಶಲಮಬ್ರವೀತ್ || 36 || ನಿತ್ಯಂ ಸ್ಮರತಿ ರಾಮಸ್ತ್ವಾಂ ಸಸುಗ್ರೀವ: ಸಲಕ್ಷ್ಮಣ: | ದಿಷ್ಟ್ಯಾ ಜೀವಸಿ ವೈದೇಹಿ ರಾಕ್ಷಸೀ ವಶಮಾಗತಾ || 37 || ನಚಿರಾದ್ದ್ರಕ್ಷ್ಯಸೇ ರಾಮಂ ಲಕ್ಷ್ಮಣಂ ಚ ಮಹಾಬಲಂ | ಮಧ್ಯೇ ವಾನರಕೋಟೀನಾಂ ಸುಗ್ರೀವಂ ಚಾಮಿತೌಜಸಂ || 38 || ಅಹಂ ಸುಗ್ರೀವಸಚಿವೋ ಹನೂಮಾನ್ನಾಮ ವಾನರ: | ಪ್ರವಿಷ್ಟೋ ನಗರೀಂ ಲಂಕಾಂ ಲಂಘಯಿತ್ವಾ ಮಹೋದಧಿಂ || 39 || ಕñತ್ವಾ ಮೂಧ್ರ್ನಿ ಪದನ್ಯಾಸಂ ರಾವಣಸ್ಯ ದುರಾತ್ಮನ: | ತ್ವಾಂ ದ್ರಷ್ಟುಮುಪಯಾತೋ„ಹಂ ಸಮಾಶ್ರಿತ್ಯ ಪರಾಕ್ರಮಂ || 40 || ನಾಹಮಸ್ಮಿ ತಥಾ ದೇವಿ ಯಥಾ ಮಾಂ ಅವಗಚ್ಛಸಿ | ವಿಶಂಕಾ ತ್ಯಜ್ಯತಾಮೇಷಾ ಶ್ರದ್ಧತ್ಸ್ವ ವದತೋ ಮಮ || 41 || || ಇತಿ ಚತುಸ್ತ್ರಿಂಶ: ಸರ್ಗ: ||
ತಾಂ ತು ರಾಮ ಕಥಾಂ ಶ್ರುತ್ವಾ ವೈದೇಹೀ ವಾನರರ್ಷಭಾತ್ | ಉವಾಚ ವಚನಂ ಸಾಂತ್ವಮಿದಂ ಮಧುರಯಾ ಗಿರಾ || 1 || ಕ್ವ ತೇ ರಾಮೇಣ ಸಂಸರ್ಗ: ಕಥಂ ಜಾನಾಸಿ ಲಕ್ಷ್ಮಣಂ | ವಾನರಾಣಾಂ ನರಾಣಾಂ ಚ ಕಥಮಾಸೀತ್ಸಮಾಗಮ: || 2 || ಯಾನಿ ರಾಮಸ್ಯ ಲಿಂಗಾನಿ ಲಕ್ಷ್ಮಣಸ್ಯ ಚ ವಾನರ | ತಾನಿ ಭೂಯ: ಸಮಾಚಕ್ಷ್ವ ನ ಮಾಂ ಶೋಕ: ಸಮಾವಿಶೇತ್ || 3 || ಕೀದೃಶಂ ತಸ್ಯ ಸಂಸ್ಥಾನಂ ರೂಪಂ ರಾಮಸ್ಯ ಕೀದೃಶಂ | ಕಥಮೂರೂ ಕಥಂ ಬಾಹೂ ಲಕ್ಷ್ಮಣಸ್ಯ ಚ ಶಂಸ ಮೇ || 4 || ಏವಮುಕ್ತಸ್ತು ವೈದೇಹ್ಯಾ ಹನೂಮಾನ್ಮಾರುತಾತ್ಮಜ: | ತತೋ ರಾಮಂ ಯಥಾತತ್ತ್ವಂ ಆಖ್ಯಾತುಂ ಉಪಚಕ್ರಮೇ || 5 || ಜಾನಂತೀ ಬತ ದಿಷ್ಟ್ಯಾ ಮಾಂ ವೈದೇಹಿ ಪರಿಪೃಚ್ಛಸಿ | ಭರ್ತು: ಕಮಲಪತ್ರಾಕ್ಷಿ ಸಂಸ್ಥಾನಂ ಲಕ್ಷ್ಮಣಸ್ಯ ಚ || 6 || ಯಾನಿ ರಾಮಸ್ಯ ಚಿಹ್ನಾನಿ ಲಕ್ಷ್ಮಣಸ್ಯ ಚ ಜಾನಕೀ | ಲಕ್ಷಿತಾನಿ ವಿಶಾಲಾಕ್ಷಿ ವದತ: ಶೃಣು ತಾನಿ ಮೇ || 7 || ರಾಮ: ಕಮಲಪತ್ರಾಕ್ಷ: ಸರ್ವಭೂತಮನೋಹರ: | ರೂಪದಾಕ್ಷಿಣ್ಯಸಂಪನ್ನ: ಪ್ರಸೂತೋ ಜನಕಾತ್ಮಜೇ || 8 || ತೇಜಸಾ„„ದಿತ್ಯಸಂಕಾಶ: ಕ್ಷಮಯಾ ಪೃಥಿವೀಸಮ: | ಬೃಹಸ್ಪತಿಸಮೋ ಬುದ್ಧ್ಯಾ ಯಶಸಾ ವಾಸವೋಪಮ: || 9 || ರಕ್ಷಿತಾ ಜೀವಲೋಕಸ್ಯ ಸ್ವಜನಸ್ಯ ಚ ರಕ್ಷಿತಾ | ರಕ್ಷಿತಾ ಸ್ವಸ್ಯ ವೃತ್ತಸ್ಯ ಧರ್ಮಸ್ಯ ಚ ಪರಂತಪ: || 10 || ರಾಮೋ ಭಾಮಿನಿ ಲೋಕಸ್ಯ ಚಾತುರ್ವಣ್ರ್ಯಸ್ಯ ರಕ್ಷಿತಾ | ಮರ್ಯಾದಾನಾಂ ಚ ಲೋಕಸ್ಯ ಕರ್ತಾ ಕಾರಯಿತಾ ಚ ಸ: || 11 || ಅರ್ಚಿಷ್ಮಾನರ್ಚಿತೋ ನಿತ್ಯಂ ಬ್ರಹ್ಮಚರ್ಯವ್ರತೇ ಸ್ಥಿತ: | ಸಾಧೂನಾಮುಪಕಾರಜ್ಞ: ಪ್ರಚಾರಜ್ಞಶ್ಚ ಕರ್ಮಣಾಂ || 12 || ರಾಜವಿದ್ಯಾವಿನೀತಶ್ಚ ಬ್ರಾಹ್ಮಣಾನಾಮುಪಾಸಿತಾ | ಶ್ರುತವಾಂಶೀಲಸಂಪನ್ನೋ ವಿನೀತಶ್ಚ ಪರಂತಪ: || 13 || ಯಜುರ್ವೇದವಿನೀತಶ್ಚ ವೇದವಿದ್ಭಿ: ಸುಪೂಜಿತ: | ಧನುರ್ವೇದೇ ಚ ವೇದೇ ಚ ವೇದಾಂಗೇಷು ಚ ನಿಷ್ಠಿತ: || 14 || ವಿಪುಲಾಂಸೋ ಮಹಾಬಾಹು: ಕಂಬುಗ್ರೀವ: ಶುಭಾನನ: | ಗೂಢಜತ್ರು: ಸುತಾಮ್ರಾಕ್ಷೋ ರಾಮೋ ದೇವಿ ಜನೈ: ಶ್ರುತ: || 15 || ದುಂದುಭಿಸ್ವನನಿರ್ಘೋಷ: ಸ್ನಿಗ್ಧವರ್ಣ: ಪ್ರತಾಪವಾನ್ | ಸಮ: ಸಮವಿಭಕ್ತಾಂಗೋ ವರ್ಣಂ ಶ್ಯಾಮಂ ಸಮಾಶ್ರಿತ: || 16 || ತ್ರಿಸ್ಥಿರಸ್ತ್ರಿಪ್ರಲಂಬಶ್ಚ ತ್ರಿಸಮಸ್ತ್ರಿಷು ಚೋನ್ನತ: | ತ್ರಿತಾಮ್ರಸ್ತ್ರಿಷು ಚ ಸ್ನಿಗ್ಧೋ ಗಂಭೀರಸ್ತ್ರಿಷು ನಿತ್ಯಶ: || 17 || ತ್ರಿವಲೀವಾಂಸ್ತ್ರ್ಯವನತ: ಚತುವ್ರ್ಯಂಗಸ್ತಿಶೀರ್ಷವಾನ್ | ಚತುಷ್ಕಲ: ಚರುರ್ಲೇಖ: ಚತುಷ್ಕಿಷ್ಕು: ಚತುಸತ್ತಮ: ||18 || ಚತುರ್ದಶ ಸಮನ್ದ್ವಂದ್ವ: ಚತುರ್ದಂಷ್ಟ್ರ: ಚತುರ್ಗತಿ: | ಮಹೋಷ್ಠಹನುನಾಸಶ್ಚ ಪಂಚಸ್ನಿಗ್ಧೋಷ್ಠ ವಂಶವಾನ್ || 19 || ಚತು:ಷ್ಕಲ: ಚತು: ಲೇಖ: ಚತುಶ್ಕಿಷ್ಕು: ಚತು: ಸಮ: | ಚತುರ್ದಶ ಸಮದ್ವಂದ್ವ: ಚತುರ್ದಷ್ಟಶ್ಚತುರ್ಗತಿ: || 20 || ದಶಪದ್ಮೋ ದಶಬೃಹತ್ತ್ರಿಭಿವ್ರ್ಯಾಪ್ತೋ ದ್ವಿಶುಕ್ಲವಾನ್ | ಷಡುನ್ನತೋ ನವತನುಸ್ತ್ರಿಭಿವ್ರ್ಯಾಪ್ನೋತಿ ರಾಘವ: || 21 || ಸತ್ಯಧರ್ಮಪರ: ಶ್ರೀಮಾನ್ಸಂಗ್ರಹಾನುಗ್ರಹೇ ರತ: | ದೇಶಕಾಲವಿಭಾಗಜ್ಞ: ಸರ್ವಲೋಕಪ್ರಿಯಂವದ: || 22 || ಭ್ರಾತಾ ಚ ತಸ್ಯ ದ್ವೈಮಾತ್ರ: ಸೌಮಿತ್ರಿರಪರಾಜಿತ: | ಅನುರಾಗೇಣ ರೂಪೇಣ ಗುಣೈಶ್ಚೈವ ತಥಾವಿಧ: || 23 || ತಾವುಭೌ ನರಶಾರ್ದೂಲೌ ತ್ವದ್ದರ್ಶನಸಮುತ್ಸುಕೌ | ವಿಚಿನ್ವನೌ ಮಹೀಂ ಕೃತ್ಸ್ನಾಮಸ್ಮಾಭಿರಭಿಸಂಗತೌ || 24 || ತ್ವಾಮೇವ ಮಾರ್ಗಮಾಣೋ ತೌ ವಿಚರಂತೌ ವಸುಂಧರಾಂ | ದದರ್ಶತುರ್ಮೃಗಪತಿಂ ಪೂರ್ವಜೇನಾವರೋಪಿತಂ || 25 || ಋಶ್ಯಮೂಕಸ್ಯ ಪೃಷ್ಠೇ ತು ಬಹುಪಾದಪಸಂಕುಲೇ | ಭ್ರಾತುರ್ಭಾರ್ಯಾರ್ತಮಾಸೀನಂ ಸುಗ್ರೀವಂ ಪ್ರಿಯದರ್ಶನಂ || 26 || ವಯಂ ತು ಹರಿರಾಜಂ ತಂ ಸುಗ್ರೀವಂ ಸತ್ಯಸಂಗರಂ | ಪರಿಚರ್ಯಾಮಹೇ ರಾಜ್ಯಾತ್ಪೂರ್ವಜೇನಾವರೋಪಿತಂ || 27 || ತತಸ್ತೌ ಚೀರವಸನೌ ಧನು:ಪ್ರವರಪಾಣಿನೌ | ಋಶ್ಯಮೂಕಸ್ಯ ಶೈಲಸ್ಯ ರಮ್ಯಂ ದೇಶಮುಪಾಗತೌ || 28 || ಸ ತೌ ದೃಷ್ಟ್ವಾ ನರವ್ಯಾಘ್ರೌ ಧನ್ವಿನೌ ವಾನರರ್ಷಭ: | ಅಭಿಪ್ಲುತೋ ಗಿರೇಸ್ತಸ್ಯ ಶಿಖರಂ ಭಯಮೋಹಿತ: || 29 || ತತ: ಸ ಶಿಖರೇ ತಸ್ಮಿನ್ವಾನರೇಂದ್ರೋ ವ್ಯವಸ್ಥಿತ: | ತಯೋ: ಸಮೀಪಂ ಮಾಮೇವ ಪ್ರೇಷಯಾಮಾಸ ಸತ್ವರ: || 30 || ತಾವಹಂ ಪುರುಷವ್ಯಾಘ್ರೌ ಸುಗ್ರೀವವಚನಾತ್ಪ್ರಭೂ | ರೂಪಲಕ್ಷಣಸಂಪನ್ನೌ ಕೃತಾಂಜಲಿರುಪಸ್ಥಿತ: || 31 || ತೌ ಪರಿಜ್ಞಾತತತ್ತ್ವಾರ್ಥೌ ಮಯಾ ಪ್ರೀತಿಸಮನ್ವಿತೌ | ಪೃಷ್ಠಮಾರೋಪ್ಯ ತಂ ದೇಶಂ ಪ್ರಾಪಿತೌ ಪುರುಷರ್ಷಭೌ || 32 || ನಿವೇದಿತೌ ಚ ತತ್ತ್ವೇನ ಸುಗ್ರೀವಾಯ ಮಹಾತ್ಮನೇ | ತಯೋರನ್ಯೋನ್ಯಸಂಭಾಷಾದ್ಭೃಶಂ ಪ್ರೀತಿರಜಾಯತ || 33 || ತತ್ರ ತೌ ಪ್ರೀತಿಸಂಪನ್ನೌ ಹರೀಶ್ವರನರೇಶ್ವರೌ | ಪರಸ್ಪರಕೃತಾಶ್ವಾಸೌ ಕಥಯಾ ಪೂರ್ವವೃತ್ತಯಾ || 34 || ತಂ ತತ: ಸಾಂತ್ವಯಾಮಾಸ ಸುಗ್ರೀವಂ ಲಕ್ಷ್ಮಣಾಗ್ರಜ: | ಸ್ತ್ರೀಹೇತೋರ್ವಾಲಿನಾ ಭ್ರಾತ್ರಾ ನಿರಸ್ತಮುರು ತೇಜಸಾ || 35 || ತತಸ್ತ್ವನ್ನಾಶಜಂ ಶೋಕಂ ರಾಮಸ್ಯಾಕ್ಲಿಷ್ಟಕರ್ಮಣ: | ಲಕ್ಷ್ಮಣೋ ವಾನರೇಂದ್ರಾಯ ಸುಗ್ರೀವಾಯ ನ್ಯವೇದಯತ್ || 36 || ಸ ಶ್ರುತ್ವಾ ವಾನರೇಂದ್ರಸ್ತು ಲಕ್ಷ್ಮಣೇನೇರಿತಂ ವಚ: | ತದಾಸೀನ್ನಿಷ್ಪ್ರಭೋ„ತ್ಯರ್ಥಂ ಗ್ರಹಗ್ರಸ್ತ ಇವಾಂಶುಮಾನ್ || 37 || ತತಸ್ತ್ವದ್ ಗಾತ್ರಶೋಭೀನಿ ರಕ್ಷಸಾ ಹ್ರಿಯಮಾಣಯಾ | ಯಾನ್ಯಾಭರಣಜಾಲಾನಿ ಪಾತಿತಾನಿ ಮಹೀತಲೇ || 38 || ತಾನಿ ಸರ್ವಾಣಿ ರಾಮಾಯ ಆನೀಯ ಹರಿಯೂಥಪಾ: | ಸಂಹೃಷ್ಟಾ ದರ್ಶಯಾಮಾಸುರ್ಗತಿಂ ತು ನ ವಿದುಸ್ತವ || 39 || ತಾನಿ ರಾಮಾಯ ದತ್ತಾನಿ ಮಯೈವೋಪಹೃತಾನಿ ಚ | ಸ್ವನವಂತ್ಯವಕೀರ್ಣಂತಿ ತಸ್ಮಿನ್ವಿಹತಚೇತಸಿ || 40 || ತಾನ್ಯಂಕೇ ದರ್ಶನೀಯಾನಿ ಕೃತ್ವಾ ಬಹುವಿಧಂ ತತ: | ತೇನ ದೇವಪ್ರಕಾಶೇನ ದೇವೇನ ಪರಿದೇವಿತಂ || 41 || ಪಶ್ಯತಸ್ತಸ್ಯಾ ರುದತಸ್ತಾಮ್ಯತಶ್ಚ ಪುನ: ಪುನ: | ಪ್ರಾದೀಪಯಂದಾಶರಥೇಸ್ತಾನಿ ಶೋಕಹುತಾಶನಂ || 42 || ಶಯಿತಂ ಚ ಚಿರಂ ತೇನ ದು:ಖಾರ್ತೇನ ಮಹಾತ್ಮನಾ | ಮಯಾಪಿ ವಿವಿಧೈರ್ವಾಕ್ಯೈ: ಕೃಚ್ಛ್ರಾದುತ್ಥಾಪಿತ: ಪುನ: || 43 || ತಾನಿ ದೃಷ್ಟ್ವಾ ಮಹಾರ್ಹಾಣಿ ದರ್ಶಯಿತ್ವಾ ಮುಹುರ್ಮುಹು: | ರಾಘವ: ಸಹಸೌಮಿತ್ರಿ: ಸುಗ್ರೀವೇ ಸ ನ್ಯವೇದಯತ್ || 44 || ಸ ತವಾದರ್ಶನಾದಾರ್ಯೇ ರಾಘವ: ಪರಿತಪ್ಯತೇ | ಮಹತಾ ಜ್ವಲತಾ ನಿತ್ಯಮಗ್ನಿನೇವಾಗ್ನಿಪರ್ವತ: || 45 || ತ್ವತ್ಕೃತೇ ತಮನಿದ್ರಾ ಚ ಶೋಕಶ್ಚಿಂತಾ ಚ ರಾಘವಂ | ತಾಪಯಂತಿ ಮಹಾತ್ಮಾನಮಗ್ನ್ಯಗಾರಮಿವಾಗ್ನಯ: || 46 || ತವಾದರ್ಶನಶೋಕೇನ ರಾಘವ: ಪ್ರವಿಚಾಲ್ಯತೇ | ಮಹತಾ ಭೂಮಿಕಂಪೇನ ಮಹಾನಿವ ಶಿಲೋಚ್ಚಯ: || 47 || ಕಾನಾನಾನಿ ಸುರಮ್ಯಾಣಿ ನದೀ: ಪ್ರಸ್ರವಣಾನಿ ಚ | ಚರನ್ನ ರತಿಮಾಪ್ನೋತಿ ತ್ವಮಪಶ್ಯನ್ನೃಪಾತ್ಮಜೇ || 48 || ಸ ತ್ವಾಂ ಮನುಜಶಾರ್ದೂಲ: ಕ್ಷಿಪ್ರಂ ಪ್ರಾಪ್ಸ್ಯತಿ ರಾಘವ: | ಸಮಿತ್ರಬಾಂಧವಂ ಹತ್ವಾ ರಾವಣಂ ಜನಕಾತ್ಮಜೇ || 49 || ಸಹಿತೌ ರಾಮಸುಗ್ರೀವಾವುಭಾವಕುರುತಾಂ ತದಾ | ಸಮಯಂ ವಾಲಿನಂ ಹಂತುಂ ತವ ಚಾನ್ವೇಷಣಂ ತಥಾ || 50 || ತತಸ್ತಾಭ್ಯಾಂ ಕುಮಾರಾಭ್ಯಾಂ ವೀರಾಭ್ಯಾಂ ಸ ಹರೀಶ್ವರ: | ಕಿಷ್ಕಿಂಧಾಂ ಸಮೂಪಾಗಮ್ಯ ವಾಲೀ ಯುದ್ಧೇ ನಿಪಾತಿತ: || 51 || ತತೋ ನಿಹತ್ಯ ತರಸಾ ರಾಮೋ ವಾಲಿನಮಾಹವೇ | ಸರ್ವಕ್ರ್ಷಹರಿಸಂಘಾನಾಂ ಸುಗ್ರೀವಮಕರೋತ್ಪತಿಂ || 52 || ರಾಮಸುಗ್ರೀವಯೋರೈಕ್ಯಂ ದೇವ್ಯೇವಂ ಸಮಜಾಯತ | ಹನೂಮಂತಂ ಚ ಮಾಂ ವಿದ್ಧಿ ತಯೋರ್ದೂತಮಿಹಾಗತಂ || 53 || ಸ್ವರಾಜ್ಯಂ ಪ್ರಾಪ್ಯ ಸುಗ್ರೀವ: ಸಮನೀಯ ಮಹಾಹರೀಂ | ತ್ವದರ್ಥಂ ಪ್ರೇಷಯಾಮಾಸ ದಿಶೋ ದಶ ಮಹಾಬಲಾಂ || 54 || ಆದಿಷ್ಟಾ ವಾನರೇಂದ್ರೇಣ ಸುಗ್ರೀವೇಣ ಮಹೌಜಸ: | ಅದ್ರಿರಾಜಪ್ರತೀಕಾಶಾ: ಸರ್ವತ: ಪ್ರಸ್ಥಿತಾ ಮಹೀಂ || 55 || ಅಂಗದೋ ನಾಮ ಲಕ್ಷ್ಮೀವಾನ್ವಾಲಿಸೂನುರ್ಮಹಾಬಲ: | ಪ್ರಸ್ಥಿತ: ಕಪಿಶಾರ್ದೂಲ: ತ್ರಿಭಾಗಬಲಸಂವೃತ: || 56 || ತೇಷಾಂ ನೋ ವಿಪ್ರನಷ್ಟಾನಾಂ ವಿಂಧ್ಯೇ ಪರ್ವತಸತ್ತಮೇ | ಭೃಶಂ ಶೋಕಪರೀತನಾಂ ಅಹೋರಾತ್ರಗಣಾ ಗತಾ: || 57 || ತೇ ವಯಂ ಕಾರ್ಯನೈರಾಶ್ಯಾತ್ ಕಾಲಸ್ಯಾತಿಕ್ರಮೇಣ ಚ | ಭಯಾಚ್ಚ ಕಪಿರಾಜಸ್ಯ ಪ್ರಾಣಾಂಸ್ತ್ಯಕ್ತುಂ ವ್ಯವಸ್ಥಿತಾ: || 58 || ವಿಚಿತ್ಯ ವನದುರ್ಗಾಣಿ ಗಿರಿಪ್ರಸ್ರವಣಾನಿ ಚ | ಅನಾಸಾದ್ಯ ಪದಂ ದೇವ್ಯಾ: ಪ್ರಾಣಾಂಸ್ತ್ಯಕ್ತುಂ ವ್ಯವಸ್ಥಿತಾ: || 59 || ದೃಷ್ಟ್ವಾ ಪ್ರಾಯೋಪವಿಷ್ಟಾಂಶ್ಚ ಸರ್ವಾನ್ವಾನರಪುಂಗವಾನ್ | ಭೃಶಂ ಶೋಕ ಅರ್ಣವೇ ಮಗ್ನ: ಪರ್ಯದೇವಯತ್ ಅಂಗದ: || 60 || ತವ ನಾಶಂ ಚ ವೈದೇಹಿ ವಾಲಿನ: ಚ ತಥಾ ವಧಂ | ಪ್ರಾಯ ಉಪವೇಶಂ ಅಸ್ಮಾಕಂ ಮರಣಂ ಚ ಜಟಾಯುಷ: || 61 | ತೇಷಾಂ ನ: ಸ್ವಾಮಿಸಂದೇಶಾನ್ನಿರಾಶಾನಾಂ ಮುಮೂರ್ಷತಾಂ | ಕಾರ್ಯಹೇತೋರಿವಾಯಾತ: ಶಕುನಿರ್ವೀರ್ಯವಾನ್ಮಹಾನ್ || 62 || ಗೃಧ್ರರಾಜಸ್ಯ ಸೋದರ್ಯ: ಸಂಪಾತಿರ್ನಾಮ ಗೃಧ್ರರಾಟ್ | ಶ್ರುತ್ವಾ ಭ್ರಾತೃವಧಂ ಕೋಪಾದಿದಂ ವಚನಮಬ್ರವೀತ್ || 63 || ಯವೀಯಾನ್ಕೇನ ಮೇ ಭ್ರಾತಾ ಹತ: ಕ್ವ ಚ ವಿನಾಶಿತ: | ಏತದಾಖ್ಯಾತುಮಿಚ್ಛಾಮಿ ಭವದ್ಭಿರ್ವಾನರೋತ್ತಮಾ: || 64 || ಅಂಗದೋ„ಕಥಯತ್ತಸ್ಯ ಜನಸ್ಥಾನೇ ಮಹದ್ವಧಂ | ರಕ್ಷಸಾ ಭೀಮರೂಪೇಣ ತ್ವಾಮುದ್ದಿಶ್ಯ ಯಥಾತಥಂ || 65 || ಜಟಾಯೋಸ್ತು ವಧಂ ಶ್ರುತ್ವಾ ದು:ಹಿತ: ಸೋ„ರುಣಾತ್ಮಜ: | ತ್ವಾಮಾಹ ಸ ವರಾರೋಹೇ ವಸಂತೀಂ ರಾವಣಾಲಯೇ || 66 || ತಸ್ಯ ತದ್ವಚನಂ ಶ್ರುತ್ವಾ ಸಂಪಾತೇ: ಪ್ರೀತಿವರ್ಧನಂ | ಅಂಗದಪ್ರಮುಖಾ: ಸರ್ವೇ ತತ: ಸಂಪ್ರಸ್ಥಿತಾ ವಯಂ || 67 || ವಿಂಧ್ಯಾದುತ್ಥಾಯ ಸಂಪ್ರಾಪ್ತಾ: ಸಾಗರಸ್ಯಾಂತಮುತ್ತರಂ | ತ್ವದ್ದರ್ಶನಕೃತೋತ್ಸಾಹಾ ಹೃಷ್ಟಾಸ್ತುಷ್ಟಾ: ಪ್ಲವಂಗಮಾ: || 68 || ಅಂಗದಪ್ರಮುಖಾ: ಸರ್ವೇ ವೇಲೋಪಾಂತಮುಪಸ್ಥಿತಾ: | ಚಿಂತಾಂ ಜಗ್ಮು: ಪುನರ್ಭೀತಾಸ್ತ್ವದ್ದರ್ಶನಸಮುತ್ಸುಕಾ: || 69 || ಅಥಾಹಂ ಹರಿಸೈನ್ಯಸ್ಯ ಸಾಗರಂ ದೃಶ್ಯ ಸೀದತ: | ವ್ಯವಧೂಯ ಭಯಂ ತೀವ್ರಂ ಯೋಜನಾನಾಂ ಶತಂ ಪ್ಲುತ: || 70 || ಲಂಕಾ ಚಾಪಿ ಮಯಾ ರಾತ್ರೌ ಪ್ರವಿಷ್ಟಾ ರಾಕ್ಷಸಾಕುಲಾ | ರಾವಣಶ್ಚ ಮಯಾ ದೃಷ್ಟಸ್ತ್ವಂ ಚ ಶೋಕನಿಪೀಡಿತಾ || 71 || ಏತತ್ತೇ ಸರ್ವಮಾಖ್ಯಾತಂ ಯಥಾವೃತ್ತಮನಿಂದಿತೇ | ಅಭಿಭಾಷಸ್ವ ಮಾಂ ದೇವಿ ದೂತೋ ದಾಶರಥೇರಹಂ || 72 || ತ್ವಂ ಮಾಂ ರಾಮಕೃತೋದ್ಯೋಗಂ ತ್ವನ್ನಿಮಿತ್ತಮಿಹಾಗತಂ | ಸುಗ್ರೀವ ಸಚಿವಂ ದೇವಿ ಬುಧ್ಯಸ್ವ ಪವನಾತ್ಮಜಂ || 73 || ಕುಶಲೀ ತವ ಕಾಕುತ್ಸ್ಥ: ಸರ್ವಶಸ್ತ್ರಭೃತಾಂ ವರ: | ಗುರೋರಾರಾಧನೇ ಯುಕ್ತೋ ಲಕ್ಷ್ಮಣಶ್ಚ ಸುಲಕ್ಷಣ: || 74 || ತಸ್ಯ ವೀರ್ಯವತೋ ದೇವಿ ಭರ್ತುಸ್ತವ ಹಿತೇ ರತ: | ಅಹಮೇಕಸ್ತು ಸಂಪ್ರಾಪ್ತ: ಸುಗ್ರೀವವಚನಾದಿಹ || 75 || ಮಯೇಯಮಸಹಾಯೇನ ಚರತಾ ಕಾಮರೂಪಿಣಾ | ದಕ್ಷಿಣಾ ದಿಗನುಕ್ರಾಂತಾ ತ್ವನ್ಮಾರ್ಗವಿಚಯೈಷಿಣಾ || 76 || ದಿಷ್ಟ್ಯಾಹಂ ಹರಿಸೈನ್ಯಾನಾಂ ತ್ವನ್ನಾಶಮನುಶೋಚತಾಂ | ಅಪನೇಷ್ಯಾಮಿ ಸಂತಾಪಂ ತವಾಭಿಗಮಶಂಸನಾತ್ || 77 || ದಿಷ್ಟ್ಯಾ ಹಿ ನ ಮಮ ವ್ಯರ್ಥಂ ದೇವಿ ಸಾಗರಲಂಘನಂ | ಪ್ರಾಪ್ಸ್ಯಾಮ್ಯಹಮಿದಂ ದಿಷ್ಟ್ಯಾ ತ್ವದ್ದರ್ಶನಕೃತಂ ಯಶ: || 78 || ರಾಘವಶ್ಚ ಮಹಾವೀರ್ಯ: ಕ್ಷಿಪ್ರಂ ತ್ವಾಂ ಅಭಿಪತ್ಸ್ಯತೇ | ಸಮಿತ್ರಬಾಂಧವಂ ಹತ್ವಾ ರಾವಣಂ ರಾಕ್ಷಸಾಧಿಪಂ || 79 || ಮಾಲ್ಯವಾನ್ನಾಮ ವೈದೇಹಿ ಗಿರೀಣಾಮುತ್ತಮೋ ಗಿರಿ: | ತತೋ ಗಚ್ಛತಿ ಗೋಕರ್ಣಂ ಪರ್ವತಂ ಕೇಸರೀ ಹರಿ: || 80 || ಸ ಚ ದೇವರ್ಷಿಭಿರ್ದೃಷ್ಟ: ಪಿತಾ ಮಮ ಮಹಾಕಪಿ: | ತೀರ್ಥೇ ನದೀಪತೇ: ಪುಣ್ಯೇ ಶಂಬಸಾದನಮುದ್ಧರತ್ || 81 || ತಸ್ಯಾಹಂ ಹರಿಣ: ಕ್ಷೇತ್ರೇ ಜಾತೋ ವಾತೇನ ಮೈಥಿಲಿ | ಹನೂಮಾನಿತಿ ವಿಖ್ಯಾತೋ ಲೋಕೇ ಸ್ವೇನೈವ ಕರ್ಮಣಾ || 82 || ವಿಶ್ವಾಸಾರ್ಥಂ ತು ವೈದೇಹಿ ಭರ್ತುರುಕ್ತಾ ಮಯಾ ಗುಣಾ: | ವಿಶ್ವಾಸ ಅರ್ಥಂ ತು ವೈದೇಹಿ ಭರ್ತು: ಉಕ್ತಾ ಮಯಾ ಗುಣಾ: || 83 || ಏವಂ ವಿಶ್ವಾಸಿತಾ ಸೀತಾ ಹೇತುಭಿ: ಶೋಕಕರ್ಶಿತಾ | ಉಪಪನ್ನೈರಭಿಜ್ಞಾನೈರ್ದೂತಂ ತಮವಗಚ್ಛತಿ || 84 || ಅತುಲಂ ಚ ಗತಾ ಹರ್ಷಂ ಪ್ರಹರ್ಷೇಣ ತು ಜಾನಕೀ | ನೇತ್ರಾಭ್ಯಾಂ ವಕ್ರಪಕ್ಷ್ಮಾಭ್ಯಾಂ ಮುಮೋಚಾನಂದಜಂ ಜಲಂ || 85 || ಚಾರು ತಚ್ಚಾನನಂ ತಸ್ಯಾಸ್ತಾಮ್ರಶುಕ್ಲಾಯತೇಕ್ಷಣಂ | ಅಶೋಭತ ವಿಶಾಲಾಕ್ಷ್ಯಾ ರಾಹುಮುಕ್ತ ಇವೋಡುರಾಟ್ || 86 || ಹನೂಮಂತಂ ಕಪಿಂ ವ್ಯಕ್ತಂ ಮನ್ಯತೇ ನಾನ್ಯಥೇತಿ ಸಾ | ಅಥೋವಾಚ ಹನೂಮಾಂಸ್ತಾಮುತ್ತರಂ ಪ್ರಿಯದರ್ಶನಾಂ || 87 || ಏತತ್ತೇ ಸರ್ವಮಾಖ್ಯಾತಂ ಸಮಾಶ್ವಸಿಹಿ ಮೈಥಿಲಿ | ಕಿಂ ಕರೋಮಿ ಕಥಂ ವಾ ತೇ ರೋಚತೇ ಪ್ರತಿಯಾಮ್ಯಹಂ || 88 || ಹತೇ„ಸುರೇ ಸಂಯತಿ ಶಂಬಸಾದನೇ ಕಪಿಪ್ರವೀರೇಣ ಮಹರ್ಷಿಚೋದನಾತ್ | ತತೋ„ಸ್ಮಿ ವಾಯುಪ್ರಭವೋ ಹಿ ಮೈಥಿಲಿ ಪ್ರಭಾವತಸ್ತತ್ಪ್ರತಿಮಶ್ಚ ವಾನರ: || 89 || || ಇತಿ ಪಂಚತ್ರಿಂಶ: ಸರ್ಗ: ||
ಭೂಯ ಏವ ಮಹಾತೇಜಾ ಹನೂಮಾನ್ಮಾರುತಾತ್ಮಜ: | ಅಬ್ರವೀತ್ಪ್ರಶ್ರಿತಂ ವಾಕ್ಯಂ ಸೀತಾಪ್ರತ್ಯಯಕಾರಣಾತ್ || 1 || ವಾನರೋ„ಹಂ ಮಹಾಭಾಗೇ ದೂತೋ ರಾಮಸ್ಯ ಧೀಮತ: | ರಾಮನಾಮಾಂಕಿತಂ ಚೇದಂ ಪಶ್ಯ ದೇವ್ಯಂಗುಳೀಯಕಂ || 2 || ಪ್ರತ್ಯಯಾರ್ಥಂ ತವಾನೀತಂ ತೇನ ದತ್ತಂ ಮಹಾತ್ಮನಾ | ಸಮಾಶ್ವಸಿಹಿ ಭದ್ರಂ ತೇ ಕ್ಷೀಣದು:ಖಫಲಾ ಹ್ಯಸಿ || 3 || ಗೃಹೀತ್ವಾ ಪ್ರೇಕ್ಷಮಾಣಾ ಸಾ ಭರ್ತು: ಕರವಿಭೂಷಣಂ | ಭರ್ತಾರಮಿವ ಸಂಪ್ರಾಪ್ತಾ ಜಾನಕೀ ಮುದಿತಾಭವತ್ || 4 || ಚಾರು ತದ್ವದನಂ ತಸ್ಯಾಸ್ತಾಮ್ರಶುಕ್ಲಾಯತೇಕ್ಷಣಂ | ಅಶೋಭತ ವಿಶಾಲಾಕ್ಷ್ಯಾ ರಾಹು ಮುಕ್ತ ಇವ ಉಡುರಾಟ್ || 5 || ತತ: ಸಾ ಹ್ರೀಮತೀ ಬಾಲಾ ಭರ್ತು: ಸಂದೇಶಹರ್ಷಿತಾ | ಪರಿತುಟ್ಷಾ ಪ್ರಿಯಂ ಶ್ರುತ್ವಾ ಪ್ರಾಶಂಸತ ಮಹಾಕಪಿಂ || 6 || ವಿಕ್ರಾಂತಸ್ತ್ವಂ ಸಮರ್ಥಸ್ತ್ವಂ ಪ್ರಾಜ್ಜಸ್ತ್ವಂ ವಾನರೋತ್ತಮ | ಯೇನೇದಂ ರಾಕ್ಷಸಪದಂ ತ್ವಯೈಕೇನ ಪ್ರಧರ್ಷಿತಂ || 7 || ಶತಯೋಜನವಿಸ್ತೀರ್ಣ: ಸಾಗರೋ ಮಕರಾಲಯ: | ವಿಕ್ರಮಶ್ಲಾಘನೀಯೇನ ಕ್ರಮತಾ ಗೋಷ್ಪದೀಕೃತ: || 8 || ನ ಹಿ ತ್ವಾಂ ಪ್ರಾಕೃತಂ ಮನ್ಯೇ ವಾನರಂ ವಾನರರ್ಷಭ | ಯಸ್ಯ ತೇ ನಾಸ್ತಿ ಸಂತ್ರಾಸೋ ರಾವಣಾನ್ನಾಪಿ ಸಂಭ್ರಮ: || 9 || ಅರ್ಹಸೇ ಚ ಕಪಿಶ್ರೇಷ್ಠ ಮಯಾ ಸಮಭಿಭಾಷಿತುಂ | ಯದ್ಯಸಿ ಪ್ರೇಷಿತಸ್ತೇನ ರಾಮೇಣ ವಿದಿತಾತ್ಮನಾ || 10 || ಪ್ರೇಷಯಿಷ್ಯತಿ ದುರ್ಧರ್ಷೋ ರಾಮೋ ನ ಹ್ಯಪರೀಕ್ಷಿತಂ | ಪರಾಕ್ರಮಮವಿಜ್ಜಾಯ ಮತ್ಸಕಾಶಂ ವಿಶೇಷತ: || 11 || ದಿಷ್ಟ್ಯಾ ಚ ಕುಶಲೀ ರಾಮೋ ಧರ್ಮಾತ್ಮಾ ಧರ್ಮವತ್ಸಲ: | ಲಕ್ಷ್ಮಣಶ್ಚ ಮಹಾತೇಜಾ: ಸುಮಿತ್ರಾನಂದವರ್ಧನ: || 12 || ಕುಶಲೀ ಯದಿ ಕಾಕುತ್ಸ್ಥ: ಕಿಂ ನು ಸಾಗರಮೇಖಲಾಂ | ಮಹೀಂ ದಹತಿ ಕೋಪೇನ ಯುಗಾಂತಾಗ್ನಿರಿವೋತ್ಥಿತ: || 13 || ಅಥವಾ ಶಕ್ತಿಮಂತೌ ತೌ ಸುರಾಣಾಂ ಅಪಿ ನಿಗ್ರಹೇ | ಮಮೈವ ತು ನ ದು:ಖಾನಾಮಸ್ತಿ ಮನ್ಯೇ ವಿಪರ್ಯಯ: || 14 || ಕಚ್ಚಿಚ್ಚ ವ್ಯಥತೇ ರಾಮ: ಕಚ್ಚಿನ್ನ ಪರಿತಪ್ಯತೇ | ಉತ್ತರಾಣಿ ಚ ಕಾರ್ಯಾಣಿ ಕುರುತೇ ಪುರುಷೋತ್ತಮ: || 15 || ಕಚ್ಚಿನ್ನ ದೀನ: ಸಂಭ್ರಾಂತ: ಕಾರ್ಯೇಷು ಚ ನ ಮುಹ್ಯತಿ | ಕಚ್ಚಿನ್ಪುರುಷಕಾರ್ಯಾಣಿ ಕುರುತೇ ನೃಪತೇ: ಸುತ: || 16 || ದ್ವಿವಿಧಂ ತ್ರಿವಿಧೋಪಾಯಮುಪಾಯಮಪಿ ಸೇವತೇ | ವಿಜಿಗೀಷು: ಸುಹೃತ್ಕಚ್ಚಿನ್ಮಿತ್ರೇಷು ಚ ಪರಂತಪ: || 17 || ಕಚ್ಚಿನ್ಮಿತ್ರಾಣಿ ಲಭತೇ ಮಿತ್ರೈಶ್ಚಾಪ್ಯಭಿಗಮ್ಯತೇ | ಕಚ್ಚಿತ್ಕಲ್ಯಾಣಮಿತ್ರಶ್ಚ ಮಿತ್ರೈಶ್ಚಾಪಿ ಪುರಸ್ಕೃತ: || 18 || ಕಚ್ಚಿದಾಶಾಸ್ತಿ ದೇವಾನಾಂ ಪ್ರಸಾದಂ ಪಾರ್ಥಿವಾತ್ಮಜ: | ಕಚ್ಚಿತ್ಪುರುಷಕಾರಂ ಚ ದೈವಂ ಚ ಪ್ರತಿಪದ್ಯತೇ || 19 || ಕಚ್ಚಿನ್ನ ವಿಗತಸ್ನೇಹೋ ವಿವಾಸಾನ್ಮಯಿ ರಾಘವ: | ಕಚ್ಚಿನ್ಮಾಂ ವ್ಯಸನಾದಸ್ಮಾನ್ ಮೋಕ್ಷಯಿಷ್ಯತಿ ವಾನರ: || 20 || ಸುಖಾನಾಮುಚಿತೋ ನಿತ್ಯಮಸುಖಾನಾಮನೂಚಿತ: | ದು:ಖಮುತ್ತರಮಾಸಾದ್ಯ ಕಚ್ಚಿದ್ರಾಮೋ ನ ಸೀದತಿ || 21 || ಕೌಸಲ್ಯಾಯಾಸ್ತಥಾ ಕಚ್ಚಿತ್ಸುಮಿತ್ರಾಯಾಸ್ತಥೈವ ಚ | ಅಭೀಕ್ಷ್ಣಂ ಶ್ರೂಯತೇ ಕಚ್ಚಿತ್ಕುಶಲಂ ಭರತಸ್ಯ ಚ || 22 || ಮನ್ನಿಮಿತ್ತೇನ ಮಾನಾರ್ಹ: ಕಚ್ಚಿಚ್ಛೋಕೇನ ರಾಘವ: | ಕಚ್ಚಿನ್ನಾನ್ಯಮನಾ ರಾಮ: ಕಚ್ಚಿನ್ಮಾಂ ತಾರಯಿಷ್ಯತಿ || 23 || ಕಚ್ಚಿದಾಕ್ಷೌಹಿಮೀಂ ಭೀಮಾಂ ಭರತೋ ಭ್ರಾತೃವತ್ಸಲ: | ಧ್ವಜಿನೀಂ ಮಂತ್ರಿಭಿರ್ಗುಪ್ತಾಂ ಪ್ರೇಷಯಿಷ್ಯತಿ ಮತ್ಕೃತೇ || 24 || ವಾನರಾಧಿಪತಿ: ಶ್ರೀಮಾನ್ಸುಗ್ರೀವ: ಕಚ್ಚಿದೇಷ್ಯತಿ | ಮತ್ಕೃತೇ ಹರಿಭಿರ್ವೀರೈರ್ವೃತೋ ದಂತನಖಾಯುಧೈ: || 25 || ಕಚ್ಚಿಚ್ಚ ಲಕ್ಷ್ಮಣ: ಶೂರ: ಸುಮಿತ್ರಾನಂದವರ್ಧನ: | ಅಸ್ತ್ರವಿಚ್ಛರಜಾಲೇನ ರಾಕ್ಷಸಾನ್ವಿಧಮಿಷ್ಯತಿ || 26 || ರೌದ್ರೇಣ ಕಚ್ಚಿದಸ್ತ್ರೇಣ ರಾಮೇಣ ನಿಹತಂ ರಣೇ | ದ್ರಕ್ಷ್ಯಾಮ್ಯಲ್ಪೇನ ಕಾಲೇನ ರಾವಣಂ ಸಸುಹೃಜ್ಜನಂ || 27 || ಕಚ್ಚಿನ್ನ ತದ್ಧೇಮಸಮಾನವರ್ಣಂ ತಸ್ಯಾನನಂ ಪದ್ಮಸಮಾನಗಂಧಿ | ಮಯಾ ವಿನಾ ಶುಷ್ಯತಿ ಶೋಕದೀನಂ ಜಲಕ್ಷಯೇ ಪದ್ಮಮಿವಾತಪೇನ || 28 || ಧರ್ಮಾಪದೇಶಾತ್ತ್ಯಜತಶ್ಚ ರಾಜ್ಯಾಂ ಮಾಂ ಚಾಪ್ಯರಣ್ಯಂ ನಯತ: ಪದಾತಿಂ | ನಾಸೀದ್ವ್ಯಥಾ ಯಸ್ಯ ನ ಭೀರ್ನ ಶೋಕ: ಕಚ್ಚಿತ್ಸ ಧೈರ್ಯಂ ಹೃದಯೇ ಕರೋತಿ || 29 || ನ ಚಾಸ್ಯ ಮಾತಾ ನ ಪಿತಾ ನ ಚಾನ್ಯ: ಸ್ನೇಹಾದ್ವಿಶಿಷ್ಟೋ„ಸ್ತಿ ಮಯಾ ಸಮೋ ವಾ | ತಾವದ್ಧ್ಯಹಂ ದೂತಜಿಜೀವಿಷೇಯಂ ಯಾವತ್ಪ್ರವೃತ್ತಿಂ ಶೃಣುಯಾಂ ಪ್ರಿಯಸ್ಯ || 30 || ಇತೀವ ದೇವೀ ವಚನಂ ಮಹಾರ್ಥಂ ತಂ ವಾನರೇಂದ್ರಂ ಮಧುರಾರ್ಥಮುಕ್ತ್ವಾ | ಶ್ರೋತುಂ ಪುನಸ್ತಸ್ಯ ವಚೋ„ಭಿರಾಮಂ ರಾಮಾರ್ಥಯುಕ್ತಂ ವಿರರಾಮ ರಾಮಾ || 31 || ಸೀತಾಯಾ ವಚನಂ ಶ್ರುತ್ವಾ ಮಾರುತಿರ್ಭೀಮವಿಕ್ರಮ: | ಶಿರಸ್ಯಂಜಲಿಮಾಧಾಯ ವಾಕ್ಯಮುತ್ತರಮಬ್ರವೀತ್ || 32 || ನ ತ್ವಾಮಿಹಸ್ಥಾಂ ಜಾನೀತೇ ರಾಮ: ಕಮಲಲೋಚನೇ | ತೇನ ತ್ವಾಂ ನಾನಯತ್ಯಾಶು ಶಚೀಮಿವ ಪುರಂದರ: || 33 || ಶ್ರುತ್ವೈವ ತು ವಚೋ ಮಹ್ಯಂ ಕ್ಷಿಪ್ರಮೇಷ್ಯತಿ ರಾಘವ: | ಚಮೂಂ ಪ್ರಕರ್ಷನ್ಮಹತೀಂ ಹರ್ಯೃಷ್ಕಗಣಸಂಕುಲಾಂ || 34 || ವಿಷ್ಟಂಭಯಿತ್ವಾ ಬಾಣೌಘೈರಕ್ಷೋಭ್ಯಂ ವರುಣಾಲಯಂ | ಕರಿಷ್ಯತಿ ಪುರೀಂ ಲಂಕಾಂ ಕಾಕುತ್ಸ್ಥ: ಶಾಂತರಾಕ್ಷಸಾಂ || 35 || ತತ್ರ ಯದ್ಯಂತರಾ ಮೃತ್ಯುರ್ಯದಿ ದೇವಾ: ಸಹಾಸುರಾ: | ಸ್ಥಾಸ್ಯಂತಿ ಪಥಿ ರಾಮಸ್ಯ ಸ ತಾನಪಿ ವಧಿಷ್ಯತಿ || 36 || ತವಾದರ್ಶನಜೇನಾರ್ಯೇ ಶೋಕೇನ ಸ ಪರಿಪ್ಲುತ: | ನ ಶರ್ಮ ಲಭತೇ ರಾಮ: ಸಿಂಹಾರ್ದಿತ ಇವ ದ್ವಿಪ: || 37 || ಮಲಯೇನ ಚ ವಿಂಧ್ಯೇನ ಮೇರುಣಾ ಮಂದರೇಣ ಚ | ದರ್ದರೇಣ ಚ ತೇ ದೇವಿ ಶಪೇ ಮೂಲಫಲೇನ ಚ || 38 || ಯಥಾ ಸುನಯನಂ ವಲ್ಗು ಬಿಂಬೌಷ್ಠಂ ಚಾರುಕುಂಡಲಂ | ಮುಖಂ ದ್ರಕ್ಷ್ಯಸಿ ರಾಮಸ್ಯ ಪೂರ್ಣಚಂದ್ರಮಿವೋದಿತಂ || 39 || ಕ್ಷಿಪ್ರಂ ದ್ರಕ್ಷ್ಯಸಿ ವೈದೇಹಿ ರಾಮಂ ಪ್ರಸ್ರವಣೇ ಗಿರೌ | ಶತಕ್ರತುಮಿವಾಸೀನಂ ನಾಕಪೃಷ್ಠಸ್ಯ ಮೂರ್ಧನಿ || 40 || ನ ಮಾಂಸಂ ರಾಘವೋ ಭುಂಕ್ತೇ ನ ಚಾಪಿ ಮಧುಸೇವತೇ | ವನ್ಯಂ ಸುವಿಹಿತಂ ನಿತ್ಯಂ ಭಕ್ತಮಶ್ನಾತಿ ಪಂಚಮಂ || 41 || ನೈವ ದಂಶಾನ್ನ ಮಶಕಾನ್ನ ಕೀಟಾನ್ನ ಸರೀಸೃಪಾನ್ | ರಾಘವೋ„ಪನಯೇದ್ಗತ್ರಾತ್ತ್ವದ್ಗತೇನಾಂತರಾತ್ಮನಾ || 42 || ನಿತ್ಯಂ ಧ್ಯಾನಪರೋ ರಾಮೋ ನಿತ್ಯಂ ಶೋಕಪರಾಯಣ: | ನಾನ್ಯಚ್ಚಿಂತಯತೇ ಕಿಂ ಚಿತ್ಸ ತು ಕಾಮವಶಂ ಗತ: || 43 || ಅನಿದ್ರ: ಸತತಂ ರಾಮ: ಸುಪ್ತೋ„ಪಿ ಚ ನರೋತ್ತಮ: | ಸೀತೇತಿ ಮಧುರಾಂ ವಾಣೀಂ ವ್ಯಾಹರನ್ಪ್ರತಿಬುಧ್ಯತೇ || 44 || ದೃಷ್ಟ್ವಾ ಫಲಂ ವಾ ಪುಷ್ಪಂ ವಾ ಯಚ್ಚಾನ್ಯತ್ಸ್ತ್ರೀಮನೋಹರಂ | ಬಹುಶೋ ಹಾ ಪ್ರಿಯೇತ್ಯೇವಂ ಶ್ವಸಂಸ್ತ್ವಾಮಭಿಭಾಷತೇ || 45 || ಸ ದೇವಿ ನಿತ್ಯಂ ಪರಿತಪ್ಯಮಾನಸ್ ತ್ವಾಮೇವ ಸೀತೇತ್ಯಭಿಭಾಷಮಾಣ: | ಧೃತವ್ರತೋ ರಾಜಸುತೋ ಮಹಾತ್ಮಾ ತವೈವ ಲಾಭಾಯ ಕೃತಪ್ರಯತ್ನ: || 46 || ಸಾ ರಾಮಸಂಕೀರ್ತನವೀತಶೋಕಾ ರಾಮಸ್ಯ ಶೋಕೇನ ಸಮಾನಶೋಕಾ | ಶರನ್ಮುಖೇನಾಂಬುದಶೇಷಚಂದ್ರಾ ನಿಶೇವ ವೈದೇಹಸುತಾ ಬಭೂವ || 47 || || ಇತಿ ಷಟ್ತ್ರಿಂಶ: ಸರ್ಗ: ||
ಸಾ ಸೀತಾ ತದ್ವಚನಂ ಶ್ರುತ್ವಾ ಪೂರ್ಣಚಂದ್ರನಿಭಾನನಾ | ಹನೂಮಂತಮುವಾಚೇದಂ ಧರ್ಮಾರ್ಥಸಹಿತಂ ವಚ: || 1 || ಅಮೃತಂ ವಿಷಸಂಸೃಷ್ಟಂ ತ್ವಯಾ ವಾನರಭಾಷಿತಂ | ಯಚ್ಚ ನಾನ್ಯಮನಾ ರಾಮೋ ಯಚ್ಚ ಶೋಕಪರಾಯಣ: || 2 || ಐಶ್ವರ್ಯೇ ವಾ ಸುವಿಸ್ತೀರ್ಣೇ ವ್ಯಸನೇ ವಾ ಸುದಾರುಣೇ | ರಜ್ಜ್ವಾ ಇವಂ ಪುರುಷಂ ಬದ್ಧ್ವಾ ಕೃತಾಂತ: ಪರಿಕರ್ಷತಿ || 3 || ವಿಧಿರ್ನೂನಮಸಂಹಾರ್ಯ: ಪ್ರಾಣಿನಾಂ ಪ್ಲವಗೋತ್ತಮ | ಸೌಮಿತ್ರಿಂ ಮಾಂ ಚ ರಾಮಂ ಚ ವ್ಯಸನೈ: ಪಶ್ಯ ಮೋಹಿತಾನ್ || 4 || ಶೋಕಸ್ಯಾಸ್ಯ ಕದಾ ಪಾರಂ ರಾಘವೋ„ಧಿಗಮಿಷ್ಯತಿ | ಪ್ಲವಮಾನ: ಪರಿಶ್ರಾಂತೋ ಹತನೌ: ಸಾಗರೇ ಯಥಾ || 5 || ರಾಕ್ಷಸಾನಾಂ ಕ್ಷಯಂ ಕೃತ್ವಾ ಸೂದಯಿತ್ವಾ ಚ ರಾವಣಂ | ಲಂಕಾಮುನ್ಮೂಲಿತಾಂ ಕೃತ್ವಾ ಕದಾ ದ್ರಕ್ಷ್ಯತಿ ಮಾಂ ಪತಿ: || 6 || ಸ ವಾಚ್ಯ: ಸಂತ್ವರಸ್ವೇತಿ ಯಾವದೇವ ನ ಪೂರ್ಯತೇ | ಅಯಂ ಸಂವತ್ಸರ: ಕಾಲಸ್ತಾವದ್ಧಿ ಮಮ ಜೀವಿತಂ || 7 || ವರ್ತತೇ ದಶಮೋ ಮಾಸೋ ದ್ವೌ ತು ಶೇಷೌ ಪ್ಲವಂಗಮ | ರಾವಣೇನ ನೃಶಂಸೇನ ಸಮಯೋ ಯ: ಕೃತೋ ಮಮ || 8 || ವಿಭೀಷಣೇನ ಚ ಭ್ರಾತ್ರಾ ಮಮ ನಿರ್ಯಾತನಂ ಪ್ರತಿ | ಅನುನೀತ: ಪ್ರಯತ್ನೇನ ನ ಚ ತತ್ಕುರುತೇ ಮತಿಂ | 9 || ಮಮ ಪ್ರತಿಪ್ರದಾನಂ ಹಿ ರಾವಣಸ್ಯ ನ ರೋಚತೇ | ರಾವಣಂ ಮಾರ್ಗತೇಸಂಖ್ಯೇ ಮೃತ್ಯು: ಕಾಲವಶಂ ಗತಂ || 10 || ಜ್ಯೇಷ್ಠಾ ಕನ್ಯಾನಲಾ ನಮ ವಿಭೀಷಣಸುತಾ ಕಪೇ | ತಯಾ ಮಮೈತದಾಖ್ಯಾತಂ ಮಾತ್ರಾ ಪ್ರಹಿತಯಾ ಸ್ವಯಂ || 11 || ಆಶಂಸ ಇತಿ ಹರಿ ಶ್ರೇಷ್ಠ ಕ್ಷಿಪ್ರಂ ಮಾಂ ಪ್ರಾಪ್ಸ್ಯತೇ ಪತಿ: | ಅಂತಃ ಆತ್ಮಾ ಹಿ ಮೇ ಶುದ್ಧಃ ತಸ್ಮಿನ್ ಚ ಬಹವೋ ಗುಣಾ: || 12 || ಉತ್ಸಾಹ: ಪೌರುಷಂ ಸತ್ತ್ವಮಾನೃಶಂಸ್ಯಂ ಕೃತಜ್ಜತಾ | ವಿಕ್ರಮಶ್ಚ ಪ್ರಭಾವಶ್ಚ ಸಂತಿ ವಾನರರಾಘವೇ || 13 || ಚತುರ್ದಶಸಹಸ್ರಾಣಿ ರಾಕ್ಷಸಾನಾಂ ಜಘಾನ ಯ: | ಜನಸ್ಥಾನೇ ವಿನಾ ಭ್ರಾತ್ರಾ ಶತ್ರು: ಕಸ್ತಸ್ಯ ನೋದ್ವಿಜೇತ್ || 14 || ನ ಸ ಶಕ್ಯಸ್ತುಲಯಿತುಂ ವ್ಯಸನೈ: ಪುರುಷರ್ಷಭ: | ಅಹಂ ತಸ್ಯಾನುಭಾವಜ್ಜಾ ಶಕ್ರಸ್ಯೇವ ಪುಲೋಮಜಾ || 15 || ಶರಜಾಲಾಂಶುಮಾಂಶೂರ: ಕಪೇ ರಾಮದಿವಾಕರ: | ಶತ್ರುರಕ್ಷೋಮಯಂ ತೋಯಮುಪಶೋಷಂ ನಯಿಷ್ಯತಿ || 16 || ಇತಿ ಸಂಜಲ್ಪಮಾನಾಂ ತಾಂ ರಾಮಾರ್ಥೇ ಶೋಕಕರ್ಶಿತಾಂ | ಅಶ್ರುಸಂಪೂರ್ಣವದನಾಮುವಾಚ ಹನುಮಾನ್ಕಪಿ: || 17 || ಶ್ರುತ್ವೈವ ತು ವಚೋ ಮಹ್ಯಂ ಕ್ಷಿಪ್ರಮೇಷ್ಯತಿ ರಾಘವ: | ಚಮೂಂ ಪ್ರಕರ್ಷನ್ಮಹತೀಂ ಹರ್ಯೃಕ್ಷಗಣಸಂಕುಲಾಂ || 18 || ಅಥವಾ ಮೋಚಯಿಷ್ಯಾಮಿ ತಾಮದ್ಯೈವ ಹಿ ವರಾನನೇ | ಅಸ್ಮಾದ್ದು:ಖಾದುಪಾರೋಹ ಮಮ ಪೃಷ್ಠಮನಿಂದಿತೇ || 19 || ತ್ವಂ ಹಿ ಪೃಷ್ಠಗತಾಂ ಕೃತ್ವಾ ಸಂತರಿಷ್ಯಾಮಿ ಸಾಗರಂ | ಶಕ್ತಿರಸ್ತಿ ಹಿ ಮೇ ವೋಢುಂ ಲಂಕಾಮಪಿ ಸರಾವಣಾಂ || 20 || ಅಹಂ ಪ್ರಸ್ರವಣಸ್ಥಾಯ ರಾಘವಾಯಾದ್ಯ ಮೈಥಿಲಿ | ಪ್ರಾಪಯಿಷ್ಯಾಮಿ ಶಕ್ರಾಯ ಹವ್ಯಂ ಹುತಮಿವಾನಲ: || 21 || ದ್ರಕ್ಷ್ಯಸ್ಯದ್ಯೈವ ವೈದೇಹಿ ರಾಘವಂ ಸಹಲಕ್ಷ್ಮಣಂ | ವ್ಯವಸಾಯ ಸಮಾಯುಕ್ತಂ ವಿಷ್ಣುಂ ದೈತ್ಯವಧೇ ಯಥಾ || 22 || ತ್ವದ್ದರ್ಶನಕೃತೋತ್ಸಾಹಮಾಶ್ರಮಸ್ಥಂ ಮಹಾಬಲಂ | ಪುರಂದರಮಿವಾಸೀನಂ ನಾಗರಾಜಸ್ಯ ಮೂರ್ಧನಿ || 23 || ಪೃಷ್ಠಮಾರೋಹ ಮೇ ದೇವಿ ಮಾ ವಿಕಾಂಕ್ಷಸ್ವ ಶೋಭನೇ | ಯೋಗಮನ್ವಿಚ್ಛ ರಾಮೇಣ ಶಶಾಂಕೇನೇವ ರೋಹಿಣೀ || 24 || ಕಥಯಂತೀವ ಚಂದ್ರೇಣ ಸೂರ್ಯೇಣೇವ ಸುವರ್ಚಲಾ | ಮತ್ಪೃಷ್ಠಮಧಿರುಹ್ಯ ತ್ವಂ ತಾರಾಕಾಶಮಹಾರ್ಣವಂ || 25 || ನ ಹಿ ಮೇ ಸಂಪ್ರಯಾತಸ್ಯ ತ್ವಾಮಿತೋ ನಯತೋ„ಂಗನೇ | ಅನುಗಂತುಂ ಗತಿಂ ಶಕ್ತಾ: ಸರ್ವೇ ಲಂಕಾನಿವಾಸಿನ: || 26 || ಯಥೈವಾಹಮಿಹ ಪ್ರಾಪ್ತಸ್ತಥೈವಾಹಮಸಂಶಯಂ | ಯಾಸ್ಯಾಮಿ ಪಶ್ಯ ವೈದೇಹಿ ತ್ವಾಮುದ್ಯಮ್ಯ ವಿಹಾಯಸಂ || 27 || ಮೈಥಿಲೀ ತು ಹರಿಶ್ರೇಷ್ಠಾಚ್ಛ್ರುತ್ವಾ ವಚನಮದ್ಭುತಂ | ಹರ್ಷವಿಸ್ಮಿತಸರ್ವಾಂಗೀ ಹನೂಮಂತಮಥಾಬ್ರವೀತ್ || 28 || ಹನೂಮನ್ದೂರಮಧ್ವನಂ ಕಥಂ ಮಾಂ ವೋಢುಮಿಚ್ಛಸಿ | ತದೇವ ಖಲು ತೇ ಮನ್ಯೇ ಕಪಿತ್ವಂ ಹರಿಯೂಥಪ || 29 || ಕಥಂ ವಾಲ್ಪಶರೀರಸ್ತ್ವಂ ಮಾಂ ಇತೋ ನೇತುಮಿಚ್ಛಸಿ | ಸಕಾಶಂ ಮಾನವೇಂದ್ರಸ್ಯ ಭರ್ತುರ್ಮೇ ಪ್ಲವಗರ್ಷಭ || 30 || ಸೀತಾಯಾ ವಚನಂ ಶ್ರುತ್ವಾ ಹನೂಮಾನ್ಮಾರುತಾತ್ಮಜ: | ಚಿಂತಯಾಮಾಸ ಲಕ್ಷ್ಮೀವಾನ್ನವಂ ಪರಿಭವಂ ಕೃತಂ || 31 || ನ ಮೇ ಜಾನಾತಿ ಸತ್ತ್ವಂ ವಾ ಪ್ರಭಾವಂ ವಾಸಿತೇಕ್ಷಣಾ | ತಸ್ಮಾತ್ಪಶ್ಯತು ವೈದೇಹೀ ಯದ್ರೂಪಂ ಮಮ ಕಾಮತ: || 32 || ಇತಿ ಸಂಚಿಂತ್ಯ ಹನುಮಾಂಸ್ತದಾ ಪ್ಲವಗಸತ್ತಮ: | ದರ್ಶಯಾಮಾಸ ವೈದೇಹ್ಯಾ: ಸ್ವರೂಪಮರಿಮರ್ದನ: || 33 || ಸ ತಸ್ಮಾತ್ಪಾದಪಾದ್ಧೀಮಾನಾಪ್ಲುತ್ಯ ಪ್ಲವಗರ್ಷಭ: | ತತೋ ವರ್ಧಿತುಮಾರೇಭೇ ಸೀತಾಪ್ರತ್ಯಯಕಾರಣಾತ್ || 34 || ಮೇರುಮಂದಾರಸಂಕಾಶೋ ಬಭೌ ದೀಪ್ತಾನಲಪ್ರಭ: | ಅಗ್ರತೋ ವ್ಯವತಸ್ಥೇ ಚ ಸೀತಾಯಾ ವಾನರರ್ಷಭ: || 35 || ಹರಿ: ಪರ್ವತಸಂಕಾಶಸ್ತಾಮ್ರವಕ್ತ್ರೋ ಮಹಾಬಲ: | ವಜ್ರದಂಷ್ಟ್ರನಖೋ ಭೀಮೋ ವೈದೇಹೀಮಿದಮಬ್ರವೀತ್ || 36 || ಸಪರ್ವತವನೋದ್ದೇಶಾಂ ಸಾಟ್ಟಪ್ರಾಕಾರತೋರಣಾಂ | ಲಂಕಾಮಿಮಾಂ ಸನಥಾಂ ವಾ ನಯಿತುಂ ಶಕ್ತಿರಸ್ತಿ ಮೇ || 37 || ತದವಸ್ಥಾಪ್ಯ ತಾಂ ಬುದ್ಧಿರಲಂ ದೇವಿ ವಿಕಾಂಕ್ಷಯಾ | ವಿಶೋಕಂ ಕುರು ವೈದೇಹಿ ರಾಘವಂ ಸಹಲಕ್ಷ್ಮಣಂ || 38 || ತಂ ದೃಷ್ಟ್ವಾಚಲಸಂಕಾಶಮುವಾಚ ಜನಕಾತ್ಮಜಾ | ಪದ್ಮಪತ್ರವಿಶಾಲಾಕ್ಷೀ ಮಾರುತಸ್ಯೌರಸಂ ಸುತಂ || 39 || ತವ ಸತ್ತ್ವಂ ಬಲಂ ಚೈವ ವಿಜಾನಾಮಿ ಮಹಾಕಪೇ | ವಾಯೋರಿವ ಗತಿಂ ಚಾಪಿ ತೇಜಶ್ಚಾಗ್ನಿರಿವಾದ್ಭುತಂ || 40 || ಪ್ರಾಕೃತೋ„ನ್ಯ: ಕಥಂ ಚೇಮಾಂ ಭೂಮಿಮಾಗಂತುಮರ್ಹತಿ | ಉದಧೇರಪ್ರಮೇಯಸ್ಯ ಪಾರಂ ವಾನರಪುಂಗವ || 41 || ಜಾನಾಮಿ ಗಮನೇ ಶಕ್ತಿಂ ನಯನೇ ಚಾಪಿ ತೇ ಮಮ | ಅವಶ್ಯಂ ಸಾಂಪ್ರಧಾರ್ಯಾಶು ಕಾರ್ಯಸಿದ್ಧಿರಿಹಾತ್ಮನ: || 42 || ಅಯುಕ್ತಂ ತು ಕಪಿಶ್ರೇಷ್ಠ ಮಯಾ ಗಂತುಂ ತ್ವಯಾ ಸಹ | ವಾಯುವೇಗಸವೇಗಸ್ಯ ವೇಗೋ ಮಾಂ ಮೋಹಯೇತ್ತವ || 43 || ಅಹಮಾಕಾಶಮಾಸಕ್ತಾ ಉಪರ್ಯುಪರಿ ಸಾಗರಂ | ಪ್ರಪತೇಯಂ ಹಿ ತೇ ಪೃಷ್ಠಾದ್ಭಯಾದ್ವೇಗೇನ ಗಚ್ಛತ: || 44 || ಪತಿತಾ ಸಾಗರೇ ಚಾಹಂ ತಿಮಿನಕ್ರಝಷಾಕುಲೇ | ಭಯೇಯಮಾಶು ವಿವಶಾ ಯಾದಸಾಂ ಅನ್ನಮುತ್ತಮಂ || 45 || ನ ಚ ಶಕ್ಷ್ಯೇ ತ್ವಯಾ ಸಾರ್ಧಂ ಗಂತುಂ ಶತ್ರುವಿನಾಶನ | ಕಲತ್ರವತಿ ಸಂದೇಹಸ್ತ್ವಯ್ಯಪಿ ಸ್ಯಾದಸಂಶಯಂ || 46 || ಹ್ರಿಯಮಾಣಾಂ ತು ಮಾಂ ದೃಷ್ಟ್ವಾ ರಾಕ್ಷಸಾ ಭೀಮವಿಕ್ರಮಾ: | ಅನುಗಚ್ಛೇಯುರಾದಿಷ್ಟಾ ರಾವಣೇನ ದುರಾತ್ಮನಾ || 47 || ತೈಸ್ತ್ವಂ ಪರಿವೃತ: ಶೂರೈ: ಶೂಲಮುದ್ಗರ ಪಾಣಿಭಿ: | ಭವೇಸ್ತ್ವಂ ಸಂಶಯಂ ಪ್ರಾಪ್ತೋ ಮಯಾ ವೀರ ಕಳತ್ರವಾನ್ || 48 || ಸಾಯುಧಾ ಬಹವೋ ವ್ಯೋಮ್ನಿ ರಾಕ್ಷಸಾಸ್ತ್ವಂ ನಿರಾಯುಧ: | ಕಥಂ ಶಕ್ಷ್ಯಸಿ ಸಂಯಾತುಂ ಮಾಂ ಚೈವ ಪರಿರಕ್ಷಿತುಂ || 49 || ಯುಧ್ಯಮಾನಸ್ಯ ರಕ್ಷೋಭಿಸ್ತತಸ್ತೈ: ಕ್ರೂರಕರ್ಮಭಿ: | ಪ್ರಪತೇಯಂ ಹಿ ತೇ ಪೃಷ್ಠದ್ಭಯಾರ್ತಾ ಕಪಿಸತ್ತಮ || 50 || ಅಥ ರಕ್ಷಾಂಸಿ ಭೀಮಾನಿ ಮಹಾಂತಿ ಬಲವಂತಿ ಚ | ಕಥಂ ಚಿತ್ಸಾಂಪರಾಯೇ ತ್ವಾಂ ಜಯೇಯು: ಕಪಿಸತ್ತಮ || 51 || ಅಥವಾ ಯುಧ್ಯಮಾನಸ್ಯ ಪತೇಯಂ ವಿಮುಖಸ್ಯ ತೇ | ಪತಿತಾಂ ಚ ಗೃಹೀತ್ವಾ ಮಾಂ ನಯೇಯು: ಪಾಪರಾಕ್ಷಸಾ: || 52 || ಮಾಂ ವಾ ಹರೇಯುಸ್ತ್ವದ್ಧಸ್ತಾದ್ವಿಶಸೇಯುರಥಾಪಿ ವಾ | ಅವ್ಯವಸ್ಥೌ ಹಿ ದೃಶ್ಯೇತೇ ಯುದ್ಧೇ ಜಯಪರಾಜಯೌ || 53 || ಅಹಂ ವಾಪಿ ವಿಪದ್ಯೇಯಂ ರಕ್ಷೋಭಿರಭಿತರ್ಜಿತಾ | ತ್ವತ್ಪ್ರಯತ್ನೋ ಹರಿಶ್ರೇಷ್ಠ ಭವೇನ್ನಿಷ್ಫಲ ಏವ ತು || 54 || ಕಾಮಂ ತ್ವಮಪಿ ಪರ್ಯಾಪ್ತೋ ನಿಹಂತುಂ ಸರ್ವರಾಕ್ಷಸಾನ್ | ರಾಘವಸ್ಯ ಯಶೋ ಹೀಯೇತ್ತ್ವಯಾ ಶಸ್ತೈಸ್ತು ರಾಕ್ಷಸೈ: || 55 || ಅಥವಾ ಆದಾಯ ರಕ್ಷಾಂಸಿ ನ್ಯಸ್ಯೇಯು: ಸಂವೃತೇ ಹಿ ಮಾಂ | ಯತ್ರ ತೇ ನಾಭಿಜಾನೀಯುರ್ಹರಯೋ ನಾಪಿ ರಾಘವೌ || 56 || ಆರಂಭಸ್ತು ಮದರ್ಥೋ„ಯಂ ತತಸ್ತವ ನಿರರ್ಥಕ: | ತ್ವಯಾ ಹಿ ಸಹ ರಾಮಸ್ಯ ಮಹಾನಾಗಮನೇ ಗುಣ: || 57 || ಮಯಿ ಜೀವಿತಮಾಯತ್ತಂ ರಾಘವಸ್ಯ ಮಹಾತ್ಮನ: | ಭ್ರಾತೃಣಾಂ ಚ ಮಹಾಬಾಹೋ ತವ ರಾಜಕುಲಸ್ಯ ಚ || 58 || ತೌ ನಿರಾಶೌ ಮದರ್ಥೇ ತು ಶೋಕಸಂತಾಪಕರ್ಶಿತೌ | ಸಹ ಸರ್ವಕ್ರ್ಷಹರಿಭಿಸ್ತ್ಯಕ್ಷ್ಯತ: ಪ್ರಾಣಸಂಗ್ರಹಂ || 59 || ಭರ್ತುರ್ಭಕ್ತಿಂ ಪುರಸ್ಕೃತ್ಯ ರಾಮಾದನ್ಯಸ್ಯ ವಾನರ | ನ ಸ್ಪೃಷ್ಯಾಮಿ ಶರೀರಂ ತು ಪುಂಸೋ ವಾನರಪುಂಗವ || 60 || ಯದಹಂ ಗಾತ್ರಸಂಸ್ಪರ್ಶಂ ರಾವಣಸ್ಯ ಬಲಾದ್ಗತಾ | ಅನೀಶಾ ಕಿಂ ಕರಿಷ್ಯಾಮಿ ವಿನಾಥಾ ವಿವಶಾ ಸತೀ || 61 || ಯದಿ ರಾಮೋ ದಶಗ್ರೀವಮಿಹ ಹತ್ವಾ ಸಬಾಂಧವಂ | ಮಾಮಿತೋ ಗೃಹ್ಯ ಗಚ್ಛೇತ ತತ್ತಸ್ಯ ಸದೃಶಂ ಭವೇತ್ || 62 || ಶ್ರುತಾ ಹಿ ದೃಷ್ಟಾಶ್ಚ ಮಯಾ ಪರಾಕ್ರಮಾ ಮಹಾತ್ಮನಸ್ತಸ್ಯ ರಣಾವಮರ್ದಿನ: | ನ ದೇವಗಂಧರ್ವ ಭುಜಂಗರಾಕ್ಷಸಾ ಭವಂತಿ ರಾಮೇಣ ಸಮಾ ಹಿ ಸಂಯುಗೇ || 63 || ಸಮೀಕ್ಷ್ಯ ತಂ ಸಂಯತಿ ಚಿತ್ರಕಾರ್ಮುಕಂ ಮಹಾಬಲಂ ವಾಸವತುಲ್ಯವಿಕ್ರಮಂ | ಸಲಕ್ಷ್ಮಣಂ ಕೋ ವಿಷಹೇತ ರಾಘವಂ ಹುತಾಶನಂ ದೀಪ್ತಮಿವಾನಿಲೇರಿತಂ || 64 || ಸಲಕ್ಷ್ಮಣಂ ರಾಘವಮಾಜಿಮರ್ದನಂ ದಿಶಾಗಜಂ ಮತ್ತಮಿವ ವ್ಯವಸ್ಥಿತಂ | ಸಹೇತ ಕೋ ವಾನರಮುಖ್ಯ ಸಂಯುಗೇ ಯುಗಾಂತಸೂರ್ಯಪ್ರತಿಮಂ ಶರಾರ್ಚಿಷಂ || 65 || ಸ ಮೇ ಹರಿಶ್ರೇಷ್ಠ ಸಲಕ್ಷ್ಮಣಂ ಪತಿಂ ಸಯೂಥಪಂ ಕ್ಷಿಪ್ರಮಿಹೋಪಪಾದಯ | ಚಿರಾಯ ರಾಮಂ ಪ್ರತಿ ಶೋಕಕರ್ಶಿತಾಂ ಕುರುಷ್ವ ಮಾಂ ವಾನರಮುಖ್ಯ ಹರ್ಷಿತಾಂ || 66 || || ಇತಿ ಸಪ್ತತ್ರಿಂಶಃ ಸರ್ಗ: ||
ತತ: ಸ ಕಪಿಶಾರ್ದೂಲಸ್ತೇನ ವಾಕ್ಯೇನ ಹರ್ಷಿತ: | ಸೀತಾಮುವಾಚ ತಚ್ಛ್ರುತ್ವಾ ವಾಕ್ಯಂ ವಾಕ್ಯವಿಶಾರದ: || 1 || ಯುಕ್ತರೂಪಂ ತ್ವಯಾ ದೇವಿ ಭಾಷಿತಂ ಶುಭದರ್ಶನೇ | ಸದೃಶಂ ಸ್ತ್ರೀಸ್ವಭಾವಸ್ಯ ಸಾಧ್ವೀನಾಂ ವಿನಯಸ್ಯ ಚ || 2 || ಸ್ತ್ರೀತ್ವಂ ನ ತು ಸಮರ್ಥಂ ಹಿ ಸಾಗರಂ ವ್ಯತಿವರ್ತಿತುಂ | ಮಾಮಧಿಷ್ಠಾಯ ವಿಸ್ತೀರ್ಣಂ ಶತಯೋಜನಮಾಯತಂ || 3 || ದ್ವಿತೀಯಂ ಕಾರಣಂ ಯಚ್ಚ ಬ್ರವೀಷಿ ವಿನಯಾನ್ವಿತೇ | ರಾಮಾದನ್ಯಸ್ಯ ನಾರ್ಹಾಮಿ ಸಂಸ್ಪರ್ಶಮಿತಿ ಜಾನಕಿ || 4 || ಏತತ್ತೇ ದೇವಿ ಸದೃಶಂ ಪತ್ನ್ಯಾಸ್ತಸ್ಯ ಮಹಾತ್ಮನ: | ಕಾ ಹ್ಯನ್ಯಾ ತ್ವಾಮೃತೇ ದೇವಿ ಬ್ರೂಯಾದ್ವಚನಮೀದೃಶಂ || 5 || ಶ್ರೋಷ್ಯತೇ ಚೈವ ಕಾಕುತ್ಸ್ಥ: ಸರ್ವಂ ನಿರವಶೇಷತ: | ಚೇಷ್ಟಿತಂ ಯತ್ತ್ವಯಾ ದೇವಿ ಭಾಷಿತಂ ಮಮ ಚಾಗ್ರತ: || 6 || ಕಾರಣೈರ್ಬಹುಭಿರ್ದೇವಿ ರಾಮ ಪ್ರಿಯಚಿಕೀರ್ಷಯಾ | ಸ್ನೇಹಪ್ರಸ್ಕನ್ನಮನಸಾ ಮಯೈತತ್ಸಮುದೀರಿತಂ || 7 || ಲಂಕಾಯಾ ದುಷ್ಪ್ರವೇಶತ್ವಾದ್ದುಸ್ತರತ್ವಾನ್ಮಹೋದಧೇ: | ಸಾಮಥ್ರ್ಯಾದಾತ್ಮನಶ್ಚೈವ ಮಯೈತತ್ಸಮುದಾಹೃತಂ || 8 || ಇಚ್ಛಾಮಿ ತ್ವಾಂ ಸಮಾನೇತುಮದ್ಯೈವ ರಘುಬಂಧುನಾ | ಗುರುಸ್ನೇಹೇನ ಭಕ್ತ್ಯಾ ಚ ನಾನ್ಯಥಾ ತದುದಾಹೃತಂ || 9 || ಯದಿ ನೋತ್ಸಹಸೇ ಯಾತುಂ ಮಯಾ ಸಾರ್ಧಮನಿಂದಿತೇ ಅಭಿಜ್ಜಾನಂ ಪ್ರಯಚ್ಛ ತ್ವಂ ಜಾನೀಯಾದ್ರಾಘವೋ ಹಿ ಯತ್ || 10 || ಏವಮುಕ್ತಾ ಹನುಮತಾ ಸೀತಾ ಸುರಸುತೋಪಮಾ | ಉವಾಚ ವಚನಂ ಮಂದಂ ಬಾಷ್ಪಪ್ರಗ್ರಥಿತಾಕ್ಷರಂ || 11 || ಇದಂ ಶ್ರೇಷ್ಠಮಭಿಜ್ಜಾನಂ ಬ್ರೂಯಾಸ್ತ್ವಂ ತು ಮಮ ಪ್ರಿಯಂ | ಶೈಲಸ್ಯ ಚಿತ್ರಕೂಟಸ್ಯ ಪಾದೇ ಪೂರ್ವೋತ್ತರೇ ತದಾ || 12 || ತಾಪಸಾಶ್ರಮವಾಸಿನ್ಯಾ: ಪ್ರಾಜ್ಯಮೂಲಫಲೋದಕೇ | ತಸ್ಮಿನ್ಸಿದ್ಧಾಶ್ರಮೇ ದೇಶೇ ಮಂದಾಕಿನ್ಯಾ ಅದೂರತ: || 13 || ತಸ್ಯೋಪವನಷಂಡೇಷು ನಾನಾಪುಷ್ಪಸುಗಂಧಿಷು | ವಿಹೃತ್ಯ ಸಲಿಲಕ್ಲಿನ್ನಾ ತವಾಂಕೇ ಸಮುಪಾವಿಶಂ | ಪರ್ಯಾಯೇಣ ಪ್ರಸುಪ್ತಶ್ಚ ಮಮಾಂಕೇ ಭರತಾಗ್ರಜ: || 14 || ತತೋ ಮಾಂಸಸಮಾಯುಕ್ತೋ ವಾಯಸ: ಪರ್ಯತುಂಡಯತ್ | ತಮಹಂ ಲೋಷ್ಟಮುದ್ಯಮ್ಯ ವಾರಯಾಮಿ ಸ್ಮ ವಾಯಸಂ || 15 || ದಾರಯನ್ಸ ಚ ಮಾಂ ಕಾಕಸ್ತತ್ರೈವ ಪರಿಲೀಯತೇ | ನ ಚಾಪ್ಯುಪರಮನ್ಮಾಂಸಾದ್ಭಕ್ಷಾರ್ಥೀ ಬಲಿಭೋಜನ: || 16 || ಉತ್ಕರ್ಷನ್ತ್ಯಾಂ ಚ ರಶನಾಂ ಕ್ರುದ್ಧಾಯಾಂ ಮಯಿ ಪಕ್ಷಿಣೇ | ಸ್ರಂಸಮಾನೇ ಚ ವಸನೇ ತತೋ ದೃಷ್ಟಾ ತ್ವಯಾ ಹ್ಯಹಂ || 17 || ತ್ವಯಾ ವಿಹಸಿತಾ ಚಾಹಂ ಕ್ರುದ್ಧಾ ಸಂಲಜ್ಜಿತಾ ತದಾ | ಭಕ್ಷ್ಯ ಗೃದ್ಧೇನ ಕಾಲೇನ ದಾರಿತಾ ತ್ವಾಮುಪಾಗತಾ || 18 || ಆಸೀನಸ್ಯ ಚ ತೇ ಶ್ರಾಂತಾ ಪುನರುತ್ಸಂಗಮಾವಿಶಂ | ಕ್ರುಧ್ಯಂತೀ ಚ ಪ್ರಹೃಷ್ಟೇನ ತ್ವಯಾಹಂ ಪರಿಸಾಂತ್ವಿತಾ || 19 || ಬಾಷ್ಪಪೂರ್ಣಮುಖೀ ಮಂದಂ ಚಕ್ಷುಷೀ ಪರಿಮಾರ್ಜತೀ | ಲಕ್ಷಿತಾಹಂ ತ್ವಯಾ ನಾಥ ವಾಯಸೇನ ಪ್ರಕೋಪಿತಾ || 20 || ಪರಿಶ್ರಮಾತ್ಪ್ರಸುಪ್ತಾ ಚ ರಾಘವಾಂಕೇ„ಪ್ಯಹಂ ಚಿರಂ | ಪರ್ಯಾಯೇಣ ಪ್ರಸುಪ್ತಶ್ಚ ಮಮಾಂಕೇ ಭರತಾಗ್ರಜ: || 21 || ಸ ತತ್ರ ಪುನರೇ ವಾಥ ವಾಯಸ: ಸಮುಪಾಗಮತ್ | ತತ: ಸುಪ್ತಪ್ರಬುದ್ಧಾಂ ಮಾಂ ರಾಮಸ್ಯಾಂಕಾತ್ ಸಮುತ್ಥಿತಾಂ || 22 || ವಾಯಸ: ಸಹಸಾಗಮ್ಯ ವಿದದಾರ ಸ್ತನಾಂತರೇ | ಪುನ: ಪುನರ್ಥೋತ್ಪತ್ಯ ವಿದದಾರ ಸ ಮಾಂ ಭೃಶಂ || 23 || ತತ: ಸಮುಕ್ಷಿತೋ ರಾಮೋ ಮುಕ್ತೈ: ಶೋಣಿತಬಿಂದುಭಿ: | ವಯಸೇನ ತತಸ್ತೇನ ಬಲವತ್ಕ್ಲಿಷ್ಯಮಾನಯಾ || 24 || ಸ ಮಯಾ ಬೋಧಿತ: ಶ್ರೀಮಾನ್ ಸುಖಸುಪ್ತ: ಪರಂತಪ: | ಸ ಮಾಂ ದೃಷ್ಟ್ವಾ ಮಹಾಬಾಹುರ್ವಿತುನ್ನಾಂ ಸ್ತನಯೋಸ್ತದಾ || 25 || ಆಶೀವಿಷ ಇವ ಕ್ರುದ್ಧ: ಶ್ವಸಾನ್ವಾಕ್ಯಮಭಾಷಥಾ: | ಕೇನ ತೇ ನಾಗನಾಸೋರು ವಿಕ್ಷತಂ ವೈ ಸ್ತನಾಂತರಂ || 26 || ಕ: ಕ್ರೀಡತಿ ಸರೋಷೇಣ ಪಂಚವಕ್ತ್ರೇಣ ಭೋಗಿನಾ | ವೀಕ್ಷಮಾಣಸ್ತತಸ್ತಂ ವೈ ವಾಯಸಂ ಸಮವೈಕ್ಷಥಾ: || 27 || ನಖೈ: ಸರುಧಿರೈಸ್ತೀಕ್ಷ್ಣೈರ್ಮಾಮೇವಾಭಿಮುಖಂ ಸ್ಥಿತಂ | ಪುತ್ರ: ಕಿಲ ಸ ಶಕ್ರಸ್ಯ ವಾಯಸ: ಪತತಾಂ ವರ: || 28 || ಧರಾಂತರಚರ: ಶೀಘ್ರಂ ಪವನಸ್ಯ ಗತೌ ಸಮ: | ತತಸ್ತಸ್ಮಿನ್ಮಹಾಬಾಹು: ಕೋಪಸಂವರ್ತಿತೇಕ್ಷಣ: || 29 || ವಾಯಸೇ ಕೃತವಾನ್ಕ್ರೂರಾಂ ಮತಿಂ ಮತಿಮತಾಂ ವರ | ಸ ದರ್ಭಸಂಸ್ತರಾದ್ಗೃಹ್ಯ ಬ್ರಹ್ಮಣೋ„ಸ್ತ್ರೇಣ ಯೋಜಯ: || 30 || ಸ ದೀಪ್ತ ಇವ ಕಾಲಾಗ್ನಿರ್ಜಜ್ವಾಲಾಭಿಮುಖೋ ದ್ವಿಜಂ | ಸ ತಂ ಪ್ರದೀಪ್ತಂ ಚಿಕ್ಷೇಪ ದರ್ಭಂ ತಂ ವಾಯಸಂ ಪ್ರತಿ || 31 || ತತಸ್ತಂ ವಾಯಸಂ ದರ್ಭ: ಸೋಂಬರೇ„ನುಜಗಾಮ ಹ | ಅನುಸೃಷ್ಟಸ್ತದಾ ಕಾಲೋ ಜಗಾಮ ವಿವಿಧಾಂ ಗತಿಂ || 32 || ತ್ರಾಣಕಾಮ ಇಮಂ ಲೋಕಂ ಸರ್ವಂ ವೈ ವಿಚಚಾರ ಹ | ಸ ಪಿತ್ರಾ ಚ ಪರಿತ್ಯಕ್ತ: ಸುರೈ: ಸರ್ವೈರ್ಮಹರ್ಷಿಭಿ: || 33 || ತ್ರೀಣ್ಲ್ಲೋಕಾನ್ಸಂಪರಿಕ್ರಮ್ಯ ತ್ವಾಮೇವ ಶರಣಂ ಗತ: | ಸ ತಂ ನಿಪತಿತಂ ಭೂಮೌ ಶರಣ್ಯ: ಶರಣಾಗತಂ || 34 || ವಧಾರ್ಹಮಪಿ ಕಾಕುತ್ಸ್ಥ ಕೃಪಯಾ ಪರ್ಯಪಾಲಯ: | ಪರಿದ್ಯೂನಂ ವಿಷಣ್ಣಂ ಚ ಸ ತ್ವಂ ಆಯಾಂತಂ ಉಕ್ತವಾನ್ || 35 || ಮೋಘಂ ಕರ್ತುಂ ನ ಶಕ್ಯಂ ತು ಬ್ರಾಹ್ಮಮಸ್ತ್ರಂ ತದುಚ್ಯತಾಂ | ಹಿನಸ್ತು ದಕ್ಷಿಣಾಕ್ಷಿತ್ವಚ್ಛರ ಇತ್ಯಥ ಸೋ„ಬ್ರವೀತ್ || 36 || ತತಸ್ತಸ್ಯಾಕ್ಷಿ ಕಾಕಸ್ಯ ಹಿನಸ್ತಿ ಸ್ಮ ಸ ದಕ್ಷಿಣಂ | ದತ್ತ್ವಾ ಸ ದಕ್ಷಿಣಂ ನೇತ್ರಂ ಪ್ರಾಣೇಭ್ಯ: ಪರಿರಕ್ಷಿತ: || 37 || ಸ ರಾಮಾಯ ನಮಸ್ಕೃತ್ವಾ ರಾಜ್ಞೇ ದಶರಥಾಯ ಚ | ವಿಸೃಷ್ಟಸ್ತೇನ ವೀರೇಣ ಪ್ರತಿಪೇದೇ ಸ್ವಮಾಲಯಂ || 38 || ಮತ್ಕೃತೇ ಕಾಕಮಾತ್ರೇ„ಪಿ ಬ್ರಹ್ಮಾಸ್ತ್ರಂ ಸಮುದೀರಿತಂ | ಕಸ್ಮಾದ್ಯೋ ಮಾಂ ಹರತ್ತ್ವತ್ತ: ಕ್ಷಮಸೇ ತಂ ಮಹೀಪತೇ || 39 || ಸ ಕುರುಷ್ವ ಮಹೋತ್ಸಾಹಂ ಕೃಪಾಂ ಮಯಿ ನರರ್ಷಭ | ತ್ವಯಾ ನಾಥವತೀ ನಾಥ ಹ್ಯನಾಥಾ ಇವ ದೃಶ್ಯತೇ || 40 || ಆನೃಶಂಸ್ಯಂ ಪರೋ ಧರ್ಮಸ್ತ್ವತ್ತ ಏವ ಮಯಾ ಶ್ರುತ: | ಜಾನಾಮಿ ತ್ವಾಂ ಮಹಾವೀರ್ಯಂ ಮಹೋತ್ಸಾಹಂ ಮಹಾಬಲಂ || 41 || ಅಪಾರಪಾರಮಕ್ಷೋಭ್ಯಂ ಗಾಂಭೀರ್ಯಾತ್ಸಾಗರೋಪಮಂ | ಭರ್ತಾರಂ ಸಸಮುದ್ರಾಯಾ ಧರಣ್ಯಾ ವಾಸವೋಪಮಂ || 42 || ಏವಮಸ್ತ್ರವಿದಾಂ ಶ್ರೇಷ್ಠ: ಸತ್ತ್ವವಾನ್ ಬಲವಾನಪಿ | ಕಿಮರ್ಥಮಸ್ತ್ರಂ ರಕ್ಷ:ಸು ನ ಯೋಜಯಸಿ ರಾಘವ || 43 || ನ ನಾಗಾ ನಾಪಿ ಗಂಧರ್ವಾ ನಾಸುರಾ ನ ಮರುದ್ಗಣಾ: | ರಾಮಸ್ಯ ಸಮರೇ ವೇಗಂ ಶಕ್ತಾ: ಪ್ರತಿ ಸಮಾಧಿತುಂ || 44 || ತಸ್ಯಾ ವೀರ್ಯವತ: ಕಶ್ಚಿದ್ಯದ್ಯಸ್ತಿ ಮಯಿ ಸಂಭ್ರಮ: | ಕಿಮರ್ಥಂ ನ ಶರೈಸ್ತೀಕ್ಷ್ಣೈ: ಕ್ಷಯಂ ನಯತಿ ರಾಕ್ಷಸಾನ್ || 45 || ಭ್ರಾತುರಾದೇಶಮಾದಾಯ ಲಕ್ಷ್ಮಣೋ ವಾ ಪರಂತಪ: | ಕಸ್ಯ ಹೇತೋರ್ನ ಮಾಂ ವೀರ: ಪರಿತ್ರಾತಿ ಮಹಾಬಲ: || 46 || ಯದಿ ತೌ ಪುರುಷವ್ಯಾಘ್ರೌ ವಾಯವಿಂದ್ರಸಮತೇಜಸೌ | ಸುರಾಣಾಮಪಿ ದುರ್ಧರ್ಷೋ ಕಿಮರ್ಥಂ ಮಾಮುಪೇಕ್ಷತ: || 47 || ಮಮೈವ ದುಷ್ಕೃತಂ ಕಿಂ ಚಿನ್ಮಹದಸ್ತಿ ನ ಸಂಶಯ: | ಸಮರ್ಥಾವಪಿ ತೌ ಯನ್ಮಾಂ ನಾವೇಕ್ಷೇತೇ ಪರಂತಪೌ || 48 || ವೈದೇಹ್ಯಾ ವಚನಂ ಶ್ರುತ್ವಾ ಕರುಣಂ ಸಾಶುಭಾಶಿತಂ | ಅಥಾಬ್ರವೀನ್ಮಹಾತೇಜಾ ಹನುಮಾನ್ ಮಾರುತಾತ್ಮಜ: || 49 || ತ್ವಚ್ಛೋಕವಿಮುಖೋ ರಾಮೋ ದೇವಿ ಸತ್ಯೇನ ತೇ ಶಪೇ | ರಾಮೇ ದು:ಖಾಭಿಪನ್ನೇ ಚ ಲಕ್ಷ್ಮಣ: ಪರಿತಪ್ಯತೇ || 50 || ಕಥಂ ಚಿದ್ಭವತೀ ದೃಷ್ಟಾ ನ ಕಾಲ: ಪರಿದೇವಿತುಂ | ಇಮಂ ಮುಹೂರ್ತಂ ದು:ಖಾನಾಂ ದ್ರಕ್ಷ್ಯಸ್ಯಂತಮನಿಂದಿತೇ || 51 || ತಾವುಭೌ ಪುರುಶವ್ಯಾಘ್ರೌ ರಾಜಪುತ್ರೌ ಮಹಾಬಲೌ | ತ್ವದ್ದರ್ಶನ ಕೃತೋತ್ಸಾಹೌ ಲಂಕಾಂ ಭಸ್ಮೀಕರಿಷ್ಯತ: || 52 || ಹತ್ವಾ ಚ ಸಮರೇ ಕ್ರೂರಂ ರಾವಣಂ ಸಹಬಾಂಧವಂ | ರಾಘವಸ್ತ್ವಾಂ ವಿಶಾಲಾಕ್ಷಿ ನೇಷ್ಯತಿ ಸ್ವಾಂ ಪುರೀಂ ಪ್ರತಿ || 53 || ಬ್ರೂಹಿ ಯದ್ರಾಘವೋ ವಾಚ್ಯೋ ಲಕ್ಷ್ಮಣಶ್ಚ ಮಹಾಬಲ: | ಸುಗ್ರೀವೋ ವಾಪಿ ತೇಜಸ್ವೀ ಹರಯೋ„ಪಿ ಸಮಾಗತಾ: || 54 || ಇತ್ಯುಕ್ತವತಿ ತಸ್ಮಿಂಸ್ತು ಸೀತಾ ಸುರಸುತೋಪಮಾ | ಉವಾಚ ಶೋಕಸಂತಪ್ತಾ ಹನುಮಂತಂ ಪ್ಲವಂಗಮಂ || 55 || ಕೌಸಲ್ಯಾ ಲೋಕಭರ್ತಾರಂ ಸುಷುವೇ ಯಂ ಮನಸ್ವಿನೀ | ತಂ ಮಮಾರ್ಥೇ ಸುಖಂ ಪೃಚ್ಛ ಶಿರಸಾ ಚಾಭಿವಾದಯ || 56 || ಸ್ರಜಶ್ಚ ಸರ್ವರತ್ನಾನಿ ಪ್ರಿಯಾ ಯಾಶ್ಚ ವರಾಂಗನಾ: | ಐಶ್ವರ್ಯಂ ಚ ವಿಶಾಲಾಯಾಂ ಪೃಥಿವ್ಯಾಂ ಅಪಿ ದುರ್ಲಭಂ || 57 || ಪಿತರಂ ಮಾತರಂ ಚೈವ ಸಂಮಾನ್ಯಾಭಿಪ್ರಸಾದ್ಯ ಚ | ಅನುಪ್ರವ್ರಜಿತೋ ರಾಮಂ ಸುಮಿತ್ರಾ ಯೇನ ಸುಪ್ರಜಾ: || 58 || ಆನುಕೂಲ್ಯೇನ ಧರ್ಮಾತ್ಮಾ ತ್ಯಕ್ತ್ವಾ ಸುಖಮನುತ್ತಮಂ | ಅನುಗಚ್ಛತಿ ಕಾಕುತ್ಸ್ಥಂ ಭ್ರಾತರಂ ಪಾಲಯನ್ವನೇ || 59 || ಸಿಂಹಸ್ಕಂಧೋ ಮಹಾಬಾಹುರ್ಮನಸ್ವೀ ಪ್ರಿಯದರ್ಶನ: | ಪಿತೃವದ್ವರ್ತತೇ ರಾಮೇ ಮಾತೃವನ್ಮಾಂ ಸಮಾಚರನ್ || 60 || ಪ್ರಿಯಮಾಣಾಂ ತದಾ ವೀರೋ ನ ತು ಮಾಂ ವೇದ ಲಕ್ಷ್ಮಣ: | ವೃದ್ಧೋಪಸೇವೀ ಲಕ್ಷ್ಮೀವಾನ್ಶಕ್ತೋ ನ ಬಹುಭಾಷಿತಾ || 61 || ರಾಜಪುತ್ರ: ಪ್ರಿಯಶ್ರೇಷ್ಠ: ಸದೃಶ: ಶ್ವಶುರಸ್ಯ ಮೇ | ಮತ್ತ: ಪ್ರಿಯತರೋ ನಿತ್ಯಂ ಭ್ರಾತಾ ರಾಮಸ್ಯ ಲಕ್ಷ್ಮಣ: || 62 || ನಿಯುಕ್ತೋ ಧುರಿ ಯಸ್ಯಾಂ ತು ತಾಮುದ್ವಹತಿ ವೀರ್ಯವಾನ್ | ಯಂ ದೃಷ್ಟ್ವಾ ರಾಘವೋ ನೈವ ವೃದ್ಧಮಾರ್ಯಮನುಸ್ಮರತ್ || 63 || ಸ ಮಮಾರ್ಥಾಯ ಕುಶಲಂ ವಕ್ತವ್ಯೋ ವಚನಾನ್ಮಮ | ಮೃದುರ್ನಿತ್ಯಂ ಶುಚಿರ್ದಕ್ಷ: ಪ್ರಿಯೋ ರಾಮಸ್ಯ ಲಕ್ಷ್ಮಣ: || 64 || ಯಥಾ ಹಿ ವಾನರಶ್ರೇಷ್ಠ ದು:ಖಕ್ಷಯಕರೋ ಭವೇತ್ | ತ್ವಮಸ್ಮಿನ್ ಕಾರ್ಯನಿರ್ಯೋಗೇ ಪ್ರಮಾಣ ಹರಿಸತ್ತಮ || 65 || ರಾಘವ: ತ್ವತ್ಸಮಾರಂಭಾನ್ ಮಯಿ ಯತ್ನಪರೋ ಭವೇತ್ | ಇದಂ ಬ್ರೂಯಾ: ಚ ಮೇ ನಾಥಂ ಶೂರಂ ರಾಮಂ ಪುನ: ಪುನ: || 66 || ಜೀವಿತಂ ಧಾರಯಿಷ್ಯಾಮಿ ಮಾಸಂ ದಶರಥಾತ್ಮಜ | ಊಧ್ರ್ವಂ ಮಾಸಾನ್ನ ಜೀವೇಯಂ ಸತ್ಯೇನಾಹಂ ಬ್ರವೀಮಿ ತೇ || 67 || ರಾವಣೇನೋಪರುದ್ಧಾಂ ಮಾಂ ನಿಕೃತ್ಯಾ ಪಾಪಕರ್ಮಣಾ | ತ್ರಾತುಮರ್ಹಸಿ ವೀರ ತ್ವಂ ಪಾತಾಲಾದಿವ ಕೌಶಿಕೀಂ || 68 || ತತೋ ವಸ್ತ್ರಗತಂ ಮುಕ್ತ್ವಾ ದಿವ್ಯಂ ಚೂಡಾಮಣಿಂ ಶುಭಂ | ಪ್ರದೇಯೋ ರಾಘವಾಯೇತಿ ಸೀತಾ ಹನುಮತೇ ದದೌ || 69 || ಪ್ರತಿಗೃಹ್ಯ ತತೋ ವೀರೋ ಮಣಿರತ್ನಮನುತ್ತಮಂ | ಅಂಗುಳ್ಯಾ ಯೋಜಯಾಮಾಸ ನ ಹ್ಯಸ್ಯಾ ಪ್ರಾಭವದ್ಭುಜ: || 70 || ಮಣಿರತ್ನಂ ಕಪಿವರ: ಪ್ರತಿಗೃಹ್ಯಾಭಿವಾದ್ಯ ಚ | ಸೀತಾಂ ಪ್ರದಕ್ಷಿಣಂ ಕೃತ್ವಾ ಪ್ರಣತ: ಪಾಶ್ರ್ವತ: ಸ್ಥಿತ: || 71 || ಹರ್ಷೇಣ ಮಹತಾ ಯುಕ್ತ: ಸೀತಾದರ್ಶನಜೇನ ಸ: | ಹೃದಯೇನ ಗತೋ ರಾಮಂ ಶರೀರೇಣ ತು ವಿಷ್ಠಿತ: || 72 || ಮಣಿವರಮುಪಗೃಹ್ಯ ತಂ ಮಹಾರ್ಹಂ ಜನಕನೃಪಾತ್ಮಜಯಾ ಧೃತಂ ಪ್ರಭಾವಾತ್ | ಗಿರಿವರಪವನಾವಧೂತಮುಕ್ತ: ಸುಖಿತಮನಾ: ಪ್ರತಿಸಂಕ್ರಮಂ ಪ್ರಪೇದೇ || 73 || || ಇತಿ ಅಷ್ಟಾತ್ರಿಂಶ: ಸರ್ಗ: ||
ಮಣಿಂ ದತ್ತ್ವಾ ತತ: ಸೀತಾ ಹನೂಮಂತಮಥಾಬ್ರವೀತ್ | ಅಭಿಜ್ಜಾನಮಭಿಜ್ಜಾತಮೇತದ್ರಾಮಸ್ಯ ತತ್ತ್ವತ: || 1 || ಮಣಿಂ ತು ದೃಷ್ಟ್ವಾ ರಾಮೋ ವೈ ತ್ರಯಾಣಾಂ ಸಂಸ್ಮರಿಷ್ಯತಿ | ವೀರೋ ಜನನ್ಯಾ ಮಮ ಚ ರಾಜ್ಜೋ ದಶರಥಸ್ಯ ಚ || 2 || ಸ ಭೂಯಸ್ತ್ವಂ ಸಮುತ್ಸಾಹೇ ಚೋದಿತೋ ಹರಿಸತ್ತಮ | ಅಸ್ಮಿನ್ಕಾರ್ಯಸಮಾರಂಭೇ ಪ್ರಚಿಂತಯ ಯದುತ್ತರಂ || 3 || ತ್ವಮಸ್ಮಿನ್ಕಾರ್ಯನಿರ್ಯೋಗೇ ಪ್ರಮಾಣಂ ಹರಿಸತ್ತಮ | ಹನುಮನ್ ಯತ್ನಮಾಸ್ಥಾಯ ದು:ಖಕ್ಷಯಕರೋ ಭವ || 4 || ತಸ್ಯ ಚಿಂತಯ ಯೋ ಯತ್ನೋ ದು:ಖಕ್ಷಯಕರೋ ಭವೇತ್ | ಸ ತಥೇತಿ ಪ್ರತಿಜ್ಜಾಯ ಮಾರುತಿರ್ಭೀಮವಿಕ್ರಮ: || 5 || ಶಿರಸಾವಂದ್ಯ ವೈದೇಹೀಂ ಗಮನಾಯೋಪಚಕ್ರಮೇ | ಜ್ಞಾತ್ವಾ ಸಂಪ್ರಸ್ಥಿತಂ ದೇವೀ ವಾನರಂ ಮಾರುತಾತ್ಮಜಂ || 6 || ಬಾಷ್ಪಗದ್ಗದಯಾ ವಾಚಾ ಮೈಥಿಲೀ ವಾಕ್ಯಮಬ್ರವೀತ್ | ಕುಶಲಂ ಹನುಮನ್ಬ್ರೂಯಾ: ಸಹಿತೌ ರಾಮಲಕ್ಷ್ಮಣೌ || 7 || ಸುಗ್ರೀವಂ ಚ ಸಹಾಮಾತ್ಯಂ ವೃದ್ಧಾನ್ ಸರ್ವಾಂಶ್ಚ ವಾನರಾನ್ | ಬ್ರುಯಸ್ತ್ವಾಂ ವಾನರಶ್ರೇಷ್ಠ ಕುಶಲಂ ಧರ್ಮಸಂಹಿತಂ || 8 || ಯಥಾ ಚ ಸ ಮಹಾಬಾಹುರ್ಮಾಂ ತಾರಯತಿ ರಾಘವ: | ಅಸ್ಮಾದ್ದು:ಖಾಂಬುಸಂರೋಧಾತ್ತ್ವಂ ಸಮಾಧಾತುಮರ್ಹಸಿ || 9 || ಜೀವನ್ತೀಂ ಮಾಂ ಯಥಾ ರಾಮ: ಸಂಭಾವಯತಿ ಕೀರ್ತಿಮಾನ್ | ತತ್ತ್ವಯಾ ಹನುಮನ್ವಾಚ್ಯಂ ವಾಚಾ ಧರ್ಮಮವಾಪ್ನುಹಿ || 10 || ನಿತ್ಯಮುತ್ಸಾಹಯುಕ್ತಾಶ್ಚ ವಾಚ: ಶ್ರುತ್ವಾ ಮಯೇರಿತಾ: | ವರ್ಧಿಷ್ಯತೇ ದಾಶರಥೇ: ಪೌರುಷಂ ಮದವಾಪ್ತಯೇ || 11 || ಮತ್ಸಂದೇಶಯುತಾ ವಾಚಸ್ತ್ವತ್ತ: ಶ್ರುತ್ವೈವ ರಾಘವ: | ಪರಾಕ್ರಮವಿಧಿಂ ವೀರೋ ವಿಧಿವತ್ಸಂವಿಧಾಸ್ಯತಿ || 12 || ಸೀತಾಯಾಸ್ತದ್ವಚ: ಶ್ರುತ್ವಾ ಹನುಮಾನ್ಮಾರುತಾತ್ಮಜ: | ಶಿರಸ್ಯಂಜಲಿಮಾಧಾಯ ವಾಕ್ಯಮುತ್ತರಮಬ್ರವೀತ್ || 13 || ಕ್ಷಿಪ್ರಮೇಷ್ಯತಿ ಕಾಕುತ್ಸ್ಥೋ ಹರ್ಯೃಕ್ಷಪ್ರವರೈರ್ವೃತ: | ಯಸ್ತೇ ಯುಧಿ ವಿಜಿತ್ಯಾರೀನ್ಶೋಕಂ ವ್ಯಪನಯಿಷ್ಯತಿ || 14 || ನ ಹಿ ಪಶ್ಯಾಮಿ ಮತ್ರ್ಯೇಷು ನಾಮರೇಷ್ವಸುರೇಷು ವಾ | ಯಸ್ತಸ್ಯ ವಮತೋ ಬಾಣಾನ್ಸ್ಥಾತುಮುತ್ಸಹತೇ„ಗ್ರತ: || 15 || ಅಪ್ಯರ್ಕಮಪಿ ಪರ್ಜನ್ಯಮಪಿ ವೈವಸ್ವತಂ ಯಮಂ | ಸ ಹಿ ಸೋಢುಂ ರಣೇ ಶಕ್ತಸ್ತವಹೇತೋರ್ವಿಶೇಷತ: || 16 || ಸ ಹಿ ಸಾಗರಪರ್ಯಂತಾಂ ಮಹೀಂ ಶಾಸಿತುಮೀಹತೇ | ತ್ವನ್ನಿಮಿತ್ತೋ ಹಿ ರಾಮಸ್ಯ ಜಯೋ ಜನಕನಂದಿನಿ || 17 || ತಸ್ಯ ತದ್ವಚನಂ ಶ್ರುತ್ವಾ ಸಮ್ಯಕ್ಸತ್ಯಂ ಸುಭಾಷಿತಂ | ಜಾನಕೀ ಬಹು ಮೇನೇ„ಥ ವಚನಂ ಚೇದಮಬ್ರವೀತ್ || 18 || ತತಸ್ತಂ ಪ್ರಸ್ಥಿತಂ ಸೀತಾ ವೀಕ್ಷಮಾಣಾ ಪುನ: ಪುನ: | ಭರ್ತು: ಸ್ನೇಹಾನ್ವಿತಂ ವಾಕ್ಯಂ ಸೌಹಾರ್ದಾದನುಮಾನಯತ್ || 19 || ಯದಿ ವಾ ಮನ್ಯಸೇ ವೀರ ವಸೈಕಾಹಮರಿಂದಮ | ಕಸ್ಮಿಂಶ್ಚಿತ್ಸಂವೃತೇ ದೇಶೇ ವಿಶ್ರಾಂತ: ಶ್ವೋ ಗಮಿಷ್ಯಸಿ || 20 || ಮಮ ಚೇದಲ್ಪಭಾಗ್ಯಾಯಾ: ಸಾನ್ನಿಧ್ಯಾತ್ತವ ವೀರ್ಯವಾನ್ | ಅಸ್ಯ ಶೋಕಸ್ಯ ಮಹತೋ ಮುಹೂರ್ತಂ ಮೋಕ್ಷಣಂ ಭವೇತ್ || 21 || ಗತೇ ಹಿ ಹರಿಶಾರ್ದೂಲ ಪುನರಾಗಮನಾಯ ತು | ಪ್ರಾಣಾನಾಮಪಿ ಸಂದೇಹೋ ಮಮ ಸ್ಯಾನ್ನಾತ್ರ ಸಂಶಯ: || 22 || ತವಾದರ್ಶನಜ: ಶೋಕೋ ಭೂಯೋ ಮಾಂ ಪರಿತಾಪಯೇತ್ | ದು:ಖಾದ್ದು:ಖಪರಾಮೃಷ್ಟಾಂ ದೀಪಯನ್ನಿವ ವಾನರ || 23 || ಅಯಂ ಚ ವೀರ ಸಂದೇಹಸ್ತಿಷ್ಠತೀವ ಮಮಾಗ್ರತ: | ಸುಮಹಾಂಸ್ತ್ವತ್ಸಹಾಯೇಷು ಹರ್ಯೃಕ್ಷೇಷು ಹರೀಶ್ವರ || 24 || ಕಥಂ ನು ಖಲು ದುಷ್ಪಾರಂ ತರಿಷ್ಯಂತಿ ಮಹೋದಧಿಂ | ತಾನಿ ಹರ್ಯೃಕ್ಷಸೈನ್ಯಾನಿ ತೌ ವಾ ನರವರಾತ್ಮಜೌ || 25 || ತ್ರಯಾಣಾಮೇವ ಭೂತಾನಾಂ ಸಾಗರಸ್ಯೇಹ ಲಂಘನೇ | ಶಕ್ತಿ: ಸ್ಯಾದ್ವೈನತೇಯಸ್ಯ ತವ ವಾ ಮಾರುತಸ್ಯ ವಾ || 26 || ತದಸ್ಮಿನ್ಕಾರ್ಯನಿರ್ಯೊಗೇ ವೀರೈವಂ ದುರತಿಕ್ರಮೇ | ಕಿಂ ಪಶ್ಯಸಿ ಸಮಾಧಾನಂ ತ್ವಂ ಹಿ ಕಾರ್ಯವಿದಾಂ ವರ: || 27 || ಕಾಮಮಸ್ಯ ತ್ವಮೇವೈಕ: ಕಾರ್ಯಸ್ಯ ಪರಿಸಾಧನೇ | ಪರ್ಯಾಪ್ತ: ಪರವೀರಘ್ನ ಯಶಸ್ಯಸ್ತೇ ಬಲೋದಯ: || 28 || ಬಲೈ: ಸಮಗ್ರೈರ್ಯದಿ ಮಾಂ ರಾವಣಂ ಜಿತ್ಯ ಸಂಯುಗೇ | ವಿಜಯೀ ಸ್ವಪುರಂ ಯಾಯಾತ್ತತ್ತು ಮೇ ಸ್ಯಾದ್ಯಶಸ್ಕರಂ || 29 || ಶರೈಸ್ತುಸಂಕುಲಾಂ ಕೃತ್ವಾ ಲಂಕಾಂ ಪರಬಲಾರ್ದನ: | ಮಾಂ ನಯೇದ್ಯದಿ ಕಾಕುತ್ಸ್ಥಸ್ತತ್ತಸ್ಯ ಸದೃಶಂ ಭವೇತ್ || 30 || ತದ್ಯಥಾ ತಸ್ಯ ವಿಕ್ರಾಂತಮನುರೂಪಂ ಮಹಾತ್ಮನ: | ಭವೇದಾಹವ ಶೂರಸ್ಯ ತಥಾ ತ್ವಮುಪಪಾದಯ || 31 || ತದರ್ಥೋಪಹಿತಂ ವಾಕ್ಯಂ ಸಹಿತಂ ಹೇತುಸಂಹಿತಂ | ನಿಶಮ್ಯ ಹನುಮಾನ್ಶೇಷಂ ವಾಕ್ಯಮುತ್ತರಮಬ್ರವೀತ್ || 32 || ದೇವಿ ಹರ್ಯೃಕ್ಷಸೈನ್ಯಾನಾಮೀಶ್ವರ: ಪ್ಲವತಾಂ ವರ: | ಸುಗ್ರೀವ: ಸತ್ತ್ವಸಂಪನ್ನಸ್ತವಾರ್ಥೇ ಕೃತನಿಶ್ಚಯ: || 33 || ಸ ವಾನರಸಹಸ್ರಾಣಾಂ ಕೋಟೀಭಿರಭಿಸಂವೃತ: | ಕ್ಷಿಪ್ರಮೇಷ್ಯತಿ ವೈದೇಹಿ ರಾಕ್ಷಸಾನಾಂ ನಿಬರ್ಹಣ: || 34 || ತಸ್ಯ ವಿಕ್ರಮಸಂಪನ್ನಾ: ಸತ್ತ್ವವಂತೋ ಮಹಾಬಲಾ: | ಮನ:ಸಂಕಲ್ಪಸಂಪಾತಾ ನಿದೇಶೇ ಹರಯ: ಸ್ಥಿತಾ: || 35 || ಯೇಷಾಂ ನೋಪರಿ ನಾಧಸ್ತಾನ್ನ ತಿರ್ಯಕ್ಸಜ್ಜತೇ ಗತಿ: | ನ ಚ ಕರ್ಮಸು ಸೀದಂತಿ ಮಹತ್ಸ್ವಮಿತತೇಜಸ: || 36 || ಅಸಕೃತ್ತೈರ್ಮಹೋತ್ಸಹೈ: ಸಸಾಗರಧರಾಧರಾ | ಪ್ರದಕ್ಷಿಣೀಕೃತಾ ಭೂಮಿರ್ವಾಯುಮಾರ್ಗಾನುಸಾರಿಭಿ: || 37 || ಮದ್ವಿಶಿಷ್ಟಾಶ್ಚ ತುಲ್ಯಾಶ್ಚ ಸಂತಿ ತತ್ರ ವನೌಕಸ: | ಮತ್ತ: ಪ್ರತ್ಯವರ: ಕಶ್ಚಿನ್ನಾಸ್ತಿ ಸುಗ್ರೀವಸನ್ನಿಧೌ || 38 || ಅಹಂ ತಾವದಿಹ ಪ್ರಾಪ್ತ: ಕಿಂ ಪುನಸ್ತೇ ಮಹಾಬಲಾ: | ನ ಹಿ ಪ್ರಕೃಷ್ಟಾ: ಪ್ರೇಷ್ಯಂತೇ ಪ್ರೇಷ್ಯಂತೇ ಹೀತರೇ ಜನಾ: || 39 || ತದಲಂ ಪರಿತಾಪೇನ ದೇವಿ ಶೋಕೋ ವ್ಯಪೈತು ತೇ | ಏಕೋತ್ಪಾತೇನ ತೇ ಲಂಕಾಮೇಷ್ಯಂತಿ ಹರಿಯೂಥಪಾ: || 40 || ಮಮ ಪೃಷ್ಠಗತೌ ತೌ ಚ ಚಂದ್ರಸೂರ್ಯಾವಿವೋದಿತೌ | ತ್ವತ್ಸಕಾಶಂ ಮಹಾಸತ್ತ್ವೌ ನೃಸಿಂಹಾವಾಗಮಿಷ್ಯತ: || 41 || ತೌ ಹಿ ವೀರೌ ನರವರೌ ಸಹಿತೌ ರಾಮಲಕ್ಷ್ಮಣೌ | ಆಗಮ್ಯ ನಗರೀಂ ಲಂಕಾಂ ಸಾಯಕೈರ್ವಿಧಮಿಷ್ಯತ: || 42 || ಸಗಣಂ ರಾವಣಂ ಹತ್ವಾ ರಾಘವೋ ರಘುನಂದನ: | ತ್ವಾಮಾದಾಯ ವರಾರೋಹೇ ಸ್ವಪುರಂ ಪ್ರತಿಯಾಸ್ಯತಿ || 43 || ತದಾಶ್ವಸಿಹಿ ಭದ್ರಂ ತೇ ಭವ ತ್ವಂ ಕಾಲಕಾಂಕ್ಷಿಣೀ | ನಚಿರಾದ್ದ್ರಕ್ಷ್ಯಸೇ ರಾಮಂ ಪ್ರಜ್ವಜಂತಮಿವಾನಿಲಂ || 44 || ನಿಹತೇ ರಾಕ್ಷಸೇಂದ್ರೇ ಚ ಸಪುತ್ರಾಮಾತ್ಯಬಾಂಧವೇ | ತ್ವಂ ಸಮೇಷ್ಯಸಿ ರಾಮೇಣ ಶಶಾಂಕೇನೇವ ರೋಹಿಣೀ || 45 || ಕ್ಷಿಪ್ರಂ ತ್ವಂ ದೇವಿ ಶೋಕಸ್ಯ ಪಾರಂ ಯಾಸ್ಯಸಿ ಮೈಥಿಲಿ | ರಾವಣಂ ಚೈವ ರಾಮೇಣ ನಿಹತಂ ದ್ರಕ್ಷ್ಯಸೇ„ಚಿರಾತ್ || 46 || ಏವಮಾಶ್ವಸ್ಯ ವೈದೇಹೀಂ ಹನೂಮಾನ್ಮಾರುತಾತ್ಮಜ: | ಗಮನಾಯ ಮತಿಂ ಕೃತ್ವಾ ವೈದೇಹೀಂ ಪುನರಬ್ರವೀತ್ || 47 || ತಮರಿಘ್ನಂ ಕೃತಾತ್ಮಾನಂ ಕ್ಷಿಪ್ರಂ ದ್ರಕ್ಷ್ಯಸಿ ರಾಘವಂ | ಲಕ್ಷ್ಮಣಂ ಚ ಧನುಷ್ಪಾಣಿಂ ಲಂಕಾದ್ವಾರಮುಪಸ್ಥಿತಂ || 48 || ನಖದಂಷ್ಟ್ರಾಯುಧಾನ್ ವೀರಾನ್ ಸಿಂಹಶಾರ್ದೂಲ ವಿಕ್ರಮಾನ್ | ವಾನರಾನ್ ವಾರಣೇಂದ್ರಾಭಾಂಕ್ಷಿಪ್ರಂ ದ್ರಕ್ಷ್ಯಸಿ ಸಂಗತಾನ್ || 49 || ಶೈಲಾಂಬುದನಿಕಾಶಾನಾಂ ಲಂಕಾಮಲಯಸಾನುಷು | ನರ್ದತಾಂ ಕಪಿಮುಖ್ಯಾನಾಮಾರ್ಯೇ ಯೂಥಾನ್ಯನೇಕಶ: || 50 || ಸ ತು ಮರ್ಮಣಿ ಘೋರೇಣ ತಾಡಿತೋ ಮನ್ಮಥೇಷುಣಾ | ನ ಶರ್ಮ ಲಭತೇ ರಾಮ: ಸಿಂಹಾರ್ದಿತ ಇವ ದ್ವಿಪ: || 51 || ಮಾ ರುದೋ ದೇವಿ ಶೋಕೇನ ಮಾ ಭೂತ್ತೇ ಮನಸೋ„ಪ್ರಿಯಂ | ಶಚೀವ ಪಥ್ಯಾ ಶಕ್ರೇಣ ಭತ್ರ್ರಾ ನಾಥವತೀ ಹ್ಯಸಿ || 52 || ರಾಮಾದ್ವಿಶಿಷ್ಟ: ಕೋ„ನ್ಯೋ„ಸ್ತಿ ಕಶ್ಚಿತ್ಸೌಮಿತ್ರಿಣಾ ಸಮ: | ಅಗ್ನಿಮಾರುತಕಲ್ಪೌ ತೌ ಭ್ರಾತರೌ ತವ ಸಂಶ್ರಯೌ || 53 || ನಾಸ್ಮಿಂಶ್ಚಿರಂ ವತ್ಸ್ಯಸಿ ದೇವಿ ದೇಶೇ ರಕ್ಷೋಗಣೈರಧ್ಯುಷಿತೋ„ತಿರೌದ್ರೇ | ನ ತೇ ಚಿರಾದಾಗಮನಂ ಪ್ರಿಯಸ್ಯ ಕ್ಷಮಸ್ವ ಮತ್ಸಂಗಮಕಾಲಮಾತ್ರಂ || 54 || || ಇತಿ ಏಕೋನಚತ್ವಾರಿಂಶ: ಸರ್ಗ: ||
ಶ್ರುತ್ವಾ ತು ವಚನಂ ತಸ್ಯ ವಾಯುಸೂನೋರ್ಮಹಾತ್ಮನ: | ಉವಾಚಾತ್ಮಹಿತಂ ವಾಕ್ಯಂ ಸೀತಾ ಸುರಸುತೋಪಮಾ || 1 || ತ್ವಾಂ ದೃಷ್ಟ್ವಾ ಪ್ರಿಯವಕ್ತಾರಂ ಸಂಪ್ರಹೃಷ್ಯಾಮಿ ವಾನರ | ಅರ್ಧಸಂಜಾತಸಸ್ಯೇವ ವೃಷ್ಟಿಂ ಪ್ರಾಪ್ಯ ವಸುಂಧರಾ || 2 || ಯಥಾ ತಂ ಪುರುಷವ್ಯಾಘ್ರಂ ಗಾತ್ರೈ: ಶೋಕಾಭಿಕರ್ಶಿತೈ: | ಸಂಸ್ಪೃಶೇಯಂ ಸಕಾಮಾಹಂ ತಥಾ ಕುರು ದಯಾಂ ಮಯಿ || 3 || ಅಭಿಜ್ಞಾನಂ ಚ ರಾಮಸ್ಯ ದತ್ತಂ ಹರಿಗಣೋತ್ತಮ | ಕ್ಷಿಪ್ತಾಮೀಷಿಕಾಂ ಕಾಕಸ್ಯ ಕೋಪಾದೇಕಾಕ್ಷಿಶಾತನೀಂ 4 || ಮನ:ಶಿಲಾಯಾಸ್ತಿಕಲೋ ಗಂಡಪಾಶ್ರ್ವೇ ನಿವೇಶಿತ: | ತ್ವಯಾ ಪ್ರನಷ್ಟೇ ತಿಲಕೇ ತಂ ಕಿಲ ಸ್ಮರ್ತುಮರ್ಹಸಿ || 5 || ಸ ವೀರ್ಯವಾಂಕಥಂ ಸೀತಾಂ ಹೃತಾಂ ಸಮನುಮನ್ಯಸೇ | ವಸಂತೀಂ ರಕ್ಷಸಾಂ ಮಧ್ಯೇ ಮಹೇಂದ್ರವರುಣೋಪಮ || 6 || ಏಷ ಚೂಡಾಮಣಿರ್ದಿವ್ಯೋ ಮಯಾ ಸುಪರಿರಕ್ಷಿತ: | ಏತಂ ದೃಷ್ಟ್ವಾ ಪ್ರಹೃಷ್ಯಾಮಿ ವ್ಯಸನೇ ತ್ವಾಮಿವಾನಘ || 7 || ಏಷ ನಿರ್ಯಾತಿತ: ಶ್ರೀಮಾನ್ಮಯಾ ತೇ ವಾರಿಸಂಭವ: | ಅತ: ಪರಂ ನ ಶಕ್ಷ್ಯಾಮಿ ಜೀವಿತುಂ ಶೋಕಲಾಲಸಾ || 8 || ಅಸಹ್ಯಾನಿ ಚ ದು:ಖಾನಿ ವಾಚಶ್ಚ ಹೃದಯಚ್ಛಿದ: | ರಾಕ್ಷಸೀನಾಂ ಸುಘೋರಾಣಾಂ ತ್ವತ್ಕೃತೇ ಮರ್ಷಯಾಮ್ಯಹಂ || 9 || ಧಾರಯಿಷ್ಯಾಮಿ ಮಾಸಂ ತು ಜೀವಿತಂ ಶತ್ರುಸೂದನ | ಮಾಸಾದೂಧ್ರ್ವಂ ನ ಜೀವಿಷ್ಯೇ ತ್ವಯಾ ಹೀನಾ ನೃಪಾತ್ಮಜ || 10 || ಘೋರೋ ರಾಕ್ಷಸರಾಜೋ„ಯಂ ದೃಷ್ಟಿಶ್ಚ ನ ಸುಖಾ ಮಯಿ | ತ್ವಾಂ ಚ ಶ್ರುತ್ವಾ ವಿಪದ್ಯಂತಂ ನ ಜೀವೇಯಮಹಂ ಕ್ಷಣಂ || 11 || ವೈದೇಹ್ಯಾ ವಚನಂ ಶ್ರುತ್ವಾ ಕರುಣಂ ಸಾಶ್ರುಭಾಷಿತಂ | ಅಥಾಬ್ರವೀನ್ಮಹಾತೇಜಾ ಹನುಮಾನ್ಮಾರುತಾತ್ಮಜ: || 12 || ತ್ವಚ್ಛೋಕವಿಮುಖೋ ರಾಮೋ ದೇವಿ ಸತ್ಯೇನ ತೇ ಶಪೇ | ರಾಮೇ ಶೋಕಾಭಿಭೂತೇ ತು ಲಕ್ಷ್ಮಣ: ಪರಿತಪ್ಯತೇ || 13 || ಕಥಂಚಿತ್ ಭವತೀ ದೃಷ್ಟಾ ನ ಕಾಲಃ ಪರಿಶೋಚಿತುಂ | ಇಮಂ ಮುಹೂರ್ತಂ ದು:ಖಾನಾಮಂತಂ ದ್ರಕ್ಷ್ಯಸಿ ಭಾಮಿನಿ || 14 || ತಾವುಭೌ ಪುರುಷವ್ಯಾಘ್ರೌ ರಾಜಪುತ್ರಾವನಿಂದಿತೌ | ತ್ವದ್ದರ್ಶನಕೃತೋತ್ಸಾಹೌ ಲಂಕಾಂ ಭಸ್ಮೀಕರಿಷ್ಯತ: || 15 || ಹತ್ವಾ ತು ಸಮರೇ ಕ್ರೂರಂ ರಾವಣಂ ಸಹ ಬಾಂಧವಂ | ರಾಘವೌ ತ್ವಾಂ ವಿಶಾಲಾಕ್ಷಿ ಸ್ವಾಂ ಪುರೀಂ ಪ್ರಾಪಯಿಷ್ಯತ: || 16 || ಯತ್ತು ರಾಮೋ ವಿಜಾನೀಯಾದಭಿಜ್ಞಾನಮನಿಂದಿತೇ | ಪ್ರೀತಿಸಂಜನನಂ ತಸ್ಯ ಭೂಯಸ್ತ್ವಂ ದಾತುಮರ್ಹಸಿ || 17 || ಸಾಬ್ರವೀದ್ದತ್ತಮೇವೇಹ ಮಯಾಭಿಜ್ಞಾನಮುತ್ತಮಂ | ಏತದೇವ ಹಿ ರಾಮಸ್ಯ ದೃಷ್ಟ್ವಾ ಮತ್ಕೇಶಭೂಷಣಂ || 18 || ಶ್ರದ್ಧೇಯಂ ಹನುಮನ್ವಾಕ್ಯಂ ತವ ವೀರ ಭವಿಷ್ಯತಿ | ಸ ತಂ ಮಣಿವರಂ ಗೃಹ್ಯ ಶ್ರೀಮಾನ್ಪ್ಲವಗಸತ್ತಮ: || 19 || ಪ್ರಣಮ್ಯ ಶಿರಸಾ ದೇವೀಂ ಗಮನಾಯೋಪಚಕ್ರಮೇ | ತಮುತ್ಪಾತಕೃತೋತ್ಸಾಹಮವೇಕ್ಷ್ಯ ಹರಿಪುಂಗವಂ || 20 || ವರ್ಧಮಾನಂ ಮಹಾವೇಗಮುವಾಚ ಜನಕಾತ್ಮಜಾ | ಅಶ್ರುಪೂರ್ಣಮುಖೀ ದೀನಾ ಬಾಷ್ಪಗದ್ಗದಯಾ ಗಿರಾ || 21 || ಹನೂಮನ್ಸಿಂಹಸಂಕಾಶೌ ಭ್ರಾತರೌ ರಾಮಲಕ್ಷ್ಮಣೌ | ಸುಗ್ರೀವಂ ಚ ಸಹಾಮಾತ್ಯಂ ಸರ್ವಾನ್ಬ್ರೂಯಾ ಅನಾಮಯಂ || 22 || ಯಥಾ ಚ ಸ ಮಹಾಬಾಹುರ್ಮಾಂ ತಾರಯತಿ ರಾಘವ: | ಅಸ್ಮಾತ್ ದು:ಖಾಂಬು ಸಂರೋಧಾತ್ತತ್ ಸಮಾಧಾತುಮರ್ಹಸಿ || 23 || ಇಮಂ ಚ ತೀವ್ರಂ ಮಮ ಶೋಕವೇಗಂ ರಕ್ಷೋಭಿರೇಭಿ: ಪರಿಭತ್ರ್ಸನಂ ಚ | ಬ್ರೂಯಾಸ್ತು ರಾಮಸ್ಯ ಗತ: ಸಮೀಪಂ ಶಿವಶ್ಚ ತೇ„ಧ್ವಾಸ್ತು ಹರಿಪ್ರವೀರ || 24 || ಸ ರಾಜಪುತ್ರ್ಯಾ ಪ್ರತಿವೇದಿತಾರ್ಥ: ಕಪಿ: ಕೃತಾರ್ಥ: ಪರಿಹೃಷ್ಟಚೇತಾ: | ತದಲ್ಪಶೇಷಂ ಪ್ರಸಮೀಕ್ಷ್ಯ ಕಾರ್ಯಂ ದಿಶಂ ಹ್ಯುದೀಚೀಂ ಮನಸಾ ಜಗಾಮ || 24 || || ಇತಿ ಚತ್ವಾರಿಂಶ: ಸರ್ಗ: ||
ಸ ಚ ವಾಗ್ಭಿ: ಪ್ರಶಸ್ತಾಭಿರ್ಗಮಿಷ್ಯನ್ಪೂಜಿತಸ್ತಯಾ | ತಸ್ಮಾದ್ದೇಶಾದಪಕ್ರಮ್ಯ ಚಿಂತಯಾಮಾಸ ವಾನರ: || 1 || ಅಲ್ಪಶೇಷಮಿದಂ ಕಾರ್ಯಂ ದೃಷ್ಟೇಯಮಸಿತೇಕ್ಷಣಾ | ತ್ರೀನುಪಾಯಾನತಿಕ್ರಮ್ಯ ಚತುರ್ಥ ಇಹ ದೃಶ್ಯತೇ || 2 || ನ ಸಾಮ ರಕ್ಷ:ಸು ಗುಣಾಯ ಕಲ್ಪತೇ ನ ದನಮರ್ಥೋಪಚಿತೇಷು ವರ್ತತೇ | ನ ಭೇದಸಾಧ್ಯಾ ಬಲದರ್ಪಿತಾ ಜನಾ: ಪರಾಕ್ರಮಸ್ತ್ವೇಷ ಮಮೇಹ ರೋಚತೇ || 3 || ನ ಚಾಸ್ಯ ಕಾರ್ಯಸ್ಯ ಪರಾಕ್ರಮಾದೃತೇ ವಿನಿಶ್ಚಯ: ಕಶ್ಚಿದಿಹೋಪಪದ್ಯತೇ | ಹೃತಪ್ರವೀರಾಸ್ತು ರಣೇ ಹಿ ರಾಕ್ಷಸಾ: ಕಥಂ ಚಿದೀಯುರ್ಯದಿಹಾದ್ಯ ಮಾರ್ದವಂ || 4 || ಕಾರ್ಯೇ ಕರ್ಮಣಿ ನಿರ್ದಿಷ್ಟೋ ಯೋ ಬಹೂನ್ಯಪಿ ಸಾಧಯೇತ್ | ಪೂರ್ವಕಾರ್ಯವಿರೋಧೇನ ಸ ಕಾರ್ಯಂ ಕರ್ತುಮರ್ಹತಿ || 5 || ನ ಹ್ಯೇಕ: ಸಾಧಕೋ ಹೇತು: ಸ್ವಲ್ಪಸ್ಯಾಪೀಹ ಕರ್ಮಣ: | ಯೋ ಹ್ಯರ್ಥಂ ಬಹುಧಾ ವೇದ ಸ ಸಮರ್ಥೋ„ರ್ಥಸಾಧನೇ || 6 || ಇಹೈವ ತಾವತ್ಕೃತನಿಶ್ಚಯೋ ಹ್ಯಹಂ ಯದಿ ವ್ರಜೇಯಂ ಪ್ಲವಗೇಶ್ವರಾಲಯಂ | ಪರಾತ್ಮಸಂಮರ್ದ ವಿಶೇಷತತ್ತ್ವವಿತ್ ತತ: ಕೃತಂ ಸ್ಯಾನ್ಮಮ ಭರ್ತೃಶಾಸನಂ || 7 || ಕಥಂ ನು ಖಲ್ವದ್ಯ ಭವೇತ್ಸುಖಾಗತಂ ಪ್ರಸಹ್ಯ ಯುದ್ಧಂ ಮಮ ರಾಕ್ಷಸೈ: ಸಹ | ತಥೈವ ಖಲ್ವಾತ್ಮಬಲಂ ಚ ಸಾರವತ್ ಸಮಾನಯೇನ್ಮಾಂ ಚ ರಣೇ ದಶಾನನ: || 8 || ತತಃ ಸಮಾಸಾದ್ಯ ರಣೇ ದಶಾನನಂ | ಸಮಂತ್ರಿವರ್ಗಂ ಸಬಲಪ್ರಯಾಯಿನಂ | ಹೃದಿ ಸ್ಥಿತಂ ತಸ್ಯ ಮತಂ ಬಲಂ ಚ ವೈ | ಸುಖೇನ ಮತ್ತ್ವಾ„ಹಮಿತಃ ಪುನವ್ರ್ರಜೇ || 9 || ಇದಮಸ್ಯ ನೃಶಂಸಸ್ಯ ನಂದನೋಪಮಮುತ್ತಮಂ ವನಂ ನೇತ್ರಮನ:ಕಾಂತಂ ನಾನಾದ್ರುಮಲತಾಯುತಂ || 10 || ಇದಂ ವಿಧ್ವಂಸಯಿಷ್ಯಾಮಿ ಶುಷ್ಕಂ ವನಮಿವಾನಲ: | ಅಸ್ಮಿನ್ಭಗ್ನೇ ತತ: ಕೋಪಂ ಕರಿಷ್ಯತಿ ಸ ರಾವಣ: || 11 || ತತೋ ಮಹತ್ಸಾಶ್ವಮಹಾರಥದ್ವಿಪಂ ಬಲಂ ಸಮಾನೇಷ್ವಪಿ ರಾಕ್ಷಸಾಧಿಪ: | ತ್ರಿಶೂಲಕಾಲಾಯಸಪಟ್ಟಿಶಾಯುಧಂ ತತೋ ಮಹದ್ಯುದ್ಧಮಿದಂ ಭವಿಷ್ಯತಿ || 12 || ಅಹಂ ತು ತೈ: ಸಂಯತಿ ಚಂಡವಿಕ್ರಮೈ: ಸಮೇತ್ಯ ರಕ್ಷೋಭಿರಸಂಗವಿಕ್ರಮ: | ನಿಹತ್ಯ ತದ್ರಾವಣಚೋದಿತಂ ಬಲಂ ಸುಖಂ ಗಮಿಷ್ಯಾಮಿ ಕಪೀಶ್ವರಾಲಯಂ || 13 || ತತೋ ಮಾರುತವತ್ಕ್ರುದ್ಧೋ ಮಾರುತಿರ್ಭೀಮವಿಕ್ರಮ: | ಊರುವೇಗೇನ ಮಹತಾ ದ್ರುಮಾನ್ಕ್ಷೇಪ್ತುಮಥಾರಭತ್ || 14 || ತತಸ್ತು ಹನುಮಾನ್ವೀರೋ ಬಭಂಜ ಪ್ರಮದಾವನಂ | ಮತ್ತದ್ವಿಜಸಮಾಘುಷ್ಟಂ ನಾನಾದ್ರುಮಲತಾಯುತಂ || 15 || ತದ್ವನಂ ಮಥಿತೈರ್ವೃಕ್ಷೈರ್ಭಿನ್ನೈಶ್ಚ ಸಲಿಲಾಶಯೈ: | ಚೂರ್ಣಿತೈ: ಪರ್ವತಾಗ್ರೈಶ್ಚ ಬಭೂವಾಪ್ರಿಯದರ್ಶನಂ || 16 || ನಾನಾಶಕುಂತವಿರುತೈಃ ಪ್ರಭಿನ್ನೈಃ ಸಲಿಲಾಶಯೈಃ | ತಾಮ್ರೈ: ಕಿಲಸಯೈ: ಕ್ಲಾಂತೈಃ ಕ್ಲಾಂತದ್ರುಮಲತಾಯಿತಂ || 17 || ನ ಬಭೌ ತದ್ವನಂ ತತ್ರ ದಾವಾನಲಹತಂ ಯಥಾ | ವ್ಯಾಕುಲಾವರಣಾ ರೇಜುರ್ವಿಹ್ವಲಾ ಇವ ತಾ ಲತಾ: || 18 || ಲತಾಗೃಹೈಶ್ಚಿತ್ರಗೃಹೈಶ್ಚ ನಾಶಿತೈರ್ ಮಹೋರಗೈವ್ರ್ಯಾಲಮೃಗೈಶ್ಚ ನಿರ್ಧುತೈ: | ಶಿಲಾಗೃಹೈರುನ್ಮಥಿತೈಸ್ತಥಾ ಗೃಹೈ: ಪ್ರನಷ್ಟರೂಪಂ ತದಭೂನ್ಮಹದ್ವನಂ || 19 || ಸಾವಿಹ್ವಲಾ„ಶೋಕಲತಾಪ್ರತಾನಾ | ವನಸ್ಥಲೀ ಶೋಕಲತಾಪ್ರತಾನಾ | ಜಾತಾ ದಶಾಸ್ಯಪ್ರಮದಾವನಸ್ಯ | ಕಪೇರ್ಬಲಾದ್ಧಿ ಪ್ರಮದಾವನಸ್ಯ || 20 || ಸ ತಸ್ಯ ಕೃತ್ವಾರ್ಥಪತೇರ್ಮಹಾಕಪಿರ್ ಮಹದ್ವ್ಯಲೀಕಂ ಮನಸೋ ಮಹಾತ್ಮನ: | ಯುಯುತ್ಸುರೇಕೋ ಬಹುಭಿರ್ಮಹಾಬಲೈ: ಶ್ರಿಯಾ ಜ್ವಲಂಸ್ತೋರಣಮಾಶ್ರಿತ: ಕಪಿ: || 21 || || ಇತಿ ಏಕಚತ್ವಾರಿಂಶ: ಸರ್ಗ: ||
ತತ: ಪಕ್ಷಿನಿನಾದೇನ ವೃಕ್ಷಭಂಗಸ್ವನೇನ ಚ | ಬಭೂವುಸ್ತ್ರಾಸಸಂಭ್ರಾಂತಾ: ಸರ್ವೇ ಲಂಕಾನಿವಾಸಿನ: || 1 || ವಿದ್ರುತಾಶ್ಚ ಭಯತ್ರಸ್ತಾ ವಿನೇದುರ್ಮೃಗಪಕ್ಷುಣ: | ರಕ್ಷಸಾಂ ಚ ನಿಮಿತ್ತಾನಿ ಕ್ರೂರಾಣಿ ಪ್ರತಿಪೇದಿರೇ || 2 || ತತೋ ಗತಾಯಾಂ ನಿದ್ರಾಯಾಂ ರಾಕ್ಷಸ್ಯೋ ವಿಕೃತಾನನಾ: | ತದ್ವನಂ ದದೃಶುರ್ಭಗ್ನಂ ತಂ ಚ ವೀರಂ ಮಹಾಕಪಿಂ || 3 || ಸ ತಾ ದೃಷ್ಟ್ವ ಮಹಾಬಾಹುರ್ಮಹಾಸತ್ತ್ವೋ ಮಹಾಬಲ: | ಚಕಾರ ಸುಮಹದ್ರೂಪಂ ರಾಕ್ಷಸೀನಾಂ ಭಯಾವಹಂ || 4 || ತತಸ್ತಂ ಗಿರಿಸಂಕಾಶಮತಿಕಾಯಂ ಮಹಾಬಲಂ | ರಾಕ್ಷಸ್ಯೋ ವಾನರಂ ದೃಷ್ಟ್ವಾ ಪಪ್ರಚ್ಛುರ್ಜನಕಾತ್ಮಜಾಂ || 5 || ಕೋ„ಯಂ ಕಸ್ಯ ಕುತೋ ವಾಯಂ ಕಿಂನಿಮಿತ್ತಮಿಹಾಗತ: | ಕಥಂ ತ್ವಯಾ ಸಹಾನೇನ ಸಂವಾದ: ಕೃತ ಇತ್ಯುತ || 6 || ಆಚಕ್ಷ್ವ ನೋ ವಿಶಾಲಾಕ್ಷಿ ಮಾ ಭೂತ್ತೇ ಸುಭಗೇ ಭಯಂ | ಸಂವಾದಮಸಿತಾಪಾಂಗೇ ತ್ವಯಾ ಕಿಂ ಕೃತವಾನಯಂ || 7 || ಅಥಾಬ್ರವೀತ್ತದಾ ಸಾಧ್ವೀ ಸೀತಾ ಸರ್ವಾಂಗಶೋಭನಾ | ರಕ್ಷಸಾಂ ಕಾಮರೂಪಾಣಾಂ ವಿಜ್ಜಾನೇ ಮಮ ಕಾ ಗತಿ: || 8 || ಯೂಯಮೇವಾಸ್ಯ ಜಾನೀತ ಯೋ„ಯಂ ಯದ್ವಾ ಕರಿಷ್ಯತಿ | ಅಹಿರೇವ ಅಹೇ: ಪಾದಾನ್ವಿಜಾನಾತಿ ನ ಸಂಶಯ: || 9 || ಅಹಮಪ್ಯಸ್ಯ ಭೀತಾಸ್ಮಿ ನೈನಂ ಜಾನಾಮಿ ಕೋ„ನ್ವಯಂ | ವೇದ್ಮಿ ರಾಕ್ಷಸಮೇವೈನಂ ಕಾಮರೂಪಿಣಮಾಗತಂ || 10 || ವೈದೇಹ್ಯಾ ವಚನಂ ಶ್ರುತ್ವಾ ರಾಕ್ಷಸ್ಯೋ ವಿದ್ರುತಾ ದ್ರುತಂ | ಸ್ಥಿತಾ: ಕಾಶ್ಚಿದ್ಗತಾ: ಕಾಶ್ಚಿದ್ರಾವಣಾಯ ನಿವೇದಿತುಂ || 11 || ರಾವಣಸ್ಯ ಸಮೀಪೇ ತು ರಾಕ್ಷಸ್ಯೋ ವಿಕೃತಾನನಾ: | ವಿರೂಪಂ ವಾನರಂ ಭೀಮಮಾಖ್ಯತುಮುಪಚಕ್ರಮು: || 12 || ಅಶೋಕವನಿಕಾ ಮಧ್ಯೇ ರಾಜನ್ಭೀಮವಪು: ಕಪಿ: | ಸೀತಯಾ ಕೃತಸಂವಾದಸ್ತಿಷ್ಠತ್ಯಮಿತವಿಕ್ರಮ: || 13 || ನ ಚ ತಂ ಜಾನಕೀ ಸೀತಾ ಹರಿಂ ಹರಿಣಲೋಚನಾ | ಅಸ್ಮಾಭಿರ್ಬಹುಧಾ ಪೃಷ್ಟಾ ನಿವೇದಯಿತುಮಿಚ್ಛತಿ || 14 || ವಾಸವಸ್ಯ ಭವೇದ್ದೂತೋ ದೂತೋ ವೈಶ್ರವಣಸ್ಯ ವಾ | ಪ್ರೇಷಿತೋ ವಾಪಿ ರಾಮೇಣ ಸೀತಾನ್ವೇಷಣಕಾಂಕ್ಷಯಾ || 15 || ತೇನ ತ್ವದ್ಭೂತರೂಪೇಣ ಯತ್ತತ್ತವ ಮನೋಹರಂ | ನಾನಾಮೃಗಗಣಾಕೀರ್ಣಂ ಪ್ರಮೃಷ್ಟಂ ಪ್ರಮದಾವನಂ || 16 || ನ ತತ್ರ ಕಶ್ಚಿದುದ್ದೇಶೋ ಯಸ್ತೇನ ನ ವಿನಾಶಿತ: | ಯತ್ರ ಸಾ ಜಾನಕೀ ಸೀತಾ ಸ ತೇನ ನ ವಿನಾಶಿತ: || 17 || ಜಾನಕೀರಕ್ಷಣಾರ್ಥಂ ವಾ ಶ್ರಮಾದ್ವಾ ನೋಪಲಭ್ಯತೇ | ಅಥ ವಾ ಕ: ಶ್ರಮಸ್ತಸ್ಯ ಸೈವ ತೇನಾಭಿರಕ್ಷಿತಾ || 18 || ಚಾರುಪಲ್ಲವಪತ್ರಾಢ್ಯಂ ಯಂ ಸೀತಾ ಸ್ವಯಮಾಸ್ಥಿತಾ | ಪ್ರವೃದ್ಧ: ಶಿಂಶಪಾವೃಕ್ಷ: ಸ ಚ ತೇನಾಭಿರಕ್ಷಿತ: || 19 || ತಸ್ಯೋಗ್ರರೂಪಸ್ಯೋಗ್ರಂ ತ್ವಂ ದಂಡಮಾಜ್ಜಾತುಮರ್ಹಸಿ | ಸೀತಾ ಸಂಭಾಷಿತಾ ಯೇನ ತದ್ವನಂ ಚ ವಿನಾಶಿತಂ || 20 || ಮನ:ಪರಿಗೃಹೀತಾಂ ತಾಂ ತವ ರಕ್ಷೋಗಣೇಶ್ವರ | ಕ: ಸೀತಾಮಭಿಭಾಷೇತ ಯೋ ನ ಸ್ಯಾತ್ತ್ಯಕ್ತಜೀವಿತ: || 21 || ರಾಕ್ಷಸೀನಾಂ ವಚ: ಶ್ರುತ್ವಾ ರಾವಣೋ ರಾಕ್ಷಸೇಶ್ವರ: | ಹುತಾಗಿರಿವ ಜಜ್ವಾಲ ಕೋಪಸಂವರ್ತಿತೇಕ್ಷಣ: || 22 || ತಸ್ಯ ಕ್ರುದ್ಧಸ್ಯ ನೇತ್ರಾಭ್ಯಾಂ ಪ್ರಾಪತನ್ನಸ್ರಬಿಂದವ: | ದೀಪ್ತಾಭ್ಯಾಮಿವ ಜಜ್ವಾಲ ಕೋಪಸಂವರ್ತಿತೇಕ್ಷಣ: || 23 || ಆತ್ಮನ: ಸದೃಶಾನ್ ಶೂರಾನ್ ಕಿಂಕರಾನ್ನಾಮ ರಾಕ್ಷಸಾನ್ | ವ್ಯಾದಿದೇಶ ಮಹಾತೇಜಾ ನಿಗ್ರಹಾರ್ಥಂ ಹನೂಮತ: || 24 || ತೇಷಾಮಶೀತಿಸಾಹಸ್ರಂ ಕಿಂಕರಾಣಾಂ ತರಸ್ವಿನಾಂ | ನಿರ್ಯಯುರ್ಭವನಾತ್ ತಸ್ಮಾತ್ ಕೂಟಮುದ್ಗರಪಾಣಯ: || 25 || ಮಹೋದರಾ ಮಹಾದಂಷ್ಟ್ರಾ ಘೋರರೂಪಾ ಮಹಾಬಲಾ: | ಯುದ್ಧಾಭಿಮನಸ: ಸರ್ವೇ ಹನೂಮದ್ಗ್ರಹಣೋನ್ಮುಖಾ: || 26 || ತೇ ಕಪಿಂ ತಂ ಸಮಾಸಾದ್ಯ ತೋರಣಸ್ಥಮವಸ್ಥಿತಂ | ಅಭಿಪೇತುರ್ಮಹಾವೇಗಾ: ಪತಂಗಾ ಇವ ಪಾವಕಂ || 27 || ತೇ ಗದಾಭಿರ್ವಿಚಿತ್ರಾಭಿ: ಪರಿಘೈ: ಕಾಂಚನಾಂಗದೈ: | ಆಜಘ್ನುರ್ವಾನರಶ್ರೇಷ್ಠಂ ಶರೈರಾದಿತ್ಯಸನ್ನಿಭೈ: || 28 || ಮುದ್ಗರೈ: ಪಟ್ಟಿಸೈ: ಶೂಲೈ: ಪ್ರಾಸತೋಮರಶಕ್ತಿಭಿ: | ಪರಿವಾರ್ಯ ಹನೂಮಂತಂ ಸಹಸಾ ತಸ್ಥುರಗ್ರತ: || 29 || ಹನೂಮಾನಪಿ ತೇಜಸ್ವೀ ಶ್ರೀಮಾನ್ಪರ್ವತಸನ್ನಿಭ: | ಕ್ಷಿತಾವಾವಿಧ್ಯ ಲಾಂಗೂಲಂ ನನಾದ ಚ ಮಹಾಸ್ವನಂ || 30 || ಸ ಭೂತ್ವಾ ಸುಮಹಾಕಾಯೋ ಹನುಮಾನ್ ಮಾರುತಾತ್ಮಜ: | ಧೃಷ್ಟಮಾಸ್ಫೋಟಯಾಮಾಸ ಲಂಕಾಂ ಶಬ್ದೇನ ಪೂರಯನ್ || 31 || ತಸ್ಯಸ್ಫೋಟಿತಶಬ್ದೇನ ಮಹತಾ ಸಾನುನಾದಿನಾ | ಪೇತುರ್ವಿಹಂಗಾ ಗಗನಾದುಚ್ಚೈಶ್ಚೇದಮಘೋಯತ್ || 32 || ಜಯತ್ಯತಿಬಲೋ ರಾಮೋ ಲಕ್ಷ್ಮಣಶ್ಚ ಮಹಾಬಲ: | ರಾಜಾ ಜಯತಿ ಸುಗ್ರೀವೋ ರಾಘವೇಣಾಭಿಪಾಲಿತ: || 33 || ದಾಸೋ„ಹಂ ಕೋಸಲೇಂದ್ರಸ್ಯ ರಾಮಸ್ಯಾಕ್ಲಿಷ್ಟಕರ್ಮಣ: | ಹನುಮಾನ್ ಶತ್ರುಸೈನ್ಯಾನಾಂ ನಿಹಂತಾ ಮಾರುತಾತ್ಮಜ: || 34 || ನ ರಾವಣಸಹಸ್ರಂ ಮೇ ಯುದ್ಧೇ ಪ್ರತಿಬಲಂ ಭವೇತ್ | ಶಿಲಾಭಿಸ್ತು ಪ್ರಹರತ: ಪಾದಪೈಶ್ಚ ಸಹಸ್ರಶ: || 35 || ಅರ್ದಯಿತ್ವಾ ಪುರೀಂ ಲಂಕಾಮಭಿವಾದ್ಯ ಚ ಮೈಥಿಲೀಂ | ಸಮೃದ್ಧಾರ್ಥೋ ಗಮಿಷ್ಯಾಮಿ ಮಿಷತಾಂ ಸರ್ವರಕ್ಷಸಾಂ || 36 || ತಸ್ಯ ಸನ್ನಾದ ಶಬ್ದೇನ ತೇ ಅಭವನ್ ಭಯ ಶಂಕಿತಾ: | ದದೃಶು: ಚ ಹನೂಮಂತಂ ಸಂಧ್ಯಾ ಮೇಘಂ ಇವ ಉನ್ನತಂ || 37 || ಸ್ವಾಮಿ ಸಂದೇಶ ನಿ:ಶಂಕಾ: ತತ: ತೇ ರಾಕ್ಷಸಾ: ಕಪಿಂ | ಚಿತ್ರೈ: ಪ್ರಹರಣೈ: ಭೀಮೈ: ಅಭಿಪೇತು: ತತ: ತತ: || 38 || ಸ ತೈ: ಪರಿವೃತ: ಶೂರೈ: ಸರ್ವತ: ಸ ಮಹಾಬಲ: | ಆಸಸಾದಾಯಸಂ ಭೀಮಂ ಪರಿಘಂ ತೋರಣಾಶ್ರಿತಂ || 39 || ಸ ತಂ ಪರಿಘಮಾದಾಯ ಜಘಾನ ರಜನೀಚರಾನ್ | ಸ ಪನ್ನಗಮಿವಾದಾಯ ಸ್ಫುರಂತಂ ವಿನತಾಸುತ: || 40 || ವಿಚಚಾರಾಂಬರೇ ವೀರ: ಪರಿಗೃಹ್ಯ ಚ ಮಾರುತಿ: | ಸ ಹತ್ವಾ ರಾಕ್ಷಸಾನ್ವೀರ: ಕಿಂಕರಾನ್ಮಾರುತಾತ್ಮಜ: || 41 || ಯುದ್ಧಾಕಾಂಕ್ಷೀ ಪುನರ್ವೀರಸ್ತೋರಣಂ ಸಮುಪಸ್ಥಿತ: | ತತಸ್ತಸ್ಮಾದ್ಭಯಾನ್ಮುಕ್ತಾ: ಕತಿ ಚಿತ್ತತ್ರ ರಾಕ್ಷಸಾ: || 42 || ನಿಹತಾನ್ ಕಿಂಕರಾನ್ ಸರ್ವಾನ್ ರಾವಣಾಯ ನ್ಯವೇದಯನ್ | ಸ ರಾಕ್ಷಸಾನಾಂ ನಿಹತಂ ಮಹಾಬಲಂ | ನಿಶಮ್ಯ ರಾಜಾ ಪರಿವೃತ್ತಲೋಚನ: | ಸಮಾದಿದೇಶಾಪ್ರತಿಮಂ ಪರಾಕ್ರಮೇ ಪ್ರಹಸ್ತಪುತ್ರಂ ಸಮರೇ ಸುದುರ್ಜಯಂ || 43 || || ಇತಿ ದ್ವಿಚತ್ವಾರಿಂಶ: ಸರ್ಗ: ||
ತತ: ಸ ಕಿಂಕರಾನ್ ಹತ್ವಾ ಹನೂಮಾನ್ ಧ್ಯಾನಮಾಸ್ಥಿತ: | ವನಂ ಭಗ್ನಂ ಮಯಾ ಚೈತ್ಯಪ್ರಾಸಾದೋ ನ ವಿನಾಶಿತ: || 1 || ತಸ್ಮಾತ್ ಪ್ರಾಸಾದಮಪ್ಯೇವಂ ಇಮಂ ವಿಧ್ವಂಸಯಾಮ್ಯಹಂ | ಇತಿ ಸಂಚಿಂತ್ಯ ಹನುಮಾನ್ಮನಸಾ ದರ್ಶಯನ್ಬಲಂ || 2 || ಚೈತ್ಯಪ್ರಾಸಾದಮಾಪ್ಲುತ್ಯ ಮೇರುಶೃಂಗಮಿವೋನ್ನತಂ | ಆರುರೋಹ ಹರಿಶ್ರೇಷ್ಠೋ ಹನೂಮಾನ್ಮಾರುತಾತ್ಮಜ: || 3 || ಆರುಹ್ಯ ಗಿರಿಸಂಕಾಶಂ ಪ್ರಾಸಾದಂ ಹರಿಯೂಥಪ: | ಬಭೌ ಸ ಸುಮಹಾತೇಜಾ: ಪ್ರತಿಸೂರ್ಯ ಇವೋದಿತ: || 4 || ಸಂಪ್ರಧೃಷ್ಯ ಚ ದುರ್ಧರ್ಷಶ್ಚೈತ್ಯಪ್ರಾಸಾದಮುನ್ನತಂ | ಹನೂಮಾನ್ಪ್ರಜ್ವಲನ್ ಲಕ್ಷ್ಮ್ಯಾ ಪಾರಿಯಾತ್ರೋಪಮೋ„ಭವತ್ || 5 || ಸ ಭೂತ್ವಾ ತು ಮಹಾಕಾಯೋ ಹನೂಮಾನ್ಮಾರುತಾತ್ಮಜ: | ಧೃಷ್ಟಮಾಸ್ಫೋಟಯಾಮಾಸ ಲಂಕಾಂ ಶಬ್ದೇನ ಪೂರಯನ್ || 6 || ತಸ್ಯಾಸ್ಫೋಟಿತಶಬ್ದೇನ ಮಹತಾ ಶ್ರೋತ್ರಘಾತಿನಾ | ಪೇತುರ್ವಿಹಂಗಾ ಗಗನಾದುಚ್ಚೈಶ್ಚೇದಮಘೋಷಯತ್ ||7 || ಅಸ್ತ್ರವಿಜ್ಜಯತಾಂ ರಾಮೋ ಲಕ್ಷ್ಮಣಶ್ಚ ಮಹಾಬಲ: | ರಾಜಾ ಜಯತಿ ಸುಗ್ರೀವೋ ರಾಘವೇಣಾಭಿಪಾಲಿತ: || 8 || ದಾಸೋ„ಹಂ ಕೋಸಲೇಂದ್ರಸ್ಯ ರಾಮಸ್ಯಾಕ್ಲಿಷ್ಟಕರ್ಮಣ: | ಹನುಮಾನ್ಶತ್ರುಸೈನ್ಯಾನಾಂ ನಿಹಂತಾ ಮಾರುತಾತ್ಮಜ: || 9 || ನ ರಾವಣಸಹಸ್ರಂ ಮೇ ಯುದ್ಧೇ ಪ್ರತಿಬಲಂ ಭವೇತ್ | ಶಿಲಾಭಿಸ್ತು ಪ್ರಹರತ: ಪಾದಪೈಶ್ಚ ಸಹಸ್ರಶ: || 10 || ಅರ್ದಯಿತ್ವಾ ಪುರೀಂ ಲಂಕಾಮಭಿವಾದ್ಯ ಚ ಮೈಥಿಲೀಂ | ಸಮೃದ್ಧಾರ್ಥೋ ಗಮಿಷ್ಯಾಮಿ ಮಿಷತಾಂ ಸರ್ವರಕ್ಷಸಾಂ || 11 || ಏವಮುಕ್ತ್ವಾ ವಿಮಾನಸ್ಥಶ್ಚೈತ್ಯಸ್ಥಾನ್ ಹರಿಪುಂಗವ: | ನನಾದ ಭೀಮನಿಹ್ರ್ರಾದೋ ರಕ್ಷಸಾಂ ಜನಯನ್ಭಯಂ || 12 || ತೇನ ಶಬ್ದೇನ ಮಹತಾ ಚೈತ್ಯಪಾಲಾ: ಶತಂ ಯಯು: | ಗೃಹೀತ್ವಾ ವಿವಿಧಾನಸ್ತ್ರಾನ್ಪ್ರಾಸಾನ್ ಖಡ್ಗಾನ್ಪರಶ್ವಧಾನ್ || 13 || ವಿಸೃಜಂತೋ ಮಹಾಕ್ಷಯಾ ಮಾರುತಿಂ ಪರ್ಯವಾರಯನ್ | ತೇ ಗದಾಭಿರ್ವಿಚಿತ್ರಾಭಿ: ಪರಿಘೈ: ಕಾಂಚನಾಂಗದೈ: || 14 || ಅಜಘ್ನರ್ವಾನರಶ್ರೇಷ್ಠಂ ಶರೈಶ್ಚಾದಿತ್ಯಸನ್ನಿಭೈ: | ಆವರ್ತ ಇವ ಗಂಗಾಯಾ: ತೋಯಸ್ಯ ವಿಪುಲೋ ಮಹಾನ್ || 15 || ಪರಿಕ್ಷಿಪ್ಯ ಹರಿಶ್ರೇಷ್ಠಂ ಸ ಬಭೌ ರಕ್ಷಸಾಂ ಗಣ: | ತತೋ ವಾತಾತ್ಮಜ: ಕ್ರುದ್ಧೋ ಭೀಮರೂಪಂ ಸಮಾಸ್ಥಿತ: || 16 || ಪ್ರಾಸಾದಸ್ಯ ಮಹಾಂಸ್ತಸ್ಯ ಸ್ತಂಭಂ ಹೇಮಪರಿಷ್ಕೃತಂ | ಉತ್ಪಾಟಯಿತ್ವಾ ವೇಗೇನ ಹನೂಮಾನ್ಮಾರುತಾತ್ಮಜ: || 17 || ತತಸ್ತಂ ಭ್ರಾಮಯಾಮಾಸ ಶತಧಾರಂ ಮಹಾಬಲ: | ತತ್ರ ಚಾಗ್ನಿ: ಸಮಭವತ್ಪ್ರಾಸಾದಶ್ಚಾಪ್ಯದಹ್ಯತ || 18 || ದಹ್ಯಮಾನಂ ತತೋ ದೃಷ್ಟ್ವಾ ಪ್ರಾಸಾದಂ ಹರಿಯೂಥಪ: | ಸ ರಾಕ್ಷಸಶತಂ ಹತ್ವಾ ವಜ್ರೇಣೇಂದ್ರ ಇವಾಸುರಾನ್ || 19|| ಅಂತರಿಕ್ಷಸ್ಥಿತ: ಶ್ರೀಮಾನಿದಂ ವಚನಮಬ್ರವೀತ್ | ಮಾದೃಶಾನಾಂ ಸಹಸ್ರಾಣಿ ವಿಸೃಷ್ಟಾನಿ ಮಹಾತ್ಮನಾಂ || 20 || ಬಲಿನಾಂ ವಾನರೇಂದ್ರಾಣಾಂ ಸುಗ್ರೀವವಶವರ್ತಿನಾಂ | ಅಟಂತಿ ವಸುಧಾಂ ಕೃತ್ಸ್ನಾಂ ವಯಮಯೇ ಚ ವಾನರಾ: || 21 || ದಶನಾಗಬಲಾ: ಕೇಚಿತ್ಕೇಚಿದ್ದಶಗುಣೋತ್ತರಾ: | ಕೇಚಿನ್ನಾಗಸಹಸ್ರಸ್ಯ ಬಭೂವುಸ್ತುಲ್ಯವಿಕ್ರಮಾ: || 22 || ಸಂತಿ ಚೌಘಬಲಾ: ಕೇಚಿತ್ಕೇಚಿದ್ವಾಯುಬಲೋಪಮಾ: | ಅಪ್ರಮೇಯಬಲಾಶ್ಚಾನ್ಯೇ ತತ್ರಾಸನ್ ಹರಿಯೂಥಪಾ: || 23 || ಈದೃಗ್ವಿಧೈಸ್ತು ಹರಿಭಿರ್ವಋತೋ ದಂತನಖಾಯುಧೈ: | ಶತೈ: ಶತ ಸಹಸ್ರೈ: ಚ ಕೋಟೀಭಿ: ಅಯುತೈ: ಅಪಿ || 24 || ಆಗಮಿಷ್ಯತಿ ಸುಗ್ರೀವ: ಸರ್ವೇಷಾಂ ವೋ ನಿಷೂದನ: | ನೇಯಮಸ್ತಿ ಪುರೀ ಲಂಕಾ ನ ಯೂಯಂ ನ ಚ ರಾವಣ: | ಯಸ್ಮಾತ್ ಇಕ್ಷ್ವಾಕು ನಾಥೇನ ಬದ್ಧಂ ವೈರಂ ಮಹಾತ್ಮನಾ || 25 || || ಇತಿ ತ್ರಿಚತ್ವಾರಿಂಶ: ಸರ್ಗ: ||
ಸಂದಿಷ್ಟೋ ರಾಕ್ಷಸೇಂದ್ರೇಣ ಪ್ರಹಸ್ತಸ್ಯ ಸುತೋ ಬಲೀ | ಜಂಬುಮಾಲೀ ಮಹಾದಂಷ್ಟ್ರೋ ನಿರ್ಜಗಾಮ ಧನುರ್ಧರ: || 1 || ರಕ್ತಮಾಲ್ಯಾಂಬರಧರ: ಸ್ರಗ್ವೀ ರುಚಿರಕುಂಡಲ: | ಮಹಾನ್ವಿವೃತ್ತನಯನಶ್ಚಂಡ: ಸಮರದುರ್ಜಯ: || 2 || ಧನು: ಶಕ್ರಧನು: ಪ್ರಖ್ಯಂ ಮಹದ್ರುಚಿರಸಾಯಕಂ | ವಿಸ್ಫಾರಯಾಣೋ ವೇಗೇನ ವಜ್ರಾಶನಿಸಮಸ್ವನಂ || 3 || ತಸ್ಯ ವಿಸ್ಫಾರಘೋಷೇಣ ಧನುಷೋ ಮಹತಾ ದಿಶ: | ಪ್ರದಿಶಶ್ಚ ನಭಶ್ಚೈವ ಸಹಸಾ ಸಮಪೂರ್ಯತ || 4 || ರಥೇನ ಖರಯುಕ್ತೇನ ತಮಾಗತಮುದೀಕ್ಷ್ಯ ಸ: | ಹನೂಮಾನ್ವೇಗಸಂಪನ್ನೋ ಜಹರ್ಷ ಚ ನನಾದ ಚ || 5 || ತಂ ತೋರಣವಿಟಂಕಸ್ಥಂ ಹನೂಮಂತಂ ಮಹಾಕಪಿಂ | ಜಂಬುಮಾಲೀ ಮಹಾಬಾಹುರ್ವಿವ್ಯಾಧ ನಿಶಿತೈ: ಶರೈ: || 6 || ಅರ್ಧಚಂದ್ರೇಣ ವದನೇ ಶಿರಸ್ಯೇಕೇನ ಕರ್ಣಿನಾ | ಬಾಹ್ವೋರ್ವಿವ್ಯಾಧ ನಾರಾಚೈರ್ದಶಭಿಸ್ತಂ ಕಪೀಶ್ವರಂ || 7 || ತಸ್ಯ ತಚ್ಛುಶುಭೇ ತಾಮ್ರಂ ಶರೇಣಾಭಿಹತಂ ಮುಖಂ | ಶರದೀವಾಂಬುಜಂ ಫುಲ್ಲಂ ವಿದ್ಧಂ ಭಾಸ್ಕರರಶ್ಮಿನಾ || 8 || ತತ್ತಸ್ಯ ರಕ್ತಂ ರಕ್ತೇನ ರಂಜಿತಂ ಶುಶುಭೇ ಮುಖಂ | ಯಥಾಕಾಶೇ ಮಹಾಪದ್ಮಂ ಸಿಕ್ತಂ ಚಂದನಬಿಂದುಭಿ: || 9 || ಚುಕೋಪ ಬಾಣಾಭಿಹತೋ ರಾಕ್ಷಸಸ್ಯ ಮಹಾಕಪಿ: | ತತ: ಪಾಶ್ರ್ವೇ„ತಿವಿಪುಲಾಂ ದದರ್ಶ ಮಹತೀಂ ಶಿಲಾಂ || 10 || ತರಸಾ ತಾಂ ಸಮುತ್ಪಾಟ್ಯ ಚಿಕ್ಷೇಪ ಬಲವದ್ಬಲೀ | ತಾಂ ಶರೈರ್ದಶಭಿ: ಕ್ರುದ್ಧಸ್ತಾಡಯಾಮಾಸ ರಾಕ್ಷಸ: || 11 || ವಿಪನ್ನಂ ಕರ್ಮ ತದ್ದೃಷ್ಟ್ವಾ ಹನೂಮಾಂಶ್ಚಂಡವಿಕ್ರಮ: | ಸಾಲಂ ವಿಪುಲಮುತ್ಪಾಟ್ಯ ಭ್ರಾಮಯಾಮಾಸ ವೀರ್ಯವಾನ್ || 12 || ಭ್ರಾಮಯಂತಂ ಕಪಿಂ ದೃಷ್ಟ್ವಾ ಸಾಲವೃಕ್ಷಂ ಮಹಾಬಲಂ | ಚಿಕ್ಷೇಪ ಸುಬಹೂನ್ಬಾಣಾನ್ಜಂಬುಮಾಲೀ ಮಹಾಬಲ: || 13 || ಸಾಲಂ ಚತುರ್ಭಿರ್ಚಿಚ್ಛೇದ ವಾನರಂ ಪಂಚಭಿರ್ಭುಜೇ | ಉರಸ್ಯೇಕೇನ ಬಾಣೇನ ದಶಭಿಸ್ತು ಸ್ತನಾಂತರೇ || 14 || ಸ ಶರೈ: ಪೂರಿತತನು: ಕ್ರೋಧೇನ ಮಹತಾ ವೃತ: | ತಮೇವ ಪರಿಘಂ ಗೃಹ್ಯ ಭ್ರಾಮಯಾಮಾಸ ವೇಗಿತ: || 15 || ಅತಿವೇಗೋ„ತಿವೇಗೇನ ಭ್ರಾಮಯಿತ್ವಾ ಬಲೋತ್ಕಟ: | ಪರಿಘಂ ಪಾತಯಾಮಾಸ ಜಂಬುಮಾಲೇರ್ಮಹೋರಸಿ || 16 || ತಸ್ಯ ಚೈವ ಶಿರೋ ನಾಸ್ತಿ ನ ಬಾಹೂ ನ ಚ ಜಾನುನೀ | ನ ಧನುರ್ನ ರಥೋ ನಾಶ್ವಾಸ್ತತ್ರಾದೃಶ್ಯಂತ ನೇಷವ: || 17 || ಸ ಹತಸ್ತರಸಾ ತೇನ ಜಂಬುಮಾಲೀ ಮಹಾರಥ: | ಪಪಾತ ನಿಹತೋ ಭೂಮೌ ಚೂರ್ಣಿತಾಂಗವಿಭೂಷಣ: || 18 || ಜಂಬುಮಾಲಿಂ ಚ ನಿಹತಂ ಕಿಂಕರಾಂಶ್ಚ ಮಹಾಬಲಾನ್ | ಚುಕ್ರೋಧ ರಾವಣ: ಶ್ರುತ್ವಾ ಕೋಪಸಂರಕ್ತಲೋಚನ: || 19 || ಸ ರೋಷಸಂವರ್ತಿತತಾಮ್ರಲೋಚನ: ಪ್ರಹಸ್ತಪುತ್ರೇ ನಿಹತೇ ಮಹಾಬಲೇ | ಅಮಾತ್ಯಪುತ್ರಾನ್ ಅತಿವೀರ್ಯವಿಕ್ರಮಾನ್ ಸಮಾದಿದೇಶಾಶು ನಿಶಾಚರೇಶ್ವರ: || 20 || || ಇತಿ ಚತುಶ್ಚತ್ವಾರಿಂಶ: ಸರ್ಗ: ||
ತತಸ್ತೇ ರಾಕ್ಷಸೇಂದ್ರೇಣ ಚೋದಿತಾ ಮಂತ್ರಿಣ: ಸುತಾ: | ನಿರ್ಯಯುರ್ಭವನಾತ್ತಸ್ಮಾತ್ಸಪ್ತ ಸಪ್ತಾರ್ಚಿವರ್ಚಸ: || 1 || ಮಹಾಬಲಪರೀವಾರಾ ಧನುಷ್ಮಂತೋ ಮಹಾಬಲಾ: | ಕೃತಾಸ್ತ್ರಾಸ್ತ್ರವಿದಾಂ ಶ್ರೇಷ್ಠಾ: ಪರಸ್ಪರಜಯೈಷಿಣ: || 2 || ಹೇಮಜಾಲಪರಿಕ್ಷಿಪ್ತೈಧ್ರ್ವಜವದ್ಭಿ: ಪತಾಕಿಭಿ: | ತೋಯದಸ್ವನ ನಿರ್ಘೋಷೈರ್ವಾಜಿಯುಕ್ತೈರ್ಮಹಾರಥೈ: || 3 || ತಪ್ತಕಾಂಚನಚಿತ್ರಾಣಿ ಚಾಪಾನ್ಯಮಿತವಿಕ್ರಮಾ: | ವಿಸ್ಫಾರಯಂತ: ಸಂಹೃಷ್ಟಾಸ್ತಡಿದ್ವಂತ ಇವಾಂಬುದಾ: || 4 || ಜನನ್ಯಸ್ತಾಸ್ತತಸ್ತೇಷಾಂ ವಿದಿತ್ವಾ ಕಿಂಕರಾನ್ಹತಾನ್ | ಬಭೂವು: ಶೋಕಸಂಭ್ರಾಂತಾ: ಸಬಾಂಧವಸುಹೃಜ್ಜನಾ: || 5 || ತೇ ಪರಸ್ಪರಸಂಘರ್ಷಾಸ್ತಪ್ತಕಾಂಚನಭೂಷಣಾ: | ಅಭಿಪೇತುರ್ಹನೂಮಂತಂ ತೋರಣಸ್ಥಮವಸ್ಥಿತಂ || 6 || ಸೃಜಂತೋ ಬಾಣವೃಷ್ಟಿಂ ತೇ ರಥಗರ್ಜಿತನಿ:ಸ್ವನಾ: | ವೃಷ್ಟಿಮಂತ ಇವಾಂಭೋದಾ ವಿಚೇರುರ್ನೈರೃತರ್ಷಭಾ: || 7 || ಅವಕೀರ್ಣ: ತತಸ್ತಾಭಿ: ಹನೂಮಾನ್ಶರವೃಷ್ಟಿಭಿ: | ಅಭವತ್ಸಂವೃತಾಕಾರ: ಶೈಲರಾಡಿವ ವೃಷ್ಟಿಭಿ: || 8 || ಸ ಶರಾನ್ವಂಚಯಾಮಾಸ ತೇಷಾಮಾಶುಚರ: ಕಪಿ: | ರಥವೇಗಾಂಶ್ಚ ವೀರಾಣಾಂ ವಿಚರನ್ವಿಮಲೇ„ಂಬರೇ || 9 || ಸ ತೈ: ಕ್ರೀಡನ್ಧನುಷ್ಮದ್ಭಿವ್ರ್ಯೋಮ್ನಿ ವೀರ: ಪ್ರಕಾಶತೇ | ಧನುಷ್ಮದ್ಭಿರ್ಯಥಾ ಮೇಘೈರ್ಮಾರುತ: ಪ್ರಭುರಂಬರೇ || 10 || ಸ ಕೃತ್ವಾ ನಿನದಂ ಘೋರಂ ತ್ರಾಸಯಂಸ್ತಾಂ ಮಹಾಚಮೂಂ | ಚಕಾರ ಹನುಮಾನ್ವೇಗಂ ತೇಷು ರಕ್ಷ:ಸು ವೀರ್ಯವಾನ್ || 11 || ತಲೇನಾಭಿಹನತ್ಕಾಂಶ್ಚಿತ್ಪಾದೈ: ಕಾಂಶ್ಚಿತ್ಪರಂತಪ: | ಮುಷ್ಟಿನಾಭ್ಯಹನತ್ಕಾಂಶ್ಚಿನ್ನಖೈ: ಕಾನ್ಶ್ಚಿದ್ವ್ಯದಾರಯತ್ || 12 || ಪ್ರಮಮಾಥೋರಸಾ ಕಾಂಶ್ಚಿದೂರುಭ್ಯಾಮಪರಾನ್ಕಪಿ: | ಕೇ ಚಿತ್ತಸ್ಯೈವ ನಾದೇನ ತತ್ರೈವ ಪತಿತಾ ಭುವಿ || 13 || ತತಸ್ತೇಷ್ವವಪನ್ನೇಷು ಭೂಮೌ ನಿಪತಿತೇಷು ಚ | ತತ್ಸೈನ್ಯಮಗಮತ್ಸರ್ವಂ ದಿಶೋ ದಶಭಯಾರ್ದಿತಂ || 14 || ವಿನೇದುರ್ವಿಸ್ವರಂ ನಾಗಾ ನಿಪೇತುರ್ಭುವಿ ವಾಜಿನ: | ಭಗ್ನನೀಡಧ್ವಜಚ್ಛತ್ರೈರ್ಭೂಶ್ಚ ಕೀರ್ಣಾಭವದ್ರಥೈ: || 15 || ಸ್ರವತಾ ರುಧಿರೇಣಾಥ ಸ್ರವಂತ್ಯೋ ದರ್ಶಿತಾ: ಪಥಿ | ವಿವಿಧೈಶ್ಚ ಸ್ವರೈರ್ಲಂಕಾ ನನಾದ ವಿಕೃತಂ ತದಾ || 16 || ಸ ತಾನ್ಪ್ರವೃದ್ಧಾನ್ವಿನಿಹತ್ಯ ರಾಕ್ಷಸಾನ್ ಮಹಾಬಲಶ್ಚಂಡಪರಾಕ್ರಮ: ಕಪಿ: | ಯುಯುತ್ಸುರನ್ಯೈ: ಪುನರೇವ ರಾಕ್ಷಸೈ: ತದೇವ ವೀರೋ„ಭಿಜಗಾಮ ತೋರಣಂ || 17 || || ಇತಿ ಪಂಚಚತ್ವಾರಿಂಶ: ಸರ್ಗ: ||
ಹತಾನ್ಮನ್ತ್ರಿಸುತಾನ್ಬುದ್ಧ್ವಾ ವಾನರೇಣ ಮಹಾತ್ಮನಾ | ರಾವಣ: ಸಂವೃತಾಕಾರಶ್ಚಕಾರ ಮತಿಮುತ್ತಮಾಂ || 1 || ಸ ವಿರೂಪಾಕ್ಷಯೂಪಾಕ್ಷೌ ದುರ್ಧರಂ ಚೈವ ರಾಕ್ಷಸಂ | ಪ್ರಘಸಂ ಭಾಸಕರ್ಣಂ ಚ ಪಂಚಸೇನಾಗ್ರನಾಯಕಾನ್ || 2 || ಸಂದಿದೇಶ ದಶಗ್ರೀವೋ ವೀರಾನ್ನಯವಿಶಾರದಾನ್ | ಹನೂಮದ್ಗ್ರಹಣೇ ವ್ಯಗ್ರಾನ್ವಾಯುವೇಗಸಮಾನ್ಯುಧಿ || 3 || ಯಾತ ಸೇನಾಗ್ರಗಾ: ಸರ್ವೇ ಮಹಾಬಲಪರಿಗ್ರಹಾ: | ಸವಾಜಿರಥಮಾತಂಗಾ: ಸ ಕಪಿ: ಶಾಸ್ಯತಾಂ ಇತಿ || 4 || ಯತ್ತೈಶ್ಚ ಖಲು ಭಾವ್ಯಂ ಸ್ಯಾತ್ತಮಾಸಾದ್ಯ ವನಾಲಯಂ | ಕರ್ಮ ಚಾಪಿ ಸಮಾಧೇಯಂ ದೇಶಕಾಲವಿರೋಧಿತಂ || 5 || ನ ಹ್ಯಹಂ ತಂ ಕಪಿಂ ಮನ್ಯೇ ಕರ್ಮಣಾ ಪ್ರತಿತರ್ಕಯನ್ | ಸರ್ವಥಾ ತನ್ಮಹದ್ಭೂತಂ ಮಹಾಬಲಪರಿಗ್ರಹಂ || 6 || ಭವೇದಿಂದ್ರೇಣ ವಾ ಸೃಷ್ಟಮಸ್ಮದರ್ಥಂ ತಪೋಬಲಾತ್ | ಸನಾಗಯಕ್ಷಗಂಧರ್ವಾ ದೇವಾಸುರಮಹರ್ಷಯ: || 7 || ಯುಷ್ಮಾಭಿ: ಸಹಿತೈ: ಸರ್ವೈರ್ಮಯಾ ಸಹ ವಿನಿರ್ಜಿತಾ: | ತೈರವಶ್ಯಂ ವಿಧಾತವ್ಯಂ ವ್ಯಲೀಕಂ ಕಿಂ ಚಿದೇವ ನ: || 8 || ತದೇವ ನಾತ್ರ ಸಂದೇಹ: ಪ್ರಸಹ್ಯ ಪರಿಗೃಹ್ಯತಾಂ | ನಾವಮನ್ಯೋ ಭವದ್ಭಿಶ್ಚ ಹರಿ: ಕ್ರೂರಪರಾಕ್ರಮ: || 9 || ದೃಷ್ಟಾ ಹಿ ಹರಯ: ಶೀಘ್ರಾ ಮಯಾ ವಿಪುಲವಿಕ್ರಮಾ: | ವಾಲೀ ಚ ಸಹ ಸುಗ್ರೀವೋ ಜಾಂಬವಾಂಶ್ಚ ಮಹಾಬಲ: || 10 || ನೀಲ: ಸೇನಾಪತಿಶ್ಚೈವ ಯೇ ಚಾನ್ಯೇ ದ್ವಿವಿದಾದಯ: | ನೈವ ತೇಷಾಂ ಗತಿರ್ಭೀಮಾ ನ ತೇಜೋ ನ ಪರಾಕ್ರಮ: || 11 || ನ ಮತಿರ್ನ ಬಲೋತ್ಸಾಹೋ ನ ರೂಪಪರಿಕಲ್ಪನಂ | ಮಹತ್ಸತ್ತ್ವಮಿದಂ ಜ್ಜೇಯಂ ಕಪಿರೂಪಂ ವ್ಯವಸ್ಥಿತಂ || 12 || ಪ್ರಯತ್ನಂ ಮಹದಾಸ್ಥಾಯ ಕ್ರಿಯತಾಮಸ್ಯ ನಿಗ್ರಹ: | ಕಾಮಂ ಲೋಕಾಸ್ತ್ರಯ: ಸೇಂದ್ರಾ: ಸಸುರಾಸುರಮಾನವಾ: || 13 || ಭವತಾಮಗ್ರತ: ಸ್ಥಾತುಂ ನ ಪರ್ಯಾಪ್ತಾ ರಣಾಜಿರೇ | ತಥಾಪಿ ತು ನಯಜ್ಜೇನ ಜಯಮಾಕಾಂಕ್ಷತಾ ರಣೇ || 14 || ಆತ್ಮಾ ರಕ್ಷ್ಯ: ಪ್ರಯತ್ನೇನ ಯುದ್ಧಸಿದ್ಧಿರ್ಹಿ ಚಂಚಲಾ | ತೇ ಸ್ವಾಮಿವಚನಂ ಸರ್ವೇ ಪ್ರತಿಗೃಹ್ಯ ಮಹೌಜಸ: || 15 || ಸಮುತ್ಪೇತುರ್ಮಹಾವೇಗಾ ಹುತಾಶಸಮತೇಜಸ: | ರಥೈಶ್ಚ ಮತ್ತೈರ್ನಾಗೈಶ್ಚ ವಾಜಿಭಿಶ್ಚ ಮಹಾಜವೈ: || 16 || ಶಸ್ತ್ರೈಶ್ಚ ವಿವಿಧೈಸ್ತೀಕ್ಷ್ಣೈ: ಸರ್ವೈಶ್ಚೋಪಚಿತಾ ಬಲೈ: | ತತಸ್ತಂ ದದೃಶುರ್ವೀರಾ ದೀಪ್ಯಮಾನಂ ಮಹಾಕಪಿಂ || 17 || ರಶ್ಮಿಮಂತಮಿವೋದ್ಯಂತಂ ಸ್ವತೇಜೋರಶ್ಮಿಮಾಲಿನಂ | ತೋರಣಸ್ಥಂ ಮಹಾವೇಗಂ ಮಹಾಸತ್ತ್ವಂ ಮಹಾಬಲಂ || 18 || ಮಹಾಮತಿಂ ಮಹೋತ್ಸಾಹಂ ಮಹಾಕಾಯಂ ಮಹಾಬಲಂ | ತಂ ಸಮೀಕ್ಷ್ಯೈವ ತೇ ಸರ್ವೇ ದಿಕ್ಷು ಸರ್ವಾಸ್ವವಸ್ಥಿತಾ: || 19 || ತೈಸ್ತೈ: ಪ್ರಹರಣೈರ್ಭೀಮೈರಭಿಪೇತುಸ್ತತಸ್ತತ: | ತಸ್ಯ ಪಂಚಾಯಸಾಸ್ತೀಕ್ಷ್ಣಾ: ಸಿತಾ: ಪೀತಮುಖಾ: ಶರಾ: || 20 || ಶಿರಸ್ತ್ಯುತ್ಪಲಪತ್ರಾಭಾ ದುರ್ಧರೇಣ ನಿಪಾತಿತಾ: | ಸ ತೈ: ಪಂಚಭಿರಾವಿದ್ಧ: ಶರೈ: ಶಿರಸಿ ವಾನರ: || 21 || ಉತ್ಪಪಾತ ನದನ್ವ್ಯೋಮ್ನಿ ದಿಶೋ ದಶ ವಿನಾದಯನ್ | ತತಸ್ತು ದುರ್ಧರೋ ವೀರ: ಸರಥ: ಸಜ್ಯಕಾರ್ಮುಕ: || 22 || ಕಿರನ್ಶರಶತೈರ್ನೈಕೈರಭಿಪೇದೇ ಮಹಾಬಲ: | ಸ ಕಪಿರ್ವಾರಯಾಮಾಸ ತಂ ವ್ಯೋಮ್ನಿ ಶರವರ್ಷಿಣಂ || 23 || ವೃಷ್ಟಿಮಂತಂ ಪಯೋದಾಂತೇ ಪಯೋದಮಿವ ಮಾರುತ: | ಅದ್ರ್ಯಮಾನಸ್ತತಸ್ತೇನ ದುರ್ಧರೇಣಾನಿಲಾತ್ಮಜ: || 24 || ಚಕಾರ ನಿನದಂ ಭೂಯೋ ವ್ಯವರ್ಧತ ಚ ವೇಗವಾನ್ | ಸ ದೂರಂ ಸಹಸೋತ್ಪತ್ಯ ದುರ್ಧರಸ್ಯ ರಥೇ ಹರಿ: || 25 || ನಿಪಪಾತ ಮಹಾವೇಗೋ ವಿದ್ಯುದ್ರಾಶಿರ್ಗಿರಾವಿವ | ತತಸ್ತಂ ಮಥಿತಾಷ್ಟಾಶ್ವಂ ರಥಂ ಭಗ್ನಾಕ್ಷಕೂವರಂ || 26 || ವಿಹಾಯ ನ್ಯಪತದ್ಭೂಮೌ ದುರ್ಧರಸ್ತ್ಯಕ್ತಜೀವಿತ: | ತಂ ವಿರೂಪಾಕ್ಷಯೂಪಾಕ್ಷೌ ದೃಷ್ಟ್ವಾ ನಿಪತಿತಂ ಭುವಿ || 27 || ಸಂಜಾತರೋಷೌ ದುರ್ಧರ್ಷಾವುತ್ಪೇತತುರರಿಂದಮೌ | ಸ ತಾಭ್ಯಾಂ ಸಹಸೋತ್ಪತ್ಯ ವಿಷ್ಠಿತೋ ವಿಮಲೇ„ಂಬರೇ || 28 || ಮುದ್ಗರಾಭ್ಯಾಂ ಮಹಾಬಾಹುರ್ವಕ್ಷಸ್ಯಭಿಹತ: ಕಪಿ: | ತಯೋರ್ವೇಗವತೋರ್ವೇಗಂ ವಿನಿಹತ್ಯ ಮಹಾಬಲ: || 29 || ನಿಪಪಾತ ಪುನರ್ಭೂಮೌ ಸುಪರ್ಣಸಮವಿಕ್ರಮ: | ಸ ಸಾಲವೃಕ್ಷಮಾಸಾದ್ಯ ಸಮುತ್ಪಾಟ್ಯ ಚ ವಾನರ: || 30 || ತಾವುಭೌ ರಾಕ್ಷಸೌ ವೀರೌ ಜಘಾನ ಪವನಾತ್ಮಜ: | ತತಸ್ತಾಂಸ್ತ್ರೀನ್ಹತಾನ್ಜ್ಜಾತ್ವಾ ವಾನರೇಣ ತರಸ್ವಿನಾ || 31 || ಅಭಿಪೇದೇ ಮಹಾವೇಗ: ಪ್ರಸಹ್ಯ ಪ್ರಘಸೋ ಹರಿಂ | ಭಾಸಕರ್ಣಶ್ಚಸಂಕ್ರುದ್ಧ: ಶೂಲಮಾದಾಯ ವೀರ್ಯವಾನ್ || 32 || ಏಕತ: ಕಪಿಶಾರ್ದೂಲಂ ಯಶಸ್ವಿನಮವಸ್ಥಿತೌ | ಪಟ್ಟಿಶೇನ ಶಿತಾಗ್ರೇಣ ಪ್ರಘಸ: ಪ್ರತ್ಯಪೋಥಯತ್ || 33 || ಭಾಸಕರ್ಣಶ್ಚ ಶೂಲೇನ ರಾಕ್ಷಸ: ಕಪಿಸತ್ತಮಂ | ಸ ತಾಭ್ಯಾಂ ವಿಕ್ಷತೈರ್ಗಾತ್ರೈರಸೃಗ್ದಿಗ್ಧತನೂರುಹ: || 34 || ಅಭವದ್ವಾನರ: ಕ್ರುದ್ಧೋ ಬಾಲಸೂರ್ಯಸಮಪ್ರಭ: | ಸಮುತ್ಪಾಟ್ಯ ಗಿರೇ: ಶೃಂಗಂ ಸಮೃಗವ್ಯಾಲಪಾದಪಂ || 35 || ಜಘಾನ ಹನುಮಾನ್ವೀರೋ ರಾಕ್ಷಸೌ ಕಪಿಕುಂಜರ: | ತತಸ್ತೇಷ್ವವಸನ್ನೇಷು ಸೇನಾಪತಿಷು ಪಂಚಸು || 36 || ಬಲಂ ತದವಶೇಷಂ ತು ನಾಶಯಾಮಾಸ ವಾನರ: | ಅಶ್ವೈ: ಅಶ್ವಾನ್ ಗಜೈ: ನಾಗಾನ್ಯೋಧೈ: ಓಧಾನ್ ರಥೈ ರಥಾನ್ || 37 || ಸ ಕಪಿರ್ನಾಶಯಾಮಾಸ ಸಹಸ್ರಾಕ್ಷ ಇವಾಸುರಾನ್ | ಹತೈರ್ನಾಗೈಶ್ಚ ತುರಗೈರ್ಭಗ್ನಾಕ್ಷೈಶ್ಚ ಮಹಾರಥೈ: || 38 || ಹತೈಶ್ಚ ರಾಕ್ಷಸೈರ್ಭೂಮೀ ರುದ್ಧಮಾರ್ಗಾ ಸಮಂತತ: | ತತ: ಕಪಿಸ್ತಾನ್ಧ್ವಜಿನೀಪತೀನ್ರಣೇ ನಿಹತ್ಯ ವೀರಾನ್ಸಬಲಾನ್ಸವಾಹನಾನ್ | ತದೇವ ವೀರ: ಪರಿಗೃಹ್ಯ ತೋರಣಂ ಕೃತಕ್ಷಣ: ಕಾಲ ಇವ ಪ್ರಜಾಕ್ಷಯೇ || 39 || || ಇತಿ ಷಟ್ಚತ್ವಾರಿಂಶ: ಸರ್ಗ: ||
ಸೇನಾಪತೀಂಪಂಚ ಸ ತು ಪ್ರಮಾಪಿತಾನ್ ಹನೂಮತಾ ಸಾನುಚರಾನ್ಸವಾಹನಾನ್ | ಸಮೀಕ್ಷ್ಯ ರಾಜಾ ಸಮರೋದ್ಧತೋನ್ಮುಖಂ ಕುಮಾರಮಕ್ಷಂ ಪ್ರಸಮೈಕ್ಷತಾಕ್ಷತಂ || 1 || ಸ ತಸ್ಯ ದೃಷ್ಟ್ಯರ್ಪಣಸಂಪ್ರಚೋದಿತ: ಪ್ರತಾಪವಾನ್ಕಾಂಚನಚಿತ್ರಕಾರ್ಮುಕ: | ಸಮುತ್ಪಪಾತಾಥ ಸದಸ್ಯುದೀರಿತೋ ದ್ವಿಜಾತಿಮುಖ್ಯೈರ್ಹವಿಷೇವ ಪಾವಕ: || 2 || ತತೋ ಮಹದ್ಬಾಲದಿವಾಕರಪ್ರಭಂ ಪ್ರತಪ್ತಜಾಂಬೂನದಜಾಲಸಂತತಂ | ರಥಾಂ ಸಮಾಸ್ಥಾಯ ಯಯೌ ಸ ವೀರ್ಯವಾನ್ ಮಹಾಹರಿಂ ತಂ ಪ್ರತಿ ನೈರೃತರ್ಷಭ: || 3 || ತತಸ್ತಪ:ಸಂಗ್ರಹಸಂಚಯಾರ್ಜಿತಂ ಪ್ರತಪ್ತಜಾಂಬೂನದಜಾಲಶೋಭಿತಂ | ಪತಾಕಿನಂ ರತ್ನವಿಭೂಷಿತಧ್ವಜಂ ಮನೋಜವಾಷ್ಟಾಶ್ವವರೈ: ಸುಯೋಜಿತಂ || 4 || ಸುರಾಸುರಾಧೃಷ್ಯಮಸಂಗಚಾರಿಣಂ ರವಿಪ್ರಭಂ ವ್ಯೋಮಚರಂ ಸಮಾಹಿತಂ | ಸತೂಣಮಷ್ಟಾಸಿನಿಬದ್ಧಬಂಧುರಂ ಯಥಾಕ್ರಮಾವೇಶಿತಶಕ್ತಿತೋಮರಂ || 5 || ವಿರಾಜಮಾನಂ ಪ್ರತಿಪೂರ್ಣವಸ್ತುನಾ ಸಹೇಮದಾಮ್ನಾ ಶಶಿಸೂರ್ಯವರ್ವಸಾ | ದಿವಾಕರಾಭಂ ರಥಮಾಸ್ಥಿತಸ್ತತ: ಸ ನಿರ್ಜಗಾಮಾಮರತುಲ್ಯವಿಕ್ರಮ: || 6 || ಸ ಪೂರಯಂಖಂ ಚ ಮಹೀಂ ಚ ಸಾಚಲಾಂ ತುರಂಗಮತಂಗಮಹಾರಥಸ್ವನೈ: | ಬಲೈ: ಸಮೇತೈ: ಸ ಹಿ ತೋರಣಸ್ಥಿತಂ ಸಮರ್ಥಂ ಆಸೀನಂ ಉಪಾಗಮತ್ಕಪಿಂ || 7 || ಸ ತಂ ಸಮಾಸಾದ್ಯ ಹರಿಂ ಹರೀಕ್ಷಣೋ ಯುಗಾಂತಕಾಲಾಗ್ನಿಮಿವ ಪ್ರಜಾಕ್ಷಯೇ | ಅವಸ್ಥಿತಂ ವಿಸ್ಮಿತಜಾತಸಂಭ್ರಮ: ಸಮೈಕ್ಷತಾಕ್ಷೋ ಬಹುಮಾನಚಕ್ಷುಷಾ || 8 || ಸ ತಸ್ಯ ವೇಗಂ ಚ ಕಪೇರ್ಮಹಾತ್ಮನ: ಪರಾಕ್ರಮಂ ಚಾರಿಷು ಪಾಹ್ರ್ತಿವಾತ್ಮಜ: ವಿಚಾರಯಂಖಂ ಚ ಬಲಂ ಮಹಾಬಲೋ ಹಿಮಕ್ಷಯೇ ಸೂರ್ಯ ಇವಾಭಿವರ್ಧತೇ || 9 || ಸ ಜಾತಮನ್ಯು: ಪ್ರಸಮೀಕ್ಷ್ಯ ವಿಕ್ರಮಂ ಸ್ಥಿರ: ಸ್ಥಿತ: ಸಂಯತಿ ದುರ್ನಿವಾರಣಂ | ಸಮಾಹಿತಾತ್ಮಾ ಹನುಮಂತಮಾಹವೇ ಪ್ರಚೋದಯಾಮಾಸ ಶರೈಸ್ತ್ರಿಭಿ: ಶಿತೈ: || 10 || ತತ: ಕಪಿಂ ತಂ ಪ್ರಸಮೀಕ್ಷ್ಯ ಗರ್ವಿತಂ ಜಿತಶ್ರಮಂ ಶತ್ರುಪರಾಜಯೋರ್ಜಿತಂ | ಅವೈಕ್ಷತಾಕ್ಷ: ಸಮುದೀರ್ಣಮಾನಸ: ಸಬಾಣಪಾಣಿ: ಪ್ರಗೃಹೀತಕಾರ್ಮುಕ: || 11 || ಸ ಹೇಮನಿಷ್ಕಾಂಗದಚಾರುಕುಂಡಲ: ಸಮಾಸಸಾದಾಶು ಪರಾಕ್ರಮ: ಕಪಿಂ | ತಯೋರ್ಬಭೂವಾಪ್ರತಿಮ: ಸಮಾಗಮ: ಸುರಾಸುರಾಣಾಮಪಿ ಸಂಭ್ರಮಪ್ರದ: || 12 || ರರಾಸ ಭೂಮಿರ್ನ ತತಾಪ ಭಾನುಮಾನ್ ವವೌ ನ ವಾಯು: ಪ್ರಚಚಾಲ ಚಾಚಲ: | ಕಪೇ: ಕುಮಾರಸ್ಯ ಚ ವೀಕ್ಷ್ಯ ಸಂಯುಗಂ ನನಾದ ಚ ದ್ಯೌರುದಧಿಶ್ಚ ಚುಕ್ಷುಭೇ || 13 || ತತ: ಸ ವೀರ: ಸುಮುಖಾನ್ಪತತ್ರಿಣ: ಸುವರ್ಣಪುಂಖಾಂಸವಿಷಾನಿವೋರಗಾನ್ | ಸಮಾಧಿಸಂಯೋಗ ವಿಮೋಕ್ಷತತ್ತ್ವವಿತ್ ಶರಾನಥ ತ್ರೀನ್ಕಪಿಮೂಧ್ನ್ರ್ಯಪಾತಯತ್ || 14 || ಸ ತೈ: ಶರೈರ್ಮೂಧ್ರ್ನಿ ಸಮಂ ನಿಪಾತಿತೈ: ಕ್ಷರನ್ನಸೃಗ್ದಿಗ್ಧ ವಿವೃತ್ತಲೋಚನ: | ನವೋದಿತಾದಿತ್ಯನಿಭ: ಶರಾಂಶುಮಾನ್ ವ್ಯರಾಜತಾದಿತ್ಯ ಇವಾಂಶುಮಾಲಿಕ: || 15 || ತತ: ಸ ಪಿಂಗಾಧಿಪಮಂತ್ರಿಸತ್ತಮ: ಸಮೀಕ್ಷ್ಯ ತಂ ರಾಜವರಾತ್ಮಜಂ ರಣೇ | ಉದಗ್ರಚಿತ್ರಾಯುಧಚಿತ್ರಕಾರ್ಮುಕಂ ಜಹರ್ಷ ಚಾಪೂರ್ಯತ ಚಾಹವೋನ್ಮುಖ: || 16 || ಸ ಮಂದರಾಗ್ರಸ್ಥ ಇವಾಂಶುಮಾಲೀ ವಿವೃದ್ಧಕೋಪೋ ಬಲವೀರ್ಯಸಂಯುತ: | ಕುಮಾರಮಕ್ಷಂ ಸಬಲಂ ಸವಾಹನಂ ದದಾಹ ನೇತ್ರಾಗ್ನಿಮರೀಚಿಭಿಸ್ತದಾ || 17 || ತತ: ಸ ಬಾಣಾಸನಶಕ್ರಕಾರ್ಮುಕ: ಶರಪ್ರವರ್ಷೋ ಯುಧಿ ರಾಕ್ಷಸಾಂಬುದ: | ಶರಾನ್ಮುಮೋಚಾಶು ಹರೀಶ್ವರಾಚಲೇ ಬಲಾಹಕೋ ವೃಷ್ಟಿಮಿವಾಚಲೋತ್ತಮೇ || 18 || ತತ: ಕಪಿಸ್ತಂ ರಣಚಂಡವಿಕ್ರಮಂ ವಿವೃದ್ಧತೇಜೋಬಲ ವೀರ್ಯಸಾಯಕಂ | ಕುಮಾರಮಕ್ಷಂ ಪ್ರಸಮೀಕ್ಷ್ಯ ಸಂಯುಗೇ ನನಾದ ಹರ್ಷಾದ್ಘನತುಲ್ಯವಿಕ್ರಮ: || 19 || ಸ ಬಾಲಭಾವಾದ್ಯುಧಿ ವೀರ್ಯದರ್ಪಿತ: ಪ್ರವೃದ್ಧಮನ್ಯು: ಕ್ಷತಜೋಪಮೇಕ್ಷಣ: | ಸಮಾಸಸಾದಾಪ್ರತಿಮಂ ರಣೇ ಕಪಿಂ ಗಜೋ ಮಹಾಕೂಪಮಿವಾವೃತಂ ತೃಣೈ: || 20 || ಸ ತೇನ ಬಾಣೈ: ಪ್ರಸಭಂ ನಿಪಾತಿತೈ: ಚಕಾರ ನಾದಂ ಘನನಾದನಿ:ಸ್ವನ: | ಸಮುತ್ಪಪಾತಾಶು ನಭ: ಸ ಮಾರುತಿರ್ ಭುಜೋರುವಿಕ್ಷೇಪಣ ಘೋರದರ್ಶನ: || 21 || ಸಮುತ್ಪತಂತಂ ಸಮಭಿದ್ರವದ್ಬಲೀ ಸ ರಾಕ್ಷಸಾನಾಂ ಪ್ರವರ: ಪ್ರತಾಪವಾನ್ | ರಥೀ ರಥಶ್ರೇಷ್ಠತಮ: ಕಿರಂಶರೈ: ಪಯೋಧರ: ಶೈಲಮಿವಾಶ್ಮವೃಷ್ಟಿಭಿ: || 22 || ಸ ತಾಂಶರಾಂಸ್ತಸ್ಯ ವಿಮೋಕ್ಷಯನ್ಕಪಿ: ಚಚಾರ ವೀರ: ಪಥಿ ವಾಯುಸೇವಿತೇ | ಶರಾಂತರೇ ಮಾರುತವದ್ವಿನಿಷ್ಪತನ್ ಮನೋಜವ: ಸಂಯತಿ ಚಂಡವಿಕ್ರಮ: || 23 || ತಮಾತ್ತಬಾಣಾಸನಮಾಹವೋನ್ಮುಖಂ ಖಮಾಸ್ತೃಣಂತಂ ವಿವಿಧೈ: ಶರೋತ್ತಮೈ: | ಅವೈಕ್ಷತಾಕ್ಷಂ ಬಹುಮಾನಚಕ್ಷುಷಾ ಜಗಾಮ ಚಿಂತಾಂ ಚ ಸ ಮಾರುತಾತ್ಮಜ: || 24 || ತತ: ಶರೈರ್ಭಿನ್ನಭುಜಾಂತರ: ಕಪಿ: ಕುಮಾರವರ್ಯೇಣ ಮಹಾತ್ಮನಾ ನದನ್ | ಮಹಾಭುಜ: ಕರ್ಮವಿಶೇಷತತ್ತ್ವವಿದ್ ವಿಚಿಂತಯಾಮಾಸ ರಣೇ ಪರಾಕ್ರಮಂ || 25 || ಅಬಾಲವದ್ಬಾಲದಿವಾಕರಪ್ರಭ: ಕರೋತ್ಯಯಂ ಕರ್ಮ ಮಹನ್ಮಹಾಬಲ: | ನ ಚಾಸ್ಯ ಸರ್ವಾಹವಕರ್ಮಶೋಭಿನ: ಪ್ರಮಾಪಣೇ ಮೇ ಮತಿರತ್ರ ಜಾಯತೇ || 26 || ಅಯಂ ಮಹಾತ್ಮಾ ಚ ಮಹಾಂಶ್ಚ ವೀರ್ಯತ: ಸಮಾಹಿತಶ್ಚಾತಿಸಹಶ್ಚ ಸಂಯುಗೇ | ಅಸಂಶಯಂ ಕರ್ಮಗುಣೋದಯಾದಯಂ ಸನಾಗಯಕ್ಷೈರ್ಮುನಿಭಿಶ್ಚ ಪೂಜಿತ: || 27 || ಪರಾಕ್ರಮೋತ್ಸಾಹ ವಿವೃದ್ಧಮಾನಸ: ಸಮೀಕ್ಷತೇ ಮಾಂ ಪ್ರಮುಖಾಗತ: ಸ್ಥಿತ: | ಪರಾಕ್ರಮೋ ಹ್ಯಸ್ಯ ಮನಾಂಸಿ ಕಂಪಯೇತ್ ಸುರಾಸುರಾಣಾಮಪಿ ಶೀಘ್ರಕಾರಿಣ: || 28 || ನ ಖಲ್ವಯಂ ನಾಭಿಭವೇದುಪೇಕ್ಷಿತ: ಪರಾಕ್ರಮೋ ಹ್ಯಸ್ಯ ರಣೇ ವಿವರ್ಧತೇ | ಪ್ರಮಾಪಣಂ ತ್ವೇವ ಮಮಾಸ್ಯ ರೋಚತೇ ನ ವರ್ಧಮಾನೋ„ಗ್ನಿರುಪೇಕ್ಷಿತುಂ ಕ್ಷಮ: || 29 || ಇತಿ ಪ್ರವೇಗಂ ತು ಪರಸ್ಯ ತರ್ಕಯನ್ ಸ್ವಕರ್ಮಯೋಗಂ ಚ ವಿಧಾಯ ವೀರ್ಯವಾನ್ | ಚಕಾರ ವೇಗಂ ತು ಮಹಾಬಲಸ್ತದಾ ಮತಿಂ ಚ ಚಕ್ರೇ„ಸ್ಯ ವಧೇ ಮಹಾಕಪಿ: || 30 || ಸ ತಸ್ಯ ತಾನಷ್ಟಹಯಾನ್ಮಹಾಜವಾನ್ ಸಮಾಹಿತಾನ್ಭಾರಸಹಾನ್ವಿವರ್ತನೇ | ಜಘಾನ ವೀರ: ಪಥಿ ವಾಯುಸೇವಿತೇ ತಲಪ್ರಹಾಲೈ: ಪವನಾತ್ಮಜ: ಕಪಿ: || 31 || ತತಸ್ತಲೇನಾಭಿಹತೋ ಮಹಾರಥ: ಸ ತಸ್ಯ ಪಿಂಗಾಧಿಪಮಂತ್ರಿನಿರ್ಜಿತ: | ಸ ಭಗ್ನನೀಡ: ಪರಿಮುಕ್ತಕೂಬರ: ಪಪಾತ ಭೂಮೌ ಹತವಾಜಿರಂಬರಾತ್ || 32 || ಸ ತಂ ಪರಿತ್ಯಜ್ಯ ಮಹಾರಥೋ ರಥಂ ಸಕಾರ್ಮುಕ: ಖಡ್ಗಧರ: ಖಮುತ್ಪತತ್ | ತಪೋ„ಭಿಯೋಗಾದೃಷಿರುಗ್ರವೀರ್ಯವಾನ್ ವಿಹಾಯ ದೇಹಂ ಮರುತಾಮಿವಾಲಯಂ || 33 || ತತ: ಕಪಿಸ್ತಂ ವಿಚರಂತಮಂಬರೇ ಪತತ್ರಿರಾಜಾನಿಲಸಿದ್ಧಸೇವಿತೇ | ಸಮೇತ್ಯ ತಂ ಮಾರುತವೇಗವಿಕ್ರಮ: ಕ್ರಮೇಣ ಜಗ್ರಾಹ ಚ ಪಾದಯೋರ್ದೃಢಮ್ || 34 || ಸ ತಂ ಸಮಾವಿಧ್ಯ ಸಹಸ್ರಶ: ಕಪಿ: ಮಹೋರಗಂ ಗೃಹ್ಯ ಇವಾಂಡಜೇಶ್ವರ: | ಮುಮೋಚ ವೇಗಾತ್ಪಿತೃತುಲ್ಯವಿಕ್ರಮೋ ಮಹೀತಲೇ ಸಂಯತಿ ವಾನರೋತ್ತಮ: || 35 || ಸ ಭಗ್ನಬಾಹೂರುಕಟೀಶಿರೋ ಧರ: ಕ್ಷರನ್ನಸೃನ್ನಿರ್ಮಥಿತಾಸ್ಥಿಲೋಚನ: | ಸ ಭಿನ್ನಸಂಧಿ: ಪ್ರವಿಕೀರ್ಣಬಂಧನೋ ಹತ: ಕ್ಷಿತೌ ವಾಯುಸುತೇನ ರಾಕ್ಷಸ: || 36 || ಮಹಾಕಪಿರ್ಭೂಮಿತಲೇ ನಿಪೀಡ್ಯ ತಂ ಚಕಾರ ರಕ್ಷೋ„ಧಿಪತೇರ್ಮಹದ್ಭಯಂ | ಮಹರ್ಷಿಭಿಶ್ಚಕ್ರಚರೈರ್ಮಹಾವ್ರತೈ: ಸಮೇತ್ಯ ಭೂತೈಶ್ಚ ಸಯಕ್ಷಪನ್ನಗೈ: | ಸುರೈಶ್ಚ ಸೇಂದ್ರೈರ್ಭೃಶಜಾತವಿಸ್ಮಯೈ: ಹತೇ ಕುಮಾರೇ ಸ ಕಪಿರ್ನಿರೀಕ್ಷಿತ: || 38 || ನಿಹತ್ಯ ತಂ ವಜ್ರಸುತೋಪಮಪ್ರಭಂ ಕುಮಾರಮಕ್ಷಂ ಕ್ಷತಜೋಪಮೇಕ್ಷಣಂ | ತದೇವ ವೀರೋ„ಭಿಜಗಾಮ ತೋರಣಂ ಕೃತಕ್ಷಣ: ಕಾಲ ಇವ ಪ್ರಜಾಕ್ಷಯೇ || 39 || || ಇತಿ ಸಪ್ತಚತ್ವಾರಿಂಶ: ಸರ್ಗ: ||
ತತಸ್ತು ರಕ್ಷೋ„ಧಿಪತಿರ್ಮಹಾತ್ಮಾ ಹನೂಮತಾಕ್ಷೇ ನಿಹತೇ ಕುಮಾರೇ | ಮನ: ಸಮಾಧಾಯ ತದೇಂದ್ರಕಲ್ಪಂ ಸಮಾದಿದೇಶೇಂದ್ರಜಿತಂ ಸ ರೋಷಾತ್ || 1 || ತ್ವಮಸ್ತ್ರವಿಚ್ಛಸ್ತ್ರಭೃತಾಂ ವರಿಷ್ಠ: ಸುರಾಸುರಾಣಾಮಪಿ ಶೋಕದಾತಾ | ಸುರೇಷು ಸೇಂದ್ರೇಷು ಚ ದೃಷ್ಟಕರ್ಮಾ ಪಿತಾಮಹಾರಾಧನಸಂಚಿತಾಸ್ತ್ರ: || 2 || ತವಾಸ್ತ್ರಬಲಮಾಸಾದ್ಯ ನಾಸುರಾ ನ ಮರುದ್ಗಣಾ: ನ ಶೇಕು: ಸಮರೇ ಸ್ಥಾತುಂ ಸುರೇಶ್ವರಸಮಾಶ್ರಿತಾ: || 3 || ನ ಕಶ್ಚಿತ್ತ್ರಿಷು ಲೋಕೇಷು ಸಂಯುಗೇ ನ ಗತಶ್ರಮ: | ಭುಜವೀರ್ಯಾಭಿಗುಪ್ತಶ್ಚ ತಪಸಾ ಚಾಭಿರಕ್ಷಿತ: || 4 || ದೇಶಕಾಲವಿಭಾಗಜ್ಜಸ್ತ್ವಮೇವ ಮತಿಸತ್ತಮ: | ನ ತೇ„ಸ್ತ್ಯಶಕ್ಯಂ ಸಮರೇಷು ಕರ್ಮಣಾ ನ ತೇ„ಸ್ತ್ಯಕಾರ್ಯಂ ಮತಿಪೂರ್ವಮಂತ್ರಣೇ | ನ ಸೋ„ಸ್ತಿ ಕಶ್ಚಿತ್ತ್ರಿಷು ಸಂಗ್ರಹೇಷು ವೈ ನ ವೇದ ಯಸ್ತೇ„ಸ್ತ್ರಬಲಂ ಬಲಂ ಚ ತೇ || 5 || ಮಮಾನುರೂಪಂ ತಪಸೋ ಬಲಂ ಚ ತೇ ಪರಾಕ್ರಮಶ್ಚಾಸ್ತ್ರಬಲಂ ಚ ಸಂಯುಗೇ | ನ ತ್ವಾಂ ಸಮಾಸಾದ್ಯ ರಣಾವಮರ್ದೇ ಮನ: ಶ್ರಮಂ ಗಚ್ಛತಿ ನಿಶ್ಚಿತಾರ್ಥಂ || 6 || ನಿಹತಾ ಇಂಕರಾ: ಸರ್ವೇ ಜಂಬುಮಾಲೀ ಚ ರಾಕ್ಷಸ: | ಅಮಾತ್ಯಪುತ್ರಾ ವೀರಾಶ್ಚ ಪಂಚ ಸೇನಾಗ್ರಯಾಯಿನ: || 7 || ಬಲಾನಿ ಸುಸಮೃದ್ಧಾನಿ ಸಾಶ್ವನಾಗರಥಾನಿ ಚ | ಸಹೋದರಸ್ತೇ ದಯಿತ: ಕುಮಾರೋಕ್ಷಶ್ಚ ಸೂದಿತ: || 8 || ನ ಹಿ ತೇಷ್ವೇವ ಮೇ ಸಾರೋ ಯಸ್ತ್ವಯ್ಯರಿನಿಷೂದನ | ಇದಂ ಹಿ ದೃಷ್ಟ್ವಾ ಮತಿಮನ್ಮಹದ್ಬಲಂ ಕಪೇ: ಪ್ರಭಾವಂ ಚ ಪರಾಕ್ರಮಂ ಚ | ತ್ವಮಾತ್ಮನಶ್ಚಾಪಿ ಸಮೀಕ್ಷ್ಯ ಸಾರಂ ಕುರುಷ್ವ ವೇಗಂ ಸ್ವಬಲಾನುರೂಪಂ || 9 || ಬಲಾವಮರ್ದಸ್ತ್ವಯಿ ಸನ್ನಿಕೃಷ್ಟೇ ಯಥಾ ಗತೇ ಶಾಂಯತಿ ಶಾಂತಶತ್ರೌ | ತಥಾ ಸಮೀಕ್ಷ್ಯಾತ್ಮಬಲಂ ಪರಂ ಚ ಸಮಾರಭಸ್ವಾಸ್ತ್ರವಿದಾಂ ವರಿಷ್ಠ || 10 || ನ ವೀರಸೇನಾ ಗಣಶೋಪ್ಯ ವಂತಿ | ನ ವಜ್ರಮಾದಾಯ ವಿಶಾಲಸಾರಂ | ನ ಮಾರುತಸ್ಯಾಸ್ಯ ಗತೇ: ಪ್ರಮಾಣಂ | ನ ಚಾಗ್ನಿಕಲ್ಪ: ಕರಣೇನ ಹಂತುಂ || 11 || ತಮೇವಮರ್ಥಂ ಪ್ರಸಮೀಕ್ಷ್ಯ ಸಮ್ಯಕ್ ಸ್ವಕರ್ಮಸಾಮ್ಯಾದ್ಧಿ ಸಮಾಹಿತಾತ್ಮ | ಸ್ಮರಂಶ್ಚ ದಿವ್ಯಂ ಧನುಷೋ„ಸ್ತ್ರವೀರ್ಯಂ | ವ್ರಜಾಕ್ಷತಂ ಕರ್ಮ ಸಮಾರಭಸ್ವ || 12 || ನ ಖಲ್ವಿಯಂ ಮತಿ: ಶ್ರೇಷ್ಠಾ ಯತ್ತ್ವಾಂ ಸಂಪ್ರೇಷಯಾಮ್ಯಹಂ | ಇಯಂ ಚ ರಾಜಧರ್ಮಾಣಾಂ ಕ್ಷತ್ರಸ್ಯ ಚ ಮತಿರ್ಮತಾ || 13 || ನಾನಾಶಸ್ತ್ರೈಶ್ಚ ಸಂಗ್ರಾಮೇ ವೈಶಾರದ್ಯಮರಿಂದಮ | ಅವಶ್ಯಮೇವ ಬೋದ್ಧವ್ಯಂ ಕಾಮ್ಯಶ್ಚ ವಿಜಯೋ ರಣೇ || 14 || ತತ: ಪಿತುಸ್ತದ್ವಚನಂ ನಿಶಮ್ಯ ಪ್ರದಕ್ಷಿಣಂ ದಕ್ಷಸುತಪ್ರಭಾವ: | ಚಕಾರ ಭರ್ತಾರಮದೀನಸತ್ತ್ವೋ ರಣಾಯ ವೀರ: ಪ್ರತಿಪನ್ನಬುದ್ಧಿ: || 15 || ತತಸ್ತೈ: ಸ್ವಗಣೈ: ಇಷ್ಟೈ: ಇಂದ್ರಜಿತ್ ಪ್ರಪೂಜಿತ: | ಯುದ್ಧೋದ್ಧತ ಕೃತೋತ್ಸಾಹ: ಸಂಗ್ರಾಮಂ ಪ್ರತಿಪದ್ಯತ || 16 || ಶ್ರೀಮಾನ್ ಪದ್ಮಪಲಾಶಾಕ್ಷೋ ರಾಕ್ಷಸಾಧಿಪತೇ: ಸುತ: | ನಿರ್ಜಗಾಮ ಮಹಾತೇಜಾ: ಸಮುದ್ರ ಇವ ಪರ್ವಸು || 17 || ಸ ಪಕ್ಷಿ ರಾಜೋಪಮತುಲ್ಯವೇಗೈ: ವ್ಯಾಲೈಶ್ಚತುರ್ಭಿ: ಸಿತತೀಕ್ಷ್ಣದಂಷ್ಟ್ರೈ: | ರಥಂ ಸಮಾಯುಕ್ತಮಸಂಗವೇಗಂ ಸಮಾರುರೋಹೇಂದ್ರಜಿದಿಂದ್ರಕಲ್ಪ: || 18 || ಸ ರಥೀ ಧನ್ವಿನಾಂ ಶ್ರೇಷ್ಠ: ಶಸ್ತ್ರಜ್ಜೋ„ಸ್ತ್ರವಿದಾಂ ವರ: | ರಥೇನಾಭಿಯಯೌ ಕ್ಷಿಪ್ರಂ ಹನೂಮಾನ್ಯತ್ರ ಸೋ„ಭವತ್ || 19 || ಸ ತಸ್ಯ ರಥನಿರ್ಘೋಷಂ ಜ್ಯಾಸ್ವನಂ ಕಾರ್ಮುಕಸ್ಯ ಚ | ನಿಶಮ್ಯ ಹರಿವೀರೋ„ಸೌ ಸಂಪ್ರಹೃಷ್ಟತರೋ„ಭವತ್ || 20 || ಸುಮಹಚ್ಚಾಪಮಾದಾಯ ಶಿತಶಲ್ಯಾಂಶ್ಚ ಸಾಯಕಾನ್ | ಹನೂಮಂತಮಭಿಪ್ರೇತ್ಯ ಜಗಾಮ ರಣಪಂಡಿತ: || 21 || ತಸ್ಮಿಂಸ್ತತ: ಸಂಯತಿ ಜಾತಹರ್ಷೇ ರಣಾಯ ನಿರ್ಗಚ್ಛತಿ ಬಾಣಪಾಣೌ | ದಿಶಶ್ಚ ಸರ್ವಾ: ಕಲುಷಾ ಬಭೂವು: ಮೃಗಾಶ್ಚ ರೌದ್ರಾ ಬಹುಧಾ ವಿನೇದು: || 22 || ಸಮಾಗತಾಸ್ತತ್ರ ತು ನಾಗಯಕ್ಷಾ ಮಹರ್ಷಯಶ್ಚಕ್ರಚರಾಶ್ಚ ಸಿದ್ಧಾ: | ನಭ: ಸಮಾವೃತ್ಯ ಚ ಪಕ್ಷಿಸಂಘಾ ವಿನೇದುರುಚ್ಚೈ: ಪರಮಪ್ರಹೃಷ್ಟಾ: || 23 || ಆಯಂತಂ ಸರಥಂ ದೃಷ್ಟ್ವಾ ತೂರ್ಣಮಿಂದ್ರಜಿತಂ ಕಪಿ: | ವಿನನಾದ ಮಹಾನಾದಂ ವ್ಯವರ್ಧತ ಚ ವೇಗವಾನ್ || 24 || ಇಂದ್ರಜಿತ್ತು ರಥಂ ದಿವ್ಯಮಾಸ್ಥಿತಶ್ಚಿತ್ರಕಾರ್ಮುಕ: | ಧನುರ್ವಿಸ್ಫಾರಯಾಮಾಸ ತಡಿದೂರ್ಜಿತನಿ:ಸ್ವನಂ || 25 || ತತ: ಸಮೇತಾವತಿತೀಕ್ಷ್ಣವೇಗೌ ಮಹಾಬಲೌ ತೌ ರಣನಿರ್ವಿಶಂಕೌ | ಕಪಿಶ್ಚ ರಕ್ಷೋ„ಧಿಪತೇಶ್ಚ ಪುತ್ರ: ಸುರಾಸುರೇಂದ್ರಾವಿವ ಬದ್ಧವೈರೌ || 26 || ಸ ತಸ್ಯ ವೀರಸ್ಯ ಮಹಾರಥಸ್ಯಾ ಧನುಷ್ಮತ: ಸಂಯತಿ ಸಂಮತಸ್ಯ | ಶರಪ್ರವೇಗಂ ವ್ಯಹನತ್ಪ್ರವೃದ್ಧ: ಚಚಾರ ಮಾರ್ಗೇ ಪಿತುರಪ್ರಮೇಯ: || 27 || ತತ: ಶರಾನಾಯತತೀಕ್ಷ್ಣಶಲ್ಯಾನ್ ಸುಪತ್ರಿಣ: ಕಾಂಚನಚಿತ್ರಪುಂಖಾನ್ | ಮುಮೋಚ ವೀರ: ಪರವೀರಹಂತಾ ಸುಸಂತತಾನ್ ವಜ್ರನಿಪಾತವೇಗಾನ್ || 28 || ತಸ್ಯ ಸ ತತ್ಸ್ಯಂದನನಿ:ಸ್ವನಂ ಚ ಮೃದಂಗಭೇರೀಪಟಹಸ್ವನಂ ಚ | ವಿಕೃಷ್ಯಮಾಣಸ್ಯ ಚ ಕಾರ್ಮುಕಸ್ಯ ನಿಶಮ್ಯ ಘೋಷಂ ಪುನರುತ್ಪಪಾತ || 29 || ಶರಾಣಾಮಂತರೇಷ್ವಾಶು ವ್ಯವರ್ತತ ಮಹಾಕಪಿ: | ಹರಿಸ್ತಸ್ಯಾಭಿಲಕ್ಷಸ್ಯ ಮೋಕ್ಷಯನ್ ಲಕ್ಷ್ಯಸಂಗ್ರಹಂ || 30 || ಶರಾಣಾಮಗ್ರತಸ್ತಸ್ಯ ಪುನ: ಸಮಭಿವರ್ತತ | ಪ್ರಸಾರ್ಯ ಹಸ್ತೌ ಹನುಮಾನ್ ಉತ್ಪಪಾತಾನಿಲಾತ್ಮಜ: || 31 || ತಾವುಭೌ ವೇಗಸಂಪನ್ನೌ ರಣಕರ್ಮವಿಶಾರದೌ | ಸರ್ವಭೂತಮನೋಗ್ರಾಹಿ ಚಕ್ರತುರ್ಯುದ್ಧಮುತ್ತಮಂ || 32 || ಹನೂಮತೋ ವೇದ ನ ರಾಕ್ಷಸೋ„ಂತರಂ ನ ಮಾರುತಿಸ್ತಸ್ಯ ಮಹಾತ್ಮನೋ„ಂತರಂ | ಪರಸ್ಪರಂ ನಿರ್ವಿಷಹೌ ಬಭೂವತು: ಸಮೇತ್ಯ ತೌ ದೇವಸಮಾನವಿಕ್ರಮೌ || 33 || ತತಸ್ತು ಲಕ್ಷ್ಯೇ ಸ ವಿಹನ್ಯಮಾನೇ ಶರೇಷು ಮೋಘೇಷು ಚ ಸಂಪತತ್ಸು | ಜಗಾಮ ಚಿಂತಾಂ ಮಹತೀಂ ಮಹಾತ್ಮಾ ಸಮಾಧಿ ಸಂಯೋಗ ಸಮಾಹಿತಾತ್ಮಾ || 34 || ತತೋ ಮತಿಂ ರಾಕ್ಷಸರಾಜಸೂನು: ಚಕಾರ ತಸ್ಮಿನ್ಹರಿವೀರಮುಖ್ಯೇ | ಅವಧ್ಯತಾಂ ತಸ್ಯ ಕಪೇ: ಸಮೀಕ್ಷ್ಯ ಕಥಂ ನಿಗಚ್ಛೇದಿತಿ ನಿಗ್ರಹಾರ್ಥಂ || 35 || ತತ: ಪೈತಾಮಹಾಂ ವೀರ: ಸೋ„ಸ್ತ್ರಮಸ್ತ್ರವಿದಾಂ ವರ: | ಸಂದಧೇ ಸುಮಹಾತೇಜಾಸ್ತಂ ಹರಿಪ್ರವರಂ ಪ್ರತಿ || 36 || ಅವಧ್ಯೋ„ಯಮಿತಿ ಜ್ಜಾತ್ವಾ ತಮಸ್ತ್ರೇಣಾಸ್ತ್ರತತ್ತ್ವವಿತ್ | ನಿಜಗ್ರಾಹ ಮಹಾಬಾಹು: ಮಾರುತಾತ್ಮಜಂ ಇಂದ್ರಜಿತ್ || 37 || ತೇನ ಬದ್ಧಸ್ತತೋ„ಸ್ತ್ರೇಣ ರಾಕ್ಷಸೇನ ಸ ವಾನರ: | ಅಭವನ್ನಿರ್ವಿಚೇಷ್ಟಶ್ಚ ಪಪಾತ ಚ ಮಹೀತಲೇ || 38 || ತತೋ„ಥ ಬುದ್ಧ್ವಾ ಸ ತದಾಸ್ತ್ರಬಂಧಂ ಪ್ರಭೋ: ಪ್ರಭಾವಾದ್ವಿಗತಾಲ್ಪವೇಗ: | ಪಿತಾಮಹಾನುಗ್ರಹಂ ಆತ್ಮನಶ್ಚ ವಿಚಿಂತಯಾಮಾಸ ಹರಿಪ್ರವೀರ: || 39 || ತತ: ಸ್ವಾಯಂಭುವೈ: ಮಂತ್ರೈ: ಬ್ರಹ್ಮಾಸ್ತ್ರಂ ಅಭಿಮಂತ್ರಿತಂ | ಹನೂಮಾಂಶ್ಚಿಂತಯಾಮಾಸ ವರದಾನಂ ಪಿತಾಮಹಾತ್ || 40 || ನ ಮೇ„ಸ್ತ್ರಬಂಧಸ್ಯ ಚ ಶಕ್ತಿರಸ್ತಿ ವಿಮೋಕ್ಷಣೇ ಲೋಕಗುರೋ: ಪ್ರಭಾವಾತ್ | ಇತ್ಯೇವಮೇವಂ ವಿಹಿತೋ„ಸ್ತ್ರಬಂಧೋ ಮಯಾತ್ಮಯೋನೇರನುವರ್ತಿತವ್ಯ: || 41 || ಸ ವೀರ್ಯಮಸ್ತ್ರಸ್ಯ ಕಪಿರ್ವಿಚಾರ್ಯ ಪಿತಾಮಹಾನುಗ್ರಹಂ ಆತ್ಮನಶ್ಚ | ವಿಮೋಕ್ಷಶಕ್ತಿಂ ಪರಿಚಿಂತಯಿತ್ವಾ ಪಿತಾಮಹಾಜ್ಞಾಂ ಅನುವರ್ತತೇ ಸ್ಮ || 42 || ಅಸ್ತ್ರೇಣಾಪಿ ಹಿ ಬದ್ಧಸ್ಯ ಭಯಂ ಮಮ ನ ಜಾಯತೇ | ಪಿತಾಮಹಮಹೇಂದ್ರಾಭ್ಯಾಂ ರಕ್ಷಿತಸ್ಯಾನಿಲೇನ ಚ || 43 || ಗ್ರಹಣೇ ಚಾಪಿ ರಕ್ಷೋಭಿರ್ಮಹನ್ಮೇ ಗುಣದರ್ಶನಂ | ರಾಕ್ಷಸೇಂದ್ರೇಣ ಸಂವಾದ: ತಸ್ಮಾತ್ ಗೃಹ್ಣಂತು ಮಾಂ ಪರೆ || 44 || ಸ ನಿಶ್ಚಿತಾರ್ಥ: ಪರವೀರಹಂತಾ ಸಮೀಕ್ಷ್ಯ ಕರೀ ವಿನಿವೃತ್ತಚೇಷ್ಟ: | ಪರೈ: ಪ್ರಸಹ್ಯಾಭಿಗತೈರ್ನಿಗೃಹ್ಯ ನನಾದ ತೈಸ್ತೈ: ಪರಿಭತ್ಸ್ರ್ಯಮಾನ: || 45 || ತತಸ್ತಂ ರಾಕ್ಷಸಾ ದೃಷ್ಟ್ವಾ ನಿರ್ವಿಚೇಷ್ಟಮರಿಂದಮಂ | ಬಬಂಧು: ಶಣವಲ್ಕೈಶ್ಚ ದ್ರುಮಚೀರೈಶ್ಚ ಸಂಹತೈ: || 46 || ಸ ರೋಚಯಾಮಾಸ ಪರೈಶ್ಚ ಬಂಧನಂ ಪ್ರಸಹ್ಯ ವೀರೈರಭಿನಿಗ್ರಹಂ ಚ | ಕೌತೂಹಲಾನ್ಮಾಂ ಯದಿ ರಾಕ್ಷಸೇಂದ್ರೋ ದ್ರಷ್ಟುಂ ವ್ಯವಸ್ಯೇದಿತಿ ನಿಶ್ಚಿತಾರ್ಥ: || 47 || ಸ ಬದ್ಧಸ್ತೇನ ವಲ್ಕೇನ ವಿಮುಕ್ತೋ„ಸ್ತ್ರೇಣ ವೀರ್ಯವಾನ್ | ಅಸ್ತ್ರಬಂಧ: ಸ ಚಾನ್ಯಂ ಹಿ ನ ಬಂಧಮನುವರ್ತತೇ || 48 || ಅಥೇಂದ್ರಜಿತ್ತಂ ದ್ರುಮಚೀರಬಂಧಂ ವಿಚಾರ್ಯ ವೀರ: ಕಪಿಸತ್ತಮಂ ತಂ | ವಿಮುಕ್ತಮಸ್ತ್ರೇಣ ಜಗಾಮ ಚಿಂತಾಂ ಅನ್ಯೇನ ಬದ್ಧೋ ಹ್ಯನುವರ್ತತೇ„ಸ್ತ್ರಂ || 49 || ಅಹೋ ಮಹತ್ಕರ್ಮ ಕೃತಂ ನಿರರ್ಥಕಂ ನ ರಾಕ್ಷಸೈ: ಮಂತ್ರಗತಿರ್ವಿಮೃಷ್ಟಾ | ಪುನಶ್ಚ ನಾಸ್ತ್ರೇ ವಿಹತೇ„ಸ್ತ್ರಮನ್ಯತ್ ಪ್ರವರ್ತತೇ ಸಂಶಯಿತಾ: ಸ್ಮ ಸರ್ವೇ || 50 || ಅಸ್ತ್ರೇಣ ಹನುಮಾನ್ಮುಕ್ತೋ ನಾತ್ಮಾನಮವಬುಧ್ಯತೇ | ಕೃಷ್ಯಮಾಣಸ್ತು ರಕ್ಷೋಭಿಸ್ತೈಶ್ಚ ಬಂಧೈರ್ನಿಪೀಡಿತ: || 51 || ಹನ್ಯಮಾನಸ್ತತ: ಕ್ರೂರೈ ರಾಕ್ಷಸೈ: ಕಾಷ್ಠಮುಷ್ಟಿಭಿ: | ಸಮೀಪಂ ರಾಕ್ಷಸೇಂದ್ರಸ್ಯ ಪ್ರಾಕೃಷ್ಯತ ಸ ವಾನರ: || 52 || ಅಥೇಂದ್ರಜಿತ್ತಂ ಪ್ರಸಮೀಕ್ಷ್ಯ ಮುಕ್ತಂ ಅಸ್ತ್ರೇಣ ಬದ್ಧಂ ದ್ರುಮಚೀರಸೂತ್ರೈ: | ವ್ಯದರ್ಶಯತ್ತತ್ರ ಮಹಾಬಲಂ ತಂ ಹರಿಪ್ರವೀರಂ ಸಗಣಾಯ ರಾಜ್ಞೇ || 53 || ತಂ ಮತ್ತಮಿವ ಮಾತಂಗಂ ಬದ್ಧಂ ಕಪಿವರೋತ್ತಮಂ | ರಾಕ್ಷಸಾ ರಾಕ್ಷಸೇಂದ್ರಾಯ ರಾವಣಾಯ ನ್ಯವೇದಯನ್ || 54 || ಕೋ„ಯಂ ಕಸ್ಯ ಕುತೋ ವಾಪಿ ಕಿಂ ಕಾರ್ಯಂ ಕೋ ವ್ಯಪಾಶ್ರಯ: | ಇತಿ ರಾಕ್ಷಸವೀರಾಣಾಂ ತತ್ರ ಸಂಜಜ್ಞಿರೇ ಕಥಾ: || 55 || ಹನ್ಯತಾಂ ದಹ್ಯತಾಂ ವಾಪಿ ಭಕ್ಷ್ಯತಾಮಿತಿ ಚಾಪರೇ | ರಾಕ್ಷಸಾಸ್ತತ್ರಸಂಕ್ರುದ್ಧಾ: ಪರಸ್ಪರಮಥಾಬ್ರುವನ್ || 56 || ಅತೀತ್ಯ ಮಾರ್ಗಂ ಸಹಸಾ ಮಹಾತ್ಮಾ ಸ ತತ್ರ ರಕ್ಷೋ„ಧಿಪಪಾದಮೂಲೇ | ದದರ್ಶ ರಾಜ್ಞ: ಪರಿಚಾರವೃದ್ಧಾನ್ ಗೃಹಂ ಮಹಾರತ್ನವಿಭೂಷಿತಂ ಚ || 57 || ಸ ದದರ್ಶ ಮಹಾತೇಜಾ ರಾವಣ: ಕಪಿಸತ್ತಮಂ | ರಕ್ಷೋಭಿ: ವಿಕೃತಾಕಾರೈ: ಕೃಷ್ಯಮಾಣಮಿತಸ್ತತ: || 58 || ರಾಕ್ಷಸಾಧಿಪತಿಂ ಚಾಪಿ ದದರ್ಶ ಕಪಿಸತ್ತಮ: | ತೇಜೋಬಲಸಮಾಯುಕ್ತಂ ತಪಂತಮಿವ ಭಾಸ್ಕರಂ || 59 || ಸ ರೋಷಸಂವರ್ತಿತತಾಮ್ರದೃಷ್ಟಿ: ದಶಾನನಸ್ತಂ ಕಪಿಮನ್ವವೇಕ್ಷ್ಯ | ಅಥೋಪವಿಷ್ಟಾನ್ ಕುಲಶೀಲವೃದ್ಧಾನ್ ಸಮಾದಿಶತ್ತಂ ಪ್ರತಿ ಮಂತ್ರಮುಖ್ಯಾನ್ || 60 || ಯಥಾಕ್ರಮಂ ತೈ: ಸ ಕಪಿಶ್ಚ ಪೃಷ್ಟ: ಕಾರ್ಯಾರ್ಥಮರ್ಥಸ್ಯ ಚ ಮೂಲಮಾದೌ | ನಿವೇದಯಾಮಾಸ ಹರೀಶ್ವರಸ್ಯ ದೂತ: ಸಕಾಶಾದಹಮಾಗತೋ„ಸ್ಮಿ || 61 || || ಇತಿ ಅಷ್ಟಚತ್ವಾರಿಂಶ: ಸರ್ಗ: ||
ತತ: ಸ ಕರ್ಮಣಾ ತಸ್ಯ ವಿಸ್ಮಿತೋ ಭೀಮವಿಕ್ರಮ: | ಹನುಮಾನ್ರೋಷತಾಮ್ರಾಕ್ಷೋ ರಕ್ಷೋ„ಧಿಪಮವೈಕ್ಷತ || 1 || ಭಾಜಮಾನಂ ಮಹಾರ್ಹೇಣ ಕಾಂಚನೇನ ವಿರಾಜತಾ | ಮುಕ್ತಾಜಾಲಾವೃತೇನಾಥ ಮುಕುಟೇನ ಮಹಾದ್ಯುತಿಂ || 2 || ವಜ್ರಸಂಯೋಗ ಸಂಯುಕ್ತೈ: ಮಹಾರ್ಹಮಣಿವಿಗ್ರಹೈ: | ಹೈಮೈರಾಭರಣೈ: ಚಿತ್ರೈರ್ಮನಸೇವ ಪ್ರಕಲ್ಪಿತೈ: || 3 || ಮಹಾರ್ಹಕ್ಷೌಮಸಂವೀತಂ ರಕ್ತಚಂದನರೂಷಿತಂ | ಸ್ವನುಲಿಪ್ತಂ ವಿಚಿತ್ರಾಭಿರ್ವಿವಿಧಭಿಶ್ಚ ಭಕ್ತಿಭಿ: || 4 || ವಿಪುಲೈರ್ದರ್ಶನೀಯೈಶ್ಚ ರಕ್ಷಾಕ್ಷೈರ್ಭೀಮದರ್ಶನೈ: | ದೀಪ್ತತೀಕ್ಷ್ಣಮಹಾದಂಷ್ಟ್ರೈ: ಪ್ರಲಂಬದಶನಚ್ಛದೈ: || 5 || ಶಿರೋಭಿರ್ದಶಭಿರ್ವೀರಂ ಭ್ರಾಜಮಾನಂ ಮಹೌಜಸಂ | ನಾನಾವ್ಯಾಲಸಮಾಕೀರ್ಣೈ: ಶಿಖರೈರಿವ ಮಂದರಂ || 6 || ನೀಲಾಂಜನಚಯ ಪ್ರಖ್ಯಂ ಹಾರೇಣೋರಸಿ ರಾಜತಾ | ಪೂರ್ಣಚಂದ್ರಾಭವಕ್ತ್ರೇಣ ಸಬಲಾಕಮಿವಾಂಬುದಂ || 7 || ಬಾಹುಭಿ: ಬದ್ಧಕೇಯೂರೈಶ್ಚಂದನೋತ್ತಮರೂಷಿತೈ: | ಭ್ರಾಜಮಾನಾಂಗದೈ: ಪೀನೈ: ಪಂಚಶೀರ್ಷೈರಿವೋರಗೈ: || 8 || ಮಹತಿ ಸ್ಫಾಟಿಕೇ ಚಿತ್ರೇ ರತ್ನಸಂಯೋಗ ಸಂಸ್ಕೃತೇ | ಉತ್ತಮಾಸ್ತರಣಾಸ್ತೀರ್ಣೇ ಉಪವಿಷ್ಟಂ ವರಾಸನೇ || 9 || ಅಲಂಕೃತಾಭಿರತ್ಯರ್ಥಂ ಪ್ರಮದಾಭಿ: ಸಮಂತತ: | ವಾಲವ್ಯಜನ ಹಸ್ತಾಭಿರಾರಾತ್ಸಂ ಉಪಸೇವಿತಂ || 10 || ದುರ್ಧರೇಣ ಪ್ರಹಸ್ತೇನ ಮಹಾಪಾಶ್ರ್ವೇನ ರಕ್ಷಸಾ | ಮಂತ್ರಿಭಿ: ಮಂತ್ರತತ್ತ್ವಜ್ಜೈ: ನಿಕುಂಭೇನ ಚ ಮಂತ್ರಿಣಾ || 11 || ಉಪೋಪವಿಷ್ಟಂ ರಕ್ಷೋಭಿಶ್ಚತುರ್ಭಿರ್ಬಲದರ್ಪಿತೈ: | ಕೃತ್ಸ್ನೈ: ಪರಿವೃತಂ ಲೋಕಂ ಚತುರ್ಭಿರಿವ ಸಾಗರೈ: || 12 || ಮಂತ್ರಿಭಿ: ಮಂತ್ರತತ್ತ್ವಜ್ಜೈರನ್ಯೈಶ್ಚ ಶುಭಬುದ್ಧಿಭಿ: | ಅನ್ವಾಸ್ಯಮಾನಂ ಸಚಿವೈ: ಸುರೈರಿವ ಸುರೇಶ್ವರಂ || 13 || ಅಪಶ್ಯದ್ರಾಕ್ಷಸಪತಿಂ ಹನೂಮಾನತಿತೇಜಸಂ | ವಿಷ್ಠಿತಂ ಮೇರುಶಿಖರೇ ಸತೋಯಮಿವ ತೋಯದಂ || 14 || ಸ ತೈ: ಸಂಪೀಡ್ಯಮಾನೋ„ಪಿ ರಕ್ಷೋಭಿ: ಭೀಮವಿಕ್ರಮೈ: | ವಿಸ್ಮಯಂ ಪರಮಂ ಗತ್ವಾ ರಕ್ಷೋ„ಧಿಪಮವೈಕ್ಷತ || 15 || ಭ್ರಾಜಮಾನಂ ತತೋ ದೃಷ್ಟ್ವಾ ಹನುಮಾನ್ರಾಕ್ಷಸೇಶ್ವರಂ | ಮನಸಾ ಚಿಂತಯಾಮಾಸ ತೇಜಸಾ ತಸ್ಯ ಮೋಹಿತ: || 16 || ಅಹೋ ರೂಪಮಹೋ ಧೈರ್ಯಮಹೋ ಸತ್ತ್ವಮಹೋ ದ್ಯುತಿ: | ಅಹೋ ರಾಕ್ಷಸರಾಜಸ್ಯ ಸರ್ವಲಕ್ಷಣಯುಕ್ತತಾ || 17 || ಯದ್ಯಧರ್ಮೋ ನ ಬಲವಾನ್ಸ್ಯಾದಯಂ ರಾಕ್ಷಸೇಶ್ವರ: | ಸ್ಯಾದಯಂ ಸುರಲೋಕಸ್ಯ ಸಶಕ್ರಸ್ಯಾಪಿ ರಕ್ಷಿತಾ || 18 || ಅಸ್ಯ ಕ್ರೂರೈರ್ನೃಶಂ ಸೈಶ್ಚ ಕರ್ಮಭಿರ್ಲೋಕಕುತ್ಸಿತೈ: | ಸರ್ವೇ ಬಿಭ್ಯತಿ ಖಲ್ವಸ್ಮಾಲ್ಲೋಕಾ: ಸಾಮರದಾನವಾ: || 19 || ಅಯಂ ಹ್ಯುತ್ಸಹ್ತೇ ಕ್ರುದ್ಧ: ಕರ್ತುಮೇಕಾರ್ಣವಂ ಜಗತ್ | ಇತಿ ಚಿಂತಾಂ ಬಹುವಿಧಾಮಕರೋನ್ಮತಿಮಾನ್ಕಪಿ: | ದೃಷ್ಟ್ವಾ ರಾಕ್ಷಸರಾಜಸ್ಯ ಪ್ರಭಾವಮಮಿತೌಜಸ: || 20 || || ಇತಿ ಏಕೋನಪಂಚಾಶ: ಸರ್ಗ: ||
ತಮುದ್ವೀಕ್ಷ್ಯ ಮಹಾಬಾಹು: ಪಿಂಗಾಕ್ಷಂ ಪುರತ: ಸ್ಥಿತಂ | ರೋಷೇಣ ಮಹತಾವಿಷ್ಟೋ ರಾವಣೋ ಲೋಕರಾವಣ: || 1 || ಸ ರಾಜಾ ರೋಷತಾಮ್ರಾಕ್ಷ: ಪ್ರಹಸ್ತಂ ಮಂತ್ರಿಸತ್ತಮಂ | ಕಿಮೇಶ ಭಗವಾನ್ನಂದೀ ಭವೇತ್ಸಾಕ್ಷಾದಿಹಾಗತ: || 2 || ಯೇನ ಶಪ್ತೋ„ಸ್ಮಿ ಕೈಲಾಸೇ ಮಯಾ ಸಂಚಾಲಿತೇ ಪುರಾ | ಸೋ„ಯಂ ವಾನರಮೂರ್ತಿ: ಸ್ಯಾತ್ಕಿಂಸ್ವಿದ್ಬಾಣೋ ಮಹಾಸುರ: || 3 || ಸ ರಾಜಾ ರೋಷತಾಮ್ರಾಕ್ಷ: ಪ್ರಹಸ್ತಂ ಮಂತ್ರಿಸತ್ತಮಂ | ಕಾಲ ಯುಕ್ತಂ ಉವಾಚ ಇದಂ ವಚೋ ವಿಪುಲಂ ಅರ್ಥವತ್ || 4 || ದುರಾತ್ಮಾ ಪೃಚ್ಛ್ಯತಾಮೇಷ ಕುತ: ಕಿಂ ವಾಸ್ಯ ಕಾರಣಂ | ವನಭಂಗೇ ಚ ಕೋ„ಸ್ಯಾರ್ಥೋ ರಾಕ್ಷಸೀನಾಂ ಚ ತರ್ಜನೇ || 5 || ಮತ್ಪುರೀಮಪ್ರಧೃಶ್ಯಾಂ ವಾಗಮನೇ ಕಿಂ ಪ್ರಯೋಜನಂ | ಆಯೋಧನೇ ವಾಕಿಂ ಕಾರ್ಯಂ ಪೃಚ್ಛ್ಯತಾಮೇಷ ದುರ್ಮತಿ: || 6 || ರಾವಣಸ್ಯ ವಚ: ಶ್ರುತ್ವಾ ಪ್ರಹಸ್ತೋ ವಾಕ್ಯಮಬ್ರವೀತ್ | ಸಮಾಶ್ವಸಿಹಿ ಭದ್ರಂ ತೇ ನ ಭೀ: ಕಾರ್ಯಾ ತ್ವಯಾ ಕಪೇ || 7 || ಯದಿ ತಾವತ್ತ್ವಮಿಂದ್ರೇಣ ಪ್ರೇಷಿತೋ ರಾವಣಾಲಯಂ | ತತ್ತ್ವಮಾಖ್ಯಾಹಿ ಮಾ ತೇ ಭೂದ್ಭಯಂ ವಾನರ ಮೋಕ್ಷ್ಯಸೇ || 8 || ಯದಿ ವೈಶ್ರವಣಸ್ಯ ತ್ವಂ ಯಮಸ್ಯ ವರುಣಸ್ಯ ಚ | ಚಾರುರೂಪಮಿದಂ ಕೃತ್ವಾ ಯಮಸ್ಯ ವರುಣಸ್ಯ ಚ || 9 || ವಿಷ್ಣುನಾ ಪ್ರೇಷಿತೋ ವಾಪಿ ದೂತೋ ವಿಜಯಕಾಂಕ್ಷಿಣಾ | ನ ಹಿ ತೇ ವಾನರಂ ತೇಜೋ ರೂಪಮಾತ್ರಂ ತು ವಾನರಂ || 10 || ತತ್ತ್ವತ: ಕಥಯಸ್ವಾದ್ಯ ತತೋ ವಾನರ ಮೋಕ್ಷ್ಯಸೇ | ಅನೃತಂ ವದತಶ್ಚಾಪಿ ದುರ್ಲಭಂ ತವ ಜೀವಿತಂ || 11 || ಅಥ ವಾ ಯನ್ನಿಮಿತ್ತಸ್ತೇ ಪ್ರವೇಶೋ ರಾವಣಾಲಯೇ | ಏವಮುಕ್ತೋ ಹರಿವರಸ್ತದಾ ರಕ್ಷೋಗಣೇಶ್ವರಂ || 12 || ಅಬ್ರವೀನ್ನಾಸ್ಮಿ ಶಕ್ರಸ್ಯ ಯಮಸ್ಯ ವರುಣಸ್ಯ ವಾ | ಧನದೇನ ನ ಮೇ ಸಖ್ಯಂ ವಿಷ್ಣುನಾ ನಾಸ್ಮಿ ಚೋದಿತ: || 13 || ಜಾತಿರೇವ ಮಮ ತ್ವೇಷಾ ವಾನರೋ„ಹಮಿಹಾಗತ: | ದರ್ಶನೇ ರಾಕ್ಷಸೇಂದ್ರಸ್ಯ ದುರ್ಲಭೇ ತದಿದಂ ಮಯಾ || 14 || ವನಂ ರಾಕ್ಷಸರಾಜಸ್ಯ ದರ್ಶನಾರ್ಥೇ ವಿನಾಶಿತಂ | ತತಸ್ತೇ ರಾಕ್ಷಸಾ: ಪ್ರಾಪ್ತಾ ಬಲಿನೋ ಯುದ್ಧಕಾಂಕ್ಷಿಣ: || 15 || ರಕ್ಷಣಾರ್ಥಂ ಚ ದೇಹಸ್ಯ ಪ್ರತಿಯುದ್ಧಾ ಮಯಾ ರಣೇ | ಅಸ್ತ್ರಪಾಶೈರ್ನ ಶಕ್ಯೋ„ಹಂ ಬದ್ಧುಂ ದೇವಾಸುರೈರಪಿ || 16 || ಪಿತಾಮಹಾದೇವ ವರೋ ಮಮಾಪ್ಯೇಷೋ„ಭ್ಯುಪಾಗತ: | ರಾಜಾನಂ ದ್ರಷ್ಟುಕಾಮೇನ ಮಯಾಸ್ತ್ರಮನುವರ್ತಿತಂ || 17 || ವಿಮುಕ್ತೋ ಅಹಮಸ್ತ್ರೇಣ ರಾಕ್ಷಸೈಸ್ತ್ವತಿಪೀಡಿತ: | ಕೇವಚಿದ್ರಾಜಕಾರ್ಯೇಣ ಸಂಪ್ರಾಪ್ತೋ„ಸ್ಮಿ ತವಾಂತಿಕಂ || 18 || ದೂತೋ„ಹಮಿತಿ ವಿಜ್ಜೇಯೋ ರಾಘವಸ್ಯಾಮಿತೌಜಸ: | ಶ್ರೂಯತಾಂ ಚಾಪಿ ವಚನಂ ಮಮ ಪಥ್ಯಮಿದಂ ಪ್ರಭೋ || 19 || || ಇತಿ ಪಂಚಾಶ: ಸರ್ಗ: ||
ತಂ ಸಮೀಕ್ಷ್ಯ ಮಹಾಸತ್ತ್ವಂ ಸತ್ತ್ವವಾನ್ಹರಿಸತ್ತಮ: | ವಾಕ್ಯಂ ಅರ್ಥವದವ್ಯಗ್ರಸ್ತಂ ಉವಾಚ ದಶಾನನಂ || 1 || ಅಹಂ ಸುಗ್ರೀವಸಂದೇಶಾದಿಹ ಪ್ರಾಪ್ತಸ್ತವಾಲಯಂ | ರಾಕ್ಷಸೇಂದ್ರ ಹರೀಶಸ್ತ್ವಾಂ ಭ್ರಾತಾ ಕುಶಲಮಬ್ರವೀತ್ || 2 || ಭ್ರಾತು: ಶೃಣು ಸಮಾದೇಶಂ ಸುಗ್ರೀವಸ್ಯ ಮಹಾತ್ಮನ: | ಧರ್ಮಾರ್ಥೋಪಹಿತಂ ವಾಕ್ಯಮಿಹ ಚಾಮುತ್ರ ಚ ಕ್ಷಮಂ || 3 || ರಾಜಾ ದಶರಥೋ ನಾಮ ರಥಕುಂಜರವಾಜಿಮಾನ್ | ಪಿತೇವ ಬಂಧುರ್ಲೋಕಸ್ಯ ಸುರೇಶ್ವರಸಮದ್ಯುತಿ: || 4 || ಜ್ಯೇಷ್ಠಸ್ತಸ್ಯ ಮಹಾಬಾಹು: ಪುತ್ರ: ಪ್ರಿಯಕರ: ಪ್ರಭು: | ಪಿತುರ್ನಿದೇಶಾನ್ನಿಷ್ಕ್ರಾಂತ: ಪ್ರವಿಷ್ಟೋ ದಂಡಕಾವನಂ || 5 || ಲಕ್ಷ್ಮಣೇನ ಸಹ ಭ್ರಾತ್ರಾ ಸೀತಯಾ ಚಾಪಿ ಭಾರ್ಯಯಾ | ರಾಮೋ ನಾಮ ಮಹಾತೇಜಾ ಧಮ್ರ್ಯಂ ಪಂಥಾನಮಾಶ್ರಿತ: || 6 || ತಸ್ಯ ಭಾರ್ಯಾ ವನೇ ನಷ್ಟಾ ಸೀತಾ ಪತಿಮನುವ್ರತಾ | ವೈದೇಹಸ್ಯ ಸುತಾ ರಾಜ್ಜೋ ಜನಕಸ್ಯ ಮಹಾತ್ಮನ: || 7 || ಸ ಮಾರ್ಗಮಾಣಸ್ತಾಂ ದೇವೀಂ ರಾಜಪುತ್ರ: ಸಹಾನುಜ: | ಋಶ್ಯಮೂಕಮನುಪ್ರಾಪ್ತ: ಸುಗ್ರೀವೇಣ ಚ ಸಂಗತ: || 8 || ತಸ್ಯ ತೇನ ಪ್ರತಿಜ್ಜಾತಂ ಸೀತಾಯಾ: ಪರಿಮಾರ್ಗಣಂ || ಸುಗ್ರೀವಸ್ಯಾಪಿ ರಾಮೇಣ ಹರಿರಾಜ್ಯಂ ನಿವೇದಿತಂ || 9 || ತತಸ್ತೇನ ಮೃಧೇ ಹತ್ವಾ ರಾಜಪುತ್ರೇಣ ವಾಲಿನಂ | ಸುಗ್ರೀವ: ಸ್ಥಾಪಿತೋ ರಾಜ್ಯೇ ಹರ್ಯೃಕ್ಷಾಣಾಂ ಗಣೇಶ್ವರ: || 10 || ತ್ವಯಾ ವಿಜ್ಞಾತಪೂರ್ವಶ್ಚ ವಾಲೀ ವಾನರಪುಂಗವ: | ರಾಮೇಣ ನಿಹತ: ಸಂಖ್ಯೇ ಶರೇಣೈಕೇನ ವಾನರ: || 11 || ಸ ಸೀತಾಮಾರ್ಗಣೇ ವ್ಯಗ್ರ: ಸುಗ್ರೀವ: ಸತ್ಯಸಂಗರ: | ಹರೀನ್ಸಂಪ್ರೇಷಯಾಮಾಸ ದಿಶ: ಸರ್ವಾ ಹರೀಶ್ವರ: || 12 || ತಾಂ ಹರೀಣಾಂ ಸಹಸ್ರಾಣಿ ಶತಾನಿ ನಿಯುತಾನಿ ಚ | ದಿಕ್ಷು ಸರ್ವಾಸು ಮಾರ್ಗಂತೇ ಅಧಶ್ಚೋಪರಿ ಚಾಂಬರೇ || 13 || ವೈನತೇಯ ಸಮಾ: ಕೇ ಚಿತ್ಕೇ ಚಿತ್ತತ್ರಾನಿಲೋಪಮಾ: | ಅಸಂಗಗತಯ: ಶೀಘ್ರಾ ಹರಿವೀರಾ ಮಹಾಬಲಾ: || 14 || ಅಹಂ ತು ಹನುಮಾನ್ನಾಮ ಮಾರುತಸ್ಯೌರಸ: ಸುತ: | ಸೀತಾಯಾಸ್ತು ಕೃತೇ ತೂರ್ಣಂ ಶತಯೋಜನಮಾಯತಂ || 15 || ಸಮುದ್ರಂ ಲಂಘಯಿತ್ವೈವ ತಾಂ ದಿದೃಕ್ಷುರಿಹಾಗತ: | ಭ್ರಮತಾ ಚ ಮಯಾ ದೃಷ್ಟಾ ಗೃಹೇ ತೇ ಜನಕಾತ್ಮಜಾ || 16 || ತದ್ಭವಾನ್ದೃಷ್ಟಧರ್ಮಾರ್ಥಸ್ತಪ: ಕೃತಪರಿಗ್ರಹ: | ಪರದಾರಾನ್ಮಹಾಪ್ರಾಜ್ಜ ನೋಪರೋದ್ಧುಂ ತ್ವಮರ್ಹಸಿ || 17 || ನ ಹಿ ಧರ್ಮವಿರುದ್ಧೇಷು ಬಹ್ವಪಾಯೇಷು ಕರ್ಮಸು | ಮೂಲಘಾತಿಷು ಸಜ್ಜಂತೇ ಬುದ್ಧಿಮಂತೋ ಭವದ್ವಿಧಾ: || 18 || ಕಶ್ಚ ಲಕ್ಷ್ಮಣಮುಕ್ತಾನಾಂ ರಾಮಕೋಪಾನುವರ್ತಿನಾಂ | ಶರಾಣಾಮಗ್ರತ: ಸ್ಥಾತುಂ ಶಕ್ತೋ ದೇವಾಸುರೇಷ್ವಪಿ || 19 || ನ ಚಾಪಿ ತ್ರಿಷು ಲೋಕೇಷು ರಾಜನ್ವಿದ್ಯೇತ ಕಶ್ಚನ | ರಾಘವಸ್ಯ ವ್ಯಲೀಕಂ ಯ: ಕೃತ್ವಾ ಸುಖಮವಾಪ್ನುಯಾತ್ || 20 || ತತ್ತ್ರಿಕಾಲಹಿತಂ ವಾಕ್ಯಂ ಧಮ್ರ್ಯಮರ್ಥಾನುಬಂಧಿ ಚ | ಮನ್ಯಸ್ವ ನರದೇವಾಯ ಜಾನಕೀ ಪ್ರತಿದೀಯತಾಂ || 21 || ದೃಷ್ಟಾ ಹೀಯಂ ಮಯಾ ದೇವೀ ಲಬ್ಧಂ ಯದಿಹ ದುರ್ಲಭಂ | ಉತ್ತರಂ ಕರ್ಮ ಯಚ್ಛೇಷಂ ನಿಮಿತ್ತಂ ತತ್ರ ರಾಘವ: || 22 || ಲಕ್ಷಿತೇಯಂ ಮಯಾ ಸೀತಾ ತಥಾ ಶೋಕಪರಾಯಣಾ | ಗೃಹ್ಯ ಯಾಂ ನಾಭಿಜಾನಾಸಿ ಪಂಚಾಸ್ಯಾಮಿವ ಪನ್ನಗೀಂ || 23 || ನೇಯಂ ಜರಯಿತುಂ ಶಕ್ಯಾ ಸಾಸುರೈರಮರೈರಪಿ | ವಿಷಸಂಸೃಷ್ಟಮತ್ಯರ್ಥಂ ಭುಕ್ತಮನ್ನಮಿವೌಜಸಾ || 24 || ತಪ:ಸಂತಾಪ ಲಬ್ಧಸ್ತೇ ಯೋ„ಯಂ ಧರ್ಮಪರಿಗ್ರಹ: | ನ ಸ ನಾಶಯಿತುಂ ನ್ಯಾಯ್ಯ ಆತ್ಮಪ್ರಾಣಪರಿಗ್ರಹ: || 25 || ಅವಧ್ಯತಾಂ ತಪೋಭಿರ್ಯಾಂ ಭವಾನ್ಸಮನುಪಶ್ಯತಿ | ಆತ್ಮನ: ಸಾಸುರೈರ್ದೇವೈರ್ಹೇತುಸ್ತತ್ರಾಪ್ಯಯಂ ಮಹಾನ್ || 26 || ಸುಗ್ರೀವೋ ನ ಹಿ ದೇವೋ„ಯಂ ನಾಸುರೋ ನ ಚ ಮಾನುಷ: | ನ ದಾನವೋ ನ ಗಂಧರ್ವೋ ನ ಯಕ್ಷೋ ನ ಚ ಪನ್ನಗ: || 27 || ತಸ್ಮಾತ್ ಪ್ರಾಣ ಪರಿತ್ರಾಣಂ ಕಥಂ ರಾಜನ್ ಕರಿಷ್ಯಸಿ | ನ ತು ಧರ್ಮ ಉಪಸಂಹಾರಂ ಅಧರ್ಮ ಫಲ ಸಂಹಿತಂ || 28 || ತತ್ ಏವ ಫಲಂ ಅನ್ವೇತಿ ಧರ್ಮ: ಚ ಅಧರ್ಮ ನಾಶನ: | ಪ್ರಾಪ್ತಂ ಧರ್ಮ ಫಲಂ ತಾವತ್ ಭವತಾ ನ ಅತ್ರ ಸಂಶಯ: || 29 || ಫಲಂ ಅಸ್ಯ ಅಪಿ ಅಧರ್ಮಸ್ಯ ಕ್ಷಿಪ್ರಂ ಏವ ಪ್ರಪತ್ಸ್ಯಸೇ | ಜನ ಸ್ಥಾನ ವಧಂ ಬುದ್ಧ್ವಾ ಬುದ್ಧ್ವಾ ವಾಲಿ ವಧಂ ತಥಾ || 30 || ರಾಮ ಸುಗ್ರೀವ ಸಖ್ಯಂ ಚ ಬುಧ್ಯಸ್ವ ಹಿತಂ ಆತ್ಮನ: | ಕಾಮಂ ಖಲ್ವಹಂ ಅಪಿ ಏಕ: ಸವಾಜಿ ರಥ ಕುಂಜರಾಂ || 31 || ಲಂಕಾಂ ನಾಶಯಿತುಂ ಶಕ್ತಸ್ತಸ್ಯೈಷ ತು ವಿನಿಶ್ಚಯ: | ರಾಮೇಣ ಹಿ ಪ್ರತಿಜ್ಜಾತಂ ಹರ್ಯೃಕ್ಷಗಣಸನ್ನಿಧೌ || 32 || ಉತ್ಸಾದನಮಮಿತ್ರಾಣಾಂ ಸೀತಾ ಯೈಸ್ತು ಪ್ರಧರ್ಷಿತಾ | ಅಪಕುರ್ವನ್ಹಿ ರಾಮಸ್ಯ ಸಾಕ್ಷಾದಪಿ ಪುರಂದರ: || 33 || ನ ಸುಖಂ ಪ್ರಾಪ್ನುಯಾದನ್ಯ: ಕಿಂ ಪುನಸ್ತ್ವದ್ವಿಧೋ ಜನ: | ಯಾಂ ಸೀತೇತ್ಯಭಿಜಾನಾಸಿ ಯೇಯಂ ತಿಷ್ಠತಿ ತೇ ವಶೇ || 34 || ಕಾಲರಾತ್ರೀತಿ ತಾಂ ವಿದ್ಧಿ ಸರ್ವಲಂಕಾವಿನಾಶಿನೀಂ | ತದಲಂ ಕಾಲಪಾಶೇನ ಸೀತಾ ವಿಗ್ರಹರೂಪಿಣಾ || 35 || ಸ್ವಯಂ ಸ್ಕಂಧಾವಸಕ್ತೇನ ಕ್ಷಮಮಾತ್ಮನಿ ಚಿಂತ್ಯತಾಂ | ಸೀತಾಯಾಸ್ತೇಜಸಾ ದಗ್ಧಾಂ ರಾಮಕೋಪಪ್ರಪೀಡಿತಾಂ || 36 || ದಹ್ಯಮನಾಮಿಮಾಂ ಪಶ್ಯ ಪುರೀಂ ಸಾಟ್ಟಪ್ರತೋಲಿಕಾಂ | ಸ್ವಾನಿ ಮಿತ್ರಾಣಿ ಮಂತ್ರೀಂಶ್ಚ ಜ್ಞಾತೀನ್ ಭ್ರಾತೃನ್ ಸುತಾನ್ ಹಿತಾನ್ || 37 || ಭೋಗಾನ್ ದಾರಾಂಶ್ಚ ಲಂಕಾಂ ಚ ಮಾ ವಿನಾಶಮುಪಾನಯ | ಸತ್ಯಂ ರಾಕ್ಷಸರಾಜೇಂದ್ರ ಶೃಣುಶ್ವ ವಚನಂ ಮಮ || 38 || ರಾಮದಾಸಸ್ಯ ದೂತಸ್ಯ ವಾನರಸ್ಯ ವಿಶೇಷತ: | ಸರ್ವಾನ್ ಲೋಕಾನ್ ಸುಸಂಹೃತ್ಯ ಸಭೂತಾನ್ ಸಚರಾಚರಾನ್ || 39 || ಪುನರೇವ ತಥಾ ಸ್ರಷ್ಟುಂ ಶಕ್ತೋ ರಾಮೋ ಮಹಾಯಶಾ: | ದೇವಾಸುರನರೇಂದ್ರೇಷು ಯಕ್ಷರಕ್ಷೋಗಣೇಷು ಚ || 40 || ವಿದ್ಯಾಧರೇಷು ಸರ್ವೇಷು ಗಂಧರ್ವೇಷೂರಗೇಷು ಚ | ಸಿದ್ಧೇಶು ಕಿನ್ನರೇಂದ್ರೇಷು ಪತತ್ರಿಶು ಚ ಸರ್ವತ: || 41 || ಸರ್ವಭೂತೇಷು ಸರ್ವತ್ರ ಸರ್ವಕಾಲೇಷು ನಾಸ್ತಿ ಸ: | ಯೋರಾಮಂ ಪ್ರತಿಯುಧ್ಯೇತ ವಿಷ್ಣುತುಲ್ಯಪರಾಕ್ರಮಂ || 42 || ಸರ್ವಲೋಕೇಶ್ವರಸ್ಯೈವಂ ಕೃತ್ವಾ ವಿಪ್ರಿಯಮುತ್ತಮಂ | ರಾಮಸ್ಯ ರಾಜಸಿಂಹಸ್ಯ ದುರ್ಲಭಂ ತವ ಜೀವಿತಂ || 43 || ದೇವಾಶ್ಚ ದೈತ್ಯಾಶ್ಚ ನಿಶಾಚರೇಂದ್ರ | ಗಂಧರ್ವವಿದ್ಯಾಧರನಾಗಯಕ್ಷಾ: | ರಾಮಸ್ಯ ಲೋಕತ್ರಯನಾಯಕಸ್ಯ | ಸ್ಥಾತುಂ ನ ಶಕ್ತಾ: ಸಮರೇಷು ಸರ್ವೇ || 44 || ಬ್ರಹ್ಮ ಸ್ವಯಮುಭೂಶ್ಚ ತುರಾನನೋ ವಾ | ರುದ್ರಸ್ತ್ರಿಣೇತ್ರಸ್ತ್ರಿಪುರಾಂತಕೋ ವಾ | ಇಂದ್ರೋ ಮಹೇಂದ್ರ: ಸುರನಾಯಕೋ ವಾ | ತ್ರಾತುಂ ನ ಶಕ್ತಾ ಯುಧಿ ರಾಮವಧ್ಯಂ || 45 || ಸ ಸೌಷ್ಠವೋಪೇತಮದೀನವಾದಿನ: ಕಪೇರ್ನಿಶಮ್ಯಾಪ್ರತಿಮೋ„ಪ್ರಿಯಂ ವಚ: | ದಶಾನನ: ಕೋಪವಿವೃತ್ತಲೋಚನ: ಸಮಾದಿಶತ್ತಸ್ಯ ವಧಂ ಮಹಾಕಪೇ: || 46 || || ಇತಿ ಏಕಪಂಚಶ: ಸರ್ಗ: ||
ತಸ್ಯ ತದ್ವಚನಂ ಶ್ರುತ್ವಾ ವಾನರಸ್ಯ ಮಹಾತ್ಮನ: | ಆಜ್ಜಾಪಯದ್ವಧಂ ತಸ್ಯ ರಾವಣ: ಕ್ರೋಧಮೂರ್ಛಿತ: || 1 || ವಧೇ ತಸ್ಯ ಸಮಾಜ್ಞಪ್ತೇ ರಾವಣೇನ ದುರಾತ್ಮನಾ | ನಿವೇದಿತವತೋ ದೌತ್ಯಂ ನಾನುಮೇನೇ ವಿಭೀಷಣ: || 2 || ತಂ ರಕ್ಷೋ„ಧಿಪತಿಂ ಕ್ರುದ್ಧಂ ತಚ್ಚ ಕಾರ್ಯಮುಪಸ್ಥಿತಂ | ವಿದಿತ್ವಾ ಚಿಂತಯಾಮಾಸ ಕಾರ್ಯಂ ಕಾರ್ಯವಿಧೌ ಸ್ಥಿತ: || 3 || ನಿಶ್ಚಿತಾರ್ಥಸ್ತತ: ಸಾಮ್ನಾಪೂಜ್ಯ ಶತ್ರುಜಿದಗ್ರಜಂ | ಉವಾಚ ಹಿತಮತ್ಯರ್ಥಂ ವಾಕ್ಯಂ ವಾಕ್ಯವಿಶಾರದ: || 4 || ಕ್ಷಮಸ್ವ ರೋಷಂ ತ್ಯಜ ರಾಕ್ಷಸೇಂದ್ರ | ಪ್ರಸೀದ ಮದ್ವಾಕ್ಯಮಿದಂ ಶೃಣುಶ್ವ | ವಧಂ ನ ಕುರ್ವಂತಿ ಪರಾವರಜ್ಞಾ | ದೂತಸ್ಯ ಸಂತೋ ವಸುಧಾಧಿಪೇಂದ್ರಾ: || 5 || ರಾಜನ್ಧರ್ಮವಿರುದ್ಧಂ ಚ ಲೋಕವೃತ್ತೇಶ್ಚ ಗರ್ಹಿತಂ | ತವ ಚಾಸದೃಶಂ ವೀರ ಕಪೇರಸ್ಯ ಪ್ರಮಾಪಣಂ || 6 || ಧರ್ಮಜ್ಞಶ್ಚ ಕೃತಜ್ಞಶ್ಚ ರಾಜಧರ್ಮವಿಶಾರದ: | ಪರಾವರಜ್ಞ್ನೋ ಭೂತಾನಾಂ ತ್ವಮೇವ ಪರಮಾರ್ಥವಿತ್ || 7 || ಗೃಹ್ಯಂತೇ ಯದಿ ರೋಷೇಣ ತ್ವಾದೃಶೋ„ಪಿ ವಿಪಶ್ಚಿತ: | ತತ: ಶಾಸ್ತ್ರವಿಪಶ್ಚಿತ್ತ್ವಂ ಶ್ರಮ ಏವ ಹಿ ಕೇವಲಂ || 8 || ತಸ್ಮಾತ್ಪ್ರಸೀದ ಶತ್ರುಘ್ನ ರಾಕ್ಷಸೇಂದ್ರ ದುರಾಸದ | ತತ: ಶಾಸ್ತ್ರವಿಪಶ್ಚಿತ್ತ್ವಂ ಶ್ರಮ ಏವ ಹಿ ಕೇವಲಂ || 9 || ವಿಭೀಷಣವಚ: ಶ್ರುತ್ವಾ ರಾವಣೋ ರಾಕ್ಷಸೇಶ್ವರ: | ರೋಷೇಣ ಮಹತಾವಿಷ್ಟೋ ವಾಕ್ಯಮುತ್ತರಮಬ್ರವೀತ್ || 10 || ನ ಪಾಪಾನಾಂ ವಧೇ ಪಾಪಂ ವಿದ್ಯತೇ ಶತ್ರುಸೂದನ | ತಸ್ಮಾದೇನಂ ವಧಿಶ್ಯಾಮಿ ವಾನರಂ ಪಾಪಚಾರಿಣಂ || 11 || ಅಧರ್ಮಮೂಲಂ ಬಹುದೋಶಯುಕ್ತ | ಮನಾರ್ಯಜುಷ್ಟಂ ವಚನಂ ನಿಶಮ್ಯ | ಉವಾಚ ವಾಕ್ಯಂ ಪರಮಾರ್ಥತತ್ತ್ವಂ | ವಿಭೀಷಣೋ ಬುದ್ಧಿಮತಾಂ ವರಿಷ್ಠ: || 12 || ಪ್ರಸೀದ ಲಂಕೇಶ್ವರ ರಾಕ್ಷಸೇಂದ್ರ | ಧರ್ಮಾರ್ಥಯುಕ್ತಂ ವಚನಂ ಶೃಣುಶ್ವ | ದೂತಾನವಧ್ಯಾನ್ ಸಮಯೇಷು ರಾಜನ್ | ಸರ್ವೇಷು ಸರ್ವತ್ರ ವದಂತಿ ಸಂತ: || 13 || ಅಸಂಶಯಂ ಶತ್ರುರಯಂ ಪ್ರವೃದ್ಧ: ಕೃತಂ ಹ್ಯನೇನಾಪ್ರಿಯಮಪ್ರಮೇಯಂ | ನ ದೂತವಧ್ಯಾಂ ಪ್ರವದಂತಿ ಸಂತೋ ದೂತಸ್ಯ ದೃಷ್ಟಾ ಬಹವೋ ಹಿ ದಂಡಾ: || 14 || ವೈರೂಪ್ಯಾಮಂಗೇಷು ಕಶಾಭಿಘಾತೋ ಮೌಂಡ್ಯಂ ತಥಾ ಲಕ್ಷ್ಮಣಸನ್ನಿಪಾತ: | ಏತಾನ್ಹಿ ದೂತೇ ಪ್ರವದಂತಿ ದಂಡಾನ್ ವಧಸ್ತು ದೂತಸ್ಯ ನ ನ: ಶ್ರುತೋ„ಪಿ || 15 || ಕಥಂ ಚ ಧರ್ಮಾರ್ಥವಿನೀತಬುದ್ಧಿ: ಪರಾವರಪ್ರತ್ಯಯನಿಶ್ಚಿತಾರ್ಥ: | ಭವದ್ವಿಧ: ಕೋಪವಶೇ ಹಿ ತಿಷ್ಠೇತ್ ಕೋಪಂ ನಿಯಚ್ಛಂತಿ ಹಿ ಸತ್ತ್ವವಂತ: || 16 || ನ ಧರ್ಮವಾದೇ ನ ಚ ಲೋಕವೃತ್ತೇ ನ ಶಾಸ್ತ್ರಬುದ್ಧಿಗ್ರಹಣೇಷು ವಾಪಿ | ವಿದ್ಯೇತ ಕಶ್ಚಿತ್ತವ ವೀರತುಲ್ಯ: ತ್ವಂ ಹ್ಯುತ್ತಮ: ಸರ್ವಸುರಾಸುರಾಣಾಂ || 17 || ಶೂರೇಣ ವೀರೇಣ ನಿಶಾಚರೇಂದ್ರ | ಸುರಾಸುರಾಣಾಮಪಿ ದುರ್ಜಯೇನ | ತ್ವಯಾ ಪ್ರಗಲ್ಭಾ: ಸುರದೈತ್ಯಸಂಘಾ | ಜಿತಾಶ್ಚ ಯುದ್ಧೇಶ್ವಸಕೃನ್ನರೇಂದ್ರಾ: || 18 || ನ ಚಾಪ್ಯಸ್ಯ ಕಪೇರ್ಘಾತೇ ಕಂ ಚಿತ್ಪಶ್ಯಾಮ್ಯಹಂ ಗುಣಂ | ತೇಷ್ವಯಂ ಪಾತ್ಯತಾಂ ದಂಡೋ ಯೈರಯಂ ಪ್ರೇಷಿತ: ಕಪಿ: || 19 || ಸಾಧುರ್ವಾ ಯದಿ ವಾಸಾಧುರ್ಪರೈರೇಷ ಸಮರ್ಪಿತ: | ಬ್ರುವನ್ಪರಾರ್ಥಂ ಪರವಾನ್ನ ದೂತೋ ವಧಮರ್ಹತಿ || 20 || ಅಪಿ ಚಾಸ್ಮಿನ್ಹತೇ ರಾಜನ್ನಾನ್ಯಂ ಪಶ್ಯಾಮಿ ಖೇಚರಂ | ಇಹ ಯ: ಪುನರಾಗಚ್ಛೇತ್ಪರಂ ಪಾರಂ ಮಹೋದಧಿ: || 21 || ತಸ್ಮಾನ್ನಾಸ್ಯ ವಧೇ ಯತ್ನ: ಕಾರ್ಯ: ಪರಪುರಂಜಯ | ಭವಾನ್ಸೇಂದ್ರೇಷು ದೇವೇಷು ಯತ್ನಮಾಸ್ಥಾತುಮರ್ಹತಿ || 22 || ಅಸ್ಮಿನ್ ವಿನಷ್ಟೇ ನ ಹಿ ದೂತಂ ಅನ್ಯಂ | ಪಶ್ಯಾಮಿ ಯ: ತೌ ನರ ರಾಜ ಪುತ್ರೌ | ಯುದ್ಧಾಯ ಯುದ್ಧ ಪ್ರಿಯ ದುರ್ವಿನೀತಾವ್ | ಉದ್ಯೋಜಯೇತ್ ದೀರ್ಘ ಪಥ ಅವರುದ್ಧೌ || 23 || ಪರಾಕ್ರಮೋತ್ಸಾಹಮನಸ್ವಿನಾಂ ಚ ಸುರಾಸುರಾಣಾಂ ಅಪಿ ದುರ್ಜಯೇನ | ತ್ವಯಾ ಮನೋನಂದನ ನೈರೃತಾನಾಂ ಯುದ್ಧಾಯತಿರ್ನಾಶಯಿತುಂ ನ ಯುಕ್ತಾ || 24 || ಹಿತಾಶ್ಚ ಶೂರಾಶ್ಚ ಸಮಾಹಿತಾಶ್ಚ ಕುಲೇಷು ಜಾತಾಶ್ಚ ಮಹಾಗುಣೇಷು | ಮನಸ್ವಿನ: ಶಸ್ತ್ರಭೃತಾಂ ವರಿಷ್ಠಾ: ಕೋಟ್ಯಗ್ರಶಸ್ತೇ ಸುಭೃತಾಶ್ಚ ಯೋಧಾ: || 25 || ತದೇಕದೇಶೇನ ಬಲಸ್ಯ ತಾವತ್ ಕೇ ಚಿತ್ತವಾದೇಶಕೃತೋ„ಪಯಾಂತು | ತೌ ರಾಜಪುತ್ರೌ ವಿನಿಗೃಹ್ಯ ಮೂಢೌ ಪರೇಷು ತೇ ಭಾವಯಿತುಂ ಪ್ರಭಾವಂ || 26 || ನಿಶಾಚರಾಣಾಮಧಿಪೋ„ಅನುಜಸ್ಯ | ವಿಭೀಶಣಸ್ಯೋತ್ತಮವಾಕ್ಯಮಿಷ್ಟಂ | ಜಗ್ರಾಹ ಬುದ್ಧ್ಯಾ ಸುರಲೋಕಶತ್ರು | ರ್ಮಹಾಬಲೋ ರಾಕ್ಷಸರಾಜಮುಖ್ಯ: || 27 || || ಇತಿ ದ್ವಿಪಂಚಾಶ: ಸರ್ಗ: ||
ತಸ್ಯ ತದ್ವಚನಂ ಶ್ರುತ್ವಾ ದಶಗ್ರೀವೋ ಮಹಾಬಲ: | ದೇಶಕಾಲಹಿತಂ ವಾಕ್ಯಂ ಭ್ರಾತುರುತ್ತಮಮಬ್ರವೀತ್ || 1 || ಸಮ್ಯಗುಕ್ತಂ ಹಿ ಭವತಾ ದೂತವಧ್ಯಾ ವಿಗರ್ಹಿತಾ | ಅವಶ್ಯಂ ತು ವಧಾದನ್ಯ: ಕ್ರಿಯತಾಮಸ್ಯ ನಿಗ್ರಹ: || 2 || ಕಪೀನಾಂ ಕಿಲ ಲಾಂಗೂಲಮಿಷ್ಟಂ ಭವತಿ ಭೂಷಣಂ | ತದಸ್ಯ ದೀಪ್ಯತಾಂ ಶೀಘ್ರಂ ತೇನ ದಗ್ಧೇನ ಗಚ್ಛತು || 3 || ತತ: ಪಶ್ಯಂತ್ವಿಮಂ ದೀನಮಂಗವೈರೂಪ್ಯಕರ್ಶಿತಂ | ಸಮಿತ್ರಾ ಜ್ಜಾತಯ: ಸರ್ವೇ ಬಾಂಧವಾ: ಸಸುಹೃಜ್ಜನಾ: || 4 || ಆಜ್ಜಾಪಯದ್ರಾಕ್ಷಸೇಂದ್ರ: ಪುರಂ ಸರ್ವಂ ಸಚತ್ವರಂ | ಲಾಂಗೂಲೇನ ಪ್ರದೀಪ್ತೇನ ರಕ್ಷೋಭಿ: ಪರಿಣೀಯತಾಂ || 5 || ತಸ್ಯ ತದ್ವಚನಂ ಶ್ರುತ್ವಾ ರಾಕ್ಷಸಾ: ಕೋಪಕರ್ಕಶಾ: | ವೇಷ್ಟಂತೇ ತಸ್ಯ ಲಾಂಗೂಲಂ ಜೀರ್ಣೈ: ಕಾರ್ಪಾಸಿಕೈ: ಪಟೈ: || 6 || ಸಂವೇಷ್ಟ್ಯಮಾನೇ ಲಾಂಗೂಲೇ ವ್ಯವರ್ಧತ ಮಹಾಕಪಿ: | ಶುಷ್ಕಮಿಂಧನಮಾಸಾದ್ಯ ವನೇಷ್ವಿವ ಹುತಾಶನ: || 7 || ತೈಲೇನ ಪರಿಷಿಚ್ಯಾಥ ತೇ„ಗ್ನಿಂ ತತ್ರಾವಪಾತಯನ್ | ಲಾಂಗೂಲೇನ ಪ್ರದೀಪ್ತೇನ ರಾಕ್ಷಸಾಂಸ್ತಾನಪಾತಯತ್ || 8 || ರೋಷಾಮರ್ಷಪರೀತಾತ್ಮಾ ಬಾಲಸೂರ್ಯಸಮಾನನ: | ಲಾಂಗೂಲಂ ಸಂಪ್ರದೀಪ್ತಂ ತು ದ್ರಷ್ಟುಂ ತಸ್ಯ ಹನೂಮತ: || 9 || ಸಹಸ್ತ್ರೀಬಾಲವೃದ್ಧಾಶ್ಚ ಜಗ್ಮು: ಪ್ರೀತಾ ನಿಶಾಚರಾ: | ಸ ಭೂಯ: ಸಂಗತೈ: ಕ್ರೂರೈ ರಾಕಸೈರ್ಹರಿಸತ್ತಮ: || 10 || ನಿಬದ್ಧ: ಕೃತವಾನ್ವೀರ: ತತ್ಕಾಲಸದೃಶೀಂ ಮತಿಂ | ಕಾಮಂ ಖಲು ನ ಮೇ ಶಕ್ತಾ ನಿಬಧಸ್ಯಾಪಿ ರಾಕ್ಷಸಾ: || 11 || ಛಿತ್ತ್ವಾ ಪಾಶಾನ್ಸಮುತ್ಪತ್ಯ ಹನ್ಯಾಮಹಮಿಮಾನ್ಪುನ: | ಯದಿಭರ್ತುರ್ಹತಾರ್ಥಾಯ ಚರಂತಂ ಭರ್ತೃಶಾಸನಾತ್ || 12 || ಬಧ್ನಂತ್ಯೇತೇ ದುರಾತ್ಮನೋ ನ ತು ಮೇ ನಿಷ್ಕೃತಿ: ಕೃತಾ | ಸರ್ವೇಷಾಮೇವ ಪರ್ಯಾಪ್ತೋ ರಾಕ್ಷಸಾನಾಮಹಂ ಯುಧಿ || 13 || ಕಿಂ ತು ರಾಮಸ್ಯ ಪ್ರೀತ್ಯರ್ಥಂ ವಿಷಹಿಷ್ಯೇ„ಹಮೀದೃಶಂ | ಲಂಕಾ ಚರಯಿತವ್ಯಾ ಮೇ ಪುನರೇವ ಭವೇದಿತಿ || 14 || ರಾತ್ರೌ ನ ಹಿ ಸುದೃಷ್ಟಾ ಮೇ ದುರ್ಗಕರ್ಮವಿಧಾನತ: | ಅವಶ್ಯಮೇವ ದ್ರಷ್ಟವ್ಯಾ ಮಯಾ ಲಂಕಾ ನಿಶಾಕ್ಷಯೇ || 15 || ಕಾಮಂ ಬಂಧೈಶ್ಚ ಮೇ ಭೂಯ: ಪುಚ್ಛಸ್ಯೋದ್ದೀಪನೇನ ಚ | ಪೀಡಾಂ ಕುರ್ವಂತು ರಕ್ಷಾಂಸಿ ನ ಮೇ„ಸ್ತಿ ಮನಸ: ಶ್ರಮ: || 16 || ತತಸ್ತೇ ಸಂವೃತಾಕಾರಂ ಸತ್ತ್ವವಂತಂ ಮಹಾಕಪಿಂ | ಪರಿಗೃಹ್ಯ ಯಯುರ್ಹೃಷ್ಟಾ ರಾಕ್ಷಸಾ: ಕಪಿಕುಂಜರಂ || 17 || ಶಂಖಭೇರೀನಿನಾದೈ: ತೈರ್ಘೋಷಯಂತ: ಸ್ವಕರ್ಮಭಿ: | ರಾಕ್ಷಸಾ: ಕ್ರೂರಕರ್ಮಾಣಶ್ಚಾರಯಂತಿ ಸ್ಮ ತಾಂ ಪುರೀಂ || 18 || ಅನ್ವೀಯಮಾನೋ ರಕ್ಷೋಭಿರ್ಯಯೌ ಸುಖಮರಿಂದಮ: | ಹನುಮಾಂಶ್ಚಾರಯಾಮಾಸ ರಾಕ್ಷಸಾನಾಂ ಮಹಾಪುರೀಂ || 19 || ಅಥಾಪಶ್ಯದ್ವಿಮಾನಾನಿ ವಿಚಿತ್ರಾಣಿ ಮಹಾಕಪಿ: | ಸಂವೃತಾನ್ಭೂಮಿಭಾಗಾಂಶ್ಚ ಸುವಿಭಕ್ತಾಂಶ್ಚ ಚತ್ವರಾನ್ || 20 || ವೀಥೀಶ್ಚ ಗೃಹಸಂಬಾಧಾ: ಕಪಿ: ಶೃಂಗಟಕಾನಿ ಚ | ತಥಾ ರಥ್ಯೋಪರಥ್ಯಾಶ್ಚ ತಥೈವ ಗೃಹಕಾಂತರಾನ್ || 21 || ಗೃಹಾಂಶ್ಚ ಮೇಘಸಂಕಾಶಾನ್ ದದರ್ಶ ಪವನಾತ್ಮಜ: | ಚತ್ವರೇಷು ಚತುಷ್ಕೇಷು ರಾಜ ಮಾರ್ಗೇ ತಥೈವ ಚ || 22 || ಘೋಷಯಂತಿ ಕಪಿಂ ಸರ್ವೇ ಚಾರೀಕ ಇತಿ ರಾಕ್ಷಸಾ: | ಸ್ತ್ರೀಬಾಲವೃದ್ಧಾ ನಿರ್ಜಗ್ಮುಸ್ತತ್ರ ತತ್ರ ಕುತೂಹಲಾತ್ || 23 || ತಂ ಪ್ರದೀಪಿತಲಾಂಗೂಲಂ ಹನುಮಂತಂ ದಿದೃಕ್ಷವ: | ದೀಪ್ಯಮಾನೇ ತತಸ್ತಸ್ಯ ಲಾಂಗೂಲಾಗ್ರೇ ಹನೂಮತ: || 24 || ರಾಕ್ಷಸ್ಯಸ್ತಾ ವಿರೂಪಾಕ್ಷ್ಯ: ಶಂಸುರ್ದೇವ್ಯಾಸ್ತದಪ್ರಿಯಂ | ಯಸ್ತ್ವಯಾ ಕೃತಸಂವಾದ: ಸೀತೇ ತಾಮ್ರಮುಖ: ಕಪಿ: || 25 || ಲಾಂಗೂಲೇನ ಪ್ರದೀಪ್ತೇನ ಸ ಏಷ ಪರಿಣೀಯತೇ | ಶ್ರುತ್ವಾ ತದ್ವಚನಂ ಕ್ರೂರಮಾತ್ಮಾಪಹರಣೋಪಮಂ || 26 || ವೈದೇಹೀ ಶೋಕಸಂತಪ್ತಾ ಹುತಾಶನಮುಪಾಗಮತ್ | ಮಂಗಳಾಭಿಮುಖೀ ತಸ್ಯ ಸಾ ತದಾಸೀನ್ಮಹಾಕಪೇ: || 27 || ಉಪತಸ್ಥೇ ವಿಶಾಲಾಕ್ಷೀ ಪ್ರಯತಾ ಹವ್ಯವಾಹನಂ | ಯದ್ಯಸ್ತಿ ಪತಿಶುಶ್ರೂಷಾ ಯದ್ಯಸ್ತಿ ಚರಿತಂ ತಪ: || 28 || ಯದಿ ಚಾಸ್ತ್ಯೇಕಪತ್ನೀತ್ವಂ ಶೀತೋ ಭವ ಹನೂಮತ: | ಯದಿ ಕಶ್ಚಿದನುಕ್ರೋಶಸ್ತಸ್ಯ ಮಯ್ಯಸ್ತಿ ಧೀಮತ: || 29 || ಯದಿ ವಾ ಭಾಗ್ಯಶೇಷಂ ಮೇ ಶೀತೋ ಭವ ಹನೂಮತ: | ಯದಿ ಮಾಂ ವೃತ್ತಸಂಪನ್ನಾಂ ತತ್ಸಮಾಗಮಲಾಲಸಾಂ || 30 || ಸ ವಿಜಾನಾತಿ ಧರ್ಮ ಆತ್ಮಾ ಶೀತೋ ಭವ ಹನೂಮತ: | ಯದಿ ಮಾಂ ತಾರಯತ್ಯಾರ್ಯ: ಸುಗ್ರೀವ: ಸತ್ಯಸಂಗರ: || 31 || ಅಸ್ಮಾದ್ದು:ಖಾನ್ಮಹಾಬಾಹು: ಶೀತೋ ಭವ ಹನೂಮತ: | ತತಸ್ತೀಕ್ಷ್ಣಾರ್ಚಿರವ್ಯಗ್ರ: ಪ್ರದಕ್ಷಿಣಶಿಖೋ„ನಲ: || 32 || ಜಜ್ವಾಲ ಮೃಗಶಾವಾಕ್ಷ್ಯಾ: ಶಂಸನ್ನಿವ ಶಿವಂ ಕಪೇ: | ಹನುಮಜ್ಜನಕಶ್ಚಾಪಿ ಪುಚ್ಚ್ಹಾನಲಯುತೋ„ನಿಲ: || 33 || ವವೌ ಸ್ವಾಸ್ಥ್ಯಕರೋ ದೇವ್ಯಾ: ಪ್ರಾಲೇಯಾನಿಲಶೀತಲ: | ದಹ್ಯಮಾನೇ ಚ ಲಾಂಗೂಲೇ ಚಿಂತಯಾಮಾಸ ವಾನರ: || 34 || ಪ್ರದೀಪ್ತೋ„ಗ್ನಿರಯಂ ಕಸ್ಮಾನ್ನ ಮಾಂ ದಹತಿ ಸರ್ವತ: | ದೃಶ್ಯತೇ ಚ ಮಹಾಜ್ವಾಲ: ಕರೋತಿ ಚ ನ ಮೇ ರುಜಂ || 35 || ಶಿಶಿರಸ್ಯೇವ ಸಂಪಾತೋ ಲಾಂಗೂಲಾಗ್ರೇ ಪ್ರತಿಷ್ಠಿತ: | ಅಥವಾ ತದಿದಂ ವ್ಯಕ್ತಂ ಯದ್ದೃಷ್ಟಂ ಪ್ಲವತಾ ಮಯಾ || 36 || ರಾಮಪ್ರಭಾವಾದಾಶ್ಚರ್ಯಂ ಪರ್ವತ: ಸರಿತಾಂ ಪತೌ | ಯದಿ ತಾವತ್ಸಮುದ್ರಸ್ಯ ಮೈನಾಕಸ್ಯ ಚ ಧೀಮಥ || 37 || ರಾಮಾರ್ಥಂ ಸಂಭ್ರಮಸ್ತಾದೃಕ್ಕಿಮಗ್ನಿರ್ನ ಕರಿಷ್ಯತಿ | ಸೀತಾಯಾಶ್ಚಾನೃಶಂಸ್ಯೇನ ತೇಜಸಾ ರಾಘವಸ್ಯ ಚ || 38 || ಪಿತುಶ್ಚ ಮಮ ಸಖ್ಯೇನ ನ ಮಾಂ ದಹತಿ ಪಾವಕ: | ಭೂಯ: ಸ ಚಿಂತಯಾಮಾಸ ಮುಹೂರ್ತಂ ಕಪಿಕುಂಜರ: || 39 || ಉತ್ಪಪಾತಾಥ ವೇಗೇನ ನನಾದ ಚ ಮಹಾಕಪಿ: | ಪುರದ್ವಾರಂ ತತ: ಶ್ರೀಮಾನ್ಶೈಲ ಶೃಂಗಮಿವೋನ್ನತಂ || 40 || ವಿಭಕ್ತರಕ್ಷ: ಸಂಬಾಧಮಾಸಸಾದಾನಿಲಾತ್ಮಜ: | ಸ ಭೂತ್ವಾ ಶೈಲಸಂಕಾಶ: ಕ್ಷಣೇನ ಪುನರಾತ್ಮವಾನ್ || 41 || ಹ್ರಸ್ವತಾಂ ಪರಮಾಂ ಪ್ರಾಪ್ತೋ ಬಂಧನಾನ್ಯವಶಾತಯತ್ | ವಿಮುಕ್ತಶ್ಚಾಭವಚ್ಛ್ರೀಮಾನ್ಪುನ: ಪರ್ವತಸನ್ನಿಭ: || 42 || ವೀಕ್ಷಮಾಣಶ್ಚ ದದೃಶೇ ಪರಿಘಂ ತೋರಣಾಶ್ರಿತಂ | ಸ ತಂ ಗೃಹ್ಯ ಮಹಾಬಾಹು: ಕಾಲಾಯಸಪರಿಷ್ಕೃತಂ || 43 || ರಕ್ಷಿಣಸ್ತಾನ್ಪುನ: ಸರ್ವಾನ್ಸೂದಯಾಮಾಸ ಮಾರುತಿ: | ಸ ತಾನ್ನಿಹತ್ವಾ ರಣಚಂಡವಿಕ್ರಮ: ಸಮೀಕ್ಷಮಾಣ: ಪುನರೇವ ಲಂಕಾಂ | ಪ್ರದೀಪ್ತಲಾಂಗೂಲಕೃತಾರ್ಚಿಮಾಲೀ ಪ್ರಕಾಶತಾದಿತ್ಯ ಇವಾಂಶುಮಾಲೀ || 44 || || ಇತಿ ತ್ರಿಪಂಚಶ: ಸರ್ಗ: ||
ವೀಕ್ಷಮಾಣಸ್ತತೋ ಲಂಕಾನ್ ಕಪಿ: ಕೃತಮನೋರಥ: | ವರ್ಧಮಾನಸಮುತ್ಸಾಹ: ಕಾರ್ಯಶೇಷಮಚಿಂತಯತ್ || 1 || ಕಿಂ ನು ಖಲ್ವವಿಶಿಷ್ಟಂ ಮೇ ಕರ್ತವ್ಯಮಿಹ ಸಾಂಪ್ರತಂ | ಯದೇಷಾನ್ ರಕ್ಷಸಾಂ ಭೂಯ: ಸಂತಾಪಜನನಂ ಭವೇತ್ || 2 || ವನಂ ತಾವತ್ಪ್ರಮಥಿತಂ ಪ್ರಕೃಷ್ಟಾ ರಾಕ್ಷಸಾ ಹತಾ: | ಬಲೈಕದೇಶ: ಕ್ಷಪಿತ: ಶೇಷಂ ದುರ್ಗವಿನಾಶನಂ || 3 || ದುರ್ಗೇ ವಿನಾಶಿತೇ ಕರ್ಮ ಭವೇತ್ಸುಖಪರಿಶ್ರಮಂ | ಅಲ್ಪಯತ್ನೇನ ಕಾರ್ಯೇ„ಸ್ಮಿನ್ಮಮ ಸ್ಯಾತ್ಸಫಲ: ಶ್ರಮ: || 4 || ಯೋ ಹ್ಯಯಂ ಮಮ ಲಾಂಗೂಲೇ ದೀಪ್ಯತೇ ಹವ್ಯವಾಹನ: | ಅಸ್ಯ ಸಂತರ್ಪಣಂ ನ್ಯಾಯ್ಯಂ ಕರ್ತುಮೇಭಿರ್ಗೃಹೋತ್ತಮೈ: || 5 || ತತ: ಪ್ರದೀಪ್ತಲಾಂಗೂಲ: ಸವಿದ್ಯುದಿವ ತೋಯದ: | ಭವನಾಗ್ರೇಷು ಲಂಕಾಯಾ ವಿಚಚಾರ ಮಹಾಕಪಿ: || 6 || ಗೃಹಾದ್ಗೃಹಂ ರಾಕ್ಷಸಾನಾಮುದ್ಯಾನಾನಿ ಚ ವಾನರ: | ವೀಕ್ಷಮಾಣೋ ಹ್ಯಸಂತ್ರಸ್ತ: ಪ್ರಾಸಾದಾಂಶ್ಚ ಚಚಾರ ಸ: || 7 || ಅವಪ್ಲುತ್ಯ ಮಹಾವೇಗ: ಪ್ರಹಸ್ತಸ್ಯ ನಿವೇಶನಂ | ಅಗ್ನಿಂ ತತ್ರ ಸ ನಿಕ್ಷಿಪ್ಯ ಶ್ವಸನೇನ ಸಮೋ ಬಲೀ || 8 || ತತೋ„ನ್ಯತ್ಪುಪ್ಲುವೇ ವೇಶ್ಮ ಮಹಾಪಾಶ್ರ್ವಸ್ಯ ವೀರ್ಯವಾನ್ | ಮುಮೋಚ ಹನುಮಾನ್ ಅಗ್ನಿಂ ಕಾಲ ಅನಲ ಶಿಖಾ ಉಪಮಂ || 9 || ವಜ್ರದಂಷ್ಟ್ರ ಸ್ಯ ಚ ತದಾ ಪುಪ್ಲುವೇ ಸ ಮಹಾಕಪಿ: | ಶುಕಸ್ಯ ಚ ಮಹಾತೇಜಾ: ಸಾರಣಸ್ಯ ಚ ಧೀಮತ: || 10 || ತಥಾ ಚೇಂದ್ರಜಿತೋ ವೇಶ್ಮ ದದಾಹ ಹರಿಯೂಥಪ: | ಜಂಬುಮಾಲೇ: ಸುಮಾಲೇಶ್ಚ ದದಾಹ ಭವನಂ ತತ: || 11 || ರಶ್ಮಿಕೇತೋಶ್ಚ ಭವನಂ ಸೂರ್ಯಶತ್ರೋಸ್ತಥೈವ ಚ | ಹ್ರಸ್ವಕರ್ಣಸ್ಯ ದಂಷ್ಟ್ರಸ್ಯ ರೋಮಶಸ್ಯ ಚ ರಕ್ಷಸ: || 12 || ಯುದ್ಧೋನ್ಮತ್ತಸ್ಯ ಮತ್ತಸ್ಯ ಧ್ವಜಗ್ರೀವಸ್ಯ ರಕ್ಷಸ: | ವಿದ್ಯುಜ್ಜಿಹ್ವಸ್ಯ ಘೋರಸ್ಯ ತಥಾ ಹಸ್ತಿಮುಖಸ್ಯ ಚ || 13 || ಕರಾಳಸ್ಯ ಪಿಶಾಚಸ್ಯ ಶೋಣಿತಾಕ್ಷಸ್ಯ ಚೈವ ಹಿ | ಕುಂಭಕರ್ಣಸ್ಯ ಭವನಂ ಮಕರಾಕ್ಷಸ್ಯ ಚೈವ ಹಿ || 14 || ಯಜ್ಞಶತ್ರೋಶ್ಚ ಭವನಂ ಬ್ರಹ್ಮಶತ್ರೋಸ್ತಥೈವ ಚ | ನರಾಂತಕಸ್ಯ ಕುಂಭಸ್ಯ ನಿಕುಂಭಸ್ಯ ದುರಾತ್ಮನ: || 15 || ವರ್ಜಯಿತ್ವಾ ಮಹಾತೇಜಾ ವಿಭೀಷಣಗೃಹಂ ಪ್ರತಿ | ಕ್ರಮಮಾಣ: ಕ್ರಮೇಣೈವ ದದಾಹ ಹರಿಪುಂಗವ: || 16 || ತೇಷು ತೇಷು ಮಹಾರ್ಹೇಶು ಭವನೇಶು ಮಹಾಯಶಾ: | ಗೃಹೇಶ್ವೃದ್ಧಿಮತಾಂಋದ್ಧಿಂ ದದಾಹ ಸ ಮಹಾಕಪಿ: || 17 || ಸರ್ವೇಷಾಂ ಸಮತಿಕ್ರಮ್ಯ ರಾಕ್ಷಸೇಂದ್ರಸ್ಯ ವೀರ್ಯವಾನ್ | ಆಸಸಾದಾಥ ಲಕ್ಷ್ಮೀವಾನ್ ರಾವಣಸ್ಯ ನಿವೇಶನಂ || 18 || ತತಸ್ತಸ್ಮಿನ್ ಗೃಹೇ ಮುಖ್ಯೇ ನಾನಾರತ್ನವಿಭೂಷಿತೇ | ಮೇರುಮಂದರಸಂಕಾಶೇ ಸರ್ವಮಂಗಳಶೋಭಿತೇ || 19 || ಪ್ರದೀಪ್ತಮಗ್ನಿಮುತ್ಸೃಜ್ಯ ಲಾಂಗೂಲಾಗ್ರೇ ಪ್ರತಿಷ್ಠಿತಂ | ನನಾದ ಹನುಮಾನ್ ವೀರೋ ಯುಗಾಂತಜಲದೋ ಯಥಾ || 20 || ಶ್ವಸನೇನ ಚ ಸಂಯೋಗಾತ್ ಅತಿವೇಗೋ ಮಹಾಬಲ: | ಕಾಲ ಅಗ್ನಿ: ಇವ ಜಜ್ವಾಲ ಪ್ರಾವರ್ಧತ ಹುತಾಶನ: || 21 || ಪ್ರದೀಪ್ತಂ ಅಗ್ನಿಂ ಪವನ: ತೇಷು ವೇಶ್ಮಸು ಚಾರಯತ್ | ಅಭೂಚ್ಛ್ವಸನಸಂಯೋಗಾದತಿವೇಗೋ ಹುತಾಶನ: || 22 || ತಾನಿ ಕಾಂಚನ ಜಾಲಾನಿ ಮುಕ್ತಾ ಮಣಿಮಯಾನಿ ಚ | ಭವನಾನಿ ಅವಶೀರ್ಯಂತ ರತ್ನವಂತಿ ಮಹಾಂತಿ ಚ || 23 || ಸಂಜಜ್ನೇ ತುಮುಲ: ಶಬ್ದೋ ರಾಕ್ಷಸಾನಾಂ ಪ್ರಧಾವತಾಂ | ಸ್ವಗಿಹಸ್ಯ ಪರಿತ್ರಾಣೇ ಭಗ್ನೋತ್ಸಾಹೋರ್ಜಿತಶ್ರಿಯಾಂ || 24 || ನೂನೇಮೇಷಾಗ್ನಿರಾಯಾತ: ಕಪಿರೂಪೇಣ ಹಾ ಇತಿ | ಕ್ರಂದಂತ್ಯ: ಸಹಸಾ ಪೇತು: ಸ್ತನಂಧಯಧರಾ: ಸ್ತ್ರಿಯ: || 25 || ಕಾಶ್ಚಿರಗ್ನಿಪರೀತೇಭ್ಯೋ ಹಮ್ರ್ಯೇಭ್ಯೋ ಮುಕ್ತಮೂರ್ಧಜಾ: | ಪತಂತ್ಯೋ ರೇಜಿರೇ„ಭ್ರೇಭ್ಯ: ಸೌದಾಮಿನ್ಯ ಇವಾಂಬರಾತ್ || 26 || ವಜ್ರ ವಿದ್ರುಮ ವೈಡೂರ್ಯ ಮುಕ್ತಾ ರಜತ ಸಂಹಿತಾನ್ | ವಿಚಿತ್ರಾನ್ ಭವನಾತ್ ಧಾತೂನ್ ಸ್ಯಂದಮಾನಾನ್ ದದರ್ಶ ಸ: || 27 || ನ ಅಗ್ನಿ: ತೃಪ್ಯತಿ ಕಾಷ್ಠಾನಾಂ ತೃಣಾನಾಂ ಚ ಯಥಾ ತಥಾ | ಹನೂಮಾನ್ ರಾಕ್ಷಸ ಇಂದ್ರಾಣಾಂ ವಧೇ ಕಿಂಚಿನ್ ನ ತೃಪ್ಯತಿ || 28 || ನ ಹನೂಮದ್ವಿಶಸ್ತಾನಾಂ ರಾಕ್ಷಸಾನಾಂ ವಸುಂಧರಾ | ಕ್ವಚಿತ್ಕಿಂಶುಕಸಂಕಾಶಾ: ಕ್ವಚಿಚ್ಛಾಲ್ಮಲಿಸನ್ನಿಭಾ: || 29 || ಹನೂಮತಾ ವೇಗವತಾ ವಾನರೇಣ ಮಹಾತ್ಮನಾ | ಲಂಕಾಪುರಂ ಪ್ರದಗ್ಧಂ ತದ್ರುದ್ರೇಣ ತ್ರಿಪುರಂ ಯಥಾ || 30 || ತತಸ್ತು ಲಂಕಾಪುರಪರ್ವತಾಗ್ರೇ | ಸ್ಮುತ್ಥಿತೋ ಭೀಮಪರಾಕ್ರಮೋ„ಗ್ನಿ: | ಪ್ರಸಾರ್ಯ ಚೂಡಾವಲಯಂ ಪ್ರದೀಪ್ತೋ | ಹನೂಮತಾ ವೇಗವತಾ ವಿಸೃಷ್ಟ: || 31 || ಯುಗಾಂತಕಾಲಾನಲತುಲ್ಯವೇಗ: | ಸಮಾರುತೋ„ಗ್ನಿರ್ವವೃಧೇ ದಿವಸ್ಪೃಕ್ | ವಿಧೂಮರಶ್ಮಿರ್ಭವನೇಷು ಸಕ್ತೋ | ರಕ್ಷ: ಶರೀರಾಜ್ಯಸಮರ್ಪಿತಾರ್ಚಿ: || 32 || ಆದಿತ್ಯಕೋಟೀಸದೃಶ: ಸುತೇಜಾ | ಲಂಕಾಂ ಸಮಸ್ತಾಂ ಪರಿವಾರ್ಯ ತಿಷ್ಠನ್ | ಶಬ್ದೈರನೇಕೈರಶನಿಪ್ರರೂಡೈ | ರ್ಭಿಂದನ್ನಿವಾಂಡಂ ಪ್ರಬಭೌ ಮಹಾಗ್ನಿ: || 33 || ತತ್ರಾಂಬರಾದಗ್ನಿರತಿಪ್ರವೃದ್ಧೋ | ರೂಕ್ಷಪ್ರಭ: ಕಿಂಶುಕಪುಶ್ಪಚೂಡಾ: | ನಿರ್ವಾಣಧೂಮಾಕುಲರಾಜಯಶ್ಚ | ನೀಲೋತ್ಪಲಾಭಾ: ಪ್ರಚಕಾಶಿರೇ„ಭ್ರಾ: || 34 || ವಜ್ರೀ ಮಹೇಂದ್ರಸ್ತ್ರಿದಶೇಶ್ವರೋ ವಾ | ಸಾಕ್ಷಾದ್ಯಮೋ ವಾ ವರುಣೋ„ನಿಲೋ ವಾ | ರುದ್ರೋಗ್ನಿರರ್ಕೋ ಧನದಶ್ಚ ಸೋಮೋ | ನ ವಾನರೋ„ಯಂ ಸ್ವಯಮೇವ ಕಾಲ: || 35 || ಕಿಂ ಬ್ರಹ್ಮಣ ಸರ್ವಪಿತಾಮಹಸ್ಯ | ಸರ್ವಸ್ಯ ಧಾತುಶ್ಚತುರಾನನಸ್ಯ | ಇಹಾಗತೋ ವಾನರರೂಪಧಾರೀ | ರಕ್ಷೋಪಸಂಹಾರಕರ: ಪ್ರತಾಪ: || 36 || ಕಿಂ ವೈಷ್ಣವಂ ವಾ ಕಪಿರೂಪಮೇತ್ಯ | ರಕ್ಷೋವಿನಾಶಾಯ ಪರಂ ಸುತೇಜ: | ಅನಂತಮವ್ಯಕ್ತಮಚಿಂತ್ಯಮೇಕಂ | ಸ್ವಮಾಯಯಾ ಸಾಂಪ್ರತಮಾಗತಂ ವಾ || 37 || ಇತ್ಯೇವಮೂಚುರ್ಬಹವೋ ವಿಶಿಷ್ಟಾ | ರಕ್ಷೋಗಣಾಸ್ತತ್ರ ಸಮೇತ್ಯ ಸರ್ವೇ | ಸಪ್ರಾಣಿಸಂಘಾಂ ಸಗೃಹಾಂ ಸವೃಕ್ಷಾಂ | ದಗ್ಧಾಂ ಪುರೀಂ ತಾಂ ಸಹಸಾ ಸಮೀಕ್ಷ್ಯ || 38 || ತತಸ್ತು ಲಂಕಾ ಸಹಸಾ ಪ್ರದಗ್ಧಾ | ಸರಾಕ್ಷಸಾ ಸಾಶ್ವರಥಾ ಸನಾಗಾ | ಸಪಕ್ಷಿಸಂಘಾ ಸಮೃಗಾ ಸವೃಕ್ಷಾ | ರುರೋದ ದೀನಾ ತುಮುಲಂ ಸಶಬ್ದಂ || 39 || ಹಾ ತಾತ ಹಾ ಪುತ್ರಕ ಕಾಂತ ಮಿತ್ರ | ಹಾ ಜೀವಿತಂ ಭೋಗಯುತಂ ಸುಪುಣ್ಯಂ | ರಕ್ಷೋಭಿರೇವಂ ಬಹುಧಾ ಬ್ರುವದ್ಭಿ: | ಶಬ್ದ: ಕೃತೋ ಘೋರರವ: ಸುಭೀಮ: || 40 || ಹುತಾಶನಜ್ವಾಲಸಮಾವೃತಾ ಸಾ | ಹತಪ್ರವೀರಾ ಪರಿವೃತ್ತಯೋಧಾ | ಹನೂಮತ: ಕ್ರೋಧಬಲಾಭಿಭೂತಾ | ಬಭೂವ ಶಾಪೋಪಹತೇ ಲಂಕಾ || 41 || ಸ ಸಂಭ್ರಾಮತ್ರಸ್ತವಿಷಣ್ಣರಾಕ್ಷಸಾಂ | ಸಮುಜ್ಜ್ವಲಜ್ಜ್ವಾಲಹುತಾಶನಾಂಕಿತಾಂ | ದದರ್ಶ ಲಂಕಾಂ ಹನುಮಾನ್ ಮಹಾಮಾನಾ: | ಸ್ವಯಂಭೂಕೋಪೋಪಹತಾಮಿವಾವನಿಂ || 42 || ಭಂಕ್ತ್ವಾ ವನಂ ಪಾದಪರತ್ನಸಂಕುಲಂ | ಹತ್ವಾ ತು ರಕ್ಷಾಂಸಿ ಮಹಾಂತಿ ಸಂಯುಗೇ | ದಗ್ಧ್ವಾ ಪುರೀಂ ತಾಂ ಗೃಹರತ್ನಮಾಲಿನೀಂ | ತಸ್ಥೌ ಹನೂಮಾನ್ ಪವನಾತ್ಮಜ: ಕಪಿ: || 43 || ತ್ರಿಕೂಟಶೃಂಗಾಗ್ರತಲೇ ವಿಚಿತ್ರೇ | ಪ್ರತಿಷ್ಠಿತೋ ವಾನರರಾಜಸಿಂಹ: | ಪ್ರದೀಪ್ತಲಾಂಗೂಲಕೃತಾರ್ಚಿಮಾಲೀ | ವ್ಯರಾಜತಾದಿತ್ಯ ಇವಾಂಶುಮಾಲೀ || 44 || ಸ ರಾಕ್ಷಸಾಂಸ್ತಾನ್ ಸುಬಹೂಂಶ್ಚ ಹತ್ವಾ | ವನಂ ಚ ಭಂಕ್ತ್ವಾ ಬಹೂಪಾದಪಂ ತತ್ | ವಿಸೃಜ್ಯ ರಕ್ಷೋಭವನೇಷು ಚಾಗ್ನಿಂ | ಜಗಾಮ ರಾಮಂ ಮನಸಾ ಮಹಾತ್ಮಾ || 45 || ತತಸ್ತು ತಂ ವಾನವೀರಮುಖ್ಯಂ | ಮಹಾಬಲಂ ಮಾರುತತುಲ್ಯವೇಗಂ | ಮಹಾಮತಿಂ ವಾಯುಸುತಂ ವರಿಷ್ಠಂ | ಪ್ರತುಷ್ಟವುರ್ದೇವಗಣಾಶ್ಚ ಸರ್ವೇ || 46 || ಭಂಕ್ತ್ವಾ ವನಂ ಮಹಾತೇಜಾ ಹತ್ವಾ ರಕ್ಷಾಂಸಿ ಸಂಯುಗೇ | ದಗ್ಧ್ವಾ ಲಂಕಾಪುರೀಂ ರಮ್ಯಾಂ ರರಾಜ ಸ ಮಹಾಕಪಿ: || 47 || ತತ್ರ ದೇವಾ: ಸಗಂಧರ್ವಾ: ಸಿದ್ಧಾಶ್ಚ ಪರಮಶ್ರ್ಯ: | ದೃಷ್ಟ್ವಾ ಲಂಕಾಂ ಪ್ರದಗ್ಧಾಂ ತಾಂ ವಿಸ್ಮಯಂ ಪರಮಂ ಗತಾ: || 48 || ತಂ ದೃಷ್ಟ್ವಾ ವಾನರಶ್ರೇಷ್ಠಂ ಹನುಮಂತಂ ಮಹಾಕಪಿಂ | ಕಾಲಾಗ್ನಿರಿತಿ ಸಂಚಿಂತ್ಯ ಸರ್ವಭೂತಾನಿ ತತ್ರಸು: || 49 || ದೇವಾಶ್ಚ ಸರ್ವೇ ಮುನಿಪುಂಗವಾಶ್ಚ | ಗಂಧರ್ವವಿದ್ಯಾಧರನಾಗಯಕ್ಷಾ: | ಭೂತಾನಿ ಸರ್ವಾಣಿ ಮಹಾಂತಿ ತತ್ರ | ಜಗ್ಮು: ಪರಾಂ ಪ್ರೀತಿಮತುಲ್ಯರೂಪಾಂ || 50 || || ಇತಿ ಚತು:ಪಂಚಾಶ: ಸರ್ಗ: ||
ಸಂದೀಪ್ಯಮಾನಾಂ ವಿಧ್ವಸ್ತಾಂ ತ್ರಸ್ತರಕ್ಷೋ ಗಣಾಂ ಪುರೀಂ | ಅವೇಕ್ಷ್ಯ ಹಾನುಮಾನ್ಲ್ಲಂಕಾಂ ಚಿಂತಯಾಮಾಸ ವಾನರ: || 1 || ತಸ್ಯಾಭೂತ್ಸುಮಹಾಂಸ್ತ್ರಾಸ: ಕುತ್ಸಾ ಚಾತ್ಮನ್ಯಜಾಯತ | ಲಂಕಾಂ ಪ್ರದಹತಾ ಕರ್ಮ ಕಿಂಸ್ವಿತ್ಕೃತಮಿದಂ ಮಯಾ || 2 || ಧನ್ಯಾಸ್ತೇ ಪುರುಷಶ್ರೇಷ್ಠ ಯೇ ಬುದ್ಧ್ಯಾ ಕೋಪಮುತ್ಥಿತಂ | ನಿರುಂಧಂತಿ ಮಹಾತ್ಮಾನೋ ದೀಪ್ತಮಗ್ನಿಮಿವಾಂಭಸಾ || 3 || ಕ್ರುದ್ಧ: ಪಾಪಂ ನ ಕುರ್ಯಾತ್ಕ: ಕ್ರುದ್ಧೋ ಹನ್ಯಾದ್ಗುರೂನಪಿ | ಕ್ರುದ್ಧ: ಪರುಷಯಾ ವಾಚಾ ನರ: ಸಾಧೂನಧಿಕ್ಷಿಪೇತ್ || 4 || ವಾಚ್ಯಾವಾಚ್ಯಂ ಪ್ರಕುಪಿತೋ ನ ವಿಜಾನಾತಿ ಕರ್ಹಿಚಿತ್ | ನಾಕಾರ್ಯಮಸ್ತಿ ಕ್ರುದ್ಧಸ್ಯ ನಾವಾಚ್ಯಂ ವಿದ್ಯತೇ ಕ್ವಚಿತ್ || 5 || ಯ: ಸಮುತ್ಪತಿತಂ ಕ್ರೋಧಂ ಕ್ಷಮಯೈವ ನಿರಸ್ಯತಿ | ಯಥೋರಗಸ್ತ್ವಚಂ ಜೀರ್ಣಾಂ ಸ ವೈ ಪುರುಷ ಉಚ್ಯತೇ || 6 || ಧಿಗಸ್ತು ಮಾಂ ಸುದುರ್ಭದ್ಧಿಂ ನಿರ್ಲಜ್ಜಂ ಪಾಪಕೃತ್ತಮಂ | ಅಚಿಂತಯಿತ್ವಾ ತಾಂ ಸೀತಾಮಗ್ನಿದಂ ಸ್ವಾಮಿಘಾತಕಂ || 7 || ಯದಿ ದಗ್ಧಾ ತ್ವಿಯಂ ಲಂಕಾ ನೂನಮಾರ್ಯಾಪಿ ಜಾನಕೀ | ದಗ್ಧಾ ತೇನ ಮಯಾ ಭರ್ತುರ್ಹತಂ ಕಾರ್ಯಮಜಾನತಾ || 8 || ಯದರ್ಥಂ ಅಯಮಾರಂಭ: ತತ್ಕಾರ್ಯಂ ಅವಸಾದಿತಂ | ಮಯಾ ಹಿ ದಹತಾ ಲಂಕಾಂ ನ ಸೀತಾ ಪರಿರಕ್ಷಿತಾ || 9 || ಈಷತ್ಕಾರ್ಯಮಿದಂ ಕಾರ್ಯಂ ಕೃತಮಾಸೀನ್ನ ಸಂಶಯ: | ತಸ್ಯ ಕ್ರೋಧಾಭಿಭೂತೇನ ಮಯಾ ಮೂಲಕ್ಷಯ: ಕೃತ: || 10 || ವಿನಷ್ಟಾ ಜಾನಕೀ ವ್ಯಕ್ತಂ ನ ಹ್ಯದಗ್ಧ: ಪ್ರದೃಶ್ಯತೇ | ಲಂಕಾಯಾ: ಕಶ್ಚಿದುದ್ದೇಶ: ಸರ್ವಾ ಭಸ್ಮೀಕೃತಾ ಪುರೀ || 11 || ಯದಿ ತದ್ವಿಹತಂ ಕಾರ್ಯಂ ಮಯಾ ಪ್ರಜ್ಞಾವಿಪರ್ಯಯಾತ್ | ಇಹೈವ ಪ್ರಾಣಸಂನ್ಯಾಸೋ ಮಮಾಪಿ ಹ್ಯತಿರೋಚತೇ || 12 || ಕಿಮಗ್ನೌ ನಿಪತಾಮ್ಯದ್ಯ ಆಹೋಸ್ವಿದ್ವಡವಾಮುಖೇ | ಶರೀರಮಾಹೋ ಸತ್ತ್ವಾನಾಂ ದದ್ಮಿ ಸಾಗರವಾಸಿನಾಂ || 13 || ಕಥಂ ಹಿ ಜೀವತಾ ಶಕ್ಯೋ ಮಯಾ ದ್ರಷ್ಟುಂ ಹರೀಶ್ವರ: | ತೌ ವಾ ಪುರುಷಶಾರ್ದೂಲೌ ಕಾರ್ಯಸರ್ವಸ್ವಘಾತಿನಾ || 14 || ಮಯಾ ಖಲು ತದೇವೇದಂ ರೋಷದೋಷಾತ್ಪ್ರದರ್ಶಿತಂ | ಪ್ರಥಿತಂ ತ್ರಿಷು ಲೋಕೇಷು ಕಪಿತಮನವಸ್ಥಿತಂ || 15 || ಧಿಗಸ್ತು ರಾಜಸಂ ಭಾವಮನೀಶಮನವಸ್ಥಿತಂ | ಈಶ್ವರೇಣಾಪಿ ಯದ್ರಾಗಾನ್ಮಯಾ ಸೀತಾ ನ ರಕ್ಷಿತಾ || 16 || ವಿನಷ್ಟಾಯಾಂ ತು ಸೀತಾಯಾಂ ತಾವುಭೌ ವಿನಶಿಷ್ಯತ: | ತಯೋರ್ವಿನಾಶೇ ಸುಗ್ರೀವ: ಸಬಂಧುರ್ವಿನಶಿಷ್ಯತಿ || 17 || ಏತದೇವ ವಚ: ಶ್ರುತ್ವಾ ಭರತೋ ಭ್ರಾತೃವತ್ಸಲ: | ಧರ್ಮಾತ್ಮಾ ಸಹಶತ್ರುಘ್ನ: ಕಥಂ ಶಕ್ಷ್ಯತಿ ಜೀವಿತುಂ || 18 || ಇಕ್ಷ್ವಾಕುವಂಶೇ ಧರ್ಮಿಷ್ಠೇ ಗತೇ ನಾಶಮಸಂಶಯಂ | ಭವಿಷ್ಯಂತಿ ಪ್ರಜಾ: ಸರ್ವಾ: ಶೋಕಸಂತಾಪಪೀಡಿತಾ: || 19 || ತದಹಂ ಭಾಗ್ಯರಹಿತೋ ಲುಪ್ತಧರ್ಮಾರ್ಥಸಂಗ್ರಹ: | ರೋಘದೋಷಪರೀತಾತ್ಮಾ ವ್ಯಕ್ತಂ ಲೋಕವಿನಾಶನ: || 20 || ಇತಿ ಚಿಂತಯತಸ್ತಸ್ಯ ನಿಮಿತ್ತಾನ್ಯುಪಪೇದಿರೇ | ಪೂರಮಪ್ಯುಪಲಬ್ಧಾನಿ ಸಾಕ್ಷಾತ್ಪುನರಚಿಂತಯತ್ || 21 || ಅಥವಾ ಚಾರುಸರ್ವಾಂಗೀ ರಕ್ಷಿತಾ ಸ್ವೇನ ತೇಜಸಾ | ನ ನಶಿಷ್ಯತಿ ಕಲ್ಯಾಣೀ ನಾಗ್ನಿರಗ್ನೌ ಪ್ರವರ್ತತೇ || 22 || ನ ಹಿ ಧರ್ಮಾನ್ಮನಸ್ತಸ್ಯ ಭಾರ್ಯಾಮಮಿತತೇಜಸ: | ಸ್ವಚಾರಿತ್ರಾಭಿಗುಪ್ತಾಂ ತಾಂ ಸ್ಪ್ರಷ್ಟುಮರ್ಹತಿ ಪಾವಕ: || 23 || ನೂನಂ ರಾಮಪ್ರಭಾವೇನ ವೈದೇಹ್ಯಾ: ಸುಕೃತೇನ ಚ | ಯನ್ಮಾಂ ದಹನಕರ್ಮಾಯಂ ನಾದಹದ್ಧವ್ಯವಾಹನ: || 24 || ತ್ರಯಾಣಾಂ ಭರತಾದೀನಾಂ ಭ್ರಾತñಣಾಂ ದೇವತಾ ಚ ಯಾ | ರಾಮಸ್ಯ ಚ ಮನ:ಕಾಂತಾ ಸಾ ಕಥಂ ವಿನಶಿಷ್ಯತಿ || 25 || ಯದ್ವಾ ದಹನಕರ್ಮಾಯಂ ಸರ್ವತ್ರ ಪ್ರಭುರವ್ಯಯ: | ನ ಮೇ ದಹತಿ ಲಾಂಗೂಲಂ ಕಥಮಾರ್ಯಾಂ ಪ್ರಧಕ್ಷ್ಯತಿ || 26 || ಪುನಶ್ಚಾಚಿಂತಯತ್ತತ್ರ ಹನುಮಾನ್ವಿಸ್ಮಿತಸ್ತದಾ | ಹಿರಣ್ಯನಾಭಸ್ಯ ಗಿರೇರ್ಜಲಮಧ್ಯೇ ಪ್ರದರ್ಶನಂ || 27 || ತಪಸಾ ಸತ್ಯವಾಕ್ಯೇನ ಅನನ್ಯತ್ವಾಚ್ಚ ಭರ್ತರಿ | ಅಪಿ ಸಾ ನಿರ್ದಹೇದಗ್ನಿಂ ನ ತಾಮಗ್ನಿ: ಪ್ರಧಕ್ಷ್ಯತಿ || 28 || ಸ ತಥಾ ಚಿಂತಯಂಸ್ತತ್ರ ದೇವ್ಯಾ ಧರ್ಮಪರಿಗ್ರಹಂ | ಶುಶ್ರಾವ ಹನುಮಾನ್ವಾಕ್ಯಂ ಚಾರಣಾನಾಂ ಮಹಾತ್ಮನಾಂ || 29 || ಅಹೋ ಖಲು ಕೃತಂ ಕರ್ಮ ದುರ್ವಿಷಹ್ಯಂ ಹನೂಮತಾ | ಅಗ್ನಿಂ ವಿಸೃಜತಾಭೀಕ್ಷ್ಣಂ ಭೀಮಂ ರಾಕ್ಷಸಸದ್ಮನಿ || 30 || ಪ್ರಪಲಾಯಿತರಕ್ಷ: ಸ್ತ್ರೀಬಾಲ ವೃದ್ಧಸಮಾಕುಲಾ | ಜನಕೋಲಾಹಲಾಧ್ಮಾತಾ ಕ್ರಂದಂತೀವಾದ್ರಿಕಂದರೈ: || 31 || ದಗ್ಧೇಯಂ ನಗರೀ ಲಂಕಾ ಸಾಟ್ಟಪ್ರಾಕಾರತೋರಣಾ | ಜಾನಕೀ ನ ಚ ದಗ್ಧೇತಿ ವಿಸ್ಮಯೋ„ದ್ಭುತ ಏವ ನ: || 32 || ಸ ನಿಮಿತ್ತೈಶ್ಚ ದೃಷ್ಟಾರ್ಥೈ: ಕಾರಣೈಶ್ಚ ಮಹಾಗುಣೈ: | ಋಷಿವಾಕ್ಯೈಶ್ಚ ಹನುಮಾನಭವತ್ಪ್ರೀತಮಾನಸ: || 33 || ತತ: ಕಪಿ: ಪ್ರಾಪ್ತಮನೋರಥಾರ್ಥ: ತಾಮಕ್ಷತಾಂ ರಾಜಸುತಾಂ ವಿದಿತ್ವಾ | ಪ್ರತ್ಯಕ್ಷತಸ್ತಾಂ ಪುನರೇವ ದೃಷ್ಟ್ವಾ ಪ್ರತಿಪ್ರಯಾಣಾಯ ಮತಿಂ ಚಕಾರ || 34 || || ಇತಿ ಪಂಚಪಂಚಾಶ: ಸರ್ಗ: ||
ತತಸ್ತು ಶಿಂಶಪಾಮೂಲೇ ಜಾನಕೀಂ ಪರ್ಯವಸ್ಥಿತಾಂ | ಅಭಿವಾದ್ಯಾಬ್ರವೀದ್ದಿಷ್ಟ್ಯಾ ಪಶ್ಯಾಮಿ ತ್ವಾಮಿಹಾಕ್ಷತಾಂ || 1 || ತತಸ್ತಂ ಪ್ರಸ್ಥಿತಂ ಸೀತಾ ವೀಕ್ಷಮಾಣಾ ಪುನ: ಪುನ: | ಭರ್ತೃಸ್ನೇಹಾನ್ವಿತಂ ವಾಕ್ಯಂ ಹನೂಮಂತಮಭಾಷತ || 2 || ಕಾಮಮಸ್ಯ ತ್ವಮೇವೈಕ: ಕಾರ್ಯಸ್ಯ ಪರಿಸಾಧನೇ | ಪರ್ಯಾಪ್ತ: ಪರವೀರಘ್ನ ಯಶಸ್ಯಸ್ತೇ ಬಲೋದಯ: || 3 || ಶರೈಸ್ತುಸಂಕುಲಾಂ ಕೃತ್ವಾ ಲಂಕಾಂ ಪರಬಲಾರ್ದನ: | ಮಾಂ ನಯೇದ್ಯದಿ ಕಾಕುತ್ಸ್ಥಸ್ತಸ್ಯ ತತ್ಸಾದೃಶಂ ಭವೇತ್ || 4 || ತದ್ಯಥಾ ತಸ್ಯ ವಿಕ್ರಾಂತಮನುರೂಪಂ ಮಹಾತ್ಮನ: | ಭವತ್ಯಾಹವಶೂರಸ್ಯ ತತ್ತ್ವಮೇವೋಪಪಾದಯ || 5 || ತದರ್ಥೋಪಹಿತಂ ವಾಕ್ಯಂ ಪ್ರಶ್ರಿತಂ ಹೇತುಸಂಹಿತಂ | ನಿಶಮ್ಯ ಹನುಮಾಂಸ್ತಸ್ಯಾ ವಾಕ್ಯಮುತ್ತರಮಬ್ರವೀತ್ || 6 || ಕ್ಷಿಪ್ರಮೇಷ್ಯತಿ ಕಾಕುತ್ಸ್ಥೋ ಹರ್ಯೃಕ್ಷಪ್ರವರೈರ್ವೃತ: | ಯಸ್ತೇ ಯುಧಿ ವಿಜಿತ್ಯಾರೀನ್ಶೋಕಂ ವ್ಯಪನಯಿಷ್ಯತಿ || 7 || ಏವಮಾಶ್ವಾಸ್ಯ ವೈದೇಹೀಂ ಹನೂಮಾನ್ಮಾರುತಾತ್ಮಜ: | ಗಮನಾಯ ಮತಿಂ ಕೃತ್ವಾ ವೈದೇಹೀಮಭ್ಯವಾದಯತ್ || 8 || ತತ: ಸ ಕಪಿಶಾರ್ದೂಲ: ಸ್ವಾಮಿಸಂದರ್ಶನೋತ್ಸುಕ: | ಆರುರೋಹ ಗಿರಿಶ್ರೇಷ್ಠಂ ಅರಿಷ್ಟಂ ಅರಿಮರ್ದನ: || 9 || ತುಂಗಪದ್ಮಕಜುಷ್ಟಾಭಿ: ನೀಲಾಭಿರ್ವನರಾಜಿಭಿ: | ಸೋತ್ತರೀಯಮಿವಾಂಭೋದೈ: ಶೃಂಗಾಂತರವಿಲಂಬಿಭಿ: || 10 || ಬೋಧ್ಯಮಾನಮಿವ ಪ್ರೀತ್ಯಾ ದಿವಾಕರಕರೈ: ಶುಭೈ: | ಉನ್ಮಿಶಂತಿಮಿವೋದ್ಧೂತೈರ್ಲೋಚನೈರಿವ ಧಾತುಭಿ: || 11 || ತೋಯೌಘನಿಸ್ವನೈರ್ಮಂದ್ರೈ: ಪ್ರಾಧೀತಮಿವ ಪರ್ವತಂ | ಪ್ರಗೀತಮಿವ ವಿಸ್ಪಷ್ಟೈರ್ನಾನಾಪ್ರಸ್ರವಣಸ್ವನೈ || 12 || ದೇವದಾರುಭಿರತ್ಯುಚ್ಚೈರೂಧ್ರ್ವಬಾಹುಮಿವ ಸ್ಥಿತಂ | ಪ್ರಪಾತಜಲನಿರ್ಘೋಶೈ: ಪ್ರಾಕೃಷ್ಟಮಿವ ಸರ್ವತ: || 13 || ವೇಪಮಾನಮಿವ ಶ್ಯಾಮೈ: ಕಂಪಮಾನೈ: ಶರದ್ವನೈ: | ವೇಣುಭಿರ್ಮಾರುತೋದ್ಧೂತೈ: ಕೂಜಂತಮಿವ ಕೀಚಕೈ: || 14 || ನಿ:ಶ್ವಸಂತಂ ಇವಾಮರ್ಶಾದ್ಘೋರೈರಾಶೀವಿಷೋತ್ತಮೈ: | ವೀಹಾರಕೃತ ಗಂಭೀರೈ: ಧ್ಯಾಯಂತಮಿವ ಗಹ್ವರೈ: || 15 || ಮೇಘಪಾದನಿಭೈ: ಪಾದೈ: ಪ್ರಕ್ರಾಂತಮಿವ ಸರ್ವತ: | ಜೃಂಭಮಾಣಮಿವಾಕಾಶೇ ಶಿಖರೈರಭ್ರಾಮಾಲಿಭಿ: || 16 || ಕೂಟೈಶ್ಚ ಬಹುಧಾ ಕೀರ್ಣೈ ಶೋಭಿತಂ ಬಹುಕಂದರೈ: | ಸಾಲ ತಾಲ ಅಶ್ವ ಕರ್ಣೈ: ಚ ವಂಶೈ: ಚ ಬಹುಭಿ: ವೃತಂ || 17 || ಲತಾವಿತಾನೈರ್ವಿತತೈ: ಪುಷ್ಪವದ್ಭಿರಲಂಕೃತಂ | ನಾನಾಮೃಗಗಣಾಕೀರ್ಣಂ ಧಾತುನಿಷ್ಯಂದಭೂಷಿತಂ || 18 || ಬಹುಪ್ರಸ್ರವಣೋಪೇತಂ ಶಿಲಾಸಂಚಯಸಂಕಟಂ | ಮಹರ್ಷಿ ಯಕ್ಷ ಗಂಧರ್ವ ಕಿನ್ನರೋರಗ ಸೇವಿತಂ || 19 || ಲತಾಪಾದಪಸಂಬಾಧಂ ಸಿಂಹಾಕುಲಿತಕಂದರಂ | ವ್ಯಾಘ್ರಸಂಘಸಮಾಕೀರ್ಣಂ ಸ್ವಾದುಮೂಲಫಲದ್ರುಮಂ || 20 || ತಮಾರುರೋಹಾತಿಬಲ: ಪರ್ವತಂ ಪ್ಲವಗೋತ್ತಮ: | ರಾಮದರ್ಶನಶೀಘ್ರೇಣ ಪ್ರಹರ್ಷೇಣಾಭಿಚೋದಿತ: || 21 || ತೇನ ಪಾದತಲಾಕ್ರಾಂತಾ ರಮ್ಯೇಷು ಗಿರಿಸಾನುಷು | ಸಘೋಷಾ: ಸಮಶೀರ್ಯಂತ ಶಿಲಾಶ್ಚೂರ್ಣೀಕೃತಾಸ್ತತ: || 22 || ಸ ತಮಾರುಹ್ಯ ಶೈಲೇಂದ್ರಂ ವ್ಯವರ್ಧತ ಮಹಾಕಪಿ: | ದಕ್ಷಿಣಾದುತ್ತರಂ ಪಾರಂ ಪ್ರಾರ್ಥಯನ್ಲವಣಾಂಭಸ: || 23 || ಅಧಿರುಹ್ಯ ತತೋ ವೀರ: ಪರ್ವತಂ ಪವನಾತ್ಮಜ: | ದದರ್ಶ ಸಾಗರಂ ಭೀಮಂ ಮೀನೋರಗನಿಷೇವಿತಂ || 24 || ಸ ಮಾರುತ ಇವಾಕಾಶಂ ಮಾರುತಸ್ಯಾತ್ಮಸಂಭವ: | ಪ್ರಪೇದೇ ಹರಿಶಾರ್ದೂಲೋ ದಕ್ಷಿಣಾದುತ್ತರಾಂ ದಿಶಂ || 25 || ಸ ತದಾ ಪೀಡಿತಸ್ತೇನ ಕಪಿನಾ ಪರ್ವತೋತ್ತಮ: | ರರಾಸ ಸಹ ತೈರ್ಭೂತೈ: ಪ್ರಾವಿಶದ್ವಸುಧಾತಲಂ || 26 || ಕಂಪಮಾನೈಶ್ಚ ಶಿಖರೈ: ಪತದ್ಭಿರಪಿ ಚ ದ್ರುಮೈ: | ತಸ್ಯೋರುವೇಗಾನ್ಮಥಿತಾ: ಪಾದಪಾ: ಪುಷ್ಪಶಾಲಿನ: || 27 || ನಿಪೇತುರ್ಭೂತಲೇ ರುಗ್ಣಾ: ಶಕ್ರಾಯುಧಹತಾ ಇವ | ಕಂದರೋದರಸಂಸ್ಥಾನಾಂ ಪೀಡಿತಾನಾಂ ಮಹೌಜಸಾಂ || 28 || ಸಿಂಹಾನಾಂ ನಿನದೋ ಭೀಮೋ ನಭೋ ಭಿಂದನ್ಸ ಶುಶ್ರುವೇ | ಸ್ರಸ್ತವ್ಯಾವಿದ್ಧವಸನಾ ವ್ಯಾಕುಲೀಕೃತಭೂಷಣಾ || 29 || ವಿದ್ಯಾಧರ್ಯ: ಸಮುತ್ಪೇತು: ಸಹಸಾ ಧರಣೀಧರಾತ್ | ಅತಿಪ್ರಮಾಣಾ ಬಲಿನೋ ದೀಪ್ತಜಿಹ್ವಾ ಮಹಾವಿಷಾ: || 30 || ನಿಪೀಡಿತಶಿರೋಗ್ರೀವಾ ವ್ಯವೇಷ್ಟಂತ ಮಹಾಹಯ: | ಕಿನ್ನರೋರಗ ಗಂಧರ್ವ ಯಕ್ಷ ವಿದ್ಯಾಧರಾಸ್ತಥಾ || 31 || ಪೀಡಿತಂ ತಂ ನಗವರಂ ತ್ಯಕ್ತ್ವಾ ಗಗನಮಾಸ್ಥಿತಾ: | ಸ ಚ ಭೂಮಿಧರ: ಶ್ರೀಮಾನ್ಬಲಿನಾ ತೇನ ಪೀಡಿತ: || 32 || ಸವೃಕ್ಷಶಿಖರೋದಗ್ರಾ: ಪ್ರವಿವೇಶ ರಸಾತಲಂ | ದಶಯೋಜನ ವಿಸ್ತಾರ: ತ್ರಿಂಶದ್ಯೋಜನಂ ಉಚ್ಛ್ರಿತ: || 33 || ಧರಣ್ಯಾಂ ಸಮತಾಂ ಯಾತ: ಸ ಬಭೂವ ಧರಾಧರ: | ಸ ಲಿಲಂಘುಯಿರ್ಭೀಮಂ ಸಲೀಲಂ ಲವಣಾರ್ಣವಂ || 34 || ಕಲ್ಲೋಲಾಸ್ಫಾಲವೇಲಾಂತಮುತ್ಪಪಾತ ನಭೋ ಹರಿ: | || ಇತಿ ಷಟ್ಪಂಚಾಶ: ಸರ್ಗ: ||
ಸಚಂದ್ರಕುಮುದಂ ರಮ್ಯಂ ಸಾರ್ಕಕಾರಂಡವಂ ಶುಭಂ | ತಿಷ್ಯಶ್ರವಣಕದಂಬಂ ಅಭ್ರಶೈವಲಶಾದ್ವಲಂ || 1 || ಪುನರ್ವಸು ಮಹಾಮೀನಂ ಲೋಹಿತಾಂಗಮಹಾಗ್ರಹಂ | ಐರಾವತಮಹಾದ್ವೀಪಂ ಸ್ವಾತೀಹಂಸವಿಲೋಡಿತಂ || 2 || ವಾತಸಂಘಾತಜಾತೋರ್ಮಿಂ ಚಂದ್ರಾಂಶುಶಿಶಿರಾಂಬುಮತ್ | ಭುಜಂಗ ಯಕ್ಷ ಗಂಧರ್ವ ಪ್ರಬುದ್ಧ ಕಮಲೋತ್ಪಲಂ || 3 || ಹನುಮಾನ್ ಮಾರುತಗತಿರ್ಮಹಾನೌರಿವ ಸಾಗರಂ | ಅಪಾರಮಪರಿಶ್ರಾಂತ: ಪುಪ್ಲುವೇ ಗಗನಾರ್ಣವಂ || 4 || ಗ್ರಸಮಾನ ಇವಾಕಾಶಂ ತಾರಾಧಿಪಮಿವಾಲಿಖನ್ | ಹರನ್ನಿವ ಸನಕ್ಷತ್ರಂ ಗಗನಂ ಸಾರ್ಕಮಂಡಲಂ || 5 || ಮಾರುತಸ್ಯಾಲಯಂ ಶ್ರೀಮಾನ್ಕಪಿವ್ರ್ಯೋಮಚರೋ ಮಹಾನ್ | ಹನೂಮಾನ್ಮೇಘಜಾಲಾನಿ ವಿಕರ್ಷನ್ನಿವ ಗಚ್ಛತಿ || 6 || ಪಾಂಡುರಾರುಣವರ್ಣಾನಿ ನೀಲಮಾಂಜಿಷ್ಠಕಾನಿ ಚ | ಹರಿತಾರುಣವರ್ಣಾನಿ ಮಹಾಭ್ರಾಣಿ ಚಕಾಶಿರೇ || 7 || ಪ್ರವಿಶನ್ನಭ್ರಜಾಲಾನಿ ನಿಷ್ಕ್ರಮಂಶ್ಚ ಪುನ: ಪುನ: | ಪ್ರಚ್ಛನ್ನಶ್ಚ ಪ್ರಕಾಶಶ್ಚ ಚಂದ್ರಮಾ ಇವ ಲಕ್ಷ್ಯತೇ || 8 || ವಿವಿಧಾಭ್ರಾಘನಾಸನ್ನಗೋಚರೋ ಧವಳಾಂಬರ: | ದೃಶ್ಯಾದೃಶ್ಯತನುರ್ವೀರಸ್ತದಾ ಚಂದ್ರಯತೇ„ಂಬರೇ || 9 || ತಾಕ್ಷ್ರ್ಯಾಯಮಾಣೋ ಗಗನೇ ಬಭಾಸೇ ವಾಯುನಂದನ: | ದಾರಯನ್ಮೇಘಬೃಂದಾನಿ ನಿಶ್ಪತಂಶ್ಚ ಪುನ: ಪುನ: || 10 || ನದಂ ನಾದೇನ ಮಹತಾ ಮೇಘ ಸ್ವನ ಮಹಾಸ್ವನ: | ಪ್ರವರಾನ್ ರಾಕ್ಷಸಾನ್ ಹತ್ವಾ ನಾಮ ವಿಶ್ರಾವ್ಯ ಚಾತ್ಮನ: || 11 || ಆಕುಲಾಂ ನಗತೀಂ ಕೃತ್ವಾ ವ್ಯಥಯಿತ್ವಾ ಚ ರಾವಣಂ | ಅರ್ದಯಿತ್ವಾ ಬಲಂ ಘೋರಂ ವೈದೇಹೀಮಭಿವಾದ್ಯ ಚ || 12 || ಆಜಗಾಮ ಮಹಾತೇಜಾ: ಪುನ: ಮಧ್ಯೇನ ಸಾಗರಂ | ಪರ್ವತ ಇಂದ್ರಂ ಸುನಾಭಂ ಚ ಸಮುಪಸ್ಪೃಶ್ಯ ವೀರ್ಯವಾನ್ || 13 || ಜ್ಯಾ ಮುಕ್ತ ಇವ ನಾರಾಚೋ ಮಹಾವೇಗೋ ಅಭ್ಯುಪಾಗತ: | ಸ ಕಿಂಚಿತ್ ಅನುಸಂಪ್ರಾಪ್ತ: ಸಮಾಲೋಕ್ಯ ಮಹಾಗಿರಿಂ || 14 || ಮಹಾ ಇಂದ್ರ ಮೇಘ ಸಂಕಾಶಂ ನನಾದ ಹರಿ ಪುಂಗವ: | ಸ ಪೂರಯಾಮಾಸ ಕಪಿರ್ದಿಶೋ ದಶ ಸಮಂತತ: || 15 || ನದನ್ನಾದೇನ ಮಹತಾ ಮೇಘಸ್ವನಮಹಾಸ್ವನ: | ಸ ತಂ ದೇಶಮನುಪ್ರಾಪ್ತ: ಸುಹೃದ್ದರ್ಶನಲಾಲಸ: || 16 || ನನಾದ ಹರಿಶಾರ್ದೂಲೋ ಲಾಂಗೂಲಂ ಚಾಪ್ಯಕಂಪಯತ್ | ತಸ್ಯ ನಾನದ್ಯಮಾನಸ್ಯ ಸುಪರ್ಣಚರಿತೇ ಪಥಿ || 17 || ಫಲತೀವಾಸ್ಯ ಘೋಷೇಣ ಗಗನಂ ಸಾರ್ಕಮಂಡಲಂ | ಯೇ ತು ತತ್ರೋತ್ತರೇ ತೀರೇ ಸಮುದ್ರಸ್ಯ ಮಹಾಬಲಾ: | 18 || ಪೂರ್ವಂ ಸಂವಿಷ್ಠಿತಾ: ಶೂರಾ ವಾಯುಪುತ್ರದಿದೃಕ್ಷವ: | ಮಹತೋ ವಾತನುನ್ನಸ್ಯ ತೋಯದಸ್ಯೇವ ಗರ್ಜಿತಂ || 19 || ಶುಶ್ರುವುಸ್ತೇ ತದಾ ಘೋಶಮೂರುವೇಗಂ ಹನೂಮತ: | ತೇ ದೀನಮನಸ: ಸರ್ವೇ ಶುಶ್ರುವು: ಕಾನನೌಕಸ: || 20 || ವಾನರೇಂದ್ರಸ್ಯ ನಿರ್ಘೋಷಂ ಪರ್ಜನ್ಯನಿನದೋಪಮಂ | ನಿಶಮ್ಯ ನದತೋ ನಾದಂ ವಾನರಾ: ತೇ ಸಮಂತತ: || 21 || ಬಭೂವು: ಉತ್ಸುಕಾ: ಸರ್ವೇ ಸುಹೃತ್ ದರ್ಶನ ಕಾಂಕ್ಷಿಣ: | ಜಾಂಬವಾಂಸ ಹರಿಶ್ರೇಷ್ಠ: ಪ್ರೀತಿಸಂಹೃಷ್ಟಮಾನಸ: || 22 || ಉಪಾಮಂತ್ರ್ಯ ಹರೀನ್ಸರ್ವಾನಿದಂ ವಚನಮಬ್ರವೀತ್ | ಸರ್ವಥಾ ಕೃತಕಾರ್ಯೋ„ಸೌ ಹನೂಮಾನ್ನಾತ್ರ ಸಂಶಯ: || 23 || ನ ಹ್ಯಸ್ಯಾಕೃತಕಾರ್ಯಸ್ಯ ನಾದ ಏವಂವಿಧೋ ಭವೇತ್ | ತಸ್ಯಾ ಬಾಹೂರುವೇಗಂ ಚ ನಿನಾದಂ ಚ ಮಹಾತ್ಮನ: || 24 || ನಿಶಮ್ಯ ಹರಯೋ ಹೃಷ್ಟಾ: ಸಮುತ್ಪೇತುಸ್ತತಸ್ತತ: | ತೇ ನಗಾಗ್ರಾನ್ನಗಾಗ್ರಾಣಿ ಶಿಖರಾಚ್ಛಿಖರಾಣಿ ಚ || 25 || ಪ್ರಹೃಷ್ಟಾ: ಸಮಪದ್ಯಂತ ಹನೂಮಂತಂ ದಿದೃಕ್ಷವ: | ತೇ ಪ್ರೀತಾ: ಪಾದಪಾಗ್ರೇಷು ಗೃಹ್ಯ ಶಾಖಾ: ಸುಪುಷ್ಪಿತಾ: || 26 || ವಾಸಾಂಸೀವ ಪ್ರಕಾಶಾನಿ ಸಮಾವಿಧ್ಯಂತ ವಾನರಾ: | ಗಿರಿಗಹ್ವರಸಂಲೀನೋ ಯಥಾ ಗರ್ಜತಿ ಮಾರುತ: || 27 || ಏವಂ ಜಗರ್ಜ ಬಲವಾನ್ ಹನುಮಾನ್ಮಾರುತಾತಮಜ: | ತಂ ಅಭ್ರಘನಸಂಕಾಶಂ ಆಪತಂತಂ ಮಹಾಕಪಿಂ || 28 || ದೃಷ್ಟ್ವಾ ತೇ ವಾನರಾ: ಸರ್ವೇ ತಸ್ಥು: ಪ್ರಾಂಜಲಯಸ್ತದಾ | ತತಸ್ತು ವೇಗವಾಂಸ್ತಸ್ಯ ಗಿರೇರ್ಗಿರಿನಿಭ: ಕಪಿ: || 29 || ನಿಪಪಾತ ಮಹೇಂದ್ರಸ್ಯ ಶಿಖರೇ ಪಾದಪಾಕುಲೇ | ಹರ್ಷೇಣಾಪೂರ್ಯಮಾಣೋ„ಸೌ ರಮ್ಯೇ ಪರ್ವತನಿರ್ಘರೇ || 30 || ಚಿನ್ನಪಕ್ಷ ಇವಾಕಾಶಾತ್ಪಪಾತ ಧರಣೀಧರ: | ತತಸ್ತೇ ಪ್ರೀತಮನಸ: ಸರ್ವೇ ವಾನರಪುಂಗವಾ: || 31 || ಹನೂಮಂತಂ ಮಹಾತ್ಮಾನಂ ಪರಿವಾರ್ಯೋಪತಸ್ಥಿರೇ | ಪರಿವಾರ್ಯ ಚ ತೇ ಸರ್ವೇ ಪರಾಂ ಪ್ರೀತಿಮುಪಾಗತಾ: || 32 || ಪ್ರಹೃಷ್ಟವದನಾ: ಸರ್ವೇ ತಮರೋಗಮುಪಾಗತಂ | ಉಪಾಯನಾನಿ ಚಾದಾಯ ಮೂಲಾನಿ ಚ ಫಲಾನಿ ಚ || 33 || ಪ್ರತ್ಯರ್ಚಯನ್ಹರಿಶ್ರೇಷ್ಠಂ ಹರಯೋ ಮಾರುತಾತ್ಮಜಂ | ಹನೂಮಾನ್ ತು ಗುರೂನ್ ವೃದ್ಧಾನ್ ಜಾಂಬವತ್ ಪ್ರಮುಖಾನ್ ತದಾ || 34 || ಕುಮಾರಮಂಗದಂ ಚೈವ ಸೋ„ವಂದತ ಮಹಾಕಪಿ: | ಸ ತಾಭ್ಯಾಂ ಪೂಜಿತ: ಪೂಜ್ಯ: ಕಪಿಭಿಶ್ಚ ಪ್ರಸಾದಿತ: || 35 || ದೃಷ್ಟಾ ದೇವೀತಿ ವಿಕ್ರಾಂತ:ಸಂಕ್ಷೇಪೇಣ ನ್ಯವೇದಯತ್ | ನಿಷಸಾದ ಚ ಹಸ್ತೇನ ಗೃಹೀತ್ವಾ ವಾಲಿನ: ಸುತಂ || 36 || ರಮಣೀಯೇ ವನೋದ್ದೇಶೇ ಮಹೇಂದ್ರಸ್ಯ ಗಿರೇಸ್ತದಾ | ಹನೂಮಾನಬ್ರವೀದ್ಧೃಷ್ಟ: ತದಾ ತಾನ್ವಾನರರ್ಷಭಾನ್ || 37 || ಅಶೋಕವನಿಕಾಸಂಸ್ಥಾ ದೃಷ್ಟಾ ಸಾ ಜನಕಾತ್ಮಜಾ | ರಕ್ಷ್ಯಮಾಣಾ ಸುಘೋರಾಭೀ ರಾಕ್ಷಸೀಭಿರನಿಂದಿತಾ || 38 || ಏಕವೇಣೀಧರಾ ಬಾಲಾ ರಾಮದರ್ಶನಲಾಲಸಾ | ಉಪವಾಸಪರಿಶ್ರಾಂತಾ ಮಲಿನಾ ಜಟಿಲಾ ಕೃಶಾ || 39 || ತತೋ ದೃಷ್ಟೇತಿ ವಚನಂ ಮಹಾರ್ಥಮಮೃತೋಪಮಂ || 40 || ನಿಶಮ್ಯ ಮಾರುತೇ: ಸರ್ವೇ ಮುದಿತಾ ವಾನರಾ ಭವನ್ | ಕ್ಷ್ವೇಡಂತ್ಯನ್ಯೇ ನದಂತ್ಯನ್ಯೇ ಗರ್ಜಂತ್ಯನ್ಯೇ ಮಹಾಬಲಾ: | ಚಕ್ರು: ಕಿಲ ಕಿಲಾಮನ್ಯೇ ಪ್ರತಿಗರ್ಜಂತಿ ಚಾಪರೇ || 41 || ಕೇ ಚಿದುಚ್ಛ್ರಿತಲಾಂಗೂಲಾ: ಪ್ರಹೃಷ್ಟಾ: ಕಪಿಕುಂಜರಾ: | ಅಂಚಿತಾಯತದೀರ್ಘಾಣಿ ಲಾಂಗೂಲಾನಿ ಪ್ರವಿವ್ಯಧು: || 42 || ಅಪರೇ ತು ಹನೂಮಂತಂ ವಾನರಾ ವಾರಣೋಪಮಂ | ಆಪ್ಲುತ್ಯ ಗಿರಿಶೃಂಗೇಭ್ಯ: ಸಂಸ್ಪೃಶಂತಿ ಸ್ಮ ಹರ್ಷಿತಾ: || 43 || ಉಕ್ತವಾಕ್ಯಂ ಹನೂಮಂತಮಂಗದಸ್ತು ತದಾಬ್ರವೀತ್ | ಸರ್ವೇಷಾಂ ಹರಿವೀರಾಣಾಂ ಮಧ್ಯೇ ವಾಚಮನುತ್ತಮಾಂ || 44 || ಸತ್ತ್ವೇ ವೀರ್ಯೇ ನ ತೇ ಕಶ್ಚಿತ್ಸಮೋ ವಾನರವಿದ್ಯತೇ | ಯದವಪ್ಲುತ್ಯ ವಿಸ್ತೀರ್ಣಂ ಸಾಗರಂ ಪುನರಾಗತ: || 45 || ಅಹೋ ಸ್ವಾಮಿನಿ ತೇ ಭಕ್ತಿರಹೋ ವೀರ್ಯಮಹೋ ಧೃತಿ: | ದಿಷ್ಟ್ಯಾ ದೃಷ್ಟಾ ತ್ವಯಾ ದೇವೀ ರಾಮಪತ್ನೀ ಯಶಸ್ವಿನೀ || 46 || ದಿಷ್ಟ್ಯಾ ತ್ಯಕ್ಷ್ಯತಿ ಕಾಕುತ್ಸ್ಥ: ಶೋಕಂ ಸೀತಾ ವಿಯೋಗಜಂ | ತತೋ„ಂಗದಂ ಹನೂಮಂತಂ ಜಾಂಬವಂತಂ ಚ ವಾನರಾ: || 47 || ಪರಿವಾರ್ಯ ಪ್ರಮುದಿತಾ ಭೇಜಿರೇ ವಿಪುಲಾ: ಶಿಲಾ: | ಶ್ರೋತುಕಾಮಾ: ಸಮುದ್ರಸ್ಯ ಲಂಘನಂ ವಾನರೋತ್ತಮಾ: || 48 || ದರ್ಶನಂ ಚಾಪಿ ಲಂಕಾಯಾ: ಸೀತಾಯಾ ರಾವಣಸ್ಯ ಚ | ತಸ್ಥು: ಪ್ರಾಂಜಲಯ: ಸರ್ವೇ ಹನೂಮದ್ವದನೋನ್ಮುಖಾ: || 49 || ತಸ್ಥೌ ತತ್ರಾಂಗದ: ಶ್ರೀಮಾನ್ವಾನರೈರ್ಬಹುಭಿರ್ವೃತ: | ಉಪಾಸ್ಯಮಾನೋ ವಿಬುಧೈರ್ದಿವಿ ದೇವಪತಿರ್ಯಥಾ || 50 || ಹನೂಮತಾ ಕೀರ್ತಿಮತಾ ಯಶಸ್ವಿನಾ ತಥಾಂಗದೇನಾಂಗದ ಬದ್ಧಬಾಹುನಾ | ಮುದಾ ತದಾಧ್ಯಾಸಿತಮುನ್ನತಂ ಮಹನ್ ಮಹೀಧರಾಗ್ರಂ ಜ್ವಲಿತಂ ಶ್ರಿಯಾಭವತ್ || 51 || || ಇತಿ ಸಪ್ತಪಂಚಶ: ಸರ್ಗ: ||
ತತಸ್ತಸ್ಯ ಗಿರೇ: ಶೃಂಗೇ ಮಹೇಂದ್ರಸ್ಯ ಮಹಾಬಲಾ: | ಹನುಮತ್ಪ್ರಮುಖಾ: ಪ್ರೀತಿಂ ಹರಯೋ ಜಗ್ಮುರುತ್ತಮಾಂ || 1 || ತಂ ತತ: ಪ್ರತಿಸಂಹೃಷ್ಟ: ಪ್ರೀತಿಮಂತಂ ಮಹಾಕಪಿಂ | ಜಾಂಬವಾನ್ ಕಾರ್ಯವೃತ್ತಾಂತಂ ಅಪೃಚ್ಛದನಿಲಾತ್ಮಜಂ || 2 || ಕಥಂ ದೃಷ್ಟಾ ತ್ವಯಾ ದೇವೀ ಕಥಂ ವಾ ತತ್ರ ವರ್ತತೇ | ತಸ್ಯಾಂ ವಾ ಸ ಕಥಂ ವೃತ್ತ: ಕ್ರೂರಕರ್ಮಾ ದಶಾನನ: || 3 || ತತ್ತ್ವತ: ಸರ್ವಮೇತನ್ನ: ಪ್ರಬ್ರೂಹಿ ತ್ವಂ ಮಹಾಕಪೇ | ಶ್ರುತಾರ್ಥಾಶ್ಚಿಂತಯಿಷ್ಯಾಮೋ ಭೂಯ: ಕಾರ್ಯವಿನಿಶ್ಚಯಂ || 4 || ಯಶ್ಚಾರ್ಥಸ್ತತ್ರ ವಕ್ತವ್ಯೋ ಗತೈರಸ್ಮಾಭಿರಾತ್ಮವಾನ್ | ರಕ್ಷಿತವ್ಯಂ ಚ ಯತ್ತತ್ರ ತದ್ಭವಾನ್ವ್ಯಾಕರೋತು ನ: || 5 || ಸ ನಿಯುಕ್ತಸ್ತತಸ್ತೇನ ಸಂಪ್ರಹೃಷ್ಟತನೂರುಹ: | ನಮಸ್ಯನ್ಶಿರಸಾ ದೇವ್ಯೈ ಸೀತಾಯೈ ಪ್ರತ್ಯಭಾಷತ || 6 || ಪ್ರತ್ಯಕ್ಷಮೇವ ಭವತಾಂ ಮಹೇಂದ್ರಾಗ್ರಾತ್ಖಮಾಪ್ಲುತ: | ಉದಧೇರ್ದಕ್ಷಿಣಂ ಪಾರಂ ಕಾಂಕ್ಷಮಾಣ: ಸಮಾಹಿತ: || 7 || ಗಚ್ಛತಶ್ಚ ಹಿ ಮೇ ಘೋರಂ ವಿಘ್ನರೂಪಮಿವಾಭವತ್ | ಕಾಂಚನಂ ಶಿಖರಂ ದಿವ್ಯಂ ಪಶ್ಯಾಮಿ ಸುಮನೋಹರಂ || 8 || ಸ್ಥಿತಂ ಪಂಥಾನಮಾವೃತ್ಯ ಮೇನೇ ವಿಘ್ನಂ ಚ ತಂ ನಗಂ | ಉಪಸಂಗಮ್ಯ ತಂ ದಿವ್ಯಂ ಕಾಂಚನಂ ನಗಸತ್ತಮಂ || 9 || ಕೃತಾ ಮೇ ಮನಸಾ ಬುದ್ಧಿರ್ಭೇತ್ತವ್ಯೋ„ಯಂ ಮಯೇತಿ ಚ | ಪ್ರಹತಂ ಚ ಮಯಾ ತಸ್ಯ ಲಾಂಗೂಲೇನ ಮಹಾಗಿರೇ: || 10 || ಶಿಖರಂ ಸೂರ್ಯಸಂಕಾಶಂ ವ್ಯಶೀರ್ಯತ ಸಹಸ್ರಧಾ | ವ್ಯವಸಾಯಂ ಚ ಮೇ ಬುದ್ಧ್ವಾ ಸ ಹೋವಾಚ ಮಹಾಗಿರಿ: || 11 || ಪುತ್ರೇತಿ ಮಧುರಾಂ ಬಾಣೀಂ ಮನ:ಪ್ರಹ್ಲಾದಯನ್ನಿವ | ಪಿತೃವ್ಯಂ ಚಾಪಿ ಮಾಂ ವಿದ್ಧಿ ಸಖಾಯಂ ಮಾತರಿಶ್ವನ: || 12 || ಮೈನಾಕಮಿತಿ ವಿಖ್ಯಾತಂ ನಿವಸಂತಂ ಮಹೋದಧೌ | ಪಕ್ಷ್ವವಂತ: ಪುರಾ ಪುತ್ರ ಬಭೂವು: ಪರ್ವತೋತ್ತಮಾ: || 13 || ಛಂದತ: ಪೃಥಿವೀಂ ಚೇರುರ್ಬಾಧಮಾನಾ: ಸಮಂತತ: | ಶ್ರುತ್ವಾ ನಗಾನಾಂ ಚರಿತಂ ಮಹೇಂದ್ರ: ಪಾಕಶಾಸನ: || 14 || ಚಿಚ್ಛೇದ ಭಗವಾನ್ ಪಕ್ಷಾನ್ವಜ್ರೇಣೈಷಾಂ ಸಹಸ್ರಶ: | ಅಹಂ ತು ಮೋಕ್ಷಿತಸ್ತಸ್ಮಾತ್ತವ ಪಿತ್ರಾ ಮಹಾತ್ಮನಾ || 15 || ಮಾರುತೇನ ತದಾ ವತ್ಸ ಪ್ರಕ್ಷಿಪ್ತೋ„ಸ್ಮಿ ಮಹಾರ್ಣವೇ | ರಾಮಸ್ಯ ಚ ಮಯಾ ಸಾಹ್ಯೇ ವರ್ತಿತವ್ಯಮರಿಂದಮ || 16 || ರಾಮೋ ಧರ್ಮಭೃತಾಂ ಶ್ರೇಷ್ಠೋ ಮಹೇಂದ್ರಸಮವಿಕ್ರಮ: | ಏತಚ್ಛ್ರುತ್ವಾ ಮಯಾ ತಸ್ಯ ಮೈನಾಕಸ್ಯ ಮಹಾತ್ಮನ: || 17 || ಕಾರ್ಯಮಾವೇದ್ಯ ತು ಗಿರೇರುದ್ಧತಂ ಚ ಮನೋ ಮಮ | ತೇನ ಚಾಹಮನುಜ್ಞಾತೋ ಮೈನಾಕೇನ ಮಹಾತ್ಮನಾ || 18 || ಸ ಚಾಪ್ಯಂತರ್ಹಿತ: ಶೈಲೋ ಮಾನುಷೇಣ ವಪುಷ್ಮತಾ | ಶರೀರೇಣ ಮಹಾಶೈಲ: ಶೈಲೇನ ಚ ಮಹೋದಧೌ || 19 || ಉತ್ತಮಂ ಜವಮಾಸ್ಥಾಯ ಶೇಷಮಧ್ವಾನಮಾಸ್ಥಿತ: | ತತೋ„ಹಂ ಸುಚಿರಂ ಕಾಲಂ ವೇಗೇನಾಭ್ಯಗಮಂ ಪಥಿ || 20 || ತತ: ಪಶ್ಯಾಮ್ಯಹಂ ದೇವೀಂ ಸುರಸಾಂ ನಾಗಮಾತರಂ | ಸಮುದ್ರಮಧ್ಯೇ ಸಾ ದೇವೀ ವಚನಂ ಮಾಮಭಾಷತ || 21 || ಮಮ ಭಕ್ಷ್ಯ: ಪ್ರದಿಷ್ಟಸ್ತ್ವಮಮಾರೈ: ಹರಿಸತ್ತಮಂ | ತತಸ್ತ್ವಾಂ ಭಕ್ಷಯಿಷ್ಯಾಮಿ ವಿಹಿತಸ್ತ್ವಂ ಚಿರಸ್ಯ ಮೇ || 22 || ಏವಮುಕ್ತ: ಸುರಸಯಾ ಪ್ರಾಂಜಲಿ: ಪ್ರಣತ: ಸ್ಥಿತ: | ವಿವರ್ಣವದನೋ ಭೂತ್ವಾ ವಾಕ್ಯಂ ಚೇದಮುದೀರಯಂ || 23 || ರಾಮೋ ದಾಶರಥಿ: ಶ್ರೀಮಾನ್ಪ್ರವಿಷ್ಟೋ ದಂಡಕಾವನಂ | ಲಕ್ಷ್ಮಣೇನ ಸಹ ಭ್ರಾತ್ರಾ ಸೀತಯಾ ಚ ಪರಂತಪ: || 24 || ತಸ್ಯ ಸೀತಾ ಹೃತಾ ಭಾರ್ಯಾ ರಾವಣೇನ ದುರಾತ್ಮನಾ | ತಸ್ಯಾ: ಸಕಾಶಂ ದೂತೋ„ಹಂ ಗಮಿಷ್ಯೇ ರಾಮಶಾಸನಾತ್ || 25 || ಕರ್ತುಮರ್ಹಸಿ ರಾಮಸ್ಯ ಸಾಹ್ಯಂ ವಿಷಯವಾಸಿನಿ | ಅಥ ವಾ ಮೈಥಿಲೀಂ ದೃಷ್ಟ್ವಾ ರಾಮಂ ಚಾಕ್ಲಿಷ್ಟಕಾರಿಣಂ || 26 || ಆಗಮಿಷ್ಯಾಮಿ ತೇ ವಕ್ತ್ರಂ ಸತ್ಯಂ ಪ್ರತಿಶೃಣೋತಿ ಮೇ | ಏವಮುಕ್ತಾ ಮಯಾ ಸಾ ತು ಸುರಸಾ ಕಾಮರೂಪಿಣೀ || 27 || ಅಬ್ರವೀನ್ನಾತಿವರ್ತೇತ ಕಶ್ಚಿದೇಷ ವರೋ ಮಮ | ಏವಮುಕ್ತ: ಸುರಸಯಾ ದಶಯೋಜನಮಾಯತ: || 28 || ತತೋ„ರ್ಧಗುಣವಿಸ್ತಾರೋ ಬಭೂವಾಹಂ ಕ್ಷಣೇನ ತು | ಮತ್ಪ್ರಮಾಣಾನುರೂಪಂ ಚ ವ್ಯಾದಿತಂ ತನ್ಮುಖಂ ತಯಾ || 29 || ತದ್ದೃಷ್ಟ್ವಾ ವ್ಯಾದಿತಂ ತ್ವಾಸ್ಯಂ ಹ್ರಸ್ವಂ ಹ್ಯಕರವಂ ವಪು: | ತಸ್ಮಿನ್ಮುಹೂರ್ತೇ ಚ ಪುನರ್ಬಭೂವಾಂಗುಷ್ಠಸಮ್ಮಿತ: || 30 || ಅಭಿಪತ್ಯಾಶು ತದ್ವಕ್ತ್ರಂ ನಿರ್ಗತೋ„ಹಂ ತತ: ಕ್ಷಣಾತ್ | ಅಬ್ರವೀತ್ಸುರಸಾ ದೇವೀ ಸ್ವೇನ ರೂಪೇಣ ಮಾಂ ಪುನ: || 31 || ಅರ್ಥಸಿದ್ಧ್ಯೈ ಹರಿಶ್ರೇಷ್ಠ ಗಚ್ಛ ಸೌಮ್ಯ ಯಥಾಸುಖಂ | ಸಮಾನಯ ಚ ವೈದೇಹೀಂ ರಾಘವೇಣ ಮಹಾತ್ಮನಾ || 32 || ಸುಖೀ ಭವ ಮಹಾಬಾಹೋ ಪ್ರೀತಾಸ್ಮಿ ತವ ವಾನರ | ತತೋ„ಹಂ ಸಾಧು ಸಾಧ್ವೀತಿ ಸರ್ವಭೂತೈ: ಪ್ರಶಂಸಿತ: || 33 || ತತೋ„ಂತರಿಕ್ಷಂ ವಿಪುಲಂ ಪ್ಲುತೋ„ಹಂ ಗರುಡೋ ಯಥಾ | ಛಾಯಾ ಮೇ ನಿಗೃಹೀತಾ ಚ ನ ಚ ಪಶ್ಯಾಮಿ ಕಿಂ ಚನ || 34 || ಸೋ„ಹಂ ವಿಗತವೇಗಸ್ತು ದಿಶೋ ದಶ ವಿಲೋಕಯನ್ | ನ ಕಿಂ ಚಿತ್ತತ್ರ ಪಶ್ಯಾಮಿ ಯೇನ ಮೇ„ಪಹೃತಾ ಗತಿ: || 35 || ತತೋ ಮೇ ಬುದ್ಧಿರುತ್ಪನ್ನಾ ಕಿಂ ನಾಮ ಗಮನೇ ಮಮ | ಈದೃಶೋ ವಿಘ್ನ ಉತ್ಪನ್ನೋ ರೂಪಂ ಯತ್ರ ನ ದೃಶ್ಯತೇ || 36 || ಅಧೋ ಭಾಗೇನ ಮೇ ದೃಷ್ಟಿ: ಶೋಚತಾ ಪಾತಿತಾ ಮಯಾ | ತತೋ„ದ್ರಾಕ್ಷಮಹಂ ಭೀಮಾಂ ರಾಕ್ಷಸೀಂ ಸಲಿಲೇ ಶಯಾಂ || 37 || ಪ್ರಹಸ್ಯ ಚ ಮಹಾನಾದಮುಕ್ತೋ„ಹಂ ಭೀಮಯಾ ತಯಾ | ಅವಸ್ಥಿತಮಸಂಭ್ರಾಂತಮಿದಂ ವಾಕ್ಯಮಶೋಭನಂ || 38 || ಕ್ವಾಸಿ ಗಂತಾ ಮಹಾಕಾಯ ಕ್ಷುಧಿತಾಯಾ ಮಮೇಪ್ಸಿತ: | ಭಕ್ಷ: ಪ್ರೀಣಯ ಮೇ ದೇಹಂ ಚಿರಮಾಹಾರವರ್ಜಿತಂ || 39 || ಬಾಢಮಿತ್ಯೇವ ತಾಂ ವಾಣೀಂ ಪ್ರತ್ಯಗೃಹ್ಣಾಮಹಂ ತತ: | ಆಸ್ಯ ಪ್ರಮಾಣಾದಧಿಕಂ ತಸ್ಯಾ: ಕಾಯಮಪೂರಯಂ || 40 || ತಸ್ಯಾಶ್ಚಾಸ್ಯಂ ಮಹದ್ಭೀಮಂ ವರ್ಧತೇ ಮಮ ಭಕ್ಷಣೇ | ನ ಚ ಮಾಂ ಸಾ ತು ಬುಬುಧೇ ಮಮ ವಾ ವಿಕೃತಂ ಕೃತಂ || 41 || ತತೋ„ಹಂ ವಿಪುಲಂ ರೂಪಂಸಂಕ್ಷಿಪ್ಯ ನಿಮಿಷಾಂತರಾತ್ | ತಸ್ಯಾ ಹೃದಯಮಾದಾಯ ಪ್ರಪತಾಮಿ ನಭಸ್ತಲಂ || 42 || ಸಾ ವಿಸೃಷ್ಟಭುಜಾ ಭೀಮಾ ಪಪಾತ ಲವಣಾಂಭಸಿ | ಮಯಾ ಪರ್ವತಸಂಕಾಶಾ ನಿಕೃತ್ತಹೃದಯಾ ಸತೀ || 43 || ಶೃಣೋಮಿ ಖಗತಾನಾಂ ಚ ಸಿದ್ಧಾನಾಂ ಚಾರಣೈ: ಸಹ | ರಾಕ್ಷಸೀ ಸಿಂಹಿಕಾ ಭೀಮಾ ಕ್ಷಿಪ್ರಂ ಹನುಮತಾ ಹೃತಾ || 44 || ತಾಂ ಹತ್ವಾ ಪುನರೇವಾಹಂ ಕೃತ್ಯಮಾತ್ಯಯಿಕಂ ಸ್ಮರನ್ | ಗತ್ವಾ ಚ ಮಹದಧ್ವಾನಂ ಪಶ್ಯಾಮಿ ನಗಮಂಡಿತಂ || 45 || ದಕ್ಷಿಣಂ ತೀರಮುದಧೇರ್ಲಂಕಾ ಯತ್ರ ಚ ಸಾ ಪುರೀ | ಅಸ್ತಂ ದಿನಕರೇ ಯಾತೇ ರಕ್ಷಸಾಂ ನಿಲಯಂ ಪುರೀಂ || 46 || ಪ್ರವಿಷ್ಟೋ„ಹಮವಿಜ್ಞಾತೋ ರಕ್ಷೋಭಿರ್ಭೀಮವಿಕ್ರಮೈ: | ತತ್ರಾಹಂ ಸರ್ವರಾತ್ರಂ ತು ವಿಚಿನ್ವಂಜನಕಾತ್ಮಜಾಂ || 47 || ಅಟ್ಟಹಾಸಂ ವಿಮುಂಚಂತೀ ನಾರೀ ಕಾಪ್ಯುತ್ಥಿತಾ ಪುರ: | ಜಿಘಾಂಸಂತೀಂ ತತಸ್ತಾಂ ತು ಜ್ವಲದಗ್ನಿಶಿರೋರುಹಾಂ || 48 || ಸವ್ಯಮುಷ್ಟಿಪ್ರಹಾರೇಣ ಪರಾಜಿತ್ಯ ಸುಭೈರವಾಂ | ಪ್ರದೋಶಕಾಲೇ ಪ್ರವಿಶಂ ಭೀತಯಾಹಂ ತಯೋದಿತ: || 49 || ಅಹಂ ಲಂಕಾಪುರೀ ವೀರ ನಿರ್ಜಿತಾ ವಿಕ್ರಮೇಣ ತೇ | ಯಸ್ಮಾತ್ತಸ್ಮಾದ್ವಿಜೇತಾಸಿ ಸರ್ವರಕ್ಷಾಮ್ಸ್ಯಶೇಷತ: || 50 || ತತ್ರ ಅಹಂ ಸರ್ವ ರಾತ್ರಂ ತು ವಿಚಿನ್ವನ್ ಜನಕ ಆತ್ಮಜಾಂ | ರಾವಣ ಅಂತ: ಪುರ ಗತೋ ನ ಚ ಅಪಶ್ಯಂ ಸುಮಧ್ಯಮಾಂ || 51 || ತತ: ಸೀತಾಮಪಶ್ಯಂಸ್ತು ರಾವಣಸ್ಯ ನಿವೇಶನೇ | ಶೋಕಸಾಗರಮಾಸಾದ್ಯ ನ ಪಾರಮುಪಲಕ್ಷಯೇ || 52 || ಶೋಚತಾ ಚ ಮಯಾ ದೃಷ್ಟಂ ಪ್ರಾಕಾರೇಣ ಸಮಾವೃತಂ | ಕಾಂಚನೇನ ವಿಕೃಷ್ಟೇನ ಗೃಹೋಪವನಮುತ್ತಮಂ || 53 || ಸ ಪ್ರಾಕಾರಮವಪ್ಲುತ್ಯ ಪಶ್ಯಾಮಿ ಬಹುಪಾದಪಂ | ಅಶೋಕವನಿಕಾಮಧ್ಯೇ ಶಿಂಶಪಾಪಾದಪೋ ಮಹಾನ್ || 54 || ತಮಾರುಹ್ಯ ಚ ಪಶ್ಯಾಮಿ ಕಾಂಚನಂ ಕದಳೀ ವನಂ | ಅದೂರಾಚ್ಛಿಂಶಪಾವೃಕ್ಷಾತ್ಪಶ್ಯಾಮಿ ವನವರ್ಣಿನೀಂ || 55 || ಶ್ಯಾಮಾಂ ಕಮಲಪತ್ರಾಕ್ಷೀಂ ಉಪವಾಸಕೃಶಾನನಾಂ | ತದೇಕವಾಸ:ಸಂವೀತಾಂ ರಜೋಧ್ವಸ್ತಶಿರೋರುಹಾಂ || 56 || ಶೋಕಸಂತಾಪದೀನಾಂಗೀಂ ಸೀತಾಂ ಭರ್ತೃಹಿತೇ ಸ್ಥಿತಾಂ | ರಾಕ್ಷಸೀಭಿರ್ವಿರೂಪಾಭಿ: ಕ್ರೂರಾಭಿರಭಿಸಂವೃತಾಂ || 57 || ಮಾಂಸಶೋಣಿತ ಭಕ್ಷ್ಯಾಭಿ: ವ್ಯಾಘ್ರೀಭಿರ್ಹರಿಣೀಂ ಯಥಾ | ಸಾ ಮಯಾ ರಾಕ್ಷಸೀಮಧ್ಯೇ ತಜ್ರ್ಯಮಾನಾ ಮುಹುರ್ಮಹು: || 58 || ಏಕವೇಣೀಧರಾ ದೀನಾ ಭರ್ತೃಚಿಂತಾಪರಾಯಣಾ | ಭೂಮಿಶಯ್ಯಾ ವಿವರ್ಣಾಂಗೀ ಪದ್ಮಿನೀವ ಹಿಮಾಗಮೇ || 59 || ರಾವಣಾದ್ವಿನಿವೃತ್ತಾರ್ಥಾ ಮರ್ತವ್ಯಕೃತನಿಶ್ಚಯಾ | ಕಥಂಚಿನ್ಮೃಗಶಾಬಾಕ್ಷೀ ತೂರ್ಣಮಾಸಾದಿತಾ ಮಯಾ || 60 || ತಾಂ ದೃಷ್ಟ್ವಾ ತಾದೃಶೀಂ ನಾರೀಂ ರಾಮಪತ್ನೀಂ ಅನಿಂದಿತಾಂ | ತತ್ರೈವ ಶಿಂಶಪಾವೃಕ್ಷೇ ಪಶ್ಯನ್ನಹಮವಸ್ಥಿತ: || 61 || ತತೋ ಹಲಹಲಾಶಬ್ದಂ ಕಾಂಚೀನೂಪುರಮಿಶ್ರಿತಂ | ಶೃಣೋಮ್ಯಧಿಕಗಂಭೀರಂ ರಾವಣಸ್ಯ ನಿವೇಶನೇ || 62 || ತತೋ„ಹಂ ಪರಮೋದ್ವಿಗ್ನ: ಸ್ವರೂಪಂ ಪ್ರತ್ಯಸಂಹರಂ | ಅಹಂ ಚ ಶಿಂಶಪಾವೃಕ್ಷೇ ಪಕ್ಷೀವ ಗಹನೇ ಸ್ಥಿತ: || 63 || ತತೋ ರಾವಣದಾರಾಶ್ಚ ರಾವಣಶ್ಚ ಮಹಾಬಲ: | ತಂ ದೇಶಂ ಸಮನುಪ್ರಾಪ್ತಾ ಯತ್ರ ಸೀತಾಭವತ್ಸ್ಥಿತಾ || 64 || ತಂ ದೃಷ್ಟ್ವಾಥ ವರಾರೋಹಾ ಸೀತಾ ರಕ್ಷೋಗಣೇಶ್ವರಂ | ಸಂಕುಚ್ಯೋರೂ ಸ್ತನೌ ಪೀನೌ ಬಾಹುಭ್ಯಾಂ ಪರಿರಭ್ಯ ಚ || 65 || ವಿತ್ರಸ್ತಾಂ ಪರಮೋದ್ವಿಗ್ನಾಂ ವೀಕ್ಷಮಾಣಾಮಿತಸ್ತತ: | ತ್ರಾಣಂ ಕಿಂಚಿದಪಶ್ಯಂತೀಂ ವೇಪಮಾನಾಂ ತಪಸ್ವಿನೀಂ || 66 || ತಾಮುವಾಚ ದಶಗ್ರೀವ: ಸೀತಾಂ ಪರಮದು:ಖಿತಾಂ | ಅವಾಕ್ಷಿರಾ: ಪ್ರಪತಿತೋ ಬಹು ಮನ್ಯಸ್ವ ಮಾಂ ಇತಿ || 67 || ಯದಿ ಚೇತ್ತ್ವಂ ತು ಮಾಂ ದರ್ಪಾನ್ನಾಭಿನಂದಸಿ ಗರ್ವಿತೇ | ದ್ವೌಮಾಸಾನಂತರಂ ಸೀತೇ ಪಾಸ್ಯಾಮಿ ರುಧಿರಂ ತವ || 68|| ಏತಚ್ಛ್ರುತ್ವಾ ವಚಸ್ತಸ್ಯ ರಾವಣಸ್ಯ ದುರಾತ್ಮನ: | ಉವಾಚ ಪರಮಕ್ರುದ್ಧಾ ಸೀತಾ ವಚನಮುತ್ತಮಂ || 69 || ರಾಕ್ಷಸಾಧಮ ರಾಮಸ್ಯ ಭಾರ್ಯಾಮಮಿತತೇಜಸ: | ಇಕ್ಷ್ವಾಕುಕುಲನಾಥಸ್ಯ ಸ್ನುಷಾಂ ದಶರಥಸ್ಯ ಚ || 70 || ಅವಾಚ್ಯಂ ವದತೋ ಜಿಹ್ವಾ ಕಥಂ ನ ಪತಿತಾ ತವ | ಕಿಂಸ್ವಿದ್ವೀರ್ಯಂ ತವಾನಾರ್ಯ ಯೋ ಮಾಂ ಭರ್ತುರಸನ್ನಿಧೌ || 71 || ಅಪಹೃತ್ಯಾಗತ: ಪಾಪ ತೇನಾದೃಷ್ಟೋ ಮಹಾತ್ಮನಾ | ನ ತ್ವಂ ರಾಮಸ್ಯ ಸದೃಶೋ ದಾಸ್ಯೇ„ಪ್ಯಸ್ಯಾ ನ ಯುಜ್ಯಸೇ || 72 || ಯಜ್ಞೀಯ: ಸತ್ಯವಾಕ್ಚೈವ ರಣಶ್ಲಾಘೀ ಚ ರಾಘವ: | ಜಾನಕ್ಯಾ ಪರುಷಂ ವಾಕ್ಯಮೇವಮುಕ್ತೋ ದಶಾನನ: || 73 || ಜಜ್ವಾಲ ಸಹಸಾ ಕೋಪಾಚ್ಚಿತಾಸ್ಥ ಇವ ಪಾವಕ: | ವಿವೃತ್ಯ ನಯನೇ ಕ್ರೂರೇ ಮುಷ್ಟಿಮುದ್ಯಮ್ಯ ದಕ್ಷಿಣಂ || 74 || ಮೈಥಿಲೀಂ ಹಂತುಮಾರಬ್ಧ: ಸ್ತ್ರೀಭಿರ್ಹಾಹಾಕೃತಂ ತದಾ | ಸ್ತ್ರೀಣಾಂ ಮಧ್ಯಾತ್ಸಮುತ್ಪತ್ಯ ತಸ್ಯ ಭಾರ್ಯಾ ದುರಾತ್ಮನ: || 75 || ವರಾ ಮಂಡೋದರೀ ನಾಮ ತಯಾ ಸ ಪ್ರತಿಷೇಧಿತ: | ಉಕ್ತಶ್ಚ ಮಧುರಾಂ ವಾಣೀಂ ತಯಾ ಸ ಮದನಾರ್ದಿತ: || 76 || ಸೀತಯಾ ತವ ಕಿಂ ಕಾರ್ಯಂ ಮಹೇಂದ್ರಸಮವಿಕ್ರಮ | ದೇವ ಗಂಧರ್ವ ಕನ್ಯಾಭಿ: ಯಕ್ಷ ಕನ್ಯಾಭಿ: ಏವ ಚ || 77 || ಸಾರ್ಧಂ ಪ್ರಭೋ ರಮಸ್ವ ಇಹ ಸೀತಯಾ ಕಿಂ ಕರಿಷ್ಯಸಿ | ತತ: ತಾಭಿ: ಸಮೇತಾಭಿ: ನಾರೀಭಿ: ಸ ಮಹಾಬಲ: || 78 || ಉತ್ಥಾಪ್ಯ ಸಹಸಾ ನೀತೋ ಭವನಂ ಸ್ವಂ ನಿಶಾ ಚರ: | ಯಾತೇ ತಸ್ಮಿಂದಶಗ್ರೀವೇ ರಾಕ್ಷಸ್ಯೋ ವಿಕೃತಾನನಾ: || 79 || ಸೀತಾಂ ನಿರ್ಭತ್ರ್ಸಯಾಮಾಸುರ್ವಾಕ್ಯೈ: ಕ್ರೂರೈ: ಸುದಾರುಣೈ: | ತೃಣವದ್ಭಾಷಿತಂ ತಾಸಾಂ ಗಣಯಾಮಾಸ ಜಾನಕೀ || 80 || ತರ್ಜಿತಂ ಚ ತದಾ ತಾಸಾಂ ಸೀತಾಂ ಪ್ರಾಪ್ಯ ನಿರರ್ಥಕಂ | ವೃಥಾಗರ್ಜಿತನಿಶ್ಚೇಷ್ಟಾ ರಾಕ್ಷಸ್ಯ: ಪಿಶಿತಾಶನಾ: || 81 || ರಾವಣಾಯ ಶಶಂಸುಸ್ತಾ: ಸೀತಾವ್ಯವಸಿತಂ ಮಹತ್ | ತತಸ್ತಾ: ಸಹಿತಾ: ಸರ್ವಾ ವಿಹತಾಶಾ ನಿರುದ್ಯಮಾ: || 82 || ಪರಿಕ್ಷಿಪ್ಯ ಸಮಂತಾತ್ತಾಂ ನಿದ್ರಾವಶಮುಪಾಗತಾ: | ತಾಸು ಚೈವ ಪ್ರಸುಪ್ತಾಸು ಸೀತಾ ಭರ್ತೃಹಿತೇ ರತಾ || 83 || ವಿಲಪ್ಯ ಕರುಣಂ ದೀನಾ ಪ್ರಶುಶೋಚ ಸುದು:ಖಿತಾ | ತಾಸಾಂ ಮಧ್ಯಾತ್ಸಮುತ್ಥಾಯ ತ್ರಿಜಟಾ ವಾಕ್ಯಮಬ್ರವೀತ್ || 84 || ಆತ್ಮಾನಂ ಖಾದತ ಕ್ಷಿಪ್ರಂ ನ ಸೀತಾ ವಿನಶಿಷ್ಯತಿ | ಜನಕಸ್ಯಾತ್ಮಜಾ ಸಾಧ್ವೀ ಸ್ನುಶ ದಶರಥಸ್ಯ ಚ || 85 || ಸ್ವಪ್ನೋ ಹ್ಯದ್ಯ ಮಯಾ ದೃಷ್ಟೋ ದಾರುಣೋ ರೋಮಹರ್ಷಣ: | ರಕ್ಷಸಾಂ ಚ ವಿನಾಶಾಯ ಭರ್ತುರಸ್ಯಾ ಜಯಾಯ ಚ || 86 || ಅಲಮಸ್ಮಾತ್ಪರಿತ್ರಾತುಂ ರಾಘವಾದ್ರಕ್ಷಸೀಗಣಂ | ಅಭಿಯಾಚಾಮ ವೈದೇಹೀಮೇತದ್ಧಿ ಮಮ ರೋಚತೇ || 87 || ಯಸ್ಯಾ ಹ್ಯೇವಂವಿಧ: ಸ್ವಪ್ನೋ ದು:ಖಿತಾಯಾ: ಪ್ರದೃಶ್ಯತೇ | ಸಾ ದು:ಖೈರ್ವಿವಿಧೈರ್ಮುಕ್ತಾ ಸುಖಮಾಪ್ನೋತ್ಯನುತ್ತಮಂ || 88 || ಪ್ರಣಿಪಾತಪ್ರಸನ್ನಾ ಹಿ ಮೈಥಿಲೀ ಜನಕಾತ್ಮಜಾ | ತತ: ಸಾ ಹ್ರೀಮತೀ ಬಾಲಾ ಭರ್ತುರ್ವಿಜಯಹರ್ಷಿತಾ || 89 | ಅವೋಚದ್ಯದಿ ತತ್ತಥ್ಯಂ ಭವೇಯಂ ಶರಣಂ ಹಿ ವ: | ತಾಂ ಚಾಹಂ ತಾದೃಶೀಂ ದೃಷ್ಟ್ವಾ ಸೀತಾಯಾ ದಾರುಣಾಂ ದಶಾಂ || 90 || ಚಿಂತಯಾಮಾಸ ವಿಶ್ರಾಂತೋ ನ ಚ ಮೇ ನಿರ್ವೃತಂ ಮನ: | ಸಂಭಾಷಣಾರ್ಥೇ ಚ ಮಯಾ ಜಾನಕ್ಯಾಶ್ಚಿಂತಿತೋ ವಿಧಿ: || 91 || ಇಕ್ಷ್ವಾಕುಕುಲವಂಶಸ್ತು ತತೋ ಮಮ ಪುರಸ್ಕೃತ: | ಶ್ರುತ್ವಾ ತು ಗದಿತಾಂ ವಾಚಂ ರಾಜರ್ಷಿಗಣಪೂಜಿತಾಂ || 92 || ಪ್ರತ್ಯಭಾಷತ ಮಾಂ ದೇವೀ ಬಾಷ್ಪೈ: ಪಿಹಿತಲೋಚನಾ | ಕಸ್ತ್ವಂ ಕೇನ ಕಥಂ ಚೇಹ ಪ್ರಾಪ್ತೋ ವಾನರಪುಂಗವ || 93 || ಕಾ ಚ ರಾಮೇಣ ತೇ ಪ್ರೀತಿಸ್ತನ್ಮೇ ಶಂಸಿತುಮರ್ಹಸಿ | ತಸ್ಯಾಸ್ತದ್ವಚನಂ ಶ್ರುತ್ವಾ ಅಹಮಪ್ಯಬ್ರುವಂ ವಚ: || 94 || ದೇವಿ ರಾಮಸ್ಯ ಭರ್ತುಸ್ತೇ ಸಹಾಯೋ ಭೀಮವಿಕ್ರಮ: | ಸುಗ್ರೀವೋ ನಾಮ ವಿಕ್ರಾಂತೋ ವಾನರೇಂದೋ ಮಹಾಬಲ: || 95 || ತಸ್ಯ ಮಾಂ ವಿದ್ಧಿ ಭೃತ್ಯಂ ತ್ವಂ ಹನೂಮಂತಮಿಹಾಗತಂ | ಭತ್ರ್ರಾಹಂ ಪ್ರಹಿತಸ್ತುಭ್ಯಂ ರಾಮೇಣಾಕ್ಲಿಷ್ಟಕರ್ಮಣಾ || 96 || ಇದಂ ಚ ಪುರುಷವ್ಯಾಘ್ರ: ಶ್ರೀಮಾನ್ದಾಶರಥಿ: ಸ್ವಯಂ | ಅಂಗುಳೀಯಂ ಅಭಿಜ್ಞಾನಂ ಅದಾತ್ತುಭ್ಯಂ ಯಶಸ್ವಿನಿ || 97 || ತದಿಚ್ಛಾಮಿ ತ್ವಯಾಜ್ಞಪ್ತಂ ದೇವಿ ಕಿಂ ಕರವಾಣ್ಯಹಂ | ರಾಮಲಕ್ಷ್ಮಣಯೋ: ಪಾಶ್ರ್ವಂ ನಯಾಮಿ ತ್ವಾಂ ಕಿಮುತ್ತರಂ || 98 || ಏತಚ್ಛ್ರುತ್ವಾ ವಿದಿತ್ವಾ ಚ ಸೀತಾ ಜನಕನಂದಿನೀ | ಆಹ ರಾವಣಮುತ್ಸಾದ್ಯ ರಾಘವೋ ಮಾಂ ನಯತ್ವಿತಿ || 99 || ಪ್ರಣಮ್ಯ ಶಿರಸಾ ದೇವೀಂ ಅಹಮಾರ್ಯಾಂ ಅನಿಂದಿತಾಂ | ರಾಘವಸ್ಯ ಮನೋಹ್ಲಾದಂ ಅಭಿಜ್ಞಾನಮಯಾಚಿಷಂ || 100 || ಅಥ ಮಾಮಬ್ರವೀತ್ಸೀತಾ ಗೃಹ್ಯತಾಮಯಮತ್ತಮ: | ಮಣಿರ್ಯೇನ ಮಹಾಬಾಹೂ ರಾಮಸ್ತ್ವಾಂ ಬಹುಮನ್ಯತೇ || 101 || ಏವಮುಕ್ತಾ ವರಾರೋಹಾ ಮಣಿಪ್ರವರಮುತ್ತಮಂ | ಪ್ರಾಯಚ್ಛತ್ಪರಮೋದ್ವಿಗ್ನಾ ವಾಚಾ ಮಾಂ ಸಂದಿದೇಶ ಹ || 102 || ತತಸ್ತಸ್ಯೈ ಪ್ರಣಮ್ಯಾಹಂ ರಾಜಪುತ್ರ್ಯೈ ಸಮಾಹಿತ: | ಪ್ರದಕ್ಷಿಣಂ ಪರಿಕ್ರಾಮಮಿಹಾಭ್ಯುದ್ಗತಮಾನಸ: || 103 || ಉತ್ತರಂ ಪುನರೇವಾಹ ನಿಶ್ಚಿತ್ಯ ಮನಸಾ ತದಾ | ಹನೂಮನ್ಮಮ ವೃತ್ತಾಂತಂ ವಕ್ತುಮರ್ಹಸಿ ರಾಘವೇ || 104 || ಯಥಾ ಶ್ರುತ್ವೈವ ನಚಿರಾತ್ತಾವುಭೌ ರಾಮಲಕ್ಷ್ಮಣೌ | ಸುಗ್ರೀವಸಹಿತೌ ವೀರಾವುಪೇಯಾತಾಂ ತಥಾ ಕುರು || 105 || ಯದ್ಯನ್ಯಥಾ ಭವೇದೇತದ್ದ್ವೌ ಮಾಸೌ ಜೀವಿತಂ ಮಮ | ನ ಮಾಂ ದ್ರಕ್ಷ್ಯತಿ ಕಾಕುತ್ಸ್ಥೋ ಮ್ರಿಯೇ ಸಾಹಮನಾಥವತ್ || 106 || ತಚ್ಛ್ರುತ್ವಾ ಕರುಣಂ ವಾಕ್ಯಂ ಕ್ರೋಧೋ ಮಾಂ ಅಭ್ಯವರ್ತತ | ಉತ್ತರಂ ಚ ಮಯಾ ದೃಷ್ಟಂ ಕಾರ್ಯಶೇಷಮನಂತರಂ || 107 || ತತೋ„ವರ್ಧತ ಮೇ ಕಾಯಸ್ತದಾ ಪರ್ವತಸನ್ನಿಭ: | ಯುದ್ಧಕಾಂಕ್ಷೀ ವನಂ ತಚ್ಚ ವಿನಾಶಯಿತುಮಾರಭೇ || 108 || ತದ್ಭಗ್ನಂ ವನಷಂಡಂ ತು ಭ್ರಾಂತತ್ರಸ್ತಮೃಗದ್ವಿಜಂ | ಪ್ರತಿಬುದ್ಧಾ ನಿರೀಕ್ಷಂತೇ ರಾಕ್ಷಸ್ಯೋ ವಿಕೃತಾನನಾ: || 109 || ಮಾಂ ಚ ದೃಷ್ಟ್ವಾ ವನೇ ತಸ್ಮಿನ್ಸಮಾಗಮ್ಯ ತತಸ್ತತ: | ತಾ: ಸಮಭ್ಯಾಗತಾ: ಕ್ಷಿಪ್ರಂ ರಾವಣಾಯಾಚಚಕ್ಷಿರೇ || 110 || ರಾಜನ್ವನಮಿದಂ ದುರ್ಗಂ ತವ ಭಗ್ನಂ ದುರಾತ್ಮನಾ | ವಾನರೇಣ ಹ್ಯವಿಜ್ಞಾಯ ತವ ವೀರ್ಯಂ ಮಹಾಬಲ || 111 || ದುರ್ಬುದ್ಧೇಸ್ತಸ್ಯ ರಾಜೇಂದ್ರ ತವ ವಿಪ್ರಿಯಕಾರಿಣ: | ವಧಮಾಜ್ಞಾಪಯ ಕ್ಷಿಪ್ರಂ ಯಥಾಸೌ ವಿಲಯಂ ವ್ರಜೇತ್ || 112 || ತಚ್ಛ್ರುತ್ವಾ ರಾಕ್ಷಸೇಂದ್ರೇಣ ವಿಸೃಷ್ಟಾ ಭೃಶದುರ್ಜಯಾ: | ರಾಕ್ಷಸಾ: ಕಿಂಕರಾ ನಾಮ ರಾವಣಸ್ಯ ಮನೋ„ನುಗಾ: || 113 || ತೇಷಾಮಶೀತಿಸಾಹಸ್ರಂ ಶೂಲಮುದ್ಗರಪಾಣಿನಾಂ | ಮಯಾ ತಸ್ಮಿನ್ವನೋದ್ದೇಶೇ ಪರಿಘೇಣ ನಿಷೂದಿತಂ || 114 || ತೇಷಾಂ ತು ಹತಶೇಷಾ ಯೇ ತೇ ಗತಾ ಲಘುವಿಕ್ರಮಾ: | ನಿಹತಂ ಚ ಮಯಾ ಸೈನ್ಯಂ ರಾವಣಾಯಾಚಚಕ್ಷಿರೇ || 115 || ತತೋ ಮೇ ಬುದ್ಧಿರುತ್ಪನ್ನಾ ಚೈತ್ಯಪ್ರಾಸಾದಮಾಕ್ರಮಂ | ತತ್ರಸ್ಥಾನ್ರಾಕ್ಷಸಾಂಹತ್ವಾ ಶತಂ ಸ್ತಂಭೇನ ವೈ ಪುನ: || 116 || ಲಲಾಮ ಭೂತೋ ಲಂಕಾಯಾ ಮಯಾ ವಿಧ್ವಂಸಿತೋ ರುಷಾ | ತತ: ಪ್ರಹಸ್ತಸ್ಯ ಸುತಂ ಜಂಬುಮಾಲಿನಮಾದಿಶತ್ || 117 || ರಾಕ್ಷಸೈರ್ಬಹುಭಿ: ಸಾರ್ಥಂ ಘೋರರೂಪೈರ್ಭಯಾನಕೈ: | ತಮಹಂ ಬಲಸಂಪನ್ನಂ ರಾಕ್ಷಸಂ ರಣಕೋವಿದಂ || 118 || ಪರಿಘೇಣಾತಿಘೋರೇಣ ಸೂದಯಾಮಿ ಸಹಾನುಗಂ | ತಚ್ಛ್ರುತ್ವಾ ರಾಕ್ಷಸೇಂದ್ರಸ್ತು ಮಂತ್ರಿಪುತ್ರಾನ್ಮಹಾಬಲಾನ್ || 119 || ಪದಾತಿಬಲಸಂಪನ್ನಾನ್ ಪ್ರೇಷಯಾಮಾಸ ರಾವಣ: | ಪರಿಘೇಣೈವ ತಾನ್ಸರ್ವಾನ್ನಯಾಮಿ ಯಮಸಾದನಂ || 120 || ಮಂತ್ರಿಪುತ್ರಾನ್ ಹತಾನ್ಶ್ರುತ್ವಾ ಸಮರೇ ಲಘುವಿಕ್ರಮಾನ್ | ಪಂಚಸೇನಾಗ್ರಗಾನ್ಶೂರಾನ್ ಪ್ರೇಷಯಾಮಾಸ ರಾವಣ: || 121 || ತಾನಹಂ ಸಹ ಸೈನ್ಯಾನ್ವೈ ಸರ್ವಾನೇವಾಭ್ಯಸೂದಯಂ || ತತ: ಪುನರ್ದಶಗ್ರೀವ: ಪುತ್ರಮಕ್ಷಂ ಮಹಾಬಲಂ || 122 || ಬಹುಭೀ ರಾಕಸೈ: ಸಾರ್ಧಂ ಪ್ರೇಷಯಾಮಾಸ ಸಂಯುಗೇ | ತಂ ತು ಮಂಡೋದರೀ ಪುತ್ರಂ ಕುಮಾರಂ ರಣಪಂಡಿತಂ || 123 || ಸಹಸಾ ಖಂ ಸಮುತ್ಕ್ರಾಂತಂ ಪಾದಯೋಶ್ಚ ಗೃಹೀತವಾನ್ | ಚರ್ಮಾಸಿನಂ ಶತಗುಣಂ ಭ್ರಾಮಯಿತ್ವಾ ವ್ಯಪೇಷಯಂ || 124 || ತಮಕ್ಷಮಾಗತಂ ಭಗ್ನಂ ನಿಶಮ್ಯ ಸ ದಶಾನನ: | ತತ ಇಂದ್ರಜಿತಂ ನಾಮ ದ್ವಿತೀಯಂ ರಾವಣ: ಸುತಂ || 125 || ವ್ಯಾದಿದೇಶ ಸುಸಂಕ್ರುದ್ಧೋ ಬಲಿನಂ ಯುದ್ಧದುರ್ಮದಂ | ತಸ್ಯಾಪ್ಯಹಂ ಬಲಂ ಸರ್ವಂ ತಂ ಚ ರಾಕ್ಷಸಪುಂಗವಂ || 126 || ನಷ್ಟೌಜಸಂ ರಣೇ ಕೃತ್ವಾ ಪರಂ ಹರ್ಷಮುಪಾಗಮಂ | ಮಹತಾ ಹಿ ಮಹಾಬಾಹು: ಪ್ರತ್ಯಯೇನ ಮಹಾಬಲ: || 127 || ಪ್ರೇಷಿತೋ ರಾವಣೇನೈಷ ಸಹ ವೀರೈರ್ಮದೋತ್ಕಟೈ: | ಸೋ„ವಿಷಹ್ಯಂ ಹಿ ಮಾಂ ಬುದ್ಧ್ವಾ ಸ್ವಂ ಬಲಂ ಚಾವಮರ್ದಿತಂ | ಬ್ರಾಹ್ಮೇಣಾಸ್ತ್ರೇಣ ಸ ತು ಮಾಂ ಪ್ರಬಧ್ನಾಚ್ಚಾತಿವೇಗತ: || 128 || ರಜ್ಜೂಭಿರಭಿಬಧ್ನಂತಿ ತತೋ ಮಾಂ ತತ್ರ ರಾಕ್ಷಸಾ: || 129 || ರಾವಣಸ್ಯ ಸಮೀಪಂ ಚ ಗೃಹೀತ್ವಾ ಮಾಮುಪಾನಯನ್ | ದೃಷ್ಟ್ವಾ ಸಂಭಾಷಿತಶ್ಚಾಹಂ ರಾವಣೇನ ದುರಾತ್ಮನಾ || 130 || ಪೃಷ್ಟಶ್ಚ ಲಂಕಾಗಮನಂ ರಾಕ್ಷಸಾನಾಂ ಚ ತದ್ವಧಂ | ತತ್ಸರ್ವಂ ಚ ಮಯಾ ತತ್ರ ಸೀತಾರ್ಥಮಿತಿ ಜಲ್ಪಿತಂ || 131 || ಅಸ್ಯಾಹಂ ದರ್ಶನಾಕಾಂಕ್ಷೀ ಪ್ರಾಪ್ತಸ್ತ್ವದ್ಭವನಂ ವಿಭೋ | ಮಾರುತಸ್ಯೌರಸ: ಪುತ್ರೋ ವಾನರೋ ಹನುಮಾನಹಂ || 132 || ರಾಮದೂತಂ ಚ ಮಾಂ ವಿದ್ಧಿ ಸುಗ್ರೀವಸಚಿವಂ ಕಪಿಂ | ಸೋ„ಹಂ ದೌತ್ಯೇನ ರಾಮಸ್ಯ ತ್ವತ್ಸಮೀಪಮಿಹಾಗತ: || 133 || ಸುಗ್ರೀವಶ್ಚ ಮಹಾತೇಜಾ: ಸ ತ್ವಾಂ ಕುಶಲಮಬ್ರವೀತ್ | ಧರ್ಮಾರ್ಥಕಾಮಸಹಿತಂ ಹಿತಂ ಪಥ್ಯಮುವಾಚ ಚ || 134 || ವಸತೋ ಋಷ್ಯಮೂಕೇ ಮೇ ಪರ್ವತೇ ವಿಪುಲದ್ರುಮೇ | ರಾಘವೋ ರಣವಿಕ್ರಾಂತೋ ಮಿತ್ರತ್ವಂ ಸಮುಪಾಗತ: || 135 || ತೇನ ಮೇ ಕಥಿತಂ ರಾಜನ್ಭಾರ್ಯಾ ಮೇ ರಕ್ಷಸಾ ಹೃತಾ | ತತ್ರ ಸಾಹಾಯ್ಯಹೇತೋರ್ಮೇ ಸಮಯಂ ಕರ್ತುಮರ್ಹಸಿ || 136 || ಮಯಾ ಚ ಕಥಿತಂ ತಸ್ಮೈ ವಾಲಿನಶ್ಚ ವಧಂ ಪ್ರತಿ | ತತ್ರ ಸಾಹಯ್ಯಹೇತೋರ್ಮೇ ಸಮಯಂ ಕರ್ತುಮರ್ಹಸಿ || 137 || ವಾಲಿನಾ ಹೃತರಾಜ್ಯೇನ ಸುಗ್ರೀವೇಣ ಸಹ ಪ್ರಭು: | ಚಕ್ರೇ„ಗ್ನಿಸಾಕ್ಷಿಕಂ ಸಕ್ಯಂ ರಾಘವ: ಸಹಲಕ್ಷ್ಮಣ: || 138 || ತೇನ ವಾಲಿನಮುತ್ಸಾದ್ಯ ಶರೇಣೈಕೇನ ಸಂಯುಗೇ | ವಾನರಾಣಾಂ ಮಹಾರಾಜ: ಕೃತ: ಸಂಪ್ಲವತಾಂ ಪ್ರಭು: || 139 || ತಸ್ಯ ಸಾಹಾಯ್ಯಮಸ್ಮಾಭಿ: ಕಾರ್ಯಂ ಸರ್ವಾತ್ಮನಾ ತ್ವಿಹ | ತೇನ ಪ್ರಸ್ಥಾಪಿತಸ್ತುಭ್ಯಂ ಸಮೀಪಮಿಹ ಧರ್ಮತ: || 140 || ಕ್ಷಿಪ್ರಮಾನೀಯತಾಂ ಸೀತಾ ದೀಯತಾಂ ರಾಘವಸ್ಯ ಚ | ಯಾವನ್ನ ಹರಯೋ ವೀರಾ ವಿಧಮಂತಿ ಬಲಂ ತವ || 141 || ವಾನರಾಣಾಂ ಪ್ರಭವೋ ಹಿ ನ ಕೇನ ವಿದಿತ: ಪುರಾ | ದೇವತಾನಾಂ ಸಕಾಶಂ ಚ ಯೇ ಗಚ್ಛಂತಿ ನಿಮಂತ್ರಿತಾ: || 142 || ಇತಿ ವಾನರರಾಜ: ತ್ವಾಮಾಹೇತ್ಯಭಿಹಿತೋ ಮಯಾ | ಮಾಮೈಕ್ಷತ ತತೋ ರುಷ್ಟಶ್ಚಕ್ಷುಷಾ ಪ್ರದಹನ್ನಿವ || 143 || ತೇನ ವಧ್ಯೋ„ಹಮಾಜ್ಞಪ್ತೋ ರಕ್ಷಸಾ ರೌದ್ರಕರ್ಮಣಾ | ಮಂತ್ರಪಭಾವಮವಿಜ್ಞಾಯ ರಾವಣೇನ ದುರಾತ್ಮನಾ || 144 || ತತೋ ವಿಭೀಷಣೋ ನಾಮ ತಸ್ಯ ಭ್ರಾತಾ ಮಹಾಮತಿ: | ತೇನ ರಾಕ್ಷಸರಾಜೋ„ಸೌ ಯಾಚಿತೋ ಮಮ ಕಾರಣಾತ್ || 145 || ನೈವಂ ರಾಕ್ಷಸಶಾರ್ದೂಲ ತ್ಯಜ್ಯತಾಮೇಷ ನಿಶ್ಚಯ: | ರಾಜಶಾಸ್ತ್ರವ್ಯಪೇತೋ ಹಿ ಮಾರ್ಗ: ಸಂಸೇವ್ಯತೇ ತ್ವಯಾ || 146 || ದೂತವಧ್ಯಾ ನ ದೃಷ್ಟಾ ಹಿ ರಾಜಶಾಸ್ತ್ರೇಷು ರಾಕ್ಷಸ | ದೂತೇನ ವೇದಿತವ್ಯಂ ಚ ಯಥಾರ್ಥಂ ಹಿತವಾದಿನಾ || 147 || ಸುಮಹತ್ಯಪರಾಧೇ„ಪಿ ದೂತಸ್ಯಾತುಲವಿಕ್ರಮ: | ವಿರೂಪಕರಣಂ ದೃಷ್ಟಂ ನ ವಧೋ„ಸ್ತೀಹ ಶಾಸ್ತ್ರತ: || 148 || ವಿಭೀಷಣೇನೈವಮುಕ್ತೋ ರಾವಣ: ಸಂದಿದೇಶ ತಾನ್ | ರಾಕ್ಷಸಾನೇತದೇವಾದ್ಯ ಲಾಂಗೂಲಂ ದಹ್ಯತಾಂ ಇತಿ || 149 || ತತಸ್ತಸ್ಯ ವಚ: ಶ್ರುತ್ವಾ ಮಮ ಪುಚ್ಛಂ ಸಮಂತತ: | ವೇಷ್ಟಿತಂ ಶಣವಲ್ಕೈಶ್ಚ ಪಟೈ: ಕಾರ್ಪಾಸಕೈಸ್ತಥಾ || 150 || ರಾಕ್ಷಸಾ: ಸಿದ್ಧಸಂನಾಹಾಸ್ತತಸ್ತೇ ಚಂಡವಿಕ್ರಮಾ: | ತದಾದೀಪ್ಯಂತ ಮೇ ಪುಚ್ಛಂ ಹನಂತ: ಕಾಷ್ಠಮುಷ್ಟಿಭಿ: || 151 || ಬದ್ಧಸ್ಯ ಬಹುಭಿ: ಪಾಶೈರ್ಯಂತ್ರಿತಸ್ಯ ಚ ರಾಕ್ಷಸೈ: | ತತಸ್ತೇ ರಾಕ್ಷಸಾ: ಶೂರಾ ಬದ್ಧಂ ಮಾಮಗ್ನಿಸಂವೃತಂ || 152 || ಅಘೋಷಯನ್ರಾಜಮಾರ್ಗೇ ನಗರದ್ವಾರಮಾಗತಾ: | ತತೋ„ಹಂ ಸುಮಹದ್ರೂಪಂಸಂಕ್ಷಿಪ್ಯ ಪುನರಾತ್ಮನ: || 153 || ವಿಮೋಚಯಿತ್ವಾ ತಂ ಬಂಧಂ ಪ್ರಕೃತಿಷ್ಠ: ಸ್ಥಿತ: ಪುನ: | ಆಯಸಂ ಪರಿಘಂ ಗೃಹ್ಯ ತಾನಿ ರಕ್ಷಾಂಸ್ಯಸೂದಯಂ || 154 || ತತಸ್ತನ್ನಗರದ್ವಾರಂ ವೇಗೇನಾಪ್ಲುತವಾನಹಂ | ಪುಚ್ಛೇನ ಚ ಪ್ರದೀಪ್ತೇನ ತಾಂ ಪುರೀಂ ಸಾಟ್ಟಗೋಪುರಾಂ || 155 || ದಹಾಮ್ಯಹಮಸಂಭ್ರಾಂತೋ ಯುಗಾಂತಾಗ್ನಿರಿವ ಪ್ರಜಾ: | ವಿನಷ್ಟಾ ಜಾನಕೀ ವ್ಯಕ್ತಂ ನ ಹ್ಯದಗ್ಧ: ಪ್ರದೃಶ್ಯತೇ || 156 || ಲಂಕಾಯಾಂ ಕಶ್ಚಿದುದ್ದೇಶ: ಸರ್ವಾ ಭಸ್ಮೀಕೃತಾ ಪುರೀ | ದಹತಾ ಚ ಮಯಾ ಲಂಕಾಂ ದಘ್ದಾ ಸೀತಾ ನ ಸಂಶಯ: || 157 || ರಾಮಸ್ಯ ಹಿ ಮಹತ್ಕಾರ್ಯಂ ಮಯೇದಂ ವಿತಥೀಕೃತಂ | ಇತಿ ಶೋಕಸಮಾವಿಷ್ಟಶ್ಚಂತಾಮಹಮುಪಾಗತ: || 158 || ಅಥ ಅಹಂ ವಾಚಂ ಅಶ್ರೌಷಂ ಚಾರಣಾನಾಂ ಶುಭ ಅಕ್ಷರಾಂ | ಜಾನಕೀ ನ ಚ ದಗ್ಧಾ ಇತಿ ವಿಸ್ಮಯ ಉದಂತ ಭಾಷಿಣಾಂ || 159 || ತತೋ ಮೇ ಬುದ್ಧಿ: ಉತ್ಪನ್ನಾ ಶ್ರುತ್ವಾ ತಾಂ ಅದ್ಭುತಾಂ ಗಿರಂ | ಅದಗ್ಧಾ ಜಾನಕೀತ್ಯೇವಂ ನಿಮಿತ್ತೈಶ್ಚೋಪಲಕ್ಷಿತಾ || 160 || ದೀಪ್ಯಮಾನೇ ತು ಲಾಂಗೂಲೇ ನ ಮಾಂ ದಹತಿ ಪಾವಕ: | ಹೃದಯಂ ಚ ಪ್ರಹೃಷ್ಟಂ ಮೇ ವಾತಾ: ಸುರಭಿಗಂಧಿನ: || 161 || ತೈರ್ನಿಮಿತ್ತೈಶ್ಚ ದೃಶ್ಟಾರ್ಥೈ: ಕಾರಣೈಶ್ಚ ಮಹಾಗುಣೈ: | ಋಷಿವಾಕ್ಯೈಶ್ಚ ಸಿದ್ಧಾರ್ಥೈರಭವಂ ಹೃಷ್ಟಮಾನಸ: || 162 || ಪುನ: ದೃಷ್ಟಾ ಚ ವೈದೇಹೀ ವಿಸೃಷ್ಟ: ಚ ತಯಾ ಪುನ: | ತತ: ಪರ್ವತಮಾಸಾದ್ಯ ತತ್ರರಿಷ್ತಮಹಂ ಪುನ: || 163 || ಪ್ರತಿಪ್ಲವನಮಾರೇಭೇ ಯುಶ್ಮದ್ದರ್ಶನಕಾಂಕ್ಷಯಾ | ತತ: ಪವನಚಂದ್ರರ್ಕ ಸಿದ್ಧಗಂಧರ್ವ ಸೇವಿತಂ || 164 || ಪಂಥಾನಮಹಮಾಕ್ರಮ್ಯ ಭವತೋ ದೃಷ್ಟವಾನಿಹ | ರಾಘವಸ್ಯ ಪ್ರಭಾವೇನ ಭವತಾಂ ಚೈವ ತೇಜಸಾ || 165 || ಸುಗ್ರೀವಸ್ಯ ಚ ಕಾರ್ಯ ಅರ್ಥಂ ಮಯಾ ಸರ್ವಂ ಅನುಷ್ಠಿತಂ | ಏತತ್ ಸರ್ವಂ ಮಯಾ ತತ್ರ ಯಥಾವತ್ ಉಪಪಾದಿತಂ || 166 || ಅತ್ರ ಯನ್ ನ ಕೃತಂ ಶೇಷಂ ತತ್ ಸರ್ವಂ ಕ್ರಿಯತಾಂ ಇತಿ | || ಇತಿ ಅಷ್ಟಪಂಚಾಶ: ಸರ್ಗ: ||
ಏತದಾಖ್ಯಾನಂ ತತ್ಸರ್ವಂ ಹನೂಮಾನ್ಮಾರುತಾತ್ಮಜ: | ಭೂಯ: ಸಮುಪಚಕ್ರಾಮ ವಚನಂ ವಕ್ತುಮುತ್ತರಂ || 1 || ಸಫಲೋ ರಾಘವೋದ್ಯೋಗ: ಸುಗ್ರೀವಸ್ಯ ಚ ಸಂಭ್ರಮ: | ಶೀಲಮಾಸಾದ್ಯ ಸೀತಾಯಾ ಮಮ ಚ ಪ್ಲವನಂ ಮಹತ್ || 2 || ತಪಸಾ ನಿರ್ದಹೇಲ್ಲೋಕಾನ್ ಸ್ರುದ್ಧೋ ವಾ ನಿರ್ದಹೇದಪಿ | ಸರ್ವಧಾತಿಪ್ರವೃದ್ಧೋ„ಸೌ ರಾವಣೋ ರಾಕ್ಷಸಾಧಿಪ: || 3 || ತಸ್ಯ ತಾಂ ಸ್ಪೃಶತೋ ಗಾತ್ರಂ ತಪಸಾ ನ ವಿನಾಶಿತಂ | ನ ತದಗ್ನಿಶಿಖಾ ಕುರ್ಯಾತ್ಸಂಸ್ಪೃಷ್ಟಾ ಪಾಣಿನಾ ಸತೀ || 4 || ಜನಕಸ್ಯ ಸುತಾ ಕುರ್ಯಾದ್ಯತ್ಕ್ರೋಧಕಲುಶೀಕೃತಾ | ಜಾಂಬವತ್ಪ್ರಮುಖಾನ್ ಸರ್ವಾನನುಜ್ನಾಪ್ಯ ಮಹಾಹರೀನ್ || 5 || ಅಸ್ಮಿನ್ನೇವಂ ಗತೇ ಕಾರ್ಯೇ ಭವತಾಂ ಚ ನಿವೇದಿತೇ | ನ್ಯಾಯ್ಯಂ ಸ್ಮ ಸಹ ವೈದೇಹ್ಯಾ ದ್ರಷ್ಟುಂ ತೌ ಪಾರ್ಥಿವಾತ್ಮಜೌ || 6 || ಅಹಮೇಕೋ„ಪಿ ಪರ್ಯಾಪ್ತ: ಸರಾಕ್ಷಸಗಣಾಂ ಪುರೀಂ | ತಾಂ ಲಂಕಾಂ ತರಸಾ ಹಂತುಂ ರಾವಣಂ ಚ ಮಹಾಬಲಂ || 7 || ಕಿಂ ಪುನ: ಸಹಿತೋ ವೀರೈರ್ಬಲವದ್ಭಿ: ಕೃತಾತ್ಮಭಿ: | ಕೃತಾಸ್ತ್ರೈ: ಪ್ಲವಗೈ: ಶೂರೈರ್ಭವದ್ಭಿರ್ವಿಜಯೈಶಿಭಿ: || 8 || ಅಹಂ ತು ರಾವಣಂ ಯುದ್ಧೇ ಸಸೈನ್ಯಂ ಸಪುರ:ಸರಂ | ಸಹಪುತ್ರಂ ವಧಿಷ್ಯಾಮಿ ಸಹೋದರಯುತಂ ಯುಧಿ || 9 || ಬ್ರಹ್ಮಮೈಂದ್ರಂ ಚ ರೌದ್ರಂ ಚ ವಾಯವ್ಯಂ ವಾರುಣಂ ತಥಾ | ಯದಿ ಶಕ್ರಜೋತೋ„ಸ್ತ್ರಾಣಿ ದುರ್ನಿರೀಕ್ಷಾಣಿ ಸಂಯುಗೇ || 10 || ತಾನ್ಯಹಂ ವಿಧಷ್ಯಾಮಿ ಹನಿಷ್ಯಾಮಿ ಚ ರಾವಣಂ | ಭವತಾಮಭ್ಯನುಜ್ಞಾತೋ ವಿಕ್ರಮೋ ಮೇ ರುಣದ್ಧಿ ತಂ || 11 || ಮಯಾತುಲಾ ವಿಸೃಷ್ಟಾ ಹಿ ಶೈಲವೃಷ್ಟಿರ್ನಿರಂತರಾ | ದೇವಾನಪಿ ರಣೇ ಹನ್ಯಾತ್ಕಿಂ ಪುನಸ್ತಾನ್ನಿಶಾಚರಾನ್ || 12 || ಸಾಗರೋ„ಪ್ಯತಿಯಾದ್ವೇಲಾಂ ಮಂದರ: ಪ್ರಚಲೇದಪಿ | ನ ಜಾಂಬವಂತಂ ಸಮರೇ ಕಂಪಯೇದರಿವಾಹಿನೀ || 13 || ಸರ್ವರಾಕ್ಷಸಸಂಘಾನಾಂ ರಾಕ್ಷಸಾ ಯೇ ಚ ಮಹಾತ್ಮನ: | ಅಲಮೇಕೋ ವಿನಾಶಾಯ ವೀರೋ ವಾಲಿಸುತ: ಕಪಿ: || 14 || ಪನಸಸ್ಯೋರುವೇಗೇನ ನೀಲಸ್ಯ ಚ ಮಹಾತ್ಮನ: | ಮಂದರೋ„ಪ್ಯವಶೀರ್ಯೇತ ಕಿಂಪುನರ್ಯುಧಿ ರಾಕ್ಷಸಾ: || 15 || ಸದೇವಾಸುರಯಕ್ಷೇಶು ಗಂಧರ್ವೋರಗಪಕ್ಷಿಶು | ಮೈಂದಸ್ಯ ಪ್ರತಿಯೋದ್ಧಾರಂ ಶಂಸತ ದ್ವಿವಿದಸ್ಯ ವಾ || 16 || ಅಶ್ವಿಪುತ್ರೌ ಮಹಾಭಾಗಾವೇತೌ ಪ್ಲವಗಸತ್ತಮೌ | ಏತಯೋ: ಪ್ರತಿಯೋದ್ಧಾರಂ ನ ಪಶ್ಯಾಮಿ ರಣಾಜಿರೇ || 17 || ಪಿತಾಮಹವರೋತ್ಸೇಕಾತ್ಪರಮಂ ದರ್ಪಮಾಸ್ಥಿತೌ | ಅಮೃತಪ್ರಾಶನಾವೇತೌ ಸರ್ವವಾನರಸತ್ತಮೌ || 18 || ಅಶ್ವಿನೋರ್ಮಾನನಾರ್ಥಂ ಹಿ ಸರ್ವಲೋಕಪಿತಾಮಹ: | ಸರ್ವಾವಧ್ಯತ್ವಮತುಲಮನಯೋರ್ದತ್ತವಾನ್ ಪುರಾ || 19 || ವರೋತ್ಸೇಕೇನ ಮತ್ತೌ ಚ ಪ್ರಮಥ್ಯ ಮಹತೀಂ ಚಮೂಂ | ಸುರಾಣಾಮಮೃತಂ ವೀರೌ ಪೀತವಂತೌ ಪ್ಲವಂಗಮೌ || 20 || ಏತಾವೇನ ಹಿ ಸಂಕ್ರುದ್ಧೌ ಸವಾಜಿರಥಕುಂಜರಾಂ | ಲಂಕಾಂ ನಾಶಯಿತುಂ ಶಕ್ತೌ ಸರ್ವೇ ತಿಷ್ಠಂತು ವಾನರಾ: || 21 || ಮಯೈವ ನಿಹತಾ ಲಂಕಾ ದಗ್ಧಾ ಭಸ್ಮೀಕೃತಾ ಪುನ: | ರಾಜಮಾರ್ಗೇಷು ಸರ್ವತ್ರ ನಾಮ ವಿಶ್ರಾವಿತ ಮಯಾ || 22 || ಜಯತ್ಯತಿಬಲೋ ರಾಮೋ ಲಕ್ಷ್ಮಣಶ್ಚ ಮಹಾಬಲ: | ರಾಜಾ ಜಯತಿ ಸುಗ್ರೀವೋ ರಾಘವೇಣಾಭಿಪಾಲಿತ: || 23 || ಅಹಂ ಕೋಸಲರಾಜಸ್ಯ ದಾಸ: ಪವನಸಂಭವ: | ಹನುಮಾನಿತಿ ಸರ್ವತ್ರ ನಾಮ ವಿಶ್ರಾವಿತಂ ಮಯಾ || 24 || ಅಶೋಕ ವನಿಕಾ ಮಧ್ಯೇ ರಾವಣಸ್ಯ ದುರಾತ್ಮನ: | ಅಧಸ್ತಾತ್ ಶಿಂಶಪಾ ವೃಕ್ಷೇ ಸಾಧ್ವೀ ಕರುಣಂ ಆಸ್ಥಿತಾ || 25 || ರಾಕ್ಷಸೀಭಿ: ಪರಿವೃತಾ ಶೋಕ ಸಂತಾಪ ಕರ್ಶಿತಾ | ಮೇಘ ಲೇಖಾ ಪರಿವೃತಾ ಚಂದ್ರ ಲೇಖಾ ಇವ ನಿಷ್ಪ್ರಭಾ || 26 || ಅಚಿಂತಯಂತೀ ವೈದೇಹೀ ರಾವಣಂ ಬಲ ದರ್ಪಿತಂ | ಪತಿ ವ್ರತಾ ಚ ಸುಶ್ರೋಣೀ ಅವಷ್ಟಬ್ಧಾ ಚ ಜಾನಕೀ || 27 || ಅನುರಕ್ತಾ ಹಿ ವೈದೇಹೀ ರಾಮಂ ಸರ್ವ ಆತ್ಮನಾ ಶುಭಾ | ಅನನ್ಯ ಚಿತ್ತಾ ರಾಮೇ ಚ ಪೌಲೋಮೀ ಇವ ಪುರಂದರೇ || 28 || ತತ್ ಏಕ ವಾಸ: ಸಂವೀತಾ ರಜೋ ಧ್ವಸ್ತಾ ತಥೈವ ಚ | ಶೋಕ ಸಂತಾಪ ದೀನ ಅಂಗೀ ಸೀತಾ ಭರ್ತೃ ಹಿತೇ ರತಾ || 29 || ಸಾ ಮಯಾ ರಾಕ್ಷಸೀ ಮಧ್ಯೇ ತಜ್ರ್ಯಮಾನಾ ಮುಹು: ಮುಹು: | ರಾಕ್ಷಸೀಭಿ: ವಿರೂಪಾಭಿ: ದೃಷ್ಟಾ ಹಿ ಪ್ರಮದಾ ವನೇ || 30 || ಏಕ ವೇಣೀ ಧರಾ ದೀನಾ ಭರ್ತೃ ಚಿಂತಾ ಪರಾಯಣಾ | ಅಧ: ಶಯ್ಯಾ ವಿವರ್ಣ ಅಂಗೀ ಪದ್ಮಿನೀ ಇವ ಹಿಮ ಆಗಮೇ | ರಾವಣಾತ್ ವಿನಿವೃತ್ತ ಅರ್ಥಾ ಮರ್ತವ್ಯ ಕೃತ ನಿಶ್ಚಯಾ || 31 || ಕಥಂಚಿನ್ ಮೃಗ ಶಾವ ಅಕ್ಷೀ ವಿಶ್ವಾಸಂ ಉಪಪಾದಿತಾ || 32 || ತತ: ಸಂಭಾಷಿತಾ ಚೈವ ಸರ್ವಂ ಅರ್ಥಂ ಚ ದರ್ಶಿತಾ | ರಾಮ ಸುಗ್ರೀವ ಸಖ್ಯಂ ಚ ಶ್ರುತ್ವಾ ಪ್ರೀತಿಂ ಉಪಾಗತಾ || 33 || ನಿಯತ: ಸಮುದಾಚಾರೋ ಭಕ್ತಿ: ಭರ್ತರಿ ಚ ಉತ್ತಮಾ | ಯನ್ ನ ಹಂತಿ ದಶಗ್ರೀವಂ ಸ ಮಹಾತ್ಮಾ ಕೃತಾಗಸಂ || 34 || ನಿಮಿತ್ತ ಮಾತ್ರಂ ರಾಮ: ತು ವಧೇ ತಸ್ಯ ಭವಿಷ್ಯತಿ | ಸಾ ಪ್ರಕೃತ್ಯೈವ ತನ್ವಂಗೀ ತದ್ವಿಯೋಗಾಚ್ಛ ಕರ್ಶಿತಾ || 35 || ಪ್ರತಿಪತ್ಪಾಠಶೀಲಸ್ಯ ವಿದ್ಯೇವ ತನುತಾಂ ಗತಾ | ಏವಂ ಆಸ್ತೇ ಮಹಾಭಾಗಾ ಸೀತಾ ಶೋಕ ಪರಾಯಣಾ || 36 || ಯತ್ ಅತ್ರ ಪ್ರತಿಕರ್ತವ್ಯಂ ತತ್ ಸರ್ವಂ ಉಪಪಾದ್ಯತಾಂ | || ಇತಿ ಏಕೋನಶಷ್ಟಿತಮ: ಸರ್ಗ: ||
ತಸ್ಯ ತತ್ ವಚನಂ ಶ್ರುತ್ವಾ ವಾಲಿ ಸೂನು: ಅಭಾಷತ | ಅಯುಕ್ತಂ ತು ವಿನಾ ದೇವೀಂ ದೃಷ್ಟ್ವದ್ಭಿಶ್ಚ ವಾನರಾ: || 1 || ಸಮೀಪಂ ಗಂತುಮಸ್ಮಾಭೀ ರಾಘವಸ್ಯ ಮಹಾತ್ಮನ: | ದೃಷ್ಟಾ ದೇವೀ ನ ಚ ಆನೀತಾ ಇತಿ ತತ್ರ ನಿವೇದನಂ || 2 || ಅಯುಕ್ತಂ ಇವ ಪಶ್ಯಾಮಿ ಭವದ್ಭಿ: ಖ್ಯಾತ ವಿಕ್ರಮೈ: | ನ ಹಿ ವ: ಪ್ಲವತೇ ಕಶ್ಚಿನ್ ನ ಅಪಿ ಕಶ್ಚಿತ್ ಪರಾಕ್ರಮೇ || 3 || ತುಲ್ಯ: ಸಾಮರದೈತ್ಯೇಷು ಲೋಕೇಷು ಹರಿಸತ್ತಮಾ: | ತೇಷ್ವ ಏವಂ ಹತ ವೀರೇಷು ರಾಕ್ಷಸೇಷು ಹನೂಮತಾ | ಕಿಮನ್ಯದತ್ರ ಕರ್ತವ್ಯಂ ಗೃಹೀತ್ವಾ ಯಾಮ ಜಾನಕೀಂ || 4 || ತಮೇವಂ ಕೃತಸಂಕಲ್ಪಂ ಜಾಂಬವಾನ್ ಹರಿಸತ್ತ: | ಉವಾಚ ಪರಮಪ್ರೀತೋ ವಾಕ್ಯಮರ್ಥವದಂಗಮಂ || 5 || ನಾನೇತುಂ ಕಪಿರಾಜೇನ ನೈವ ರಾಮೇಣ ಧೀಮತಾ | ಕಥಂಚಿನ್ನಿರ್ಜಿತಾಂ ಸೀತಾಂ ಅಸ್ಮಾಭಿ: ತಾಭಿ ರೋಚಯೇತ್ || 6 || ರಾಘವೋ ನೃಪಶಾರ್ದೂಲ: ಕುಲಂ ವ್ಯಪದಿಶಂಖಕಂ | ಪ್ರತಿಜ್ಞಾಯ ಸ್ವಯಂ ರಾಜಾ ಸೀತಾ ವಿಜಯಮಗ್ರತ: || 7 || ಸರ್ವೇಷಾಂ ಕಪಿಮುಖ್ಯಾನಾಂ ಕಥಂ ಮಿಥ್ಯಾ ಕರಿಷ್ಯತಿ || 8 || ವಿಫಲಂ ಕರ್ಮ ಚ ಕೃತಂ ಭವೇತ್ತುಷ್ರ್ಟಿರ್ನ ತಸ್ಯ ಚ | ವೃಥಾ ಚ ದರ್ಶಿತಂ ವೀರ್ಯಂ ಭವೇದ್ವಾನರಪುಂಗವಾ: || 9 || ತಸ್ಮಾದ್ಗಚ್ಛಾಮ ವೈ ಸರ್ವೇ ಯತ್ರ ರಾಮ: ಸಲಕ್ಷ್ಮಣ: | ಸುಗ್ರೀವಶ್ಚ ಮಹಾತೇಜಾ: ಕಾರ್ಯಸ್ಯಾಸ್ಯ ನಿವೇದನೇ || 10 || ನ ತಾವದೇಷಾಂ ಮತಿರಕ್ಷಮಾ ನೋ | ಯಥಾ ಭವಾನ್ ಪಶ್ಯತಿ ರಾಜ ಪುತ್ರ | ಯಥಾ ತು ರಾಮಸ್ಯ ಮತಿರ್ನಿವಿಷ್ಟಾ | ತಥಾ ಭವಾನ್ ಪಶ್ಯತು ಕಾರ್ಯ ಸಿದ್ಧಿಂ || 11 || || ಇತಿ ಷಷ್ಟಿತಮ: ಸರ್ಗ: ||
ತತೋ ಜಾಂಬವತೋ ವಾಕ್ಯಮಗೃಹ್ಣಂತ ವನೌಕಸ: | ಅಂಗದಪ್ರಮುಖಾ ವೀರಾ ಹನೂಮಾಂಶ್ಚ ಮಹಾಕಪಿ: || 1 || ಪ್ರೀತಿಮಂತಸ್ತತ: ಸರ್ವೇ ವಾಯುಪುತ್ರಪುರ:ಸರಾ: | ಮಹೇಂದ್ರಾಗ್ರಂ ಪರಿತ್ಯಜ್ಯ ಪುಪ್ಲುವು: ಪ್ಲವಗರ್ಷಭಾ: || 2 || ಮೇರುಮಂದರಸಂಕಾಶಾ ಮತ್ತಾ ಇವ ಮಹಾಗಜಾ: | ಛಾದಯಂತ ಇವಾಕಾಶಂ ಮಹಾಕಾಯಾ ಮಹಾಬಲಾ: || 3 || ಸಭಾಜ್ಯಮಾನಂ ಭೂತೈಸ್ತಮಾತ್ಮವಂತಂ ಮಹಾಬಲಂ | ಹನೂಮಂತಂ ಮಹಾವೇಗಂ ವಹಂತ ಇವ ದೃಷ್ಟಿಭಿ: || 4 || ರಾಘವೇ ಚಾರ್ಥನಿರ್ವೃತ್ತಿಂ ಭರ್ತುಶ್ಚ ಪರಮಂ ಯಶ: | ಸಮಾಧಾಯ ಸಮೃದ್ಧಾರ್ಥಾ: ಕರ್ಮಸಿದ್ಧಿಭಿರುನ್ನತಾ: || 5 || ಪ್ರಿಯಾಖ್ಯಾನೋನ್ಮುಖಾ: ಸರ್ವೇ ಸರ್ವೇ ಯುದ್ಧಾಭಿನಂದಿನ: | ಸರ್ವೇ ರಾಮಪ್ರತೀಕಾರೇ ನಿಶ್ಚಿತಾರ್ಥಾ ಮನಸ್ವಿನ: || 6 || ಪ್ಲವಮಾನಾ: ಖಮಾಪ್ಲುತ್ಯ ತತಸ್ತೇ ಕಾನನೌಕ್ಷಕ: | ನಂದನೋಪಮಮಾಸೇದುರ್ವನಂ ದ್ರುಮಲತಾಯುತಂ || 7 || ಯತ್ತನ್ಮಧುವನಂ ನಾಮ ಸುಗ್ರೀವಸ್ಯಾಭಿರಕ್ಷಿತಂ | ಅಧೃಷ್ಯಂ ಸರ್ವಭೂತಾನಾಂ ಸರ್ವಭೂತಮನೋಹರಂ || 8 || ಯದ್ರಕ್ಷತಿ ಮಹಾವೀರ್ಯ: ಸದಾ ದಧಿಮುಖ: ಕಪಿ: | ಮಾತುಲ: ಕಪಿಮುಖ್ಯಸ್ಯ ಸುಗ್ರೀವಸ್ಯ ಮಹಾತ್ಮನ: || 9 || ತೇ ತದ್ವನಮುಪಾಗಮ್ಯ ಬಭೂವು: ಪರಮೋತ್ಕಟಾ: | ವಾನರಾ ವಾನರೇಂದ್ರಸ್ಯ ಮನ:ಕಾಂತತಮಂ ಮಹತ್ || 10 || ತತಸ್ತೇ ವಾನರಾ ಹೃಷ್ಟಾ ದೃಷ್ಟ್ವಾ ಮಧುವನಂ ಮಹತ್ | ಕುಮಾರಮಭ್ಯಯಾಚಂತ ಮಧೂನಿ ಮಧುಪಿಂಗಳಾ: || 11 || ತತ: ಕುಮಾರಸ್ತಾನ್ ವೃದ್ಧಾನ್ ಜಾಂಬವತ್ ಪ್ರಮುಖಾನ್ಕಪೀನ್ | ಅನುಮಾನ್ಯ ದದೌ ತೇಷಾಂ ನಿಸರ್ಗಂ ಮಧುಭಕ್ಷಣೇ || 12 || ತತಶ್ಚಾನುಮತಾ: ಸರ್ವೇ ಸಂಪ್ರಹೃಷ್ಟಾ ವನೌಕಸ: | ಮುದಿತಾಶ್ಚ ತತಸ್ತೇ ಚ ಪ್ರನೃತ್ಯಂತಿ ತತಸ್ತತ: || 13 || ಗಾಯಂತಿ ಕೇ ಚಿತ್ಪ್ರಣಮಂತಿ ಕೇ ಚಿತ್ ನೃತ್ಯಂತಿ ಕೇ ಚಿತ್ಪ್ರಹಸಂತಿ ಕೇ ಚಿತ್ | ಪತಂತಿ ಕೇ ಚಿದ್ವಿಚರಂತಿ ಕೇ ಚಿತ್ ಪ್ಲವಂತಿ ಕೇ ಚಿತ್ಪ್ರಲಪಂತಿ ಕೇ ಚಿತ್ || 14 || ಪರಸ್ಪರಂ ಕೇ ಚಿದುಪಾಶ್ರಯಂತೇ ಪರಸ್ಪರಂ ಕೇ ಚಿದತಿಬ್ರುವಂತೇ | ಪರಸ್ಪರಂ ಕೇ ಚಿದಭಿಪ್ಲವಂತೇ ಪರಸ್ಪರಂ ಕೇಚಿದುಪಾರಮಂತೇ || 15 || ದ್ರುಮಾತ್ ದ್ರುಮಂ ಕೇಚಿತ್ ಅಭಿಪ್ಲವಂತೇ | ಕ್ಷಿತೌ ನಗಾಗ್ರಾನ್ ನಿಪತಂತಿ ಕೇಚಿತ್ | ಮಹೀ ತಲಾತ್ ಕೇಚಿತ್ ಉದೀರ್ಣ ವೇಗಾ | ಮಹಾದ್ರುಮ ಅಗ್ರಾಣಿ ಅಭಿಸಂಪತಂತೇ || 16 || ಗಾಯಂತಮನ್ಯ: ಪ್ರಹಸನ್ನುಪೈತಿ ಹಸಂತಮನ್ಯ: ಪ್ರಹಸನ್ನುಪೈತಿ | ರುದಂತಮನ್ಯ: ಪ್ರರುದನ್ನುಪೈತಿ ನುದಂತಮನ್ಯ: ಪ್ರಣುದನ್ನುಪೈತಿ || 17 || ಸಮಾಕುಲಂ ತತ್ಕಪಿಸೈನ್ಯಮಾಸೀನ್ ಮಧುಪ್ರಪಾನೋತ್ಕಟ ಸತ್ತ್ವಚೇಷ್ಟಂ | ನ ಚಾತ್ರ ಕಶ್ಚಿನ್ನ ಬಭೂವ ಮತ್ತೋ ನ ಚಾತ್ರ ಕಶ್ಚಿನ್ನ ಬಭೂವ ತೃಪ್ತೋ || 18 || ತತೋ ವನಂ ತತ್ಪರಿಭಕ್ಷ್ಯಮಾಣಂ ದ್ರುಮಾಂಶ್ಚ ವಿಧ್ವಂಸಿತಪತ್ರಪುಷ್ಪಾನ್ | ಸಮೀಕ್ಷ್ಯ ಕೋಪಾದ್ದಧಿವಕ್ತ್ರನಾಮಾ ನಿವಾರಯಾಮಾಸ ಕಪಿ: ಕಪೀಂಸ್ತಾನ್ || 19 || ಸ ತೈ: ಪ್ರವೃದ್ಧೈ: ಪರಿಭತ್ಸ್ರ್ಯಮಾನೋ ವನಸ್ಯ ಗೋಪ್ತಾ ಹರಿವೀರವೃದ್ಧ: | ಚಕಾರ ಭೂಯೋ ಮತಿಮುಗ್ರತೇಜಾ ವನಸ್ಯ ರಕ್ಷಾಂ ಪ್ರತಿ ವಾನರೇಭ್ಯ: || 20 || ಉವಾಚ ಕಾಂಶ್ಚಿತ್ಪರುಷಾಣಿ ಧೃಷ್ಟಂ ಅಸಕ್ತಮನ್ಯಾಂಶ್ಚ ತಲೈರ್ಜಘಾನ | ಸಮೇತ್ಯ ಕೈಶ್ಚಿತ್ಕಲಹಂ ಚಕಾರ ತಥೈವ ಸಾಮ್ನೋಪಜಗಾಮ ಕಾಂಶ್ಚಿತ್ || 21 || ಸ ತೈರ್ಮದಾಚ್ಚಾಪ್ರತಿವಾರ್ಯ ವೇಗೈ: ಬಲಾಚ್ಚ ತೇನಾಪ್ರತಿವಾರ್ಯಮಾಣೈ: | ಪ್ರಧರ್ಷಿತಸ್ತ್ಯಕ್ತಭಯೈ: ಸಮೇತ್ಯ ಪ್ರಕೃಷ್ಯತೇ ಚಾಪ್ಯನವೇಕ್ಷ್ಯ ದೋಷಂ || 22 || ನಖೈಸ್ತುದಂತೋ ದಶನೈರ್ದಶಂತ: ತಲೈಶ್ಚ ಪಾದೈಶ್ಚ ಸಮಾಪ್ನುವಂತ: | ಮದಾತ್ಕಪಿಂ ತಂ ಕಪಯ: ಸಮಗ್ರಾ ಮಹಾವನಂ ನಿರ್ವಿಷಯಂ ಚ ಚಕ್ರು: || 23 || || ಇತಿ ಏಕಷಷ್ಟಿತಮ: ಸರ್ಗ: ||
ತಾನ್ ಉವಾಚ ಹರಿ ಶ್ರೇಷ್ಠೋ ಹನೂಮಾನ್ ವಾನರ ಋಷಭ: | ಅವ್ಯಗ್ರ ಮನಸೋ ಯೂಯಂ ಮಧು ಸೇವತ ವಾನರಾ: || 1 || ಅಹಮಾವಾರಯಿಷ್ಯಾಮಿ ಯುಷ್ಮಾಕಂ ಪರಿಪಂಥಿನ: | ಶ್ರುತ್ವಾ ಹನುಮತೋ ವಾಕ್ಯಂ ಹರೀಣಾಂ ಪ್ರವರೋ ಅಂಗದ: || 2 || ಪ್ರತ್ಯುವಾಚ ಪ್ರಸನ್ನ ಆತ್ಮಾ ಪಿಬಂತು ಹರಯೋ ಮಧು | ಅವಶ್ಯಂ ಕೃತ ಕಾರ್ಯಸ್ಯ ವಾಕ್ಯಂ ಹನುಮತೋ ಮಯಾ || 3 || ಅಕಾರ್ಯಂ ಅಪಿ ಕರ್ತವ್ಯಂ ಕಿಂ ಅಂಗ ಪುನರೀದೃಷಂ | ಅಂದಗಸ್ಯ ಮುಖಾತ್ ಶ್ರುತ್ವಾ ವಚನಂ ವಾನರ ಋಷಭಾ: || 4 || ಸಾಧು ಸಾಧ್ವಿತಿ ಸಂಹೃಷ್ಟಾ ವಾನರಾ: ಪ್ರತ್ಯಪೂಜಯನ್ | ಪೂಜಯಿತ್ವಾ ಅಂಗದಂ ಸರ್ವೇ ವಾನರಾ ವಾನರ ಋಷಭಂ || 5 || ಜಗ್ಮು: ಮಧು ವನಂ ಯತ್ರ ನದೀ ವೇಗ ಇವ ದ್ರುತಂ | ತೇ ಪ್ರಹೃಷ್ಟಾ ಮಧು ವನಂ ಪಾಲಾನ್ ಆಕ್ರಮ್ಯ ವೀರ್ಯತ: || 6 || ಅತಿಸರ್ಗಾಚ್ ಚ ಪಟವೋ ದೃಷ್ಟ್ವಾ ಶ್ರುತ್ವಾ ಚ ಮೈಥಿಲೀಂ | ಪಪು: ಸರ್ವೇ ಮಧು ತದಾ ರಸವತ್ಫಲಮಾದದು: || 7 || ಉತ್ಪತ್ಯ ಚ ತತ: ಸರ್ವೇ ವನ ಪಾಲಾನ್ ಸಮಾಗತಾ: | ತಾಡಯಂತಿ ಸ್ಮ ಶತಶ: ಸಕ್ತಾನ್ ಮಧು ವನೇ ತದಾ || 8 || ಮಧೂನಿ ದ್ರೋಣ ಮಾತ್ರಾಣಿ ಬಹುಭಿ: ಪರಿಗೃಹ್ಯ ತೇ | ಪಿಬಂತಿ ಸಹಿತಾ: ಸರ್ವೇ ಭಕ್ಷಯಂತಿ ತಥಾ ಅಪರೇ || 9 || ಕೇಚಿತ್ ಪೀತ್ವಾ ಅಪವಿಧ್ಯಂತಿ ಮಧೂನಿ ಮಧು ಪಿಂಗಳಾ: | ಮಧು ಉಚ್ಚಿಷ್ಟೇನ ಕೇಚಿಚ್ಚ ಜಘ್ನು: ಅನ್ಯೋನ್ಯಂ ಉತ್ಕಟಾ: || 10 || ಅಪರೇ ವೃಕ್ಷ ಮೂಲೇಷು ಶಾಖಾಂ ಗೃಹ್ಯ ವ್ಯವಸ್ಥಿತ: | ಅತ್ಯರ್ಥಂ ಚ ಮದ ಗ್ಲಾನಾ: ಪರ್ಣಾನಿ ಆಸ್ತೀರ್ಯ ಶೇರತೇ || 11 || ಉನ್ಮತ್ತ ಭೂತಾ: ಪ್ಲವಗಾ ಮಧು ಮತ್ತಾ: ಚ ಹೃಷ್ಟವತ್ | ಕ್ಷಿಪಂತಿ ಅಪಿ ತಥಾ ಅನ್ಯೋನ್ಯಂ ಸ್ಖಲಂತಿ ಅಪಿ ತಥಾ ಅಪರೇ || 12 || ಕೇಚಿತ್ ಕ್ಷ್ವೇಡಾನ್ ಪ್ರಕುರ್ವಂತಿ ಕೇಚಿತ್ ಕೂಜಂತಿ ಹೃಷ್ಟವತ್ | ಹರಯೋ ಮಧುನಾ ಮತ್ತಾ: ಕೇಚಿತ್ ಸುಪ್ತಾ ಮಹೀ ತಲೇ || 13 || ಕೃತ್ವಾ ಕೇಚಿರ್ಧಸಂತ್ಯನ್ಯೇ ಕೇಚಿತ್ಕುರ್ವಂತಿ ಚೇತರತ್ | ಕೃತ್ವಾ ಕೇಚಿದ್ವದಂತ್ಯನ್ಯೇ ಕೇಚಿದ್ಬುಧ್ಯಂತಿ ಚೇತರತ್ || 14 || ಯೇ ಅಪಿ ಅತ್ರ ಮಧು ಪಾಲಾ: ಸ್ಯು: ಪ್ರೇಷ್ಯಾ ದಧಿ ಮುಖಸ್ಯ ತು | ತೇ ಅಪಿ ತೈ: ವಾನರೈ: ಭೀಮೈ: ಪ್ರತಿಷಿದ್ಧಾ ದಿಶೋ ಗತಾ: || 15 || ಜಾನುಭಿ: ಚ ಪ್ರಕೃಷ್ಟಾ: ಚ ದೇವ ಮಾರ್ಗಂ ಚ ದರ್ಶಿತಾ: | ಅಬ್ರುವನ್ ಪರಮ ಉದ್ವಿಗ್ನಾ ಗತ್ವಾ ದಧಿ ಮುಖಂ ವಚ: || 16 || ಹನೂಮತಾ ದತ್ತ ವರೈ: ಹತಂ ಮಧು ವನಂ ಬಲಾತ್ | ವಯಂ ಚ ಜಾನುಭಿ: ಕೃಷ್ಟಾ ದೇವ ಮಾರ್ಗಂ ಚ ದರ್ಶಿತಾ: || 17 || ತತೋ ದಧಿ ಮುಖ: ಕ್ರುದ್ಧೋ ವನಪ: ತತ್ರ ವಾನರ: | ಹತಂ ಮಧು ವನಂ ಶ್ರುತ್ವಾ ಸಾಂತ್ವಯಾಮಾಸ ತಾನ್ ಹರೀನ್ || 18 || ಇಹ ಆಗಚ್ಛತ ಗಚ್ಛಾಮೋ ವಾನರಾನ್ ಅತಿದರ್ಪಿತಾನ್ | ಬಲೇನ ಆವಾರಯಿಷ್ಯಾಮೋ ಮಧು ಭಕ್ಷಯತೋ ವಯಂ || 19 || ಶ್ರುತ್ವಾ ದಧಿ ಮುಖಸ್ಯ ಇದಂ ವಚನಂ ವಾನರ ಋಷಭಾ: | ಪುನ: ವೀರಾ ಮಧು ವನಂ ತೇನ ಏವ ಸಹಿತಾ ಯಯು: || 20 || ಮಧ್ಯೇ ಚ ಏಷಾಂ ದಧಿ ಮುಖ: ಪ್ರಗೃಹ್ಯ ಸುಮಹಾತರುಂ | ಸಮಭ್ಯಧಾವತ್ ವೇಗೇನಾ ತೇ ಚ ಸರ್ವೇ ಪ್ಲವಂಗಮಾ: || 21 || ತೇ ಶಿಲಾ: ಪಾದಪಾನ್ ಚ ಅಪಿ ಪಾಷಾಣಾನ್ ಚ ಅಪಿ ವಾನರಾ: | ಗೃಹೀತ್ವಾ ಅಭ್ಯಾಗಮನ್ ಕ್ರುದ್ಧಾ ಯತ್ರ ತೇ ಕಪಿ ಕುಂಜರಾ: || 22 || ತೇ ಸ್ವಾಮಿ ವಚನಂ ವೀರಾ ಹೃದಯೇಷ್ವವಸಜ್ಯ ತತ್ | ತ್ವರಯಾ ಹಿ ಅಭ್ಯಧಾವಂತ ಸಾಲ ತಾಲ ಶಿಲಾ ಆಯುಧಾ: || 23 || ವೃಕ್ಷಸ್ಥಾನ್ ಚ ತಲಸ್ಥಾನ್ ಚ ವಾನರಾನ್ ಬಲ ದರ್ಪಿತಾನ್ | ಅಭ್ಯಕ್ರಾಮಂತ ತೇ ವೀರಾ: ಪಾಲಾ: ತತ್ರ ಸಹಸ್ರಶ: || 24 || ಅಥ ದೃಷ್ಟ್ವಾ ದಧಿ ಮುಖಂ ಕ್ರುದ್ಧಂ ವಾನರ ಪುಂಗವಾ: | ಅಭ್ಯಧಾವಂತ ವೇಗೇನ ಹನೂಮತ್ ಪ್ರಮುಖಾ: ತದಾ || 25 || ತಂ ಸವೃಕ್ಷಂ ಮಹಾಬಾಹುಂ ಆಪತಂತಂ ಮಹಾಬಲಂ | ಆರ್ಯಕಂ ಪ್ರಾಹರತ್ ತತ್ರ ಬಾಹುಭ್ಯಾಂ ಕುಪಿತೋ ಅಂಗದ: || 26 || ಮದಾಂಧ: ಅ ನ ವೇದ ಏನಂ ಆರ್ಯಕೋ ಅಯಂ ಮಮ ಇತಿ ಸ: | ಅಥ ಏನಂ ನಿಷ್ಪಿಪೇಷ ಆಶು ವೇಗವತ್ ವಸುಧಾ ತಲೇ || 27 || ಸ ಭಗ್ನ ಬಾಹು: ವಿಮುಖೋ ವಿಹ್ವಲ: ಶೋಣಿತ ಉಕ್ಷಿತ: | ಮುಮೋಹ ಸಹಸಾ ವೀರೋ ಮುಹೂರ್ತಂ ಕಪಿ ಕುಂಜರ: || 28 || ಸ ಸಮಾಶ್ವಸ್ಯ ಸಹಸಾ ಸಂಕ್ರುದ್ಧೋ ರಾಜಮಾತುಲ: | ವಾನರಾನ್ವಾರಯಾಮಾಸ ದಂಡೇನ ಮಧುಮೋಹಿತಾನ್ || 29 || ಸ ಕಥಂಚಿತ್ ವಿಮುಕ್ತ: ತೈ: ವಾನರೈ: ವಾನರ ಋಷಭ: | ಉವಾಚ ಏಕ ಅಂತಂ ಆಗಮ್ಯ ಭೃತ್ಯಾನ್ ತಾನ್ ಸಮುಪಾಗತಾನ್ || 30 || ಏತೇ ತಿಷ್ಠಂತು ಗಚ್ಛಾಮೋ ಭರ್ತಾ ನೋ ಯತ್ರ ವಾನರ: | ಸುಗ್ರೀವೋ ವಿಪುಲ ಗ್ರೀವ: ಸಹ ರಾಮೇಣ ತಿಷ್ಠತಿ || 31 || ಸರ್ವಂ ಚೈವ ಅಂಗದೇ ದೋಷಂ ಶ್ರಾವಯಿಷ್ಯಾಮಿ ಪಾರ್ಥಿವ | ಅಮರ್ಷೀ ವಚನಂ ಶ್ರುತ್ವಾ ಘಾತಯಿಷ್ಯತಿ ವಾನರಾನ್ || 32 || ಇಷ್ಟಂ ಮಧು ವನಂ ಹಿ ಏತತ್ ಸುಗ್ರೀವಸ್ಯ ಮಹಾತ್ಮನ: | ಪಿತೃ ಪೈತಾಮಹಂ ದಿವ್ಯಂ ದೇವೈ: ಅಪಿ ದುರಾಸದಂ || 33 || ಸ ವಾನರಾನ್ ಇಮಾನ್ ಸರ್ವಾನ್ ಮಧು ಲುಬ್ಧಾನ್ ಗತ ಆಯುಷ: | ಘಾತಯಿಷ್ಯತಿ ದಂಡೇನ ಸುಗ್ರೀವ: ಸಸುಹೃಜ್ ಜನಾನ್ || 34 || ವಧ್ಯಾ ಹಿ ಏತೇ ದುರಾತ್ಮಾನೋ ನೃಪ ಆಜ್ಞಾ ಪರಿಭಾವಿನ: | ಅಮರ್ಷ ಪ್ರಭವೋ ರೋಷ: ಸಫಲೋ ನೋ ಭವಿಷ್ಯತಿ || 35 || ಏವಂ ಉಕ್ತ್ವಾ ದಧಿ ಮುಖೋ ವನ ಪಾಲಾನ್ ಮಹಾಬಲ: | ಜಗಾಮ ಸಹಸಾ ಉತ್ಪತ್ಯ ವನ ಪಾಲೈ: ಸಮನ್ವಿತ: || 36 || ನಿಮೇಷ ಅಂತರ ಮಾತ್ರೇಣ ಸ ಹಿ ಪ್ರಾಪ್ತೋ ವನ ಆಲಯ: | ಸಹಸ್ರಾಂಶು ಸುತೋ ಧೀಮಾನ್ ಸುಗ್ರೀವೋ ಯತ್ರ ವಾನರ: || 37 || ರಾಮಂ ಚ ಲಕ್ಷ್ಮಣಂ ಚೈವ ದೃಷ್ಟ್ವಾ ಸುಗ್ರೀವಂ ಏವ ಚ | ಸಮ ಪ್ರತಿಷ್ಠಾಂ ಜಗತೀಂ ಆಕಾಶಾನ್ ನಿಪಪಾತ ಹ || 38 || ಸ ನಿಪತ್ಯ ಮಹಾವೀರ್ಯ: ಸರ್ವೈ: ತೈ: ಪರಿವಾರಿತ: | ಹರಿ: ದಧಿ ಮುಖ: ಪಾಲೈ: ಪಾಲಾನಾಂ ಪರಮ ಈಶ್ವರ: || 39 || ಸ ದೀನ ವದನೋ ಭೂತ್ವಾ ಕೃತ್ವಾ ಶಿರಸಿ ಚ ಅಂಜಲಿಂ | ಸುಗ್ರೀವಸ್ಯ ಶುಭೌ ಮೂಧ್ರ್ನಾ ಚರಣೌ ಪ್ರತ್ಯಪೀಡಯತ್ || 40 || || ಇತಿ ದ್ವಿಷಷ್ಟಿತಮ: ಸರ್ಗ: ||
ತತೋ ಮೂಧ್ರ್ನಾ ನಿಪತಿತಂ ವಾನರಂ ವಾನರರ್ಷಭ: | ದೃಷ್ಟ್ವೈವೋದ್ವಿಗ್ನಹೃದಯೋ ವಾಕ್ಯಮೋತದುವಾಚ ಹ || 1 || ಉತ್ತಿಷ್ಠೋತ್ತಿಷ್ಠ ಕಸ್ಮಾತ್ತ್ವಂ ಪಾದಯೋ: ಪತಿತೋ ಮಮ | ಅಭಯಂ ತೇ ಭವೇದ್ವೀರ ಸತ್ಯಮೇವಾಭಿಧೀಯತಾಂ || 2 || ಸ ತು ವಿಶ್ವಾಸಿತಸ್ತೇನ ಸುಗ್ರೀವೇಣ ಮಹಾತ್ಮನಾ | ಉತ್ಥಾಯ ಚ ಮಹಾಪ್ರಾಜ್ಞೋ ವಾಕ್ಯಂ ದಧಿಮುಖೋ„ಬ್ರವೀತ್ || 3 || ನೈವಕ್ರ್ಷರಜಸಾ ರಾಜನ್ನ ತ್ವಯಾ ನಾಪಿ ವಾಲಿನಾ | ವನಂ ನಿಸೃಷ್ಟಪೂರ್ವಂ ಹಿ ಭಕ್ಷಿತಂ ತತ್ತು ವಾನರೈ: || 4 || ಏಭಿ: ಪ್ರಧರ್ಷಿತಾಶ್ಚೈವ ವಾರಿತಾ ವನರಕ್ಷಿಭಿ: | ಮಧೂನ್ಯಚಿಂತಯಿತ್ವೇಮಾನ್ ಭಕ್ಷಯಂತಿ ಪಿಬಂತಿ ಚ || 5 || ಶಿಷ್ಟಮತ್ರಾಪವಿಧ್ಯಂತಿ ಭಕ್ಷಯಂತಿ ತಥಾಪರೇ | ನಿವಾರ್ಯಮಾಣಾಸ್ತೇ ಸರ್ವೇ ಭ್ರುವೌ ವೈ ದರ್ಶಯಂತಿ ಹಿ || 6 || ಇಮೇ ಹಿ ಸಂರಬ್ಧತರಾಸ್ತಥಾ ತೈ: ಸಂಪ್ರಧರ್ಷಿತಾ: | ವಾರಯಂತೋ ವನಾತ್ತಸ್ಮಾತ್ಕ್ರುದ್ಧೈರ್ವಾನರಪುಂಗವೈ: || 7 || ತತಸ್ತೈ: ಬಹುಭಿರ್ವೀರೈ: ವಾನರೈರ್ವಾನರರ್ಷಭಾ: | ಸಂರಕ್ತನಯನೈ: ಕ್ರೋಧಾದ್ಧರಯ: ಸಂಪ್ರಚಾಲಿತಾ: || 8 || ಪಾಣಿಭಿರ್ನಿಹತಾ: ಕೇ ಚಿತ್ಕೇ ಚಿಜ್ಜಾನುಭಿರಾಹತಾ: | ಪ್ರಕೃಷ್ಟಾಶ್ಚ ಯಥಾಕಾಮಂ ದೇವಮಾರ್ಗಂ ಚ ದರ್ಶಿತಾ: || 9 || ಏವಮೇತೇ ಹತಾ: ಶೂರಾಸ್ತ್ವಯಿ ತಿಷ್ಠತಿ ಭರ್ತರಿ | ಕೃತ್ಸ್ನಂ ಮಧುವನಂ ಚೈವ ಪ್ರಕಾಮಂ ತೈ: ಪ್ರಭಕ್ಷ್ಯತೇ || 10 || ಏವಂ ವಿಜ್ಜಾಪ್ಯಮಾನಂ ತು ಸುಗ್ರೀವಂ ವಾನರರ್ಷಭಂ | ಅಪೃಚ್ಛತ್ತಂ ಮಹಾಪ್ರಾಜ್ಞೋ ಲಕ್ಷ್ಮಣ: ಪರವೀರಹಾ || 11 || ಕಿಮಯಂ ವಾನರೋ ರಾಜನ್ವನಪ: ಪ್ರತ್ಯುಪಸ್ಥಿತ: | ಕಂ ಚಾರ್ಥಮಭಿನಿರ್ದಿಶ್ಯ ದು:ಖಿತೋ ವಾಕ್ಯಮಬ್ರವೀತ್ || 12 || ಏವಮುಕ್ತಸ್ತು ಸುಗ್ರೀವೋ ಲಕ್ಷ್ಮಣೇನ ಮಹಾತ್ಮನಾ | ಲಕ್ಷ್ಮಣಂ ಪ್ರತ್ಯುವಾಚೇದಂ ವಾಕ್ಯಂ ವಾಕ್ಯವಿಶಾರದ: || 13 || ಆರ್ಯ ಲಕ್ಷ್ಮಣ ಸಂಪ್ರಾಹ ವೀರೋ ದಧಿಮುಖ: ಕಪಿ: | ಅಂಗದ ಪ್ರಮುಖೈ: ವೀರೈರ್ಭಕ್ಷಿತಂ ಮಧುವಾನರೈ: || 14 || ವಿಚಿತ್ಯ ದಕ್ಷಿಣಾಮಾಶಾಮಾಗತೈರ್ಹರಿಪುಂಗವೈ: | ನೈಷಾಮಕೃತ ಕೃತ್ಯಾನಾಮೀದೃಶ: ಸ್ಯಾದುಪಕ್ರಮ: || 15 || ಆಗತೈಶ್ಚ ಪ್ರಮಥಿತಂ ಯಥಾ ಮಧುವನಂ ಹಿ ತೈ: | ಧರ್ಶಿತಂ ಚ ವನಂ ಕೃತ್ಸ್ನಮುಪಯುಕ್ತಂ ಚ ವಾನರೈ: || 16 || ವನಂ ಯಥಾಭಿಪನ್ನಂ ತೈ: ಸಾಧಿತಂ ಕರ್ಮ ವಾನರೈ: | ದೃಷ್ಟಾ ದೇವೀ ನ ಸಂದೇಹೋ ನ ಚಾನ್ಯೇನ ಹನೂಮತಾ || 17 || ನ ಹ್ಯನ್ಯ: ಸಾಧನೇ ಹೇತು: ಕರ್ಮಣೋ„ಸ್ಯ ಹನೂಮತ: | ಕಾರ್ಯಸಿದ್ಧಿ: ಹನುಮತಿ ಮತಿಶ್ಚ ಹರಿಪುಂಗವ || 18 || ವ್ಯವಸಾಯಶ್ಚ ವೀರ್ಯಂ ಚ ಶ್ರುತಂ ಚಾಪಿ ಪ್ರತಿಷ್ಠಿತಂ | ಜಾಂಬವಾನ್ಯತ್ರ ನೇತಾ ಸ್ಯಾದಂಗದಸ್ಯ ಬಲೇಶ್ವರ: || 19 || ಹನೂಮಾಂಶ್ಚಾಪ್ಯಧಿಷ್ಠಾತಾ ನ ತಸ್ಯ ಗತಿರನ್ಯಥಾ | ಅಂಗದ ಪ್ರಮುಖೈ: ವೀರೈರ್ಹತಂ ಮಧುವನಂ ಕಿಲ || 20 || ವಾರಿತಾ: ಸಹಿತಾ: ಪಾಲಾ: ತಥಾ ಜಾನುಭಿ: ಆಹತಾ: | ಏತದರ್ಥಮಯಂ ಪ್ರಾಪ್ತೋ ವಕ್ತುಂ ಮಧುರವಾಗಿಹ || 21 || ನಾಮ್ನಾ ದಧಿಮುಖೋ ನಾಮ ಹರಿ: ಪ್ರಖ್ಯಾತವಿಕ್ರಮ: | ದೃಷ್ಟಾ ಸೀತಾ ಮಹಾಬಾಹೋ ಸೌಮಿತ್ರೇ ಪಶ್ಯ ತತ್ತ್ವತ: || 22 || ಅಭಿಗಮ್ಯ ಯಥಾ ಸರ್ವೇ ಪಿಬಂತಿ ಮಧು ವಾನರಾ: | ನ ಚಾಪ್ಯದೃಷ್ಟ್ವಾ ವೈದೇಹೀಂ ವಿಶ್ರುತಾ: ಪುರುಷರ್ಷಭ || 23 || ವನಂ ದಾತ್ತ ವರಂ ದಿವ್ಯಂ ಧರ್ಷಯೇಯುರ್ವನೌಕಸ: | ತತ: ಪ್ರಹೃಷ್ಟೋ ಧರ್ಮಾತ್ಮಾ ಲಕ್ಷ್ಮಣ: ಸಹರಾಘವ: || 24 || ಶ್ರುತ್ವಾ ಕರ್ಣಸುಖಾಂ ವಾಣೀಂ ಸುಗ್ರೀವವದನಾಚ್ಚ್ಯುತಾಂ | ಪ್ರಾಹೃಷ್ಯತ ಭೃಶಂ ರಾಮೋ ಲಕ್ಷ್ಮಣಶ್ಚ ಮಹಾಯಶಾ: || 25 || ಶ್ರುತ್ವಾ ದಧಿಮುಖಸ್ಯೇದಂ ಸುಗ್ರೀವಸ್ತು ಪ್ರಹೃಷ್ಯ ಚ | ವನಪಾಲಂ ಪುನರ್ವಾಕ್ಯಂ ಸುಗ್ರೀವ: ಪ್ರತ್ಯಭಾಷತ || 26 || ಪ್ರೀತೋ„ಸ್ಮಿ ಸೌಮ್ಯ ಯದ್ಭುಕ್ತಂ ವನಂ ತೈ: ಕೃತಕರ್ಮಭಿ: | ಮರ್ಷಿತಂ ಮರ್ಷಣೀಯಂ ಚ ಚೇಷ್ಟಿತಂ ಕೃತಕರ್ಮಣಾಂ || 27 || ಇಚ್ಛಾಮಿ ಶೀಘ್ರಂ ಹನುಮತ್ಪ್ರಧಾನಾನ್ ಶಾಖಾಮೃಗಾಂ ತಾನ್ಮೃಗರಾಜದರ್ಪಾನ್ | ದ್ರಷ್ಟುಂ ಕೃತಾರ್ಥಾನ್ಸಹ ರಾಘವಾಭ್ಯಾಂ ಶ್ರೋತುಂ ಚ ಸೀತಾಧಿಗಮೇ ಪ್ರಯತ್ನಂ || 28 || ಪ್ರೀತಿಸ್ಫೀತಾಕ್ಷೌ ಸಂಪ್ರಹೃಷ್ಟೌ ಕುಮಾರೌ | ದೃಷ್ಟ್ವಾ ಸಿದ್ಧಾರ್ಥೌ ವಾನರಾಣಾಂ ಚ ರಾಜಾ | ಅಂಗೈ: ಸಂಹೃಷ್ಟೈ: ಕರ್ಮಸಿದ್ಧಿಂ ವಿದಿತ್ವಾ | ಬಾಹ್ವೂರಾಸನ್ನಾಂ ಸೋ„ತಿಮಾತ್ರಂ ನನಂದ || 29 || || ಇತಿ ತ್ರಿಷಷ್ಟಿತಮ: ಸರ್ಗ: ||
ಸುಗ್ರೀವೇಣೈವಮುಕ್ತಸ್ತು ಹೃಷ್ಟೇ ದಧಿಮುಖ: ಕಪಿ: | ರಾಘವಂ ಲಕ್ಷ್ಮಣಂ ಚೈವ ಸುಗ್ರೀವಂ ಚಾಭ್ಯವಾದಯತ್ || 1 || ಸ ಪ್ರಣಮ್ಯ ಚ ಸುಗ್ರೀವಂ ರಾಘವೌ ಚ ಮಹಾಬಲೌ | ವಾನರೈ: ಸಹಿತೈ: ಶೂರೈರ್ದಿವಮೇವೋತ್ಪಪಾತ ಹ || 2 || ಸ ಯಥೈವಾಗತ: ಪೂರ್ವಂ ತಥೈವ ತ್ವರಿತೋ ಗತ: | ನಿಪತ್ಯ ಗಗನಾದ್ಭೂಮೌ ತದ್ವನಂ ಪ್ರವಿವೇಶ ಹ || 3 || ಸ ಪ್ರವಿಷ್ಟೋ ಮಧುವನಂ ದದರ್ಶ ಹರಿಯೂಥಪಾನ್ | ವಿಮದಾನುದ್ಧತಾನ್ ಸರ್ವಾನ್ಮೇಹಮಾನಾನ್ ಮಧೂದಕಂ || 4 || ಸ ತಾನುಪಾಗಮದ್ವೀರೋ ಬದ್ಧ್ವಾ ಕರಪುಟಾಂಜಲಿಂ | ಉವಾಚ ವಚನಂ ಶ್ಲಕ್ಷ್ಣಮಿದಂ ಹೃಷ್ಟವದಂಗದಂ || 5 || ಸೌಮ್ಯ ರೋಷೋ ನ ಕರ್ತವ್ಯೋ ಯದೇಭಿರಭಿವಾರಿತ: | ಅಜ್ಞಾನಾದ್ರಕ್ಷಿಭಿ: ಕ್ರೋಧಾದ್ಭವಂತ: ಪ್ರತಿಷೇಧಿತಾ: || 6 || ಯುವರಾಜಸ್ತ್ವಮೀಶಶ್ಚ ವನಸ್ಯಾಸ್ಯ ಮಹಾಬಲ | ಮೌಖ್ರ್ಯಾತ್ಪೂರ್ವಂ ಕೃತೋ ದೋಷಸ್ತದ್ಭವಾನ್ ಕ್ಷಂತುಮರ್ಹತಿ || 7 || ಆಖ್ಯಾತಂ ಹಿ ಮಯಾ ಗತ್ವಾ ಪಿತೃವ್ಯಸ್ಯ ತವಾನಘ | ಇಹೋಪಯಾನಂ ಸರ್ವೇಷಾಮೇತೇಷಾಂ ವನಚಾರಿಣಾಂ || 8 || ಸ ತ್ವದಾಗಮನಂ ಶ್ರುತ್ವಾ ಸಹೈಭಿರ್ಹರಿಯೂಥಪೈ: | ಪ್ರಹೃಷ್ಟೋ ನ ತು ರುಷ್ಟೋ„ಸೌ ವನಂ ಶ್ರುತ್ವಾ ಪ್ರಧರ್ಷಿತಂ || 9 || ಪ್ರಹೃಷ್ಟೋ ಮಾಂ ಪಿತೃವ್ಯಸ್ತೇ ಸುಗ್ರೀವೋ ವಾನರೇಶ್ವರ: | ಶೀಘ್ರಂ ಪ್ರೇಷಯ ಸರ್ವಾಂಸ್ತಾನಿತಿ ಹೋವಾಚ ಪಾರ್ಥಿವ: || 10 || ಶ್ರುತ್ವಾ ದಧಿಮುಖಸ್ಯೈತದ್ವಚನಂ ಶ್ಲಕ್ಷ್ಣಮಂಗದ: | ಅಬ್ರವೀತ್ತಾನ್ಹರಿಶ್ರೇಷ್ಠೋ ವಾಕ್ಯಂ ವಾಕ್ಯವಿಶಾರದ: || 11 || ಶಂಕೇ ಶ್ರುತೋ„ಯಂ ವೃತ್ತಾಂತೋ ರಾಮೇಣ ಹರಿಯೂಥಪಾ: | ತತ್ಕ್ಷಮಂ ನೇಹ ನ: ಸ್ಥಾತುಂ ಕೃತೇ ಕಾರ್ಯೇ ಪರಂತಪಾ: || 12 || ಪೀತ್ವಾ ಮಧು ಯಥಾಕಾಮಂ ವಿಶ್ರಾಂತಾ ವನಚಾರಿಣ: | ಕಿಂ ಶೇಷಂ ಗಮನಂ ತತ್ರ ಸುಗ್ರೀವೋ ಯತ್ರ ಮೇ ಗುರು: || 13 || ಸರ್ವೇ ಯಥಾ ಮಾಂ ವಕ್ಷ್ಯಂತಿ ಸಮೇತ್ಯ ಹರಿಯೂಥಪಾ: | ತಥಾಸ್ಮಿ ಕರ್ತಾ ಕರ್ತವ್ಯೇ ಭವದ್ಭಿ: ಪರವಾನಹಂ || 14 || ನಾಜ್ಞಾಪಯಿತುಮೀಶೋ„ಹಂ ಯುವರಾಜೋ„ಸ್ಮಿ ಯದ್ಯಪಿ | ಅಯುಕ್ತಂ ಕೃತಕರ್ಮಾಣೋ ಯೂಯಂ ಧರ್ಷಯಿತುಂ ಮಯಾ || 15 || ಬ್ರುವತಶ್ಚಾಂಗದಶ್ಚೈವಂ ಶ್ರುತ್ವಾ ವಚನಮವ್ಯಯಂ | ಪ್ರಹೃಷ್ಟಮನಸೋ ವಾಕ್ಯಮಿದಮೂಚುರ್ವನೌಕಸ: || 16 || ಏವಂ ವಕ್ಷ್ಯತಿ ಕೋ ರಾಜನ್ಪ್ರಭು: ಸಂವಾನರರ್ಷಭ | ಐಶ್ವರ್ಯಮದಮತ್ತೋ ಹಿ ಸರ್ವೋ„ಹಮಿತಿ ಮನ್ಯತೇ || 17 || ತವ ಚೇದಂ ಸುಸದೃಶಂ ವಾಕ್ಯಂ ನಾನ್ಯಸ್ಯ ಕಸ್ಯ ಚಿತ್ | ಸಂನತಿರ್ಹಿ ತವಾಖ್ಯಾತಿ ಭವಿಷ್ಯಚ್ಛುಭಭಾಗ್ಯತಾಂ || 18 || ಸರ್ವೇ ವಯಮಪಿ ಪ್ರಾಪ್ತಾಸ್ತತ್ರ ಗಂತುಂ ಕೃತಕ್ಷಣಾ: | ಸ ಯತ್ರ ಹರಿವೀರಾಣಾಂ ಸುಗ್ರೀವ: ಪತಿರವ್ಯಯ: || 19 || ತ್ವಯಾ ಹ್ಯನುಕ್ತೈರ್ಹರಿಭಿರ್ನೈವ ಶಕ್ಯಂ ಪದಾತ್ಪದಂ | ಕ್ವ ಚಿದ್ಗಂತುಂ ಹರಿಶ್ರೇಷ್ಠ ಬ್ರೂಮ: ಸತ್ಯಮಿದಂ ತು ತೇ || 20 || ಏವಂ ತು ವದತಾಂ ತೇಷಾಮಂಗದ: ಪ್ರತ್ಯಭಾಷತ | ಬಾಢಂ ಗಚ್ಛಾಮ ಇತ್ಯುಕ್ತ್ವಾ ಉತ್ಪಪಾತ ಮಹೀತಲಾತ್ || 21 || ಉತ್ಪತಂತಮನೂತ್ಪೇತು: ಸರ್ವೇ ತೇ ಹರಿಯೂಥಪಾ: | ಕೃತ್ವಾ„„ಕಾಶಂ ನಿರಾಕಾಶಂ ಯಯಂತ್ರತ್ಕ್ಷಿಪ್ತಾ ಇವಾಚಲಾ: || 22 || ತೇ„ಂಬರಂ ಸಹಸೋತ್ಪತ್ಯ ವೇಗವಂತ: ಪ್ಲವಂಗಮಾ: | ವಿನದಂತೋ ಮಹಾನಾದಂ ಘನಾ ವಾತೇರಿತಾ ಯಥಾ || 23 || ಅಂಗದೇ ಹ್ಯನನುಪ್ರಾಪ್ತೇ ಸುಗ್ರೀವೋ ವಾನರಾಧಿಪ: | ಉವಾಚ ಶೋಕೋಪಹತಂ ರಾಮಂ ಕಮಲಲೋಚನಂ || 24 || ಸಮಾಶ್ವಸಿಹಿ ಭದ್ರಂ ತೇ ದೃಷ್ಟಾ ದೇವೀ ನ ಸಂಶಯ: | ನಾಗಂತುಮಿಹ ಶಕ್ಯಂ ತೈರತೀತೇ ಸಮಯೇ ಹಿ ನ: || 25 || ನ ಮತ್ಸಕಾಶಮಾಗಚ್ಛೇತ್ಕೃತ್ಯೇ ಹಿ ವಿನಿಪಾತಿತೇ | ಯುವರಾಜೋ ಮಹಾಬಾಹು: ಪ್ಲವತಾಂ ಪ್ರವರೋ„ಂಗದ: || 26 || ಯದ್ಯಪ್ಯಕೃತಕೃತ್ಯಾನಾಮೀದೃಶ: ಸ್ಯಾದುಪಕ್ರಮ: | ಭವೇತ್ತು ದೀನವದನೋ ಭ್ರಾಂತವಿಪ್ಲುತಮಾನಸ: || 27 || ಪಿತೃಪೈತಾಮಹಂ ಚೈತತ್ಪೂರ್ವಕೈರಭಿರಕ್ಷಿತಂ | ನ ಮೇ ಮಧುವನಂ ಹನ್ಯಾದಹೃಷ್ಟ: ಪ್ಲವಗೇಶ್ವರ: || 28 || ಕೌಸಲ್ಯಾ ಸುಪ್ರಜಾ ರಾಮ ಸಮಾಶ್ವಸಿಹಿ ಸುವ್ರತ | ದೃಷ್ಟಾ ದೇವೀ ನ ಸಂದೇಹೋ ನ ಚಾನ್ಯೇನ ಹನೂಮತಾ || 29 || ನ ಹ್ಯನ್ಯ: ಕರ್ಮಣೋ ಹೇತು: ಸಾಧನೇ ತದ್ವಿಧೋ ಭವೇತ್ | ಹನೂಮತಿ ಹಿ ಸಿದ್ಧಿಶ್ಚ ಮತಿಶ್ ಚ ಮತಿಸತ್ತಮ || 30 || ವ್ಯವಸಾಯಶ್ಚ ವೀರ್ಯಂ ಚ ಸೂರ್ಯೇ ತೇಜ ಇವ ಧ್ರುವಂ | ಜಾಂಬವಾನ್ಯತ್ರ ನೇತಾ ಸ್ಯಾದಂಗದಶ್ಚ ಬಲೇಶ್ವರ: || 31 || ಹನೂಮಾಂಶ್ಚಾಪ್ಯಧಿಷ್ಠಾತಾ ನ ತಸ್ಯ ಗತಿರನ್ಯಥಾ | ಮಾ ಭೂಶ್ಚಿಂತಾ ಸಮಾಯುಕ್ತ: ಸಂಪ್ರತ್ಯಮಿತವಿಕ್ರಮ || 32 || ತತ: ಕಿಲ ಕಿಲಾ ಶಬ್ದಂ ಶುಶ್ರಾವಾಸನ್ನಮಂಬರೇ | ಹನೂಮತ್ಕರ್ಮದೃಪ್ತಾನಾಂ ನರ್ದತಾಂ ಕಾನನೌಕಸಾಂ || 33 || ಕಿಷ್ಕಿಂಧಾಮುಪಯಾತಾನಾಂ ಸಿದ್ಧಿಂ ಕಥಯತಾಂ ಇವ | ತತ: ಶ್ರುತ್ವಾ ನಿನಾದಂ ತಂ ಕಪೀನಾಂ ಕಪಿಸತ್ತಮ: || 34 || ಆಯತಾಂಚಿತಲಾಂಗೂಲ: ಸೋ„ಭವದ್ಧೃಷ್ಟಮಾನಸ: | ಆಜಗ್ಮುಸ್ತೇ„ಪಿ ಹರಯೋ ರಾಮದರ್ಶನಕಾಂಕ್ಷಿಣ: || 35 || ಅಂಗದಂ ಪುರತ: ಕೃತ್ವಾ ಹನೂಮಂತಂ ಚ ವಾನರಂ | ತೇ„ಂಗದಪ್ರಮುಖಾ ವೀರಾ: ಪ್ರಹೃಷ್ಟಾಶ್ಚ ಮುದಾನ್ವಿತಾ: || 36 || ನಿಪೇತುರ್ಹರಿರಾಜಸ್ಯ ಸಮೀಪೇ ರಾಘವಸ್ಯ ಚ | ಹನೂಮಾಂಶ್ಚ ಮಹಾಬಹು: ಪ್ರಣಮ್ಯ ಶಿರಸಾ ತತ: || 37 || ನಿಯತಾಮಕ್ಷತಾಂ ದೇವೀಂ ರಾಘವಾಯ ನ್ಯವೇದಯತ್ | ನಿಶ್ಚಿತಾರ್ಥಂ ತತಸ್ತಸ್ಮಿನ್ಸುಗ್ರೀವಂ ಪವನಾತ್ಮಜೇ | ಲಕ್ಷ್ಮಣ: ಪ್ರೀತಿಮಾನ್ಪ್ರೀತಂ ಬಹುಮಾನಾದವೈಕ್ಷತ || 38 || ಪ್ರೀತ್ಯಾ ಚ ರಮಮಾಣೋ„ಥ ರಾಘವ: ಪರವೀರಹಾ | ಬಹು ಮಾನೇನ ಮಹತಾ ಹನೂಮಂತಮವೈಕ್ಷತ || 39 || || ಇತಿ ಚತು:ಷಷ್ಟಿತಮ: ಸರ್ಗ: ||
ತದ: ಪ್ರಸ್ರವಣಂ ಶೈಲಂ ತೇ ಗತ್ವಾ ಚಿತ್ರಕಾನನಂ | ಪ್ರಣಮ್ಯ ಶಿರಸಾ ರಾಮಂ ಲಕ್ಷ್ಮಣಂ ಚ ಮಹಾಬಲಂ || 1 || ಯುವರಾಜಂ ಪುರಸ್ಕೃತ್ಯ ಸುಗ್ರೀವಮಭಿವಾದ್ಯ ಚ | ಪ್ರವೃತ್ತಮಥ ಸೀತಾಯಾ: ಪ್ರವಕ್ತುಮುಪಚಕ್ರಮು: || 2 || ರಾವಣಾಂತ:ಪುರೇ ರೋಧಂ ರಾಕ್ಷಸೀಭಿಶ್ಚ ತರ್ಜನಂ | ರಾಮೇ ಸಮನುರಾಗಂ ಚ ಯಶ್ಚಾಪಿ ಸಮಯ: ಕೃತ: || 3 || ಏತದಾಖ್ಯಾಂತಿ ತೇ ಸರ್ವೇ ಹರಯೋ ರಾಮ ಸನ್ನಿಧೌ | ವೈದೇಹೀಮಕ್ಷತಾಂ ಶ್ರುತ್ವಾ ರಾಮಸ್ತೂತ್ತರಮಬ್ರವೀತ್ || 4 || ಕ್ವ ಸೀತಾ ವರ್ತತೇ ದೇವೀ ಕಥಂ ಚ ಮಯಿ ವರ್ತತೇ | ಏತನ್ಮೇ ಸರ್ವಮಾಖ್ಯಾತ ವೈದೇಹೀಂ ಪ್ರತಿ ವಾನರಾ: || 5 || ರಾಮಸ್ಯ ಗದಿತಂ ಶ್ರುತ್ವ ಹರಯೋ ರಾಮಸನ್ನಿಧೌ | ಚೋದಯಂತಿ ಹನೂಮಂತಂ ಸೀತಾವೃತ್ತಾಂತಕೋವಿದಂ || 6 || ಶ್ರುತ್ವಾ ತು ವಚನಂ ತೇಷಾಂ ಹನೂಮಾನ್ಮಾರುತಾತ್ಮಜ: | ಪ್ರಣಮ್ಯ ಶಿರಸಾ ದೇವ್ಯೈ ಸೀತಾಯೈ ತಾಂ ದಿಶಂ ಪ್ರತಿ || 7 || ಉವಾಚ ವಾಕ್ಯಂ ವಾಕ್ಯಜ್ಞ: ಸೀತಾಯಾ ದರ್ಶನಂ ಯಥಾ | ಸಮುದ್ರಂ ಲಂಘಯಿತ್ವಾ„ಹಂ ಶತಯೋಜನಮಾಯತಂ || 8 || ಅಗಚ್ಛಂ ಜಾನಕೀಂ ಸೀತಾಂ ಮಾರ್ಗಮಾಣೋ ದಿದೃಕ್ಷಯಾ | ತತ್ರ ಲಂಕೇತಿ ನಗರೀ ರಾವಣಸ್ಯ ದುರಾತ್ಮನ: || 9 || ದಕ್ಷಿಣಸ್ಯ ಸಮುದ್ರಸ್ಯ ತೀರೇ ವಸತಿ ದಕ್ಷಿಣೇ | ತತ್ರ ದೃಷ್ಟಾ ಮಯಾ ಸೀತಾ ರಾವಣಾಂತ:ಪುರೇ ಸತೀ || 10 || ಸಂನ್ಯಸ್ಯ ತ್ವಯಿ ಜೀವಂತೀ ರಾಮಾ ರಾಮ ಮನೋರಥಂ | ದೃಷ್ಟಾ ಮೇ ರಾಕ್ಷಸೀ ಮಧ್ಯೇ ತಜ್ರ್ಯಮಾನಾ ಮುಹುರ್ಮುಹು: || 11 || ರಾಕ್ಷಸೀಭಿರ್ವಿರೂಪಾಭೀ ರಕ್ಷಿತಾ ಪ್ರಮದಾವನೇ | ದು:ಖಮಾಪದ್ಯತೇ ದೇವೀ ತವಾದು:ಖೋಚಿತಾ ಸತೀ || 12 || ರಾವಣಾಂತ:ಪುರೇ ರುದ್ಧ್ವಾ ರಾಕ್ಷಸೀಭಿ: ಸುರಕ್ಷಿತಾ | ಏಕವೇಣೀಧರಾ ದೀನಾ ತ್ವಯಿ ಚಿಂತಾಪರಾಯಣಾ || 13 || ಅಧ:ಶಯ್ಯಾ ವಿವರ್ಣಾಂಗೀ ಪದ್ಮಿನೀವ ಹಿಮಾಗಮೇ | ರಾವಣಾದ್ವಿನಿವೃತ್ತಾರ್ಥಾ ಮರ್ತವ್ಯಕೃತನಿಶ್ಚಯಾ || 14 || ದೇವೀ ಕಥಂ ಚಿತ್ಕಾಕುತ್ಸ್ಥ ತ್ವನ್ಮನಾ ಮಾರ್ಗಿತಾ ಮಯಾ | ಇಕ್ಷ್ವಾಕುವಂಶವಿಖ್ಯಾತಿಂ ಶನೈ: ಕೀರ್ತಯತಾನಘ || 15 || ಸ ಮಯಾ ನರಶಾರ್ದೂಲ ವಿಶ್ವಾಸಮುಪಪಾದಿತಾ | ತತ: ಸಂಭಾಷಿತಾ ದೇವೀ ಸರ್ವಮರ್ಥಂ ಚ ದರ್ಶಿತಾ || 16 || ರಾಮಸುಗ್ರೀವಸಖ್ಯಂ ಚ ಶ್ರುತ್ವಾ ಪ್ರೀತಿಮುಪಾಗತಾ | ನಿಯತ: ಸಮುದಾಚಾರೋ ಭಕ್ತಿಶ್ಚಾಸ್ಯಾಸ್ತಥಾ ತ್ವಯಿ || 17 || ಏವಂ ಮಯಾ ಮಹಾಭಾಗಾ ದೃಷ್ಟಾ ಜನಕನಂದಿನೀ | ಉಗ್ರೇಣ ತಪಸಾ ಯುಕ್ತಾ ತ್ವದ್ಭಕ್ತ್ಯಾ ಪುರುಷರ್ಷಭ || 18 || ಅಭಿಜ್ಞಾನಂ ಚ ಮೇ ದತ್ತಂ ಯಥಾವೃತ್ತಂ ತವಾಂತಿಕೇ | ಚಿತ್ರಕೂಟೇ ಮಹಾಪ್ರಾಜ್ಜ ವಾಯಸಂ ಪ್ರತಿ ರಾಘವ || 19 || ವಿಜ್ಞಾಪ್ಯಶ್ಚ ನರ ವ್ಯಾಘ್ರೋ ರಾಮೋ ವಾಯುಸುತ ತ್ವಯಾ | ಅಖಿಲೇನೇಹ ಯದ್ದೃಷ್ಟಮಿತಿ ಮಾಮಾಹ ಜಾನಕೀ || 20 || ಅಯಂ ಚಾಸ್ಮೈ ಪ್ರದಾತವ್ಯಂ ಯತ್ನಾತ್ಸುಪರಿರಕ್ಷಿತಂ | ಬ್ರುವತಾ ವಚನಾನ್ಯೇವಂ ಸುಗ್ರೀವಸ್ಯೋಪಶೃಣ್ವತ: || 21 || ಏಷ ಚೂಡಾಮಣಿ: ಶ್ರೀಮಾನ್ಮಯಾ ತೇ ಯತ್ನರಕ್ಷಿತ: | ಮನ:ಶಿಲಾಯಾಸ್ತಿಕಲಸ್ತಂ ಸ್ಮರಸ್ವೇತಿ ಚಾಬ್ರವೀತ್ || 22 || ತ್ವಯಾ ಪ್ರಾಷ್ಟೇ ತಿಂಕೇ ತಂ ಕಿಲ ಸ್ಮರ್ತುಮರ್ಹಸಿ | ಏಷ ನಿರ್ಯಾತಿತ: ಶ್ರೀಮಾನ್ಮಯಾ ತೇ ವಾರಿಸಂಭವ: || 23 || ಏತಂ ದೃಷ್ಟ್ವಾ ಪ್ರಮೋದಿಷ್ಯೇ ವ್ಯಸನೇ ತ್ವಾಮಿವಾನಘ | ಜೀವಿತಂ ಧಾರಯಿಷ್ಯಾಮಿ ಮಾಸಂ ದಶರಥಾತ್ಮಜ || 24 || ಊಧ್ರ್ವಂ ಮಾಸಾನ್ನ ಜೀವೇಯಂ ರಕ್ಷಸಾಂ ವಶಮಾಗತಾ | ಇತಿ ಮಾಮಬ್ರವೀತ್ಸೀತಾ ಕೃಶಾಂಗೀ ಧರ್ಮ ಚಾರಿಣೀ || 25 || ರಾವಣಾಂತ:ಪುರೇ ರುದ್ಧಾ ಮೃಗೀವೋತ್ಫುಲ್ಲಲೋಚನಾ | ಏತದೇವ ಮಯಾಖ್ಯಾತಂ ಸರ್ವಂ ರಾಘವ ಯದ್ಯಥಾ || 26 || ಸರ್ವಥಾ ಸಾಗರಜಲೇ ಸಂತಾರ: ಪ್ರವಿಧೀಯತಾಂ | ತೌ ಜಾತಾಶ್ವಾಸೌ ರಾಜಪುತ್ರೌ ವಿದಿತ್ವಾ ತಚ್ಚಾಭಿಜ್ಜಾನಂ ರಾಘವಾಯ ಪ್ರದಾಯ | ದೇವ್ಯಾ ಚಾಖ್ಯಾತಂ ಸರ್ವಮೇವಾನುಪೂವ್ರ್ಯಾದ್ ವಾಚಾ ಸಂಪೂರ್ಣಂ ವಾಯುಪುತ್ರ: ಶಶಂಸ || 27 || || ಇತಿ ಪಂಚಷಷ್ಟಿತಮ: ಸರ್ಗ: ||
ಏವಮುಕ್ತೋ ಹನುಮತಾ ರಾಮೋ ದಶರಥಾತ್ಮಜ: | ತಂ ಮಣಿಂ ಹೃದಯೇ ಕೃತ್ವಾ ಪ್ರರುರೋದ ಸಲಕ್ಷ್ಮಣ: || 1 || ತಂ ತು ದೃಷ್ಟ್ವಾ ಮಣಿಶ್ರೇಷ್ಠಂ ರಾಘವ: ಶೋಕಕರ್ಶಿತ: | ನೇತ್ರಾಭ್ಯಾಮಶ್ರುಪೂರ್ಣಾಭ್ಯಾಂ ಸುಗ್ರೀವಮಿದಮಬ್ರವೀತ್ || 2 || ಯಥೈವ ಧೇನು: ಸ್ರವತಿ ಸ್ನೇಹಾದ್ವತ್ಸಸ್ಯ ವತ್ಸಲಾ | ತಥಾ ಮಮಾಪಿ ಹೃದಯಂ ಮಣಿರತ್ನಸ್ಯ ದರ್ಶನಾತ್ || 3 || ಮಣಿರತ್ನಮಿದಂ ದತ್ತಂ ವೈದೇಹ್ಯಾ: ಶ್ವಶುರೇಣ ಮೇ | ವಧೂಕಾಲೇ ಯಥಾ ಬದ್ಧಮಧಿಕಂ ಮೂಧ್ರ್ನಿ ಶೋಭತೇ || 4 || ಅಯಂ ಹಿ ಜಲಸಂಭೂತೋ ಮಣಿ: ಪ್ರವರಪೂಜಿತ: | ಯಜ್ಞೇ ಪರಮತುಷ್ಟೇನ ದತ್ತ: ಶಕ್ರೇಣ ಧೀಮತಾ || 5 || ಇಮಂ ದೃಷ್ಟ್ವಾ ಮಣಿಶ್ರೇಷ್ಠಂ ತಥಾ ತಾತಸ್ಯ ದರ್ಶನಂ | ಅದ್ಯಾಸ್ಮ್ಯವಗತ: ಸೌಮ್ಯ ವೈದೇಹಸ್ಯ ತಥಾ ವಿಭೋ: || 6 || ಅಯಂ ಹಿ ಶೋಭತೇ ತಸ್ಯಾ: ಪ್ರಿಯಾಯಾ ಮೂಧ್ರ್ನಿ ಮೇ ಮಣಿ: | ಅದ್ಯಾಸ್ಯ ದರ್ಶನೇನಾಹಂ ಪ್ರಾಪ್ತಾಂ ತಾಂ ಇವ ಚಿಂತಯೇ || 7 || ಕಿಮಾಹ ಸೀತಾ ವೈದೇಹೀ ಬ್ರೂಹಿ ಸೌಮ್ಯ ಪುನ: ಪುನ: | ಪರಾಸುಮಿವ ತೋಯೇನ ಸಿಂಚಂತೀ ವಾಕ್ಯವಾರಿಣಾ || 8 || ಇತಸ್ತು ಕಿಂ ದು:ಖತರಂ ಯದಿಮಂ ವಾರಿಸಂಭವಂ | ಮಣಿಂ ಪಶ್ಯಾಮಿ ಸೌಮಿತ್ರೇ ವೈದೇಹೀಮಾಗತಂ ವಿನಾ || 9 || ಚಿರಂ ಜೀವತಿ ವೈದೇಹೀ ಯದಿ ಮಾಸಂ ಧರಿಷ್ಯತಿ | ಕ್ಷಣಂ ಸೌಮ್ಯ ನ ಜೀವೇಯಂ ವಿನಾ ತಾಮಸಿತೇಕ್ಷಣಾಂ || 10 || ನಯ ಮಾಮಪಿ ತಂ ದೇಶಂ ಯತ್ರ ದೃಷ್ಟಾ ಮಮ ಪ್ರಿಯಾ | ನ ತಿಷ್ಠೇಯಂ ಕ್ಷಣಮಪಿ ಪ್ರವೃತ್ತಿಮುಪಲಭ್ಯ ಚ || 11 || ಕಥಂ ಸಾ ಮಮ ಸುಶ್ರೋಣಿ ಭೀರು ಭೀರು: ಸತೀ ತದಾ | ಭಯಾವಹಾನಾಂ ಘೋರಾಣಾಂ ಮಧ್ಯೇ ತಿಷ್ಠತಿ ರಕ್ಷಸಾಂ || 12 || ಶಾರದಸ್ತಿಮಿರೋನ್ಮುಖೋ ನೂನಂ ಚಂದ್ರ ಇವಾಂಬುದೈ: | ಆವೃತಂ ವದನಂ ತಸ್ಯಾ ನ ವಿರಾಜತಿ ರಾಕ್ಷಸೈ: || 13 || ಕಿಮಾಹ ಸೀತಾ ಹನುಮಂಸ್ತತ್ತ್ವತ: ಕಥಯಸ್ವ ಮೇ | ಏತೇನ ಖಲು ಜೀವಿಷ್ಯೇ ಭೇಷಜೇನಾತುರೋ ಯಥಾ || 14 || ಮಧುರಾ ಮಧುರಾಲಾಪಾ ಕಿಮಾಹ ಮಮ ಭಾಮಿನೀ | ಮದ್ವಿಹೀನಾ ವರಾರೋಹಾ ಹನುಮನ್ಕಥಯಸ್ವ ಮೇ || 15 || || ಇತಿ ಷಟ್ಷಷ್ಟಿತಮ: ಸರ್ಗ: ||
ಏವಮುಕ್ತಸ್ತು ಹನುಮಾನ್ರಾಘವೇಣ ಮಹಾತ್ಮನಾ | ಸೀತಾಯಾ ಭಾಷಿತಂ ಸರ್ವಂ ನ್ಯವೇದಯತ ರಾಘವೇ || 1 || ಏವಮುಕ್ತವತೀ ದೇವೀ ಜಾನಕೀ ಪುರುಷರ್ಷಭ | ಪೂರ್ವವೃತ್ತಮಭಿಜ್ಜಾನಂ ಚಿತ್ರಕೂಟೇ ಯಥಾ ತಥಂ || 2 || ಸುಖಸುಪ್ತಾ ತ್ವಯಾ ಸಾರ್ಧಂ ಜಾನಕೀ ಪೂರ್ವಮುತ್ಥಿತಾ | ವಾಯಸ: ಸಹಸೋತ್ಪತ್ಯ ವಿರರಾದ ಸ್ತನಾಂತರೇ || 3 || ಪರ್ಯಾಯೇಣ ಚ ಸುಪ್ತಸ್ತ್ವಂ ದೇವ್ಯಂಕೇ ಭರತಾಗ್ರಜ | ಪುನಶ್ಚ ಕಿಲ ಪಕ್ಷೀ ಸ ದೇವ್ಯಾ ಜನಯತಿ ವ್ಯಥಾಂ || 4 || ಪುನ: ಪುನರುಪಾಗಮ್ಯ ವಿರರಾದ ಭೃಶಂ ಕಿಲ | ತತಸ್ತ್ವಂ ಬೋಧಿತಸ್ತಸ್ಯಾ: ಶೋಣಿತೇನ ಸಮುಕ್ಷಿತ: || 5 || ವಾಯಸೇನ ಚ ತೇನೈವ ಸತತಂ ಬಾಧ್ಯಮಾನಯಾ | ಬೋಧಿತ: ಕಿಲ ದೇವ್ಯಾಸ್ತ್ವಂ ಸುಖಸುಪ್ತ: ಪರಂತಪ || 6 || ತಾಂ ತು ದೃಷ್ಟ್ವಾ ಮಹಾಬಾಹೋ ರಾದಿತಾಂ ಚ ಸ್ತನಾಂತರೇ | ಆಶೀವಿಷ ಇವ ಕ್ರುದ್ಧೋ ನಿ:ಶ್ವಸನ್ನಭ್ಯಭಾಷಥಾ: || 7 || ಬ್ರೂಯಾಸ್ತು ರಾಮಸ್ಯ ಗತ: ಸಮೀಪಂ ಶಿವಶ್ಚ ತೇ„ಧ್ವಾಸ್ತು ಹರಿಪ್ರವೀರ || 36 || ಏತತ್ತವಾರ್ಯಾ ನೃಪರಾಜಸಿಂಹ ಸೀತಾ ವಚ: ಪ್ರಾಹ ವಿಷಾದಪೂರ್ವಂ | ಏತಚ್ಚ ಬುದ್ಧ್ವಾ ಗದಿತಂ ಮಯಾ ತ್ವಂ ಶ್ರದ್ಧತ್ಸ್ವ ಸೀತಾಂ ಕುಶಲಾಂ ಸಮಗ್ರಾಂ || 37 || || ಇತಿ ಸಪ್ತಷಷ್ಟಿತಮ: ಸರ್ಗ: ||
ಅಥಾಹಮುತ್ತರಂ ದೇವ್ಯಾ ಪುನರುಕ್ತ: ಸಸಂಭ್ರಮಂ | ತವ ಸ್ನೇಹಾನ್ನರವ್ಯಾಘ್ರ ಸೌಹಾರ್ಯಾದನುಮಾನ್ಯ ಚ || 1 || ಏವಂ ಬಹುವಿಧಂ ವಾಚ್ಯೋ ರಾಮೋ ದಾಶರಥಿಸ್ತ್ವಯಾ | ಯಥಾ ಮಾಮಾಪ್ನುಯಾಚ್ಛೀಘ್ರಂ ಹತ್ವಾ ರಾವಣಮಾಹವೇ || 2 || ಯದಿ ವಾ ಮನ್ಯಸೇ ವೀರ ವಸೈಕಾಹಮರಿಂದಮ | ಕಸ್ಮಿಂಶ್ಚಿತ್ಸಂವೃತೇ ದೇಶೇ ವಿಶ್ರಾಂತ: ಶ್ವೋ ಗಮಿಷ್ಯಸಿ || 3 || ಮಮ ಚಾಪ್ಯಲ್ಪಭಾಗ್ಯಾಯಾ: ಸಾನ್ನಿಧ್ಯಾತ್ತವ ವಾನರ | ಅಸ್ಯ ಶೋಕವಿಪಾಕಸ್ಯ ಮುಹೂರ್ತಂ ಸ್ಯಾದ್ವಿಮೋಕ್ಷಣಂ || 4 || ಗತೇ ಹಿ ತ್ವಯಿ ವಿಕ್ರಾಂತೇ ಪುನರಾಗಮನಾಯ ವೈ | ಪ್ರಾಣಾನಾಮಪಿ ಸಂದೇಹೋ ಮಮ ಸ್ಯಾನ್ನಾತ್ರ ಸಂಶಯ: || 5 || ತವಾದರ್ಶನಜ: ಶೋಕೋ ಭೂಯೋ ಮಾಂ ಪರಿತಾಪಯೇತ್ | ದು:ಖಾದ್ದು:ಖಪರಾಭೂತಾಂ ದುರ್ಗತಾಂ ದು:ಖಭಾಗಿನೀಂ || 6 || ಅಯಂ ತು ವೀರಸಂದೇಹಸ್ತಿಷ್ಠತೀವ ಮಮಾಗ್ರತ: | ಸುಮಹಾಂಸ್ತ್ವತ್ಸಹಾಯೇಷು ಹರ್ಯೃಕ್ಷೇಷು ಅಸಂಶಯ: || 7 || ಕಥಂ ನು ಖಲು ದುಷ್ಪಾರಂ ತರಿಷ್ಯಂತಿ ಮಹೋದಧಿಂ | ತಾನಿ ಹರ್ಯೃಕ್ಷಸೈನ್ಯಾನಿ ತೌ ವಾ ನರವರಾತ್ಮಜೌ || 8 || ತ್ರಯಾಣಾಮೇವ ಭೂತಾನಾಂ ಸಾಗರಸ್ಯಾಸ್ಯ ಲಂಘನೇ | ಶಕ್ತಿ: ಸ್ಯಾದ್ವೈನತೇಯಸ್ಯ ವಾಯೋರ್ವಾ ತವ ವಾನಘ || 9 || ತದಸ್ಮಿನ್ಕಾರ್ಯನಿಯೋಗೇ ವೀರೈವಂ ದುರತಿಕ್ರಮೇ | ಕಿಂ ಪಶ್ಯಸಿ ಸಮಾಧಾನಂ ಬ್ರೂಹಿ ಕಾರ್ಯವಿದಾಂ ವರ || 10 || ಕಾಮಮಸ್ಯ ತ್ವಮೇವೈಕ: ಕಾರ್ಯಸ್ಯ ಪರಿಸಾಧನೇ | ಪರ್ಯಾಪ್ತ: ಪರವೀರಘ್ನ ಯಶಸ್ಯಸ್ತೇ ಬಲೋದಯ: || 11 || ಬಲೈ: ಸಮಗ್ರೈರ್ಯದಿ ಮಾಂ ಹತ್ವಾ ರಾವಣಮಾಹವೇ | ವಿಜಯೀ ಸ್ವಾಂ ಪುರೀಂ ರಾಮೋ ನಯೇತ್ತತ್ಸ್ಯಾದ್ಯಶಸ್ಕರಂ || 12 || ಯಥಾಹಂ ತಸ್ಯ ವೀರಸ್ಯ ವನಾದುಪಧಿನಾ ಹೃತಾ | ರಕ್ಷಸಾ ತದ್ಭಯಾದೇವ ತಥಾ ನಾರ್ಹತಿ ರಾಘವ: || 13 || ಬಲೈಸ್ತುಸಂಕುಲಾಂ ಕೃತ್ವಾ ಲಂಕಾಂ ಪರಬಲಾರ್ದನ: | ಮಾಂ ನಯೇದ್ಯದಿ ಕಾಕುತ್ಸ್ಥಸ್ತತ್ತಸ್ಯ ಸದೃಶಂ ಭವೇತ್ || 14 || ಯತ್ ತಥಾ ತಸ್ಯ ವಿಕ್ರಾಂತಮನುರೂಪಂ ಮಹಾತ್ಮನ: | ಭವತ್ಯಾಹವಶೂರಸ್ಯ ತಥಾ ತ್ವಮುಪಪಾದಯ || 15 || ತದರ್ಥೋಪಹಿತಂ ವಾಕ್ಯಂ ಪ್ರಶ್ರಿತಂ ಹೇತುಸಂಹಿತಂ | ನಿಶಮ್ಯಾಹಂ ತತ: ಶೇಷಂ ವಾಕ್ಯಮುತ್ತರಮಬ್ರುವಂ || 16 || ದೇವಿ ಹರ್ಯೃಕ್ಷಸೈನ್ಯಾನಾಮೀಶ್ವರ: ಪ್ಲವತಾಂ ವರ: | ಸುಗ್ರೀವ: ಸತ್ತ್ವಸಂಪನ್ನಸ್ತವಾರ್ಥೇ ಕೃತನಿಶ್ಚಯ: || 17 || ತಸ್ಯ ವಿಕ್ರಮಸಂಪನ್ನಾ: ಸತ್ತ್ವವಂತೋ ಮಹಾಬಲಾ: | ಮನ:ಸಂಕಲ್ಪಸಂಪಾತಾ ನಿದೇಶೇ ಹರಯ: ಸ್ಥಿತಾ: || 18 || ಯೇಷಾಂ ನೋಪರಿ ನಾಧಸ್ತಾನ್ನ ತಿರ್ಯಕ್ಸಜ್ಜತೇ ಗತಿ: | ನ ಚ ಕರ್ಮಸು ಸೀದಂತಿ ಮಹತ್ಸ್ವಮಿತತೇಜಸ: || 19 || ಅಸಕೃತ್ತೈ: ಮಹಾಭಾಗೈ: ವಾನರೈ: ಬಲಸಂಯುತೈ: | ಪ್ರದಕ್ಷಿಣೀಕೃತಾ ಭೂಮಿರ್ವಾಯುಮಾರ್ಗಾನುಸಾರಿಭಿ: || 20 || ಮದ್ವಿಶಿಷ್ಟಾಶ್ಚ ತುಲ್ಯಾಶ್ಚ ಸಂತಿ ತತ್ರ ವನೌಕಸ: | ಮತ್ತ: ಪ್ರತ್ಯವರ: ಕಶ್ಚಿನ್ನಾಸ್ತಿ ಸುಗ್ರೀವಸನ್ನಿಧೌ || 21 || ಅಹಂ ತಾವದಿಹ ಪ್ರಾಪ್ತ: ಕಿಂ ಪುನಸ್ತೇ ಮಹಾಬಲಾ: | ನ ಹಿ ಪ್ರಕೃಷ್ಟಾ: ಪ್ರೇಷ್ಯಂತೇ ಪ್ರೇಷ್ಯಂತೇ ಹೀತರೇ ಜನಾ: || 22 || ತದಲಂ ಪರಿತಾಪೇನ ದೇವಿ ಮನ್ಯುವ್ರ್ಯಪೈತು ತೇ | ಏಕೋತ್ಪಾತೇನ ತೇ ಲಂಕಾಮೇಷ್ಯಂತಿ ಹರಿಯೂಥಪಾ: || 23 || ಮಮ ಪೃಷ್ಠಗತೌ ತೌ ಚ ಚಂದ್ರಸೂರ್ಯಾವಿವೋದಿತೌ | ತ್ವತ್ಸಕಾಶಂ ಮಹಾಭಾಗೇ ನೃಸಿಂಹಾವಾಗಮಿಷ್ಯತ: || 24 || ಅರಿಘ್ನಂ ಸಿಂಹಸಂಕಾಶಂ ಕ್ಷಿಪ್ರಂ ದ್ರಕ್ಷ್ಯಸಿ ರಾಘವಂ | ಲಕ್ಷ್ಮಣಂ ಚ ಧನುಷ್ಪಾಣಿಂ ಲಂಕಾ ದ್ವಾರಮುಪಸ್ಥಿತಂ || 25 || ನಖದಂಷ್ಟ್ರಾಯುಧಾನ್ ವೀರಾನ್ ಸಿಂಹಶಾರ್ದೂಲ ವಿಕ್ರಮಾನ್ | ವಾನರಾನ್ ವಾನರೇಂದ್ರಾಭಾಂಕ್ಷಿಪ್ರಂ ದ್ರಕ್ಷ್ಯಸಿ ಸಂಗತಾನ್ || 26 || ಶೈಲಾಂಬುದನ್ನಿಕಾಶಾನಾಂ ಲಂಕಾಮಲಯಸಾನುಷು | ನರ್ದತಾಂ ಕಪಿಮುಖ್ಯಾನಾಮಚಿರಾಚ್ಛೋಷ್ಯಸೇ ಸ್ವನಂ || 27 || ನಿವೃತ್ತವನವಾಸಂ ಚ ತ್ವಯಾ ಸಾರ್ಧಮರಿಂದಮಂ | ಅಭಿಷಿಕ್ತಮಯೋಧ್ಯಾಯಾಂ ಕ್ಷಿಪ್ರಂ ದ್ರಕ್ಷ್ಯಸಿ ರಾಘವಂ || 28 || ತತೋ ಮಯಾ ವಾಗ್ಭಿರದೀನಭಾಷಿಣೀ ಶಿವಾಭಿರಿಷ್ಟಾಭಿ: ಅಭಿಪ್ರಸಾದಿತಾ | ಜಗಾಮ ಶಾಂತಿಂ ಮಮ ಮೈಥಿಲಾತ್ಮಜಾ ತವಾಪಿ ಶೋಕೇನ ತಥಾಭಿಪೀಡಿತಾ || 29 || || ಇತಿ ಅಷ್ಟಷಷ್ಟಿತಮ: ಸರ್ಗ: ||

ಶ್ರೀಮದ್ ವಾಲ್ಮೀಕಿ ರಾಮಾಯಣ – ಸುಂದರಕಾಂಡ

ನೀವು ಈ ಡಾಕ್ಯುಮೆಂಟ್ ಅನ್ನು ಡೌನ್‌ಲೋಡ್ ಮಾಡಬಹುದು